مشاهدة النسخة كاملة : م الثانوية للكلية.. مرحلة جديدة يا بنات
basmet el rabi3 09-07-2009, 06:41 AM مبروك علينا جميعا ... إن شاء الله كلنا ناجحين فى الثانوية العامة .
حد فيكم فكر يا بنات فى المرحلة الجديدة اللى إحنا داخلين عليها ؟ أكيد شوية منكم فكروا . إيه إحساسكم ؟ فرحانين ؟ ده أكيد .... خايفين ؟ ممكن .... من إيه ؟ يمكن بتفكروا الجامعة عاملة إزاى , نظامها إزاى , المناهج و المحاضرات , الأساتذة و تشددهم و الصورة اللى إترسمت فى خيالنا عنهم . الزمالة ..... حطوا تحت دى بقى مليون خط !! طبعا الصحاب اللى كانوا معايا فى المدرسة مش حالاقيهم فى الكلية , و ضرورى لازم حاعرف ناس جداد ... يا رب وقعنى فى زملاء كويسين ... زملاء محترمين ... أعرف بنات صحابى خايفين من النقطة دى قوى , و كنا بنتكلم فيها كتير . تعرفوا ... أنا مش خايفة , و أخاف ليه ؟ أنا أقدر أفرض على اللى قدامى إنه يحترمنى و ده بتصرفاتى و طريقة كلامى و اللى مش عاجبه أو مش عاجبها تعرفنى زى ما أنا كده يدوروا على زميلة غيرى . أكبر نعمة ربنا يديها لأى بنت أو ولد هى الأب و الأم المتعقلين ... اللى بيتفهموا ولادهم و يكونوا قريبين منهم ... و أنا ألف حمد و شكر لك يا رب إنك اديتنى النعمة دى . ماما هى صاحبتى الأولى ... كتير من صحابى كانوا يستغربوا لما أحكى لهم على حاجة ... البنات بتعتبرها شخصية جدا و أقول لهم ماما قالت لى كذا أو عملت كذا ... يقولوا لى إنت هبلة , إنت ما لكيش شخصية مستقلة ... إنت ما تعرفيش تعملى لنفسك أسرار خاصة ... إنت نغة ....إنت ... إنت .
المهم شوية من البنات اصحابى دول وقعوا نفسهم فى مشاكل مجعلصة و مش حاطول عليكم فى الآخر خالص خالص أهاليهم هم اللى حلوا لهم المشاكل . طب و كان ليه من الأول .
البنت هى خط الدفاع الأول عن نفسها ... أيوة حتاخد وقت فى الأول لحد ما الكل يعرف شخصيتها ... لكن فى الآخر هى تقدر تبعد عن نفسها كل الحاجات اللى مش تمام .
يا ريت تدونى رأيكم ... و يا ريت البنات اللى سبقونا للجامعة يدونا خبرتهم ...
bosy .. mostafa 09-07-2009, 01:32 PM انا خايفه جدا من الموضوع ده لاني معرفش اي حد خااالص و انا الوحيده اللي في اصحابي اللي كانت علمي علوم
يعني ربنا يستر
ان شاء الله ربنا يوقعنا في اصحاب كويسين .. انا بحاول اخد خبرات من اخويا الكبير و من والدتي و ان شاء الله كله خير
**تسابيح** 10-07-2009, 03:17 AM انا فرحانة ومش فرحانة
فرحانه اني هندخل مرحلةجديدة
مش فرحانة اني هسيب اصحابي اللي بقالي 6 سنين اعرافهم اعرف اهلهم كل حاجة عنهم
بس انتي بنوته عسولة اووووي
كويس اوووي انك بتحكي لمامتك دي حاجة كويسة
ربنا يخلينا كلنا اهلنا
وزي ما قلت القوي بيفرض شخصيتك
ربنا معانا
Bent 3bdo 10-07-2009, 03:28 AM انا مرعوبه بجد
بس انام دلوقتى وادخل اقولكوا مرعوبه ليه
وربنا يستر
basmet el rabi3 10-07-2009, 07:29 AM انا خايفه جدا من الموضوع ده لاني معرفش اي حد خااالص و انا الوحيده اللي في اصحابي اللي كانت علمي علوم
يعني ربنا يستر
ان شاء الله ربنا يوقعنا في اصحاب كويسين .. انا بحاول اخد خبرات من اخويا الكبير و من والدتي و ان شاء الله كله خير
خير ما تفعلى إنك تسألى الأكبر منك ... ما خاب من استشار
بالتوفيق إن شاء الله
:) :) :)
basmet el rabi3 10-07-2009, 07:35 AM انا فرحانة ومش فرحانة
فرحانه اني هندخل مرحلةجديدة
مش فرحانة اني هسيب اصحابي اللي بقالي 6 سنين اعرافهم اعرف اهلهم كل حاجة عنهم
بس انتي بنوته عسولة اووووي
كويس اوووي انك بتحكي لمامتك دي حاجة كويسة
ربنا يخلينا كلنا اهلنا
وزي ما قلت القوي بيفرض شخصيتك
ربنا معانا
انتِ عسولة اكتر ... طبعا أحكى لماما ... ما هو اللى ما يتعلمش من اخطاء غيره يبقى ..... !
و ليه مش فرحانة ... دخول الجامعة ده نتيجة شقا كام سنة من عمرنا ..
