.
.
<div align="center">http://www.up07.com/upload-50/wh_56793258.jpg</div>
"مطلوب شاب في مقتبل العمر.. محبط.. يعاني من اكتئاب ويأس.. فشل في تجاربه العاطفية -سوسن خانته واتجوزت بداله "زكي وزة" الميكانيكي!-.. حاصل على بكالوريوس أو ليسانس أو لسه طالب بس عارف إنه هيكون عاطل.. حاول يشتغل في كذا شغلانة وفي كل مرة يفشل.. جرب الانتحار مرتين وبرضه فشل! -لما رمى نفسه من فوق الكوبري اتعلق في مسمار، ولما حط نفسه قدام أتوبيس نقل عام كانت الفرامل لسه جديدة!-.. استموت عشان يعرف يهاجر أمريكا.. الفيزا طلعت مضروبة!.. استقتل عشان يروح يشتغل في الخليج.. الكفيل طرده من قبل ما ييجي!..


الراتب مجزي جدا.. يقدر بملايين الدولارات ومعاها كل ما لذ وطاب من مشهيات "يعني إنت وخيالك!".. الوظيفة بسيطة جدا وتتلخص في كلمة واحدة..."

<div align="center">جاسوس!</div></span>



لو قرأت الإعلان ده في يوم من الأيام.. توافق؟!

***

هاه فكرت كويس..
***

مستعد تجاوب
***

خد نفس عميق "هيييييييييه".. من جوه.."هيييييييييييييييييييه"
***

الإجابة هي "..........."
طب ممكن قبل ما تجاوب نتكلم مع بعض شوية؟
***

ممكن نسألك سؤال الأول..
إنت شفت نفسك في الإعلان؟


يعني حسيت إنه لمس جزء فيك وفي حياتك.. افتكرت "سوسن" -اللي اتجوزت "زكي وزة" خلاص عرفنا!- والجامعة والدراسة والمستقبل غير المشرق والحياة اللي مش طايقة نفسها واللي على طول مصدرة لك وش الاكتئاب والنكد؟!

لو شفت نفسك في الإعلان.. مش عيب خالص..
ماهو إنت جزء من ناس كتير بيعانوا من نفس الأعراض دي..

بس ممكن فعلا تفكر وإنت في الظروف الفل دي وتعاني من كل الأمراض النفسية الممكن تصورها وفوق ده وده عاطل وخالي شغل..

ممكن لو في الظروف دي.. تشتغل.. بس على بلدك؟!

<div align="center">http://www.up07.com/upload-50/wh_29775873.jpg</div>

ممكن ماتمسكش المسدس ولا تلبس نضارة سودا ولا تغير تسريحة شعرك فتجيبه من اليمين للشمال بدل ما كنت بترجعه ورا -تمويه يعني- ولا أي حاجة من الحاجات دي اللي بتشوفها في أفلام الجاسوسية..

لأ.. ممكن حتى ماتسافرش بره مصر.. تفضل قاعد فيها.. بس عينك على كل اللي فيها.. تنقل كلام الناس وهمسهم.. وتقبض فـي الآخر بالدولار ومزاجك عال العال؟

ييجي لك قلب تعمل ده؟

عارفين إنه ممكن بعضكم يكون بيضحك في سخرية دلوقت وهو بيقول:
"ناقص ألاقي "يوسف شعبان" طالع من بين الصفحات ويحط إيده على كتفي ويقول: "مصر محتاجة ليك يا رأفت"!

طب ما هي مصر محتاجة ليك فعلا.. ولو كل واحد في البلد ظروفه وحشة والدنيا معانداه، كان زمان مصر كلها مليانة جواسيس!

<div align="center">http://www.up07.com/upload-50/wh_81911716.jpg</div>

احنا مش بنقول كلام منفصل عن الحياة ولا عن الواقع الصعب اللي كتير من الشباب بيعانوه..

بس السؤال هنا هو..

صحيح لو كانت الظروف وحشة فده مبرر لإنك تنقلب على وطنك ودينك؟!
لو جواك طاقة سلبية تجاه بلدك تخليها زي ما هي ولا تحولها لإيجابية وازاي؟

<div align="center">http://www.up07.com/upload-50/wh_57311376.jpg</div>

اقرأ الإعلان من أول وجديد وجاوب لنا على السؤال...

تقبل الوظيفة وتشتغل على بلدك؟
ورد عليا وقولي رأيك إيه

.
.


