لم أنتبه الا وهى واقعة امام سيارتى أما الناس فقد التفوا فى ثوان وأخذوا يخبطون بعصبية على السيارة وكأننى فى محاولة للهروب رغم أن السيارة بالفعل كانت توقفت أما أنا فقد شل جسدى من الفزع وارتعشت لمجرد مشهد الفتاه الواقعة والتى لم أرها حتى تلك اللحظة ولم لم تكن مشاعرى بالفزع سيطرت على لكنت تاكدت من الوهلة الاولى أنا للفتاه لم تصب بأى أذى لان السيارة كانت بالكاد تتحرك فى شارع قصر العينى وما أدراكم ما قصر العينى نزلت مهرولا من السيارة ودون أى تفكير حملت تلك الفتاه التى لا تتعدى التاسعة عشرة جسمها ضئيل جدا محجبة ترتدى الجينز كانت منبهةلى تتوجع أه يا رجلى مش قادرة اتحرك حملتها أنا وصديقتها الى داخل السيارة متجها الى طورائ قصر العينى متفاديا تدخل الجماهير الواقفين الذين تنيت أن أدهسهم من فرط غضبى من محاولتهم القاء اللوم على واشعال الموقف قائلين ( ما تراعوا الناس اللى ماشية يعنى انتو علشان راكبين عربيات تموتوا فى الناس فى الشارع ؟
فى الدقائق البسيطة قبل وصولنا الطورائ كنا قد تعارفنا وهدأنا بدأت تحرك قدمها وتمكنت من الوقوف عليها بعد وقت بسيط جدا
ألحت عليا بالمغادرة قائلة أنا ويسة لكننى صممت على اجراء الاشعة حتى نطمئن كشف الطبيب حرك الساق والقدم كله تمام ...مافيش كسر ولا حتى جزع . أو صلتها الى كليتها الخدمة الاجتماعية
هديل ...ما زالت فى السنة الاولى ألححت عليها بأن تطلبنى ان احتاجت شئ ...جاءنى صوت هديل رقيقا كعدتها وقبل انهاء المكالمة قالت لى أقولك خبر حلو ( أنا لبست الاسدال ) قلت لها وصوتى بدت عليه علامات دهشة غير مخفية يعنى ايه لبستى البتاع ده ؟
ثم سارعت بسؤالها ...ليه عملتى كده يا هديل ما انتى كنتى محجبة وشكلك حلو ومحترم ليه المبالغة دى ؟ أجابتنى : من وقت الحادثة وأنا حسيت ان ربنا بيدينى إنذار وقلت لازم أتقرب الى ربنا ماحدش ضامن عمره يسذاجة سألتها حداثة ايه يا بنتى دى العربية لمستك مش خبطتك وبعدين انتى فاكرة التقرب الى ربنا باللبس والشكل فين عملك ؟ فين علاقتك بالناس وبدأت فى الاستفاضة فى ذلك الحديث أو ربما تلك المحاضرة الثقيلة على قلب الفتاه الى أن قاطعتنى : ممكن أسئلك سؤال : هو انت مسلم ولا مسيحى ؟ هنا فقط أدركت أنى أغضبتها لدرجة أن تسألنى عن العقيدة وأردفت قائلة يعنى شكلك وشعرك اللى طول من شعرى وصورة جيفارا اللى كانت على التى شيرت بتاعك تقولك انك مش مسلم ولا حتى عربى
فقلت لها لو كنت مسيحى كنت هقدر أقولك الكلام ده وانتى ليه بتحكمى بالظاهر ؟
فقالت لى معلش الكارت هيخلص ح أكلمك تانى ولم تتصل بى منذ ذلك اليوم ولم أحاول الاتصال بها
من يومها وأنا أشعر بالذنب لأننى لم أجد الحوار معها هاجمتها بدلا من أن أستوعبها أحبطت فرحتها بالاسدال لأنانيتى فى التعبير عن موقفى الفكرى تحدثت اليها بدلا من أن أسمعها ارتكبت حماقة الترهيب بدلا من الترغيب لأسف ستخدمت نفس منطق من أنتقدهم
ومن يدرى ! ربما تكون هديل قد ارتدت النقاب هذه المرة ...بسببى أيضا
فلتسامحنى هديل !!!!

ومن يدرى ! ربما تكون هديل قد ارتدت النقاب هذه المرة ...بسببى أيضا
فلتسامحنى هديل !!!!

