مشاهدة النسخة كاملة : رؤية جديدة فيلم (troy)
earth 03-07-2009, 01:45 PM السلام عليكم و رحمة الله و بركاته
هنتكلم عن فيلم مشهور او على الاقل كان مشهور سنة 2004 ساعة لما اتعرض
هوه فيلمtroy
اولا الفيلم هناخده برؤية تانية جديدة
شوفوا يا جماعة الفيلم مملؤ بالجوانب الانسانية اللى للاسف بعض الناس زى "اخيل" فى الفيلم بيخبيها عشان لا يبان ضعيف
الفيلم كمان بيحكى حاجة تاريخية وان كانت مش مؤكد هيه حقيقية ولا لا و ان كان بيحتوى على عنصر العنف ولكنه كان تصوير لواقع يمكن حصل او يمكن ماحصلش بشكله اللى ظهر فى الفيلم و لكن تصوره "هوميروس" فى شكل درامى مؤثر او يمكن يكون ماحصلش خالص بس كاتب عظيم كتب القصة (الملحمة) دى
ماحدش ينكر ان فى ناس بتفكر زى "اخيل" يعنى ما يظهرش جوانبه الانسانية زى الالم و الحزن و البكاء و كمان فى ناس كتير بتفكر زيه فى ناحية الخلود لان فى ناس كتيرة اوى بتحب ان الناس تفتكرها بعد ما يتوفاها الله
خلينا نوضح قبل ما ابتدى اقول ليه الفيلم عظيم من وجهه نظرى ان الكلام ده على جوانب محددة فى الفيلم يعنى باخد من الفيلم الحلو و باسيب الوحش عشان كل حاجة فى الدنيا فيها الحلو و فيها الوحش و لازم استخلص منها الحلو عشان انمى فكرى
وبالمناسبة "حصار طروادة " من "الالياذة" ل"هوميروس"
يلا ابتدى
من جوانب انسانية
1- لو لاحظنا "اخيل" فى اللقطة اللى" بريام" جالوه فيها عشان ياخد جثة ابنه الاكبر " هكتور " حنشوف اد ايه انفعل "اخيل" و اد ايه مشاعره اتحركت و هوه بيسمع "بريام"
و قالوه تعالى ورايا بعد دقيقة شفتوا اد ايه الانسان انسان مهما كان بيتصنع القوة الشديدة و الوحشية فاجهش "اخيل" فى البكاء على "هكتور"لقطة مؤثرة جدا مهما حصل القتل عمره ماكان سهل على حد حتى على بطل الابطال كمان بتوضح ان "اخيل" مفتقد لحنان زى الحنان اللى بيتكلم عليه "بريام"
2- لقطة كمان ساعة لما مات "اخيل" و السهم فى كعبه و الكاميرا بتصور اللقطة من فوق بتدى احساس ان "اخيل" العظيم الجبار مات بكل ضعف و خلاص انتهى بالسهولة دي و انتهت مذابحه بس بسهم فى كعبه كل جبار ليه نهاية و فى الاخر حيحس بالالم اللى حسسه للناس
3- شفتوا كمان لما "برسايوس " بتسال " اخيل" انت ليه كده ليه اخترت انك تقتل و تحارب قال انه مااخترش حاجة هوه اتولد لقى نفسه كده يعنى هوه ما يعرفش اى حاجة غير القتل و الحرب ماحدش قالوه الصح فين يعنى فيه خطا كبير فى اللى اتعرض له وهوه صغير يمكن هوه من جواه فى اعماقه مش عايز يبقى كده بس مش عارف يعمل ايه متخبط و فى مشكلة فى شخصيته اظن انه شخصية ضعيفة شافت القتال انه املها الوحيد فى الاحساس بالقوة و الثقة بالذات لان الشخصية دى لا تعرف شئ غير القتال فاقنع نفسه بيه لانه امله الوحيد
من جانب اخر
الفيلم يحتوى على مشاهد لحروب مصممة بغاية الدقة و بجد فى شغل مبذول واضح فى الفيلم ان كان تصوير حقيقى او كمبيوتر
على فكرة ميزانية الفيلم كانت 175 مليون دولار
من جانب اخر
الفيلم يظهر اد ايه البشرية كانت متخلفة و كانوا يتصارعوا على اتفه الاسباب و كانوا الناس يموتوا بالالاف عشان اسباب تافهه و ليست عامة بل خاصة بناس معينة و حدهم زى سبب قيام حرب طروادة فى الفيلم
وانا شايفه ان البشرية لم تتطور كثيرا عن السابق مازالت النزاعات قائمة
احنا رغم كل التقدم العلمى و التكنولوجى اللى احنا وصلنا ليه ماتقدمتش النفس البشرية و لا ارتفعنا بيها ملى واحد عن السابق مازالت النزاعات قائمة لاسباب زى (الجمل بتاع القبيلة دى شرب من قناة القبيلة دى )
هناك بقية........
