تسجيل الدخول

مشاهدة النسخة كاملة : حصري جدااا مسلسل يوميات نديم راائع جدا

حووور الجنة
29-03-2011, 09:54 PM
السلام عليكم و رحمة الله و بركاتة

سوف انقل لكم مسلسل جديد قمة في الروعة و التأثير بالاضافة الي انة واقعــــي جدا و ممكن يحصل مع اي شاب او شابة في حياتنا ممكن يكون البطل واحد مننا انا انت انتي اي حد بيمر بظروف ممكن اي حد يمر بيها مش هطول عليكم المسلسل اسمة يوميات نديم

((الحقيقة انا مش عارفة القسم المناسب لية انهي قسم :blush: بس لو تكرمو حضرة المشرفين انهم يتولو الموضوع دة و يبقي جزاكو ربنا كل خير))

الحــــــــلــــــــــــــــــــقة الاولــــــــــــــــــــــــــــــــــي


ايه ده،، صوت دوشة جاي من بعيد....اوووف ميت مرة أقولها توطي الزفت التيليفزيون...حطيت الزفتة المخدة على دماغي عشان أكمل نوم..

\\ زعيق تاني.

ياااادي القرف.. حاولت أفتح عيني..لكن الهانم كمان سايبة النور مفتوح،، أنا قلت طب هنام بقى :P
و شديت الزفتة البطانية و غطيت عيني...

\\الدوشة زادت أوي


اااااه شكلي هقوم أتخانق.. مهو أنا طول اليوم طالع عيني في الكلية و مستكترين عليا الكام ساعة اللي بنامهم.
نطرت الزفتة البطانية... و رميت الزفتة المخدة
و فتحت عيني... ايه ده! احنا الصبح ولازم أروح الكلية..
\\ زعيييييق


قلت بملل،، خلاص صحيت.. أحب أعرفكم دي خناقة كل يوم..ماما و جميلة بيعملوها .. تحرياتي بتبين إنها على الأغلب معمولة عشان يصحوني.. مش معقولة في اتنين عندهم القدرة إنهم يلاقوا مشكلة يتخانقوا عليها كل يوم الصبح،، لأ و سبحان الله ..الخناقة بتبقى كل يوم الساعة 6... الحق يقال إن غالباً بيعملوا كده عشان ميدخلوش اوضتي
:$:$

احم احم،، بيقولوا إن ريحتها وحشة و منظرها يقرف : )

من ساعة مدخلت الكلية دي و أنا مش حارمهم من ريحة وحشة و لا من منظر بدييييييع
:D:D


**********


طبعاً بمجرد مبطلع من الأوضه بلاقي ماما و جميلة بقو زي السمن على العسل..الصلح خير بردو :)
ماما: مالك مبهدل كده عالصبح
أنا في استغراب: لسه صاحي من النوم يعني أطلعلك ببدلة مثلاً يا ماما
ماما في اشمئزاز: هتفطر؟
اوباااااا ربنا يستر ما هو لو جميلة عاملة الفطار يبقى على جثتي
why not أنا: لو من ايديكي الحلوين يبقى
ماما في ابتسامة خبيثة فهمتني: ايديا الحلوين بردو..أيوا يا سيدي عملتلك فطار في المطبخ روح كل بس اغسل وشك الأول و انضف و البس حاجة شيك شوية..
ابتديت أشك إني لابس لبس مبقع ولا مقطع و قعدت أدور في لبسي و قلت في سري: دي أشيك حاجة عندي
:D


************


و أنا بفطر بعد م نضفت و لبست لبس شيك عشان أعجب ماما :D
دخلت ست جميلة بطلتها البهية
مش فاهم أنا هي ليه مصممة تثبت قدرتها الخارقة على التنكر، عندها قدرة عجيبة إنها تبدو كل يوم بشكل مختلف تماماً عن اللي قبله..هي في جامعة خاصة معظمهم مطرقعين زيها،، شوفوا مش أنا أخوها الصغير بس سبحان الله العقل ده نعمة :).. هي أي نعم بيبقى شكلها جميل- غالباً يعني- بس بردو كده كتير.. بتهيألي ناقص تكتب على قفاها أنا بنت مدام فيفي مصممة الأزياء و الهواري باشا رجل الأعمال...
بكره الفشخرة..


good morning honey جميلة
أنا: و انتي طيبة
:D
جميلة: ايه رأيك في الفطار.. معلش معملتش حاجة في الفطار انهارده بس كنت بجرب اعمل لوك جديد شفته في المجلة اللي....

و اندمجت في وصف أحدث صيحات التفاهة و طبعاً أنا سرحت لأني كنت هتنقط
أصحاب العقول في راحة
المهم إنك مرتكبتيش جريمة الفطار بتاعة كل مرة..
جميلة مهووسة بالتغيير ..أي حاجة جديدة بتبقى عايزة تعملها
مرة تعملنا مش عارف شوكو ايه و كتكت بان و حاجات ممكن تستخدم في تعذيب المعتقلين مش تغذية بني آدمين..

جميلة: hey
أنا : ايه؟؟
جميلة: ايه رأيك؟؟
أنا: في ايه؟؟
جميلة: أنا بتكلم في ايه من الصبح يا أخي
أنا: يالهوي الساعة 7 أنا كده مش هعرف أروح الكلية الله يسامحك..
جميلة: ممكن أوصلك على فكرة بعربيتي



\\هأو أنا أمشي جمبك في الشارع و انتي بالمنظر ده .بالرغم من إني المفترض آخر العنقود إلا إني معنديش عربية، لسه مجبتش سن الرخصة و مش عايز أعمل رخصة بمساعدة معارف بابا...

أنا : لأ شكراً

و طلعت أجري لتكبر في دماغها إنها توصلني
و

أشوفكو الحلقة الجاية :)

اسفة لتاني مرة لو كنت كتبتة في القسم الغير مناسب لية و امتني اشوف تعليقاتكم

و استودعكم الله الذي لا تضيع ودائعة :)
Mr. Ali 1
29-03-2011, 09:57 PM
يبدو عليها حلقات شيقة وبالفعل تحدث كثيراً في الواقع
وان شاء الله أحاول أن أتابع هذا المسلسل ( مع اني بتابع التاريخي السوري فقط ) :d
واعذريني علي نقل الموضوع للقسم الأدبي , وإلا وجدت القسم العام مملوء
بالمسلسلات والأفلام والمسرحيات أيضاً :o
شكراً علي الحلقة الأولي .
تقبلي مروري .
حووور الجنة
29-03-2011, 10:23 PM
يبدو عليها حلقات شيقة وبالفعل تحدث كثيراً في الواقع
وان شاء الله أحاول أن أتابع هذا المسلسل ( مع اني بتابع التاريخي السوري فقط ) :d
واعذريني علي نقل الموضوع للقسم الأدبي , وإلا وجدت القسم العام مملوء
بالمسلسلات والأفلام والمسرحيات أيضاً :o
شكراً علي الحلقة الأولي .
تقبلي مروري .

ربنا يجزي حضرتك كل خير علي هذا المرور الجميل و اتمني ان ينول اعجاب الجميع :)
عاشق البلانكو الابيض
29-03-2011, 10:39 PM
فى انتظااار الحلقااااات القااادمة
شكررا على الموضوع
H.H.KH
29-03-2011, 11:01 PM
شكله مسلسل حلو ..........فى انتظار الحلقة القادمة
ومتتأخريش علينا يا قمر;)
وبشكرك على مسلسلك الجميل:)
حووور الجنة
30-03-2011, 12:36 PM
السلام عليكم و رحمة الله و بركاتة

ياارب تكون الحلقة الاولي عجبتكم


الحــــــــــــــــــــــلـــــــــــــــــــــــق ة الـــــــــــــــــــــــــــــــــــثانــــــــــ ـــيـــــــــــــــــــــــــه
وصلت الكلية ... كلية حاسبات العظيمة .... (( و دي للعلم الكلية بتاعتي الله يكون في عونا بصراحة :frown::frown:)) ...داخل في وسط زمايلي من الضحايا.. حاجة بتجمعنا كده كحاسباتية أو غالبنا يعني لينا
سمات باينة

الظهر المعووج->من شيلة اللابتوب
العينين الحمرة-> من القعدة على الجهاز
وش مرهق على الأغلب ->من مجهود الكلية
تتنيحة لا مغزى لها و هموت و أعرف دي من ايه
:d


********

و كالعادة بمجرد معدي على مسجد الكلية أفتكر إني مصلتش الصبح ولا اتوضيت أساساً، و لسه بلف عشان أروح
أتوضى و أصلي

ياسر: نديم باشا
أنا: صباح الفل
ياسر: صباح القشطة
أنا: جي بدري يعني على غير العادة
ياسر: منا كنت مطبق بقى قلت لو نمت مش هاجي انهاردة و ميرضيكش درجات اللاب تروح اونطه
أنا: و أنا بقول ياسر و الساعة 8 و الا كمان مش راكبة : )
ياسر: رايح فين ؟
أنا: هتوضي و أصلي
ياسر بنظره استغراب: تصلي ايه؟
أنا: الصبح،متعطلنيش بقى


و سبته و مشيت


غالباً ياسر مش مستغرب عشان أنا مصلتش الفجر..بس هو متعود يشوف الناس بتروح تصلي في نص اليوم بس مش أكتر..ربنا يهديه...هو أنا أي نعم ضايع..بس معلش بقى كله إلا الصلاة.. بصراحة الناس اللي مبتصليش دي يعني ايه الاستهبال ده..ساعات كتير بقعد أفكر مع نفسي الناس اللي مبتصليش دي مبتصليش لييه.. أصل هما مدام عارفين إن ربنا اللي خلقهم و إنه إلههم و نعم ربنا مغرقاهم و محدش مش عارف إنه هيجي يوم اللي يتحاسب فيه..

هي صعبة أوي يعني..الصلاة بتاخد 5 دقايق، قول بالوضوء 10 دقايق، 10 في 5 صلوات يعني اجمالي حوالي ساعة من ال 24 ساعة بقابل فيهم ربنا.. صعبين..خلاص يعني مشغول أوي مش عارف أفضي نفسي ساعة..والله عيب أوي.. و بعدين أنا كمان اللي مخليني حالف منا سايب الصلاة مهما هببت ايه في عيشتي إن سمعت من الشيخ في صلاة الجمعة مرة إن اللي بيسيب الصلاة ده العلماء بيقولوا كافر بس كافر كفر أكبر ولا أصغر دي فيها خلاف..

