بسم الله الرحمن الرحيم
السيد الفاضل/مدير عام إدارة أجا التعليمية
تحية طيبة و بعد
مقدم لسعادتكم /............................ – معلم لغة إنجليزية بمدرسة ..........................
الموضوع ( تظلم من جزاء)
أرجو من سعادتكم الموافقة علي رفع الجزاء و هو خصم يوم واحد الموقع عليَّ بسبب إدعاء السيدة/ صابرة – المتابعة من المديرية بأنني كنت نائم بالفصل حيث أنه مرفق بهذا التظلم الورقة الأصلية الخاصة بالتحضير لهذه الحصة و مختومة و موقع عليها الأستاذة /صابرة المتابعة بالمديرية بتاريخ 6-4-2010 من العام الدراسي الماضي بدليل أنني لم أكن نائما و لكني كنت مرهقا ذهنيا و عصبيا و ذلك نتيجة لكثافة الفصول الذائدة عن النصاب القانوني الذي حددته الوزارة و هو 40 تلميذا أما النصاب الفعلي للفصول بالمدرسة يتراوح بين 50 و 60 تلميذا و قد سبق و تقدمت للإدارة بشكوى في 27 -10-2010 مرفق صورة من الشكوى, ففي ظل كثافة الفصول الذائدة بنسبة 150% و في ظل تكليفي من قبل التوجيه بتدريس 24 حصة أصبحت أقوم بالتدريس لأكثر من 450 تلميذا, أي قوة مدرسة كاملة و مطلوب مني أن أُعلم هذا العدد و أختبرهم شهريا و أسجل درجاتهم بملف الإنجاز و أفحص أنشطتهم و أضع برامج علاجية للضعفاء و أتابع هذه البرامج العلاجية , فهذا جعلني أصرح بأنني معلم فاشل و لا أصلح للتدريس و لكن زملائي قالوا لي بأنني معلم جيد و مجتهد لكنكم أثبتوا صحة رأي في نفسي ,بالإضافة بأن السيدة/ صابرة المتابعة بالمديرية تتعامل مع المعلمين بأسلوب غير تربوي حيث تصرخ و تصيح في وجه المعلمين و تجري و تغلق بوابة المدرسة بالقفل كأنها تقوم بحملة ضبط للخارجين علي القانون و جعلتني أتذكر أيام كنت تلميذا أقف أمام معلمي خائفا أرتجف رعبا منه . فكيف لهذا الشخص أن يعمل بوزارة التربية و التعليم. و أخيرا أتوجه لسعادتكم بسؤال, هل 550 جنيه مصريا كثيراً علي ثلاثة أطفال و أب و أم ليتم خصم يوم منهم أي حوالي 20 جنيه. و أحب أن أذكر سعادتكم بأن المعلم في مصر هو الموظف الوحيد الذي يشتري أدوات عمله علي نفقته الخاصة من دفاتر تحضير و دفاتر رصد درجات و أقلام.
و تفضلوا بقبول جزيل شكري و تقديري
مقدم لسعادتكم / ....................................
معلم لغة إنجليزية
11-11-2010
التوقيع:.......................................... .....
الرقم القومي:....................................
:giljotiiniug3::bosyht9:

وقعت ياعمو
وهما يعنى هيملوا صندوق الجزاءات إزاى غير بهذه الطريقة
الناس محتاجة سلف من الصندوق يعدوا بيها العيد
ياريت تخليك متعاون وتعتبرهم زكاة عن مالك
أنصحك كأخ
لاتحاول عمل شوشرة لأن الناس دى لابتتهدد ولابتخاف
وعندهم أمر من الوزير بالنقل ومضاعفة الجزاء

بس عندى سؤال هى محافظة الدقهلية نقلت نشاطها هنا ولا إيه ؟؟؟
حتى الشكاو ى بتقدموها هنا كمان !!!!!!!!!!!!!!!!!
تبقى نصيبه لايكون مديرة الادارة ووكيل الوزارة عضو هنا كمان !!!!!!!

