داخلية الاخوان قتلوا جابر

[Monier]

جابر
اين انت يا صديقى
لم اقابلك قط
ولكنك كنت للكفاح زميل
صديق للميدان
صديق للكيان
صديق للحرية
فلتسقط السلمية
ما اصعبها من ايام
افارق اشخاص كثيرة
منهم من اعرفها جيدا
ومنه من لم اقابلها مطلقا
عرفتهم من افعالهم
تمنيت رؤيتهم
ولكن سبقنى الموت لهم
لا استطيع ان اعدكم بالقصاص
ولا هقولكوا حقكوا مش هيروح
بس هقول انتوا فى منزلة افضل بكتير
مالك يا مصر معذبه ولادك
جابر مات برصاص حكامك
ملعون اليوم
اللى حكمنا فيها كلابك
ولا فكرنا فى يوم نحرر بلادك
قتلى ومصابين
بيموتوا فى الميادين
وانتى ساكته وبتتفرجى
ملعون الصمت لو مش هتتحركى
قولتلنا زمان خليك جبان
جيا دلوقتى تطلبى الامان
انتى اللى رخصتى دمنا
وبتفرطى كل يوم فى حقنا
انطقى اصرخى باسمنا
هاتى حق اللى ماتوا قبلنا
علشان نقدر نفديكى بدمنا
البسى يا مصر اسود على الاخوان
كلاب للسلطة وللشهداء خان
ورئيس اونطة فى زمن النسيان
الدم فى بلادنا سايل
وفى غزة بيقود البشاير
هو انت رئيسنا ولا رئيس العرب
ركز فى بلدك وشعبك اللى انكسر
جابر انتخبك وعصر اللمونه
ونزل هتفلك لما حكمت المصونة
وفى نفس المكان اتقتل
مه البلد دى مجنونة
هتفناها زمان وهنفضل نقولها
الاخوان خانوا وهفضل اعيدها
على الحيطة هكتب تاريخ الامة
ان الاخوان خونة وكلاب للسلطة
وبقول مبارك افرح واتهنا
بيكمل مشوارك كلاب البنا
دى وجهه نظرى لن اطلب من احد ان يتقبلها من يريد الرد اهلا به من يريد ان يهاجم كلامى اهلا به ولكن فليتحمل كل شخص نتيجة رده ولا يغضب من ردى

[مـــــلك]

أعجبني كثيراً ما خطه قلمك
ربما روحك الثائرة دوماً
تجعلك أكثر تنظيماً لأفكارك
منير
لك رأيك وأفكارك واتجاهاتك
التي نحترمها ونقدرها
ربنا يوفقك إلى ما يحب ويرضى
بارك الله فيك

عاملة حداد يا بهية عاملة حداد على مين ؟
على اللى ماتوا كبار ولا ماتوا صُغيرين
فى ماتش كورة يروح بدل الجدع سبعين
عيال تروح تتعلم مات من العيال خمسين
ورجال بتحرس حدودك قتلوا الرجال صايمين
عاملة حداد يا بهية عاملة حداد على مين ؟
وانا كل يوم فى بلدنا شايف الرجال شايلين
فوق الكتاف النعوش وعالقبور رايحين
والتُربى ماسك فاس وهيحفر لمين ولمين
وفاس النهضة مش للزرع دى فاسها للميتين
عاملة حداد يا بهية عاملة حداد على مين ؟
شكل الحداد هيطول وهيبقى سنين وسنين
حطى الشريطة السودة واعملى التأبين
على اللى ماتوا يا بلدى واللى كمان عايشين
عاملة حداد يا بهية عاملة حداد على مين
راقت لي كما راقت لي كلماتك