السلام عليكم ورحمة الله وبركاته

حقيقة لقد افتقدتكم جميعا بين صفحات المنتدي كما افتقدت كل شئ في حياتي الملكية خلف أسوار مركز تدريب المشاة رقم 3
ولكن بين الحين والأخر أعود لكم لأشارك معكم صفحاتكم واستمتع معكم بوجودي بينكم وبين صفحات هذا المنتدي
واليوم وضعت بين أيديكم موضوع قرأته واعجبني اسلوبه وفكرت ان أضعه بين أيديكم لتشاركوني أراءكم وسأضع بين أيديكم بعض تعليقات القراء لهذا الموضوع لنتشارك الحديث حولها أيضا ولكن في بضعة أيام قليلة لا تتعدي الخمسة أيام هي كل ما أملك خارج أسوار الحياة العكسرية والأن مع التعليقات

والله لو هيدونى الفانوس السحرى بتاع علاء الدين مش ممكن اخون اهلى وبلدى وناسى ليه هما اللى حاربوا فى1956و1963 1973 احسن منى فى ايه
<div align="left">عبد السلام </div>

تصدق أنا فطست على نفسى من الضحك أول ما قرأت المقدمة لأنها تنطبق عليا تماماً بس الحمد لله ماحاولتش أنتحر لأن الأنتحار كفر بس نفسى بقى بدل ما أنتحر أسافر العراق أو فلسطين أو أفغانستان أفجر نفسى فى العلوج أهو أموت شهيد أحسن ما أموت كافر بس للأسف ديه كمان مش هقدر عليها لأنى معيش حق السفر وأصلاً معييش حق الميكروباص اللى هيروحنى النهاردة ... هيييييه دنيا .. معكش 50 قرش سلف . كنت عايز أقول كمان لازم علشان الواحد يحب بلده لازم بلده تديه الأول مينفعش هو يديها الأول ، يعنى بالبلدى كدة لازم الأم ترضع إبنها وترعاه علشان هو لما يكبر يحبها ويرعاها لكن لو أمه جوعته وإديته بالجزمة أكيد هو برضو لما يكبر هيديها ستين جزمة ... مش كدة وله إيه !!!؟
<div align="left">Y A S S I E N </div>

<span style="color:#990000">شكلي جيت متاخر.....كل مرة كدا حظي بيبقي وحش وباجي متاخر معقولة ممكن اشتغل جاسوس وكل الناس اللي قبلي دوله مقدمين اوراقهم؟؟؟ اكيد برضو هفشل..... مش مشكلة اقدم ورقي وخلاص...ما انا طول عمري بعمل كدا..يمكن ربنا يسهلها وواحد من اللي قبلي يموت ادخل مكانه المهم الاوراق المطلوبة ايه غير 1_ شهادة بكالوريوس هندسة 2_ شهادة ميلاد وجنسية مصرية 3_ اب وام مصريين 4_ معندوش واسطة تشغله 5_ معهوش فلوس يدفع رشوة عشان يشتغل 6_ ليه قصة حب فاشلة 7_ خبرة اكتر من 7 سنين في الجلوس علي القهاوي والكافتريات بجميع طبقاتها 8_ جرب كل حاجة يخدم بيها بلده ومنفعش 9_ ذو دراية تامة بالسيرة الذاتية لرجال الاعمال ونواب القروض واعضاء مجلسي الشعب والشوري 10_ متابع جيد للتحقيقات مثل اكياس الدم الفاسدة وغرق العبارات وأحتراق القطارات ومرض انفلونزا الطيور وحوادث الطرق والسيارات ناسي ايه ...ناسي ايه كمان؟؟ حد يفكرني يا جماعة الله يكرمكم عشان ميرجعونيش بورقي تاني
<div align="left">طلب وظيفة جاســــــــــــوس </div>

والأن أنتظر ردودكم واراءكم

شكرااااااااااااااااا
.
.

بص أنا ممكن أشتغل أى حاجة
ممكن تخطر على بالك
أى حاجة تصور كل اللى يجى على بالك
الا جاسوس
لان الخيانة مش فى طبعى

<div class='quotetop'>إقتباس(المرشد @ Feb 22 2007, 02:02 AM) 272999</div>
بص أنا ممكن أشتغل أى حاجة
ممكن تخطر على بالك
أى حاجة تصور كل اللى يجى على بالك
الا جاسوس
لان الخيانة مش فى طبعى
[/b]

إجابة طيبعية جدا ومتوقعة جدا

بس إيه رأيك لو تناقش المقال بصفة أوسع شويه ؟؟؟

شكرا ليك يا مرشد
.
.

