بنات الالسن [الأرشيف] - بوابة الثانوية العامة المصرية

sranty

28-07-2009, 11:03 AM

من طالب جامعى فى الالسن
اقسام كلية الالسن ......

تتميز كلية الالسن بتعدد اقسامها و اللى بيكون راجع لتعدد اللغات طبعا و اقسامها كالاتى :

1-قسم اللغة الانجليزية : اشهر و اشيك و احسن قسم فى الكلية ناسه كتير اه بس مش كلهم بيكملوا فيه بمعنى اصح اللى بيكمل فيه اللى بيحب الانجليزى و بس و قسم بجد مطلوب جداااااا الايام ديه

2-اللغة الفرنسية : لا يدخل هذا القسم الا من كان فى مدرسة فرنساوى قبل ما يجى الكلية يعنى لو سياتك كنت فى مدرسة فرنساوى و مجموع لغاتك يجيب القسم هتخش ان شاء الله

3-قسم اللغة الايطاليةو الاسبانية: قسم جميييييييييل جدا و شقى جداااااااا و بجد اللغتين مرتبيطين ببعض و معمولين فى الدور لوحدهم مفيش حد معاهم علشان كدة تلاقى القسم ده مجانيين بجد ( ملحوظة قسم انجليزى واخد دور لوحده )

4-قسم اللغة الصينية و الكورية و اليابانية : اقسام قليلية العدد مش اوى يعنى بس اعدادها قليلة و مميزة جدا و الناس ديه بتتوظف هوااااااااااا لانهم مش كتاااار و اهم ميزة ليهم انهم ليهم بعثات خارجية لو تفوقا فى سنة اولى و تانية يطلعوا تالتة و رابعو و الدكتوراه و الماجستير يعملهوهم برة و يجو مصر يتوظفوا فى الكلية هنا دكتور اذا مكنش الصين او اليابان او كرويا عجبتهم و خلوك هناك معاهم

5-قسم لغات الهوسا: قسم جارى الغاءه من الكلية نظرا لعدم دخول احد فيه بمعنى الكلمة و لو حد دخل بيحولوا قسم تانى لان مش معقول الدكتور هايجى على طالب واحد !!

6-قسم الغات السواحلية : قسم غريب جداااااااااا و محدش فاهمله حكاية و اعداده قليلة جدااااااااااااا و متعرفش عايز اصلا يديك ايه

7- قسم اللغة العربية : بجد مالوش لازمة يعنى الواحد كان يدخل كلية دار العلوم احسن بدل العربى اللى انا داخلو فى كلية لغات ده ...

8-قسم الغات السامية : العبرى حضرتك يعنى و كام لغة تانية معاه و بجد قسم اعداده صغيرة بس ايه اسرائيل وش بتاخدهم هناك او بتاخدخم فى السفارة هنا و طبعا قسم مكروه اوى عندنا : لاسباب سياسيةطبعا و طلاب الاخوان اكتر ناس بتكره القسم ده بس للاسف خظهم وحش علشان مفيهوش حد خالص فعلشان كدة مش لاقين حد يتخانقوا معاه هناك )

9- قسم اللغات الشرقيةو الافريقية : قسم اصيييييييييل جدا و جمييييييييييييييييل بغبااااااااااااء و فعلا كل الناس اللى فيه مبسوطة منه اوى لانهم ساعات بيعملوا رحلتا على نفقتهم الخاصة للانكان اللى عايزنها علشان ينمو اللغة و ليا واحد صاحبى فيه بيقولى ان اخر رحلة عملوها كانت فى بدو صحراء مش عارف ايه فى مصر هنا و كان الكل سعيد علشان كانوا عارفين يتكلموا معاهم اللغة بتاعتهم و بطلاقة كمان ( بجد حاجة تفرح اووووووووى والله )

10-قسم اللغة الروسية و التشكية و التسيكوسلافيكة : قسم ايه بقى مش عايز اقولك عال شياكة و الالاجة و المفهومية قسم غريب جدا متعرفش الناس اللى فيه تحس انهم كلهم جواسيس روس بجد بس قسم مطلوب جد و خصوصا فى مجال الطيران ( مش عارف ليه )

11-قسم اللغة الالمانية : معلم اللغات بعد قسم اللغة الانجليزية بجد قسم كل اللى فيه بيحبوووووووووه اوووووووووى علشان معظم الدكاترة عندهم المان و كلهم بيحبوا يدرسوا اللغة ديه و يفهموا الطلبة على اعلى مستوى و يحسسوهم انهم بجد فاهمين مش اشرح و اللى فاهم فاهم و اللى مش فاهم عنوا ما فهم

sranty

28-07-2009, 11:18 AM

من طالب جامعى بالكلية
كلية الالسن لؤلؤة عين شمس صرح تعليمى لكل اللغات كلية يعتبرها الجميع حقا لؤلؤة جامعة عين شمس لما بها من تقنيات و مستوى دراسى متميز و دكاترة على اعلى مستوى و قاعات ندوات فائقة الجمال و شخصيات مهمة تاتى لزيارتها و استقدام دكاترة من الخارج لالقاء محضارات تثرى العقل بالفكر الصحيح و النهج المطلوب ( دكتور جالنا فى الكلية كان صينى و دكتورة ده من اسبانيا لقسم اسبانى .
لو حبينا نتكلم على السن ممكن نقول ان فى ناس كتير جدا من خارج الكليات لما يجوا و يتفرجوا عليها و يحضروا معانا عادى بيطلعوا يقولوا : لا يمكن تكون الكلية ديه كلية حكومية او تابعة للحكومة !! بجد يا جماعة انا بعشق الكلية ديه جداااااااااااااا نظام تعليمى بجد من اوروبا و خاااارجى و ساعد نفسك و حوارات ابحاث و كله مفيد مش مجرد روتين او منظر و خلاص و بجد اللى بيجتهد و الله والله والله بيستريح جدا فى المستقبل يوم ما يجى يدور على وظيفة ( ليا بنت اعرفها كانت شاطرة جدااااااااااا الله اكبر عليها و اتخرجت بتقدير جيد جدا و خدوها اتشغلت ملحق فى السفارة الاوربية و ربنا و ربنا كمان و ده حلفان اتحاسب عليه يو م القيامة بتقبض 5000 جنيه والله ) يعنى من الاخر كليتنا اللى يشد حيلو فيه لما يكبر و يجى يدور على شغل هيستريح جداااااااااااااااااااااااااااااااا والله و من مميزات الالسن بالنسبة للاقسام اللى مافيهاش عدد كبير : بعثات خارجية على نفقة الكلية علشان يكمل دراسته برة اه والله يعى مثلا قسم كورى مفيهوش غير 20 واحد بس اه والله فالى يتفوق منهم بجد و يشد حيلو اوى يجى فى سنة تالتة يسافروه بره يكمل تالتة و رابعة و كل حاجة تمام و يجى يعمل هنا الماجستير و الدكتوراه و يبقى دكتور مش لسة معيد دكتووووور على طوول اما اللى من هنا فبيبقى لسة ادمهم شوية علشان يوصلوا ادرجة دكتور حضرتك ......
الكلية بجد لولؤة سواء فى شكلها او مضمونها التعليمى بجد اا فرحااان جدا انى فيها و و بجد مع انى مكنتش طايقها قبل ما ادخلها بس بمرور الايام عرفت قيمة السن و فعلا الكلية ديه لا توصف كلية خاصة مش حكومية ابدا

eslam_2009

28-07-2009, 02:30 PM

اه نظام تقليب المواجع ده
انا كان بينى وبين السن 0.5% فدخلت سياحة وفنادق المنصورة بقى وخلاص لانها بتدرس لغات برضو وابقى اقوى لغتى عن طريق الكورسات وخلاص

bosy .. mostafa

28-07-2009, 02:37 PM

انا دخلت السن عين شمس الحمد لله
و بامر الله هخش انجلش لاني سالت عن التنسيق الداخلي
و قالت لي هتخشي انجلش و اللغه التانيه الماني

sranty

28-07-2009, 02:54 PM

ممكن تفيدينا وتقولى هى بتاخد من كام قسم الانجليزى السنة دى ولو عندك معلومات تانية قوليها

sranty

28-07-2009, 02:59 PM

انا كنت بفكر ادخل سياحة وفنادق فهى كلية ممتازة بس التنسيق كان فى صفى السنة دى

sranty

28-07-2009, 03:13 PM

منقول من طالبة بالكلية
انا هنتكلم عن قسم ايطالى http://forum.shamsawy.net/style_emoticons/default/rolleyes.gif قسم ايطالى من اسهل الاقسام اللى فى كلية الالسن والى معروف عنها بكدة http://forum.shamsawy.net/style_emoticons/default/rolleyes.gif فى اول السنة بيتم تعليم النطق الابجدية الايطالية اللى هما 21 حروف وفى 5حروف مش موجودين فى اللغة (j.k.y.x.w) بعدها الدكاترة بيبتدوا معانا فى الترم الاول بناخد نصوص واستماع ومحادثات وجرامتيكا وصوتيات وعربى بنمتحن فى 3 مواد بس 2 ايطالى والعربى وفى الترم التانى بناخد زيادة عليهم ترجمة من والى ومقال ومطالعات بالاضافى اللى اللغة الاجنية التانية اللى معظم الناس واخدة انجليزى انا عن نفسي مش واخدة انجليزى سنة اولى بتكون سهلة اذا زاكرت يعنى الايطالى عامل زى السهل الممتنع فى الترم الاول بناخد استماع ومحادثات االى هى تعتبر لامتحان الشفوى بيدونا 2 دكاترة واحدة مصرية وواحدة ايطالية وفى الغالب بتكون سينورة ميلينا اذا اشتغلت مع الدكاترة بيكون افضل ليك وخصوصا فى القراءة لان اساس الايطالى القراءة الصح والنطق الصحيح ويفضل ان انت تشتغل مع الدكاترة من اول السنة لان الترم التانى محتاج شغل كبيرة المواد بتكتر فى سنة تانية انشاء الله مادة زيادة وهى الادب الايطالى بنسبة للقواميس اول السنة لازم بنشترى قاموس اسمو التليسى دة ايطالى عربى بمعنى ان الكلمات الايطالية مرتبة حسب الابجدية الايطالية اما القاموس العربى الايطالى ودة نادر لما بيستخدم ويفضل ان احنا مش نجيبو ودة مرتب فيه الكلمات العربى على حسب الابجدية العربية اخر قاموس بنجيبو القاموس الايطالى الايطالى ودة فيه كل اللغة تقربيا فى ناس تحب تريح نفسها وتجيبو من سنة اولى عشان كدة كدة هو هيتجاب لان فى سنة تانية هنحتاجوا اوى انا عن نفسي جبتو فى سنة اولى وهو غالى ب 220ممكن يكون 215بنسبة للكتب احنا مش عندنا غير كتاب واحد للجرامتيكا اسمو (كاترين كترينوف) ودة بيكون مقتسم على سنة اولى وسنة تانية والباقى بيكون تصوير ورق للنصوص وتصوير كتاب اللغة التانية انجليش او شراءالكتب فى تالتة ورابعة بيكون فيه كتاب الاعراب دلوقتى انت لو حابب اللغة الايطالية لازم تكون شجاع عشان القراءة لان انت لازم هتقراء هتقراء ويكون مفيش احراج

sranty

29-07-2009, 07:50 AM

منقول
كلية الالسن ترتيبها التالت على مستوى القسم الادبى ( بعد اعلام واقتصاد)

مع ان لو عرفتم هتلاقوها احسن من دول ان شاء الله بس بشوية تعب

عارفين طبعا ان التنسيق بيختلف من سنة لسنة

قصدى بيعلى ( مفيش حاجة اسمها بيقل)

ان شاء الله اللى ربنا يوفقه ان كان ادبى او علمى ومتاح ليه كلية الالسن

يحط فى دماغه ان تفوقه وتعبه فى الكلية مش هيروح ابدا عالفاضى

طيب دخلت كلية السن

فيه عندنا 13 قسم او اكتر

( عربى - انجليزى - المانى - صينى - يابانى - كورى - فرنسى - ايطالى - اسبانى - عبرى - روسى - فارسى - تركى - تشيكى - وغيرهم )

اول ما تسجل اسمك فى الكلية

بتاخد الدليل وبتكتب رغباتك فى التنسيق الداخلى للكلية

التنسيق الداخلى بيعتمد على حاجتين هما درجاتك فى الثانوية العامة فى اللغة الاولى واللغة التانية

لو لغتك الاولى فرنسى يبقى تدخل فرنسى بكل سهولة

لو مش كده يبقى انسى قسم فرنسى

عدا كده لو لغتك الاولى انجليزى مثلا

تفكر بقى فى اللغة التانية فرنسى او المانى او ...

فيه اقسام فى التنسيق بتعتمد على درجة الانجليزى

وفيه اقسام بتعتمد على درجة اللغة التانية

والتنسيق بيختلف نوعا ما كل سنة

لكن الثوابت ان اعلى اقسام فى التنسيق من حيث درجة الانجليزى هما

اليابانى والكورى والانجليزى وبعدهم الالمانى

الايطالى والاسبانى بيتحددوا تقريبا باللغة التانية

وفيه كلام كتير عن التنسيق الدخالى بس ده كان مختصر شوية

طيب

ايه نظام الكلية؟

انت فى الكلية بتدرس تلت لغات

العربى اساسى لكل الاقسام

لغة القسم اللى انت دخلته بعد التنسيق

واللغة التانية اللى انت بتختارها اثناء كتابة رغباتك فى التنسيق

معظم الاقسام عدا الانجليزى بياخدوا لغة تانية انجليزى والاقلية بتاخد المانى او ايطالى مثلا

ليك مطلق الحرية تاخد اى لغة كلغة تانية

اما قسم الانجليزى فالمعظم هو اللى بياخد المانى وايطالى او اى لغة

الدراسة فى كلية الالسن اربع سنين

بتاهلك انك تشتغل اى حاجة ليها علاقة باللغات

مرشد - مترجم - مدرس - وغيرها

وده بيتوقف على المجال اللى هتحبه اكتر

فى مجال العمل باللغات اكتر المطلوبين للعمل هما خريجى الالسن

لان دراستك للغة فى الكلية دراسة للغة كلية من غير تخصص

koloud khaled

29-07-2009, 07:23 PM

bosy .. mostafa

29-07-2009, 10:23 PM

ممكن تفيدينا وتقولى هى بتاخد من كام قسم الانجليزى السنة دى ولو عندك معلومات تانية قوليها

من 46 درجة الانجلش تقريباً

sranty

30-07-2009, 08:45 AM

hiiiiiiiiiiiii ana bs 3yza as2l 3la el tnsy2 el da5ly l2ny sm3t en qsm el english 7ya5od mn 49.5 w ana bsra7a hmot w ad5olo bs gyba fi el english 48.5 w fi el mgmo3 el koly 97.4 3yza 7d ytmny pleaseeeeeeeee

انا اعتقد انك تكتبى الاول وبعد كدة هم يقررون زى نتيجة التنسيق بالظبط بس لن تقل عن 46 زى بوسى ما بتقول والتنسيق بيختلف من سنة لسنة وان شاء الله تدخلى القسم ده

hapo2007

30-07-2009, 01:35 PM

السلام عليكم ورحمه الله وبركاته
انا دخلت كليه الالسن حبا فى قسم انجليزى ممكن حد يقولى هيقبل من كام السنه دى ؟ ولو حابه ادخل لغه تانيه ايه الافضل المانى ولا اسبانى من حيث الدراسه والشغل وكل حاجه مع العلم انى كنت فرنساوى فى ثانوى
ولكم منى اجمل تحيه

sranty

01-08-2009, 09:55 AM

انا انصحك بالموقع دة ممكن تسألى اى حد فيه لانه يحتوى على معلومات كثيرة عن الالسن وطلاب من الفرق الاربعة[ويارب تعرفى تقررى ان شاء الله وياريت تكونى عارفة انك تطبعى بطاقة الترشيح لانها لن تصل عن طريق البريد هذه السنة
شمساوى (http://forum.shamsawy.net/index.php?act=SF&s=&f=53)

sranty

01-08-2009, 01:04 PM

الموضوع منقول

عاشقـــ الانمى ـــة

01-08-2009, 08:22 PM

كنت بدور على موضوع قيم زى دا
اوريه لواحدة صاحبتى هوريهولها
لانها محتاجة تعرف حاجات كتير عن الكلية

sara emam

01-08-2009, 10:30 PM

انا جايبة 46 فى الانجليزى فادعولى ادخله بالرغم انا نفسى ادخل روسى بس انا خايفة من الدراسه فيه بصراحه

sranty

02-08-2009, 07:29 AM

كنت بدور على موضوع قيم زى دا
اوريه لواحدة صاحبتى هوريهولها
لانها محتاجة تعرف حاجات كتير عن الكلية

