حاجة منتشرة ف القسم ده بس حراااااام

[account closed]

السلام عليكم ورحمة الله وبركاته .


أنا ياجماعة بئالى كتييييييييييييير ملاحظة حاجة ف القسم ده والحاجة دى حراااااااام شرعا.


للأسف الكل هنا بيحتفل بعيد الميلاد ونسينا إن عيد الميلاد بدعة .


بل أى عيد غير عيد الفطر وعيد الأضحى يكون بدعة زى مثلآ :


( عيد الميلاد _ عيد الحب _ عيد الأم _ عيد رأس السنة الميلادية اللى هو أصلآ مش لينا .........)


وللأسف اللى ضايقنى أكتر إن الملتزمين دينيا ف المنتدى بدون ذكر أسماء هما اللى بيحيوا البدعة دى.


أنا بس حبيت أنصحكم من باب الأخوة ف الإسلام .


سلام عليكم .

[CoMMaNdo]

ايه دا هوا انا لما اقول لواحد كل سنه وانت طيب يبقى حرام
طب والله كويس كدا
هتحرموا ايه تانى بقى

[marwa.m]

بقى لما نهنى حد بعيد ميلادة حرام

طيب ممكن نعرف اية المعصية الى عملناها واية الذنب فى كدة

[Sherif Elkhodary]

انا مش بقول عيد ميلاد

بقول يوم ميلاد

لاني عارف ان عيد حرام

لكن كل سنة و انت طيب مش فيها حاجة

[Sharp Nails]

خوخة ياجميلة الموضوع
بنعمله من باب ادخال سرور على مسلم
ودية حاجة تفرح الشخص الى بنحبه
لما يلاقينا مهتمين بيه

وبعدين لما نفرح حد هيكون لينا اجر
مش كدة ولا انا غلطانة

[themoondream]

ايه يا خوخة جرى ايه يعني
مفيهاش حاجة أما اقول كل سنة وانت طيبة
حد يكره يكون طيب كل سنة
اما بمناسبة عيد الميلاد مش جرى حاجة
الاسلام دين يسر لا عسر

[سارة الزمردة]

اولا جزاكى الله خيرا اختى خوخة ع الموضوع
انا متفقة معاكى فى اللى حضرتك بتقوليه
بس احنا بنقول يوم ميلاد او تاريخ ميلاد
لكن طبعا عيد لا لا لا ومينفعش نحتفل بيه
لكن كل سنة وانتى طيبة دى بنقولها عادى فى اى وقت
ربنا يبارك فيكى ويجعله فى ميزان حسناتك

[..Just Stop]

اولا سلام عليكم
ثانيا دى بتبقا مجرد اعطاء اهتمام لعضو من الاعضاء
علشان نحسسه اننا فاكرينه
بنهيه فى فرحه
وبنباركله
وبنقوله كل سنة وهو طيب
وبندعيله دعوتين حلوين
اظن مفيهاش حاجة

[( لؤلؤة الإسلام )]

جزاكي الله خير يا خوخة ... أنا معاكي ..
فعلا احنا مش مفروض نحتفل بأعياد الميلاد ... و أنا عن نفسي ما باحتفلش بيها و لا باحضرها ..
بس بنهني بعض مش أكتر ...

[perfect-girl]

جزاكى الله خييرا
بس ده زى ما ووضح الاعضاء
يوم ميلاد او تاريييخ
وفعلا من اجل ادخال سرور عـ مسلم

[فراق]

بجد يا خوخة انتى شجاعة انا جمعت اراء العلماء في الاحتفال بعيد الميلاد وقولت انزله هنا بس خفت من الانتقادات اللى بتترمى على اى حد يعمل حاجة زى كده وانا بالذات فمسحتها تانى بس بحزن اوى كل اما الاقى حد كاتب الموضوع ده بجد جزاك الله خير ولو تحبو اجيبلكو اراء العلماء مش عندى مانع

[Travel]

كل سنة وانتوا طيبيين
بصى
هو من نحية الدين فاماشى مرفوض وكده
على اساس ان اعياد الميلاد والاعياد اللى هى مش دينية او كده بدعة
. . . .
بس اعتقد يعنى ان ادخل بسمة او فرحة على حد بتبقى كويسة
ده غير اننا بنحس اننا اخوات فعلا لما بنفتكر
عيد ميلاد حد
او بنعيد على بعض
او بنواسى بعض

اعتقد ان مفيهاش حاجة

ولا الضحكة او البسمة اللى تترسم تبقى وحشة

على فكرة انا يمكن اكون متفق ومختلف معاكى فى نفس الوقت
الرسول صلى الله عليه وسلم قال فى ما معنه
ان المسلمين ملهمش غير عيد الفطر والاضحى
وغير كده يبئا مش من اعياد المسلمين فى شى
بس احنا هنا فى اعياد الميلاد او الاحتفلات الخرى مش بيقصد بيها التمجيد او التخليد
وانما نوع من الفرحة للشخص
يعنى مثلا انا لما اقول لعضو بمناسبة عيد ميلاده كل سنة وانتا طيب ده نوع من الفرحة بيه او تذكير انه فى اليوم ده اتولد
وكلمة عيد ميلاد هنا مش يقصد عيد بمعنى عيد
بس كلمة عيد هى الكلمة الشائعة عندنا لان مفيش معنى اخر للاحتفال
زى ما فى لغة عربية فصحة ودى المفروض نتكلم بيها ولغة العامية اللى احنا بنتعامل بيها فى حياتنا اليومية
دى رأى شخصى ووجهة نظر مش اكتر
فائق احترامى

[فجر الإسلام]

هو فعلا حرام بس لما يكون فيه احتفال وهدايا والموضوع كبير
بس دي مجرد تهنئه بيوم ميلاده بس مش أكتر

[فراق]

..السلام عليكم ورحمة الله وبركاته ..

::::

:: فمن باب حب الخير لكم .. أردت توضيح هذا الأمر ::
هنا لا أتكلم عن الإحتفال بأعياد الميلاد .. بل بالتهنئة فقط ..

.....
السؤال:ما حكم التهنئة بعيد ميلاد شخص؟
.....

:: وإليكم الفتوى ::

::::

.:: لفضيلة الشيخ .. محمد المنجد ::.

>-حكم التهنئة بعيد الميلاد الشخصي-<
الجواب: طبعاً ]لا يجوز[ لأنها مناسبة ]محرمه[ فأعياد الميلاد فيها تشبه ]بالكفار[ وهم الذين ابتكروها وأدخلوها على المسلمين
ونحن المسلمين ليس عندنا إلا ::عيدان:: الفطر والأضحى، وعيد الأسبوع الجمعة، ومن أدخل عيداً آخر فإنه يكون ]آثماً[ لأن الشريعة حصرت أعياد الأمة بهذه,
فإذاً عيد الأم، وعيد رأس السنة، وأعياد الميلاد كلها من الأمور ]المحرمة[ هذا بالنسبة لهذا الموضوع.

.:: والله الهادي الى سواء السبيل ::.