افرحى طبعا ... و خليها على الله .. و ربنا هو الحافظ
و إن كان على أصحابك القدام ما تسيبيهمش أبدا لإن هما دول الأصحاب الحقيقيين اللى مش حتعوضيهم , و خاصة زى ما بتقولى تعرفى أهلهم و كل شئ عنهم
basmet el rabi3 10-07-2009, 07:37 AM انا مرعوبه بجد
بس انام دلوقتى وادخل اقولكوا مرعوبه ليه
وربنا يستر
ليه مرعوبة ؟ كفى الله الشر ؟ كل شئ و له حل إن شاء الله
موني دياب 10-07-2009, 03:16 PM انا اكيد خايفة موت من المرحلة الجديدة بس زي ما قلتي انك هتفرضي احترامك علي اي حد حتي لو هو مش محترم بس طبعا في الاول هتحسي بوحدة وقلق وان شاء الله نتعرف علي صحاب محترمين وكويسين
وندخل الي بنحلم بيه ومرسيه ليكي يا قمر عالموضوع الحلو ده
Bent 3bdo 11-07-2009, 01:18 AM أنا خايفه بجد مش عارفه هتصاحب ازاى وهمشى مع مين
مش عارفه
حاسه ان الموضوع هيبقى صعب خصوصا ان انا مش اجتماعيه اوى
انا حاسه انى هدخل الجامعه هتوه اصلا مش هبقى عارفه اروح فين
ربنا يستر
بس يا سلام بقى
لو حد م اصحابى يبقى معايا ف نفس الكليه
تبقى حاجه زى الجلاش
مش حاسة باى قلق غير انى ادخل كلية وافشل فيها
احساس مالوش حل
:d
غير كدة موضوع الاصحاب وبتاع ماعتقدش فيه مشاكل
مانا لما دخلت اولى ثانوى ماكنتش اعرف غير واحدة بس صاحبتى ف اعدادى
وطلعت من ثانوى عارفة اكتر من نص المدرسة
:d
ده غير انها مش فارقة اوى معايا .. مابقيتش عايزة اصحاب
استكفيت ..
عايزة بس ادخل كلية ابقى كويسة فيها
:bosyht9:
حلم طالبة 11-07-2009, 03:59 AM طبعا الكلية حاجه جديده وهتقابلنا حاجات جديده
وفعلا خايفه من حكاية الاصحاب دى ومضايقانى جامد ...... بس احتمال كبير يكون حد من اصحاب الثانوى معايا
ويا عالم ممكن نكون احنا *بنات المنتدى * نتقابل صح؟
وعايزه اتعرف عليكوا اكتر ويا ريت نبقى اصحاب على طول يا بنات
لانى لسه بادئه اشارك جديد يعنى
ممكن؟
basmet el rabi3 11-07-2009, 07:42 AM انا اكيد خايفة موت من المرحلة الجديدة بس زي ما قلتي انك هتفرضي احترامك علي اي حد حتي لو هو مش محترم بس طبعا في الاول هتحسي بوحدة وقلق وان شاء الله نتعرف علي صحاب محترمين وكويسين
وندخل الي بنحلم بيه ومرسيه ليكي يا قمر عالموضوع الحلو ده
نورتِ الموضوع يا مونى ... ربنا يوفقك و يوفقنا جميعا
basmet el rabi3 11-07-2009, 07:55 AM الى نغم _18
قريبتى قالت لى ( على فكرة هى خجولة و مش بتعرف تعمل صداقات بسهولة ) أول ما دخلت الكلية كانت حاسة بإنها وحيدة و تايهة ... و مع الوقت اتعودت على المكان , و شوية شوية بدأت ترتاح لبنت معينة شافت إنها خجولة زيها , و بدأوا يقربوا من بعض و دلوقت هما أصحاب قوى ... و العملية مشيت عادى بعد كده , و اعتقد فهمت من كلامها إنهم بقوا جروب مش بس إتنين .
الخلاصة ... ما تقلقيش
basmet el rabi3 11-07-2009, 07:59 AM مش حاسة باى قلق غير انى ادخل كلية وافشل فيها
احساس مالوش حل
:d
إن شاء ربنا يوفقك للكلية اللى فيها الخير لك ... و يوفقك و تنجحى و تتفوقى كمان و لما تبقى معيدة إن شاء الله إبقى إفتكرينى
basmet el rabi3 11-07-2009, 08:03 AM طبعا الكلية حاجه جديده وهتقابلنا حاجات جديده
وفعلا خايفه من حكاية الاصحاب دى ومضايقانى جامد ...... بس احتمال كبير يكون حد من اصحاب الثانوى معايا
و يا عالم ممكن نكون احنا * بنات المنتدى * نتقابل صح ؟
وعايزه اتعرف عليكوا اكتر و يا ريت نبقى اصحاب على طول يا بنات لانى لسه بادئه اشارك جديد يعنى ممكن؟
ما فيش حاجة بعيدة على ربنا ... أهلا و مرحبتين بكم جميعا أصحاب و إخوات فى الله
Bent 3bdo 11-07-2009, 06:00 PM طبعا الكلية حاجه جديده وهتقابلنا حاجات جديده
وفعلا خايفه من حكاية الاصحاب دى ومضايقانى جامد ...... بس احتمال كبير يكون حد من اصحاب الثانوى معايا
ويا عالم ممكن نكون احنا *بنات المنتدى * نتقابل صح؟
وعايزه اتعرف عليكوا اكتر ويا ريت نبقى اصحاب على طول يا بنات
لانى لسه بادئه اشارك جديد يعنى
ممكن؟
تنورى يا جميل
الى نغم _18
قريبتى قالت لى ( على فكرة هى خجولة و مش بتعرف تعمل صداقات بسهولة ) أول ما دخلت الكلية كانت حاسة بإنها وحيدة و تايهة ... و مع الوقت اتعودت على المكان , و شوية شوية بدأت ترتاح لبنت معينة شافت إنها خجولة زيها , و بدأوا يقربوا من بعض و دلوقت هما أصحاب قوى ... و العملية مشيت عادى بعد كده , و اعتقد فهمت من كلامها إنهم بقوا جروب مش بس إتنين .