*مش عارفة ليه مترددة اعرض الموضوع بس اهه عرضته وخلاص رغم انى عارفة ان المعارضة حتبقى كتيرة بس انا بقول وجهه نظرى*
براءة 03-07-2009, 01:51 PM انا مليش فى الحوار ده خالص
وحاولت اقرا بس مفهمتش حقيقةً
بس واضح انك تعبتى فى الموضوع ده
سلمت يمنتاكِ :)
earth 03-07-2009, 01:55 PM انا مليش فى الحوار ده خالص
وحاولت اقرا بس مفهمتش حقيقةً
بس واضح انك تعبتى فى الموضوع ده
سلمت يمنتاكِ :)
شكرا على الرد:022yb4:
بس هوه انتى ما شوفتيش الفيلم !؟
يمكن عشان كده مش فاهمه اوى :stickjo4:
براءة 03-07-2009, 01:59 PM اه بصراحة مشفتوش
واكيد ده السبب
انا يوم ما اتفرج ع فيلم كده لازم خفيف كده
مش حروب وبتاع
اخر فيلم اتفرجت عليه كان اسمه اعترافات مدمنة تسوق مثلا :blush:
عموما يا ستى بتوع المنتدى هنا اكيد شافوه وممكن حتى يروحوا يشوفوه بسرعة قبل ما يردوا
علشان يثبتوا انهم عارفين كل حاجة :bosyht9:
earth 03-07-2009, 02:21 PM اه بصراحة مشفتوش شفتى عندى حق:p
واكيد ده السبب
انا يوم ما اتفرج ع فيلم كده لازم خفيف كده
مش حروب وبتاع:stickjo4:
اخر فيلم اتفرجت عليه كان اسمه اعترافات مدمنة تسوق مثلا :blush: كل واحد و اللى بيعجبه :)
عموما يا ستى بتوع المنتدى هنا اكيد شافوه بجد وممكن حتى يروحوا يشوفوه بسرعة قبل ما يردوا
علشان يثبتوا انهم عارفين كل حاجة ليه الضلمة دي هوه انتى حد ضايقك ولا ايه قوليلى وانا :abdoog8::bosyht9:
على فكرة مفيش حد عارف كل حاجة و الا كلنا كنا بقينا علماء و خبراء
*الكلام موجه للهوا موش لحد *
_GUIDE_ 03-07-2009, 02:27 PM مش عارف اقول ايه بس يمكن انتى غفلتى حاجة مهمة جدا
الموسيقة التصويرية فى الفيلم
ودى كانت تحفة بجد لدرجة ان بعد عرض الفيلم موصيقة الفيلم
انتشرت كنغمة فى العديد من الموبيلات
واحد جوائز الفيلم كانت عن الموسيقة التصويرية
هى نظرتك للفيلم جيدة الى حد ما لكنها فى النفس الوقت مش شاملة كل جوانب العمل
ومن هنا اخاطب السادة مسئولى المنتدى بعمل قسم
للنقد والروية الخاصة بالاعضاء :d
شكرا
eng.sabry elbrins 03-07-2009, 02:29 PM هو انا الحقيقى سمعت عنه كتير ونفسى اشوفه هو كان شغال من يومين بس حقيقى انتى شوقتينى انى اشوفه..... تقييم + تثبيت...وشكرررررررررا
اوركيديا 03-07-2009, 03:07 PM مش عارف اقول ايه بس يمكن انتى غفلتى حاجة مهمة جدا
الموسيقة التصويرية فى الفيلم
ودى كانت تحفة بجد لدرجة ان بعد عرض الفيلم موصيقة الفيلم
انتشرت كنغمة فى العديد من الموبيلات
واحد جوائز الفيلم كانت عن الموسيقة التصويرية
هى نظرتك للفيلم جيدة الى حد ما لكنها فى النفس الوقت مش شاملة كل جوانب العمل
ومن هنا اخاطب السادة مسئولى المنتدى بعمل قسم
للنقد والروية الخاصة بالاعضاء :d
شكرا
ههههههههه
بالذمه المواضيع دى انا احطها فين بس
تعبتونى
:bosyht9:
سمعت الفيلم من زمان من عهد تحتمس
مش فاكره فيه اى حاجه
شكرا للموضوع
فى رعايه الله
earth 03-07-2009, 05:46 PM مش عارف اقول ايه بس يمكن انتى غفلتى حاجة مهمة جدا
الموسيقة التصويرية فى الفيلم على فكرة ماشاء الله عليك بجد فعلا حسستنى ان فى ناس بتشوف الفيلم بعمق مش بس تسلية و على فكرة انا قلت لسة هناك بقية و كان حيبقى مذكور فيها الجزء ده حرقتلى الحلقة ;)
ودى كانت تحفة بجد لدرجة ان بعد عرض الفيلم موصيقة الفيلم
انتشرت كنغمة فى العديد من الموبيلات بجد
واحد جوائز الفيلم كانت عن الموسيقة التصويرية ما تحرقش الحلقات الجاية بقى
هى نظرتك للفيلم جيدة الى حد ما لكنها فى النفس الوقت مش شاملة كل جوانب العمل
ومن هنا اخاطب السادة مسئولى المنتدى بعمل قسم
للنقد والروية الخاصة بالاعضاء :d ليه لا والله حيطور فكر الاعضاء جدا و حينمى عندهم العين الناقدة ^_^
شكرا من العفو
شكرا على ردك الهايل بس كفاية بقى حرقتلى نص الموضوع :p
earth 03-07-2009, 05:48 PM هو انا الحقيقى سمعت عنه كتير ونفسى اشوفه هو كان شغال من يومين بس حقيقى انتى شوقتينى انى اشوفه..... تقييم + تثبيت...وشكرررررررررا
من العفو و الله كلامك جميل و بجد يا جماعة حمستونى انى اكمل
و شكراا انك قرات و على فكرة لازم تشوف الفيلم بجد رائع:d
earth 03-07-2009, 05:53 PM ههههههههه
بالذمه المواضيع دى انا احطها فين بس
تعبتونى معلشى زى اخواتك الصغننين:006et4:
:bosyht9:
سمعت الفيلم من زمان من عهد تحتمس لا موش للدرجة دى
مش فاكره فيه اى حاجه لا افتكرى :angry2:
شكرا للموضوع من العفو اى خدمة
فى رعايه الله شكرا
تسلمى على ردك و نورتينا
Sharp 03-07-2009, 06:06 PM القصة في الفيلم ليست محرفة لأبعد الحدود لكن أقل ما يقال عنها أنها مخيبة للآمال بشكل كبير, وقد وقع الكاتب في أخطاء كثيرة في الإقتباس والحوارات ورسم الشخصيات مما أفقد القصة التراجيدية المأساوية ألقها المميز.
أول خطأ في قصة الفيلم كان إغفال دور الآلهة في الفيلم, ومن المعروف أنه لا وجود ولا طعم للأدب أو التراث الإغريقي دون قصص ومغامرات الآلهة الإغريقية والتي هي أصل الأدب الإغريقي, فلا وجود في الفيلم لدور أفروديت, حيرا, أثينا, بوسيدون, مارس, آريس, أو أبوللو, فهؤلاء الآلهة اختلفوا ومنهم من يناصر الإغريق ومنهم من يناصر الطرواديين ولهم دور ومغامرات كثيرة في القصة, وقد تم إغفال هذا الدور في الفيلم مما أفقد القصة الكثير من الألق والجمال والمتعة.
تم اختصار الحصار من فترة عشر سنوات في القصة الأصلية إلى بضعة أسابيع وهذا خطأ فادح لأن الزمن كان له تأثير كبير في ذلك الحصار المرهق.
قصة الحب التي بين أخيل وبريسيس الطروادية التي يأسرها الإغريق في المعبد هي إضافة فاشلة إلى القصة ولا تزيد القصة تشويقاً ولا متعة, وهي غير موجودة في النص الأصلي, وفي الفيلم ظهرت في غير محلها ولا مبرر لها, غير انها ساذجة وغير مقنعة إلى حد كبير.