انا اللي فهمته من التوبيك ده ان حضرتك زعلان انها لبست اسدال بسببك
وخايف لاتكون لبست نقاب
الاختلاف ف الرأي لايفسد للود قضية
هي رأيها ورأي معظم المسلمين ان الاسدال صح عن الجينز
وهو الحجاب الشرعي
والنقاب احسن من الكل
فحضرتك كده من وجهه نظرها ونظرنا
انك كنت سبب ف هدايتها
فياريت بلاش كلام زي ده يضيعلك الثواب الكبير ده
جزاك الله خيرا
وحاول تقرا عن الحجاب تاني:)

يعنى اللى مضايق حضرتك
انها لبست حجاب شرعى
هههههههههه
هم يضحك تصدق بالله
انى خايفة السنة دى تخلص بس
عشان خايفة من رد فعل اهلى من لبس النقاب السنة الجاية
انا مش عارفة
انت تحمد ربنا ان ربنا هداها
سبحان الله
يعنى هى البنت لازم تبقى كول و روشة (زى ما بتقولوا يعنى) عشان تبقى كويسة
سبحان الله بجد
انما لما تبقى محترمة
و بتعمل حاجة ابتغاء وجه الله عشان تفرح ربها و نبيها بيها من فوق سبع سماوات
تبقى لاء
ازاى يعنى
دة منطق ايه ده؟
على فكرة اللى انت بتقوله ده
ممكن يعضب الحبيب عليه الصلاة و السلام
اكتر من الرسوم المسيئة كمان
ده الواحد خايف من اليوم اللى ربنا يحاسبه فيه
على عدم تطبيقه لاية ( و قرن فى بيوتكن)
عموما ربنا يهدينا و يهديك

وصلتها الى كليتها الخدمة الاجتماعية


هي بقت كلية
طيب خير



باللبس والشكل فين عملك ؟


يا استاذ هاني
صلي علي رسول الله
الشكل بيبقي بداية للعمل
يعني واحدة منتقبة اكيد ربنا هداها
هتعمل اكيد لله عز وجل مع الشكل ايضا
انا عارف ان فيه ناس باللبس
مش بالعمل لكن هي بتقول ان ربنا هداها
و الانسان ربنا هداه يبقي اكيد بالعمل ايضا
و بعدين حتي لو نفرض انها بالشكل
تلبس بنطلون ولا اسدال ؟؟؟!!!


فلتسامحنى هديل !!!!
تسامحك علي ايه يا ابني
انت كده سبب في هدايتها
يعني هتاخد ثواب
انا بجد منتظر ردك علي الموضوع ده
لانك حيرتني

هي بقت كلية
اها طالما اربع سنين
تبقى كلية
انما لو اتنين
تبقى محهد (معهد يعنى)
دى معروفة من زمان

التقرب الى ربنا باللبس والشكل فين عملك


.. ليها حق تسألك هل أنت مسلم أم لا ..
.. اتقي الله ..

دايماً تفكيرك يا هاني شاذ وتحاول دايماً تدخل وجهة النظر في الموضوع
حتى لو كان الكلام ده قرآن او سنة
لازم تقول وجهة نظر والاختلاف لا يفسد للود قضية
ده مسلمات مش وجهات نظر

فلتسامحك هديل على مكالمتك ليها مش عشان لبست الاسدال او النقاب

معنديش كلام اكتر من كده

يعنى ايه لبستى البتاع ده ؟
بسم الله ما شاء الله
الكلمة دى لوحدها
تعمل بلاوى يا استاذ هانى
يعنى ايه البتاع ده
افهم بس
و بعدين على فكرة يعنى
فيه اقتناع بين مجموعة من كبار الشيوخ
ان الحجاب حاى من كلمة احتجب يعنى اختفى
و اختفاء المرأة معناه انها تلبس النقاب
دى حاجة
تانى حاجة بقى
ان لبس الحجاب الشرعى اللى تعد ابسط صوره اللى هو الاسدال
اللى حضرتك بتقول عليه بتاع
فرض مش سنة يعنى
عشان نتكلم فيهم
ده امر جه فى القرآن


(يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً* لَئِنْ لَمْ يَنْتَهِ الْمُنَافِقُونَ وَالَّذِينَ فِي قُلُوبِهِمْ مَرَضٌ وَالْمُرْجِفُونَ فِي الْمَدِينَةِ لَنُغْرِيَنَّكَ بِهِمْ ثُمَّ لَا يُجَاوِرُونَكَ فِيهَا إِلَّا قَلِيلًا * مَلْعُونِينَ أَيْنَمَا ثُقِفُوا أُخِذُوا وَقُتِّلُوا تَقْتِيلًا * سُنَّةَ اللَّهِ فِي الَّذِينَ خَلَوْا مِنْ قَبْلُ وَلَنْ تَجِدَ لِسُنَّةِ اللَّهِ تَبْدِيلًا * (الأحزاب : 59 -62)
يا ريت تقرا السورة دى كويس اوى
و تدور فى تفسيرها
عشان ترتاح
و تريحنا احنا كمان

دايماً تفكيرك يا هاني شاذ وتحاول دايماً تدخل وجهة النظر في الموضوع
حتى لو كان الكلام ده قرآن او سنة
لازم تقول وجهة نظر والاختلاف لا يفسد للود قضية
ده مسلمات مش وجهات نظر