الخلاصة ... ما تقلقيش
ربنا يستر
aya_egypt 11-07-2009, 08:07 PM انا ممكن اقدر افيدكو انا فى الجامعة
بنات متخفوش دى مرحلة لذيذة اوى فى حياتنا وممكن تقابلو اصحابكو ال كانو معاكو فى الثانوى فى الكلية
بس خلى بالكوا على نفسكو واعملوا الصح دايما هتبقى مرحلة جميلة اوى فى حياتكو والناس كلها هتحترمكو وهى مختلفة جدا عن نظام الثانوى
من ناحية كل حاجة مفيش اجبار فى الحضور ونظام الامتحانات مش صعب للدرجة بس ادخلو الكلية ال بتحبوها او اقرب حاجة بكدة
بس انتو تدورو على البنات المحترمة نفسها واكيد الحياة هتمشى وهو اول يوم واول اسبوع بيبقى صعب شوية بس هتتعودا على الكلية وهتزعلو لماتيجو تتخرجوا انا فى 3 و فاضلى سنة واتخرج ومعرفش هعمل اية ومذايقة جدا
عموما ربنا يوفقكو وتنجحوا وتدخلو الكلية ال بتحبوها
وياريت تبعدو عن الشبهات وتحاولو بقة تعيشو حياتكو فى الكلية لانها حاجة حلوة اوى
وانتو هتبتدو تكبرو والناس هتعاملكو على انكوا انسات مش لسة بنات فى الثانوى عموما مش هكتر عليكو
متخاااااااااافوش واى خدمة
حلم طالبة 11-07-2009, 08:40 PM شكرا يا جماعه على ردكوا الجميل دا........
سعيدة معاكوا بجد.......
basmet el rabi3 12-07-2009, 03:02 AM شكرا يا آية ... ربنا يطمنك .
أنا نفسى لو فى حد اتعرض لموقف زى مثلا حد من طلبة ( أو طالبات ) الفرق الأكبر إتسلوا عليه - يعنى دوخوه فى حاجة - بحكم إنه لسه جديد فى الكلية ... أقصد المقالب اللى ممكن تحصل من الناس اللى بتستظرف ... يحكى لنا عملوا معاه إيه و ينقل لنا خبراته
Arstorm 12-07-2009, 10:30 AM انا مرعوووووووووووووووووووووووووووووووبة
والله نفسى حد يقولى اى حاجة
انا حاسة انى مش هصاحب حد
خايفة اصاحب بنت تكون مش تمام
basmet el rabi3 12-07-2009, 02:59 PM انا مرعوووووووووووووووووووووووووووووووبة
والله نفسى حد يقولى اى حاجة
انا حاسة انى مش هصاحب حد
خايفة اصاحب بنت تكون مش تمام
ما تصاحبيش أى بنت إلا لما تحسى إن تصرفاتها مش موضع شبهة بالنسبة لك , و خللى نظرتك لتصرفات الناس نظرة ناقدة فاحصة , لو تصرفاتها العفوية ( أقصد بها التصرفات العفوية اللى صاحبها بيعملها من غير ما يفكر ) لو تصرفاتها العفوية إنتِ ما تقبليهاش ممكن ده يكون مؤشر إنها لا تصلح تتطمنى لها و لا تصاحبيها .
basmet el rabi3 12-07-2009, 03:01 PM ليه ما فيش حد من إخواتنا الكبار اللى سبقونا فى التجربة دى بيقول لنا أى حاجة ؟
earth 12-07-2009, 04:10 PM انتوا خوفتونى اكتر ما انا قلقانة
بصوا انا حاسة انى حبقى فى مجتمع كبير اوى و انا مش كويسة اوى فى موضوع التعامل فى المجتمعات الكبيرة دى
بس اخواتى و ماما و بابا معايا الحمد لله و ناوين يقعدوا معايا يفهمونى اعمل ايه
بس بالتاكيد محتاجة مساعدة من كل الناس
ياريت تكتبوا نصايح فى شكل نقط عشان اعرف اسنفيد منها
و شكرا على الموضوع الجميل
Bent 3bdo 12-07-2009, 05:39 PM انا ممكن اقدر افيدكو انا فى الجامعة
بنات متخفوش دى مرحلة لذيذة اوى فى حياتنا وممكن تقابلو اصحابكو ال كانو معاكو فى الثانوى فى الكلية
بس خلى بالكوا على نفسكو واعملوا الصح دايما هتبقى مرحلة جميلة اوى فى حياتكو والناس كلها هتحترمكو وهى مختلفة جدا عن نظام الثانوى
من ناحية كل حاجة مفيش اجبار فى الحضور ونظام الامتحانات مش صعب للدرجة بس ادخلو الكلية ال بتحبوها او اقرب حاجة بكدة
بس انتو تدورو على البنات المحترمة نفسها واكيد الحياة هتمشى وهو اول يوم واول اسبوع بيبقى صعب شوية بس هتتعودا على الكلية وهتزعلو لماتيجو تتخرجوا انا فى 3 و فاضلى سنة واتخرج ومعرفش هعمل اية ومذايقة جدا
عموما ربنا يوفقكو وتنجحوا وتدخلو الكلية ال بتحبوها
وياريت تبعدو عن الشبهات وتحاولو بقة تعيشو حياتكو فى الكلية لانها حاجة حلوة اوى
وانتو هتبتدو تكبرو والناس هتعاملكو على انكوا انسات مش لسة بنات فى الثانوى عموما مش هكتر عليكو
متخاااااااااافوش واى خدمة
شكرا ع النصايح
bosy .. mostafa 12-07-2009, 09:28 PM انا ممكن اقدر افيدكو انا فى الجامعة
بنات متخفوش دى مرحلة لذيذة اوى فى حياتنا وممكن تقابلو اصحابكو ال كانو معاكو فى الثانوى فى الكلية