في القصة الأصلية يموت أخيل بسهم باريس قبل دخول الإغريق إلى طروادة في حصانهم الخشبي, وبعد انتصار الإغريق يقتلون الملك بريام وعائلته بأكملها, بينما في الفيلم يُقتل أخيل في المعركة الأخيرة بعد دخول طروادة في الحصان الخشبي ويموت في سبيل عشق حبيبته بريسيس ويقول لها جملة بدت مصطنعة وساذجة "لقد منحتني السلم في زمن الحرب"!! , ويهرب بريام وعائلته, وهذه نهاية غير موفقة.
Sharp 03-07-2009, 06:10 PM الحوار
الحوار كان يبدو ناقصاً في الكثير من المواضع ويبدو في غير محله في مواضع أخرى, احتوى أيضاً على جمل ساذجة وأفكار محدثة وتساؤلات وجودية من عصرنا الحالي لا ضرورة لوجودها في النص ولم تكن معروفة في ذلك الزمان
الديكور والملابس والموسيقى
لا يسعنا أن ننتقد هذه الأشياء لأنها كانت فعلاً على مستوى عال من الإتقان والجمال وربما كانت الشيء الوحيد الإبداعي فعلاً في الفيلم, هذا بالإضافة إلى المؤثرات السينمائية الحديثة التي ساهمت في تقديم مشاهد رائعة خصوصاً مشاهد المدن والإغريقية وطروادة, والجيش ومشاهد القتال.
لكن على الرغم من ذلك,,,,,,,, يعود بنا هذا إلى,,,,,,,,,,
أخطأ المخرج والمنتجون لأنهم اعتمدوا للنجاح في الفيلم على أمور ثانوية مثل شهرة براد بيت, استخدام المؤثرات بشكل مفرط, إطالة مشتهد القتال والدم, وإطالة المشاهد الغرامية بين باريس وهيلين, وبين أخيل وبريسيس,
ymymym 03-07-2009, 06:13 PM ايه ته ؟
مش فاهمه حاجه كوفايه خلاص
بس اكيد اكيد ميرسي علي الموضوع الرائع الخطير ده:d
earth 03-07-2009, 06:23 PM القصة في الفيلم ليست محرفة لأبعد الحدود لكن أقل ما يقال عنها أنها مخيبة للآمال بشكل كبير, وقد وقع الكاتب في أخطاء كثيرة في الإقتباس والحوارات ورسم الشخصيات مما أفقد القصة التراجيدية المأساوية ألقها المميز.مش لازم على فكرة لان الكاتب او ما اطلق عليه انا المحرر للقصة الاصلية من الممكن ان يعدل و يحذف بغرض انه يكون هناك شىء من الحبكة الدرامية
أول خطأ في قصة الفيلم كان إغفال دور الآلهة في الفيلم, ومن المعروف أنه لا وجود ولا طعم للأدب أو التراث الإغريقي دون قصص ومغامرات الآلهة الإغريقية والتي هي أصل الأدب الإغريقي, فلا وجود في الفيلم لدور أفروديت, حيرا, أثينا, بوسيدون, مارس, آريس, أو أبوللو, فهؤلاء الآلهة اختلفوا ومنهم من يناصر الإغريق ومنهم من يناصر الطرواديين ولهم دور ومغامرات كثيرة في القصة, وقد تم إغفال هذا الدور في الفيلم مما أفقد القصة الكثير من الألق والجمال والمتعة. برده ارجع و اقول التحريف فى القصة لا يضر طالما ان الفيلم لابد ان يظهر بطريقة درامية تجذب المشاهد اما الالهه لو كانت طلعت فى الفيلم كان الفيلم حيتحول لفيلم الالهه مش الاشخاص لان الالهه دورها فى الكتابات الاغريقية القديمة كان اكبر من البشر بل و انهم كان ليهم مجتمع تانى فى تصور الكتاب الاغريق فى حياة معادلة لحياة البشر من غيرة و حب و كراهيه فماينفعش اتفرج على فيلم عبارة الهه حتى لما احب افكر فى الفيلم تانى مش ححس انى بفكر فى جوانب قريبة من الواقع مما يبقيه بعيدا عن خيال المشاهد العادى
تم اختصار الحصار من فترة عشر سنوات في القصة الأصلية إلى بضعة أسابيع وهذا خطأ فادح لأن الزمن كان له تأثير كبير في ذلك الحصار المرهق. يمكن برده انا برده كنت احب فترة الحصار تتطول اكتر عشان يبان الوقت و الصراع المرهق بس واضح ان يا الميزانية يا الوقت ما ساعدش المخرج
قصة الحب التي بين أخيل وبريسيس الطروادية التي يأسرها الإغريق في المعبد هي إضافة فاشلة إلى القصة ولا تزيد القصة تشويقاً ولا متعة, وهي غير موجودة في النص الأصلي, وفي الفيلم ظهرت في غير محلها ولا مبرر لها, غير انها ساذجة وغير مقنعة إلى حد كبير.بالعكس ده شخصية برسايوس هيه اللى اظهرت الجانب الانسانى من اخيل لان اخيل فى الفيلم كان محتاج محرك خارجى يحرك شعوره اللى هوه مش عايز حتى جواه فى اعماقه يعترف بيه و هوه انه انسان بيحب و بيكره و بيتالم مش بس مقاتل
في القصة الأصلية يموت أخيل بسهم باريس قبل دخول الإغريق إلى طروادة في حصانهم الخشبي, وبعد انتصار الإغريق يقتلون الملك بريام وعائلته بأكملها, بينما في الفيلم يُقتل أخيل في المعركة الأخيرة بعد دخول طروادة في الحصان الخشبي ويموت في سبيل عشق حبيبته بريسيس ويقول لها جملة بدت مصطنعة وساذجة "لقد منحتني السلم في زمن الحرب"!! , ويهرب بريام وعائلته, وهذه نهاية غير موفقة. انا و الله ماعنديش فكرة كويسة عن الحكاية الاصلية عشان انا بتكلم على الفيلم بس بس اللى انا شايفاه ان الفيلم فى نهايته كان محتاج اكتر من كده شغل وانا متفقة معاك ان النهاية كان ممكن تكون احسن
بجد شكرا على النقد الهايل ده و حنتظره فى الاجزاء الجاية
بجد انت عندك بعد نظر و عين ناقدة و فعلا بتلاحظ التفاصيل
شكرا جدا لمشاركتك سعيدة جدا
earth 03-07-2009, 06:24 PM ليه عودة يا محمد عشان اكمل ردى بجد تسلم على المتاقشة و الحوار الرائع ده
sooomaaa 03-07-2009, 06:40 PM الفيلم رائع من كل الجوانب وبراعه المؤلف فى انه بالرغم الظلم والعنف الى كان عايش فيه براد بيت الى هو اخيل الا انه خلانا فى الاخر نشفق عليه لانه كان من جواه انسان بالرغم من كل ده
بجد موضوع جميل شكرا ليك ومختار اجمل الافلام الى اتعملت
سيف عبد العظيم 03-07-2009, 09:52 PM شوف يا صحبى فى الاول والاخر ده فلم وانا طبعا مشفتوش
بس اوصيك بان ننتظر منك ما هو مفيد للناس
قبل مرورى
earth 03-07-2009, 11:30 PM الحوار
الحوار كان يبدو ناقصاً في الكثير من المواضع ويبدو في غير محله في مواضع أخرى, احتوى أيضاً على جمل ساذجة وأفكار محدثة وتساؤلات وجودية من عصرنا الحالي لا ضرورة لوجودها في النص ولم تكن معروفة في ذلك الزمان ممكن اعرف زى ايه عشان واضح انى ماخدتش بالى لانى ماشفتش حاجة ضايقتنى فى الحوار بالعكس ده انا شفت اجزاء رائعة اوى فى الحوار مثل اجزاء الحوار القصيرة بين "اوديسيوس" و "اخيل" واضح اوى فيها الالفة بينهم وواضح انهم اصحاب من خلا الحوار الصامت فى نظراتهم و الحوار المنطوق فى كلامهم
الديكور والملابس والموسيقى
لا يسعنا أن ننتقد هذه الأشياء لأنها كانت فعلاً على مستوى عال من الإتقان والجمال وربما كانت الشيء الوحيد الإبداعي فعلاً في الفيلم فعلا وانا كنت ناوية اتكلم فى الموضوع ده , هذا بالإضافة إلى المؤثرات السينمائية الحديثة التي ساهمت في تقديم مشاهد رائعة خصوصاً مشاهد المدن والإغريقية وطروادة, والجيش ومشاهد القتال.
