|
مشاهدة النسخة كاملة : علي جميع المدرسين الدخول وابداء الراي في المنهج الجديد 2010_2011 mahmoud_fathi75 11-09-2010, 05:26 PM يا ريت كل مدرس يقول رايه في الكتاب الجديد ويا ريت يطون بكل صراحة وانا لا راي ان المنهج طويل بس معقول وتمارين الجبر علي كل درس غير كافية بس الهندسة معقولة RANNO 11-09-2010, 09:22 PM المنهج زفت وطويل Alexawy_25 12-09-2010, 12:42 AM أنا بصيت بس فى الوحدة الأولى جبر وواضح أن فيه أفكار جديدة فى قوانين الأسس زى استخدام قانون التوزيع فى أجراء العمليات وده طبعا من منهج 2ث ع Alexawy_25 12-09-2010, 12:43 AM سؤال بقى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ حساب المثلثات جبر ولا هندسة وأنا بيتهيألى هندسة medogouba 12-09-2010, 08:17 AM اعتقد ان المنهج سيقسم الى قسمين الجبر وحساب المثلثات والاحصاء و القسم الثانى الهندسة بنوعيها. اما للتعديلات اعتقد ان المنهج يحتوى على اسلوب جديد فى تناول الاسس مثل دخولترتيب العمليات الحسابية بعد تدريس القوى الصحيحة بنوعيها التى تدرس فى الصف الاول ع.عدم اعطاء تمارين كافية للمعادلات الاسية ............ عاطف راجى بقطر 13-09-2010, 02:26 AM الكتاب تناول الموضيع بطريقة منسقة وواضحة جدا وباسلوب شيق المنهج ليس طويل والدليل على كلامى لاحظ النسب والتناسب والتغير كان على 1 ث ترم أول وهو اضاف الاسس لان امتحانات النقل ثانوى قبل امتحانات الاعدادية للذلك هو اضاف الاسس بناء على ذلك اذن المنهج ليس بالطويل كما كان فى الصف الثانى ع العام الماضى ومن وجهة نظرى ان المنهج ممتاذ الحقيقة لاننا هنا فى مصر بنعتمد على القص والصق فى المناهج والعالم وصل للقمر وهو دة افضل ما يكون لدينا عاطف راجى بقطر 13-09-2010, 02:30 AM اما الصديق الى بيسأل حساب المثلتات جبر ولا هندسة واعتبرها هندسة لا يا صديقى دة فرع جديد من فروع الرياضيات لان فروع الرياضيات عديدة جبر تفاضل وتكامل حساب مثلثات ميكانيكا هندة مستوية وهندسة فراغية وهندسة مستوية وهندسة تحليلية وهندسة وصفية 000 ashraf rashwan 13-09-2010, 02:43 AM هو الناس كلها شافت الكتاب امال انا لسة لية انا علي كدة بقي نايم في الدرة انا لسة مشوفتش الكتاب دا انا مش مدرس بقي انا كدة اروح اشتغل نقاش او مبيض محارة ashraf rashwan 13-09-2010, 02:47 AM انا عاوز الكتاب الجديد يا جماعه اجيبة منين ارجوكم حد يقولي بسرعه انا مستني اهون أحمد المنشااوي 13-09-2010, 06:14 PM المنهج كانت مواضيعه متوقغة ولكن المنهج طويل بالنسبة للطالب free_swallow 15-09-2010, 05:13 AM المنهج يا صاحبى تلاقيه على ايدك اليمين وانت داخل اول موضوع مثبت ههههههه mhoso 15-09-2010, 12:06 PM أولاً : المنهج قوي و دسم جداً لأنه يحتوي علي كم كبير من المعلومات ثانياً : هايكون للمعلم دور كبير جداً في توصيله للطالب بصورة مبسطة أو بصورة صعبة ثالثاً : إحنا عارفين طريقة وضع الإمتحانات في الشهادة الإعدادية وكمان طريقة التصحيح بتكون إزاي محمد77777 15-09-2010, 12:58 PM المنهج كويس لكن عيبه الطول واعتقد طريقة توزيعه على الشهور هتأثر على فهم الطالب واداء المعلم koky2002 15-09-2010, 02:02 PM اعتقد ان الكتاب تحفة فنية من ناحية الاخراج الفنى والطباعة وياريت يلغوا الكتاب السىء بتاع اولى اعدادى لانة ملوش اى لازمة حتى التمارين مش على الشرح