في الواقع
آه أوي
أنا مستعد أشتغل جاسوس
:)

<div class='quotetop'>إقتباس(صلاح الدين سابقاً و مستقبلاً @ Feb 22 2007, 02:37 AM) 273011</div>
في الواقع
آه أوي
أنا مستعد أشتغل جاسوس
:)
[/b]

:rolleyes:
قدم أوراقك وكلمنا عن مؤهلاتك

وهل شايف إن الإعلان بينطبق عليك ؟؟

شكرا صلاح

شاب مصري
متفائل وأهبل
15 سنة خدمة في تعليم مش هيفدني بحاجة :D
عندي أحلام وطموحات مش أقلها الجاسوسية :rolleyes:
بحب الحكومة جداً
والحب إللي بيزيد عن حده لازم يتقلب ضده :lol:
لو لم أكن لبنانياً لوددت أن أكون إسرائيلياً :(
أنا البحر في أحشائه الدر كامن * * * فهل ساءلوا الغواص عن قدري؟ [صبح صبح يا عم الحاج]
أحياناً أتساءل هل يختلف الجاسوس الخفي عن البرادعي كثيراً؟!!!
فإذا تم تكريم هذا وحصل على نوبل وحصد الجوائز والألقاب فلم أتجاهل مثل هذه الفرصة؟
مثلما يحدث مع الجواسيس العظام حين انتهء مهمتهم فتقوم دولهم بتكريمهم وإعطائهم Order of Merit
الأشخاص الطبيعيون يهتمون بأشياء معينة ولا يتساءلون عن الأشياء التي تبدو لهم طبيعية
لكن العباقرة تلتمع أذهانهم بالتساؤلات التي غالباً ما تؤدي إلى اكتشاف عجز عنه كل من تجاهل الحقائق التي تبدو له بسيطة
فمثلاً حينما تقع على أم رأسك إحدى التفاحات
لا أعتقد أنك ستتساءل ما الذي جعلها تقع؟
ولهذا لا أتوقع لك أن تكون كنيوتن
وما الذي يمنع أن أعمل جاسوساً
وما معنى البلد التي علي أنا أكون بخدمتها
أعتقد أنه يجب أن تكون للحديث بقية
......
العفو يا محمد وحشتنا والله
والموضوع أكثر من رائع ويستحق نقاشاً لا كأي نقاش
:)

موضوع جميل جداً وأشكرك عليه
لأن ده وصف لحال كثير من ابناء هذا البلد لن أقول الجيل لأن الأجيال كتير وذي بعض
لكن كلمة خيانة نفسها صعبة ان الواحد يقدر يتحملها

أما أخونا صلاح الدين
رأيك ده مش عارف انت بنيته إذاي
في حاجات كتيرة بتفرض على الشخص في مكانه ومنصبه
لا يستطيع الفرار منها والأمثلة كتير لكن معنى الخيانة نفسه كبير انه يقال على بعض الأشخاص
( يا أيها الذين آمنوا إن جاءكم فاسق بنبأ فتبينوا ) صدق الله العظيم
الأمثلة إلى انت ذكرتها لا نعلم ماهي ظروفهم وما الضغوط التي تقع على عاتقهم
لذا نترك كل شخص إلىنواياه والله بالنوايا أعلم

يا عم الشغلانة دى تمام و انا موافق لو 30 جنية فى الشهر أقل من كده دور على حد تانى

رايى اننا احلى ما فينا حاجتن

الشعارات
-انا الخيانة مش فى طبعى
-مصر هيا امى
وغيرها كتير

تانى حاجة الحجج
اصل انا ظروفى كذا ومحطم ومش لاقى شغل و............
كتييييييير بردة

اكيد اللى يوصل لانه يبقى جاسوس يبقى انعدمت عندة المبادىء والدين كل حاجة تخص الادمية او بكونة انسان

<div class='quotetop'>إقتباس(_THE_SAD_SMILE_ @ Feb 22 2007, 10:37 AM) 273062</div>
رايى اننا احلى ما فينا حاجتن

الشعارات
-انا الخيانة مش فى طبعى
-مصر هيا امى
وغيرها كتير

تانى حاجة الحجج
اصل انا ظروفى كذا ومحطم ومش لاقى شغل و............
كتييييييير بردة

اكيد اللى يوصل لانه يبقى جاسوس يبقى انعدمت عندة المبادىء والدين كل حاجة تخص الادمية او بكونة انسان
[/b]


وهو برده الكلام مش شعارات
الاخت اللى عماله تانب فينا
عملت أيه ؟
ولا حاجة برده شعارات

وهو برده الكلام مش شعارات
الاخت اللى عماله تانب فينا
بأنب فى مين هو انا كل مقول حاجة تاخدها على نفسك
عملت أيه ؟
بحترم اراء غيرى
ولا حاجة برده شعارات
الله اعلم