فلتسامحك هديل على مكالمتك ليها مش عشان لبست الاسدال او النقاب

معنديش كلام اكتر من كده

شاذ !!!
يا نهار أبيض
مش بالضرورة يكون فكرى زى فكرك ومش من حقك ان تحكم على أى فكر انه شاذ لمجرد انه اختلف معاك
حكاية المسلمات دى موضوع كبير وبالنسبة ليا أنا مفيش مسلمات اى فكر واى مسلمة قابلة للنقاش والبحث
ومع ذلك أنا بحترم فكركم جدا
\أنا شايف ان النقاب مش فرض من فروض الاسلام وهو مجرد عادة
انتو شايفين ان فرض أوك مفيش مشكلة
أنا أحترم فكركم وانتو تحترمو وجهة نظرى بس متقولش على فكرى انه شاذ
على كل أنا مش هخوض فى المجال ده
لأن كلامى أكيد مش هيعجبكم فلعشان أحافظ على مشاعركم ومسلماتكم أفضل السكوت
وزى ما نت قولت الاختلاف فى الرأى لا يفسد للود قضية

الصراحة انا مش فاهمة بالضبط اي جزئية اللي مضايقاك

لو كان علشان انك ضايقتها فاعتقد فعلا انها اكيد حاجة تضايق لما تكون عامل حاجة خاصة لو حاجة كويسة و تحس انك بتهاجمها او الحوار اللي دار بينكم ده

اما لو على فكرة لبسها الاسدال او النقاب فاعتقد ان حتى بعيدا عن فكرة انهفرض او مش فرض فاعتقد ان ديه حاجة مش المفروض تضايقك بالاضافة انها حرية شخصية و انا كنت شوفت اكتر من رد لحضرتك على فكرة ان الحرية الشخصية مش المفروض ان حد يدخل فيها

اما بقى لو علشان انك شايف انك من الاسباب اللي خلتها تلبس الاسدال او النقاب فبردو ديه مش حاجة تضايقك لان انت مش كنت سبب في ان هي تعمل حاجة وحشة بالعكس ديه عملت حاجة كويسة و ممكن ان شاء الله تؤجر عليها

فلعشان أحافظ على مشاعركم ومسلماتكم أفضل السكوت


قبل كل شئ
هوا حضرتك مسلم ؟؟؟؟؟؟
كلمة مشاعركم و مسلماتكم دي تدل علي انك لا تنتمي لنا
((( المسلمين طبعا )))
و في الحالة دي
الحوار مش هيبقا جايب همه
و ماينفعش أساسا نكلمك في الحجاب
و انت أخ مسيحي مش مؤمن بالاسلام أساسا
دي نقطة
النقطة التانية
انت مسلم ؟
لو قلت اه
انت منافق ؟؟؟؟
علي فكرة انا مش بشتم والله العظيم
انا بتكلم بجدية شديدة
انت مسلم منافق؟ او بمعني اخر مسلم اسما عشان الناس بس و جواك مش مقتنع؟
لو بينك و بين نفسك كده قلت اه
يبقا برضه النقاش منتهي لانك مش مقتنع بالكل ازاي هنقنعك بالجزء؟
طيب نقطة تالتة
انت مسلم لكن مش مقتنع؟
علي فكرة هوا سؤال خاطئ أساسا
مافيش حاجة اسمها مسلم غير مقتنع
(( قبل ما تجاوب بينك و بين نفسك وتقول اه ))
انت عارف يعني ايه مسلم؟
يعني مستسلم (( لأوامر ربنا طبعا ))
مطيع (( سمعنا و أطعنا ))
يعني بعد حكم وكلام الله و رسوله ما فيش حاجة اسمها نقاش
(( أمال اسمه ايمان ليه؟ ))
الايمان تصديق
و مادام مصدق يبقا تثق
تثق في الله و في رسوله
تثق في حكمة ربنا عز وجل في كل أمر الهي و فايدته ليك و لغيرك
تثق ان ربنا أعلم (( ألا يعلم من خلق و هو اللطيف الخبير؟ ))
فماينفعش تبقا مسلم غير مقتنع
ما تجيش
مش لايقة
ينفع اقول عليك انت شخص (( طويل قصير؟)) في نفس الوقت؟
يبقا برضه ماينفعش اقول (( مسلم غير مقتنع )) لأنهم كلمتين عكس بعض
اية قرانية ........حديث شريف صحيح
هوا ده ديننا و مقياسنا في الحكم علي الأمور
مش اراء
و لا اهواء
و لا وجهات نظر خاااااااااااااااااالص
دي قوانين لحياة المسلمين
ثابتة لا تتغير
العقل البشري اللي هوا عقل حضرتك مستحيل يستوعب كل الحكم و المصالح بتاعة
الاوامر الربانية لنا كمسلمين
العقل البشري بتاعك ماينفعش يبقا ليه وجهة نظر بعد كلام خالق وجهات النظر
و ده في حالة اذا كنت مسلم (( غير مقتنع ))