شكرا ليكى على مرورك وان شاء الله تكررى الزيارة

sranty

02-08-2009, 07:34 AM

انا جايبة 46 فى الانجليزى فادعولى ادخله بالرغم انا نفسى ادخل روسى بس انا خايفة من الدراسه فيه بصراحه

ربنا معاكى ومعانا ان شاء الله ويارب تدخلى اللى انتى عايزاه ولا تخافى انا برضه لسه لم احدد بعد وربنا يهدينا للاحسن ان شاء الله
دى معلومات عن الروسى ( منقول)
المواد في قسم روسي لسنه اولي بتنقسم لترمين في الترم الاول استماع ومحادثات ونصوص وصوتيات ولغه عربيه ادب ونحو وهاتمتحني في الترم الاول فقط الاستماع والمحادثات والنصوص والعربي اما الترم التاني هاتاخذي لغه عربيه ادب ومقال وهاتاخدي بالنسبه للروسي نصوص تاني وقواعد وترجمه من الروسيه للعربيه ومن العربيه للروسيه ومقال ومطالعات وده بالاضافه للغه التانيه ملحوظه القواعد والصوتيات بتدرسيهم طول السنه وتمتحنيهم في اخر السنه فقط ربنا يوفقك

sranty

02-08-2009, 07:55 AM

مواعيد التقدم للكلية( مؤكدة)
حسب الابجدية
الأحد 2/8/2009 طالبات أ-ب-ت-ث-ج-ح-خ
الأثنين 3/8/2009 طلبة أ-ب-ت-ث-ج-ح-خ
الثلاثاء 4/8/2009 طالبات د-ذ-ر-ز-س-ش-ص
الأربعاء 5/8/2009 طلبة د-ذ-ر-ز-س-ش-ص
الخميس 6/8/2009 طالبات ض-ط-ظ-ع-غ-ف-ق
الأحد 9/8/2009 طلبة ض-ط-ظ-ع-غ-ف-ق
الاتنين 10/8/2009 طالبات ك-ل-م-ن-ه-و-ى
الثلاثاء 11/8/2009 طلبة ك-ل-م-ن-ه-و-ى
الأربعاء 12/8/2009 طالبات المتخلفات عن الحضور فى المواعيد المعلنة
الخميس 13/8/2009 طلبة المتخلفون عن الحضور فى المواعيد المعلنة
رقم الكلية:02\24029100

nourezz

02-08-2009, 08:40 PM

انا الحمد لله جاتلى السن عين شمس وان شاء الله هاخد الانجلش لغة اولى بس محتارة اخد ايه لغة تانية مش عارفة اخد فرنساوى ولا ايطالى احسن ؟ مع العلم انى كنت واخدة فرنساوى فى ثانوى يعنى عندى فكرة عنه بس كل الناس بتقولى ان الفرنساوى هيبقى صعب مع الانجلش ياااااااا ريت تساعدونى وتقولولى ايه رأيكم؟

sranty

02-08-2009, 11:08 PM

hapo2007

05-08-2009, 11:23 PM

ميرسي على الموقع التحفه ده وعلى اهتمامك وردك
بس للاسف انا لوحدى مفيش حد اعرفه اطلاقا دخل السن في ظلم اكتر من كده

sranty

06-08-2009, 07:27 AM

ميرسي على الموقع التحفه ده وعلى اهتمامك وردك
بس للاسف انا لوحدى مفيش حد اعرفه اطلاقا دخل السن في ظلم اكتر من كده

ان شاء الله طبعا هتلاقى اصدقاء ولو لم تجدى انا ممكن اكون صديقتك مع انى لن اكون نفس قسمك انا ايضا لا اعرف احد فى ألسن بس اكيد هلاقى ان شاء الله

hapo2007

06-08-2009, 06:27 PM

اكيد انا اتشرف بمعرفتك واتمنى فعلا نكون اصدقاء حتى لو كنا مش من نفس القسم !!!!
دى حاجه تسعدى

eman shehawy

11-08-2009, 06:06 PM

ربنا معاكو يارب وتحققوا اللى نفسكم فيه

eman shehawy

11-08-2009, 06:07 PM

هاى اهلا بكم فى الالسن يا بناتيت

eman shehawy

11-08-2009, 06:10 PM

هاى يا بناتيت السن

محمود زكى شكر

14-08-2009, 02:00 PM

ان شاء الله طبعا هتلاقى اصدقاء ولو لم تجدى انا ممكن اكون صديقتك مع انى لن اكون نفس قسمك انا ايضا لا اعرف احد فى ألسن بس اكيد هلاقى ان شاء الله
انا جالى السن المنيا وكتبت فى التحويل السن عين شمس ولو جالى عين شمس مش عارف التقديم للكلية امتى حد يقولى ضرورى وحد يقولى التنسيق الداخلى للكلية وميعاد الكشف الطبى

sranty

14-08-2009, 04:35 PM

اولا يارب تقبل فى عين شمس
ميعاد التقديم لسه لم يتحدد بس اكيد فى اى وقت ان شاء الله هيقبلوك لان عندى واحدة قدمت اوراقها فى شهر 9
اما عن الكشف اخر ميعاد يوم8\25
انت عايز ايه بالنسبه للتنسيق الداخلى ممكن توضحلى

محمود زكى شكر

15-08-2009, 08:17 PM

انا كنت عايز اعرف فى لغات يتوقف تنسيقها على درجة الانجلش والفرنساوى ما هى؟ انا جايب فى الانجلش 43 والفرنساوى برضه43 ما هى اللغة اللى ممكن تقبلنى؟ ضرورى حد يقولى انا محتار

sranty

15-08-2009, 08:45 PM

انا كنت عايز اعرف فى لغات يتوقف تنسيقها على درجة الانجلش والفرنساوى ما هى؟ انا جايب فى الانجلش 43 والفرنساوى برضه43 ما هى اللغة اللى ممكن تقبلنى؟ ضرورى حد يقولى انا محتار
اكيد يعنىالانجليزى والكورى واليابانى والالمانى يكون من درجة الانجليزى بس بيكون تنسيقها عالى
اما الايطالى والاسبانى يعتمد على الفرنساوى وتنسيقها صغير
الروسى والصينى والتشيكى والعبرى اعتقد انه ليس له تنسيق
مش هقدر اقول الدرجات عشان انا مش متأكدة منها وممكن تزور موقع..........

محمود زكى شكر

15-08-2009, 09:29 PM

هو انت داخلة قسم ايه ؟ وممكن نبقى اصحاب لانى مش لاقى صاحب ليه داخل السن وممكن اعرف اسمك

محمود زكى شكر

16-08-2009, 01:52 PM

انا محتار فى القسم اللى ادخله مش عارف ادخل ايه الناس يقولولى ادخل صينى بس انا خايف ممشيش فيه لانى حاسس انه صعب اوى حد يدلنى ويخبرنى اعمل ايه

sranty

17-08-2009, 05:57 AM

هو انت داخلة قسم ايه ؟ وممكن نبقى اصحاب لانى مش لاقى صاحب ليه داخل السن وممكن اعرف اسمك

لا. بس اكيد هتلاقى اصدقاء ان شاء الله ويارب يكونوا ولاد

sranty

17-08-2009, 06:07 AM

انا محتار فى القسم اللى ادخله مش عارف ادخل ايه الناس يقولولى ادخل صينى بس انا خايف ممشيش فيه لانى حاسس انه صعب اوى حد يدلنى ويخبرنى اعمل ايه

الصينى عايز مذاكرة جامدة

ريهام طارق محمد

03-09-2009, 05:55 AM

Hi انا طالبة فى السن عين شمس فى سنة اولى وعايزة اعرف اية اخبار التنسيق الداخلى للاقسام وخاصة القسم الصينى واليابانى والكورى ارجو الرد سريعا

sranty

03-09-2009, 10:59 AM

انا لحد دلوقتى ما عنديش معلومات مؤكدة لان اتحاد الطلبة بيقولوا لسة بدرى لو عايزة تتابعى النتيجة زورى الموقع دة
............

السنة اللى فاتت الصينى اخد من 43 اكيد السنة دى هيكون فى الحدود دى

Atmen

06-09-2009, 11:28 AM

من طالب جامعى فى الالسن
اقسام كلية الالسن ......

11-قسم اللغة الالمانية : معلم اللغات بعد قسم اللغة الانجليزية بجد قسم كل اللى فيه بيحبوووووووووه اوووووووووى علشان معظم الدكاترة عندهم المان و كلهم بيحبوا يدرسوا اللغة ديه و يفهموا الطلبة على اعلى مستوى و يحسسوهم انهم بجد فاهمين مش اشرح و اللى فاهم فاهم و اللى مش فاهم عنوا ما فهم
تعليق بسيط بس على ان الدكاترة عندنا المان
مفيش ولا دكتور عندنا من المانيا
كلهم مصريين
وفعلا قسم المانى لذيذ جدا وممتع جدا جدا
بس عايز شغل جامد جدا ومش هو لوحده اى قسم بصراحة محتاج شغل جامد عشان توصل للى انت عاوزه
وربنا يوفق الجميع

sranty

06-09-2009, 12:43 PM

شكرا على مرورك وربنا معانا ان شاء الله
الكلام دة منقول من طالب كان فى المانى دى مش معلومات منى وعموما شكرا على الافادة

smsama

12-09-2009, 05:12 PM

abd el rhman

12-09-2009, 08:56 PM

اية رايكو فى البولندى

abd el rhman

12-09-2009, 09:06 PM

لو الانجليزى خد 45 ممكن تخشية مع لغة افريقية كلغة تانية يا smsama

sranty

13-09-2009, 11:03 AM

انا بجد سعيدة اني لقيت حد حابب الكلية لاني كل ماروح الكليةاتعقد من الناس اللي فيها
وبجد نفسي مرة نحدد يوم لكل بنات السن نتقابل فية ونتعرف علي بعض

مش هطول عليكوا
انا كنت جايبة 46 الماني و44 انجليزي
وكتبت رغبة اولي انجليزي وتانية الماني والتالتة صيني والساكند الماني او انجليزي

وسمعت ان بيبقي في اولوية لدخول قسم الماني لاصحاب اللغة التانية الماني في الثانوية
فهل دة صحيح
وليا سؤال تاني التنسيق الداخلي هيظهر امتي لاني قاعدة علي نار مستنياة

اقتراحك حلو جدا وانا موافقة عليه
ايوة الكلام دة صح تكون الاولويه للغة تانية المانى
التنسيق لما روحت قالولى انه الاسبوع اللى قبل العيد وطالما لسه فى ناس بتقدم يبقى التنسيق مش هينزل الا بعد الكل ما يقدم

sranty

13-09-2009, 11:09 AM

اية رايكو فى البولندى

ولا اعرف عنه اى حاجة بس يارب تكون حلوة لانى بجد مش سمعت حد خالص بيقول انه هيدخلها

smsama

13-09-2009, 10:10 PM

اية رايكو فى البولندى

بص انا بصراحة سمعت عنة طراطيش كلام كدة في الكلية وان عدد اللي دخلينة كان 3

متدخضش دة عادي لان كل مكان القسم قليل كل ما كان في اهتمام اكبر

وهو ملهوش شروط علي فكرة

حسن محمد حسان

17-09-2009, 08:21 PM

انا دخلت روسى وعايز اعرف هو كويس ولا لا وسمعت ان الدكاترة فية رخمين حد يقولى بسرع
ة

حسن محمد حسان

17-09-2009, 08:23 PM

انا دخلت روسى وعايز اعرف هو كويس ولا لا

MAYA FAROUK

18-09-2009, 06:32 AM

يا جماعة حد يرد عليا والنبى انا جايبة 45 فى الانجليزى و 50 فى الالمانى انا نفسى ادخل انجليزى جدااااااااااااااااااااااا حد يقولى هو فى امل ولا افكر فى حاجة تانية مع انى لو دخلت اى حاجة تانية هدخل مخنوقة منها و لو مجموعى منفعش انجليزى ينفع اعمل التماس حد يرد عليا و يكون راح الجامعة وسأل الانجليزى السنة دى من كام

اغلى انسان

18-09-2009, 01:59 PM

الانجليزى عموما بيبدأ من 46.5 فبردو علشان ماضحكش عليكى قولى يارب وحطى املك بردو على قسم تانى غير الانجليزى
وانا اتمنى انك تدخلى الانجليزى لانك هاتكونى صديقتى فى نفس القسم

حسن محمد حسان

18-09-2009, 10:10 PM

هو ينفع اعمل التماس وقدم فى القسم الاسبانى انا جايب فى الفرنساوى 46 وفى الانجليزى 44.5 ودخلت قسم روسى وعايزاحول اسبانى حد يرد عليا بسرعة

smsama

19-09-2009, 12:56 AM

انا دخلت روسى وعايز اعرف هو كويس ولا لا
انا لسة في اولي السن بس اسمع عن قسم روسي كتير
بص هو روسي روعة للاولاد
لانة شغلة سياحي اكتر وكمان بيكون في الغردقة وشرم
انا اخو صحبتي بيشتغل في شرم بسم الله ما شاء الله ب 600 يورو

اما الدكاترة فالله اعلم

حسن محمد حسان

01-10-2009, 05:41 PM

هو الجداول نزلت ولا لسا

ساندى29

15-12-2009, 09:49 PM

السلام عليكم انا ساندى قسم المانى كلية الالسن انا عندي اسئلة ياريت حد يرد عليا ارجوكم مع السلامة

سهيلة12

22-12-2009, 04:58 PM

وانا كمان فى اولى المانى و عايزة اعرف حاجات كتير عن القسم

smsama

22-12-2009, 11:49 PM

انا اسمي سمر برضة اولي الماني

انا شكلي اعرفك يا سندي

يارا95

07-01-2010, 11:25 AM

انا طبعا افضل الفرنسية وشكررررررررررررررررررررا:abdoog8:

manar2012

11-02-2010, 09:10 PM

جزاكم الله خيرا علي هذا الموضوع الرائع

فاطمة شريف

14-02-2010, 12:20 PM

لو سمحتم يا جماعة مين هنا السن انجليش؟

sranty

15-02-2010, 10:08 AM

عاملين ايه انا شوفت ان النتيجة ظهرت بس لازم كود الكارت اللى هنشتريه من الكلية عشان النتيجة مش مجانية على الانترنت

مها2222

27-05-2010, 08:43 PM

MR : ABO BATTA

11-06-2010, 09:57 AM

sranty

17-08-2010, 12:51 PM

شباب السن عاملين ايه ؟

ويني الدبدوب

26-08-2010, 01:15 AM

ويني الدبدوب

26-08-2010, 10:03 PM

:av4056bb7jp3::av4056bb7jp3::av4056bb7jp3::av4056b b7jp3::av4056bb7jp3::av4056bb7jp3::av4056bb7jp3:ي جماعة بليز الرد انامخلصة اداب انجليزي و لغة ثانية الماني عايزة اعرف اذا كنت ممكن ادخل كلية ليها علاقة بالغات و لا ماينفعش واذا كان اه هو تنسيقي بيكون زي الثانوية العامة ولا لا ارجو الرد

ويني الدبدوب

26-08-2010, 10:05 PM

ارجو الرد يا بنات و لكم خالص تحياتي

ويني الدبدوب

28-08-2010, 06:07 AM

ميرسي اوي يا جماعة علي ذوقكوا لان محدش رد بس علي فكرة مش عشان كلية الاداب يبقي المستوي مش اوي لكن في ناس بتتعب بجد و مستواها كويس و عل فكرة انا بعرف الماني و ايطالي بس ناقصني الدراسة الاكاديمية و شكرررااا علي التجاهل

sranty

15-10-2010, 10:33 AM

ي جماعة بليز الرد انامخلصة اداب انجليزي و لغة ثانية الماني عايزة اعرف اذا كنت ممكن ادخل كلية ليها علاقة بالغات و لا ماينفعش واذا كان اه هو تنسيقي بيكون زي الثانوية العامة ولا لا ارجو الرد