بس فكرت كده..أنا أبقى كافر؟ أعوذ بالله..ده جنان ايه ده اللي يخليني أبقى كافر قصاد إني مقفش أصلي ساعة في اليوم.. كتير بلاقي نفسي مش قادر.. بس لأ الموضوع كبير و مش سهل ..هو أنا ضامن هموت امتى.. يا رب احفظنا من العذاب..


***************

بعد الصلاة دخلت في دوامة السكاشن و المحاضرات و جت آخر محاضرة و دي بتبقى حبيبتي، أي نعم أنا ببقى طالع وشي عامل زي مكون كنت في خناقة بس اهو إفراج..

الكلية مش وحشة ولا حاجة بس شغل جامد.. أنا صحيح أه لعبي و بحب العك.. بس مبحبش التخلف صراحة.. يعني ربنا كارمني بكلية محترمة.. طب مقعد أسمعلي كلمتين ينفعوني.. و مبحبش أطلع مهندس حمار:) ... و كليتنا بقى المجهود فيها جامد .. معرفش ده حاجة غير الكليات التانية ولا لأ بس مبدأ علم نفسك بنفسك ده صعب عليا..يمكن لأني متعودتش عليه..بس يلا أدينا بننضف الدماغ..


*****************

خلصت المحاضرات و الضحايا خارجين و أنا متنح مكاني
سامح بذكاء متناهي: هو في محاضرة تاني ولا ايه

و فطسنا من الضحك

جمال الشهير بجيمي: اه يبني الدكتور خارج بس يجيب ورق الكويز و راجع تاني استنانا انت هنا و احنا رايحين نجيب حاجت من الكافتريا و راجعينلك
سامح الغلبان صدق: طب جيبولي معاكو فشار
ضحك هستيري
إسلام: قوم يا حبيبي روح انت مش حافظ الجدول
سامح ابتدى يستوعب: انتو فايقين بقى
أنا: سامح يا حبيبي سبحان الله أنت طول المحاضرات كلها نايم و بتصحى أول مالدكتور يخلص، متنام في بيتكو و تخلصنا
سامح: يا عم أنا ببقي بريح دماغي بس ببقى سامع
أنا: يلا يا جماعة نمشي ده هيشلني
سامح: انت مروح فيصل ولا هرم.
أنا: أنت مروح ايه؟
سامح: هرم
أنا: يبقى أنا فيصل سلام يا سامح

**********

أنا: شباب ايه ايه رايحين فين؟
إسلام: رايحين السيما يا عم، هنكون رايحين فين مروحين
طارق: على فكرة العشاء قربت و مصليناش المغرب.
أنا: أنا بقول كده بردو.
جيمي: أوك يلا نصلي.
ياسر: طب أنا ماشي يا شباب عشان في ناس مستنييني
سامح: خدني معاك أنا هصلي في البيت بقى
روحنا نصلي و إسلام مشي معانا في صمت.. لازم الواحد يكسفه يعني :d
و بعد الصلاة أماني - و دي تبعي - و شلتها خارجين من الكافيتيريا
و طارق لما شافهم جايين: أنا هخلع أنا بقى
\\ طول عمره مبيحبش يقف مع بنات
أماني: نديم
\\ يالهوي لما بتنده عليا بحس إن اسمي اختلف يا جدعان و عملت نفسي مش سامع عشان تقول نديم تاني :d
أماني: نديييييم
أنا: أهلين
ابتسمت و قالت: ازيكوا يا شباب
\\ طول عمرك تقيلة و طبعاً باصصلها بصه الاهبل
أماني : مين طالع الرحلة يا جماعة؟
و طبعاً شلتي شلة المقاطيع كلها طالعة
أنا : كلنا وانتو
أماني: أنا احتمال
نهلة: شووور
هنا: بفكر افكسلكو انتو أصلاً عيال خنيقة
أنا : و انتي بت تنكة
هنا: أنا بردو اللي تنكة متبص لنفسك
أنا: اتلمي بدل محدفك باللاب
هنا: متقدرش
إسلام: يخربيت أم التناحة أنا ماشي يا عم انتو رايقين بقى
جيمي بيغمزلي : جاي معانا ولا القعدة عجباك هنا
أماني ابتسمت و قالت : يلا روحوا بقى سلام

\\ تقيلة تقيلة يعني مش أي كلام


***********

رجعت البيت بمنظر صعب، و قلت أنا لو ماما شافتني ممكن تتبرا مني..

ايييييييه القرف ده اقف عندك

أنا: اوبااااز و اهي شافتني
ماما: ايه اللبس المبهدل ده انت نزلت كده انت عايز تفضحني

\\يا جماعة أنا مش مبهدل ولا حاجة بس ماما حساسة حبتين

أنا و حاطط ايدي على قلبي: جميلة مدت ايديها في الغدا
ماما: أنا زهقت منك نفسي مرة أحس إنك ابني..أنا مصممة أزياء يابني البس عدل على الأقل
أنا : ماما أنا جعاااان
ماما: الأكل عندك
أنا: جميلة فين؟؟

ماما بابتسامة غير مريحة اطلاقا: خلصت طبيخ و بتاكل روح كل معاها
\\يععععععع
أنا : لأ أنا أصلاً عايز أنام تعبان أوي هصلي و أنام


******************

صليت و فتحت الفيس و المسنجر و تويتر و كل و أي حاجة ممكن أماني تفتحها و قعدت مستني لحد ميظهرلها كومنت و لا ستيتس و لا أي اكتيفيتي لحد منمت جمب اللاب لا أماني فتحت و لا انا عملت ولا أسيمنت


إلى اللقاء في حلقة تانية;)
عاشق البلانكو الابيض
30-03-2011, 01:49 PM
حلقة جميلة
شكرررا
حووور الجنة
30-03-2011, 08:16 PM
السلام عليكم و رحمة الله و بركاتة

الحـــــــــــــــــلـــــــــــــــــــــــــــــ قة الثــــــــــــــــالـــــــــــــــــــــــــــــ ثة



<ding>
\\أول حاجة فتحت عيني عليها الساعة 8 الصبح، و اتنطرت من مكاني....ايه ده مش ممكن دي أماني بتكلمني أنا ..أنا..أنا أكيد بحلم

MOONY: hey, fenak? :)

\\أنا قلت بما إن التقل صنعة

Nadeem: hna tb3an hakoon feen bas mash3’ool shoya m3lsh

يلا اشمعنى هي \\
:D

MOONY: ok, I’m sorry :) salam

\\ايه ده ايد ده بينها ماشية ولا ايييه دنا مصدقت اصلاً أنا مرزوع هنا من امبارح..سلام ايه بس

Nadeem: la2 ana 5las 5last aslan, w b3den 7ata law mash3’ool :D
MOONY: :) la Abadan ana kont basalem.. asly l2yak fate7 mn embare7, enta bt3ml program mn warana wla eh

\\ههههههههه ، هو أنا أي نعم بفهم بس مش للدرجة دي..هو أنا بيقعدني قعدة الذل دي إلا انتي
:)

Nadeem: la la , ana kont mstny nas m3rfa yfta7o ,sebek mny 3mla eh?
MOONY: m3lsh ya nadeem lazm amshy, 3yza a7adar elfetaar lbaba 3shan yeftar 2bl salat elgom3a :) salam

\\ايه ده!! باباكي بينزل بدري أوي للصلاة، و الله شكله راجل محترم :) مش زيي
:D

Nadeem:mashy salam
\\أنا مش مصدق أماني كلمتني
:D
*****************
يوم الجمعة بقى في بيتنا حاجة تانية خالص.. الست جميلة الأنيقة بتطلع كبتها علينا
يوم الجمعة وشها بيختلف لونه حسب الماسك المقرر في المخطط التجميلي بتاعها
يعني جمعة تتطلع زرقا و جمعة تطلع صفرا، و أحيانا بتنجاني..و بتبقى حاطة على ضوافرها حاجات لزجة و شعرها بيقى مطاطي و بتقلب بفيلم رعب.. نفسي أعرف البت دي جوزها هيستحمل عمايلها ازاي..دنا بقيت بغض بصري عنها :)


أما ماما بقى ، فهي تختلف عن جميلة تماماً..هي بتبقى أنقح :)
أنا و بابا بنسيبهم في جو العفاريت ده و بنستخبى في أي اوضه لحد مينصرفوا
:D


بابا ده بقى راجل حكاية..حبييييبي
راجل زي العسل.. من أعضاء حزب العاقلين في البيت.. الوحيد اللي بعرف اتكلم معاه في أي حاجة مهمة في البيت ده.. بس المشكلة إنه دايماً بيبقى مشغول.. معذور مهو بيشقا عشان نعيش في المستوى ده ..و طبعاً عشان يلاحق على مصاريف مستحضرات ماما و جميلة..