بس خلى بالكوا على نفسكو واعملوا الصح دايما هتبقى مرحلة جميلة اوى فى حياتكو والناس كلها هتحترمكو وهى مختلفة جدا عن نظام الثانوى
من ناحية كل حاجة مفيش اجبار فى الحضور ونظام الامتحانات مش صعب للدرجة بس ادخلو الكلية ال بتحبوها او اقرب حاجة بكدة
بس انتو تدورو على البنات المحترمة نفسها واكيد الحياة هتمشى وهو اول يوم واول اسبوع بيبقى صعب شوية بس هتتعودا على الكلية وهتزعلو لماتيجو تتخرجوا انا فى 3 و فاضلى سنة واتخرج ومعرفش هعمل اية ومذايقة جدا
عموما ربنا يوفقكو وتنجحوا وتدخلو الكلية ال بتحبوها
وياريت تبعدو عن الشبهات وتحاولو بقة تعيشو حياتكو فى الكلية لانها حاجة حلوة اوى
وانتو هتبتدو تكبرو والناس هتعاملكو على انكوا انسات مش لسة بنات فى الثانوى عموما مش هكتر عليكو
متخاااااااااافوش واى خدمة
شكراً يا آيه
بس انا من النوع اللي مش بيحب يختلط بولاد مع ان كانوا معايا في المدرسه و في الدروس مش كنت بختلط معاهم
بس اكيد طبعاً في الكليه بيختلف
قولي لي اعمل ايه؟ اخويا بيقولي عندهم نظام غريب اوي ان البنات بيصوروا محاضرات من ولاد و الولاد بيصوروا من البنات بس مش كلهم طبعا
ايه الهبل ده معرفش
انا عايزه ابقى من جروب البنات اللي مع بعضهم اللي مش بيكلموا ولاد او كده اللي هما متدينيين
ولا هو لازم لازم اختلط بولاد يعني؟
حلم طالبة 12-07-2009, 10:28 PM لا يا بوسى
ممكن تكونى فى جروب بنات وبس
ودا طبعا الافضل
وتقدرى تصورى من بنت زيك ........ يعنى مش معقولة مفيش بنت هتكون معاها الورق يعنى
بس انت طبعا صح انك عايزة تكونى فى جروب البنات وبس
وانا شايفه كده برده
بس لو بصيتى فى الكلية هتلاقى البنات مع الولاد كتيير مش شرط تصورير بس عادى اصحاب يعنى
بس ان شاء الله منكنش منهم
لازم نحافظ على ديننا
bosy .. mostafa 13-07-2009, 12:32 AM لا يا بوسى
ممكن تكونى فى جروب بنات وبس
ودا طبعا الافضل
وتقدرى تصورى من بنت زيك ........ يعنى مش معقولة مفيش بنت هتكون معاها الورق يعنى
بس انت طبعا صح انك عايزة تكونى فى جروب البنات وبس
وانا شايفه كده برده
بس لو بصيتى فى الكلية هتلاقى البنات مع الولاد كتيير مش شرط تصورير بس عادى اصحاب يعنى
بس ان شاء الله منكنش منهم
لازم نحافظ على ديننا
انا بتكلم في كده
مش عايزه يكون ليا صله بالولاد ولا اصحاب ولا غيره
لان بجد لو اتكلمت معاهم كاصحاب و اخوات هيبقى مشاكل كتييير و دوشه مالهاش نهايه فمش عايزه اتعرض لكده
عايزه حد يقولي اعمل كده ازاي
السلام عليكم
بصوا والله حكاية ان انتو طالعين الجامعه جديد
مش مرعبة زي ما انتومتخيلين بس اول اسبوع بيبقى صعب
شوية لان بتبقي تاهية مش عارفة تعملي ايه وتروحي فين وتيجي منين
واماكن المحاضرات والسكاشن بتبقى كل محاضرة في مكان بس بعد كده
والله هتحسي انها احلى بكتير من المدرسة لكن الجامعه ده بجد مكان
مفتوح بطريقة غريبة عمره معدى علينا في مدارس ده عيب فيها بس مش اوي
وتقدري طبعا تبقي في جروب بنات مش شرط يبقى فيه ولاد
ما انا الجروب بتاعي بنات بس .بس غصب عنك هتتعملي مع ولاد لان هما
بيقدرو يوصلو لحاجات انت لو اقعدتي تدوري مش هتعرفي توصللها
زي ورق مثلا امتحانات وكده
بس احب اقولكم اول يوم حولو تشوفو مين من اللي تعرفيهم في الكلية بتاعتك او الكلية اللي جمبك في الجامعه لان اول يوم بتبقى زي
المقطوعة من شجرة تروحي معاهم وكده
لو حبيتو تسألو على اي حاجه انا ممكن اجاوبكم
انا في كلية تربية قسم رياضيات (اسيوط)
طالعة تانية(ان شاء الله)
basmet el rabi3 13-07-2009, 08:11 AM شكرا على مساهماتكم فى الموضوع يا بنات . فى نقط مهمة جدا قالتها لى ماما أحب أقولها لكم :
** فى نوع من الناس يساعد غيره و بيبقى مش عاوز غير الأجر من الله عملا بمبدأ " اعمل الخير و ارميه فى البحر " , و نوع تانى بيرمى طعم , فاذا فرضنا إنك استعنتِ بزميل أو حتى زميلة و أخدتِ منهم محاضرة أو إمتحان أو غيره و إكتشفتِ إنهم من النوع التانى من الناس فما تطلبيش منهم حاجة بعد كده أبدا , و خدوا بالكم لو كان فى ثمن مطلوب مقابل المساعدة ( معنوى طبعا مش فلوس ) و اوعوا تستجيبوا للضغوط مهما كان حجمها !!!!!