نسيت شكرا يا محمد على الموضوع الرائع دة
ارجوا من الاعضاء تقبل الآراء
وزى مبيقول صلاح مش كل موضوع هام نحولة لخناقة

الموضوع جميل فعلا
ومتقلقيش طول ما فى مشرفين صاحين عمر الموضيع الهادفة ما هاتتحول لخناقات

حصل خير يا جماعة ما فيش حاجة ما تكبروش الموضوع

عمرى ما اقبل انى اخون بلدى واهلى
بس ماتنساش ان فى شباب كتير يقبلو كده والاسباب اكيد كلنا عارفنها
موضوع رائع فعلا
شكراليك
سلام

طب الحمد لله ماحدش عايز يخون بلده....

حلو اوى...

و احنا اساسا شخصنا المرض فى الموضوع ده او طلب الوظيفة.....


و عملنا زى الدكتور الفاشل ..

ماعرفناش الدواء؟؟

صح و لا انا غلطان

اتمنى يكون راى وضح

و موضوع رائع و اكثر كمان .....................................

يا اخوتى يا اصحابى لازم نلاقى الدواء ...

مش نعرف المرض بس ....

اخوكم المـــــــــــــ ع ـــــــــــــــــــبد

شناكل....

كلامك محتاج تعليق لكل جزء فيه يا ابو صلاح
تابع معايا
<div class='quotetop'>إقتباس(صلاح الدين سابقاً و مستقبلاً @ Feb 22 2007, 02:53 AM) 273017</div>
شاب مصري " يا تري دي للفخر ولا ؟؟ ".

متفائل وأهبل " صفة ومضاف إليه دائما ما يقترنان معا فلن تجد في بلدنا هذا وفي زمننا هذا متفائل إلا وتبعته بكلمة أهبل "15 سنة خدمة في تعليم مش هيفدني بحاجة :D

وكنت مستني يفيدك بحاجه ؟؟
قولي بس الأول إنت تعليمك إيه
عندي أحلام وطموحات مش أقلها الجاسوسية :rolleyes:
بحب الحكومة جداً
والحب إللي بيزيد عن حده لازم يتقلب ضده :lol:
لو لم أكن لبنانياً لوددت أن أكون إسرائيلياً :(
أنا البحر في أحشائه الدر كامن * * * فهل ساءلوا الغواص عن قدري؟ [صبح صبح يا عم الحاج]
ولا عن علي

أحياناً أتساءل هل يختلف الجاسوس الخفي عن البرادعي كثيراً؟!!!
فإذا تم تكريم هذا وحصل على نوبل وحصد الجوائز والألقاب فلم أتجاهل مثل هذه الفرصة؟
مثلما يحدث مع الجواسيس العظام حين انتهء مهمتهم فتقوم دولهم بتكريمهم وإعطائهم Order of Merit

ده رأيك في البرادعي بس أنا عن نفسي عمري ما فكرت أكون رأي عن شخصيته نهاءي
الأشخاص الطبيعيون يهتمون بأشياء معينة ولا يتساءلون عن الأشياء التي تبدو لهم طبيعية
لكن العباقرة تلتمع أذهانهم بالتساؤلات التي غالباً ما تؤدي إلى اكتشاف عجز عنه كل من تجاهل الحقائق التي تبدو له بسيطة
فمثلاً حينما تقع على أم رأسك إحدى التفاحات
لا أعتقد أنك ستتساءل ما الذي جعلها تقع؟
ولهذا لا أتوقع لك أن تكون كنيوتن

الجزء ده كله مش فاهم إيه علاقته بالموضوع

وما الذي يمنع أن أعمل جاسوساً
وما معنى البلد التي علي أنا أكون بخدمتها
أعتقد أنه يجب أن تكون للحديث بقية
......

هو ده اللي أنا عايزك تجاوب عليه ما معني البلد ؟؟؟
ومنتظر البقية

العفو يا محمد وحشتنا والله
والموضوع أكثر من رائع ويستحق نقاشاً لا كأي نقاش

شكرا ليك يا صلاح وانتو كمان والله كلكم وحشتووني :)
[/b]



<div class='quotetop'>إقتباس(أ- وائل عطية @ Feb 22 2007, 03:52 AM) 273031</div>
موضوع جميل جداً وأشكرك عليه
لأن ده وصف لحال كثير من ابناء هذا البلد لن أقول الجيل لأن الأجيال كتير وذي بعض
لكن كلمة خيانة نفسها صعبة ان الواحد يقدر يتحملها