يلا اللى له ضهر ماينضربشى على بطنه
والمنتدى بتاعكم

إلي جدو عبده اسمع رأي : مصر بالذي فيها مايتبكيشي عليها و العايش فيها غرقان و الخارج منها نفدان . و لما السئ يحكم عليك ان انت سئ يبقي انت جيد . دول شوية قفف علي شوية بلاليص لزوم التهيص و التهجيص

عندما قرأت مذكرتك عرفت هدفك
مفيش انسان وخاصة لوكان مربى فاضل
يطالب بحقه هذه الطريقة

قول كل اللى عنده وافرغ بماتحتويه وسأتقبله
فتحت إدارتى الكثير من هذا الصنف
وبتوفيق الله طهرنا منهم مبنى المدرسة
لقد جئت بهويتك الحقيقية
فقل ماشئت

بالراحة علينا شوية يا جدو .انا كنت فاكر حضرتك معلم شاب لكن يظهر إن حضرتك مدير أو معلم قديم بالمهنة و بالنسبة للتطهير مافيش داعي للعصبية أنا يدي في يدك من الصبح و غيرلي المسمي الوظيفي الي أخصائي مسرح مثلا علشان متقولوش ان انا و أمثالي السبب في هدم التعليم في مصر.

إنت أخدت الكلا م عليك ولا إيه؟

ياأخى كان فى المدرسة بتاعتنا متابع منتدب للإدارة كتوجيه وكانت أخبارنا كلها هناك
كانت الجزاءات بتجى لنا كل صباح زى كوب اللبن للأطفال
وعملنا اللى قدرنا عليه وذهب بلا رجعه
لكن للأمانة كان فى زمن الوزير السابق
لكن الوزير الحالى
صدقنى كلنا نعمل فى حقله الخاص
فلاتثير غضبه لأنه لايفكر فى قراره
وليس ببعيد أن تجده فى مدرستك بعد غد
وانت عارف الباقى
إذا كانت زميلة برتبة متابعة فعلت مافعلت مابالك بمتابع برتبة وزير !!!!!
اتهيأ لى يحرج إنه يقول الجزاء أقل من عشرة مجمدة
وزير بقى وإيده فرطه

ربنا يلطف بينا ويعدوا الشوية اللى باقيين على خير

كلامك صح و أشكرك علي التوضيح و ربنا يبعد عننا و عنك شر الوزير و هذا كان بس شوية فضفضة مني .

لاتترك حقك
ولكن بالطرق الرسمية
فالمنتديات مثل الفضائيات
لاتأخذ من ورائها سوى الشوشرة وإثارة حتى عامل البوابة فى الإدارة بتاعتكم ضدك
يعنى حقك ممكن يضيع بالعناد !!!!!!
واستعينوا على قضاء حوائجكم بالكتمان
وليس بالإعلان ياأخى ولا إيه ؟؟؟

عليه الصلاة والسلام
شكرا

خذ عندك يا جدو بالمرة المذكرة التي قدمتها بخصوص ارتفاع كثافة الفصول:

بسم الله الرحمن الرحيم
السيد الفاضل/مدير عام إدارة أجا التعليمية
تحية طيبة و بعد
مقدمه لسعادتكم/............................- معلم لغة إنجليزية - بمدرسة ............................................
خريج كلية التربية ؟199