***********


أول ماشفت بابا طالع من المطبخ افتكرت فلوس الرحلة...يبقى لازم أعمل الحركتين المهروشين بتوعي
أنا : حبيب قلبي، الباشا الكبير ، معلمي، واحشني أوي
و لسه رايح اترمي في حضنه لقيته راح لافف
بابا: اعمليلي قهوة يا فيفي و متخليش جميلة تعملهالي أبوس ايدك
و بصلي و قالي: عاوز ايه :)
:$:$
أنا: فاهمني طول عمرك
بابا: :) قول يا سيدي
أنا: أصل عايز أطلع رحلة كمان اسبوع و كنت عايز فلوس بقى و كده
بابا: ماشي يا سيدي خد اللي انت عاوزه و يلا اجهز عشان ننزل للصلاة

أنا: مش بقول إنك حبيبي

**********

و لسه بلف
أنا: عااااااااااااااااا
جميلة: عااااااااااااااااااااااااا
أنا: اييييه!
جميلة: ايه انت!!
أنا: ايه في عينك!جتك الارف ايه اللي انتي عاملاه في وشك ده؟ده وباء؟
جميلة:يابني ده ماسك التين الشوكي عشان إزالة التجاعيد..
أنا: ربنا يشفيكي...تجاعيد!! تجاعيد ايه ؟؟انتي خلاص عجزتي؟!!
:O
أنا : و ايه ده فين رموشِك ودتيها فين؟؟حلقتيها؟؟
جميلة في سعادة بالغة: شقرتها

\\كان لازم أمشي قبل ما يغم عليا ولا حاجة ودخلت المطبخ و أنا بحاول أنسى منظر البعيدة

*********************

أنا: عااااااااااااااا،،و دي مين دي كمان..تعالي شوفي يا ست جميلة نسيتي حد من صحابك في المطبخ..
ماما: اقعد بطل هبل ايه الدوشة دي أول مرة تشوف حد حاطط ماسك
أنا: ماما حبيبتي انتي زرَّعتي..ايه الخشب اللي في وشك ده!!
ماما: ماسك بخلاصة أخشاب الصنوبر
أنا: و ده لايه بقى ؟؟ حب الشباب؟؟
ماما: بس بقى خليني أجهز الصبغة لاختك
أنا في انهيار و استسلام: أنا عايز أرَوَّح
و رحت أدور على حد عاقل في البيت ده


************

بابا: لسه مجهزتش؟؟
أنا: ايه يا بابا، انت كنت بتحضر عفاريت في المطبخ من ورايا؟
بابا: هههههه، انت مش عارفهم يعني
أنا : ربنا يصبرك عليهم يا عم
بابا: و عليك ياخويا لسه هستنى لما تسمتحمى عشان ننزل
أنا : و استحمى ليه أنا هتوضي و أحصلك

بابا: يابني ده النبي عليه الصلاة و السلام بيقول : من غسًّل يوم الجمعة و اغتسل، ثم بكر و ابتكر، و مشى و لم يركب، و دنا من الإمام فاستمع و لم يلغ؛ كان له بكل خطوة عمل سنة أجر صيامها و قيامها
أنا: خلاص يا باشا هستحمى و احصلك


***************


في طريقي للمسجد
\\ يا رب سامح ميشوفنيش، أصله ساكن جمبي..و كل جمعة بيقفشني..
لسه بقلع الجزمة..لقيت اللي بيزقني و اتكفيت على وشي بمنظر كوميدي و الناس متنحة.. سامح!!
سامح: نديييييم
\\ لو مكناش في مسجد
سامح: ايه يا عم انت خرع كده ليه
\\ استنى و اتأنى و اهدى و اوعاك يا طربش تطلع
~الآذان~
\\ الحمد لله إنه الآذان أذن قبل مرتكب جريمة
و دخلت في الزحمة عشان اختفي من سامح:) و ابتدت الخطبة

و


المرة الجاية بقى نكمل;);)
نقاء الروح
31-03-2011, 03:08 PM
حلقات رووعة اوي
ولا البت جميلة دي تحفة بجد :d
ولا ماسك التين الشوكي دا انا عاوزة الوصفة :p
الله يعين نديييم عليها .. هههههه
متابعة ياقمر بانتظااارك
amirmina2005
31-03-2011, 08:28 PM
جزيل الشكر علي الموضوع
حووور الجنة
31-03-2011, 11:36 PM
ايوة كدة يا جماعة عاوزة تفاااعل حسسوني بالامل شوية و انا مبسوطة اوووووووووي انها عجبتكو ربنا يجزيكم كــــــــل خير عالمرور الجميل دة

و هنكمل مع بعض الحلقات ان شاء الرحمن
حووور الجنة
31-03-2011, 11:49 PM
سلامووو عليكم يا أجمل الاعضااااء

الحـــــــــــــلقة الـــــــــــــــرابعـــــــــــــــــــــــــــــ ــــــة


انهاردة لاحظت إن الإمام اتغير.. و الراجل اللي بيخطب ده مش غريب عليا.. شكله ابن الإمام..غريبة أوي.. و قضيت وقت الخطبة كله عمال أسأل نفسي يا ترى الإمام مجاش ليه ده من و أنا صغير مغابش ولا جمعة..أنا فاكر كان مرة جه و هو تعبان أوي.. و كان مش قادر يقف.. ياااه الراجل ده مفيش حد في المنطقة مش بيحبه.. كان كل مزعل أنا و بابا .. و بابا يحب يصالحني من غير ماخد بالي :) يكلم الشيخ أحمد و يقوله يكلمني.. كان عارف إني مبعرفش أرجعله كلمه.. ما هو وشه فيه طيبة مشوفتهاش قبل كده و نور جميل، و كلامه بيدخل قلبي من غير استئذان.. طول عمره نفسه أوي إني ابقى حد كويس .. بس أنا كتير بهرب منه أو من مواجهته،، بالرغم من إني بحبه أوي..معرفش ليه..أو يمكن أعرف...




و قطع تفكيري صوت الإقامة.. و بردو معرفتش ايه اللي خلا الشيخ مجاش!


و في الصلاة قرأ الإمام






{وَجَاءَتْ سَكْرَةُ الْمَوْتِ بِالْحَقِّ ذَلِكَ مَا كُنتَ مِنْهُ تَحِيدُ * وَنُفِخَ فِي الصُّورِ ذَلِكَ يَوْمُ الْوَعِيدِ * وَجَاءَتْ كُلُّ نَفْسٍ مَّعَهَا سَائِقٌ وَشَهِيدٌ * لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءَكَ فَبَصَرُكَ الْيَوْمَ حَدِيدٌ}






و بدأ الإمام صوته يتملي بالبكا،، و شوية و الناس ابتدت تتأثر و تبكي.. هو في ايه!!






و أول ما الصلاة خلصت فهمت في ايه لما ابن الشيخ أحمد أعلن بصعوبة بعد ما قدر يستجمع صوته من العياط في الميكروفون إن الشيخ مات امبارح!! و بدأت الناس حواليا تبكي..





أنا مش مصدق!! مش فاهم!!




يعني ايه!!



مات!!







غصب عني لقيتني ببكي زي الأطفال الصغيرين.. يمكن أنا حاسس دلوقتي إني فقدت أبويا..يااااه أنا كنت بحبه أوي.. كنت بحس إن الدنيا بخير لما بشوفه.. كنت بحب دعاؤه للناس و عيونه مليانة دموع الحب ... كنت بحب رقة قلبه في التعامل مع الناس.. خوفه من ربنا لما كان يقرأ آية عن العذاب .. حبه لربنا و كلامه عنه ... فرحته لما كان شباب شارعنا يعملوا حاجة كويسة .. و ازاي كان ليه مع كل واحد ذكرى حلوة .. ياااااه، معقوله مش هشوفه تاني!





و ابتديت افتكر كل حاجة.. و افتكرت إنه كان آخر جمعة كلمني و قالي إننا عايزين نتكلم و أنا طنشت... يا ترى كان عايز يقولي ايه..






من كتر العياط محسيتش بنفسي ولا بالناس حواليا ..معرفتش قعدت اد ايه... محسيتش حتى إنهم صلوا الجنازة و مشيوا و مسحت دموعي و بصيت حواليا ملقتش حد واقف إلا بابا..





كان واقف يبص عليا من بعيد.. و كأنه مستني.. أول مبصتله لقيته ابتدي يقرب


و اخدني في حضنه ... ياااه أنا محتاج الحضن ده أوي... و فضلنا ساكتين و بعدين قطع الصمت بابا و قال





بابا: أنا مش فاهم أنا مش مالي عينك ولا ايه ياد انت


:)


أنا: الله يرحمه، كان طيب.. ......هيوحشني


:(


بابا: يابني الراجل ده أنا معاشره من قبل مانت تتولد.. و يمكن أنا حزين عليه أكتر منك.. الراجل ده ياما شفت معاه سنين.. و عشت معاه على الحلوة و المرة.. و كان من أعز أصحابي.. طول عمره كان حاطط قدامه رضا ربنا.. عمره مجري ورا الفلوس زيي.. يمكن يابني أنا الدنيا زغللت عيني و نسيت نفسي و أنا داير ورا الفلوس أجيب لأمك و أختك.. بس طول عمري عارف إن عمك أحمد اختار الطريق الصح ، لعل يا بني ربنا يهديني أنا كمان.. انت عارف يا بني زمان أول مخلفتك و كان عمك أحمد خلف ابنه أنس، كنت دايماً أحسده بالرغم إن دخله قليل إلا إن ربنا كان بيباركله في رزقه و طول عمره عايش راضي.. أما أنا كنت داير زي التور لا عارف ارضى و لا ارضي أمك و أختك ولا أسد طلباتكم.. كان دايماً يكلمني عن التوكل على ربنا،، و طاعته.. كان يقولي اطلب من ربنا يباركلك في رزقك..




\\ بابا لاحظ إن كل ميتكلم عنه أنا أتأثر أكتر فسكت




بابا: الله يرحمه، مش يلا نروح بقى يا بطل



*****************

في البيت



جميلة: نودي، نودي ..حزر فزر مين على التيليفووون


:)


أنا: مش رايقلك ، قوليله هكلمه بعدين




جميلة حطت سماعة التيليفون على ودنها: أيوا يا أماني، معلش هو..




و لحقتها قبل متتكلم كلمة زيادة

:d


خدت التلفون و دخلت الاوضة




أنا: الو


أماني: ايوا يا سيدي، ايه كل ده في صلاة الجمعة و لا روحت فيين


أنا: لا أبداً كان في صلاة جنازة و كده


أماني: نديم، مالك؟


أنا: ولا حاجة مخنوق شوية..


أماني: لا بجد في ايه؟


أنا: واحد صاحب بابا كنت بحبه مات.


أماني: البقاء لله


أنا : و نعم بالله


أماني: طب خلاص هنأجل كلامنا بعدين لحد متروق


أنا: ماشي،سلام


أماني:سلام



*****


قفلت التيليفون و بفكر يا ترى كان عايزني ليه؟ مش يمكن كان عايز يكلمني إني أبطل كلام مع بنات.. أنا فاكر مرة كانت هنا اتصلت بيا قدامه و قعدت اهزر معاها.. بس عاتبني بعدها بعتابه الهادي الجميل ..