وزى ما نت قولت الاختلاف فى الرأى لا يفسد للود قضية


علي فكرة يا هاني باشا
الاختلاف في الرأي ماشي لا يفسد قضاايا الود
بس ده مش رأي
ده اختلاف في العقيدة
اختلاف في الاساسيات
اختلاف في الدين
اختلاف يودي في داهية
اختلاف يخرج من الملة اذا كان باصرار بعد ما اتضح الحق
اختلاف علي معلوم من الدين بالضرورة
يعني اختلاف من النوع اللي بيفسد كل قضايا الود


فلياسمحك الله و يهديك
و ليتقبل معه في الفردوس الاعلي اختنا هدييييييييل

وبالنسبة ليا أنا مفيش مسلمات اى فكر واى مسلمة قابلة للنقاش والبحث


اه اسف
معلش يا أخ هاني
مخدتش بالي من كلمة ((مافيش مسلمات )) دي
علي كده بقا انت مش مؤمن أساسا بأي دين لا سماوي و لا حتي أرضي
أصل يا هاني يا أخويا الأديان كلها مسلمات
كلها ثوابت
كلها اساسيات
كلها نقاط حكم فيها ربنا خلاص و غير قابلة للنقاش
لكن لو مشيت بمبدأ (( مافيش مسلمات ))
يبقا أنت ممكن تشكك في أي حاجة
يبقا أنت عندك استعداد تشكك في وجود الله عز وجل أساسا
ما هو مافيش مسلمات بقا
تفكير قاتل
تفكير يدمر كل حاجة
و يدمر كل الثوابت الاخلاقية اللي عرفها البشر من ايام سيدنا ادم
مين قاللك ان كل حاجة قابلة للنقاش
يعني ربنا يقولك صلي الضهر اربع ركعات
تقوله ليه يعني؟ اربع ركعات ليه؟ اقنعني
يا حلاوة
انت متأكد ان انت هاني؟؟؟؟؟؟؟؟؟؟
طب ما دي مسلمة من المسلمات
ثابتة من الثوابت
حاجة كده ممنوع الاقتراب منها
مش معقولة بقا اجي اشكك في اسمك
و اقولك لا
انت مش هاني
و الموضوع ده قابل للنقاش
انت ممكن يبقا اسمك تهاني
مثلا يعني
في الحالة دي هتقول ايه؟
فكر شوية بالعقل كده
هتلاقي ان لو مافيش ثوابت و مسلمات في الكون الكون هيخرب
و كان خرب من زمان
لكن لا يا حبيبي
كل شئ محسوب بدقة
و كل ذرة في الكون ماشية بالدقيقة و بالثانية
و الكون كله مسلمات و ثوابت
و قوانين
زي قوانين الرياضيات كده بالظبط
لان القوانين دي هيا النظام
و النظام هوا اللي بيمشي الكون
مبدأ الشك في كل شئ
و طرح كل القضايا البديهية للنقاش
مبدأ يجيب لورا
و يضيع وقتنا علي الفاضي في جدالات عقيمة
و في النهاية
هيطلع الشخص اللي بيجادل و عايز يعمل نفسه بيفكر
انه اساسا معندوش مخ
كالانعام بل أضل

سبحان الله وبحمده سبحان الله العظيم


انا صدمت

ذهلت


مش عارفة اقول ايه

بجد

لاحول ولا قوة الا بالله العلى العظيم

يارب ارحمنا برحمتك يارب العالمين

ايه يا هانى الكلام اللى انت بتقولة ده يبقى بقى لو فعلا ده حصل فى الحقيقة تبقى غلطان ومينفعش اللى انت عملته ده
اولا لانك مش ليك حكم عليها لاهى خطيبتك ولا مراتك

ثانيا اللى هى عملته مش غلط ده صح الصح

وانت بتلوم نفسك عشان لبست نقاب
فديه بقى يعنى لا تعليق بجد يعنى

ربنا يهدى كل البنات ويبقى زى هديل

منتظر توضيح و إجابة هانى على أسئلة _active_

يا نهار أبيض
يعنى انت يا أستاذ active_
شايف انى مسيحى وكمان مش مؤمن بوجود ربنا أصلا
لمجرد اختلافى فى قضية ما مع فكر حضرتك خرجتنى من الملة
حرام عليك
بجد حرام عليك
مين اللى منحك الحق ده انك تكفر فى الناس كده
عارف كلامك ده عمل فيا
دبحنى مستحيل أوصفلك مشاعرى واللى حسيت بيه بعد لما قريتك كلامك
أنا والحمد لله مسلم وأفتخر
مسلم يشهد أن لا اله الا الله وأنا محمد رسول الله

انت بتقول ان اختلافى معاك اختلاف فى العقيدة مش فى الفكر والرأى وان اختلافى ده يخرجنى من الاسلام
يعنى انت شايف ان الشيعة واغيرهم من الطوائف الاسلامية كافر
ومعاهم كمان اليهود والنصارى