أما أخونا صلاح الدين
رأيك ده مش عارف انت بنيته إذاي
في حاجات كتيرة بتفرض على الشخص في مكانه ومنصبه
لا يستطيع الفرار منها والأمثلة كتير لكن معنى الخيانة نفسه كبير انه يقال على بعض الأشخاص
( يا أيها الذين آمنوا إن جاءكم فاسق بنبأ فتبينوا ) صدق الله العظيم
الأمثلة إلى انت ذكرتها لا نعلم ماهي ظروفهم وما الضغوط التي تقع على عاتقهم
لذا نترك كل شخص إلىنواياه والله بالنوايا أعلم
[/b]

شكرا لردك استاذ وائل
وكلامك بالنسبة لرأي صلاح في البرادعي مقنع بعض الشئ
وطبعا زي ما حضرتك قولت دي مشكله أجيال مش جيل واحد

بس السؤال هل يصل الحال ببعض الناس إنه يوصل لمرحلة الخيانة ؟؟
ولا صعب زي ما حضرتك قولت ؟؟

ولا نقول اللي ايده في الميه مش زي اللي ايده في النار ؟

<div class='quotetop'>إقتباس(elma7et @ Feb 22 2007, 08:29 AM) 273044</div>
يا عم الشغلانة دى تمام و انا موافق لو 30 جنية فى الشهر أقل من كده دور على حد تانى
[/b]

يااااااااااااااااااااااااه دي اسرار بلدنا غالية أوي

هما 29.50 جنية بس هااااااااااااااا موافق؟؟؟

<div class='quotetop'>إقتباس(_THE_SAD_SMILE_ @ Feb 22 2007, 10:37 AM) 273062</div>
رايى اننا احلى ما فينا حاجتن

الشعارات
-انا الخيانة مش فى طبعى
-مصر هيا امى
وغيرها كتير

تانى حاجة الحجج
اصل انا ظروفى كذا ومحطم ومش لاقى شغل و............
كتييييييير بردة

اكيد اللى يوصل لانه يبقى جاسوس يبقى انعدمت عندة المبادىء والدين كل حاجة تخص الادمية او بكونة انسان
[/b]

صدقيني مش شعارات ولا حاجه يا بسمة
دي حاجات اتربينا عليها
يمكن من كتر ما سمعناها في المسلسلات وافلام الجاسوسية والسينما المصرية بافلامها العقيمة اللي مفيش فيها اي تجديد أصبحت شعارات

انا مش بدافع عن أي إنسان باع مبادءه وأخلاقه بمقابل مادي وأصبح جاسوس بس عايز اقول ليه ممكن بني أدم ربنا خلقه سوي لأن أي إنسان بالفطره إنسان سوي
ايه ممكن يوصله إنه يبيع كل حاجه هو مؤمن بيها ؟؟؟

وشكرا ليك يا بسمة ومنتظر تفاعلك أكتر مع الموضوع

<div class='quotetop'>إقتباس(المرشد @ Feb 22 2007, 11:08 AM) 273077</div>
الموضوع جميل فعلا
ومتقلقيش طول ما فى مشرفين صاحين عمر الموضيع الهادفة ما هاتتحول لخناقات
[/b]

شكرا يا مرشد


<div class='quotetop'>إقتباس(كلكول @ Feb 22 2007, 11:40 AM) 273101</div>
عمرى ما اقبل انى اخون بلدى واهلى
بس ماتنساش ان فى شباب كتير يقبلو كده والاسباب اكيد كلنا عارفنها
موضوع رائع فعلا
شكراليك
سلام
[/b]

شكرا ليك يا دكتور بس إنت دلوقتي ناقضت نفسك

في البداية قلت عمري ما اقبل وبعدين قولت إن في شباب كتير يقبلو لاسباب كلنا عارفينها
هل لو توفرت الأسباب دي فيك هتقبل ولا اااا ؟؟
واشمعنه إنت وهما لااااا

شكرا مره تانيه ومنتظرك تعقب

<div class='quotetop'>إقتباس(المبدع @ Feb 22 2007, 12:47 PM) 273132</div>
طب الحمد لله ماحدش عايز يخون بلده....

حلو اوى...

و احنا اساسا شخصنا المرض فى الموضوع ده او طلب الوظيفة.....


و عملنا زى الدكتور الفاشل ..

ماعرفناش الدواء؟؟

صح و لا انا غلطان

اتمنى يكون راى وضح

و موضوع رائع و اكثر كمان .....................................

يا اخوتى يا اصحابى لازم نلاقى الدواء ...