أحيط سيادتكم علما بأنني سوف أرفض الدخول إلي حجرات الدراسة بعد سبعة أيام من تاريخ اليوم الأربعاء الموافق 27-10-2010 إذا لم تنفذ القوانين المنظمة للحد الأقصى المسموح به لكثافة الفصول وهو أربعون تلميذا كحد أقصي للفصل حيث أن كثافة الفصول بالمدرسة تزيد علي الخمسون تلميذا و تصل إلي الستون تلميذا بمدرسة ........................................ أي أن قوة الفصل الفعلية 150% , مما يعوق قدرتي علي أداء عملي و ضياع وقت الحصة في السيطرة علي التلاميذ مما يؤدي إلي انهيار العملية التعليمية علميا و سلوكيا و عدم قدرتي كمعلم علي التعامل مع الطلبة حسب الفروق الفردية كما يؤدي أيضا إلي الانفصال العقلي و العاطفي بيني و بين التلاميذ و قد جعل هذا جو المدرسة كإستاد لكرة القدم, و حتى إن استطعت أن أسيطر علي تلاميذ الفصل علي حساب قدرتي العصبية و العقلية فلن أستطيع أن أسيطر علي باقي فصول المدرسة و التي تشبه المهرجانات حيث يأتي الضجيج من النوافذ و الأبواب التي لا نستطيع أن نغلقها علي هذا العدد من التلاميذ الذين يجلسون أربع تلاميذ متجاورين علي مقعد واحد يجمعهم، و لكن تفرقهم الفروق الفردية من قدرات عقلية و خلفيات ثقافية و نفسية و اجتماعية مختلفة يُطلب من المعلم أن يتعامل ويتجاوب مع كل هذه المتغيرات لهذا العدد من التلاميذ ,فكيف ؟ أهذا علي اعتبار أن المعلم آلة ناطقة لا تتأثر بالضغوط المُتجاوزة للحد , إن كان كذلك فيمكنكم استبداله بشريط كاسيت أو أية آلة تعليمية ناطقة..أرجو من سيادتكم تنفيذ القوانين الصادرة من وزارة التربية و التعليم في هذا الشأن و معاقبة من يخالف هذه القوانين و تحميله المسؤولية.

و تفضلوا بقبول فائق احترامي و تقديري.
مقدمه/.................................................. .....

و طبعا يا جدو انا لا رفضت ادخل و لا حاجة لكن كان مجرد تهديد علشان يعملوا حاجة في الادارة

مدرستي كثافة الفصل بها 85 طالب مع العلم بانها مدرسة اعدادي بنين تابعة لادارة بولاق الدكرور ونوعية الطلاب بها حدث ولا حرج فماذا تفعل لو كنت مكاني

ياعم الامور ادارة أجا ايه ومدير ادارة ايه افشل ادارة على مستوى الجمهوريه ولو مش مصدق اطلع الدور الخامس قسم الملفات الساعة 11 مش هتلاقى حد هناك واسال كده مثلا على سبيل المثال عن الاستاذ نجييييييييييييييييييييييب بتاع الملفات اللى قاعد على المكتب اللى على يمين الباب لما تدخل تسال عليه هيقولك مش موجو
والحقيقة ان البيه بيسيب شغله ويروح يبيع ابواب وشبابيك
ولو عاوز عنوانه منية سمنود دقهلية
وسلم لى على مدير ادارة أجا دا نايم فى العسل نوم وربنا ينتقم من اللى زيه

إدارة أجا التعليمية من اسوا الادارات وأفشلها وحسبى الله ونعم الوكيل


والسبب فى ذلك:-
أولا: حالة التسيب والفوضى داخل الادارة ولا رقيب ولا حسيب لأى موظف ولو مش موجود لك واسطه داخل الإدارة
اعمل حسابك انك تروح بدل المرة عشرات المرات ومش هتخلص بردك الا بالواسطة
ناخد مثال صغير خالص :
جمع المعلمين ادركوا بانه توجد نشرة ارسلت للمدارس تطلب اى شخص يحمل ( دراسات عليا - ماجيستير- دكتوراه ) وعلشان تتفضل سيادتك وتقدم الاوراق دى لازم تقدم اصول الاوراق مع الورق او تقدم صورة من الاصول ولازم تتمضى وتتختم صورة طبق الاصل وعلشان كده لازم تروح قسم الملفات ومين اللى ماسك قسم الملفات (الاستاذ نجيب )- قسم الملفات يقع فى الدور الخامس ومكتب نجيب بيه على اليمين من الباب علشان اللى عاوز يتاكد من كلامى - نروح مرة واتنين وتلاته علشان نمضى الورق من نجيب أفندى لا حس ولا خبر والكلام ده ياجماعة مش اليومين دول وبس انا متعامل مع الإدارة من فترة 10سنوات وعرفنا ان الافندى بيترك شغله ويروع يبع شبابيك وابواب الوميتال والمحل ياجماعة منية سمنود علشان لو حد عاوز يمضى ورقة ولا يشترى شباك ولا باب