** الزمالة و الصحبة تكون داخل حدود أسوار الجامعة ( أو الكلية أو المعهد ) , بمعنى ما تخلوش العملية تسحبكم مع الزملاء الشباب لحد برة بحجة توصيلكم للمحطة و الكلام ده .
** داخل الجامعة تجنبى تماما الانفراد بزميلك , يعنى لو كنتم جروب و الناس انسحبت واحد ورا التانى لحد ما العملية صفصفت عليكِ انت و زميلك اتحججى بأى حجة لطيفة و امشى .
بصراحة أنا بقيت مستعجلة قوى على دخول الجامعة ... و لولا إن ده معناه إن الأجازة تخلص كنت دعيت ربنا أروحها النهارده قبل بكرة .
دمتم فى رعاية الله
:)
أسيل رزق 13-07-2009, 09:52 AM ماتقلقوش يا جماعة دى زى شكة الدبوس
أنا كنت زيكم كده خايفة ومرعوبة من دخول الجامعة و عالم تانى و مش هقدر أعمل فيها أى حاجة
و يا ترى هعمل إيه فى أول يوم و الكلام ده كله
أول يوم عندى إتصاحبت على بنات من دفعتى عادى خالص .. عايزين تعرفوا تتعرفوا على أصحاب إزاى علشان ماتحسوش إنكم خايفين روحوا عند جدول المحاضرات و إطلبوا الجدول من أى بنت تحسوا إنها كويسة و إبدأوا فى الكلام بقى إسمك إيه و جبتى كام فى ثانوى و الأسئلة العجيبة دى
هتلاقوا الموضوع صعب شوية فى المحاضرات فى أول شهر بس .. خصوصاً إنكم هتدخلوا فى رمضان يعنى الحكاية هتبقى صعبة شوية
بس بعد كده هتحبوا حياة الجامعة و تتصاحبوا على ناس كتير أوى بس أهم حاجة بلاش تستهونوا بالمذاكرة و تقولوا إحنا خلاص خلصنا ثانوى و مش هنذاكر .. الكلام ده غلط فى غلط لإنكم لو عملتوا كده هتلاقوا نفسكم فاضل اسبوعين ولا شهر على الامتحان ومافتحتوش ولا كتاب و مش هتعرفوا تعملوا أى حاجة
خلوا بالكم من دراستكم و عيشوا حياتكم الجامعية بكل شىء جميل فيها و إشتركوا فى أسر و روحوا رحلات ماتحرموش نفسكم من حاجة
و ربنا يوفقكم يا رب و تنولوا اللى بتتمنوه
heba 77 13-07-2009, 02:49 PM انا مش خايفه اوى على اد ما انا نفسى اجرب حاجة جديده هو مكان كبير واكيد هنتعرض لحاجات جديده وهى دى احلى حاجه ااننا هنكتسب خبرات جديده وانها مرحله مسئوليه هنحس فيها ااننا كبرنا
بالنسبه للولاد والبنات
انا رائى ان لازم هيبقى فى تعامل بس لازم يبفى فى حدود وكل بنت هى اللى بتفرض حدودها على اللى قدامها
ربنا يوفقنا وندخل الكليات اللى احنا عاوزنهاا
aya_egypt 15-07-2009, 04:55 PM بوسى
تصدقى وتومنى بالله اقسم بالله انا يبنتى باعدة نفسى خالص عن الولاد انا واخدة جنب واى ولد يجى يكلمنى حتى لو فى نطاق الجامعة والمحاضرات مبردش علية لدرجة ان الناس طلعت عليا انى مغرورة ومستكبرة اكلمهم
بس دة احترام يجببتى لو مكنش عشان سمعتك عشان شكلك ادام نفسك
وحكاية الورق دة لا طبعا بالعكس دة الولاد ال بيعتدمو على البنات فى الحكاية دى
ولية تصورى من ولاد منتى اكيد فية بنات هتصورى منهم ولو الورق مع الولاد ابقى صورية من البنات ال صورة منهم
انتى كدة بارك الله فيكى واعملى زى اختك اية انا فاضلى سنة واتخرج باذن الله وخلاص اتعرفت انى محترمة
ووقت فى بنات الحمد لله زيى بس خليكى على كدة وملكيش دعوة بحد
ويبنات انتو مش محتاجين نصايح من حد متخفوش من الكلية ولاتترعبو من الاصحاب اكيد الوحش بيبان انو وحش والحلو بردو بيان انو حلو وانتو مكبرين الحكاية اوى وبالعكس انا كنت خجولة جدا فى التعامل حتى مع البنات بس دلوقتى الحمد لله والحياة حلوة
اواى حاجة انا فى الخدمة سلام
aya_egypt 15-07-2009, 05:00 PM واة يبنات نسيت اقولكو على معلومة هايلة جدا
على حكاية الصحوبية بين البنت والولد حتى لو كانو زمايل وفى نطاق التعليم
وحتى لو كانت البنت محترمة جدا فى التعامل وبتتعامل مع الولد كأنو اخوها وزميلها هو مش هيعتبرها كدة مهما كان بيحترمها
يبنات انتو متعرفوش تفكير الشباب دة انا بنصحكو تبعدو نفسكوا على قد متقدورو
انا كنت بشوف شلة بنات وولاد وكنت بسمع بودنى والله العظيم لما البنات يمشوا الولاد بيقولو اية عليهم
بالرغم ان كان فيهم بنات محترمين
انا عملت ال عليا وكل واحدة تعمل ال شيفاة صح
وبصوا يبنات من ناحية الموقف او اى حد يتسلى عليلكو لا ابدا
بالعكس الكلية دى كل واحد فى حالة وكل واحد بيعمل ال هو عاوزوا
ونصيحة لبوسى لو حابة ان ميكنش ليكى اى اختلاك بالولاد على فكرة انا مش بخوفك انا بقولك عن تجربة
هيكون الضغط عليكى اكبر من البنات التانية لية بقة ؟.