مش نعرف المرض بس ....

اخوكم المـــــــــــــ ع ـــــــــــــــــــبد

شناكل....
[/b]
لو قدرت تكون إنت الدكتور الناجح اللي يقدر يوصف الدوااااااااااااااااء هكتب إسمك في كل كتب التاريخ

بس عايز اقولك علي حاجه كمااااااااااان
مش بس لما الدكتور يوصف الدواء المرض يبخف
لازم يكون المريض نفسه علي استعداد إنه يخف وعلي استعداد إنه ياخد الدواء
تقدر تقولي لو لقينا الدواء إن الشعب كله مستعد ياخده

شكرا ليك يا مبدع ولي عودة أخري في الموضوع إن عدتم وعقبتم
شكرا لكل من شارك في الموضوع
.
.

<div class='quotetop'>إقتباس 273236</div>
شاب مصري ولي أن أفخرا :D

وكنت مستني يفيدك بحاجه ؟؟
قولي بس الأول إنت تعليمك إيه
التوجيهية :lol:

ولا عن علي
علي ديه في الوحدة الثانية
أنا بتكلم على الفصل الأول
بدل هل ساءلوا الغواص عن درري
أنا عارف إني ملئ بالدرر :rolleyes:
طيب الغواص كمان عارف
بس مش هتسألوه بقى عن درري لأنكم إنتوا كمان عارفين
لأ هتسألوه عن قدري
الدرر ديه هتروح فين؟ ;)

ده رأيك في البرادعي بس أنا عن نفسي عمري ما فكرت أكون رأي عن شخصيته نهائي
:huh:
أنا مش بقول إنه جاسوس
بس شايف إن ما فيش فرق
سواء هوه مضطر ولا مش مضطر
فهو علينا علينا
مش معاهم معاهم عليهم عليهم
لأ معاهم معاهم علينا علينا

الأشخاص الطبيعيون يهتمون بأشياء معينة ولا يتساءلون عن الأشياء التي تبدو لهم طبيعية
لكن العباقرة تلتمع أذهانهم بالتساؤلات التي غالباً ما تؤدي إلى اكتشاف عجز عنه كل من تجاهل الحقائق التي تبدو له بسيطة
فمثلاً حينما تقع على أم رأسك إحدى التفاحات
لا أعتقد أنك ستتساءل ما الذي جعلها تقع؟
ولهذا لا أتوقع لك أن تكون كنيوتن

الجزء ده كله مش فاهم إيه علاقته بالموضوع
قال يعني أنا عبقرية فذة يعني وخسارة في البلد ديه بقى
ولازم أفبرك حجة عشان أشتغل حاجة زي ديه ولا إيه؟
يعني كل واحد هرد رد تلقائي مش هيحاول يعرف ليه هيشتغل جاسوس
أنا بقى ولأني عبقري ردي هيختلف زي ما ردة فعل نيوتن بتختلف كده :lol:

هو ده اللي أنا عايزك تجاوب عليه ما معني البلد ؟؟؟
ومنتظر البقية

مصر هي أمي
بس أنا هقلك حاجة صغيرة
تعرف كان ليه واحد صاحبي في إعدادي
سألته إن كان بيحب أبوه أو بيحب يشوفوه
عشان الأسرة كانت في حالة طلاق
قالي ليه؟
هحب أشوفوه ليه؟
هوه عاملي إيه؟
مش بيصرف عليا ومش بيجي لي في مناسباتي
هحبه ليه؟
مصر
أنا بحب مصر
بس هحبها ليه؟
ده سؤال كبير شوية
لو هحبها عشان العراقة والأصالة والتاريخ
طب ما أي أجنبي ممكن يحبها أكتر من بلده لنفس السبب
وأنا بالفعل شفت فيلم وثائقي كان فيه واحدة أصرت إنها تموت على أرض مصر
إنجليزية هي
وآخر مش عارف كام عيد ميلاد اتعملولها هنا في مصر عشان الآثار
هي حاسة إنها جزء من اللد
ما علينا
هحب مصر عشان إيه؟
;)
وممكن لو قلبنا المنطق يبقى كل واحد يسيب حب بلده عشان يحب بلدي بلد العراقة والأصالة
نخلص من النقطة ديه وندخل في غيرها
[/b]

<div align="center">اولا شكرا يا ميدو الموضوع روعة بجد

انا هتكلم بأى عن نفسي

قصة حب فاشلة دي لسا مجاتش ؟

بس هتكلم انا عانيت كتير قوي انا كنت بره مصر وكنت عايش أحسن عيشة يا جماعة بس نقصني وفي دمي وفي دم ناس ياما مصريين حب البلد دي

وزي ما قال صلاح جاهين


على اسم مصر التاريخ يقدر يقول ما شاء ....