سورى على التاخير وينى انا اسفه جدا
بس بنات السن نايمين معلش

انا اعتقد لو دخلتى السن عموما يبقى بدرجات الثانويه العامه او ممكن تدخلى قسم المانى على طول من غير درجات الثانويه بس طبعا لازم يكون تنسيقك يقبل انك تدخلى السن فى سنه حصولك على الثانويه العامه
وطبعا ينفع انك تدخليها

وسورى مرة تانيه على التاخييييييييييييير سورى

sranty

03-01-2011, 11:30 AM

انا جايبة 46 فى الانجليزى فادعولى ادخله بالرغم انا نفسى ادخل روسى بس انا خايفة من الدراسه فيه بصراحه

ان شاء الله تدخليه

الروسى كويس جدااااااا على فكرة بس انتى فى الاول هتلاقيه صعب عشان حروفه مختلفه ومش نفس نطق الانجليزى
وربنا معاكى يارب

sranty

03-01-2011, 11:42 AM

**الاستفسار 1

انا طالبة فى تانية ثانوى
انا مستوايا الدراسى الحمد لله كويس ودخلت ادبى عشان تكون فرصتى فى دخول الالسن اكبر ونفسى ان شاء الله ادخلها لانها تعتبر قمة الادبى واتخصص قسم انجلش انا بحب الانجلش جدا نفسى ابقى فوق الممتاز فيه كلغة وليس كمادة بس هدفى الاساسى انى نفسى اتعين دكتورة فيها ان شاء الله ممكن حد يفيدنى فى الحكاية دى يعنى هل سهل انك تتعين فى الجامعة بعد التخرج ولا لأ ولا مثلا بيخدوا الاوائل ولا النظام ايه يعنى ارجو الاستفادة منكم ؟

**الاستفسار2

انا اللى فهمته عن نظام الكلية ان احنا هندرس 3 لغات عربى اساسى واللغة التانية حسب درجتى فى اللغة الاجنبية الاولى يعنى مثلا انا واخدة انجلش لو درجتى تسمح ادخل قسم انجلش هدخل واختار انا لغة تالتة
يعنى دلوقتى هاخد عربى وانجلش ومادة تالتة ليا مطلق الحرية فى اختيارها
طب افرضى درجتى متسمحش فى الانجلش انى ادخل قسم انجلش بس مجموعى دخلنى السن يعنى وواقفة على القسم هيبقا النظام ازاى ؟

**الاستفسار 3
فى مواد تانية ولا ايه؟

1- احنا عندنا قسم انجلش شغتا نمام وكل اللى بيدرسونا مغيدين
انا اعرف انك تكونى معيدة عادى لكن دكتورة غلازم شهادات اكتر وربنا معاكى يارب
الانجلش بياخد من 64 خلى بالك اوكيه؟

2- ممكن تاخدى لغه تانيه افريقى
يعنى لو الانجلش واخد من 46 وانتى جبتى 45 تدخلى لغه تانيه افريقى لان دى اللغه الوحيدة اللى بتخلى المجموع يزيد درجغ

او انتى ممكن تعملى التماس لو درحتك ناقصه نص درجه كمان

يا اما تدخلى اى قسم تانى

3- هو العربى هتدرسى فيه
نحو وادب الترم الاول
مقال ومطالعات و ادب الترم التانى

اللغه
نصوص وترجمه من والى وادب وقواعد واستماع ومحادثه

اللغه التانيه هتمتحنيها فى اخر السنه بس

اتمنى اكون افدتك

مها2222

04-01-2011, 10:37 PM

sranty بعد اذنك يعنى لو مش هضايقك
انا كنت عايزة ايميلك لانى عندى شوية استفسارات كده
بس مش هينفع هنا
انا حاولت ابعتلك ايميلى على الخاص بس قالى انك مش بتستقبلى رسايل خاصة

الاميرة جهاد

10-01-2011, 11:20 AM

ادعولى ادخل كلية السن السنة دى ان شاء الله

مها2222

15-01-2011, 04:18 PM

ربنا يوفقك يا رب يا اميرة ويحققلك اللى بتتمنيه

هبة الله هوبة

18-01-2011, 12:09 PM

انا نفسى ادخل السن **قسم انجلش لانى بحبه اوى ***ادعولى

sranty

24-01-2011, 04:27 AM

sranty بعد اذنك يعنى لو مش هضايقك
انا كنت عايزة ايميلك لانى عندى شوية استفسارات كده
بس مش هينفع هنا
انا حاولت ابعتلك ايميلى على الخاص بس قالى انك مش بتستقبلى رسايل خاصة

سورى لانى كان عندى امتحانات

طيب انتى شايفه الحل يكون ايه ؟

فكرى معايا شويه

لو عايزة اى سؤال ممكن تسالينى على الرساايل الخاصه

sranty

24-01-2011, 04:29 AM

ادعولى ادخل كلية السن السنة دى ان شاء الله

ربنا معااااااااااااااااااااااكى يارب وتحققى حلمك بس انتى شدى حيلك شويه وان شاء الله تدخليها

sranty

24-01-2011, 04:31 AM

انا نفسى ادخل السن **قسم انجلش لانى بحبه اوى ***ادعولى

يارب تدخلى القسم اللى انتى بتحبيه
وربنا يوفقك يارب وتحققى كل اللى نفسك فيه

ربنا معاكو كلكم يارب

єℓяwэsh

25-01-2011, 08:22 PM

ربنااااااااااا معااااااااااااااااااكووووووووووو

مها2222

04-02-2011, 12:37 PM

ربنا يوفقك يا هبة يارب ويحققلك اللى بتتمنيه يارب
انا كمان نفسى بس خايفة ممشيش فيها بعد كده فعمالة بفكر فى كليات تانية عايزة اجمع معلومات عن كل الكليات عشان مدبسشى
بس ربنا يسهل السنة دى ونجيب مجموع حلو ياااااااااااارب ان شاء الله

مها2222

04-02-2011, 12:39 PM

منا بحاول ابعتلك يا sranty رسايل خاصة
بس مش عارفة بتطلعلى رسالة بيقولى انك مش بتستقبلى رسايل خاصة
معطله الخاصية دى يعنى

مها2222

04-02-2011, 12:41 PM

دى الرسالة اللى بتطلعلى
sranty قد قام بتعطيل خاصية الرسائل الخاصة . أو أنه غير مسموح له باستقبال رسائل خاصة , لذلك فنعتذر عن عدم تمكنك من مراسلته حالياً

egyptiancool

21-06-2011, 02:05 AM

sranty

03-07-2011, 02:28 PM

يا جماعه انا طالبة ثانوية عامة في 3 ثانوي
علمي علوم
جبت السنة اللي فاتت 94 وامنية حياااااااااتي بجد اني اخش السن بعشق اللغات وبشهادة الجميع اني شاطرة في اللغات كلها سواء العربية او الانجليزية او الفرنسية بكتب فيهم حلو جدا وبرضو ممتازه في الأحياء
واهلي خلوني اخش علمي علوم على اساس اني ممكن مجموعي يجيب صيدلة ولو مجبش تبقى علوم قسم بيولوجي وتعبت في الفيزياء وانا ماليش فيها خالص لا هيا ولا رياضة
لكن انا امنية حياتي اني اخش السن عين شمس او اعلام لكن اهلي رافضين وبشدة عشان في القاهرة وانا من المنصورة لكن بجد دي امنيتي وهما نفسهم متأكدين اني باذن الله لو دخلت السن او اعلام هتفوق لكن مع ذلك رافضين وبشدة اني ابعد عنهم وقالولي ان كان يبئا تقعدي في المدينة الجامعية وتجيلنا كل فين وفين وانا بصراحة لا يمكن استحمل اني اقعد بعيد عن اهلي وبيتي اكتر من 3 ايام...مش عارفه بجد اعمل ايه...كل يوم مناقشات وانا احلفلهم اني هكتب باذن الله السن رغبة اولى وهما يقولولي لا ..انا بجد تعبت مفيش السن انتساب ولا اعلام انتساب با جماعه شفولي حل اقنعهم

انا هكلمك عن السن لان دى الكليه اللى انا عرفاها
للاسف مفيش السن انتساب طبعا ومينفعش ان السن تكون انتساب لانك بتتعلمى لغه
ثانيا بالنسبه للغربه احنا عندنا فى الكليه ناس كتتتتتتتتتتتتتتتتتتتير من المنصورة
اما الغربه فانتى ممكن تقعدى فى المدينه ايام المحاضرات وتروحى بيتك ايام الاجازة
انا كنت زيك كده بس اتعودت

بجد كليه السن ممتعه جدا وهتحبيها خاااااااااااالص انتى حاولى تقنعيهم اكتر واكتر واعتقد ان المنصورة مش بعيده اوى للقاهرة دا احنا عندنا ناس من الاقصر واسوان
ويارب ربنا يحقق لك امنيتك بجد طالما انتى حابه تدخلى الكليه
وربنا يوفقك بجد

اقنعييييييييييهم وقولى لهم ان فيه ناس كتييييييييييير متغربه عن بيوتها عشان بجد الكليه تستاهل

اما اعلام انا للاسف معرفش عنها حاجه

egyptiancool

18-07-2011, 11:19 AM

ضى الفجر

18-07-2011, 01:51 PM

sranty

18-07-2011, 10:22 PM

ازيك يا جميل..

كفيتي ووفيتي واللهي
انا الحمد لله خلاص اقنعت اهلي ووافقوا على الالسن وقريتلهم ردك وردود ناس تانية بيشكروا في الالسن
بس انا خايفة مووووت التنسيق يعلى ومش الحقها خاصة اني علمي مش ادبي وجايبة 94.6 ادعولي مجموعي يجيبها يااااارب
وكمان عايزة استفسر بخصوص الكلية هيا 5 سنين ولا 4؟؟؟
والمدينة الجامعية ينفع لو حجزت غرفة مفردة؟؟؟
وكمان ايه الأقسام المناسبة لدرجاتي دي؟؟؟
انا جايبة في الانجلش:45.5
والفرنساوي 48
وانتوا لازم تختاروا لغتين مش كده؟؟؟
من وجهة نظرك ايه الاحسن ؟؟؟
محتاااااجة ردك يا جميل ضروري

انا تماااااااااام الحمد لله
اخيرااااااااااااااااااااااااا الحمد لله انهم اقتنعواااااااااااا الف مبرووووووووك
انا معرفش من علمى التنسيق بيكون ازاى بصراحه
بس ان شاء الله تدخليها يارب عشان التعب مش يروح

الكليه 4 سنين
لا للاسف لو خاصه ينفع لكن مدينه جامعيه مستحيل
انتى على حسب التنسيق القديم ليكى
اسبانى
ايطالى
صينى
روسى
عبرى
تشيكى
فارسى

ايوه لازم لغتين والعاده بتكون اللغه التانيه انجلش عشان مش تخلطى بين اللغتين وتتلخبطى

يااااااااااااااااااه دا انا عيونى ليكى
مكنتش اعرف ان كلامى ممكن يقنع مامتك وباباكى
بس الحمد لله اهم حاجه انك حابه الكليه وهتحققى حلمك ان شاء الله
ربنا معاكى يارب

sranty

18-07-2011, 10:28 PM

طيب انا جايبة 43.5 فى الانجليزى ما فى امل ادخل قسم انجليزى خاااااااااالص؟؟؟؟؟؟؟؟؟

انا جابية لغة تانية المانى 49

وبعدين بيقولوا الغات التانية مش ليها شغل اوى ومش ليها لازمة يعنى اللغة الاولى هيه اللى بتكون الاساس هل دة صحيح دى

المعلومة من ناس خريجة الجامعة وكمان انا عايزة اسأل سؤال هي الكلية دى احلى ولآ لغات وترجمة ..؟؟

ارجووووووووووو الرد احنا محتاجين الاشياء هذى

الانجلش علطول بياخد من 46 يا ضحى بس يمكن التنسيق يتغير بس لا اعتقد انه هيقل عن 45

على حسبك انتى انتى ممكن تساوى بين اللغتين بس ده بيكون صعب اوى لان اللغه الاولى دى بتتوسعى فيها غير اللغه التانيه بتاخدى جرامر وكلمات وخلاص

ياااااااااااااااه لغات ومعلومات انا اعرف فيها ناس متفوقين جدااااااا بس للاسف معرفش دول الكليه هى اللى عملاهم كده ولا كورسات

احنا عندنا بنعرف نتكلم كويس من سنه تانيه

ربنا معاكى يارب

sranty

18-07-2011, 11:00 PM

وعودة العسولة

19-07-2011, 03:03 AM

tyb ana gyba 46 fl english w 49 f french .. kdaa momkn a5osh kesm english lo3'a ola wla a tnsee2 l da5ly hy3la l sanadee 3n 46 ! wlaaa eh :D dh yb2aa 7azeeeee eh :angry:
w ana gyba 96.5 w adbyy btw :)

egyptiancool

19-07-2011, 03:58 AM

انا تماااااااااام الحمد لله
اخيرااااااااااااااااااااااااا الحمد لله انهم اقتنعواااااااااااا الف مبرووووووووك
انا معرفش من علمى التنسيق بيكون ازاى بصراحه
بس ان شاء الله تدخليها يارب عشان التعب مش يروح

الكليه 4 سنين
لا للاسف لو خاصه ينفع لكن مدينه جامعيه مستحيل
انتى على حسب التنسيق القديم ليكى
اسبانى
ايطالى
صينى
روسى
عبرى
تشيكى
فارسى

ايوه لازم لغتين والعاده بتكون اللغه التانيه انجلش عشان مش تخلطى بين اللغتين وتتلخبطى

يااااااااااااااااااه دا انا عيونى ليكى
مكنتش اعرف ان كلامى ممكن يقنع مامتك وباباكى
بس الحمد لله اهم حاجه انك حابه الكليه وهتحققى حلمك ان شاء الله
ربنا معاكى يارب

انتي قمر ربنا يباركلك..ويجعل كله في ميزان حسناتك
انتي دلوقتي في سنة كام؟؟؟عشان لو جيت ان شاء الله مش عارفه اي حد في القاهره من اولها لاخرها الا انتي..
والصديق قبل الطريق:):)

بس ينفع اخد انجلش كلغة تانية وانا جايبة 45.5 والتنسيق بتاعه 46؟؟؟؟؟

وكمان انتي ترشحيلي اللغة الاولى تبقى ايه؟؟؟؟؟؟
يعني صيني وحجات جديدة زي دي

ولا اللاتيني مضمون اكتر زي الايطالي والاسباني؟؟؟؟

واخر سؤال بئا في امتحان قدرات للألسن؟؟؟والمفروض اقدم على المدينة الجامعية لعين شمس امتى؟؟؟
وايه الاجراءات المطلوبة؟؟؟؟

sranty

19-07-2011, 08:31 PM

tyb ana gyba 46 fl english w 49 f french .. Kdaa momkn a5osh kesm english lo3'a ola wla a tnsee2 l da5ly hy3la l sanadee 3n 46 ! Wlaaa eh :d dh yb2aa 7azeeeee eh :angry:
W ana gyba 96.5 w adbyy btw :)

اولااااااا الف مبروووووووووك وربنا يوفقك يارب
انا عن نفسى عمرى ما شفت قسم انجلش بياخد اكتر من 46
ان شاء الله حظك هيكون تمااااااااااام متخافيش

sranty

19-07-2011, 08:38 PM

انتي قمر ربنا يباركلك..ويجعل كله في ميزان حسناتك
انتي دلوقتي في سنة كام؟؟؟عشان لو جيت ان شاء الله مش عارفه اي حد في القاهره من اولها لاخرها الا انتي..
والصديق قبل الطريق:):)

بس ينفع اخد انجلش كلغة تانية وانا جايبة 45.5 والتنسيق بتاعه 46؟؟؟؟؟

وكمان انتي ترشحيلي اللغة الاولى تبقى ايه؟؟؟؟؟؟
يعني صيني وحجات جديدة زي دي

ولا اللاتيني مضمون اكتر زي الايطالي والاسباني؟؟؟؟

واخر سؤال بئا في امتحان قدرات للألسن؟؟؟والمفروض اقدم على المدينة الجامعية لعين شمس امتى؟؟؟
وايه الاجراءات المطلوبة؟؟؟؟