لكن على الرغم من ذلك,,,,,,,, يعود بنا هذا إلى,,,,,,,,,,
أخطأ المخرج والمنتجون لأنهم اعتمدوا للنجاح في الفيلم على أمور ثانوية مثل شهرة براد بيت بعيدا عن براد بيت مشهور ولالا هوه ادى دوره بنجاح و كان الرجل المناسب لدور "اخيل" بملامحه فى القسوة و الجوانب الانسانية و الانفعال وانا شايفه ان الفيلم نجح مش بشهرة براد بس بل بدور براد اللى اداه بجدارة , استخدام المؤثرات بشكل مفرط, إطالة مشتهد القتال والدم لا انا شايفاها فى الاطار المطلوب عشان تخدم الفكرة و القصة
بجد شكرا على ردك و نقدك الهايل ده
earth 03-07-2009, 11:36 PM ايه ته ؟
مش فاهمه حاجه كوفايه خلاص
بس اكيد اكيد ميرسي علي الموضوع الرائع الخطير ده:d
هههههههههه ماشى شكرا مع انى كنت اتمنى انك تكونى شوفتى الفبلم :p
يلا بكره تشوفيه :d
earth 03-07-2009, 11:40 PM الفيلم رائع من كل الجوانب وبراعه المؤلف فى انه بالرغم الظلم والعنف الى كان عايش فيه براد بيت الى هو اخيل الا انه خلانا فى الاخر نشفق عليه لانه كان من جواه انسان بالرغم من كل ده
بجد موضوع جميل شكرا ليك ومختار اجمل الافلام الى اتعملت
ميرسى على رايك
وهوه فيه قدر كبير من الصواب
بجد انا مبسوطة اوى ان فى ناس بتشوف الفيلم بابعاد تانية مش بس مجرد تسلية
ميرسى لردك الجميل جداا و هوه فعلا فيلم رائع من اجمل الافلام
earth 03-07-2009, 11:46 PM شوف يا صحبى فى الاول والاخر ده فلم وانا طبعا مشفتوش
بس اوصيك بان ننتظر منك ما هو مفيد للناس
قبل مرورى
اولا انا بنت :blush:
ثانيا انا شايفة ان تنمية الفكر تكون باتخاذ ابعاد مختلفة جديدة و اكثر عمقا للانشطة اليومية زى مشاهدة التلفزيون مافيش مشكلة لو خدت فيلم على محمل الجد و حللته فنيا و نقدته بالعكس ده بيحرك الفكر و بيؤسس لدى الناس بعض الافكار الجديدة اثناء مشاهدة الافلام و بكده يبقوا اكثر ملاحظة فى الفيلم و ينمو فكرهم و تنمو عندهم العين الناقدة و مش بعيد حد منهم يوضح وحهه نظره فى فيلم تانى عربى او اجنبى و بكده الناس حتعبر عن نفسها و حتنمو مخيلتها و مش بعيد يكتبوا هما روايتهم الخاصة
وشكرا
earth 03-07-2009, 11:57 PM الجزء الثانى تحت الطبع;)
eng.sabry elbrins 04-07-2009, 12:44 AM منتظرين .................. Loading!!!!!!!!!!!!!!!!!!!!!!!!!!!!!!!!!!!!!!!!!
earth 04-07-2009, 01:16 AM جزء 2
1- بالنسبة لمعركة "اخيل" مع "هكتور"
لما اى حد يشوف اللقطة اللى بينده فيها "اخيل" على "هكتور" نقدر نشوف من هنا الجزء الوحشى فى "اخيل" لان اى حد شافه فى الفيلم حيلاحظ ان عينه لم يكن بها اى رحمة و مليئة بالغضب فاخيل فى هذة اللقطة تسيطر عليه فكرة الانتقام و الغضب و لكنه مش قادر يحكم غضبه و لا قادر يحكم اعصابه و الطريقة الوحيدة اللى يعرفها انه يقتل الشخص اللى عايز ينتقم منه يعنى هنا فى خلل فى شخصية اخيل فى التعبير لانه مش قادر يعبر عن انفعال غضبه الا بانه يقتل
2- الاغنية الاخيرة فى الفيلم
معبرة عن مضمون الفيلم معبرة عن كيفية تفكير " اخيل" موضحة للفكرة الاساسية فعلا الاغنية الصحيحة فى الموضع الصحيح
اسمها remember me للمغنى Josh Groban
3- صداقة "اودسيوس" و "اخيل"
يظهر فى الفيلم من بعض اللقطات التى جمعت حديث بين "اودسيوس" و "اخيل" يتضح منها ان هناك نوع من الصداقة و الالفة بين "اخيل" و "اودسيوس" فاخيل خلال الفيلم لم يتحدث مع احد بنفس الطريقة التى يتحدث بها مع "اودسيوس" الا مع "باتروكلوس" وهذا يعطى ايحاء ان شخصية "اخيل" ليست مجردة من المشاعر الانسانية و الحاجة للصداقة
4- الازياء و الملابس
لا احد يستطيع ان ينكر ان الازياء لها دور كبير فى اخذنا لهذة الجولة الخيالية فعلا الازياء كانت حلوة جدا و متقنة و مصصمة على ايد محترفين عالمين بالثقافة الاغريقية و كيف كانوا يرتدون ولو دققنا حنلاقى ان مافيش تفصيل صغير ناقص الملابس كاملة تماما حتى الاكسسوار فى الشعر و لونه و العقود و غيرها
وتصميم الملابس فى الفيلم كان مرشح لجائزة اوسكار
5- الموسيقى التصويرية
كانت فعلا مؤثرة و بتسحب كل التركيز للفيلم تاثر فى المشاهد لدرجة انه يفكر انه يحاول يساعد باى طريقة و الموسيقى التصويرية فى الفيلم قامت فعلا بدور ممتاز و متميز و حققت الدور المطلوب من الموسيقى التصويرية فى اى فيلم وهو نقل العاطفة للمشاهد ليتشارك كليا مع الفيلم و ينغمس فيه
هناك بقية............