أو يمكن بابا قاله إني بحب أماني، و هو كان عايز ينصحني أبعد عنها و أعتبر إنها أختي.. كان مرة قالي زي مانت بتغير على أختك غير على بنات الناس..



ياااه ،، مش عارف أنا محتار أوي.. مش عارف بقي.. قررت أدخل أشتغل شوية.. و عشان أكون صريح مع نفسي


أنا بهرب مني!!




****


جميلة: شاطر بس تقولي مش رايقلك يا جميلة و عمال تحبلي في التيليفون


:p


أنا: ابعدي عني بحوافرك دي ..عايزة ايه


جميلة: لا ولا حاجة .. أصل يعني....


أنا: هفضل مستني كده كتير.


جميلة: أصلي يعني يا أبيه..


أنا: أبيه ! !!


:d


جميلة: كنت عايزة أقولك


أنا: انتي هتتكلمي و لا ألحوسلك البتاع اللي حطاه على دقنك ده.. انتي بتحلقى دقنك خلاص


:d


جميلة : من الآخر بقى ، أشرف عايز يتقدملي و أنا عايزاك تقنع بابا


أنا : نااااااعم يا عيون أبيه.. أشرف ده الواد الأهبل اللي جه الخميس اللي فات في فرح بنت طنط هويدا؟؟




جميلة مسكت المخدة و استخبت وراها




جميلة: بالراحة يا نديم.. و بعدين متشتمش شوشو


أنا : شوشووو! هي كمان بقى فيها شوشو




مسكتها من شعرها المطاط ده يععععع




أنا : أنت عارفة لو ممشيتيش من وشي دلوقتي هحلقلك زيرو و أشوف سي شوشو بتاعك ده هيعبرك بعد كده ولا لأ..



و خرجت جميلة من الأوضة و هي بتعيط


\\ و كمان بتعيطي،، أنا قلبي موجوع أصلاً متجعهوليش زيادة..



رجعت تاني




جميلة: على فكرة بقى أنا أختك الكبيرة انت نسيت نفسك ولا ايه.. و أشرف هيتقدملي و بابا هيوافق و لو مش عايز تحضر فرحي براحتك.. و كمان لو تحب مش هخلي عيالي يقولولك يا خالو..


أنا: انت لحقتي تخلفي!! الله أكبر أنا بقيت خالو و أنا قاعد ؟!


:d


جميلة: واضح إن انت مش رايق..


أنا : جميلة، ممكن نتكلم بعدين انتي عصبتيني دلوقتي بشوشو ده..اهدى و بعد كده نتكلم



و مشيت الحمد لله


:)


يعععععع القرف اللي في ايدي مطرح شعرك.. هي دي الصبغة،، دي صبغة يود دي ولا ايه..


و أشرف ده هيستحمل اللي بتعمله ده!! يلا خلينا نخلص


:d


********



ماما: أختك خارجة بتعيط ليه يا نديم


أنا: عادي يا ماما يعني اتخانقنا


ماما: بقولك ايه بقى أنا بقالي ساعتين بجهزلها في الكريم اللي هي حاطاه، و لو زعلت ممكن تسخن و الكريم يسيح يا حبيبي..يلا قوم صالحها


أنا: حاضر




******




دخلت اوضة جميلة اللي بقالي كتير مدخلتهاش.. ياااه ايه النضافة و الحلاوة دي:)


جميلة: عايز ايه؟


أنا: هي كلمة وحدة و ضرب قفاها، ممكن أقابل سي شوشو ده بكرة في النادي و بعد كده أقرر إذا كنت أكلم بابا ولا لأ..


جميلة: بجد ؟


أنا: للأسف


جميلة: أنا بحبك أوي بجد .. أنا عايزة أبوسك


أنا: لأااااااااااااااا ، ابعدي عني بالتين الشوكي اللي على وشك ده، و إلا هرجع في كلامي



و مشيت بعد ما بالي استريح إنها خلاص مش زعلانة....دلوقتي بقى اشتغل شوية .. فكلية الحاسبات لا تخلو من التسليمات....

************

السبت 9 صباحاً


جميلة
( واقفة فوق دماغي :) )
جميلة: ندييييييم، نودي حبيبي ..اصحى اتأخرت

أنا: أنا أجازة انهاردة ، معنديش كلية انت عارفة
جميلة: مش انت وراك معاد مهم انهاردة
:)
أنا: معاد!! معاد ايه.. سيبيني أنام يا جميلة بقى
جميلة: نديم بقى، معادك مع أشرف
أنا: ده بليل يا جميلة اصحى دلوقت اعمل ايه
جميلة: يا سلام يعني هو انت مش هتجهز!!
أنا: اجهز من 9 الصبح عشان اقابله 8 بليل!! ليييه هو أنا اللي هتجوزه!!
جميلة : لا بجد لازم تظبط نفسك
أنا: بت انتي بطلي هبل .. عايزاني اشقرلو رموشي و لا اعملوا ماسك بطاطا .. انت لو متعدلتيش هسيبه قفاه يقمر عيش في النادي
جميلة: طب قولي هتلبس ايه..
أنا: هو بيحب اللون الايه
جميلة : ايوا كده انت كده فوقت ، ثواني و اعملك الفطار يا حبيبي

\\ ربنا يشفيكي

*********

مش عارف ليه أشرف ده مبينزليش من زوور.. دماغه تافهة زي جميلة .. و بعدين مش عارف.. مكنتش أحب إن جميلة تتجوز بالطريقة دي.. يعني بقالهم سنتين بيحبوا بعض،، مش عارف عندي احساس إنه ممكن ميقدرهاش، أو يفتكرها مش غالية.. بس ماهو أنا بحب أماني، يا ترى أنا مبحترمهاش، يا ترى أنا ساعة الجد ممكن أسيبها.. يا ترى هي بتحبني أصلاً...

جميلة: الفطار
:)
أنا: انت اللي عاملاه
:(
جميلة: اها
:)
أنا: طب كلمي أشرف قوليله ينفع نتقابل في المستشفى؟
:d

*******

و عشان الست جميلة متزعلش،، عصرت على نفسي كيلو ليمون و لبست بدلة و أنا رايح النادي..
:)
يلا خليهم يشبعوا ببعض
أشرف: بش مهندس نديم ازيك
أنا: أهلاً
أشرف: اتفضل حضرتك تشرب ايه؟
أنا: لا .. مشربش
أشرف: ياريت مكونش معطلك
أنا: في الحقيقة أنا مشغول أوي يا ريت ندخل في الموضوع
أشرف: أنا كنت عايز اتقدم لجميلة و كنت عايزك تكلم والدك في الموضوع
أنا: طب مش لما أوافق الأول
أشرف: طب و انت معترض ليه

\\ مش نازلي من زور اعملك ايه

أنا: اشمعنى يعني جميلة
أشرف: مانت عارف إننا بنحب بعض من زمان ، و كنت مستني اتخرج عشان اتقدم

\\ أكيد متعرفش شكلها يوم الجمعة
:d

أنا: بتحبها من زمان .. بص اضمن منين أنا إنك تسعدها
أشرف: سؤال غريب!!

\\ اوف أنا زهقت

أنا: طيب إن شاء الله هحاول مع بابا و ربنا يقدم اللي فيه الخير، هستأذن أنا بقى عندي مذاكرة و شغل و تسليمات بقى و انت عارف..سلام
أشرف: سلام :|

\\ ايه ده أنا مش متخيل ازاي قلبي مقبوض من الجوازة دي.. هقنع بابا ازاي أنا.. و لو كلمت جميلة ممكن تقلبها نكد


**************


في البيت جميلة كان ناقص تستناني على اوكرة الباب
d:
جميلة : ايييه
أنا: كله تمام
جميلة : اتفقتوا
أنا : طبعاً
جميلة: مش فاهمة ايه اللي حصل
أنا: هكلم بابا و سيبيني أناااااام دلوقتي ممكن.
جميلة: حاضر!!!!!
\\ أول مخرجت تيليفوني بيضرب.. ده طارق



أشوفكم في الحلقة الجاية :)
نقاء الروح
01-04-2011, 12:53 PM
جزء جميل
ربنا يرحم الشيخ حسيت من الكلام كأني اعرفه :frown:
معلشي اتأثرت شوية :p
واما الجزء التاني ضحكني
ال شوشو ال هههههه
البت جميلة دي ربنا يعينها على نفسها بجد :d
مررسي ياقمر
وبانتظار فرح شوشو اقصد اشرف وجميلة دا لو كان هيتجوزو :d
حووور الجنة
01-04-2011, 03:20 PM
هههههههههههههههههههههههههه ماشي يا قمرررر و الله مبسوطة اووووي انك متابعة معايا و عجبك المسلسل بجد منوراااني
حووور الجنة
01-04-2011, 03:24 PM
سلااامووووووو عليكم

الحــــــــــــــــــــــــلقة الخــــــــــــــــــــــــــــامـــــــــــــــسة




أنا: ألو

طارق: سلام عليكم

أنا: و عليكم السلام ، ازيك يا عم؟

طارق : تمااااااام الحمد لله.. فينك، لا بتفتح ولا تقفل ، اييه؟

أنا: ااه يا سيدي، ظروف كده..

طارق: مممممم، مش مريحني!

أنا : بصراحة، أنا نفسي أفضفض مع حد أوي يا عم أنا مخنوق

طارق: طيب يلا يا سيدي ..كلي ودان بتسمع
:D

أنا: لا لا مش هينفع نتكلم في التيليفون، أشوفك بكرة في الكلية؟؟

طارق: وجب يا معلمي :) بقولك ايه صلي العشا و نام و متفكرش في اللي مضايقك لحد منتكلم بكرة، ماشي؟

أنا: تصدق فكرتني، خلاص ماشي يا حبيبي ..

طارق: يلا سلام عليكم.

أنا: و عليكم السلام.
\\قبل منام أشوف مين فاتح، ايه ده أماني فاتحة، أماا أكلمها....ولا بلاش..مليش مزاج.. بلاش بلاش أنا أصلي و أنام...

*********
الصبح في الكلية

طارق: السلام عليكم.