اسمع الاية دى
( ولا تسئلوا عما أجرمنا ولا نسئل عما تفعلون )
ربنا بيقول للرسول يقول كده لكفار قريش
عبدة الاصنام يا أخى
الرسول ينسب لنفسه الاجرام وينصب لعبدة الاصنام مجرد الفعل
أما حضرتك فى لحظة خرجتنى من الملة
بجد أنا كل مشاعرى اتدمرت بعد الوصف ده
ياا أخى الشك أساس الوصول الى اليقين
من حقى أن أشك فى كل شئ حتى فى وجود الله حتى أصل الى الحقيقة والمسلمة هو ده قصدى ان كل مسلمة قابلة للبحث والنقاش
ربنا نفسه كان بيناقش كفار قريش فى مسألة وجوده
أنا مش قادر أقولك غير سامحك الله
رغم الأذى اللى سببتهولى بكلامك ده

انت ممكن يبقا اسمك تهاني


يعنى كمان بتجرح فيا ؟؟؟

هيطلع الشخص اللي بيجادل و عايز يعمل نفسه بيفكر
انه اساسا معندوش مخ
كالانعام بل أضل

طبعا تقصدنى أنا بالكلام ده
ميرسى لذوق حضرتك

انت منافق ؟؟؟؟
علي فكرة انا مش بشتم والله العظيم
انا بتكلم بجدية شديدة

حرام عليك
بجد حرام عليك اللى انت بتعمله فبا ده
كلام ده بيوجعنى أوى بهز كيانى كله
بجد أنا مش عارف أقولك ايه

متزعلش يا هانى
أنا أكتر واحد يعرف انت أد ايه جميل أوى
دى عشرة سنين

الاستاذ أكتف أعتقد انه مش يقصد يهنيك
بس كل الحكاية ان فكرك عصرى شوية وغريب عليهم وغريب عليا أنا شخصيا
وصدقنى أنا فى أول معرفتى بيك كنت بقول انك...... مش عارف أوصفها أوى بس يعنى شاب من الناس الهاى دى اللى ما تفرقش معاهم أى حاجة حتى دينهم
بس قسما بربى بعد لما عرفتك فكرتى عنك اتغيرت 180 درجة وعرفت أد ايه انت جميل وغيور على دينك وإسلامك
بليز علشان خاطرى متزعلش يا هانى
أنت أكتر واحد عارف ظروفك ايه وعارف ده بيقلب معاك لإيه
بليز يا هانى
وربنا معاك يا رب ويحميك

علي فكرة يا استاذ هاني
مشاركتي في موضوعك
مجرد طرح اسئلة عليك
و لك كل الحق في الاجابة بالايجاب او السلب
أنا ولا اتهمتك بأي شئ
و لا أي حاجة نهائي
ياريت تقرأ كلامي كله تاني من أوله و تفهمه كويس و تفهم صيغة كلامي و السياق ماشي ازاي
انا بسألك انت مسلم؟
ولو مش مسلم هقفل الحوار معاك
لانه هيبقا جدال مالوش لازمة و يخالف قوانين المنتدي
هوا مش في احتمال ان يكون في واحد اخ غير مسلم يكون بيناقشني في المنتدي و لا ده شئ غريب؟
فبمجرد ما تقولي انا مسلم يبقا السؤال ده انتهي
و ده سؤال علشان نتعرف عليك مش اكتر..و مش عشان اتهمك لا سمح الله بحاجة
دي مجرد اسئلة بطرحها علشان تقول اللي عندك
و تجاوب علي الاسئلة
انا مقولتش انك انت شخصيا مش مؤمن بوجود الله و لا كفرتك ولا الكلام ده نهائي علي فكرة
انا بقولك ((( مبدأ الشك في كل شئ حولك )) ممكن يقود الانسان الي ايه
بس هيا دي طريقة كلامي
لكن مش بقول عليك شخصيا
لان مافيش حد في الكون يقدر يكفر انسان يشهد الا اله الا الله وان محمدا رسول الله
مستحيل تيجي
و بالنسبة للشيعة ايوة طبعا يا هاني باشا
دول ناس علي ضلال كبير
و اسلامهم مش اسلام النبي محمد صلي الله عليه وسلم ابدا
و بيكفروا الصحابة
و بيسبوهم ليل نهار في خطبهم
فمن أين لهم بالايمان؟
(( ولا نسئل عما تفعلون )) فهمت الايه دي بايه؟ فسرتها ازاي؟
و ايه معناها من وجهة نظرك؟
معناها ان كل واحد يمشي زي ماهوا عايز و كل واحد يبقا مجتمع لوحده في حد ذاته؟؟؟؟؟؟؟
فهمك خاطئ
وبعدين يا اخي انت بتقول كل مشاعرك اتدمرت بسبب الوصف ده
وصف ايه؟
هوا انا وصفتك انت شخصيا بحاجة؟
ولا بتناقش معاك في الفكر نفسه
و طريقة الفكير تؤدي الي ايه؟
انت سايب الموضوع الاساسي و بتلتفت لفرعيات يا اخ هاني
عايز اقولك في النهاية الكلام كله مش وصف ليك
و لا سب فيك
و لا تجريح ليك انت شخصيا
لا والله
ماقصدتش كده ابدا
انا بسألك سؤال علشان تجاوب عليا بالطريقة اللي تعجبك وبالتالي اعرف من طريقة اجابتك تفكيرك
لما تدخل مكان محترم
و يطلب منك الأمن انك تتفتش تفتيش ذاتي مع كل الل داخلين المكان ده
هل ده اتهام ليك انت شخصيا؟؟؟؟؟؟؟؟؟
ولا اجراء رسمي بيحصل مع الجميع ؟؟؟؟؟؟؟
هل تفهم من التفتيش ده انه تجريح ليك و اذية وتقليل من الكرامة وسب علني؟