سيف عبد العظيم 04-07-2009, 03:35 AM :078111rg3:اولا انا بنت :blush:
ثانيا انا شايفة ان تنمية الفكر تكون باتخاذ ابعاد مختلفة جديدة و اكثر عمقا للانشطة اليومية زى مشاهدة التلفزيون مافيش مشكلة لو خدت فيلم على محمل الجد و حللته فنيا و نقدته بالعكس ده بيحرك الفكر و بيؤسس لدى الناس بعض الافكار الجديدة اثناء مشاهدة الافلام و بكده يبقوا اكثر ملاحظة فى الفيلم و ينمو فكرهم و تنمو عندهم العين الناقدة و مش بعيد حد منهم يوضح وحهه نظره فى فيلم تانى عربى او اجنبى و بكده الناس حتعبر عن نفسها و حتنمو مخيلتها و مش بعيد يكتبوا هما روايتهم الخاصة
وشكرا
هو انا قلت حاجه زعلتك اصل واضح من ردك انك زعلانه
هو مش كل واحد حر فى تعبيرة عن رائيه ولا ايه
وبعدين انتىبنت اسف جدا ما اخدتش بالى معلش اقبلى اعتزارى
وبعدين انا كنت اقصد بلاش ناخد الافلام جزء فى حياتنا دى على فكرة وجهة نظرى
وكل واحد حر
تقبلى رائي فى رعاية الله:078111rg3::078111rg3::078111rg3::078111rg3:
earth 04-07-2009, 03:36 PM :078111rg3:
هو انا قلت حاجه زعلتك اصل واضح من ردك انك زعلانه لا والله
هو مش كل واحد حر فى تعبيرة عن رائيه ولا ايه انا مش قلت حاجة تعارض رايك انا بس بوضح وجهه نظرى انا كمان
وبعدين انتىبنت اسف جدا ما اخدتش بالى معلش اقبلى اعتزارى لا عادى ولا يهمك :d
وبعدين انا كنت اقصد بلاش ناخد الافلام جزء فى حياتنا دى على فكرة وجهة نظرى
وكل واحد حر
تقبلى رائي فى رعاية الله:078111rg3::078111rg3::078111rg3::078111rg3:
ماكانش قصدى يظهر ردى فى صورة زعل و انا فعلا مش زعلانة خالص انا كان قصدى اوضح وحهه نظرى انا كمان
ارجو الا يكون هناك سوء تفاهم
على العموم الموضوع فى طريقة للنهاية
شكرا على ردك على اى حال
not lost 04-07-2009, 05:07 PM شكرا على الموضوع
earth 04-07-2009, 05:17 PM شكرا على الموضوع
من العفو
شكرا للمرور و المشاركة
ومن هنا اخاطب السادة مسئولى المنتدى بعمل قسم
للنقد والروية الخاصة بالاعضاء :d
جت ف دماغى الفكرة دى برضو
:bosyht9:
احمد نوفل 04-07-2009, 09:48 PM فعلا الفيلم ده جامد جدا ومشهور بدرجة فظيعة
ولحد الان واخد مكانته
واحلى ما فيه قوة اخليس والموسيقى التصويرية
earth 05-07-2009, 02:09 AM جت ف دماغى الفكرة دى برضو
:bosyht9:
ممكن ان شاء الله تتحقق
فى رايى على الاقل :d
ميرسى للمرور
earth 05-07-2009, 02:12 AM فعلا الفيلم ده جامد جدا ومشهور بدرجة فظيعة
ولحد الان واخد مكانته
واحلى ما فيه قوة اخليس والموسيقى التصويرية
طبعا الفيلم مشهور جدا و مازالت فيه مواقع كتيرة جدا بتتكلم عليه
انا معاك ان الموسيقى التصويرية بجد مزوقة الفيلم اوى و كمان شخصية "اخيل" طلعت فى الفيلم بعرض كويس
شكرا للمشاركة
أريــــ الجنة ــــد 05-07-2009, 02:12 AM الحقيقة انا سمعت عن الفيلم ده كتير اوي
والكل بيشكر فيه
وبجد نفسي اشوفه
earth 05-07-2009, 02:20 AM الجزء 3
دى بعض صور من الفيلم و حجيب شوية كمان ان شاء الله
http://www10.0zz0.com/2009/07/04/15/389805153.jpg ده حصان طرواده
http://www10.0zz0.com/2009/07/04/15/218320453.jpg
دى صورة الجيشين قبل بداية المعركة بين الطرواديين و اليونانيين
http://www10.0zz0.com/2009/07/04/15/279888012.jpg
http://www10.0zz0.com/2009/07/04/15/806826217.jpg
صورة الاساطيل اللى ذاهبة لطروادة
مش عارفة و الله حيبقى فى جزء تانى للموضوع و لالا بس على العموم لو جت فى بالى حاجة حكتبها
earth 05-07-2009, 02:24 AM الحقيقة انا سمعت عن الفيلم ده كتير اوي
والكل بيشكر فيه
وبجد نفسي اشوفه
ان شاء الله يجى تانى قريب على التلفزيون وتشوفيه:d بس وانتى بتشوفيه شوفيه بنظرة جديدة مش بس فيلم للتسلية يعنى حاولى تنقضيه او تاكدى على حاجة معينة فيه تبدى رايك حتى ولو فى موسيقى الفيلم
شكرا للمشاركة
M0StA 11-07-2009, 12:35 PM الفيلم من احسن الأفلام اللى اتعملت دلوقتى و انا معاكى ان النفس البشرية متقدمتش و صعب انها تتقدم لأن كل شئ بيبقى ف ايد الحكام مش ف ايد الشعب ف لو الحاكم عايز حرب حتى لو لكان اسباب شخصية اكيد حيعلنها =) موضوع جميل
earth 11-07-2009, 08:57 PM الفيلم من احسن الأفلام اللى اتعملت دلوقتى و انا معاكى ان النفس البشرية متقدمتش و صعب انها تتقدم لأن كل شئ بيبقى ف ايد الحكام مش ف ايد الشعب ف لو الحاكم عايز حرب حتى لو لكان اسباب شخصية اكيد حيعلنها =) موضوع جميل
على فكرة حضرتك رديت على تقطة من اهم النقط اللى كنت بحاول الفت النظر ليها بس واضح ان محدش خد باله
على العموم شكرا للتعليق و المشاركة :d
Sharp 12-07-2009, 01:02 AM بالنسبة للشخصيات
سأبدأ بشخصية أخيل, أخيل معروف في الميثولوجيا الإغريقية وربما يعد من أشهر شخصيات هوميروس, وهو مخالف تماماً لما ظهر في الفيلم, في الملحمة أخيل هو أقوى محاربي الإغريق, رجل ضخم الجثة, مفتول العضلات, حاد الملامح خشنها, ملتح "كان الإغريق يطلقون اللحى وقد عرفوا بها في العالم القديم" كما يظهر في تماثيله كلها, وكان رجل حرب ونصف اله, همه الأول والأخير المجد والقوة.