يااااااااااااااااااااااااااااااااااااااااااااااااا اااااااااااارب

انا ان شاء الله داخله سنه تالته
خلاص ان شاء الله ابقى اساعدك لو طلبتى منى اى حاااااااااااااااااجه
انتى باين عليكى نفسك فى انجلش بصى يا ستى

الكليه عامله نظام التماس يعنى لو انتى جايبه 45 والقسم بياخد من اعلى من درجاتك بدرجه واحده ممكن العميد يخليكى تدخلى القسم بس بشرط انك تاخدى لغه تانيه افريقى

الايطالى تحفه طبعا بس صعب
احنا نص الكليه واخده لغه اسبانى وانجلش

لالالالالالالالالالا مفيش امتحان قدرات
انتى لما تروحى تقدمى ملفك للكليه تروحى تسحبى الملف من المدينه الجامعيه الرئيسيه

انتى لما هتروحى تسحبى الورق بتاع المدينه هيبقى مكتوب فيها كل حاجه متخافيش
الملف كله ب100 جنيه

egyptiancool

19-07-2011, 09:15 PM

sranty

20-07-2011, 01:26 PM

طب اخر سؤال يا جميل

بعد اما اكتب السن عين شمس اكتب السن المنيا عشان اضمن شوية ان السن مش تفلت مني باذن الله

وطبعا انا اهلي وافقوا ع عين شمس بالعافية فمش ممكن يوافقوا ع المنيا بس انا بسأل ينفع احول ورقي من غير ما اقعد هناك خالص وابتدي السنة معاكم في عين شمس؟؟؟؟؟؟؟؟

انا اعرف انك لازم تقعدى سنه هناك فى المنيا وتحولى السن عين شمس تانى سنه
بس السن المنيا بعيده اوووووووووووووى ولا اعتقد ان اهلك هيوافقوا عليها
انا عن نفسى لو كان جالى السن المنيا مش كنت هدخلها وكمان انا مش كتبتها فى الرغبات اساسا
انتى شوفى لو تقدرى تروحى المنيا يبقى مفيش مشكله

Guitarist

21-07-2011, 01:08 AM

tyb ana 90.7 hal7a2 alsun walla a :(( msh 3aref ana 3ammal bad3i eltnsi2 yenzl 7 mn 3ashara bs 3an 2009 ya raaaaab bs magame3 adaby 2olayla elsana de walla a 7ad yetmni wenbi

sranty

21-07-2011, 08:28 AM

tyb ana 90.7 hal7a2 alsun walla a :(( msh 3aref ana 3ammal bad3i eltnsi2 yenzl 7 mn 3ashara bs 3an 2009 ya raaaaab bs magame3 adaby 2olayla elsana de walla a 7ad yetmni wenbi

انا على سنتى التنسيق كان 92 وكان يعتبر نازل جدااااااااااا
مش عارفه والله ايه هيكون نظام التنسيق السنه دى بس انا عندى اعتقاد ان التنسيق هيعلى عشان المجاميع عاليه

بس ان شاء الله يكون الاعتقاد غلط يارب وتقدرى تدخلى السن باذن الله

وربنا يوفقك يارب

Guitarist

21-07-2011, 12:01 PM

magame3 adaby nzla elsana de bel3ks

sranty

21-07-2011, 12:58 PM

magame3 adaby nzla elsana de bel3ks

انا سمعت انها عاليه لكن مش متاكده من الموضوع ده

hunter kura

25-07-2011, 04:08 PM

HELLO n_n
انا طالبة لسة مخلصة ثانية ثانوى بمجموع 97% و ان شاء الله السنة الجاية اجيب احسن و الحق السن لانى بمووووت فيها 3>
ادعولى!
بس انا اتمنى ادخل لغة اولى كورى او يابانى (بحبة جدااا) بس فى ناس كتير بتقول ان الكورى و اليابانى لازم عشان ادخلهم انجح فى اختبارات انجلش بتعملها الجامعة..و لو مجبتش فيها كويس مادرش ادخلهم..يعنى بعد التعب دة كلو مدخلهمش بسبب امتجان!
لوسمحتى strany الكلام ده صح؟؟
شكرا ^^

mustafa.sharf

25-07-2011, 04:38 PM

اول حاجه مبروك ع النجاح وبالنسبه لليابانى فى فى الكليه تنسيق داخلى واليابانى لازم تكونى جايبه 49 فى الانجلش عشان تدخليه

hunter kura

25-07-2011, 05:14 PM

شكرا~
ايوه انا عارفة الكلام ده,و الكورى ف النتسيق من 48 ف الانجليزى,انا بس عايزة اعرف فى امتحان فعلا ولا لا

mustafa.sharf

25-07-2011, 05:44 PM

لالا مفيش امتحانات قدرات وكدا من اللى فى بالك انت لو جايبه نفس المجموع اللى مطلوب منك فى التنسيق الداخلى بتدخلى من غير امتحانات

sranty

27-07-2011, 07:44 AM

شكرااااااااااا على المساعده يا مصطفى ^^

اظن يا كورا ان سؤالك لقيتى الحل عليه

israa m

29-07-2011, 02:20 PM

السلام عليكم انا كنت عايزة اعرف لو عايزة ادخل قسم الايطالى وانا واخدة لغة تانية ايطالى بيعتمد عليها ولا على الانجليزى الغة الاولى

هدير 2012

29-07-2011, 02:40 PM

انا بيتهيألي يا اسراء ان الاقسام بتعتمد على الاثنين ..........انشاء الله srantyترد عليكي وتفيدك اكتر.........بس الانجليزي بيكون الاهم.....

israa m

29-07-2011, 03:16 PM

شكرا يا هدير انا اتمنى sranty ترد عليا

sranty

30-07-2011, 08:34 AM

السلام عليكم انا كنت عايزة اعرف لو عايزة ادخل قسم الايطالى وانا واخدة لغة تانية ايطالى بيعتمد عليها ولا على الانجليزى الغة الاولى

بصى يا اسراء انا للاسف مش فاكره بس هكتبلك اللى مكتوب فى دليل الكليه والكلام مفهوم

قسم اللغه الايطاليه
الطلاب الدارسون للغه الاجنبيه الثانيه الايطاليه والطلاب الدارسون للغه الاجنبيه الثانيه (الفرنسيه) والحاصلين فيها على اعلى الدرجات

ده معناه انك ممكن تدخلى القسم على حسب لغتك التانيه

sranty

30-07-2011, 08:36 AM

اسراء انا على فكرة سالت واحده ايطالى وهى قالت انها دخلت ايطالى من غير تنسيق لانها كانت فى ثانوى واخده ايطالى بس انتى لازم تتاكدى عشان الكلام ده من 3 سنين

sranty

30-07-2011, 08:40 AM

يا جماعه نصيحه منى ليكو ابعدوا عن الانجلش لان دراسته صعبه جدااااااااااااااااااااااا
اللهم بلغت اللهم فاشهد

يا اما بقى لو حد عايز بجد انه يجتهد اووووووى فى انجلش يدخله على بركه الله
وربنا معاكواااااااااااااااا

israa m

30-07-2011, 02:38 PM

شكرا يا sranty ا و ى ى ى ى

sranty

30-07-2011, 05:00 PM

العفو يا اسراء وربنا يوفقك يارب ان شاء الله

EMAAA93

30-07-2011, 05:10 PM

لو سمحت انا جالى السن عين شمس اروح اقدم بكرة ولا اييييييييييه ؟؟؟

هدير 2012

30-07-2011, 05:16 PM

sranty

30-07-2011, 06:05 PM

لو سمحت انا جالى السن عين شمس اروح اقدم بكرة ولا اييييييييييه ؟؟؟

لا لا مش للدرجه دى
اعتقد ان التقديم هيكون فى شهر 8 ممكن اول اسبوع او تانى اسبوع

انا التقديم بتاعى كان من يوم 11 الى يوم 26 يعنى براحتك خااااااااالص

ومتخافيش كل الحاجات دى هتعرفيهااااااااا بس اهم حاجه انك دخلتى السن الف الف مبرووووووووووووووووووووك

لازم احتفال بجد بيكوااااااااااااا

http://www.qa44.com/vb/imgcache/2/4140alsh3er.gif

sranty

30-07-2011, 06:11 PM

ازيك ياsrantyالحمد لله جبت السن عين شمس .بس هنتغبك بقى .كنت عايزة اعرف اية الاجراءات الي لازم نعملعا واية الاوراق الي لازم نخدها وانا كمان للاسف مش في مصر انا في الكويت ..يعني لازم اكون موجودة ولا لا..ياريت تردي علينا ضروري.اسفة على الاطالة

الف مبرووووووووووووووووووووووووووووووووووووووك يا دودو :022yb4::022yb4::022yb4::022yb4:

بصى انتى هتروحى تسحبى الملف من المدرسه وهتتصورى وكمان صور بطاقتك وبطاقه ولى الامر
لو افتكرت حاجه تانيه هبقى اقولك مش تخافى او ممكن انتى تبحثى على النت هتعرفى اكتر

احنا مش عندنا درجات حضور وغياب بس السنه اللى فاتت بداوا يشددوا عليها

وكمان لازم تحضرى علشان اللغه مش هتعرفى تتقنيها لوحدك

يعنى انتى مش ليكى حد فى القاهرة خالص

والف مبرووووك مرة تانيه ونورتى السن

http://forum.07ksa.org/storeimg/1/img_1299946462_479.gif

هدير 2012

30-07-2011, 07:41 PM

مرسي جدا ..........لا ماليش حد في القاهرة

EMAAA93

31-07-2011, 12:30 AM

لو سمحتى سرانتى عايزة عنوان السن بالتفصيل الممل يعنى الكلية نفسها انا عارفة عنوان جامعة عين شمس لكن عايزة اعرف كلية السن بالتحديد

Guitarist

31-07-2011, 04:15 AM

el7l alsun elmnia el7l :)

Amr Eltaweel

31-07-2011, 04:20 AM

انا مش السن
انا هندسة القاهرة بس قولت ادخل اباركلكوا كدا دفعة واحدة :d
مبروك ليكوا جميعــــــــــــــــــــــــــــــــــــــاُ

sranty

31-07-2011, 07:19 AM

لو سمحتى سرانتى عايزة عنوان السن بالتفصيل الممل يعنى الكلية نفسها انا عارفة عنوان جامعة عين شمس لكن عايزة اعرف كلية السن بالتحديد

'طالما عارفه عنوان جامعه عين شمس اللى فى العباسيه سيقى المشكله اتحلت

انتى طبعا هتكونى راكبه ميكروباص العباسيه هتقوليله نزلنى عند الجامعه هينزلك عندها بالظبط هو ده الوصف المفصل هتنزلى هتلاقى باب الكليه تدخلى منه هتلاقى كليه تجارة على يمينك وورا خااااااااااااااااالص كليه السن .

لو حسيتى انك تايهه و مش وصلتى للجامعه اسالى على مستشفى جامعه عين شمس التخصصى هتلاقى الكليه جنبها علطوووووول

مش عارفه انتى كده فهمانى ولا لا :078111rg3:

sranty

31-07-2011, 08:31 AM

el7l alsun elmnia el7l :)

الف مبرووووووووووووك اولا
ثانيا ان شاء الله سنه فى المنيا وتانى سنه تحويل على عين شمس علطول باذن الله
وربنا يوفقك يارب:022yb4:

sranty

31-07-2011, 08:33 AM

انا مش السن
انا هندسة القاهرة بس قولت ادخل اباركلكوا كدا دفعة واحدة :d
مبروك ليكوا جميعــــــــــــــــــــــــــــــــــــــاُ

الف مبروووووووووووووووووووووووووووك على الهندسه وربنا يوفقك يارب ان شاء الله

ونورت الموضوع:):)

هدير 2012

31-07-2011, 12:46 PM

انا مش السن
انا هندسة القاهرة بس قولت ادخل اباركلكوا كدا دفعة واحدة :d
مبروك ليكوا جميعــــــــــــــــــــــــــــــــــــــاُ
الله يبارك فيك.....نورتنا:av4056bb7jp3::av4056bb7jp3:

هدير 2012

31-07-2011, 12:49 PM

لوسمحتي يا srantyممكن تقوليلنا امتى نبدا اجراءات التقديم ......وهل التقديم ف مدينة الطالبات لازم يكون بدري؟؟؟؟؟

Guitarist

31-07-2011, 01:04 PM

hwa yenf3 a7awl aana fara2t ma3aya 3ala 3en shams daraga belzabt :( ya3ni ana msh gayb magmo3ha

mero_pink_flower

31-07-2011, 03:05 PM

sa7bty gayba 46.5 english
w 50 almany

momken ted5ol alsun english wala la2 ?
w eh el aksam elly momken ted5olha

sranty

31-07-2011, 08:05 PM

لوسمحتي يا srantyممكن تقوليلنا امتى نبدا اجراءات التقديم ......وهل التقديم ف مدينة الطالبات لازم يكون بدري؟؟؟؟؟

بصى العادى ان التقديم بيبدا من يوم 11 الى 26 اغسطس بس مش عارفه الاحداث اللى حصلت فى القاهرة هيقدموها ولا هياخروها

انتى لما تروحى تقدمى ملفك للكليه تروحى المدينه وتسحبى الملف وهما هيحددولك تجى امتى تقدميه

sranty

31-07-2011, 08:07 PM

hwa yenf3 a7awl aana fara2t ma3aya 3ala 3en shams daraga belzabt :( ya3ni ana msh gayb magmo3ha

والله معرفش ممكن تعمل التماس ولا لا بس اللى اعرفه انك لازم تحضر سنه فى المنيا وبعد كده تحول عين شمس

sranty

31-07-2011, 08:09 PM

sa7bty gayba 46.5 english
w 50 almany

momken ted5ol alsun english wala la2 ?
w eh el aksam elly momken ted5olha

ايون ينفع على حسب التنسيق القديم الانجلش بيقبل من 46
الاقسام التانيه المانى
روسى
صينى
اسبانى
ايطالى
تركى
فارسى
عبرى
تشيكى

mero_pink_flower

31-07-2011, 09:21 PM

ايون ينفع على حسب التنسيق القديم الانجلش بيقبل من 46
الاقسام التانيه المانى
روسى
صينى
اسبانى
ايطالى
تركى
فارسى
عبرى
تشيكى

ok thnx alot

sranty

03-08-2011, 11:02 AM

انا بقى عايزة حد ياااااااااااااااااااااااااااااااااااباركلى مليش دعوه

انا نتيجتى ظهرت ونجحت الحمد لله وبتقدير كمان

واخيراااااااااااااااااااااااا هدخل سنه تالته

hind.malak

03-08-2011, 11:07 AM

يا خبر ابيض الف مبروك يا قمر وعقبالنا يا رب وربنا يبشرك بالخير

sranty

03-08-2011, 11:15 AM

يا خبر ابيض الف مبروك يا قمر وعقبالنا يا رب وربنا يبشرك بالخير

الله يبارك فيكى يا هند
يارب ان شاء الله ربنا معاكو يارب

التقديرات الحمد لله السنه دى كلها عاليه

اعتقد ان ده وشكم الحلو عليناااااااااااااااا :078111rg3:

شكرااااااااااااا يا قمر:av4056bb7jp3::av4056bb7jp3::av4056bb7jp3::av40 56bb7jp3::av4056bb7jp3:

hind.malak

03-08-2011, 11:22 AM

العفو يا جميل بس ادعيلنا بقى وانتي تنصحيني ادخل قسم ايه انا جايبة 46.5 في الانجلش و 49 في الفرنش
بس مش عارفة ميالة للتركي وكل ما اسال حد يقول قسم المعاقين لحد ما عقدونى ههههههههههههه

sranty

03-08-2011, 01:19 PM

العفو يا جميل بس ادعيلنا بقى وانتي تنصحيني ادخل قسم ايه انا جايبة 46.5 في الانجلش و 49 في الفرنش
بس مش عارفة ميالة للتركي وكل ما اسال حد يقول قسم المعاقين لحد ما عقدونى ههههههههههههه

