|
#1
22-09-2012, 09:10 PM
|
||||
|
||||
شخبطة ثورية
شخبطة ثورية حكاية مصرية... شعبية .. حال المصراوية .. قبل طريق الحرية عدت ايام ملهاش ملامح فى بلد اللى جاى مش رايح حلم الفقير البسيط اللى عايش فى بلده كانه سائح نفسه فى لقمة ولو حتى قديمة وياه على ريحة البط اللى فايح ارحم يا اخى دا اخوك جعان اعمله ايه ما هو اللى كسلان قوم يا بنى شوف شغلك نازل فى الشارع والشغل بعيد اكيد ماشى فى الحر الشديد مه لو معايا تمن الترماى كنت جبت بيه فطار كنت معدى من جمب تحرير ناس فاضية بتهتف وتعيد عيش حرية مياه فى الحنفية دول شكلهم عالم هفية عيش مين ولمين دول حكمنا شوية حرمية قولت اقف اتفرج عليهم عيش جمعية تسقية للملوخية بضحك وكان دا كله افيه اخ الشغل اتاخرت عليه خدتها جرى مش شايف وصلت الشغل وانا مدارى خد تعالى هنا اخ قفشنى الراجل الكبير اكيد اتفصلت دا راجل شرير متاخر وجاى بتدلع برا وان شاء الله تولع قولت دا ظلم دا افترا دا حتى حرام نزلت ع التحرير اكمل فرجة عيش حرية عدالة اجتماعية ايه دا حرية منسية دول عالم ثورية داخلية همجية دول عالم بلطجية ضربوا الاحرار بالمية اجرى ولا اقف طيب اعمل ايه ورقة وقلم طيب اكتب ايه انا اسف يا بلدى مفهمتش فكرتك دول اللى جايين ينوروا سكتك بيهتفوا ليكى ورينا همتك ثوار احرار هنكمل المشوار مشوار ايه رايحين على فين مشوار اللى ماتوا دانيال وعفت علاء عبد الهادى خالد سعيد وسيد بلال انس الشهيد جونيور وغندور طيب كانوا رايحين على فين على الحرية رايحين يهتفوا بالملايين عيش حرية عدالة اجتماعية كرامة انسانية ايه دا ماتوا علشان انا اعيش طيب وفين حقى ولا انا مليش لا انا لازم احارب واجيبه مش انا اللى في يوم اسيبه اجمع هنا فى الميدان ضد كل اللى خان اه يارجلى اه يا عنيا واحد مات على ايديا قالى وصيه مش مكتوبة دافع عن بلدى المحبوبة ضد اللى بيكرهوها على علمها فوق الدنيا اوعى تستنى لو حتى ثانية دافع عنها بكل سلاحك مصر تداوى كل جراحك فهمت الفكرة والليلة مصمم بلدى من انهاردا مش هتتالم جاى يابلدى وكلى حرية هحررك يابلدى من العبودية ومن الذل والتبعية بس لو مت متنسيش الابطال اللى روا ارضك من الاحرار متنسيبيش حقنا وليكى انتى القرار ؟؟؟ ومتتعبش نفسك دى مجرد شخبطة 
__________________
انا اللى لما بجوع بعنيكى بتصبر
ميغركيش العدد والله انا اكتر انا اللى مش اخوان وانا اللى مش عـســكر 
|
|
#2
23-09-2012, 01:31 AM
|
|||
|
|||
|
اقتباس:
ياريت كل الشخبطة تبقى زي كده
ربنا يبارك فيك وفى كل الشباب اللى زيك تسلم ايدك راااااااااااااااااااااائعة
|
|
#3
23-09-2012, 01:07 PM
|
||||
|
||||
|
عندما أغضب من بلدى أقرأ لك حتى أهدأ و أعرف أنه لا يجوز أن نغضب من بلدنا بل علينا ان نحارب و نجهاد فى كل المجالات من أجلها
ربنا يديم عليك الشخبطة  جمييييييييل و سلس و رااااااااااااائع شيماء " بكراوى "
__________________
حكمتُ بقلبى فما دلّنى سواء السبيل فكان الخطر
حكمتُ بعقلى فكنت الذى يحاول باليد قبضَ الشّرر
|
|
#5
23-09-2012, 06:44 PM
|
||||
|
||||
|
حلم الفقير البسيط
اللى عايش فى بلده كانه سائح بقا دى شخبطة بذمة دى لوحة مرسومةى بلون الغضب على بلدنا بجد دام ابداعك يا منير قصيدة رائعة
__________________
ودعاً وارجو ان ذكرتونى فاذكرونى بخير ,دعواتكم ........... افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#6
25-09-2012, 04:11 PM
|
||||
|
||||
|
اقتباس:
ربنا يخليكى نورتى التوبيك اقتباس:
بلدنا جميلة تستحق ان نحميها لا ان نهينها منورة يا شيماء اقتباس:
ربنا يا خليك يا مريم
ودائما منورة مواضيعى بنقدك وتعليقك الجميل
__________________
انا اللى لما بجوع بعنيكى بتصبر
ميغركيش العدد والله انا اكتر انا اللى مش اخوان وانا اللى مش عـســكر
|
|
#7
26-09-2012, 12:40 PM
|
||||
|
||||
|
ههههههههههاااااااااااااااااااااااااااااييييييييييي ييييلللللللللللللللللللللللللللهههههههههههههههه
يعني هايله حقيقي وربنا تسلم إيدك
__________________
النار لاتحرق الا رجل واطيها اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى
|
|
#8
25-05-2013, 07:43 PM
|
||||
|
||||
|
اقتباس:
__________________
انا اللى لما بجوع بعنيكى بتصبر
ميغركيش العدد والله انا اكتر انا اللى مش اخوان وانا اللى مش عـســكر
|
|
#10
28-05-2013, 10:20 AM
|
||||
|
||||
|
الثائر والمتمرد دائما منير
أنت متحدث رسمى بلسان كثيرين من أبناء جيلك وأهم ما يميز إبداعك هو أسلوبك الصريح فى التعبير عن فكرتك لا تعرف التلون أو المهادنه فأنت دائما كالريح والسيل والبركان وهو شىء يجب احترامه فى المبدع أن يكون له مبدأ يؤمن به ولا ضير من الاختلاف معك فى الفكر ولكن فى النهاية لا خلاف
__________________
اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:43 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