الفساد الثانى : بعنوان الواسطة اولا والمحسوبية ثانيا
فمنذ ايام انتدبت الإدارة مجموعة من مدرسى مادة اللغة العربية من المرحلة الابتدائية لسد العجز فى المرحلة الاعدادية
وتم الانتداب دون مراعاة لسنوات الخبرة أو الاعلى مؤهلا أو الاعلى تقديرا وكل المعلومات والمستندات التى تثبت صدق كلامى موجودة معى
بس عاوز أسأل ياترى الواسطة الأول ولا المحسوبية الاول اللى يعرف ياجماعة يجاوبنى ولا اتصل بصديق ولا أحذف اجابتنى.
وسلملى على مدير إدارة اجا اللى نايم وشادد الغطا عليه اوى ومتنسوش ياجماعة تعملوا زيارة لنجيب أفندى بلاش فى الشغل لانه مش موجود ياريت يكون فى محله اللى فى منية سمنود

حسبى الله ونعم الوكيل

انت كدة كويس احنا بقه فى إدارة مديرها بيقول أنا جاى أتصيد لكم أخطاء وبيقول لمدرسين الحصة امشوا من المدرسة واحنا عايزينها تخرب والمدرسة بتاعتنا العزبة بتاعتهم بيتلككوا لنا على أى حاجة والمدرسة ابتدائى واعدادى فيها 600 طالب مع 12 مدرس وعامل واحد مبيجيش مع إن المدارس جمبنا أقل كثافة وفيها الفصل 20 طالب واحنا 64 وميقدروش يكلموا حد فيها ومشاكل تانية كتير بلاش أقولها ودى أسوأ إدارة فى محافظة البحيرة بلاش أقول إسمها وحسبنا الله ونعم الوكيل.. وصلوا على نبينا محمد عليه الصلاة والسلام.

اتجموعوا كلكم فى المدرسة وامتنعوا عن العمل وقدموا شكاوى جماعية ومتسيبوش حقكم

ربنا معاكم
في مدرستنا كان عدد الفصل الفعلي الحاضر 50 تلميذ جاء المحروس المدير العام وألغي 5 فصول ورفع كثافة الفصل الي 65 تلميذ حل رائع ههههههههههههههههههههههههههههههههههههههههههههه لسد العجز
واللي يعترض( يبعته يعمل عمرة في البناجر) أقصد نقله لأبعد مدارس برج العرب بالاسكندرية
ونصيحة من أخ: الشكوي لغير الله مزلة

صابرة دي بعبع المتابعين جات عندنا المدرسة مرة السنة الماضية و اصطدمت مع المدير بس كان أجمد منها و ما رضاش يمضي لها ع المخالفات و كلمت له وكيل الوزارة و مدير الأدارة و فعلا قعدت تصيح و تزعق هي متابعة مزعجة ... و بالنسبة لعم نجيب أنا متعامل مع قسم الملفات من أيام مبني الأدارة القديم اللي كان جنب المدرسة الأبتدائي و الفني و فعلا أدارة أجا أدارة زبالة و اللي مستعد يسمع حكاياتهم ممكن أحكي له ايام من سنة 1999 حتي 2011

بارك الله فيك