ربنا معاكى يارب

انتى ليكى
انجلش
صينى
روسى
اسبانى
ايطالى
تركى
عبرى
تشيكى
فارسى

ليه بس ده قسم حلو وسهل جداااااااااااااااااااااااااااااااااااااااا على فكره

وكمان بما انك بتحبى المسلسلات التركى فهتحبى انك تشتغلى فيه وتذاكرى اكتر

هو بس المشكله النطق بتاعهم مش بيعجبنى مفخم خالص بما ان صحبتى تركى
بس اغانيهم بتعجبنى اووى زى اياد

ربنا يوفقك يارب

Islam sharawy

03-08-2011, 02:38 PM

ده الجروب بتاعنا عالفيس تنورونا هناك بقي

http://www.facebook.com/groups/156209051124133/

طالبة علم2

03-08-2011, 11:32 PM

انا بقى عايزة حد ياااااااااااااااااااااااااااااااااااباركلى مليش دعوه

انا نتيجتى ظهرت ونجحت الحمد لله وبتقدير كمان

واخيراااااااااااااااااااااااا هدخل سنه تالته
ازيك ياsranty
انا بسمه السن ان شاء الله نشوفك هناك
مبروك الف مليون مبروك عقبال ماتنجحى ف تالته ورابعه ونباركللك برضو
انا قريت كل رودوك ماشاء الله
الف مبروك وعقبال كل سنه

ساره سرسورة

04-08-2011, 12:09 AM

الف مبروك للكل

peppsi man

04-08-2011, 04:32 AM

ياريت تردوا عليا ضرورى يا جماعة

انا جبت 44.5 فى الانجلش

و 49.5 فى الايطالى

ايه اللغات اللى ممكن اختارها ؟؟؟؟

وشكرااا ليكوا جدا ..... بس ياريت تردوا عليا ضرورى

Guitarist

04-08-2011, 06:42 AM

mabrooook ya sranty alf mabroook :)

mode ali

04-08-2011, 04:59 PM

ياجماعه محدش عنده فكره عن التنسيق الداخلى للكليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هدير 2012

05-08-2011, 03:23 PM

انا بقى عايزة حد ياااااااااااااااااااااااااااااااااااباركلى مليش دعوه

انا نتيجتى ظهرت ونجحت الحمد لله وبتقدير كمان

واخيراااااااااااااااااااااااا هدخل سنه تالتهمليون مبروووووووووووووك ياسرانتي :022yb4::022yb4::022yb4::022yb4:

sranty

06-08-2011, 02:12 AM

ازيك ياsranty
انا بسمه السن ان شاء الله نشوفك هناك
مبروك الف مليون مبروك عقبال ماتنجحى ف تالته ورابعه ونباركللك برضو
انا قريت كل رودوك ماشاء الله
الف مبروك وعقبال كل سنه

ربناااااااااااااااااااااااااا يخليكى يااااااااااااارب

دا الشرف ليا اننا نتقابل هناك ان شاء الله

الله يبارك فيكى وعقبالك ان شاء الله

:d

sranty

06-08-2011, 02:13 AM

الف مبروك للكل

الله يبارك فيكى يا ساره وعقبالك ان شاء الله

sranty

06-08-2011, 02:14 AM

ياريت تردوا عليا ضرورى يا جماعة

انا جبت 44.5 فى الانجلش

و 49.5 فى الايطالى

ايه اللغات اللى ممكن اختارها ؟؟؟؟

وشكرااا ليكوا جدا ..... بس ياريت تردوا عليا ضرورى

انت هيكون ليك

روسى
ايطالى
اسبانى
عبرى
تركى
تشيكى
فارسى
حسب التنسيق القديم

سورى معلش على الرد المتاخر

sranty

06-08-2011, 02:24 AM

mabrooook ya sranty alf mabroook :)

الله يبارك فيك يااااااااااااااااااااااااااارب وعقبالك ان شااااء الله يارب

طالبة علم2

06-08-2011, 03:05 AM

ربناااااااااااااااااااااااااا يخليكى يااااااااااااارب

دا الشرف ليا اننا نتقابل هناك ان شاء الله

الله يبارك فيكى وعقبالك ان شاء الله

شكرا لذوقك
ياجميل
انا كنت عاوزه اسالك ف سوال
ايه رايك ف قسم صينى
وفرنسى وروسى وايطالى
وياريت لو عندك فكره
عن عدد طلاب كل قسم ف الكليه تنازلى كده
لو افتكرت حاجه تانى هقوللك:d

sranty

06-08-2011, 10:43 AM

شكرا لذوقك
ياجميل
انا كنت عاوزه اسالك ف سوال
ايه رايك ف قسم صينى
وفرنسى وروسى وايطالى
وياريت لو عندك فكره
عن عدد طلاب كل قسم ف الكليه تنازلى كده
لو افتكرت حاجه تانى هقوللك:d

قسم صينى حلو جدااااااااااا هو صعب شويه بس له مقامه زى ما انتى عارفه عددهم باين بيكون 300 على ما اعتقد
فرنسى لا تعليق لانك لازم تكونى ثانويه تجريبيه فرنسيه وقسم لايذكر فى الكليه اساسا
روسى قسم كويس جدااااااااااااااا هو صعب برضو بس لذيذ والعدد بيكون 300
ايطالى انا عن نفسى بسميه اسياد الكليه قسم محترم ونضيف كده العدد بيكون 500 او اكتر

اوكيه مستنيه اسالتك

sranty

06-08-2011, 10:48 AM

بس انتوا مش غيرتوا القابكم ليه بكلمه طالب فى كليه الالسن
انا ملاحظه ان Guitarist بس اللى غيرها

sranty

06-08-2011, 11:42 AM

ياريت اى حد يروح الكليه يصور لنا يومه كان عامل ازاى

عايزين صور كتير للكليه اوكيه

sranty

06-08-2011, 12:35 PM

انا مش عارفه انا ممكن احط روابط ولا لا

بس الموقع ده تحفه لتعليم اللغه بالصوت والصورة والتمارين

وانك تتكلم مع ناس اجانب بيتكلموا لغتك

فده هيفيدكم اوووووووووووووى

بجد عن تجربه الموقع تحفه

www.livemocha.com/

طالبة علم2

06-08-2011, 02:38 PM

بس انتوا مش غيرتوا القابكم ليه بكلمه طالب فى كليه الالسن
انا ملاحظه ان guitarist بس اللى غيرها
اوكى نغير
بس الموقع هنا محبكها قوى مش عارفه احط اسميلات
ولا روابط الا لما اعمل 25 مشاركه

ياريت اى حد يروح الكليه يصور لنا يومه كان عامل ازاى

عايزين صور كتير للكليه اوكيه
فكره حلوه والله جامده

لما اروح تانى هقولكم

لما روحت اول مره
روحنا كله تمام
دخلنا حسيت ف الاول من تنظيم الشجر
والارض انه نفس الشكل بتاع جنيه الحيوانات
دخلنا هو بس الحته الكبيره اللى قدام الباب
مالفناش
لقينا ناس كده كل واحد او طالبه حوليه ناس كتير بيسالوهم عن الاقسام
واللغات وكده
وكل واحد بيقول رايه
وكل شويه تروح تقف مع حد شويه
ف الاخر بتزهق ومش بتفهم حاجه قوى
وبترجع تانى
المشوار قعد ساعتين ونص او اكتر
رايح وساعتين ونص جاى يعنى علشان
نروح ونرجع عاوزين بتاع 5 ساعات
بس ايه انا شوفت سلالالم كتير
وادوار كتير
وكان فى حاجه كده زى مطعم برا
فيه سندويتشات وكده ومايا
بس كده
انتى بقى ف السنتين
بتقعدى فين عاده
ف انهى دور يعنى

sranty

06-08-2011, 02:58 PM

اوكى نغير
بس الموقع هنا محبكها قوى مش عارفه احط اسميلات
ولا روابط الا لما اعمل 25 مشاركه

فكره حلوه والله جامده

لما اروح تانى هقولكم

لما روحت اول مره
روحنا كله تمام
دخلنا حسيت ف الاول من تنظيم الشجر
والارض انه نفس الشكل بتاع جنيه الحيوانات
دخلنا هو بس الحته الكبيره اللى قدام الباب
مالفناش
لقينا ناس كده كل واحد او طالبه حوليه ناس كتير بيسالوهم عن الاقسام
واللغات وكده
وكل واحد بيقول رايه
وكل شويه تروح تقف مع حد شويه
ف الاخر بتزهق ومش بتفهم حاجه قوى
وبترجع تانى
المشوار قعد ساعتين ونص او اكتر
رايح وساعتين ونص جاى يعنى علشان
نروح ونرجع عاوزين بتاع 5 ساعات
بس ايه انا شوفت سلالالم كتير
وادوار كتير
وكان فى حاجه كده زى مطعم برا
فيه سندويتشات وكده ومايا
بس كده
انتى بقى ف السنتين
بتقعدى فين عاده
ف انهى دور يعنى

هههههههههه معلش لازم توصلى المشاركات عشان تنجحى وتحطى اللقب ^^

هههههههه جنينه حيوانات حرام عليكى

اهم حاجه ان السن منفرده بعيد لوحدهااااااااااااااااا ملهاش دعوه باى حاجه ولا مظاهرات ولا اعتصامات ودى احسن حاجه

ايوه انتى لازم تروحى بدرى عشااااااااان تقدرى تخلصى حاجاتك كويس وتخلصى بدرى

ايوه فيه سلاااااااااااااااااااااااااااالم كتير ربنا ميكتبش عليكى انك تطلعيها ان شاء الله

هو مش مطعم بالظبط هو بس بتروحى تشترى منه الاكل وتاكليه فى اى حته برا

بالنسبه ليا انا بطلع الدور الرابع لان قسمى هناك

بصى اول دور للعميد
تانى دور بيكون لانجلش والاجانب
تالت دور اسبانى وايطالى
رابع دور لتشيكى وروسى والمفروض تركى
خامس دور كورى ويابانى وصينى

بس بجد الواحد بيخس لما بيطلع نفسه بيتقطع خاااالص

طالبة علم2

06-08-2011, 04:01 PM

هههههههههه معلش لازم توصلى المشاركات عشان تنجحى وتحطى اللقب ^^

هههههههه جنينه حيوانات حرام عليكى

اهم حاجه ان السن منفرده بعيد لوحدهااااااااااااااااا ملهاش دعوه باى حاجه ولا مظاهرات ولا اعتصامات ودى احسن حاجه

ايوه انتى لازم تروحى بدرى عشااااااااان تقدرى تخلصى حاجاتك كويس وتخلصى بدرى

ايوه فيه سلاااااااااااااااااااااااااااالم كتير ربنا ميكتبش عليكى انك تطلعيها ان شاء الله

هو مش مطعم بالظبط هو بس بتروحى تشترى منه الاكل وتاكليه فى اى حته برا

بالنسبه ليا انا بطلع الدور الرابع لان قسمى هناك

بصى اول دور للعميد
تانى دور بيكون لانجلش والاجانب
تالت دور اسبانى وايطالى
رابع دور لتشيكى وروسى والمفروض تركى
خامس دور كورى ويابانى وصينى

بس بجد الواحد بيخس لما بيطلع نفسه بيتقطع خاااالص
مافيهاش اعتصامات ازى
اكتبى السن كده عاليوتيوب هتلاقى اعتصامات
انا ماشوفتهاش شوفت العنوان بس
هو ف اماكن ان الانسان يقعد زى اللى بتيجى ف التلفزيون
كراسى وكده
هو ف باب تانى غير اللى دخلت منه اللى دخلت منه كان جمبه كليه تجاره
همه خمسه ادوار بس دا انا حسيت انى فى مول من كتر السلالام
ومافيش اسانسير!هههههههههه
امال الفرنساوى فين من الادوار دى

لما روحت واحد من اللى واقفين قال فيمامعناه بتوع فرنساوى دول حاجه تانيه همه احسن شويه
علشان كده معمولهم حته لوحدهم

sranty

07-08-2011, 09:18 AM

مافيهاش اعتصامات ازى
اكتبى السن كده عاليوتيوب هتلاقى اعتصامات
انا ماشوفتهاش شوفت العنوان بس
هو ف اماكن ان الانسان يقعد زى اللى بتيجى ف التلفزيون
كراسى وكده
هو ف باب تانى غير اللى دخلت منه اللى دخلت منه كان جمبه كليه تجاره
همه خمسه ادوار بس دا انا حسيت انى فى مول من كتر السلالام
ومافيش اسانسير!هههههههههه
امال الفرنساوى فين من الادوار دى

لما روحت واحد من اللى واقفين قال فيمامعناه بتوع فرنساوى دول حاجه تانيه همه احسن شويه
علشان كده معمولهم حته لوحدهم

هههههههههههه بجد
دا انا بقالى سنتين محصلش اى مظاهرات ولا اى حاجه غير السنه دى حصل احتجاج عشان النتيجه

نووووووووووووو مفيش غير السلالم والكراسى الطوب الطويله دى
لكن مش زى جامعه القاهرة كده

ايون فيه بابين فعلا واحد لنا وواحد للدكاترة

والله يا بنتى فيه اسانسير لنا واسانسير للدكاترة بس ممنوع اننا نركه يعنى عاملينه منظر

بما ان الفرنساوى قسم لا يذكر فاعتقد انه فى الدور التانى باين

sranty

07-08-2011, 01:19 PM

الاوراق المطلوبة لتقديم لكلية الالسن للطلبة الجدد
1-6صور شخصية
2-شهادة الميلاد (الكمبيوتر) اصل وصورة
3-بيان نجاح الثانوية العامة وصورة منها
4-بطاقة الترشيح
5-مصاريف الكلية وقيمتها(185) جنيه قابله للزياده
6- استمارة 2 جند للبنين فقط
7- وصل نور او ميه باين

بيقولو التقديم هيكون يوم 10-08

طالبة علم2

07-08-2011, 01:26 PM

sranty

07-08-2011, 01:56 PM

صباح الفل
ازى الحلوين
شكرا ع المعلومات
طب ايه رايك فى الانجليزى كلغه اولى او تانيه
والفرنساوى لايذكر ازاى لما اللى بيدخله خريجى مدارس فرنساوى يعنى له مكانته

(((نووووووووووووو مفيش غير السلالم والكراسى الطوب الطويله دى
لكن مش زى جامعه القاهرة كده))))
مش زى جامعه القاهره اازى يعنى

صبااااااااااااااااااااااااااااح الياسمين
انا تماااااااااااااااااااااام وانتى اخبارك ايه يا بسمه صح؟
الانجلش صعب جداااااااااااااا لو انتى شايفه نفسك برفكت يبقى لازم تبقى اكتر من كده كمان بس الانجلش كلغه حلو جدا واحسن نطق اساسا

صدقينى محدش بيفكر يبص ليهم ولا بيعرف هما فين اساسا
الواحد ناسى انهم معانا فى الكليه
انا بقالى سنتين عمرى ما شفت واحده واخده فرنساوى
دا انا قسمى مشهور عنهم

انتى عارفه الكراسى الطوب الطويله اللى بتتحط فى الحدائق هى زيها بالظبط

يعنى تاخدى اكلك من المطعم ده وتطلعى تاكليه فى اى حته
لان مفيش كراسى تابعه للمطعم

طالبة علم2

07-08-2011, 02:05 PM

صبااااااااااااااااااااااااااااح الياسمين
انا تماااااااااااااااااااااام وانتى اخبارك ايه يا بسمه صح؟
الانجلش صعب جداااااااااااااا لو انتى شايفه نفسك برفكت يبقى لازم تبقى اكتر من كده كمان بس الانجلش كلغه حلو جدا واحسن نطق اساسا

صدقينى محدش بيفكر يبص ليهم ولا بيعرف هما فين اساسا
الواحد ناسى انهم معانا فى الكليه
انا بقالى سنتين عمرى ما شفت واحده واخده فرنساوى
دا انا قسمى مشهور عنهم

انتى عارفه الكراسى الطوب الطويله اللى بتتحط فى الحدائق هى زيها بالظبط

يعنى تاخدى اكلك من المطعم ده وتطلعى تاكليه فى اى حته
لان مفيش كراسى تابعه للمطعم
ايون بسمه
شطوره
شكرا ليكى ع اجاباتك
شوفت صفحه الاتحاد ع الفيس حلوه برضو
الانجليزى يمكن صعب بس اللى بيخرج منه بيبقى بينطق كويس وكده متمكن يعنى ؟

sranty

07-08-2011, 02:30 PM

ايون بسمه
شطوره
شكرا ليكى ع اجاباتك
شوفت صفحه الاتحاد ع الفيس حلوه برضو
الانجليزى يمكن صعب بس اللى بيخرج منه بيبقى بينطق كويس وكده متمكن يعنى ؟

اه تحفه الصفحه هنااااااااااك
ايوه انا عندى صحبتى نطقهااااا تحفه

غير طبعا نطق الثانويه العامه
كل النطق اللى كنتوا بتنطقوه ده هتكتشفوا انه غلط خاااااااااااااااااااااااااااالص

احلام لقاء

07-08-2011, 05:10 PM

sranty

07-08-2011, 07:14 PM

كل سنة وانتوا طيبين يا كل بنات ألســن

ممكن طلب بسيط

كنت عايزة آنسة سرانتى تحكيلنا شوية عن المدينة ونظامها
يعنى موقعها فين بالظبط ؟؟
حلوة ولا زى مدن جامعة القاهرة؟؟
وكل كليات جامعة عين شمس مدنهم فى نفس المكان ولا كل كلية ليها مدينة فى مكان مختلف؟؟

كده يعنى...........

