()::()::()()::: لـــــــــــــــــــــــــوـو :::()()::()::()

[سيلفانو]

لو كان الحب فقلبى
هيعمى فيا عنيا

ولو كان العشق وحبى
هيكتف فيا ايديا

ولو كان حبيبى جمبى
ومش حاسس باللى بيا

يبقا يا حسرة قلبى
على حب هيموت بإيديا


منا مش هستنا اليوم اللى يبعنى فيه
ولا هستنا هموم هتجيلى فلياليه
ده قلبى عن الحب يصوم ولا انه يركع ليه
ده العشق كده مسموم وهو لقلبى ساقيه


ياما الدنيا معايا
لفت وعليا دارت
وياما ظلمت فيا
وياما عليا جارت
وفالحب شدت ايديا
وبيه عليا شارت
وفالاخر سيبانى جريح
مركب وخداها الريح
مش عارف رايحه لفين


ياما شوفت منها
ودوقت المر وكاسه
وكنت واحد منها
للحزن اعز ناسه
وبقيت بسببها ومنها
واحد الحزن داسه
مدبوح قلبى جوايا
للدمع صورة وآيه
واحد مالمحرومين



لو كان الحب فقلبى
هيعمى فيا عنيا

ولو كان العشق وحبى
هيكتف فيا ايديا

ولو كان حبيبى جمبى
ومش حاسس باللى بيا

يبقا يا حسرة قلبى
على حب هيموت بإيديا



بــــــــــ noor ــــقلمــــــــى

[احمد عبدالشكور]

مبدع دائما
متألق دائما
رائع يانور

[سيلفانو]

المشاركة الأصلية كتبت بواسطة احمد عبدالشكور

مبدع دائما
متألق دائما
رائع يانور

حبيبى احمد عبد الشكور
لا يكتمل ما اكتب بحلاوته
الا بمرورك الغالى
دام تواصلك
ودمت بكل الخير

[ريهمسة]

طبعا رائع دائما ومبدع
احساس عالي نور
احاسيسك بترجم اللي في قلبك طبعا
ليه دايما قسوه -حزن -فراق -عتاب
ياريت لو شئ مالحب والرومانسيه الايجابية بين الطرفين
دمت بخير ودام قلبك ينبض
ليفيض علينا بالكلمات المتلآلئه

[سيلفانو]

المشاركة الأصلية كتبت بواسطة ريهمسة

طبعا رائع دائما ومبدع
احساس عالي نور
احاسيسك بترجم اللي في قلبك طبعا
ليه دايما قسوه -حزن -فراق -عتاب
ياريت لو شئ مالحب والرومانسيه الايجابية بين الطرفين
دمت بخير ودام قلبك ينبض
ليفيض علينا بالكلمات المتلآلئه

ريهمسه

مشكورة على اجمل مرور
وعلى رأيك الجميل فى كلماتى المتواضعه

دمتى بخير

[ملاك وعيونه هلااك]

والله والله والله روعه بس حزينه أوي

[سيلفانو]

مشكورة ملاك على مرورك الغالى
دمتى بخير