semary8
15-10-2010, 10:57 AM
فى درس قسمة الكسور الاولاد فهموا كويس جدا طريقة القسم
اللى هى تحويل القسمة للضرب وقلب الكسر التانى
بس المشكلة فى اختصار الارقام وجعلها فى ابسط صورة
انا قلتلهم طريقتين
يااما نخللى الاختصار فى الاخر ونختصر بعد كده
يااما نختصر على طول
بس الاولاد مش واصلالهم الطريقة
ياريت لو حد عنده شرح مبسط مايبخلش علينا
أنا لست معلم رياضيات
لكن أذاكر لابنتى
وأتبع ما يلى
نقسم على 2
إن لم يصلح
نقسم على 3
وهكذا
4
5
6
goldshayal
15-10-2010, 05:29 PM
طيب هو هايحصل ايه لو سبناها من غير اختصار ؟؟
أعتقد
تنقص درجات
لأن المطلوب الاختصار لأبسط صورة
rashadbaker
16-10-2010, 04:35 AM
شوف ياسيدى لازم التاكيد على جدول الضرب
انا بامسك البسط الاول واشوف نواتجه فى جدول الضرب
وبعد كده انزل للمقامات واشوف نواتج جدول الضرب اشوف رقم مشترك بينهم اقسم عليه فوق وتحت
وبعده انتقل للبسط التانى ونفس الطريقه هتتعبك فى كام مسائلة بس بتريحك
وعلى فكرة ده عيب مش من عندك المفروض قى الصف الرابع اتقنها لكن لكثرة المنهج فى اشياء كتير تفوت منه كان الله فى عونكم
star101
16-10-2010, 12:54 PM
السلام عليكم
اخوكم مدرس رياضيات للصف الخامس ودى طريقه شرحى لاختصار الكسور
اولا لازم نراجع درس قابليه الفسمه
اى عدد احاده زوجى يقبل القسمه على 2
اى عدد احاده 0 او 5 يقبل على خمسه
اى عدد مجموع ارقامه 3 او مضاعفتها يقبل القسمه على 3
بالتدريج ومع التكرار الطالب هيكتشف الاعداد اللى بينفع تختصرها مع بعض وهيكون الموضوع بالنسباله لعبه حلوة
لاى استفسار 0105775450
semary8
18-10-2010, 11:37 AM
دا كله كلام جميل جدا والحمدلله كله قلته بس تقريبا الطلبة مش متاسس كويس وهو ده اللى عامل خلل
بس انا عندى ناس فهمت الاختصار وبتختصر كويس وفيه ناس كتير لسه عندها قلق فى الموضوع ده
احمد احمد محمد هاشم
11-08-2013, 06:15 AM
موضوع رائع وقيم وشكرا لكل من ساهم بمعلوماته فى هذا الموضوع
عبدالنبي الحداد
15-09-2013, 07:45 AM
موضوع رائع وقيم وشكرا لكل من ساهم بمعلوماته فى هذا الموضوع
sarakeshta
28-09-2013, 12:17 AM
لازم التلميذ يفهم ان المساله من غير تبسيط زى الانسان اللى شايل حاجه تقيله ما ينفعش يقف بيها وهيقع اذن نختصر بطريقه المقص وكمان يعرفو ان ده هينفعهم فى سنه 6 اسهل طريقه هى استغلال قابليه القسمه اللى ف سنه رابعه
احمد احمد محمد هاشم
26-06-2014, 10:49 AM
سيتم تثبيت الموضوع لفترة لأنه شيق جدا ونتمنى مشاركات من الاساتذة وأولياء الأمور والطلبة
hassan kadsh
20-07-2014, 10:38 PM
السلام عليكم افضل الطرق لإختصار اى كسر نوجد اصل الضرب للبسط واصل الضرب للمقام وبعدين نشطب المشترك ويتبقى من الكسر العددان اللى حيكونولى الناتج .......وعلى كل التعود من التلاميذ بتكرار التدريبات المرتبطة بجدول الضرب سوف تأتى بنتيجة مبهرة وستدفع التلاميذ لحفظ جدول الضرب حفظا جيدا .......ولكم جزيل الشكر
motazkotkot
18-08-2014, 09:17 PM
كل مدرس بيريح دماغة ويقولك الطالب مش متأسس كويس. مع العلم ان المرحلة الابتدائية بأكملها هى مرحلة تأسيس. ياريت كل واحد مايرميش المسئولية على اللى قبلة.وكله يشتغل ويعمل اللى عليه