ويا رييت يا آنسة سرانتى تعرفينا على اى بنت صحبتك ساكنة عشان تعرفنا اكتر على النظام هناك:039uw8:

وميرسى جداً على live mocha عجبنى جداً

وانتى طيبه يارب

بصى يا ستى

اولا المدن كتيرة لجامعه عين شمس
يعنى مش مدينه واحده بس
بس طالما انتم مستجدات يبقى هتكونوا مع بعض

المدينه عباره عن مبانى كتير او عمارات عاديه

يعنى المبانى فيها اوض بس كل اوضه فيها عدد معين من الطالبات
لكن العماره عباره عن شقق كل شقه فيها اوضه ومطبخ وكده

انتى لما بتروحى بتقدمى فى المدينه بتدفعى حاجه اسمها تامين مش عارفه اتلغى ولا لا
وبتدفعى 50 جنيه كل شهر
الاكل طبعا بيكون متوفر فى المدينه بمواعيد محدده للفطار والعشا والغدا

لما بتحبى انك تروحى بيتك لازم تعملى حاجه اسمها تصريح قبلها بيومين عشان المدينه تعمل حسابها
وكل يوم فى حاجه اسمها تمام عشان يتاكدوا انك موجوده فى المدينه وده غالبا بيكون الساعه 7 او 8

انتى اللى عليكى انتى واصحابك فى الاوضه التنضيف

امممممممممم بالنسبه للمذاكرة بيبقى فيه اوضه مذاكرة عشان تذاكرى فيها او بتنزلى الجنينه عشان تذاكرى

مش عارفه انا اعتقد كده قلت حاجات مهمه مش فاكرة حاجه تانى

لو عايزة اى سؤال تانى مفيش مشكله

والعفو يا سكر على ايه
المهم انه عجبك

احلام لقاء

07-08-2011, 08:49 PM

وانتى طيبه يارب

بصى يا ستى

اولا المدن كتيرة لجامعه عين شمس
يعنى مش مدينه واحده بس
بس طالما انتم مستجدات يبقى هتكونوا مع بعض

المدينه عباره عن مبانى كتير او عمارات عاديه

يعنى المبانى فيها اوض بس كل اوضه فيها عدد معين من الطالبات
لكن العماره عباره عن شقق كل شقه فيها اوضه ومطبخ وكده

انتى لما بتروحى بتقدمى فى المدينه بتدفعى حاجه اسمها تامين مش عارفه اتلغى ولا لا
وبتدفعى 50 جنيه كل شهر
الاكل طبعا بيكون متوفر فى المدينه بمواعيد محدده للفطار والعشا والغدا

لما بتحبى انك تروحى بيتك لازم تعملى حاجه اسمها تصريح قبلها بيومين عشان المدينه تعمل حسابها
وكل يوم فى حاجه اسمها تمام عشان يتاكدوا انك موجوده فى المدينه وده غالبا بيكون الساعه 7 او 8

انتى اللى عليكى انتى واصحابك فى الاوضه التنضيف

امممممممممم بالنسبه للمذاكرة بيبقى فيه اوضه مذاكرة عشان تذاكرى فيها او بتنزلى الجنينه عشان تذاكرى

مش عارفه انا اعتقد كده قلت حاجات مهمه مش فاكرة حاجه تانى

لو عايزة اى سؤال تانى مفيش مشكله

والعفو يا سكر على ايه
المهم انه عجبك

ميرسى يا قمر على المعلومات دى .......كفاية عليا على ما اروح ان شاء الله:)

بس كنت عايزة اعرف هيا مدينة كلية الالسن ف مصر الجديدة زى ما سمعت ولا لاء؟؟

ونظام الغرف بيبقى العدد في كل اوضه اكتر من اتنين ولا.....؟؟

اممممممم

آخر سؤال معلش يا آنسة سرانتى .....انتى ساكنة ايام الدراسة مدينة؟؟^_^

...

..

.

خلاص بجد آخر طلب

ممكن تبعتيلى ايميلك على الخاص:blush:

sranty

08-08-2011, 09:11 AM

ميرسى يا قمر على المعلومات دى .......كفاية عليا على ما اروح ان شاء الله:)

بس كنت عايزة اعرف هيا مدينة كلية الالسن ف مصر الجديدة زى ما سمعت ولا لاء؟؟

ونظام الغرف بيبقى العدد في كل اوضه اكتر من اتنين ولا.....؟؟

اممممممم

آخر سؤال معلش يا آنسة سرانتى .....انتى ساكنة ايام الدراسة مدينة؟؟^_^

...

..

.

خلاص بجد آخر طلب

ممكن تبعتيلى ايميلك على الخاص:blush:

فيه كذا مدينه
ايوه فى واحده فى مصر الجديده اسمها الزيتون
لا العدد اكتر من اتنين
اه انا بسكن مدينه فى الداسه
اوكيه بس انا قلييييييييييييييييييييييييل جدا لما بفتحه

Alsunian1

08-08-2011, 10:34 AM

sranty

08-08-2011, 11:21 AM

الف الف الف مليوووووووووووووووووووووووووووووووون مبروك ياسترانتى

مبروووووووووووووك ياقمرة للنجاح

وعقبال تالتة ورابعة

ربنا يوفقك ياقمر

وادعيلى اكون معاكم ف ألسن السنة الجاية ياااااااااااااااارب

الله يبااااااااااااااااااااااااااااارك فيكى يارب وربنا يخليكى على الدعوه الحلوة دى

ويارب ان شاء الله تنوريناااااااااااااااااااااااااا فى الكليه السنه الجايه بس انتى شدى حيلك بس

شكرااااااااااااااااااا على الكلام الحلو ده

sleeping beauty

08-08-2011, 02:45 PM

sranty

09-08-2011, 02:46 PM

يا انسة sranty انا قرأت كل تعليقاتك وصراحة انتى انسانة رااااااااااائعة و عندك حب الخير للناس كبييير والف مبروووووووووووك يا قمر على النجاح و يا رب دايما من نجاح الى نجاح...وجزاكى الله خيييرا على كل المعلومات دى وانا يشرفنى انى ادخل كلية الالسن عشان فيها حضرتك بس,,,وانا كنت عايزة اسأل حضرتك سؤال انا محتارة اخش قسم اية بالظبط و انا الحمد لله مجموعى ان شاء الله يجيب الاقسام دى بس انا مش عارفة احكم بناء على اية و مش عايزة انجليزى ولا فرنساوى...انتى اية رايك؟؟

ربناااااااااااااااا يخليكى يارب على الكلام التحفه ده

الله يبارك فيكى يارب وعقبالك لما تشرفينا ان شاء الله فى الكليه

فيه ناس كتير زيى فى الكليه متخافيش

انتى عندك اقسام كتيييييييييييييييييييير
اسبانى وايطالى تحفه
بس الموضه بتاعت اسبانى بطلت لان كل الناس بتدخله وبيكون عدده كبيييييييييييييير جدا

بس اللغتين نطقهم جمييييييييييل

كورى ويابانى اعرفى انك هتكون مكانتك كبيره فى الكليه لان البرفكت بس اللى بيدخلوه لان اللغتين صعبين

صينى تحفه برضو بس صعب الناس بينزلوا فيه كتيييييييييييييييير

روسى حلو بالنسبه للشغل والدراسه فيه ممتعه خاااااااالص

انا مقدرش احدد ليكى لغه لانه على حسبك انتى

شوفى انتى نفسك تدرسى لغه ايه اسمعى اى كلمه للغه وشوفى انتى حبتيها ولا لا

لكن بجد مقدرش لان ده على حسب ميول انتى

sranty

09-08-2011, 03:02 PM

انا ان شاء الله هسافر بكره للكليه والمدينه

لو حد عايز حاجه يقولى وانا ان شاء الله هسال عليها هناك

هدير 2012

09-08-2011, 03:23 PM

مرسي يا سرانتي ............على فكره ان كنت بعتلك تهنئه وانتي مرضتيش عليا ......على العموم مبروووووووووووووووووووك ثاني........

sranty

09-08-2011, 03:56 PM

مرسي يا سرانتي ............على فكره ان كنت بعتلك تهنئه وانتي مرضتيش عليا ......على العموم مبروووووووووووووووووووك ثاني........

ايه ده سورى والله مش خدت بالى يا دودو خاااااااالص
الله يبارك فيكى يارب وعقبالك لما تنورينا فى الكليه يارب ان شاااااء الله

sleeping beauty

09-08-2011, 04:45 PM

احلام لقاء

09-08-2011, 06:41 PM

يا بنات ممكن حد من ألسن يقولنا بالتفصيل مجالات عمل الكلية

لان بابا مش مقتنع ان ليها شغل فى كل مكان ....وان التربية الانجلش مطلوبين مليون مرة عن بتوع الالسن

يعنى انا مثلا من طنطا يا ترى اقدر بعد الكلية لو اتمكنت من اللغة ان شاء الله انى الاقى شغل في طنطا بسهولة ولا ملهاش شغل غير فى القاهرة واسكندرية بس؟؟

لانى صعب اوى كبنات نشتغل خارج اماكن سكنا

عايزة الرد ضرورى لانى مش حابة التربية ....غير كده خايفة من شغل الالسن ومستقبلها المهنى

يا رييت اللى يعرف نماذج لبنات دخلت السن واشتغلت بعد الكلية يقولى ويشرحلى مجالات العمل بتعتعها واماكن توجدها بالتفصيل :excl:

mustafa.sharf

09-08-2011, 07:06 PM

لو حضرتك يا sranty رايحة الكلية يا ريت تسألى باب التحويل هيبدا من امتى و هل هو ينفع احول من المنيا لعين شمس مباشرة من غير ما اقدم اوراقى فى المنيا لان المساااااااااااااافة بينى و بين المنيا كبييييييرة جدااااااااا لكن عين شمس اقرب ليا,,,والتقديم فى عين الشمس هيبدا من امتى؟؟ ,,,,,و يا ريت لو التنسيق الداخلى نزل تسألى عن قسم الالمانى شروطه اية ولازم ابقى جايبة كام فى الانجلش ولو واخدة مستوى رفيع انجلش دة هيفرق؟؟؟؟؟؟ و شكرااااااا على المعلومات القيمة و اسفة على الازعاج و انى هتعبك لكن ربنا يجازيكى كل خييييير عنا و يكرمك يا رب :d

وكمان انا محتارة بين الالمانى و الايطالى و الاسبانى و الروسى ومش عارفة اختار منهم لكنى حابة ادرسهم كلهم ,,انتى اية رايك بالنسبة ليهم من خلال اصحابك و بالنسبة لمجال العمل يعنى فيهم؟؟؟

انا هقولك بالنسبه للغات اللى محتاره فيهم الالمانى قسم صعب جدا جدا والدكاتره صعبيين واللغه صعبه
والتقديرات فيه تكاد ان تنعدم وناس بتسقط كتيير فيه الايطالى بقى فيه ناس كتيير والقسم التقديرات
فيه زفت بردوا الاسبانى بقى جميل وتقديراته كويسه جدا والدكاتره محترمين ولغه ممتعه الروسى بقى
لغه صعبه بس القسم عدده قليل مش كتير بالمقارنه بالاقسام التانيه بس الروسى اكتر لغه شغاله فى السياحه
فى مصر فى شرم والغردقه وقليل ف الاسكندريه يعنى لو عاوزه تشتغلى ف السياحه ف اى مدينه من دول
واهلك هيوافقكوا ادخلى روسى غير كدا لا عشان الروسى شغل الترجمه فيه مش قد كدا فا انا ارشحلك ف الاخر
عشان انتى بنت الاسبانى او الروسى

mustafa.sharf

09-08-2011, 07:12 PM

sleeping beauty

09-08-2011, 08:02 PM

mustafa.sharf

10-08-2011, 04:12 AM

شكرااا على معلومات حضرتك يا استاذ مصطفى لكن انا بالنسبة ليا مش مهم الصعوبة ربنا هو المعين واكييد اى لغة لازم تبقى صعبة فى بداية دراستها لكن انا قصدى من حيث الشغل...هو حضرتك اصلا فى قسم اية؟؟؟؟ و لية اخترته؟؟ ولو حضرتك دخلت مجال العمل او سألت عنه يا ريت تفيدنى اية اكتر لغة مستخدمة فى الترجمة؟؟ و اية هى اللغات اللى مدارس اللغات ممكن تطلبنى عشانها لو حبيت اشتغل مدرسة؟؟

انا فى روسى ودخلته عشان اشتغل ف السياحه وعشان الروسى هو اكتر لغه مطلوبه ف السياحه فى مصر
وشغل الترجمه بتاعه ضعيف اما بقى اللغات المطلوبه فى الترجمه الصينى واليابانى والكورى والباقى كله مطلوب
بس الروسى ضعيف ف الترجمه وتاخدى انجلش او ايطالى او المانى لو عاوزه تشتغلى مدرسه و ع فكره اى لغه
تانيه ممكن تشتغلى فيه ف مركز تدى كورسات بس لازم تبقى بيرفكت ف اللغه اللى هتاخديها

sleeping beauty

10-08-2011, 04:22 AM

sranty

10-08-2011, 09:18 PM

والله انا احترت بقى كل شوية حد يقولى دة سهل و دة صعب وبعدين يجى ناس تانية تعكس انا مش عارفة اصدق اية بالظبط؟؟؟؟؟؟؟؟؟؟؟,,,ممممممم و اليابانى والكورى والصينى بيقولوا انه صعب لدرجة ان الطلبة بيسقطوا فيه....وانا عايزة اجيب تقديرات كويسة ان شاء الله و حضرتك بتقول مينفعش فى الايطالى والالمانى و مش مقتنعة بالاسبانى,,,شكلى هاخد صعيدى فى الاخر!!!!,,,عموما شكرا على معلومات حضرتك ومعلشى تعبتك معايا

يا حبيبه قلبى انتى تقدرى تخلى اللغه سهله او صعبه بالنسبه لك
انتى لازم تدخلى قسم تكونى مقتنعه بيه مش بس عشان تجيبى تقديرات تدخلى اى قسم وخلاص
هما الاقسام دى صعبه عشان الرموز وكده يعنى حاجه جديده خالص

sranty

10-08-2011, 09:26 PM

لو حضرتك يا sranty رايحة الكلية يا ريت تسألى باب التحويل هيبدا من امتى و هل هو ينفع احول من المنيا لعين شمس مباشرة من غير ما اقدم اوراقى فى المنيا لان المساااااااااااااافة بينى و بين المنيا كبييييييرة جدااااااااا لكن عين شمس اقرب ليا,,,والتقديم فى عين الشمس هيبدا من امتى؟؟ ,,,,,و يا ريت لو التنسيق الداخلى نزل تسألى عن قسم الالمانى شروطه اية ولازم ابقى جايبة كام فى الانجلش ولو واخدة مستوى رفيع انجلش دة هيفرق؟؟؟؟؟؟ و شكرااااااا على المعلومات القيمة و اسفة على الازعاج و انى هتعبك لكن ربنا يجازيكى كل خييييير عنا و يكرمك يا رب :d