لانك هتكونى مختلفة عنهم والكل هياخد بالو منك بنات وولاد
البنات هيفتكروكى مغرورة والولاد بصراحة ومن غير زعل
عارفة انتى لما الولد يكون عاوز يكلم واحدة وهي تصدو لا مش يسكت على كدة يفضل يضايقها ويجرى وراها مش عشان سواد عنيها لا عشان مش طايلها على فكرة متخفيش دى مش دايمة
الولد هيزهش من الجرى واراكى وهيقتنع انك محترمة والناس هتسيبك فى حالك
اول سنة صعبة شوية لما الناس تتعود انك كدة الكلية دة مجتمع الاختلاط فية كتير بين الولاد والبنات وانتى كدة بتبقى شاذة بالنسبالهم والله انا عنيت من الموضوع دة كتير بس الحمد لله ربنا ثبتنى وربنا معاكوا وتنجحوا بس الاول وسورى انى طولت
basmet el rabi3 18-07-2009, 07:42 AM شكرا جزيلا يا aya_egypt
نصيحتك جامدة و هايلة و نبهتينا لحاجات مهمة , منها ايه اللى بيقولوه الولاد عن البنات لما يمشوا ... أنا متوقعة إن الكلام يكون من النوع ده :
" عاملة نفسها بنت ناس و متربية " أو " فاكرة نفسها حتوقع لها واحد بالتمثيل ده " أو " دى بترسم على تقيل ... " أو " أنا لسه شايفها مع واحد ... "
احسن حاجة فعلا البعد عنهم , الواحدة تنتبه لدراستها و لمستقبلها عشان تقصر الطريق على نفسها , و ربنا يقوينا و نخلص الجامعة على خير و الواحدة مننا بكرامتها و سمعتها زى الألماظ البرلنت
:049gc0: :049gc0: :049gc0:
gamal saber 18-07-2009, 08:58 AM مع ان الموضوع كلة بنات بس انا حابب اقلكم حاجة
انتم محسسنى من كلامكم ان انتو داخلين على عالم مليان بالاشرار فقط لا غير
الواقع غير كدة خالص وكل مكان فى الارض فية الكويس وفية الوحش ولازم هتعرفوا الاتنين
لاان عادى جدا تتعرفى على على واحدة زميلتك وتطلع شخصية زبالة عادى
وممكن بعد سنة من صداقة جامدة جدا تكتشف ان صحابك دة شخص انتهازى واستغلالى
عادى جدا اقرب سلة زبالة وارمى
فارجوكم تفهموا ان كل الى فى دماغكم دة افكار مبالغ فيها وبعدين اهم حاجة انك تكونى عارفة
انتى داخلة الجامعة ليا وعاوزة توصلىلاية وتركزى على هدفك وربنا هيسهلك باصحاب يسعدوكى
وانا عن نفسى عرفت فى سنة اولى اصحاب فيهم ناس مش كويسة كتير لاكن بعد كدة ربنا كرمنى
بحبة اصحاب كل واحد فيهم يستاهل تقلة ذهب ناس بتخاف على بعضها بجد منغير متستنى اى مقابل
ربنا يكرمكم ويوفقكم ويبعد عنكم الشخصيات الزبالة
basmet el rabi3 19-07-2009, 02:11 PM نشكرك على تشريفك للموضوع , لا عالم اشرار و لا حاجة الحكاية و ما فيها إننا بنحاول نتحاشى النواحى السيئة اللى فى الجامعة , لكن أكيد فيها حاجات جميلة لسه حنعرفها بالتجربة
earth 19-07-2009, 09:00 PM الموضوع رائع و بجد افدتونىىىىى جدااااااا
ياريت تكملوه
متابعة
bosy .. mostafa 21-07-2009, 09:59 PM واة يبنات نسيت اقولكو على معلومة هايلة جدا
على حكاية الصحوبية بين البنت والولد حتى لو كانو زمايل وفى نطاق التعليم
وحتى لو كانت البنت محترمة جدا فى التعامل وبتتعامل مع الولد كأنو اخوها وزميلها هو مش هيعتبرها كدة مهما كان بيحترمها
يبنات انتو متعرفوش تفكير الشباب دة انا بنصحكو تبعدو نفسكوا على قد متقدورو
انا كنت بشوف شلة بنات وولاد وكنت بسمع بودنى والله العظيم لما البنات يمشوا الولاد بيقولو اية عليهم
بالرغم ان كان فيهم بنات محترمين
انا عملت ال عليا وكل واحدة تعمل ال شيفاة صح
وبصوا يبنات من ناحية الموقف او اى حد يتسلى عليلكو لا ابدا
بالعكس الكلية دى كل واحد فى حالة وكل واحد بيعمل ال هو عاوزوا
ونصيحة لبوسى لو حابة ان ميكنش ليكى اى اختلاك بالولاد على فكرة انا مش بخوفك انا بقولك عن تجربة
هيكون الضغط عليكى اكبر من البنات التانية لية بقة ؟.