أنا: و عليكم السلام ، ايه مش هتحضر؟

طارق: المحاضرة اتلغت ، تعالى نشوف حتة نتكلم فيها لحسن الشلة بيدوروا عليك عايزين يدبسوك تعزمهم عالفطار
:)
أنا: آه أنا بجد نفسي نتكلم

*******
في الشارع

طارق: تعالى نتكلم و احنا بنتمشى...مالك بقى يا أستاذ

أنا: مش عارف يا طارق..

طارق: هههههههه و واجع قلبي و خارجين نتمشى و مهربك من العيال و تقولي مش عارف.. يا عم قول كلام غير ده..اي اللي خلاك كده؟

أنا: فاكر لما مرة كنت عازمك على الفطار في رمضان و انت نزلت تصلي التراويح و رجع تشكر في صوت الشيخ؟

طارق: آم يابني ، ربنا يبارك فيه،، ده صوته تحفة..مش الشيخ أحمد بردو؟

أنا: آه.. اهو عم أحمد ده بقى مات الخميس الفات.

طارق: إنا لله و إنا إليه راجعون..اللهم أجرني في مصيبتي و اخلف لي خيراً منها.....ياه يا نديم و انت كنت بتحب الراجل ده لدرجة انك تزعل كده؟

أنا: أوي يا طارق.. أنا كنت بحس إنه أبويا..
سكت طارق للحظة..

أنا:مسغرب صح؟

طارق: مكدبش عليك..أصل انت مش بعادة بتصلي في المسجد..عرفه منين أوي كده؟؟

أنا: هو صاحب بابا أصلاً على فكرة..بس بردو يمكن أنا بعصى ربنا كتير..بس أنا مش وحش أوي كده يا طارق
:(

طارق: لا يا عم مقصدش،،أنا بس بقول ..

أنا: أنا فاهمك....بص، أنا آه وحش و كل حاجة بس.....بحب ربنا
\\ بصيتله لقيت عنيه دمعت

طارق: نديم مش عارف أقولك ايه

أنا: متقولش...سيبني أكمل..يمكن مش ده بس اللي شاغلني..تعرف هو قبل ميموت باسبوع كان عايز يكلمني.. بس أنا طنشت و اتحججت بالتسليم..
و لقيت نفسي سكت للحظة

أنا: مكنتش أعرف إني مش هشوفه تاني :’(

طارق: نديم اهدى أمال..

أنا: الله يرحمه

طارق: آمين، متيجي ناكل ،، على حسابك بردو
:P
\\ حاولت ابتسم بصعوبة

أنا:و جميلة أختي عايزة قال ايه تتجوز واحد اسمه شوشو

طارق: ههههههههههههه، مين ده؟

أنا: واحد يا عم بتحبه من سنتين و اتخرج و عايز يتقدملها..
طارق بصلي باستغراب

أنا: بص أنا عارف انت بتفكر في ايه..هتقولي إني بكلم بنات و بحب أماني..فاشمعنى مش موافق على جميلة..

طارق: :)

أنا: معرفش بس أنا خايف على جميلة..

طارق: من ؟

أنا: أنا عارف لو قلتلك ممكن تقول عليا متناقض أو عندي انفصام في الشخصية، بس.....أنا خايف ميقدرهاش .
و ازاي يقدرها و هي بتحب فيه بقالها سنتين و قالتله كل الكلام اللي المفروض يسمعه منها و هي مراته.. وافقت تمشي معاه و ايده في ايدها و تكلمه وقت ميحب..ازاي هيقدرها بعد كده!!

طارق: طب لما انت عارف كل ده، ايه اللي سكتك على الوضع ده سنتين؟
\\ افحمني

أنا: مش عارف

طارق:نديم يا حبيبي، تفتكر فعلاً انت مش عارف، ولا مش عايز تعرف، ولا عارف و مش قادر تواجه نفسك..

أنا: أنا بحب أماني يا طارق..و لو أنا كلمت جميلة أسهل حاجة ممكن تقولهالي، طب و ايه نظام أماني.

طارق: :) انت بتغني و بترد على نفسك.. نديم انت عارف و متأكد من جواك إن مفيش حاجة اسمها تقعد تكلم واحدة تجوزلك في الحب ... و انت عارف من جواك إن البنت بتخسر كتير..بتخسر قلبها..بتخسر حتى احترام اللي بيدعي إنه بيحبهاا.. و هو لو بيحبها فعلاً مش هيرضالها الغلط بأي شكل من الأشكال..دو لو كمان مخسرتش احترام الناس.. كل ده من بعد مبتخسر رضا ربنا... أنا و انت حاسين بده عشان عارفين الشاب بيحس بايه.. هو يمكن بيفرح بيها و هي معاه.. بس بييجي يوم بتقع من نظره أو على الأقل يقول يا ريتني اتجوزت واحدة أحسن..يمكن أختك مش متخيلة إنها ممكن تكون مش غالية عليه، هي بس ماشية ورا وهم و مش بتفكر بحكمة..بالظبط زي وضعك مع أماني
\\ ياااه يا طارق ..زي متكون قلت كل اللي كنت خايف أواجه نفسي بيه..جيت عالجرح!!
أنا: ياااه المحاضرة التانية بدأت يا عم يلا نروح..

********
المدرج

أول مدخلت المدرج تلقائي قعدت جنب أماني و طارق استغرب و كأنه بيقول لنفسه أنا بقول ايه من الصبح و راح قعد مع الشباب..

هنا: ايه اللي أخرك

أنا : انت هنا :( ،، سيبيني آخد نفسي

هنا: اييه انت جاي موتورجل ولا ايه..امتى بقى تجيب عربية عشان توصلنا....انت هتقعد مبحلق في أماني كده كتير؟؟ على فكرة انت مفقوس أوي..

أنا: متوطي صوتك بلاش فضايح..

هنا:طب يا خويا... سبّلها....سبّل... أقولك غنيلها....غنيلها و أنا أرقص
:D

أنا: اتلمي بقى أنا قايم و سايبهالك مخضرة

هنا: يلا أحسن
\\ و قعدت ورا جنب طارق و بدور على سبب اقولهوله

طارق: متقولش..ركز بس :)
**********
في البيت

جميلة: نودي حبيب قلبي

أنا: و انت من أهله

جميلة: مش هتكلم بابا

أنا: تعباااان

جميلة:عشان خاطري

أنا: يابنتي بابا زمانه في الشغل

جميلة: جه
:D

أنا: مالك منشكحة كده ليه! تلاقيه راجع عصبي من الشغل..

جميلة: مزاجه زي الفل
:D

أنا: يا بت اهمدي

جميلة: بليييييييييز
:D

أنا : افففففففف

و روحت أشوف فين بابا
*****************
\\ أنا لازم أقنعه بس بطريقتي
;)


أنا:بابا

بابا:" أهلاااا يا بطل

أنا: فاكر أشرف اللي سلمنا عليه في فرح بنت طنط هويدا؟

بابا: ماله؟

أنا:عايز يتقدم لجميلة

بابا: و مكلمنيش على طول ليه؟

أنا: أنا عارف؟

بابا: دي حركة مش تمام..

أنا: عندك حق يا بابا..أنا مش عارف يعني ازاي يهمشك كده.. المفروض يدخل الشباك من الباب و يكلمك..و قال على رأي المثل.. يا داخل بين البصلة و قشرتها،، تطلع البت لامها
;)

بابا: هههههههههههه، طب انت ايه رأيك فيه؟؟

أنا: أنا لو منك موافقش و لو على جثتي..يا بابا دول بيقولوله يا شوشو!!أنا اختي تتجوز شوشو!!

بابا:ممممممم طب و هي رأيها ايه؟

أنا: و هي جميلة تعرف مصلحتها، اقوله مش موافقين؟

بابا: لا اندهلي جميلة و روح انت

\\قال تجوز شوشو قال..اديني ظبطهولك يا ست جميلة

************

و رحت اكل و مفيش عشر دقايق جميلة رجعت من عند بابا

جميلة: أنا بحبك أوي يا أخويا يا حبيبي

أنا: تقصدي ايه
:|

جميلة: بابا وافق يقابله
\\ نعم يا عوووومااار

أنا: مش فاهم!!

جميلة: مش فاهم ايه هيقابله يوم الخميس
\\ دانا بقالي اد كده بقنعه بطريقتي :( بس كويس إنه الخميس هبقى في الرحلة

أنا:طيب

و دخلت اوضتي و حاولت افكر في كلام طارق بس اللي مانعني اني مش مستعد اسيب أماني.....
أنا هنام بقى...

أشوفكم الحلقة الجاية..:078111rg3::078111rg3:
نقاء الروح
01-04-2011, 05:07 PM
عمو ابو نديم واافق ؟ :o
ليه ياعمو بئا تجوز جي جي لشوشو ؟ :d
بئا دا كلام ؟
ونديم ياعيني محتار بين اخته واماني
كتير من الشباب بيبقو فنفس موقفو كدا :(
بس اسمع كلامي يانديم وسيبك من اماني وعقل اختك المجنونة :p
ههههه
متشوقة اعرف ايه ال يحصل فالخطوووبة
بانتظااااارك ياعسل :022yb4:
حووور الجنة
01-04-2011, 09:09 PM
سلاااااااااااااااااااامو عليكم :078111rg3:


الحلـــــــــــــــــــــــــــــقة الســــــــــــــــــادســــــــــــــــــــــــــ ــــــة



ماما: ندييم

أنا: ماما!!يااااه بقالي كتير مشفتكيش.. لا و داخلة تصحيني بنفسك؟ هو جميلة مش عايزة تتخانق انهاردة ولا ايه؟؟

ماما: ههههههه ، انت صاحي مودك حلو اهو يا حبيب مامي

أنا: وحشتيني يا قمر.

ماما: ماهو باين يا بكاش،، بقالي يومين مش في البيت و انت ولا بتسأل

أنا: اه صحيح انتي هربتي من البيت ولا ايه
:D

ماما: لا يا سيدي كان في مسابقة جمال في سوريا و كانوا عايزيني في لجنة الحكيم النهائية

أنا: ممممم طب بقولك ايه يا ست الكل..ابووووس ضوافر ايدك تعمليلي فطار، أنا معدتي نشفت من أكل جميلة..