وكمان انا محتارة بين الالمانى و الايطالى و الاسبانى و الروسى ومش عارفة اختار منهم لكنى حابة ادرسهم كلهم ,,انتى اية رايك بالنسبة ليهم من خلال اصحابك و بالنسبة لمجال العمل يعنى فيهم؟؟؟

مينفعش انك تحولى لعين شمس لو كان مجموعك مجبهاش
يعنى لازم تقعدى سنه فى المنيا ولو جبتى جيد ينفع تحولى عين شمس

التقديم قالولى حوالى 20 بس المعلومات لسه مش مؤكده لحد دلوقتى

التنسيق الداخلى مش بينزل الا بعد ما تكتبى رغباتك

قسم الالمانى هما قالولى انك لازم تكونى اخدتى المانى فى الثانويه بس مش عارفين يمكن الشروط تتغير

المستوى ملهوش دعوه بالكليه نهائى

بالنسبه لاصحابى بتختلف على حسب عقليتهم

انا عندى صحبتين اسبانى واحده برفكت وواحده نص نص

بس انتى هتلاقى الاعداد كتيرة فى الاسبانى يعنى هتزهقى بس نطق الاسبانى تحفه عاجبنى بصراحه

الايطالى نطقه الى حد ما كويس

الالمانى متفكريش تدخليه

الروسى تحفه والقسم جميل جداااا

sranty

10-08-2011, 09:27 PM

ربنا يخليك يا مصطفى على اجاباتك التحفه دى بجد

انت خلاص بقيت دكتور فى الاجابات
ده انت بقيت احسن منى

Amr Eltaweel

10-08-2011, 09:38 PM

هي السن دي جمع لسان صح ;)
لسه واخد بالي منها من حوالي 6 شهـــــور بس :p
ربنا يوفقكوا يا شباب
عاوزكوا بربنطات في اللغات الغريبــة دي :d

mustafa.sharf

11-08-2011, 01:16 AM

ربنا يخليك يا مصطفى على اجاباتك التحفه دى بجد

انت خلاص بقيت دكتور فى الاجابات
ده انت بقيت احسن منى

تعليمك يا سرانتى اهو نساعدك شويه وبصراحه انا كنت محتار زيهم بس لما عرفت كل حاجه مينفعش ابخل عنهم
واقولهم كل حاجه بدون تحيز لاى قسم

emyemo

11-08-2011, 05:21 AM

sranty

11-08-2011, 11:41 AM

هي السن دي جمع لسان صح ;)
لسه واخد بالي منها من حوالي 6 شهـــــور بس :p
ربنا يوفقكوا يا شباب
عاوزكوا بربنطات في اللغات الغريبــة دي :d

ماشاء الله عليك الحمد لله انك اخدت بالك بسرعه فيه ناس خلصت الكليه ومش اخدت بالها من الكلمه دى:022yb4::022yb4:

sranty

11-08-2011, 11:58 AM

يا جماعة انا راى مافيش لغة سهلة و لغة صعبة
الواحد ممكن يدخل قسم عاوز ينجح فية و خلاص و يعدى منة
و فى واحد تانى دخل قسم و بيذاكر و و متشوق انة يعرفها عشان يكون برفكت فيها
انا واحدة من الناس الى بعلم نفسى بنفسى يعنى اعلمت شوية من ا لغة تركى وو كنت بقول هدخل قسم تركى
بس غيرت راى و عاوزة ادخل قسم صينى لانة مستقبلة حلو جداااا و انا اصلا بطبعى بحب اتعلم اللغات و خاصة الغريبة ف الاول هتعب بس بعد كدة هتحدها و لانها لغة مشوقة جدا و ع فكرة اوعوا تعتمدوا ع الكلية بس لا الواحد لازم يجيب كتب و يقرا و يثقف نفسة بنفسة زيادة ع الكلية يعنى مثلا مش تيجى اجاظة الصيف الواحد ينام ف الخط لا الاجازة دة لازم تقراا و تتثقف اكتر عشان لو عاوز تكون برفكت فعلا ف اللغة
لانك و لو فكرت االلغة دة صعبة و وحشة يبقى انسى ان الواحد يمشى فيها لانك برمجت مخك ع كدة

بس سؤال بقى بصررررررررراحة كدة و ع بلاطة صينى احلى ولا يابانى من ناحية الصعوبية و من ناحية الشغل فى المستقبل و المضمون
و نسبة الى بيسقطوا فية كتير ولا لا ؟
و غير كدة انتوا عندكوا عملى فى سنة 3 او 4 و بيكون ازاى
و و عاوزة اعرف عن البعثات الى بيجيب تقدير كل سنة
و بصراحة يعنى البعثات دة بتكون للولاد بس و بيزحلقوا البنات ولا الاتنين لان انا حلمى دلوقتى انى اتفوق و ع امل اكمل دراستى برة لان اسرتى م ش هتقدر ع كدة فانا عندى امل ف كدة طبعا لو البعثات دة مافيشها كوسة ههههه
و الوظائف الى ممكن اشتغلها بالصينى اية
و اخر سؤالين و هكتم لانى طولت ههههههههههه انا رسمى و خطى وحش هههههههههههههههه ولا مش لازم
و سؤال الاخير و اللى هوة

حضرتك فى قسم اية يا انسة sranty (http://www.thanwya.com/vb/member.php?u=240735)

كلامك مظبوط

بس بالنسبه للغات اكيد فيه لغه سهله ولغه صعبه يعنى عندك العربى معروف انه لغه صعبه وكل لما تتعمقى فيه بيبقى اصعب لكن فيه لغات زى الاسبانى سهله جدااااااااا لانها قريبه من الانجلش

دا حتى الصينى مش كان له جرامر خالص بس الحمد لله لسه حاطين له جرامر من سنتين

اكيييييييييييد طبعا لازم يكون ليكى مجهود خاص بيكى ولازم تقرى وتسمعى فى الصيف خصوصا عشان الواحد مش بيكون مضغوط زى ايام الدراسه
يعنى الواحد بيكون نفسه مفتوحه خاااااااااااااالص فى الصيف بجد

انا برشحلك اليابانى لانه بجد تحفه ونطقه جميييييييييييل ورقيق خاااااااالص
هو انتى اكيد هتتعبى فيه بس هتحسى انك مميزة كده بين الطلبه عشان قسم كورى ويابانى مميزين عندنا فى الكليه جداااااااا

واكيد هتكونى مميزة بالنسبه لى عشان انا بموووووووت فى الكورى واليابانى
وهتلاقى طلاب من كوريا واليابان بالهبل فى الكليه
لكن صينى بحس انه بقى قسم قديم كده يعنى خلاص راحت عليه

السقوط فى الصينى بيبقى كتير جدا انما اليابانى هما كلهم على بعض 20 فهينزلوا مين ولا مين

انتى كل سنه عندك امتحان استماع ومحادثه كل ترم اول يعنى بتدخلى للدكتور او الدكاترة كلهم ويقعدوا يسالوكى اسئله

انما سنه رابعه فيه مشروع بحث يعنى تتخصصى فى ماده وتعملى فيها بحث وبيسالوكى فيهاااا الدكاترة برضو

انا اعرف بعثات تركى وتشيكى بس

تركى بيكونوا اول اتنين على الدفعه

وتشيكى بيكونوا اول خمسه على الدفعه على حسب درجات الترم الاول من السنه الاولى
لان اجراءات السفر بتكون كتيره

يعنى انا كنت التانيه على الدفعه بتاعتى ولسه هيخلونى اسافر فى سنه تالته الترم التانى ان شاء الله

لكن فيه اقسام كتير ملهاش بعثات بس بصراحه مش فاكرة غير الاسبانى ملهوش بعثات خالص

ههههههههههه رسمك وحش ليه بس امال هتدخلى صينى او يابانى ازاى
بس اعتقد لما تتعودى هتلاقى خطك اتحسن وبقى احلى
ما انا كنت زيك لما كنت بكتب كورى كان خطى مش بيتفهم خااااااااالص

على فكرة رموز الصينى اصعب من اليابانى بكتير
ورموز اليابانى اصعب من الكورى بكتير

انا قسم تشيكى

وربنا يارب يوفقك ان شاء الله

hesham2005us

11-08-2011, 01:41 PM

emyemo

11-08-2011, 06:27 PM

sranty

11-08-2011, 07:33 PM

سؤالين الى سرانتى
1- ايه اخبار التشيكى من ناحية المستقبل و ايه سبب اختيارك له؟
2- انا جايب 46.5 انجليزي و 49 المانى كنت عاوز ادخل يابانى بس عارف انه صعب وبرضة الكوري كذلك فكرت فى الصينى وفى ناس بتقول له مستقبل بس انتى خوفتينى و قفلتينى منه شويه صراحة حيرتينى

فى الاول كنت ناويه اسبانى بس الاعداد كان كتيييييييييره جداااااااااااا وانا بصراحه مش بحب الزحمه خاااالص

فلقيت التشيكى اللى انا عن نفسى بموت فيه لانى كنت بحب فريق الكورة بتاع التشيك فحبيت انى اجرب لغته
ولما دخلت القسم الدكتور الاجنبى حببنا فيه اكتر لانه كان طيب جداااااااااا وبيساعد بطريقه فظيعه
هى اللغه صعبه وفيها قواااااااااااااااااااااااااعد كتتتتتتتير بس حلوة وممتعه

بالنسبه للشغل
عندك شركات كتيييييييير بس بتكون اكتر فى الغردقه وشرم
فيه قليل جداااا فى باقى المحافظات

هههههههههه انا بقولك بس على راى البنات اللى انا عارفاهم لانى مجربتش الصينى ولا اعرف عنه اى حاجه
وكمان الناس بينزلوا فيه جامد لان الدكاترة من الصين يعنى ممكن يكونوا صعبين شويه
لكن ليه مش تبص للجانب المشرق وتقول انك هتنجح فيه وتجيب تقدير

انت مش هينفع تدخل كورى ولا يابانى وطالما انت حابب الرموز الجديده دى يبقى ادخل صينى واتكل على الله بس لازم اجتهاد منك طبعاااااااااا
وربنا يوفقك يارب

sranty

11-08-2011, 07:37 PM

والله يا sranty (http://www.thanwya.com/vb/member.php?u=240735) الواحد متردد جداا انا كنت اصلا حاطة فى دماغى صينى بس لما لاقيت اليابانى لة هيبة بردو بقيت مترددة جدا
بس انا كنت نفسى اعرف اليابانى احلى من الصينى فى اية مع ان الصين دلوقتى مكتسحة العالم
يعنى الميزة الى موجودة فى اليابانى و مش موجودة فى الصينى
ولا الاتنين مثلا فى مستوى بعض

مكتسحه العالم عشان اسعارها اقل لكن اليابان اختراعتها اكتر
وانتى هتتعلمى لغه اكتر بلد معروفه بالانجازات والاختراعات يعنى حاجه تشرفك انك تتعلمى لغتهم

لكن الصينى صناعته مضروبه زى ما انتى عارفه

انا اعرف ان شغل الصينى موجود لكن اليابانى بصراحه مسمعتش عنه

وبعدين انتى لازم تفكرى الاول فى الدراسه وبعد كده الشغل اكيييييييييد هتلاقيه
يعنى المفروض هدفك ميكونش شغل وبس
لازم تكونى حابه اللغه الاول

emyemo

11-08-2011, 08:44 PM

sranty

11-08-2011, 09:39 PM

بصراحة انا اصلا من هواة تعليم اللغة و بتشوق جدا فى تعليم اللغة
يعنى مثلا انا بعلم نفسى تركى بجيب كتب تلعيم و بنزل برامج من النت لان بلدنا مفيهاش كورسات تركى اخرهم الاسبانى و الفرنش و الانجلس كدة يعنى

بس انا حابة اخد لغة غير التركى تكون قليل الى بيخدوها
بس زى ما جضرتك قلتى ان الشغل الصينى موجود و فى اى مكان كمان
لكن انا خايفة اخد يابانى ملقيش شغل فى المستقبل ان شاء الله
بس دة كل المشكلة انا عارفة انى دوشتك بس انا فعلا مترددة بين الصينى و اليابانى و محتاجة حد يساعدنى
و عارفة ان اللغتين اصعب من البعض و محتاجة مجهود فى اول سنتين بس بعد كدة هتعود
بس سؤال تانى هو انا لما اتخرج ان شاء الله هكون بعرف اتكلم برفكت برفكت و لا لازم كورسات بجانب الكلية
يعنى لما بتخرج بكون كويسة فى اللغة بنسبة كام
والله انا فعلا محتاجة حد يساعدنى عشان مش اندم و المشكلة مافيش حد جمبى يساعدنى كلهم بيقولوى برحتك
بس انا محتاجة اسئل حد خبرة عنى

اهااااااااااا ليه انتى منين؟
دا انا اعرف ان كورسات التركى فى كل حته

انا بصراحه معرفش حكايه الشغل بتاع اليابانى بصراحه بس طالماااا عدد اليابانى قليل يبقى من وجه نظرى هتلاقى شغل اسرع

الكليه بتخليكى تتكلمى كويس جدااااااااااااااااااااااااااا يعنى ممكن تتكلمى مع اجانب لانها بتخليكى تتعمقى كويس فى اللغه

يعنى بنسبه 40 فى الميه ودى نسبه كويسه جدا بالنسبه انك بتتعلمى لغه فى 4 سنين بس

وكمان انتى ممكن تزودى النسبه دى ل مثلا 60 او 80

طالما انتى بتحبى اللغات يبقى هتقدرى ان شاء الله تكونى برفكت

احنا عندنا ناس بتتكلم برفكت من سنه تانيه

انا عن نفسى شايفه ان اليابانى احلى من الصينى
لكن طالما انتى عايزة تشوفى حكايه الشغل فانا بجد معرفش انهو بيشتغل اكتر

sranty

13-08-2011, 12:14 PM

اللغات اللى ممكن تتاخد فرست

عربى
انجلش
فرنسى
ايطالى
اسبانى
المانى
روسى
تشيكى
صينى
افريقى
تركى
عبرى
فارسى
يابانى
كورى

بالنسبه للغه التانيه

انجلش
فرنسى
ايطالى
اسبانى
المانى
روسى
تشيكى
صينى
تركى
فارسى
افريقى
عبرى
مجرى
بولندى
برتغالى
سلوفاكى

sranty

13-08-2011, 12:20 PM

بالنسبه للمواد

الفرقه الاولى

الفصل الدراسى الاول

دراسات لغويه (ممتده)-استماع ومحادثات-نصوص عامه- لغه عربيه(قواعد-ادب ونصوص)-لغه اجنبيه تانيه(ممتده)

الفصل الدراسى التانى
دراسات لغويه(ممتده)-مطالعات ومقال-نصوص(نثر)-ترجمه من عربى-ترجمه الى عربى-لغه عربيه (مقال-مراجع ومطالعات)-لغه اجنبيه تانيه(ممتده)

كلمه ممتده يعنى بتدرسها فى الترم الاول بس بتمتحنها ترم تانى بس

فيه اقسام بتاخد نثر فى سنه اولى وفيه اقسام لا

الشخصية المحتارة

13-08-2011, 03:21 PM

sranty

14-08-2011, 12:31 AM

ممكن لو حد عارف اي حاجة عن شغل الكوري يقول وشغل الروسي للبنات ومعلش كمان سؤال هو انا لو كتبت انجليزي رغبة اولي وكوري رغبة ثانية في الفرست وكتبت برتغالي اول رغبة في السكند ومجاليش انجلش ممكن بعد كده اغير السكند وشكرا لاجدع اسكندرانية سرانتي ارجووووووووو الرد بسرعة بليزززززززززززززز

ايوه ينفع تغيرى السكند بس اول سنه بس لانك لو فكرتى تغيريه بعد كده لازم تدرسى اللغه من الاول خالص
بس كده كده تنسيق الكورى اكتر خلى بالك يعنى لو عايزة كورى يبقى تكتبيه الاول وبعد كده الانجلش

ربناااااااااا يخليكى يارب

sleeping beauty

14-08-2011, 12:55 AM

srantyyyyyyyyyyyyyyyyyyyyyyyyyyyyyyyy هو صحيح قسم المانى بياخد اللى اخدوا المانى فى الثانوية ولا لو جايبة درجة عالية فى الا نجلش ينفع اخشه؟؟؟؟؟؟

sranty

14-08-2011, 01:00 AM

srantyyyyyyyyyyyyyyyyyyyyyyyyyyyyyyyy هو صحيح قسم المانى بياخد اللى اخدوا المانى فى الثانوية ولا لو جايبة درجة عالية فى الا نجلش ينفع اخشه؟؟؟؟؟؟

دليل الكليه كاتب ان الطلاب اللى دارسين المانى كلغه اولى يعنى فى مدارس المانيه
واللى دارسين الالمانى كلغه تانيه يعنى مدرسه عاديه بس لغه تانيه المانى
يعنى مينفعش تدخلى المانى لو انتى مش اخدتيه فى الثانويه

ممكن يعدلوا الموضوع ده ووممكن لا

sleeping beauty

14-08-2011, 01:04 AM

انا عايزة المانى بقى مليش دعوة !!!!!!!!!!!!!

sleeping beauty

14-08-2011, 01:06 AM

طب اية رايكم فى الايطالى والاسبانى من حيث الاعداد فى الاقسام؟؟

sranty

14-08-2011, 01:34 AM

انا عايزة المانى بقى مليش دعوة !!!!!!!!!!!!!

