عدد ساعات الحصص و المذاكرة للطفل يجب الا تزيد عن 4 ساعات

[مسلمة22]

السلام عليكم


بنص قوانين الدولة ان موظف الحكومة ساعات عمله اليومية يجب الا تزيد عن 8 ساعات ، و الحكومة بتمنع الموظفين من العمل في جهات اخري



طيب يبقي كدة مفروض الطفل يبقي عدد ساعات عمله لا تزيد عن 4 ساعات ، و ال 4 ساعات دي تشمل اي مجهود ذهني بيعمله الطفل يبقي تشمل الحصص و المذاكرة و الدروس



لكن اللي بيحصل الان ***** يفوق الخيال طفل مفروض لو حسبنا ساعات عمله اليومية حنلاقيها توصل ل 17 ساعة في اليوم


هو بعد كدة بيفقد وصف طفل و بعد كدة بيفقد وصف كائن حي

[مسلمة22]

هل يعقل ان المدرس ممكن يشتغل في يوم 3 حصص و الطفل يشتغل 7 حصص

و كمان ده غير ان الطفل بيذل مجهود اكبر من المدرس ، المدرس بيلقي المعلومة اللي حافظها و قاالها 1000 مرة قبل كدة

لكن الطفل بتلقي المعلومة و ده عايز تركيز كبير عشان يقدر يستوعب و يفهم و يحفظ

المدرس لو اشتغل 6 حصص في اليوم حيبقي ده يوم غير عادي يوم طحن ، و الطفل لما يشتغل الشغل ده كل يوم ده يبقي العادي و كل مدرس يدخل و يحاسبه و يعاقبه و سمع انت خدت ايه و كتبت ايه

ليه مش بنعتبر المدرسة دي زي الوظيفة و محتاجة مجهود ، و الجمعيات بتوع حقوق الانسان لما بيمنعوا الطفل من العمل ، طيب ما العمل الحركي مش مجهد زي العمل الذهني ، العمل الذهني اكتر اجهادا

جمعيات حقوق الانسان ليه مش بيقولوا ان مفروض ساعات عمل الطفل في اليوم مفروض لا تزيد عن نصف ساعات عمل الرجل

وياريت الطفل بيشتغل 7 حصص بس في اليوم ده بيروح وراه مذاكرة و دروس وواجبات

[مسلمة22]

مفروض يمشوا الطلبة بعد صلاة الضهر

اليوم الدراسى :
إن تحديد اليوم الدراسى يتوقف على الأسس التالية :
-عدد ساعات فهم الطالب وهى تتراوح بين ثلاث ساعات وأربع غالبا فالقلب وهو العقل يمل بسرعة وفى هذا قال أحدهم "لا شىء أسرع تقلبا من القلب "ومن ثم وجب تقليب القلب باختلاف المواد حتى لا يمل .
-نظام تناول الوجبات خاصة الغداء وغالبا يكون فى العالم الإسلامى قبل أو عند الظهر مباشرة أو بعدها بساعة أو اثنين ومن ثم وجب عدم شغل الطالب بموعد الغداء .
-أن الله جعل راحة الإنسان فى الظهيرة وهى ما يسمى القيلولة وفيها قال تعالى بسورة النور "وحين تخلعون ثيابكم من الظهيرة ".
وبناء على ما سبق يكون طول اليوم الدراسى ثلاث ساعات ونصف تبدأ من الثامنة صباحا حتى الحادية عشر والنصف أو الثانية عشر وهو وقت الظهر حتى يعود الطلاب لبيوتهم لتناول الغداء

[hamada_97]

انا عندى تعليق على كام حاجة كده :
1- بالنسبة لعدد الساعات مش كتير ،،، يعنى لو حسبنا ان المفروض فى اليوم 8 مواد على 8 حصص ،،، كل مادة بتاخد ساعة إلا ربع ،، و بالاضافة غلى ذلك المدرس اللى مش هامه غير كتابة الدرس علشان الموجهه هايشوفه ،، و مش هامه الطلاب يفهموا و لا لا ، يعنى قولى 17 دقيقة ،،، و على ما الاستاذ يشرح فى نقطة واحدة فى كتاب النقطة ديه متفرعة من نقطة أخرى اللى هيه من اجزاء درس معين اللى هو فى فصل معين من وحدة معينة من باب معين من مادة معيينة فيها 11 باب (مثلا) ، و الباب فيه كام وحدة و الحدة فيها كام درس و الدرس فيه كام نقطة و النقطة متفرع منها كام حاجة
يعنى الوقت كله ضايع فى جزء من مائة جزء من المادة و طابور الصباح اللى بيوقفونا و لا الطلاب و لا المدرسين بيفتحوا افواههم فى النشيد و لا فى تدريب ينشط الجسم و لا حاجة
المدرسة مضيعة للوقت مذهبة للعقل و الاخلاق ،،، يعنى الدرس اللى باخد فيه 5 دقائق فى المدرسة علشان افهم نقطه منه ، مش كان أولى اخد ساعتين افهم الدرس كله بدل البهدلة ؟؟

2- بالنسبة لان الطالب يتحول فهى بصراحة صح ،،، انا عن نفسى شكلى بيتغير و بخس نص كيلو اسبوعيا اثناء الدراسة ماعدا الخميس و الجمعة و السبت ،،،(قبل الدروس ) ،،، و ايام الامتحانات ببقى شبه الـــــ..( و لا بلاش)