ماما: يا قلب مامي..اجهز انت يكون الفطار جهز

**************
في المطبخ


ماما: يلا بالهنا و الشفا يا قلبي

أنا: تسلم ايدك

ماما ميلت على ودني و في سعادة

ماما: مش شوشو جاي يقابل باباك يوم الخميس؟

أنا: ايه السيرة دي على الصبح يا ماما

ماما: انت عارف بقى... تلقاك زعلان ان المقابلة يوم الخميس يوم رحلتك..

أنا: لا أبداً البركة فيكي انت و بابا

ماما: متسيب الرحلة يا حبيبي

أنا: ايه..لا ...ماهو أنا دفعت و حجزت خلاص

ماما: مهو يا حبيبي

أنا: تسلم ايدك يا ست الكل اقوم أنا الحق كليتي

*********************
في الكلية


أنا: صباح الفل يا شباب

جيمي: نديم حبيب الملايين

سامح: نديييييم

طارق: خد بالك شكلك بتتدبس في عزومة

جيمي:انت كاسفنا على طول كده يا عم طارق

سامح: مش فاهم؟

أنا: خلاص خلاص انا عازمكوا على سندوتشات مع اني فطرت بس انأنأ معاكو

جيمي: أكل بس!!مش هنبلع؟

سامح: تقصد ايه؟

طارق: أنا موافق على السندوتشات بس خليني اعزمكو أنا المرة دي

جيمي: طول عمرك ابو الواجب يا طرووووق

أنا: و أنا عليا المشاريب

سامح: مش فاهم!!

أنا: طب و ايه الجديد يا سامح

***************
و من الكافتريا على المحاضرات

في نهاية اليوم أنا و البنات و سامح واقفين قصاد الكلية..

أماني: طب يا بنات يلا نمشي

أنا: طب روحوا و أنا هصور كام حاجة و اروح

سامح: طب يلا نعدي

أماني: آه نديم صحيح مبروك لجميلة
\\ يووووه هي قالتلك

أنا: الله يبارك فيكي..دول عدوا و سابوكي..يلا حصليهم
و بدأت تعدي بس
....
أنا: حاسبي

\\ شدتها

أنا بعصبية: انت ايه اللي خلاكي تجري قصاد العربية كده انت بتهرجي

أماني تنحت: انت بتزعق ليه

أنا بعصبية اكتر: انت كنتي هتموتي نفسك

أماني: بردو انت تزعقلي بمناسبة ايه؟ انت فاكر نفسك مين

أنا: أنا
...
\\ كنت خايف عليكي،، و مقدرتش اقولها
و عدت الشارع و مشيت و سابتني واقف وسط الناس بيتفرجوا عليا..

***************
في البيت

\\ لسه اللي حصل مع أماني مش مستوعبه

بابا: حمد لله على السلامة يا بطل..سلمت اللي وراك انهاردة

أنا: اه

بابا: مالك يبني مسهم كده ليه

أنا: لا مفيش

بابا: أشرف اتصل بيا و هيجي يوم الخميس إن شاء الله عشان يقابلني و باين من كلامه إنه محترم..أنا مش فاهم انت معترض عليه ليه؟

أنا: ممكن نأجل الكلام يا بابا

ماما طلعت من المطبخ: نديم حبيبي عملالك الغدا

أنا: مليش نفس
\\ قلتها و أنا في طريقي لاوضتي و سبت بابا و ماما في حيرة بيبصوا لبعض

**************
في اوضتي

\\ أكلم أماني أعتذرلها؟؟ولا ايه؟؟هو مين يعتذر للتاني؟؟أنا زعقت عشان كنت خايف عليها..بس هي معاها حق أنا مين عشان أعاملها كده..طب اعمل ايه؟؟ اما اشوفها في الرحلة مودها عامل ازاي.. ممكن تكون راقت لوحدها.. طب أحضر أنا حاجة الرحلة..ايه ده أنا موبايلي نسيته مع سامح..و هو مش جاي الرحلة...
قمت أكلمه

أنا: ايوا يا سامح

سامح: نديييييييم

أنا: بقولك موبايلي نسيته معاك

سامح: اه معايا

أنا: طب هخده منك ازاي

سامح: مش فاهم

أنا: يبني انت بكرة مش رايح الرحلة عايز اجيلك اخد الموبايل

سامح: تقصد تجيلي البيت؟

أنا: ايوا

سامح: لأ ما هو أنا مش في البيت..أنا عند جماعة قرايبي في حلوان

أنا: لا صعبة دي

سامح: مش فاهم!

أنا: طب خلاص شكراً يا سامح بس اقفل الموبايل عشان ميزعجكش

سامح: طيب سلام

أنا : سلام

*************
\\ مش مشكلة موبايل يعني الناس كانت عايشة من غيره عادي يعني
أما أقوم أصلي و أنام

اشوفكو بقي الحلقة الجاااااية...........:078111rg3:
emey esa
02-04-2011, 04:52 PM
يوميات جميلة جدا
وفى انتظار الحلقة الجاية
marium ali
02-04-2011, 05:52 PM
soooooooooooooooo nice
بجد جميل جدا
فى انتظار الحلقة القادمة ان شاء الله
حووور الجنة
02-04-2011, 11:40 PM
سلاااااااااااامو عليكووووووووو


الحلــــــــــــــــــــــقة الســـــــــــــــــابعة



في اتوبيس الرحلة

هنا: هع هع... أماني منفضالك ولا كأنك هنا..هههههه،، قاعدة ادام اهي مع المعيد... بشمهندس خالد،، محطم قلوب العذارى.. هأو..ولا مستعبراك

أنا: أنا نفسي أفهم انتي في حد مسلطك عليا
!!

هنا: طب بالراحة يا عم عليا ليطقلك عرق.. خد عصير روق دمك..محدش واخد منها حاجة..

أنا من تحت ضرسي: مش عايز

هنا: يا راجل خد عشان تنسى..هههههههه

أنا: يووووه أنا غلطان إني قعدت جنبك ورا..أنا ماشي

هنا: اتلكك اتلكك عشان تروح تقعد جنبها..بردو مفقوس
:P

\\ طب مش قاعد جنبها..اما اشوف الواد جيمي فين
لقيته نايم

أنا: جيمي، جيمي..قوم

جيمي: ايه وصلنا؟

أنا: لا أنا قلت اجي اقعد جنبك

جيمي: طب و أنا اعمل ايه يعني

أنا: لا بقولك يعني

جيمي: طب متقعد ياخويا..بتصحيني عشان احتفل بيك..منور يا سيدي

أنا: نام نام

ياسر من ورا: مالك عامل قلق كده ليه ، يا عم فرفش..متبينلهاش إنك مأريف كده..اتقل

أنا: و أنا هأريف ليه منا زي الفل أهو ..
***********
عالشط

أنا و ياسر و جيمي عاللسان و أماني و البنات هناك على ترابيزة..ياسر و جيمي باصينلي

ياسر: يا عيني عالي حب ولا طالش

جيمي: ايه يا عم نظرات اليتم دي..بس لحسن أعيط منك

و فجأة لقيت بشمهندس خالد رايح نحيتهم و أخد أماني و راحوا يتمشوا

ياسر: احم احم أنا رأيي سيبك من أماني دي

جيمي: آه يا عم ده شكل في مشاريع

أنا: مشاريع!! مشاريع ايه؟

ياسر: هتكون مشاريع تخرج يعني؟؟مشاريع جواز يابو المفهومية

جيمي: و بعدين متدخلش نفسك في منافسة مع خالد يا عم ده راجل جاهز و ميه ميه و كل البنات بتحبه

ياسر: كل البنات حلوين ،هههههههههه

لقيت نفسي رايح نحيتهم و مفكرتش هعمل ايه

ياسر: انته تعمل ايه
\\ و وصلت عندهم

أنا: أماني، بشمهندس

خالد: ايوا

أنا: انتو ماشيين كده رايحين فين؟ متخليكوا في اللمة و اهو اللمة تحلى

أماني بحدة: ممكن متدخلش في حاجة تخصني؟

ياسر: نديم تعالى عايزك في كلمة
\\ و مشيت مع ياسر و جيمي
****************
في الاتوبيس

جيمي: خلاص يا عم انت مزعل نفسك عليها ليه

ياسر: اه يا عم كبرلها بقى، سيجارة؟

أنا: لا

هنا: نديم انت زعلت؟

أنا: أبوس ايدك أنا مش مستحمل

هنا: أماني قلبها طيب يا نديم و متقصدش..و بعدين هي بس كده لما تتعصب و أول مبتهدا بتيجي على مفيش..

أنا: أنا مليش دعوة بيها أصلاً تزعل متزعلش ..هي حرة..و اقفلوا الموضوع ده أنا عايز أنام لما نوصل صحيني يا جيمي..
*********
في البيت

بابا: شرفتنا يابني

أشرف: مرسي يا عمي

بابا: ده نديم جه أهو

أشرف: أهلاً يا بشمهندس

أنا: أهلا

أشرف: هستأذن أنا بقى

جميلة: ملسة بدري

أنا: مش عايزين نسهرك بس يا أشرف، شرفتنا

أشرف :| مع السلامة

بابا: مع السلامة يابني، أنا هوصلك
\\و راح بابا يوصله

ماما: ألف مبروك يا حبيبة مامي

جميلة: الله يبارك فيكي يا مامي

أنا: هو ايه اللي حصل

جميلة : بابا وافق يا نديم

أنا: ايه!!

ماما: مش تبارك لأختك

أنا: مبروك، أنا تعبان من الرحلة و هدخل أنام بقى تصبحوا على خير..

بابا: استنى يا نديم أنا عاوزك حصلني على البلكونة بعد ما تغير و تاكل
***************
في البلكونة

أنا: خير يا بابا

بابا: خير انت مالك يابني بقالك كام يوم مش عاجبني

أنا: ليه يا بابا؟ منا زي الفل اهو

بابا: يابني انت بترجع من الكلية عالسرير و بقالك كام يوم متغدتش..ايه يابني اللي تاعبك؟ انت من امتى بتخبي عليا حاجة؟
\\ ياريتني اقدر أقولك يا بابا على أشرف ، بس لو حكيتلك جميلة ممكن تزعل..و مش عارف أنا حاولت معاك عشان ترفضه و بردو وافقت..

بابا: سرحان في ايه قول يابني أنا سامعك..