هههههههههه كده كده الالمانى صعب الحمد لله انك مش هتدخليه

sleeping beauty

14-08-2011, 01:37 AM

يالا ان شاء الله الخيرة فيما اختاره الله بس ميرسى لبكى يا srantyyy و ربنا يكرمك على المعلومات القيمة

sranty

14-08-2011, 02:11 AM

طب اية رايكم فى الايطالى والاسبانى من حيث الاعداد فى الاقسام؟؟

الايطالى قسم محترم خالص له تقديره الخاص
العدد بيكون حوالى 400 او 500

اما الاسبانى فقسم كويس والكل بيختاره من اول نظره
وعدده بيكون حوالى 500

بس طبعا بيكونوا مقسمين لسكاشن

sranty

15-08-2011, 09:57 AM

ده كتيب من اتحاد الطلبه
عشان الطلبه الجدد
هو مش موسع اوى بس فيه معلومات كويسه عشان تفيدكم

http://dl.dropbox.com/u/31123736/flipbook/EthadAlsun.html

sranty

06-09-2011, 07:42 PM

الصفحة الرسمية لاتحاد طلاب الألسن

قرار من المدير العام: التقديم ليومي غد الاريعاء والخميس للطلبة الاقاليم فقط. وطلاب القاهرة الكبرى الاسبوع القادم بداية من يوم الاحد.
القرار الثاني: ممنوع دخول أولياء الامور مع الطلاب أثناء التقديم والانتظار خارج ساحة التقديم.
القرار الثالث: ممنوع التعامل مع أي طلاب سوى طالب الاتحاد (المميز بالوشاح الاحمر). حتى لا يحدث ضياع للورق ومشاكل.
ونرجو احترام القرارات هذه لمصلحة الجميع.

FireLove242

07-09-2011, 05:32 PM

جروب ألسن عين شمس 2011

http://www.facebook.com/groups/179242395478504/?notif_t=group_activity

طالبة علم2

11-09-2011, 04:14 PM

ازيك sranty;)
اخبارك؟
كله تمام
وايه اخبار الكليه
ماروحتيش قريب؟http://www.thanwya.com/vb/life/icons/icon7.gif

sranty

16-09-2011, 01:42 PM

ازيك sranty;)
اخبارك؟
كله تمام
وايه اخبار الكليه
ماروحتيش قريب؟http://www.thanwya.com/vb/life/icons/icon7.gif

انا تماااااااااااااااااام الحمد لله
لااااااااا انا من اليكس عشان كده مش بروح
انتى عامله ايه
كنتى عايزة حاجه من الكليه ولا ايه؟

طالبة علم2

18-09-2011, 07:13 AM

انا تماااااااااااااااااام الحمد لله
لااااااااا انا من اليكس عشان كده مش بروح
انتى عامله ايه
كنتى عايزة حاجه من الكليه ولا ايه؟
اسكندرية احسن ناس:friendsxs3:
انا الحمد لله تمام
لا ماكنتش عاوزه حاجه
بسال عليكى بس:bosyht9:
بس جه غ بالى وانابكتب دلوقت
هوكارنية الجامعه دا بناخده امتى ؟

sranty

18-09-2011, 09:35 AM

اسكندرية احسن ناس:friendsxs3:
انا الحمد لله تمام
لا ماكنتش عاوزه حاجه
بسال عليكى بس:bosyht9:
بس جه غ بالى وانابكتب دلوقت
هوكارنية الجامعه دا بناخده امتى ؟

ربنا يخليكى يارب وتسالى دايما :):)

الكارنيه بلاش تفكرينى لانه عباره عن ورقه يعنى مش زى كل الكليات كمبيوتر
ع العموم انتى بتسلمى صورة للشئون مع وصل المصاريف وبعدين بتروحى تاخديه
يعنى حوالى اسبوعين من بدا الدراسه بتقدمى الصورة وبعد اسبوع تاخديه

طالبة علم2

18-09-2011, 06:30 PM

ربنا يخليكى يارب وتسالى دايما :):)

الكارنيه بلاش تفكرينى لانه عباره عن ورقه يعنى مش زى كل الكليات كمبيوتر
ع العموم انتى بتسلمى صورة للشئون مع وصل المصاريف وبعدين بتروحى تاخديه
يعنى حوالى اسبوعين من بدا الدراسه بتقدمى الصورة وبعد اسبوع تاخديه
اممممممممم
خلاص اوكى
شكرا ;)sranty

esraa elmaghraby

19-09-2011, 07:55 PM

سؤال غريب شوية دى حاجة انا سمعتها هو فى حالة تساوى الدرجات بيفاضلوا بين الطلبة بالمستوى رفيع انجلش

sranty

20-09-2011, 12:31 AM

سؤال غريب شوية دى حاجة انا سمعتها هو فى حالة تساوى الدرجات بيفاضلوا بين الطلبة بالمستوى رفيع انجلش

التنسيق مفيهوش تساوى فى الدرجات خاااااااااااالص

طالبة علم2

20-09-2011, 07:11 PM

هو ميعاد نتيجة التنسيق الداخلى امتى؟:bosyht9:

sranty

22-09-2011, 11:36 AM

التنسيق نزل على صفحه الاتحاد

sranty

22-09-2011, 11:38 AM

انتى جالك ايه

طالبة علم2

23-09-2011, 08:32 PM

طب دا تنسيق اللغه الاولى
وطب واللغه التانية ؟:bosyht9:

mero_pink_flower

25-09-2011, 04:42 AM

kory w yabany a7la
wala english

sranty

25-09-2011, 01:07 PM

طب دا تنسيق اللغه الاولى
وطب واللغه التانية ؟:bosyht9:

اللغه التانيه هتجيلك علطول يعنى مالهاش تنسيق
اول لغه كتبتيها هتجيلك

sranty

25-09-2011, 01:08 PM

kory w yabany a7la
wala english

الانجلش يعتبر احلى ماده من حيث الشغل طبعا
بس ناس كتيييير هتاخده

انا عن نفسى شايفه ان الكورى واليابانى افضل

طالبة علم2

26-09-2011, 09:02 AM

انتى جالك ايه
جالى انجليزى الحمد لله:022yb4:

كل الاقسام زحمه :039uw8:

يعنى مثلا انجليزى فيه حوالى410^_^

واسبانى 300وحاجه

والمانى 370

وصينى اللى واخد من اربعين دا :rolleyes:فيه حوالى برضو 300وحاجه

وروسى برضو عدده كبير مش فاكره بالظبط

العبرى فيه حوالى بتاع20واحد

واليابانى (كان نفسى ادخل يابانى او كورى :d)فيه 12واحد بس:p

والكورى ماكملش اربعه وعشرين واحد

وعدد الدفعه كلها 2716

بس كده:)

ودا كان تقرير مصغر ;)

شكرا:):078111rg3:

sranty

27-09-2011, 08:58 AM

طالبة علم2

27-09-2011, 09:06 AM

الف مبرووووووووووووووووووووك وربنا يوفقك فيه ان شاء الله

بس الاعداد دى اقل من اعدادنا لما كنا فى اولى متخافيش

وتحفه خالص التقرييييييييير المصغر ده

ابقى بقى خلى بالك عشان الانجلش عايز شغل جامد
الله يبارك فيكى
الاعداد دى قليله:o
الله يعزك يارب شكرا ليكى;)
اول مره نبقى اون لاين سوا:friendsxs3:

sranty

27-09-2011, 08:57 PM

اوه سووووووووووووورى ماخدتش بالى انك كنتى فاتحه زيى

هتلاقينى كنت سايبه الموقع مفتوح

sranty

27-09-2011, 08:59 PM

نتيجه المدينه الجامعيه ظهرت والتسكين يوم الجمعه الجاى

عاشقـــ الانمى ـــة

27-09-2011, 09:59 PM

نتيجه المدينه الجامعيه ظهرت والتسكين يوم الجمعه الجاى
يعنى كده مفيش تأخير عن الجامعة
معلش بس بطمن على مستقبلى السنة الجاية:d

sranty

28-09-2011, 09:22 AM

يعنى كده مفيش تأخير عن الجامعة
معلش بس بطمن على مستقبلى السنة الجاية:d

هههههههههههه لا الحمد لله مفيش تاخير
ربنا بس يوفقك وتدخلى السن ان شاء الله

عاشقـــ الانمى ـــة

29-09-2011, 01:18 AM

هههههههههههه لا الحمد لله مفيش تاخير
ربنا بس يوفقك وتدخلى السن ان شاء الله
ان شاء الله داخلاه
دا انا واجعة دماغ اهلى وصحبتى ال فى السن من دلوقتى بالقسم والمدينة
وهما يقولولى يا بنتى ركزى فى السنادى الاول طيب
وانا مفيش فايدة
اعمل ايه رغبتى من 2 اعدادى:d

sranty

29-09-2011, 09:34 AM

ان شاء الله داخلاه
دا انا واجعة دماغ اهلى وصحبتى ال فى السن من دلوقتى بالقسم والمدينة
وهما يقولولى يا بنتى ركزى فى السنادى الاول طيب
وانا مفيش فايدة
اعمل ايه رغبتى من 2 اعدادى:d

هههههههه لا ان شاء الله ربنا يوفقك يارب وتدخليها
هتحبيها جدااااااا
لا انا مفكرتش فيها خالص
اتى بس طالما حطيتى هدفك يبقى خلى بالك من دراستك السنه دى عشان تقدرى تجيبيها ان شاء الله

عاشقـــ الانمى ـــة

29-09-2011, 10:39 PM

هههههههه لا ان شاء الله ربنا يوفقك يارب وتدخليها
هتحبيها جدااااااا
لا انا مفكرتش فيها خالص
اتى بس طالما حطيتى هدفك يبقى خلى بالك من دراستك السنه دى عشان تقدرى تجيبيها ان شاء الله
ان شاء الله
ربنا معاكوا انتوا ان شاء الله السنادى
ربنا يوفقكوا جميعا

طالبة علم2

30-09-2011, 09:11 AM

يوم السبت اجازه رسمى ف الجامعه

صح؟؟؟؟؟؟؟؟؟؟؟؟؟؟؟؟؟؟؟؟؟

sranty

01-10-2011, 11:35 AM

ايوه يوم السبت اجازة وهنبدا من يوم الحد ان شاء الله
استعدى بقى

طالبة علم2

01-10-2011, 12:14 PM

ايوه يوم السبت اجازة وهنبدا من يوم الحد ان شاء الله
استعدى بقى
شكرا sranty
اتمنى للك عام دراسى لذيذ :d
ومنحه تشيكيه جميله;)

sranty

01-10-2011, 07:31 PM

يارب يا بسومة صح مش اسمك كده

ادعيلى بقى ان المنحه تكمل ان شاء الله على خير

واتمنى انك تستمتعى فى الكليه يارب وتتعرفى على احلى اصحاب من هناك

sranty

01-10-2011, 07:34 PM

شكرااااااااا عاشقه الانمى على الدعوه التحفه دى وعقبالك يارب لما تنورينا

عاشقـــ الانمى ـــة

02-10-2011, 12:40 AM

شكرااااااااا عاشقه الانمى على الدعوه التحفه دى وعقبالك يارب لما تنورينا
إن شاء الله
ابقوا طمنونا عليكوا فى الاجازات

ارحمنا برحمتك

04-10-2011, 03:58 PM

ممكن يا بنات لو سمحتم حد ينزل جدول محاضرات قسم الايطالى الفرقه الاولى المجموعه d علشان انا محتجاه ضرورى علشان انا مش من القاهره وصعب اسافر اجيبه

sranty

04-10-2011, 04:36 PM

إن شاء الله
ابقوا طمنونا عليكوا فى الاجازات

ان شاء الله
احنا لسه هنبدا الاسبوع الجاى ان شاء الله

sranty

04-10-2011, 04:42 PM

ممكن يا بنات لو سمحتم حد ينزل جدول محاضرات قسم الايطالى الفرقه الاولى المجموعه d علشان انا محتجاه ضرورى علشان انا مش من القاهره وصعب اسافر اجيبه

انا معايا جدول 3 و4 بس والله
بصى ادخلى ع صفحه الاتحاد دى
هتلاقى ناس كتير ايطالى ابقى اساليهم

http://www.facebook.com/Ethad.Alusn2011

ارحمنا برحمتك

04-10-2011, 09:34 PM

شكرا يا sranty ربنا يجازيكى خير ان شاء الله

sranty

05-10-2011, 12:42 PM

شكرا يا sranty ربنا يجازيكى خير ان شاء الله

العفو على ايه دى اقل حاجه هقدر اعملهالك
وشكرا على الدعوه الحلوة دى

وربنا يوفقك

asmaa22

13-10-2011, 01:56 AM

لو سمحتم يا جماعة عايزة جدول محاضرات ألسن عين شمس و لو سمحتم هو ينفع حد ياخد اللغة الاولى نفس اللغه التانية و لا لأ

asmaa22

17-10-2011, 04:26 AM

لو سمحتم يا جماعة ينفع حد ياخد اللغة التانية نفس اللغة الاولى و هل تنسيق اللغة التانية مختلف عن تنسيق اللغة الاولى و لو سمحتم عايزة جدول محاضرات اولى

asmaa22

18-10-2011, 02:30 AM

لو سمحتم يا جماعة هو ينفع حد ياخد الغة التانية نفس اللغة الاولى و هل فعلا اللغة التانية مالهاش تنسيق و لو سمحتم عايزة جدول محاضرات و سكاشن اولى جميع اللغات

جوبالاف

11-11-2011, 11:54 PM

sranty

24-11-2011, 09:07 AM

ارجوكم ياجماعة تفيدونى انا فى 3ثانوى ادبى جبت 91 % فى سنة تانية ونفسى ادخل السن هل مجموعى يدخل حب الاولا لا وهى الكلية دى بتعتمد اساسى عالانجليزى ودرجتة اصل انا مش بحب الانجليزىوجبت فى تانية 21,5
من 25 وعايزة اعرف بتاخد من كام فى الانجليزى وهل ممكن ادخل ومخترش انجليزى خالص ياجماعة ارجوا الاهتمام والرد السريع ارجوكم واناممكن اختار لغات تانية بعيدا عن الانجليزى ولازم اجيب كام فى 3 ثانوى علشان ادخل السن ارررررررررررررررررجوااااااااااااااااا الردددددددددددددددددددددد

انت لو ادبى يبقى هتقدر تعلى مجموعك شويه طبعاا وهتقدر ان شاء الله تدخل الكليه
لانها اخدت السنه دى من 91 ونص

ايوه لازم الانجلش لانه هو بيحددلك اللغه اللى تقدر تدخلها يعنى شد حيلك شويه فيه كمان
لكن فيه لغات تانيه مش بتعتمد على الانجلش زى التركى والعبرى والفارسى والتشيكى
وفيه لغات بعتمد على درجه اللغه الفرنسيه زى الاسبانى والايطالى

ايوه ممكن تبعد عن الانجلش خالص ومش تاخده

معلش بقى انى رديت متاخر جداا

امممم حاول تعلى مجموعك اكتر عشان تضمن يعنى حوالى 93 او 94 فى الميه :rolleyes:

وربنا معاك ان شاء الله:d