لانك هتكونى مختلفة عنهم والكل هياخد بالو منك بنات وولاد
البنات هيفتكروكى مغرورة والولاد بصراحة ومن غير زعل
عارفة انتى لما الولد يكون عاوز يكلم واحدة وهي تصدو لا مش يسكت على كدة يفضل يضايقها ويجرى وراها مش عشان سواد عنيها لا عشان مش طايلها على فكرة متخفيش دى مش دايمة
الولد هيزهش من الجرى واراكى وهيقتنع انك محترمة والناس هتسيبك فى حالك
اول سنة صعبة شوية لما الناس تتعود انك كدة الكلية دة مجتمع الاختلاط فية كتير بين الولاد والبنات وانتى كدة بتبقى شاذة بالنسبالهم والله انا عنيت من الموضوع دة كتير بس الحمد لله ربنا ثبتنى وربنا معاكوا وتنجحوا بس الاول وسورى انى طولت
جزاكِ الله خيراً
بجد كلامك جميل اوي
انا مش عايزه اختلط بيهم اصلاً .. بس افرضي حد جه يكلمني؟ اسيبه و امشي و لا ماردش اكنه مش بيكلمني ولا اعمل ايه؟
انا اخويا بيقولي ممكن تبقى زماله فقط لاغير و قالي متخافيش فيه ولاد بيحترموا البنت اللي بتبقى كده و كتير اوي المعيدين بيتجوزوا البنات اللي كده
بجد كلامك جميل اوي
انا هدفي من دخول الكليه الدراسه و طلب العلم مش اتعرف على ولاد
جزاكِ الله خيراً
وياريت نبقى اصحاب :)
لولو خلاف 24-07-2009, 12:54 AM يا بنات كلامكو فادنى كتير انا فعلا كنت خايفه اوى
بس فى حاجه قلقانى جامد
فى ناس زميلى فى كليات بيقلولى ان لازم يكون فى جروبات فى الكليه
والجروبات دى بتبقى ولاد وبنات
ياما كدا ياما الناس هتقول عليا دى بت حيل ومش عشريه ومحدش هيصاحبنى ومش استايل من الاخر مش مودنا
يعنى انا ايه المفروض اعمله ؟؟
ولما حد ييجى يكلمنى او يسلم عليا ولد اصده ولا اسلم عادى
بجد محتاجه نصايحكو انا خايفه اوى
خصوصا انى بتكسف اوى اروح اتصاحب مع حد مع انى عشريه
لكن لو حد جه اتصاحب عليا مبمانعش بالعكس ببقى كويسه اوى معاه
دلونى وليكو الجنه
aya_egypt 24-07-2009, 02:26 AM انا اتشرف بمعرفتك وصحوبيتك يحببتى والله
بصى انتى لو حابة تعملى زمالة بينك وبيهم يبقى براحتك وتخلى بالك فى التعامل
اما لو عاوزة تبقى فى حالك لو اى حد جة كلمك سيبة وامشى وخلية يكلم نفسو
وهو هيتسكف من نفسو وهيمشى ولو فضل سيبلو المكان وامشى
ومن ناحية كلام الاخ جمال عاوزة اقول هو عندو حق الا حدا ما
انتو مكبرين الحكاية اوى ادخلو الكلية بس وهتلاقو كل حاجة ماشية لوحدها وكلو اخر تمام
وفعلا كل مكان فية الوحش والحلو بس صدقونى وحياة ربنا متعرفو الولاد بيقولو اية على البنات ومن ناحية اخوكى
هو بيقلك كدة يا بوسى عشان انتى اخواتو وواثق فيكى
عموما ربنا يوفقكوا ومتكبروش الحكاية بقة ومن ناحية الجروبات انا فى كليتى عادى جدا وانا كل شلتى بنات
عادى جدا مش جريمة يعنى
وبطلو بقة كلمة سمعت دى جربى الحاجة وانتى هتعرفى وبعدين متخفيش كسوفك دة هيروح ومكتبروش الحكاية
mena1990 24-07-2009, 03:09 AM لا انا مو حاسه انى خايفه بس قلقانه حبه صغنانين :bosyht9:
طبعا عالم جديد زمان كان ف مدرسيين يقولوا المهم
وبيهتموا فينا :006et4:بس الوقتى آآآآآآآه يانى ربنا يستر:028ja7:
بس فرحانه حبه :022yb4:ربنا يكرمنا يارب وميرسى ياقمرى ع الموضوع حلو جدا
bosy .. mostafa 24-07-2009, 01:39 PM انا اتشرف بمعرفتك وصحوبيتك يحببتى والله
بصى انتى لو حابة تعملى زمالة بينك وبيهم يبقى براحتك وتخلى بالك فى التعامل
اما لو عاوزة تبقى فى حالك لو اى حد جة كلمك سيبة وامشى وخلية يكلم نفسو
وهو هيتسكف من نفسو وهيمشى ولو فضل سيبلو المكان وامشى
ومن ناحية كلام الاخ جمال عاوزة اقول هو عندو حق الا حدا ما
انتو مكبرين الحكاية اوى ادخلو الكلية بس وهتلاقو كل حاجة ماشية لوحدها وكلو اخر تمام
وفعلا كل مكان فية الوحش والحلو بس صدقونى وحياة ربنا متعرفو الولاد بيقولو اية على البنات ومن ناحية اخوكى
هو بيقلك كدة يا بوسى عشان انتى اخواتو وواثق فيكى
عموما ربنا يوفقكوا ومتكبروش الحكاية بقة ومن ناحية الجروبات انا فى كليتى عادى جدا وانا كل شلتى بنات
عادى جدا مش جريمة يعنى
وبطلو بقة كلمة سمعت دى جربى الحاجة وانتى هتعرفى وبعدين متخفيش كسوفك دة هيروح ومكتبروش الحكاية