أنا: لا أبداً يا بابا أصلي اتخانقت مع صحابي في الرحلة فأعصابي مشدودة..

بابا: طيب يابني واضح إنك مش عايز تحكي.. على العموم أنا موجود يا بطل ..و مش هتلاقي بني آدم في الدنيا دي يفهمك ادي..اوعى تكون فكرت أبوك اكمنه كبر مش هيفهمك و لا هيستتفه اللي شاغلك..لا يا بني،، انت حتة مني..و اللي يهمك يهمني، و اللي يوجعك يوجعني..

أنا: عارف يا بابا صدقني.. بس خليني على راحتي ..

بابا: زي متحب يابني..
********************
في اوضتي

بكلم نفسي
:D
أنا: و بعدين أنا مش عارف أماني اتغيرت معايا فجأة كده ليه..أنا هتجنن..أنا كنت قربت أتأكد إنها بتحبني..فجأة كده تظبط مع خالد و تتقلب عليا..

أنا بردو: طب مهو ممكن زي ما هنا قالتلك كانت متغاظة ولا زعلانة منك

أنا: ايوا بس مخنوقة مني تعمل فيا كده..أمال لو غلطت فيها بجد هتقتلني!!

أنا بردو: طب خلاص مادام كده يبقى انساها بقى

أنا: أنساها ...بسهولة كده!!

أنا بردو: اشمعنى هي نسيتك بسرعة.. متبهدلش نفسك

أنا: ابهدل نفسي
!!

أنا بردو: ايوا طبعاً امبارح فرجت عليك الشارع و انهاردة العيال في الرحلة اتفرجوا عليك
عايز تفرج عليك مين تاني..تحب تجيبها تهزأك في البيت
!!

أنا: عندك حق كده كفاية أوي..من انهاردة كل واحد في طريق

أنابردو: أيوا كده

أنا: طب أنا هعمل ايه في موضوع جميلة ده أنا قلبي مقبوض أوي

أنابردو: عندك حق الموضوع مش مريح بس هتعمل ايه كلهم موافقين ، هتفضح أختك قدام باباك يعني

أنا: اه و بعدين بابا فاكر جميلة قطة مغمضة ، معقول اصدمه..

أنا بردو: ده غير إنه واثق في ماما ثقة كبيرة.. لو عرف بقى إنها عارفة و موافقة

أنا: و لو عرف إني عارف من زمان و ساكت كمان

أنا بردو: طب خلاص أنا هسكت مش يمكن يطلع أشرف ده محترم زي ما بابا قال

أنا: محترم!! قال محترم قال.هو لو محترم كان رضي يمشي مع أختي سنتين .

أنا بردو: متسبقش الأحداث مش يمكن هو يبان على حقيقته

أنا: طب و لو مبانش...

أنا بردو: قدامك فترة خطوبة حاول فيها بكل طريقة،، بس بلاش تصدم أبوك الغلبان ده..

أنا: اما أشوف...


أقابلكو في الحلقة الجاية ........... :slap1qk6:
نقاء الروح
03-04-2011, 05:11 AM
جزء مؤلم والله
بعد ماكنت بقرأ وانا بضحك
بقيت بقرأ وانا حاطة ايدي على قلبي
صعب عليا ندييم دا مع انو مايستاهلش :d
بانتظااااااارك ياقمر فالحلقة الجاية :022yb4:
حووور الجنة
03-04-2011, 05:24 PM
سلااااااامو عليكم ........ الحلقة دي بقي يا شباب ياريت كلنا نقراها بتمعن و نتذكر دوامة الحياة بتاعتنا و نتذكر نعم ربنا علينا كفاية انة حطنا تحت قولة يا عبااااادي بجد حاجة نفخر بيها كل حاجة في حياتنا نعمة ..... حتي المصائب الي بتعدي علينا نعمة ايوة نعمة ..... دة ربنا قال اذا احب اللع عبدا ابتلاة يعني ربنا بيحبنا في الحاتين..... و ياريت كمان نفتكر قد اييييييية ستر بنا عليك حقيقي و قد اييية ربنا حبيبنا بيطلعنا من مواقف كتير و من ازمات كتير و بيتسر علينا حقيقي ؤو الله اذا اعجب بيك الناس و الله هما مش معجبين الا بجميل ستر الرحمن عليك

ياااااااااااااااااااااااااااااااااة يا حبيبي يااااااااارب بحبك من كـــــــــــــل قلبي و نفسي اعيشلك و بسسسسسسس

معلش طولت عليكو بس و الله دة الي حسيتة بعد ما قريت الحلقة دي هيا مش مؤثرة للدرجة بس مش عارفة لية تذكرت حجات كتييير بنا سترها عليا و تذكرت نعم كتتييييييييييييييير ربنا انعمها عليا يارب لك الحمد كما ينبغي لجلال وجهك و عظيم سلطانك

أسيبكو مع الحلقة

الحلـــــــــــــــــــــــــــــقة الثـــــــــــــــــــــــــــــامنـــــــــــــــ ـــــــــــــــة


الله أكبر .. الله أكبر
الله أكبر.. الله أكبر

\\ ايه ده صلاة الجمعة؟؟ ايه ده لا ده الفجر!! غريبة أوي أنا عمري مصحيت الفجر لوحدي
حاولت أنام تاني بس مش عارف..أول مرة آخد بالي من صوت المؤذن الجديد.. ده أكيد أنس ابن عم أحمد الله يرحمه..يااه صوته حلو، طالع لباباه :)

لقيت الدموع مليت عيني ..حاولت اوقف تفكير..لكن إحساسي إني مفتقد الراجل ده أوي خلاني مقدرش أمنع دموعي..

ساعتها قررت أنزل أصلي في المسجد..و لأول مرة
************
في المسجد-بعد الصلاة

قعدت ابص على الإمام..هو ده أنس ابن عم أحمد؟؟ آه هو.. كان شكلي غريب أوي و أنا عمال أبص عليه أوي كده.. و الأغرب إنه شكله مش واخد باله مني.. قام مسك مصحف و قعد يقرأ بصوت خفيف، و على وشه خشوع عجيب.. يااااه ..و كأن عم أحمد لسه مماتش..
جوايا كان إحساس إني عايز أكلمه.. بس أقوله ايه،و بعدين هقاطعه يعني.. و قررت امشي..
و أنا ماشي دماغي هتنفجر من التفكير.. جميلة و حكايتها مع أشرف، أنا مش عارف أعمل حاجة.. و أماني و خالد و ازاي أماني عملت معايا كده و أنا عملتلها ايه عشان تعمل فيا كده بين يوم و ليلة . و عم أحمد ، افتقدته أوي.. مش لاقي حتى حد أقدر احكيله اللي جوايا..أنا مش عارف حاجة بجد
و عقبال موصلت لباب المسجد انفجرت في البكا و قعدت أعيط زي الأطفال مش عارف أعمل ايه..أنا تعبان أوي
...
\\ ياااا رب

و فجأة لقيت حد بيطبطب على كتفي

أنس: بص أنا مش عارف إذا كان قعادي معاك هنا هيضايقك ولا لأ؟ بس أنا بجد مستغرب أنا مشوفتكش غير مرتين و في كل مرة كنت بتعيط بنفس الطريقة!! الجمعة اللي فاتت في المسجد بعد صلاة الجنازة لاحظت عياطك، بس معرفتش أكلمك، بس الغريبة الجمعة دي كمان قاعد بتعيط بنفس الطريقة..أنا مش عارف أقولك مالك ولا أقول ايه؟

\\ انت واخد بالك مني للدرجة دي

و خطر على بالي 100 حاجة .. مش عارف أقول ولا لأ و لو قلت أقول ايه؟ و أبدأ منين؟
معرفش ازاي بسرعة و بمنتهى البساطة قررت
.
.

أنا: مش عارف أبدأ منين

أنس: من مطرح متحب.. بس ممكن نبدأ من مطرح جوا المسجد عشان الدنيا برد؟
:D:D
***********
و بعد مدخلنا

أنا: انت أنس ابن عم أحمد صح؟

أنس: صح
:)

أنا: أنا نديم صبحي الهواري ، ابن صبحي الهوراي...صاحب الشيخ عارفه؟

أنس: عم صبحي ..بسمع عنه كتير..انت في كلية ايه؟

أنا: حاسبات و انت؟

أنس: هندسة :) قلي بقى يا سيدي كان مالك؟

أنا: همومي كتير أوي و تعبت من التفكير.. مش عارف أعمل ايه؟؟

أنس: هموم!! خير

أنا: مش عارف أقولك ايه أنا مكسوف منك أوي

أنس: اشمعنى
:)

أنا: مش عارف! تقريباً كل مشاكلي عن الحب و كده
:$
أنس: طب احكي طيب

أنا : الحكاية و ما فيها يا سيدي إني واحد اتربيت على إن الصحوبية بين الشباب و البنات ده شيء عادي.. و إن لما يحبوا بعض بدون جواز ده بردو عادي.. ما اختي بتحب واحد.. عادي.. و أمي تعرف..كمان عادي... و أصحاب أختي بيكلموها في البيت و برد عليهم، عادي...فقلت أنا كمان عادي.. دخلت الكلية و صاحبت بنات.. عادي.. و كمان شوية اعجبت بواحدة، حبيتها و اتعلقت بيها.. مهو عادي.. و حاولت اتقربلها بكل طريقة، لدرجة إن كل الناس حست بيا.....إلا هي..صدتني و هانتني قصاد الناس علشان خايف عليها، مع إنها زيي بردو عادي.. و وسط حفلة العادي دي لقيت حبيب أختي عايز يتجوزها!!! ساعتها بقى حسيت إنه لأ مش عادي... مش عادي اللي قعد يتسلى بيها سنتين يبقى جوزها و يشيل مسئوليتها..مش عادي.. حاولت من غير مصدم بابا أخليه يرفض معرفتش.. و بابا وافق و ماما وافقت مهو عادي.. و خايف حياتي و حياة أختي تفضل كده...عادي :(

أنس : :) ، أول مرة أشوفك تيجي تصلي الفجر على فكرة

أنا: مش عارف لقيتني عايز اجي أصلي هنا
!!

