()()():::()()() آ‘حــــزـز آ‘ نــ ()()():::()()()

[سيلفانو]

ليه يا دنيا علينا جارحة
وكتيرة علينا الفرحه
وبالضحكة لينا مش سامحة
ومفيش غير الاحزان

ليه ديما جرح ودمع
ليه ديما مطفى الشمع
ومتفرق ليه الجمع
وليه ديما حرمان


ليه اعز الناس واخداهم
والاصحاب بعداهم
وافراحنا ديساهم
والهم فكل مكان


لو ضحكتينا فيوم
بتملينا سنين بهموم
وسماكى تبقا غيوم
ويلعنك الانسان

بتشدينا بحنانك
وتديينا كل أمانك
وبعدين نشرب حرمانك
وندوق كاس الاحزان


فيكى اللى معاه المال
وقايلاله ده مال حلال
يصبح مربوط بحبال
وواقف عليه سجان

فيكى اللى عاشها فقير
وداق منك مر كتير
وبردو مذلول واسير
وكاره فيكى الزمان

فيكى اللى حب وصان
ورجعتيه متخان
قدام نفسه متهان
ودابحاه الاحزان


فيكى يا دنيا وفيكى
فيكى اللى عاش لياليكى
وعاش عمرة يرضيكى
لكن اهو كان ياما كان




بــقـــلــمــى :::: نــــــــــور

[عبد العزيز الشراكي]

تعبٌ كلها الحياة
قوَّانا الله ُعلى أنْ نحيا
لك كل الاحترام

[سيلفانو]

المشاركة الأصلية كتبت بواسطة عبد العزيز الشراكي

تعبٌ كلها الحياة
قوَّانا الله ُعلى أنْ نحيا
لك كل الاحترام

مشكور يا استاذنا على مرورك الغالى
دمت بكل الخير وفى حفظ الرحمن

[مـــــلك]

جميله أوي يانور
وخصوصاً الكلمات دي بجد هايله
لو ضحكتينا فيوم
بتملينا سنين بهموم
وسماكى تبقا غيوم
ويلعنك الانسان

بتشدينا بحنانك
وتديينا كل أمانك
وبعدين نشرب حرمانك
وندوق كاس الاحزان

بجد يعني تسلم إيدك كلماتك روعه
لامست قلبي