أنا مصر عندي أحب وأجمل الأشياء ..

بحبها وهي مالكه الأرض شرق وغرب ..

وبحبها وهي مرميه جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلقيني جنبها في الكرب

والنبض ينفض عروقي بألف نغمة وضرب

دا كلامي وردي على الموضوع

وانا مش عشان او مقولش انا اقول كلنا كشباب أو خريجين او طلبة جامعة او شعب عادي انظلمنا من حكومة بلد يبأى نقلب على البلد دي

كام واحد فيكم جرب الغربة؟

ما حد يرد

محدش فيكم داقها ولو حد فيكم شرب من كاس الغربة يبأى مش زيي

لأني كنت في غربة وانا طفل لسا عمري 5 سنين

وعرفت قيمة حبي لبلدي اول ما نزلت مصر سنة 98 سجددت في ارض المطار

وكنت لسا في 4 ابتدائي

حد فيكم حس شعور زي دا؟

وهو في طفولته وفي بداية حياته؟

معنى الإنتماء

وبجد شكرا على الموضوع يا ميدو ومهما حصل هفضل أحب البلد دي ولو هشتغل جاسوس يبأى لصالح بلدي وبس

سلام عليكم</div>

مصر هي امي نلها جوا دمي
شمسها في سماري شكلها في ملمحي
وإن كان لوني امحي ده من فضل مصر

يااااااااه
حمد الله عالسلامة يا باشا
مفتقدك فى المنتدى والله

اما بالنسبة للجاسوس
فدى وظيفة محترمة جدا
كتير يتمنوها

وخاصة...لو كانت فى مصر
لسبب بسيط
لو اتقفشت مش هيحصلى حاجة
مع شوية مفاوضات واطلع اكمل نشاطى فى داهية تانية
(( الله يرحم عزام عزام......والنمر المقنع!!!!))
انا يا سيدى 17 سنة طالب فى تالتة ثانوى
لسه ريالتى على الفانلة وده انسب تمويه لجاسوس
خبرة فى الكتتان.......تمشى لما اهرب وبتاع وكده
معارفى كتير نسبيا يعنى معلوماتنا متوافرة والحمد لله

وسائل التكنولوجيا مش اوى
يعنى مش ممكن اخش على اى كومبيوتر وافك الشفرة بتاعته(احمد رزق)
اما الجرأة مقولكش ..الحمد لله متوافرة
بعرف اجرى كويس....احسن من كابتن ماجد



كأنى مثلا زى ممدوح اسماعيل
....بجواز سفر من حبايبى اخرج بره البلد
عارف انت الروتين بقى
وعبال ما يكشفونى
ياااااااااااااااااااه


بس كده

ينفع بقى ولا لازم اوراق وطوابير عيش وكده :D :D :D

بحب مصر ... بس أحبها ليه ؟؟

بيتهيأ لي صعب أوي إجابة السؤال ده يا صلاح

أنا ممكن أكتبلك موضوع إنشاء في حب مصر بس معتقدش إني هكون حاسه علي الأقل في الوقت الحالي
لو في نقاط تانيه ياريت تقول علشان بصراحه معنديش كلام في النقطة دي

<div class='quotetop'>إقتباس(محمد البري @ Feb 22 2007, 05:05 PM) 273254</div>
<div align="center">اولا شكرا يا ميدو الموضوع روعة بجد

انا هتكلم بأى عن نفسي

قصة حب فاشلة دي لسا مجاتش ؟

بس هتكلم انا عانيت كتير قوي انا كنت بره مصر وكنت عايش أحسن عيشة يا جماعة بس نقصني وفي دمي وفي دم ناس ياما مصريين حب البلد دي

وزي ما قال صلاح جاهين


<span style="color:#FF0000">على اسم مصر التاريخ يقدر يقول ما شاء .... ممكن التاريخ يتكلم بس الحاضر أصبح أخرس
أنا مصر عندي أحب وأجمل الأشياء ..