اسئلتي ليك يا اخ هاني كلها كانت محتاجة اجابة منك
كانت اسئلة
مش جمل خبرية
وانت كان ليك حرية الاختيار في طريقة الاجابة
و من ناحية تانية
اجابتك برضه
بتدل علي انك بتتبني تفكير غير سليم مبني علي الشك
و هوا ده السبب في حرصي عليك وعلي النقاش معك لعلك تقتنع
ولكن ....
فلأنفسهم يمهدون

مع احترامى لحضرتك يا استاذ شريف
لكن حضرتك غلطان
مش يصح ابدا انك تكلمه بالطريقة دى
دة حتى ربنا قال
( و ادع الى سبيل ربك بالحكمة و الموعظة الحسنى )
يعنى لو عايز تقوله حاجة يبقى تقولها بطريقة كويسة
لان حضرتك كدة
ممكن تخليه يعند اكتر
ده حتى الدعاة اللى بييجوا فى التى فى
بيتكلموا بطريقة رقيقة و لينة
عشان الناس مينفروش منهم
يعنى مش كان يصح ان حضرتك تقوله
تهانى و غيره
او تقوله انه منافق
هو يمكن تفكيره غريب شوية
لكن اللى انا اعرفه
ان هانى مسلم و ازهرى كمان

عموما انا شايف اننا بنتحدث فى أصول

و هانى لا كافر و لا منافق و لا أى حد ممكن يشكك فى اسلامه طالما

انه يشهد ألا إله إلا الله و ان محمد رسول الله

و لكن يا هانى يا اخى هناك ثوابت لا نصح أن نشكك فيها

و هناك أشياء تتوقف عندها العقل البشرية

و لا يحق لنا ابداء الرأى فيها

و عموما يا جماعة عشان الموضوع ما يقلبش خناقات و تكفير

دى وجهات نظر

مع احترامى لحضرتك يا استاذ شريف
لكن حضرتك غلطان
مش يصح ابدا انك تكلمه بالطريقة دى
دة حتى ربنا قال
( و ادع الى سبيل ربك بالحكمة و الموعظة الحسنى )
يعنى لو عايز تقوله حاجة يبقى تقولها بطريقة كويسة
لان حضرتك كدة
ممكن تخليه يعند اكتر
ده حتى الدعاة اللى بييجوا فى التى فى
بيتكلموا بطريقة رقيقة و لينة
عشان الناس مينفروش منهم
يعنى مش كان يصح ان حضرتك تقوله
تهانى و غيره
او تقوله انه منافق
هو يمكن تفكيره غريب شوية
لكن اللى انا اعرفه
ان هانى مسلم و ازهرى كمان


انا طرحت اسئلة بديهية
زي ما بتسئلي واحد اسمك ايه عنوانك ايه شغال فين علشان تتعرفي عليه
و ما اتهمتوش بحاجة يا انسة
و انا فوق شرحتله كل حاجة
فمالوش لازمة كلامك علشان هيزود احساسه بظلم لم ارتكبه

دايما نقاشاتك حادة يامستر شريف

ياجماعة انا مش شايفة ان الاستاذ اكتف قال كلمة غلط

ايوة
كل كلمة تلفظ بيها فى مكانها

ياريت تشوفوا كلام هانى واعقلوه كويس جدا
جدا جدا
والاسئلة التى توجهت له اسئلة منطقية وبديهية جدا
لا فيها تشكيك فى عقيدة ولا الكلام الكبير ده

لاننا لسنا من اهل الفقه والسنة والشريعة اننا نخوض فى كلام ملناش فيه

لكن الاسئلة كانت فى مكانها وبديهية
اللى مش بديهيى ان واحد مسلم يوحد الله لا اله غيره
يقول كلام من ده
وانا مش بقلل من قيمتك ياستاذ هانى
بس مينفعش مسلم يقول كلام زى ده على الاسدال والنقاب

شاذ !!!

