حاكموا الشهيد

[Monier]

ياللى سكتو عن الحقوق

وجايين تهتفوا بالسلبية

اللى بيرضى بالظلم هيدوقوه

ويعرف ايه هى العبودية

يلا قوموا وحاكموا الشهيد

واكتب الصوت كما تريد

يمكن كنا زمان عبيد

بس صرخنا وقولنا لا نريد

لا لكل نظام خان

لا لكل عبد جبان

واقف ضد حرية الغلبان

رافض كل كلام اتقال

عن الثورة والاحلام

رافض يصرخ او يتحرك

رافض يسجل بالدماء

كل كلام الشهداء

حاكموا الشهيد لو تعرفوه
حاكموا الشهيد لو يوم شفتوه

جهزوا الدليل ولفقوه

بلطجى او عميل او خونوه

واسطورة حرية دمروها

وقضية جديدة افتحوها

وبشوية نفاق سطروها

وبظلم وعذاب كملوها

واوعا تخاف من اللى بيصرخوا

مه الوقت هينسوها

بكره هيكتب غيره المجد

وهيحلم بطلوع الفجر

حتى وان طال الدهر

مهما مات مننا ملايين

مهما مات شعب حزين

شعب لادى العنيد

فاق وصرخ احنا مش عبيد

بيع الدم واوعا تخاف

شعبك تعب بعد ما شاف

رجعنا تانى للسلبية

كنا بنهتفها سلمية

قالوا علينا بلطجية

واحنا بنهتف بالحرية

الحرية المنسية

من بلطجة الدخلية

وشعب بيقول ديقمراطية

وهما كارهين البشرية

[مـــــلك]

جميله أوي كلماتك يامنير
حقيقي تسلم إيدك
في أنتظار كل جديد لقلمك المتميز

[محمد محمود بدر]

جزاك الله خيرا

[اسلام محمد الفرجاني]

جزاك الله خيرا

[رحييق]

حاكموا الشهيد !!! هو اللي الدور عليه !!
...

تذكروا شهيد الرصاص والطعنـات

الذي تصــدَّى للظلـــم وتحـــــــداهُ

مصيره كما عرفنــــا وكـــل هـــذا

لأنه ثار والحريـــة كانت مغـــزاهُ

وانظــــروا للمصــــاب ممن فقــــد

بعض أعضــائه وأُخرجت عينـــاهُ

الله يشهد مــــا نظرنــا لصــــورهم

يوما وخالف دمـعُ القلــبِ مجــراهُ

المبدع منير دام نبض قلمك
تحيتي وتقديري