أما في الفيلم فقد ظهر كشخص عبثي يحارب بلا قضية ولا هدف, يحارب الجميع ويقاطع الجميع ويتحداهم, شخص نكد المزاج, مقطع الأوصال, فاقد العطف, عبد للجسد ومهزوز النفس.
أما الممثل براد بيت الذي أدى دور أخيل فهو لا يشبه أخيل لا من قريب ولا من بعيد, وصحيح أنه مفتول العضلات لكنه لا يبدو إغريقياً ابداً, بل كان أقرب بشعره الأشقر الطويل الذي صففه للتو لدى أفخم الحلاقين, ونظرته الهوليودية المتعالية وقد صبغ نفسه تحت شمس الشواطيء, كأنه يتمشى بخيلاء على السجادة الحمراء لالتقاط الصور.
أما لهجته فتترواح بين لهجته الأمريكية العادية ولهجة انجليزية شيكسبيرية مما يعلمونه لطلاب التمثيل في السنة الأولى, لذلك كان تمثيله مخيب للآمال وبدا في الفيلم لا يمت إلى الإغريق بصلة.
شخصية باريس الذي احتل دوره الممثل اورلاندو بلوم فهو في القصة الأصلية فارس مغوار لا يشق له غبار أما في الفيلم فقد ظهر كشاب حدث السن مدلل, ساذج يريد هيلين بعناد كما يريد طفل لعبته المفضلة.
شخصية الملك بريام أيضاً احتوت الكثير من الأخطاء فهو في القصة الأصلية ملك عظيم ذو هيبة ووقار بينما بدا في الفيلم رجل عجوز خرف, لا يدري من الدنيا شيئاً, ولكن الحق يقال أن الدور قد تم إنقاذه إلى حد من الممثل البارع بيتر أوتول, ولو رسمت الشخصية بشكل أفضل لأبدع هذا الممثل إبداعاً متميزاً.
شخصية هيكتور الذي احتلها الممثل إريك بانا هي الشخصية الوحيدة التي لم يتم تشويهها وإتلافها, لا من النص ولا من الممثل فقد ظهرت واقعية ومقنعة إلى حد كبير.
كفاية لحد كدة :d
CoMMaNdo 12-07-2009, 01:30 AM الفيلم بالرغم من انه تصوير فى التسعينات
يعنى غلب الجرافيك وغلب كل حاجه
لان فيه تصوير ملوش حل واخراج جميل جدا
وشكرا على عرضك الموضوع دا
earth 12-07-2009, 03:15 AM بالنسبة للشخصيات
سأبدأ بشخصية أخيل, أخيل معروف في الميثولوجيا الإغريقية وربما يعد من أشهر شخصيات هوميروس, وهو مخالف تماماً لما ظهر في الفيلم, في الملحمة أخيل هو أقوى محاربي الإغريق, رجل ضخم الجثة, مفتول العضلات, حاد الملامح خشنها, ملتح "كان الإغريق يطلقون اللحى وقد عرفوا بها في العالم القديم" كما يظهر في تماثيله كلها, وكان رجل حرب ونصف اله, همه الأول والأخير المجد والقوة.
أما في الفيلم فقد ظهر كشخص عبثي يحارب بلا قضية ولا هدف, يحارب الجميع ويقاطع الجميع ويتحداهم, شخص نكد المزاج, مقطع الأوصال, فاقد العطف, عبد للجسد ومهزوز النفس.
أما الممثل براد بيت الذي أدى دور أخيل فهو لا يشبه أخيل لا من قريب ولا من بعيد, وصحيح أنه مفتول العضلات لكنه لا يبدو إغريقياً ابداً, بل كان أقرب بشعره الأشقر الطويل الذي صففه للتو لدى أفخم الحلاقين, ونظرته الهوليودية المتعالية وقد صبغ نفسه تحت شمس الشواطيء, كأنه يتمشى بخيلاء على السجادة الحمراء لالتقاط الصور.
أما لهجته فتترواح بين لهجته الأمريكية العادية ولهجة انجليزية شيكسبيرية مما يعلمونه لطلاب التمثيل في السنة الأولى, لذلك كان تمثيله مخيب للآمال وبدا في الفيلم لا يمت إلى الإغريق بصلة.
شخصية باريس الذي احتل دوره الممثل اورلاندو بلوم فهو في القصة الأصلية فارس مغوار لا يشق له غبار أما في الفيلم فقد ظهر كشاب حدث السن مدلل, ساذج يريد هيلين بعناد كما يريد طفل لعبته المفضلة.
شخصية الملك بريام أيضاً احتوت الكثير من الأخطاء فهو في القصة الأصلية ملك عظيم ذو هيبة ووقار بينما بدا في الفيلم رجل عجوز خرف, لا يدري من الدنيا شيئاً, ولكن الحق يقال أن الدور قد تم إنقاذه إلى حد من الممثل البارع بيتر أوتول, ولو رسمت الشخصية بشكل أفضل لأبدع هذا الممثل إبداعاً متميزاً.