وزى ما نت قولت الاختلاف فى الرأى لا يفسد للود قضية

يا اخي اتق الله

لما تبقي في ايه قرأنيه بينه
مينفعش اقول ديه وجه نظر
والايات كثيرة وقد ذكر الاخوات تلك الايات الكريمة
ومادام ذكرت تلك الايه التي لا تحتاج لتوضيح
يبقي مينفعش اجادل او اقول ديه وجه نظري
المفروض اللي يتقال
سمعنا واطعنا

انما حرام تبقي قدامي الايه ووضحه وبسيطة وقول ديه وجه نظري

دايما نقاشاتك حادة يامستر شريف


طب ممكن اسألك سؤال؟
هل جملتك دي مش حادة ؟
مش عايزين ننتقد الناس و ننسي نفسنا
طب انا اعتبرت ان جملتك دي حادة جدا بالنسبة لي
و حكم ظالم عام عليا مش عارف جبتيه منين؟
واساسا انا اول مرة ادخل في نقاش ديني في المنتدي
فحكمتي عليا ازاي؟
علي فكرة احنا اخوات يا بنت الاسلام
انتي برضه (( في رأيي )) حادة جدا :)
المهم

ممكن تعملي كوبي من أي جملة ليا حادة في الموضوع ده؟

و بعدين انتي بعدتي عن الموضوع و بتقيميني أنا كعضو
و الموضوع ده مش مجال لتقييم الاعضاء
الموضوع قصة حصلت لهاني
و رأيه أثار كلام كان لازم يتقال
يبقا مالوش علاقة بتقييم الاعضاء
و بعدين الحكم العام اللي حضرتك اطلقتيه عليا ده يا تري سببه ايه؟
و ايه الحاد في النقاش ده؟
و بعدين يا جماعة انتو بتخافوا من النقاش ليه؟
ما اللي يطرح وجهة نظر يخليه جرئ للنهاية
و لو شايف ان وجهة نظره سليمة
يستمر في النقاش بهدوء
ليه دايما نوصل لطريق مسدود
و ينتهي باصدار احكام عامة و خروج بره الموضوع؟
عموما ده مش رأيي أنا
ده حكم ديننا الاسلام
و ياريت نعرف رأيك في الموضوع
يا بنت الإسلام

تسجيل متابعة بس مش اكتر كملوا

تسجيل متابعة بس مش اكتر كملوا

طب كويس والله
خدنا تصريح بالاستمرار في المناقشة اهو
و من مين
من المشرف ذات نفسه
متهيألي الاخت ترافيل تقريبا
المهم
اهو يا استاذ هاني
الموضوع الحمد لله انه هيستمر
انا كنت فاكر ان اول حاجة هيقوم بيها مشرف القسم هوا حذف الموضوع ده
علي اعتبار انه نقاش حاد زي ما قالت الاخت بنت الاسلام
اعتبر ردك يا أخت زينب اقرار من بأن الموضوع مافيهوش حدة ولا سب في حد؟؟؟؟؟؟
أتمني تقولي ايوة
لو كنتي حضرتك الاخت زينب
اصلي بحترم رأيي مشرفي الاقسام جدا
لانهم يعرفوا كويس يقيموا كل موضوع متهيألي
و شكرا جزيلا

طب ممكن اسألك سؤال؟

هل جملتك دي مش حادة ؟
مش عايزين ننتقد الناس و ننسي نفسنا
طب انا اعتبرت ان جملتك دي حادة جدا بالنسبة لي
و حكم ظالم عام عليا مش عارف جبتيه منين؟
واساسا انا اول مرة ادخل في نقاش ديني في المنتدي
فحكمتي عليا ازاي؟
علي فكرة احنا اخوات يا بنت الاسلام
انتي برضه (( في رأيي )) حادة جدا :)
المهم

ممكن تعملي كوبي من أي جملة ليا حادة في الموضوع ده؟

و بعدين انتي بعدتي عن الموضوع و بتقيميني أنا كعضو
و الموضوع ده مش مجال لتقييم الاعضاء
الموضوع قصة حصلت لهاني
و رأيه أثار كلام كان لازم يتقال
يبقا مالوش علاقة بتقييم الاعضاء
و بعدين الحكم العام اللي حضرتك اطلقتيه عليا ده يا تري سببه ايه؟
و ايه الحاد في النقاش ده؟
و بعدين يا جماعة انتو بتخافوا من النقاش ليه؟
ما اللي يطرح وجهة نظر يخليه جرئ للنهاية
و لو شايف ان وجهة نظره سليمة
يستمر في النقاش بهدوء
ليه دايما نوصل لطريق مسدود
و ينتهي باصدار احكام عامة و خروج بره الموضوع؟
عموما ده مش رأيي أنا
ده حكم ديننا الاسلام
و ياريت نعرف رأيك في الموضوع

يا بنت الإسلام


ههههههههههههههه
ومكبر الاسلام ليه:d
شكرا يامستر شريف
ع فكرة انا عارفة اني حادة جدا جدا كمان:)




