دستور يا سيدنا

[Monier]

دستور يا سيدنا
ايه اللى جابنا
غير حرية
عدالة اجتماعية
قولناها سلمية
فى كل الميادين
والشعب حزين
مات الورد
اللى فتح فى البساتين
علشان نعيش
ونلاقى العيش
نعيش بكرامة
مش ذل واهانة
دستور عقيم
ملهوش مثيل
كوسة ومطبوخ
اتارية كستور
اعقم دستور
ولا بيمثلنى
دا بيجرمنى
لا للدستور
من غير ماتقول
كافر وفلول
انا كافر بنظام
الميدان حرام
ا*** ودمر
مين اللى بيأمر
ربك بيستر
حقولها بامانة
خسة وندالة
حزب الاندال
ارحموا الاموات
اموات الحرية
مش هقول شهداء
لان دا بالنية
ومش هتبقى تذكية
نحتسبها شهداء
علشان الكرامة
ماتت الامانة
اعلام اخوان
وشعب جبان
قولناها سلمية
سمعوها سلبية
فضلوا ساكتين
وبالذل راضين
فساد وفساد
ضد الجلاد
اللى بي***نا
حاكم بيوهمنا
ان دى حرية
من غير شرعية
تبقى وهمية
حزبك مغرور
دستورك كستور

[ضياء الدين سعيد]

دستور كستور
إن كنت قرأته
وفهمت مواده
وناقشته وشوفته
سبحان من صور
في يومين خلصته !!؟؟
وفهمت كلامه
ولقيته مزور !!
أنا لسه في ربعه
وعاجبني أنا شرعه
ولحد ما أخلص
مش همدح وأنصب
أو أنافق وأسكت
بنحب رئيسنا
ونشيله فوق رأسنا
لأنه مخدش
من جبنا فلوسنا
م***ش وجوع
ولا نافق شعبه
مش من أخوانه
مبحبش حزبه
أنا مصري ومسلم
مش ضد مبادئه
لو دستور بلدك
مش عاجبك صوت
قول لأ يا كوسه
والكل يصوت
في الآخر يكسب
إللي ربك عايزه
ولحد ما أخلص
أفهم وأناقشه
ما أنا مش راح أجامل
وأهد وأعاتبه
أنا هصرخ لأه
وبجد ساعتها
يا بــ أيوا موافق
يا بلأ وبشده
يا صاحبي أعقلها
وبلاش تتهور
ذي إللي يسبوا
في الشيخ حسان
ويقولوا بإنه
بينافق بلده !!!!
إقرأ وأتمعن
وإللي مش فاهمه
إسأل عن أهله
وأستفسر منهم
هتلاقي مبادئه
وبيخدم مين
هل هو بتاعنا
ولا لجماعته
ضد الحريه
ضد الشرعية
أستنى يا صاحبي
متثورش تحدي
الحق هيظهر
لما إحنا نناقشه


أخي منير أسلوبك الثوري يثير ما بداخلي من كلمات لتنتج رداً عن ما يدور بعقلي
مازلنا نختلف سياسياً ولكن يجمعنا حباً أخوياً

تقبل مروري وتقديري وإحترامي

[مـــــلك]

منير حقيقي برافوووووو عليك
بجد ياريت كل الشباب عقولها كده
ربنا يكتر من امثالك
احنا مصريين مسلمين بنحب بلدنا
أستمر بنفس الروح الثائرة
قريباً سوف نصل للافضل