شخصية هيكتور الذي احتلها الممثل إريك بانا هي الشخصية الوحيدة التي لم يتم تشويهها وإتلافها, لا من النص ولا من الممثل فقد ظهرت واقعية ومقنعة إلى حد كبير.
كفاية لحد كدة :d
اولا اهلا بحضرتك فى الموضوع
ثانيا فعلا انا بفرح جدا لما الاقى فى وجهات نظر تانية بجد ساعات بيبقى نقاش مثمر اوى
و ياريت لو حضرتك عايز تكمل اى وجهه نظر تانية فى الموضوع اكتبها وانا سوف ارد بكره الصبح عشان دلوقتى مش فايقة خالص
بس فعلا اتشرف انى اتطلع على وجهه نظرك فى الفيلم
ليا عودة بكره
earth 12-07-2009, 03:17 AM الفيلم بالرغم من انه تصوير فى التسعينات دى معلومة انا اول مرة اعرفها بس هل حضرتك متاكد
يعنى غلب الجرافيك وغلب كل حاجه
لان فيه تصوير ملوش حل واخراج جميل جدا ده كلام مضبوط تصوير الفيلم كان رائعععع
وشكرا على عرضك الموضوع دا
من العفو
شكرا لتشريفك الموضوع
Sharp 12-07-2009, 03:42 AM و ياريت لو حضرتك عايز تكمل اى وجهه نظر تانية فى الموضوع اكتبها وانا سوف ارد بكره الصبح عشان دلوقتى مش فايقة خالص
انا قلت في المشاركة رقم 12 ورقم 13;)
nothing 12-07-2009, 04:10 AM اولا انتى فعلا اخترتى فيلم حلو اوى
والنقد بتاعك الى حد كبير جميل
بس اللى حبيته بقا ف الفيلم الموسيقى بتاعته خرافه بجد وكمان معركته مع هيكتور ولى عهد مملكه طرواده وكمان خدعه الحصان دى وف الاخر لما تضيحته تظهر ويضحى علشان حبيبته
اقولك كل الفيلم عاجبنى :d
ميرسى ع النقد الجميل ده
ahmedhamada 12-07-2009, 01:00 PM بص انا راى ان الفيلم درامى اكتر منه اكشن والجوانب الانسانية دى مهمة جدا لان من غيرها مش تبقى انسان وشكرا
earth 12-07-2009, 03:04 PM بالنسبة للشخصيات
سأبدأ بشخصية أخيل, أخيل معروف في الميثولوجيا الإغريقية وربما يعد من أشهر شخصيات هوميروس, وهو مخالف تماماً لما ظهر في الفيلم, في الملحمة أخيل هو أقوى محاربي الإغريق, رجل ضخم الجثة, مفتول العضلات, حاد الملامح خشنها, ملتح "كان الإغريق يطلقون اللحى وقد عرفوا بها في العالم القديم" كما يظهر في تماثيله كلها, وكان رجل حرب ونصف اله, همه الأول والأخير المجد والقوة.عندك حق "اخيل" مختلف كتير فى الفيلم بس برده ارجع و اقول المحرر او كاتب السيناريو ليه الحق يغير و ذكرت السبب فى السابق
أما في الفيلم فقد ظهر كشخص عبثي يحارب بلا قضية ولا هدف, يحارب الجميع ويقاطع الجميع ويتحداهم, شخص نكد المزاج, مقطع الأوصال, فاقد العطف,مهزوز النفس. لالا ليه ده ظهر بيحارب عشان هدف وهوه المجد و ان اسمه يظل مذكور عبر التاريخ و فى نفس الوقت جمع شوية بين غضب اخيل ووحشيته
أما الممثل براد بيت الذي أدى دور أخيل فهو لا يشبه أخيل لا من قريب ولا من بعيد, وصحيح أنه مفتول العضلات لكنه لا يبدو إغريقياً ابداً, بل كان أقرب بشعره الأشقر الطويل الذي صففه للتو لدى أفخم الحلاقين, ونظرته الهوليودية المتعالية وقد صبغ نفسه تحت شمس الشواطيء, كأنه يتمشى بخيلاء على السجادة الحمراء لالتقاط الصور.ممكن بس حيجيبوا واحد كده منين يعنى اقرب الشبه و برده الممثل كان لازم يلائم الجوانب الانسانية المكتوبة فى السيناريو يعنى مش ينفع يجيبوا واحد زى بتوع المصارعة
أما لهجته فتترواح بين لهجته الأمريكية العادية ولهجة انجليزية شيكسبيرية مما يعلمونه لطلاب التمثيل في السنة الأولى, لذلك كان تمثيله مخيب للآمال وبدا في الفيلم لا يمت إلى الإغريق بصلة.الفيلم اصلا بالانجليزى فمش حتفرق كتير اتكلم بلهجه انجليزية ولا اغريقية ولا ايه ;)
شخصية باريس الذي احتل دوره الممثل اورلاندو بلوم فهو في القصة الأصلية فارس مغوار لا يشق له غبار أما في الفيلم فقد ظهر كشاب حدث السن مدلل, ساذج يريد هيلين بعناد كما يريد طفل لعبته المفضلة.دى بقى انا مش كنت اعرفها خالص عشان بتكلم على الفيلم كتصوير و جوانب انسانية مش بطابق قصة هوميروس مع الفيلم بس ان كان فعلا زى ما انت بتقول يبقى الفيلم اخل خلل كبير بيها
شخصية الملك بريام أيضاً احتوت الكثير من الأخطاء فهو في القصة الأصلية ملك عظيم ذو هيبة ووقار بينما بدا في الفيلم رجل عجوز خرف, لا يدري من الدنيا شيئاً, ولكن الحق يقال أن الدور قد تم إنقاذه إلى حد من الممثل البارع بيتر أوتول, ولو رسمت الشخصية بشكل أفضل لأبدع هذا الممثل إبداعاً متميزاً. وهوه "بريام" طلع فى الفيلم مش عارف حاجة انا شايفة انه كان الى حد ما زى ما انت بتقول فى القصة الاصلية بس انفق معاك ان الممثل اللى قام بدور "بريام" فعلا ادى الدور بشكل كويس جدا
شخصية هيكتور الذي احتلها الممثل إريك بانا هي الشخصية الوحيدة التي لم يتم تشويهها وإتلافها, لا من النص ولا من الممثل فقد ظهرت واقعية ومقنعة إلى حد كبير. لا اختلف تماما عندك حق تادية الدور كانت رائعة بالنسبة لتأدية الدور اما بالنسبة للشخصية الاصلية فى كتابات هوميروس فانا مش اعرف الحقيقة بس انا سوف اقرأها قريبا و اشوف