انا مش عايزه يبقى ليا دعوه بيهم خالص
يعني لو حد كلمني اسيبه و امشي
اصلي بجد مش بتحمل حد يقول عني نص كلمه
ببقى عايزه ادبحه :mad:
ربنا يسهل و يعدي هالمرحله على خير و بدون معاصي
شكراً يا قمري :)
aya_egypt 28-07-2009, 09:12 AM ايوة يا بوسى سيبة وامشى ومتخفيش محدش يقدر يتكلم عنك نص كلمة لانك هتكونى محترمة ومتخافيش بقة زى ما قولنا
basmet el rabi3 04-08-2009, 12:11 AM النهاردة كان ميعاد التقديم للمستجدين فى الكلية , دخلتها و أنا زى ما أكون بأحلم .. ما أقول لكوش كان قلبى بيدق إزاى ... كنت عاوزة أشوفها من جوة .. كان فيها طلبة و طالبات كتير و كنت شايفة إن الأمور عادية , فى إختلاط و كل حاجة لكن الكل محترم نفسه , كلام مهذب قى مواضيع مهذبة .. المهم .. حسيت إن مفيش حاجة مقلقة بالمرة , و إن شاء الله كل شئ حيكون تمام .. ربنا يوفقنا جميعا بإذن الله
nourezz 06-08-2009, 02:01 AM بجد ميرسى جدااااااااااا على الموضوع التحفة ده والنصايح اللى فيه انا كنت محتاجاها فعلا
وان شااااء الله ربنا يوفقنا كلنا
Dr\heba 07-08-2009, 05:58 PM هو طبعا كلمكم جميل بس انا ليا تحفظ على نقطه مثلا لما ييجى واحد يكلمك بيسالك على حاجه او كده تسيبيه وتمشى اظن ان دى تبقى قلة زوق لانه مهما كان الواحد لازم يحترم اللى قدامه عشان يحترمه ولا ايه؟وكمان لو عملت كده حيفتكر ان انتى فى معقده وحتبيثيله افكار خاطئه ان لم يكن فى نيته شئ عشان فعلا ممكن تكون نيته سليمه عادى بيسال على حاجه والمحترمه هى اللى بتفرض على اللى قدامها يحترمها وهو جاى يكلمك متعرفيش نيته لما تتبينى يا ستى ان نيته وحشه او فى حاجه كده ولا كده ابقى سبيه وامشى ومحدش يلومك ساعتها وكمان احنا لنا اخوات صبيان عادى كويسين واكيد مش بيعملو كده
basmet el rabi3 09-08-2009, 09:19 AM أنا موافقة على إن الواحدة لازم تراعى الذوق و اللياقة يعنى مش أول ما واحد يسألها سؤال على الماشى تسيبه و تمشى , لكن بأقول إن البنت تكون متحفظة مش متحفزة , يعنى تبقى منتبهة لما تلاقى الكلام بيخرج عن خط سيره الطبيعى و هو الكلام العام تبتدى تسحب نفسها بالذوق .
Dr\heba 09-08-2009, 12:01 PM ايوه ده كده كلام صح اصل انا بقى فهمت من كلامكم ان اى احد ييجى يكلمك تديه بالجزمه عالطول هههههههههههههههههه
لكن كده دلوقتى كلامك صح وطبيعى اكيد الواحده المحترمه لما تلاقى الكلام ده حتمشى دى مش محتاجه مناقشه
Dr\heba 09-08-2009, 12:03 PM وانا اصلا تحفظى مش على كلامك خالص بالعكس انتى كلامك صحيح 100% وماما بتقولى نفس الكلام لكن العضوات التانيه هى اللى مكبره الموضوع
basmet el rabi3 10-08-2009, 12:39 AM من حق كل واحدة إنها تقول رأيها و وجهة نظرها لحد ما نوصل للرأى السليم ... و عموما خير الأمور الوسط
شكرا لكل من ساهم برأيه , ربنا يوفقنا جميعا لما فيه الخير ... اللهم آمين
who cares 12-08-2009, 10:23 PM بجد الموضوع ده جامد جدا
اولا انا كنت الاول خايفه اووى لان مفيش حد من صحابى داخل معايا
بس فى حاجات تانيه هتهون الموضوع اولا لانى داخله الكليه اللى نفسى فيها
والدراسه اللى عايزاها
بعد كده مبقتش خايفه اووى
انا كنت داخله الثانوى معرفش بنت واحده بعد كده بقيت والله العظيم اعرف المدرسه كلها
تقريبا وصاحبت بنات كتيير اوى
ثانيا بالنسبه لموضوع الزماله ده
مش هنقدر نمنع نفسنا من موضوع الاختلاط ده خالص وبعدين مش معقوله كل البنات ملايكه وكل
الولاد اشرار يعنى مش للدرجه دى يعنى
فى الكويس و فى الوحش
بس مش هتكون صحوبيه جامده برضو زماله بس
يعنى مينفعش حد يجى يسالنى عن حاجه وامشى واسيبه عيب اوووى يعنى لكن برضو مينفعش يبقى الموضوع فرى كده
وتبقى الزماله فى حدود الدراسه بس والكليه
بس كد يارب اكون وصلتلكوا وجهه نظرى
aya_egypt 20-08-2009, 08:39 AM انا عارفة ان الكلام الى فات كان موجة ليا بس عموما كل واحد لة وجهة نظرة
الى مقتنع بيها بس ومهما اتقالو مش هيتقنع الا بيها
وفى الاخر دى حرية شخصية
|