بحبها وهي مالكه الأرض شرق وغرب .. هو صلاح جاهين كان معاصر لمحمد علي ؟؟؟

وبحبها وهي مرميه جريحة حرب ياريت تكون جريحة حرب بس تكون حاربت أصلا لأن اللي يحارب يبقي بيدافع عن مبدأ مش مشكلة بقي إنتصر أو انهزم بس حارب بشرف ورافع راسه لفوق بس السؤال إحنا فين من كده او مصر فين من ده؟؟

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلقيني جنبها في الكرب أنا متأكد تماما من الجزء ده
والنبض ينفض عروقي بألف نغمة وضرب

دا كلامي وردي على الموضوع

وانا مش عشان او مقولش انا اقول كلنا كشباب أو خريجين او طلبة جامعة او شعب عادي انظلمنا من حكومة بلد يبأى نقلب على البلد دي

المشكله مش بس في حكومة البلد
المشكلة في شعب سلبي بيتظلم وبيقول حاضر ونعم وتمام
شعب عاشق للهمجية رافض لأي معاني النظام سوي النظام المفروض بالقوة عليه
بلد كل شئ حلو فيها بنلوثه
كل معني جميل بنزيفه
كل مبادئ الدنيا بنبيعها واقولك ازاي توافق تبيع مبادئك ويكون ردك كل الناس بتعمل كده ولو معملناش مش هنعيش ومش هناخد حقوقنا
كفايه كفايه رغي في الفاضي والمليان

كام واحد فيكم جرب الغربة؟

أتمني اجربها بصراحه

ما حد يرد

محدش فيكم داقها ولو حد فيكم شرب من كاس الغربة يبأى مش زيي

لأني كنت في غربة وانا طفل لسا عمري 5 سنين

وعرفت قيمة حبي لبلدي اول ما نزلت مصر سنة 98 سجددت في ارض المطار

وكنت لسا في 4 ابتدائي

حد فيكم حس شعور زي دا؟

وهو في طفولته وفي بداية حياته؟

معنى الإنتماء

ياااااااااااااااااااااااااااااااااااااااااااااااه الإنتماء
كلمة كبيرة أوي يا محمد ولو هقولك بصراحه مش عارف معناها تقدر تقولي معناها ؟؟؟

وبجد شكرا على الموضوع يا ميدو ومهما حصل هفضل أحب البلد دي ولو هشتغل جاسوس يبأى لصالح بلدي وبس

للاسف أنا بردوه زيك مهما حصل مش هقدر اشتغل جاسوس ضد أهلي وناسي مش بلدي

سلام عليكم</span>
[/b][/quote]
وعليكم السلام ورحمة الله وبركاته وشكرا ليك إنت يا محمد

<div class='quotetop'>إقتباس(طالب تانيه ثانوي @ Feb 22 2007, 06:15 PM) 273275</div>
مصر هي امي نلها جوا دمي
شمسها في سماري شكلها في ملمحي
وإن كان لوني قمحي ده من فضل مصر</span>
[/b]

شكراااااااااااااااااا

<div class=\'quotetop\'>إقتباس(The_Relativistic200 @ Feb 22 2007, 08:42 PM) 273335</div><div class=\'quotemain\'>
<span style="color:#000066">يااااااااه
حمد الله عالسلامة يا باشا
مفتقدك فى المنتدى والله


اما بالنسبة للجاسوس
فدى وظيفة محترمة جدا
كتير يتمنوها

وخاصة...لو كانت فى مصر
لسبب بسيط
لو اتقفشت مش هيحصلى حاجة
مع شوية مفاوضات واطلع اكمل نشاطى فى داهية تانية
(( الله يرحم عزام عزام......والنمر المقنع!!!!))
انا يا سيدى 17 سنة طالب فى تالتة ثانوى
لسه ريالتى على الفانلة وده انسب تمويه لجاسوس
خبرة فى الكتتان.......تمشى لما اهرب وبتاع وكده
معارفى كتير نسبيا يعنى معلوماتنا متوافرة والحمد لله

وسائل التكنولوجيا مش اوى
يعنى مش ممكن اخش على اى كومبيوتر وافك الشفرة بتاعته(احمد رزق)
اما الجرأة مقولكش ..الحمد لله متوافرة
بعرف اجرى كويس....احسن من كابتن ماجد



كأنى مثلا زى ممدوح اسماعيل
....بجواز سفر من حبايبى اخرج بره البلد
عارف انت الروتين بقى
وعبال ما يكشفونى
ياااااااااااااااااااه


بس كده

ينفع بقى ولا لازم اوراق وطوابير عيش وكده :D :D :D
[/b][/quote]
الله يسلمك يا خالد أنا كمان كنت مفتقد المنتدي جدا
مؤهلاتك كويسه والسي في بتاعك مشجع بس السبب في التقدم للوظيفة غير مقنع
لانك عايز تشتغل بس لان مش خايف من نهاية الشغلانة دي
لكن مطلوب واحد حابب إنه يشتغل الشغلانه دي علشان يأديها بضمير
تقدر علي كده .؟؟


.
.