كفاية لحد كدة :d
بجد شكرا جداااااا فعلا فعلا ما شاء الله فعلا والله
يعنى حققت هدفى من الموضوع ان المشاهد يشاهد الفيلم بنظرة جديدة
فعلا الله و اكبر
بجد نقدك كان رائع
والاختلاف فى الرأى لا يفسد للود قضية :d
اشكرك لمرورك و مشاركتك البناءة
earth 12-07-2009, 03:08 PM انا قلت في المشاركة رقم 12 ورقم 13;)
اه هوه حضرتك عندك عضويتين
اى كان راى جيد
شكراااا:022yb4:
earth 12-07-2009, 03:13 PM اولا انتى فعلا اخترتى فيلم حلو اوى شكرا جدا
والنقد بتاعك الى حد كبير جميل شكرا
بس اللى حبيته بقا ف الفيلم الموسيقى بتاعته خرافه بجد وكمان معركته مع هيكتور ولى عهد مملكه طرواده وكمان خدعه الحصان دى وف الاخر لما تضيحته تظهر ويضحى علشان حبيبته
اقولك كل الفيلم عاجبنى :d باختصار بقى
ميرسى ع النقد الجميل ده
ههههه
من العفو
و على فكرة عندك حق المعركة مع هكتور كانت رائعة وانا بتفرج على تسجلات مع المخرج وكده سمعت مش عارفة يا المخرج يا "اريك بانا" بيقول انهما قعدوا شهر يتدربوا على المعركة دى
بجد فيلم مبذول فيه جهد كبييييير
و طبعا الموسيقى التصويرية كانت ليها دور فعال و رائع
شكرا لمشاركتك الجيدة و رايك
earth 12-07-2009, 03:17 PM بص انا راى ان الفيلم درامى اكتر منه اكشن والجوانب الانسانية دى مهمة جدا لان من غيرها مش تبقى انسان وشكرا
والله هوه يحتوى الاثنين
بس مش يصنف درامى فى رايى
و طبعا الجولنب الانسانية مهمة عشان السبب اللى حضرتك ذكرته بالضافة للحبكة الدرامية و كمان اقناع المشاهد و تبسيط الملحمة عليه ان مش كان يعرفها فعلى الاقل ياخد عنها فكرة
شكرا لرايك و مشاركتك
earth 12-07-2009, 03:34 PM الجزء 4
حاجة كده افتكرت اكتبها
شوفوا يا جماعة ان كان الفيلم مش مماثل لكتابات هوميروس
فانا شايفة ان دى نقطة قوة مش ضعف
لان فى ناس مش تعرف الملحمة من الاصل فلما يعرفوها طبعالازم يعرفوها بطريقة مبسطة او كمقدمة خفيفة وان عايزين يتعرفوا عليها اكتر بعد كده مفيش مشكلة بس على الاقل يبقى عندهم وعى بيها
بس فى ناس شايفة ان الفيلم لازم يراعى ان فى ناس عارفة الملحمة كويس و عايزة تعمق فكرها و تنقد الفيلم نقد بناء
انا شايفة ان الفيلم لم يظلم احد من الفريقين
بالعكس ده ادى الاول حقه بانه عرفه الملحمة بطريقة مبسطة و تدخل دماغه بسرعة و مش ينساها (ده اثر الجوانب الانسانية و الموسيقى التصويرية)
وادى الجانب الثانى حقه بانه قدم له الملحمة بشكل جديد يقدر ينقده و يثرى بيه عقله
برده مش عارفة حيبقى فى جزء تانى ولا لا بس لو جت حاجة فى دماغى حكتبها
شكرا لكل من شارك برأيه
محمود مان 12-07-2009, 04:31 PM ممكن اشارك برايى
انا براى ان شخصية اخيل ما كنتش متناسقة من البداية يعنى فى الاول خالص كان قمة الشر و كمان بان قسوتة لما جة يحارب هكتور و طلب منة ان اللى يموت يحصل على جنازة تليق بية و لكنة رفض و لما قتلة جرة فى الحصان لغاية مستعمرتة
و بعد كدة بان طيبتة و كانت طيبة ما دلوش على القسوة اللى كان فيها من البداية
و كمان فى البداية لما وصل المعبد و قتل اللى فية ما كنش عندة اى طيبة بعكس النهاية يعنى اللى كان يشووفة من البداية لا يمكن يقل ان وراء الشخصية دى انسان طيب ضحا بحياتة علشان اللى بيحبها و هو كان بينقذها ساب جنودة يحربوا و جرى يدور عليها يعنى انا كان برايى ان احسن شخصية فى الفيلم هى هكتور
earth 12-07-2009, 09:12 PM ممكن اشارك برايى طبعا :d
انا براى ان شخصية اخيل ما كنتش متناسقة من البداية يعنى فى الاول خالص كان قمة الشر و كمان بان قسوتة لما جة يحارب هكتور و طلب منة ان اللى يموت يحصل على جنازة تليق بية و لكنة رفض و لما قتلة جرة فى الحصان لغاية مستعمرتة
و بعد كدة بان طيبتة و كانت طيبة ما دلوش على القسوة اللى كان فيها من البداية
و كمان فى البداية لما وصل المعبد و قتل اللى فية ما كنش عندة اى طيبة بعكس النهاية يعنى اللى كان يشووفة من البداية لا يمكن يقل ان وراء الشخصية دى انسان طيب ضحا بحياتة علشان اللى بيحبها و هو كان بينقذها ساب جنودة يحربوا و جرى يدور عليها يعنى انا كان برايى ان احسن شخصية فى الفيلم هى هكتور
شخصية هكتور فى الفيلم لا غبار عليها وهيه فعلا شخصية جيدة جدا كمان تمثيلها رائع
اما بالنسبة ل"اخيل" فالتحول اللى بتتكلم عليه هوه جوهر اخيل يعنى اخيل بشخصيته المتحولة دى هوه ده قمة الدراما يعنى ان هوه فيه حاجات كويسة كتير بس مش بيظهرها لا كمان بيخبيها بقسوته ووحشيته يعنى هوه فيه اظطراب فى شخصيته كبير
و ده رأيى
ولكن رأيك ايضا يحترم
شكرا للرأى و المشاركة
|