ههههههههههههههه
والله ربنا يسامحك انت ع الكلام ده
كل مرة تنزل موضوع ينرفزني اكتر من اللي قبله:d
ماعلينا
انا اللي فهمته من التوبيك ده ان حضرتك زعلان انها لبست اسدال بسببك
وخايف لاتكون لبست نقاب
الاختلاف ف الرأي لايفسد للود قضية
هي رأيها ورأي معظم المسلمين ان الاسدال صح عن الجينز
وهو الحجاب الشرعي
والنقاب احسن من الكل
فحضرتك كده من وجهه نظرها ونظرنا
انك كنت سبب ف هدايتها
فياريت بلاش كلام زي ده يضيعلك الثواب الكبير ده
جزاك الله خيرا
وحاول تقرا عن الحجاب تاني:)



انا دي :d
انا عاوزة اقول لحضرتك حاجة يامستر شريف
هتتحذف بس مش مشكلة
قليل لما مدرس يطلعلنا من التعليمي زي حضرتك كده
بس دايما بيبقى له هيبه واحترام عندنا بجد
بحكم انه مدرس وكبير عننا
فياريت حضرتك متضيعش الهيبة بتاعت حضرتك عندنا
وتحولها لاحترام بس:)
معلش انا مش عاوزة احول الموضوع لتقييم شخصي زي ماحضرتك قولت
بس انا شوفت مناقشة حضرتك مع كذا واحد
ودايما كانت بتنتهي نهاية مش عاجباني
وبعدين ده موضوع لاخ معروف انه مختلف معانا ف الرأي
فمش لازم يتحول لخناقة
بدل تهاني والكلام ده
كان ممكن نقنعه بوجهه نظرنا
مش كده حضرتك ولا ايه
اسفة لو كنت دايقت حضرت
بس دايما مش بحب يكون جوايا كلام ومش يطلع:romarioxp6:

بصي يا اختي العزيزة
انا مش شايف علاقة بكلامنا و نقاشاتنا بالهيبة بتاعة المدرس خالص
و بعدين لا الاقسام التعليمية حكر علي المدرس وفقط
و لا الاقسام العامة حكر علي حد معين و فقط
ده منتدي
يعني نقاش
يعني حوارات عامة مفتوحة
يعني الحجة و الدليل هوا الحكم بين الجميع
و بعدين هوا معني اني مدرس يعني محرم عليا التعليق علي الموضوعات في الاقسام العامة؟
وازاي يكون المدرس سلبي للدرجاتي بحيث انه كل ما يشوف حاجة تستفزه او موضوع يحتاج تعليق منه و مايردش
كون ان حد يغلط فيه او واحد يقل ادبه مثلا لا قدر الله بدون مبرر
مش عيب في المدرس شخصيا
الرسول صلي الله عليه وسلم نفسه اتهموه بكل شئ و سبوه
هل ده يقلل من قيمته هوا شخصيا؟
و لا ده نقص في شخصيات من اتهموه وسبوه؟
بصي يا بنت الاسلام ياللي ماعرفش اسمك
مع اني مابحبش انادي بالالقاب
زي مانتي بتحبي تقولي اللي جواكي
و اللي في قلبك علي لسانك
انا كمان بحب اشارك في كل الموضوعات اللي بتعجبني او اللي بتستفزني
و مش مع اي مدرس يتكبر انه ينصح الاعضاء او الاصغر منه سنا
انا بحب اتناقش
و اتناقش مع الجميع
و مع اي طبقة
و مع اي فئة
و مع اي سن
ماتفرقش معايا
المهم يبقا حوار هادف و مفتوح و نقنع بعض فيه حتي لو وجهة ننظري انا اللي خطأ
مبدأ السكوت و عدم الاختلاط بالاعضاء و الجو ده مش بتاعي بصراحة
و هيبة المدرس مالهاش علاقة اطلاقا بحاجة زي كده
هوا انا لما اتناقش ان شا الله مع اطفال حتي في الشارع
ده يقلل من قيمتي؟؟؟؟؟؟؟؟
و بعدين هاتيلي مناقشاتي اللي مع كذا واحد ونشوف كده انتهت علي ايه و نتناقش
والله المناقشة مفيدة للجميع
و لو كان قصدك اني اخليني في الاقسام التعليمية و مادخلش الموضوعات الاخري
فده لا يمكن يحصل ابدا
انا مش سلبي للدرجاتي
اشوف بعنيا اي نوع من انواع الخطأ و اسكت
مستحيل
وبعدين الرسول صلي الله عليه و سلم قال
من رأي منكم منكرا فليغيره
و نحن نملك كيبورد و ماوس و وسيلة للنقاش المحترم لا يمكن تعويضها وسهلة الوصول للجميع
فلما لا نستغل الفرصة
لالالا
مش مقتنع بكلامك يا ابنة الاسلام
و علي فكرة
كلمة الاسلام انا كبرتها
علشان انتي منتسبة في لقبك واسم عضويتك لدين عظيم جدا لا يدعو الا للنقاش و الحوار و الاقناع بالحجة
و بعدين كلامك مافيهوش حاجة شاذة للدرجاتي عشان حد يحذفه
ماتقلقيش
ماعتقدش انه يتحذف