وتمارينة متعرفش اية الهدف منها وتشعر انة اتعمل فى عجلة لانة غير مرتب اما بالنسبة الى تالتة المنهج يتناول التوسع الكبير فى الافكار بس ياريت يمدونا بدليل معلم لانة هام جدا:049gc0::slap1qk6::av4056bb7jp3::eek: alaa_math2002 15-09-2010, 04:08 PM هو رأينا هيفيد بأيه هوالبلد بتعمل براى المدرسين احنا عبد المأمور وبس شكرا Alexawy_25 15-09-2010, 07:29 PM اما الصديق الى بيسأل حساب المثلتات جبر ولا هندسة واعتبرها هندسة لا يا صديقى دة فرع جديد من فروع الرياضيات لان فروع الرياضيات عديدة جبر تفاضل وتكامل حساب مثلثات ميكانيكا هندة مستوية وهندسة فراغية وهندسة مستوية وهندسة تحليلية وهندسة وصفية 000 أكيد أنا عارف الكلام ده ومش تايه ولكن حساب المثلثات هيكون تبع أى ورقة أمتحانية يعنى مع الجبر ولا مع الهندسة فى أولى ثانوى الأمتحان جبر مع حساب مثلثات فى ورقة واحدة فى تانية ثانوى الأمتحان جبر منفصل .........وحساب مثلثات مع تفاضل أعتقد سؤالى واضح دلوقتى حساب المثلثات تبع خطة الجبر ولاتبع خطة الهندسة أتمنى أكون وضحت قصدى؟؟؟؟؟؟؟؟؟؟؟؟؟؟؟؟؟ الاستاذ 2 16-09-2010, 12:43 PM لا ان شاء الله حساب المثلثات مع الهندسه فى ورقه امتحانيه واحده W_MOHAMMED 16-09-2010, 05:00 PM السلام عليكم ورحمة الله وبركاته ممكن المساعدة في كيفية حل المسائل التالية ولكم جزيل الشكر http://www.*******.com/vb/images/statusicon/wol_error.gifالصورة تم تصغيرها تلقائيا . اضغط على هذا الشريط ليتم عرض الصورة بحجمها الأصلي. حيث أن ابعاد الصورة الأصلية هي 800×600.http://img178.imageshack.us/img178/6301/58598250.jpg elhassan_11 17-09-2010, 05:37 PM الكتاب عدد اوراقه ليست كثيره ولكن انظر الى اسئلة الأسس تلا قى نفسك محتاج الى شرح كثير من الأسئلة وبتالى محتاج حصص ككثيره لشرح وتغطية هذا الموضوع وبتالى المدرس حيكروت علشان يكمل المنهج وبتالى ان اعتقد ان المنهج طويل بهاء رضوان2 17-09-2010, 10:02 PM الاخت فريده السؤال الاول الاجابه 4 لو محتاجه الاثبات ممكن ااقولك بهاء رضوان2 17-09-2010, 10:04 PM الاخت فريده السؤال الثانى اجابته 1 ابوعوف 18-09-2010, 10:01 AM الاخت فريده السؤال الثالث اجابته 4×5 اس3 كمال يونس السيد 20-09-2010, 02:55 PM الأخوة الأفاضل مدرسى الرياضيات بالتأكيد يتم الأخذ برأيكم والدليل على ذلك غذا الثلاثاء والأربعاء أن شاء الله هيكون فيه محاضرات فيديو كونفرانس الساعة 12.5 لمدة ساعتان وستم فيه إن شاء الله كل هذه الموضوعات وشكرا . فوزى عبده 20-09-2010, 05:53 PM هو الناس كلها شافت الكتاب امال انا لسة لية انا علي كدة بقي نايم في الدرة انا لسة مشوفتش الكتاب دا انا مش مدرس بقي انا كدة اروح اشتغل نقاش او مبيض محارة هومناهج النقاشين ومبيضي المحارة مع حضرتك أصل عندى شقة لسة ع المحارة؟ m_adel_143 23-09-2010, 10:24 PM اولا انا معترض علي وجود حساب مثلثات اصلا .. مش هيفرق كتير مع الطالب لو مااخدش مثلثات في ثالثة اعدادي كده كده الكلام ده هيتعاد في السنة الجاية لما نيجي نشرح ثانيا هما بيشتغلونا وخلاص بيغيروا في منظر الكتاب عشان يقولوا الوزير عمل تعديل ويحسب للوزير ان ذلك من انجازاته في الوزارة ياجماعة ايه الفرق بين التغير الطردي والعكسي في الترم التاني او الاول ؟؟ حاجة محيرة فعلا وملهاش اي لازمة وليه العلاقة والدالة ييجي في ثالثة ده يادوب يدرس لتانية مش اكتر لانه درس اقل بكتير من الدروس الاخري اما الهندسة فانا شايف ان هندسة الدائرة لازم تدرس كلها في ترم واااااااااحد يعني وحدة الترم الاول دي تتنقل الترم الثاني ويحطوا حاجة مفيدة للطلاب في الترم الاول مع وحدة البعد بين نقطتين والميل و.... والجبر شغال وكويس مفيش اي مشكلة لو هما عايزين يطوروا بجد كانوا نزلوا المصفوفات كاملة في اولي ثانوي او باقي المصفوفات في تانية مثلا ( قسمة المصفوفات والمعكوس و ....) لان اللي بيدرسها كده لو دخل كلية تجارة مثلا هيلاقي في في اول ترم رياضة اعمال وفيها الرياضيات بتاعت اولي وثانية وثالثة ثانوي .. فعلي الاقل يكون فاهم المصفوفات والمحددات ... لازم يبقي فيه ترابط بين الثانوية والجامعة ازاي يدرس مصفوفات في تجارة وغيرها وهو مايعرفش يعني ايه مصفوفة او محدد من ثانوي انا مش عارف تطوير ازاي انا شايف انه شغل قص ولزق وبس مفيش خطة واضحة لتطوير مناهج الرياضيات بيحاولوا يشيلوا من ثانوي ينزلوا في اعدادي ومن اعدادي لابتدائي بدون اي رؤي واضحة والكارثة انهم مش بيقولوا للمدرسين ازاي يشرحوا الكلام ده خصوصا ابتدائي مش عارفين يشرحوا للولاد ومستواهم ( المدرسين ) ضعيف في المادة معلش طولت بس انا متضايق من التطوير بتاع كل يوم ده لان ولادنا بيتجرب فيهم واحنا بنتفرج ؟!!!!!!!!! وعجبي ..!!! hatemeid 03-10-2010, 08:55 AM ربنا يخليكم انا عايز افهم ازاي نشرح النسب المثلثية للزاوية الحادة وده أخر درس في حساب المثلثات للصف اولا الثانوي ونبدأ به حساب المثلثات للصف الثالث ع هو ال بختار المنهج بنقي ال يعجبه ونسي تسلسل المادة عجبي صبره ابو حسن 04-10-2010, 12:12 AM السلام عليكم اعجبنى كتاب الصف الثالث الاعدادى فى تمارينه الغير تقليديه بالنسبه للمرحله الاعداديه وواضع الكتاب ومؤلفه كان رائعا فى تسلسل المواضيع وهو يعطى الطالب الفرصه الحقيقيه فى تعلم الرياضيات وليس حفظ المسائل وانما حرص على تثبيت مفاهيم الاسس وقوانينها من خلال امثله وتمارين اختيرت بعنايه بحيث تخدم المرحله الثانويه وخاصه موضوع اللوغريتمات وكما اعجبنى ادخال الاله الحاسبه وعويد التلاميذ على التعامل معها كما عجبنى دخول حساب المثلثات للمرحله الاعداديه وعلى ما اظن ان هذا سوف يتبعه زياده فى كم المثلثات فى المرحله الثانويه لانه اكيد سوف يتغير منهج المرحله الثانويه بالتبعيه ..... اما الذى لم يعجبنى عدم التناسق بين هذا المنهج الرائع ومنهجى الصف الاول والصف الثانى وكان كل واحد فى وادى والؤال لماذا لم يكلف نفس واضعى منهج الصف الثالث بوضع كتاب الصف الاول والثانى .. اليس هذا افضل لكى تتصاعد الاهداف بمعرفه نفس الاشخاص ويجعل من المناهج الثلاثه تجانس يخدم الجانب المعرفى والمهارى لدى التلاميذ. اسف اطلت عليكم واتمنى من الله صلاح الامور لما فيه خدمة الوطن والنهوض به لا لخدمة اشخاص بعينهم والسلام عليكم ورحمت الله وبركاته cawcaw 11-10-2010, 05:17 PM المنهج زي الزفت ياريت نبص علي مستوي الطالب المتوسط والضعيف لازم تاخد كام حصة في شرح مسائل العمليات علي الاسس ويا سلام علي مسائل ملف الانجاز اوصلها ازاي وانا مسائل كتير مش فهماها حد يرد عل ؟؟؟؟؟؟؟؟ مثلا في سؤال 0 اثبت ن"5005 اس3003 +3003 اس5005 +4004 اس 2002 يقبل القسمة علي 13 اس231حد يرد عليا خلاص حاتجنن؟؟؟؟؟؟؟؟؟ |