أنس: أسألك سؤال كده انت بتحب ربنا؟؟

أنا: طبعاً

أنس: ليه؟

أنا: ايه السؤال العجيب ده؟؟

أنس: قلي طيب

أنا: بحبه عشان ... بحبه عشان هو ربنا

أنس: :)

أنا: أنا مش فاهم انت عايز تقول ايه؟ هو انت بتحب ربنا ليه؟

أنس: ططب أسهلهالك.. انت لما بتحب أي حد بتحبه ليه؟

أنا: يا عم أنس أسألتك صعبة

أنس: طب أغششك :) انت لما بتحب أي حد بتحبه عشان جماله ، أو عشان ليه فضل عليك، أو معاملته معاك.. طيب لو جينا للجمال.. هو في أجمل من ربنا، لأ طبعاً لله المثل الأعلى.. ده ربنا خالق كل شيء جميل انت بتشوفه.. و يكفي في جماله، إن كل جمال في الدنيا ده من آثار صنعه... ربنا جميل يحب الجمال.. طب لو جينا نتكلم عن الفضل.. أنا لو حكيتلك من هنا لبكرة مش هنجيب جزء صغير من أفضال ربنا عليك، نعمه سبحانه مغرقانا.. بدايةً من وجودك أصلاً .. كونك قاعد قدامي سليم زي الفل، كل خلية في جسمك شغاله و قايمة بواجبها، جواك منظومة كاملة شغالة.. مبتقفش، نعمة الإسلام غيرك كتير مش لاقيين طريقهم ، نعمة إن ربنا أرسل إلينا رسل تبشر و تنذر،نعمة الأمن..أنا و انت دلوقتي قاعدين مطمنين على روحنا ، في ناس كتير عايشين في رعب، نعمة الجمال، انت شاب وسيم ربنا يبارك فيك.. نعمة الأهل.. في ناس كتير بتتمنى يكون لها أب أو أم أو أخت.. نعمة الأصحاب، في ناس بتعيش في وحدة و بتعاني من أمراض و عقد نفسية، نعمة المستوى اللي انت عايش فيه..نعمة إنك لسه مصلي الفجر جماعة..غيرك كتير غفل عن الصلاة..
نعم كتير أوي... طب فكر معايا كده في تعامل ربنا معانا... ربنا رحيم بينا أوي يا نديم،، ربنا رحمته وسعت كل شيء.. تعرف إن ربنا بيفرح بتوبة عبده.. تعرف إن ربنا حيي كريم يستحيي يرد إيد عبده اللي دعاه. ايه المعاملة دي؟ ازاي بعد كل ده منحبوش؟ ازاي منشتاقش نشوفه؟. تعرف إن ربنا أرحم بينا من أمهاتنا..طب أقولك على حاجة حلوة بقى..
أي ملك ، عشان تقابله محتاج تاخد كام إذن و تستنى كام شهر، و ممكن في الآخر متعرفش تقابله و تكلمه.. ما بالك ربنا و له المثل الأعلى ، له ملك السماوات و الأرض، عشان تقابله عارف تعمل ايه؟ اتوضى و صلي!!
تعرف إنك و انت بتقرأ سورة الفاتحة ربنا العظيم بيكلمك.. بيرد عليك.. ايوا مش مصدقني؟؟اسمع الحديث ده
يقول الله تعالى : قسمت الصلاة بيني وبين عبدي نصفين فنصفها لي ونصفها لعبدي ، ولعبدي ما سأل ، فإذا قال العبد { الحمد لله رب العالمين } قال الله : حمدني عبدي ، فإذا قال : { الرحمن الرحيم } قال الله : أثنى علي عبدي ، وإذا قال : { مالك يوم الدين } قال الله : مجدني عبدي ، فإذا قال : { إياك نعبد وإياك نستعين } قال الله : هذه الآية بيني وبين عبدي نصفين ، ولعبدي ما سأل ، فإذا قال : { اهدنا الصراط المستقيم صراط الذين أنعمت عليهم غير المغضوب عليهم ولا الضالين } قال : هؤلاء لعبدي ولعبدي ما سأل..
طب تعرف بقى معاملة ربنا مع أوليائه، في حديث قدسي إن الله سبحانه و تعالى قال : [من عادى لي وليا فقد آذنته بالحرب ، وما تقرب إلي عبدي بشيء أحب إلي مما افترضت عليه ، وما يزال عبدي يتقرب إلي بالنوافل حتى أحبه ، فإذا أحببته : كنت سمعه الذي يسمع به ، وبصره الذي يبصر به ، ويده التي يبطش بها ، ورجله التي يمشي بها ، وإن سألني لأعطينه ، ولئن استعاذني لأعيذنه ، وما ترددت عن شيء أنا فاعله ترددي عن نفس المؤمن ، يكره الموت وأنا أكره مساءته]...
يا نديم أحلى حب في الوجود حب ربنا...


أنا: كلامك حلو أوي.. أنا مكنتش أعرف كده... يااه ده ربنا كريم أوي

أنس: و لما بيكلفنا بحاجة بتبقى في مصلحتنا... و بعد كل ده بنعصاه، و مع كل ده بيرحمنا

أنا: طب ده ايه علاقته بمشكلتي..


أنس: انت قلتلي إنك بتحب ربنا.. طب اللي بيحب ربنا مش يطيعه.. المشكلة يا نديم إن سبت نفسك في دوامة غلط .. سكت على غلط أختك و قلدته .. مع إنك عارف إنه غلط.. بدليل إنك كنت مكسوف تحكي عنه في الأول.. عارف يا نديم.. ربنا اللي انت بتحبه ، عملنا قواعد نمشي عليها.. زي الكتالوج كده.. لو مشينا عليها، يبقى تمام.. لو ممشيناش عليها هنتكسر .. ربنا أمرنا بغض البصر ، و قالنا: [ قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون، وقل للمؤمنات يغضضن من أبصارهن ويحفظن فروجهن]،، و النبي صلى الله عليه و سلم قال لسيدنا على: [لَا تُتْبِعْ النَّظْرَةَ النظْرةَ ، فَإن الْأُولَى لَك وَالثانية علَيك].. ده بالنسبة للنظر .. فما بالك التوابع دي كلها... انت خالفت الكتالوج يا نديم فاتكسرت .. قلب أختك اللي انت خايف عليه ده هي استخدمته غلط.. استعجلت و افتكرت هتجيب السعادة بمعصية ربنا؟؟ لا و الله ، في الحديث : [ولا يحملنكم استبطاء الرزق أن تأخذوه بمعصية الله ، فإن الله لا ينال ما عنده إلا بطاعته]...
متخافش من طاعة ربنا يا نديم.. ده ربنا بيقول : [من عمل صالحا من ذكر أو أنثى وهو مؤمن فلنحيينه حياة طيبة ولنجزينهم أجرهم بأحسن ما كانوا يعملون ]


أنا: بس أنا بحب أماني أوي يا أنس،، ازاي هنساها

أنس: انت واثق في ربنا؟

أنا: طبعاً

أنس: طب لما ربنا يقول حاجة تصدق؟

أنا: طبعاً

أنس: طب لما أقولك إن ربنا بيقول : [‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَد جَعَلَ اللَّهُ لِكُلِّ شَيْءٍ قَدرًا‏ ] ، من ترك شيئاً لله.. عوضه الله خيراً منه...

أنا: عندك حق.. هحاول آخد القرار... طب و موضوع جميلة أختي أعمل فيه ايه

أنس: مش عارف.. ابدأ انت بنفسك و ادعيلها،، بعدها بقى سيبني أفكر كده.. و إن شاء الله هتتعدل

أنا: يا خبر الوقت عدا محستش بيه، أنا هقوم أجهز للصلاة و راجع تاني

أنس: ماشي يا حبيبي
*****************
في البيت

بابا: ايه يا عم الديسكو قفل متأخر أوي يعني
:D

أنا: هههههههه، ديسكو ايه يا عم.. أنا كنت بصلي الفجر..

بابا: على بابا بردو
;)

أنا: آه و الله و كنت قاعد مع أنس ابن عم أحمد

بابا: يا راجل

أنا : آه و الله

بابا: طب بقولك ايه بعد الصلاة ابقى تعالى معايا نكلمه و نعزيه ده أنا مقصر معاهم أوي

أنا : خلاص ماشي هستحمى و ننزل على طول...

بابا: بس بقولك ايه متعديش على المطبخ أحسنلك.. لحسن انهاردة مامتك و أختك شكلهم هيحنطوا بعض
:D
***********************
بعد الصلاة

بابا: فين أنس

أنا: أهو هناك أهو جاي علينا..يا أنس

أنس: افندم
:)

أنا: بابا، صبحي الهواري..

أنس: أهلاً ازيك يا عمي عامل ايه

بابا: ازيك انت يابني،، البقاء لله،معلش يابني أنا مقصر في حقكم أوي..اعذرني اتشغلت

أنس: لا أبداً يا عمي ..متقولش كده

بابا: عايش ازاي انت و أختك مش محتاجين فلوس، قلي أنا زي والدك

أنس: لا يا عمي احنا الحمد لله مستورين..و كله تمام

بابا: إلا هي بقت اد ايه أختك دلوقتي

أنس: أصغر مني بسنتين في كلية دار علوم..

بابا: اسمها كان ...

أنس : رقية
:)

بابا: طيب يابني انتو لازم تيجو تتغدوا معانا ، أقولك أنا يوم الأحد معنديش شغل، تعالوا اتغدوا معايا..

أنس: بس مش عايزين نتعب حضرتك

أنا: يا عم أنس تعب ايه ده أقل واجب
:)

أنس: خلاص ماشي..
************
في اوضتي
\\ أنس كان عنده حق.. احنا نسينا نفسنا أوي .. أنا لازم أبعد عن البنات، لازم أمشي على كتالوجي..لازم يبقى عندي شوية غيرة و أخاف عليهم زي منا خايف على جميلة.... كل واحدة منهم جوهرة غالية، متستحقش مني إني أخليها تعصى ربنا بهزارها معايا...حتى أماني.. أنا لو بحبها بجد.. مش هساعدها تعصى ربنا.. ولا هخليها تبقى السبب في معصيتي.. و بعدين من ترك شيئاً لله عوضه الله خيراً منه.. و ربنا صادق .. و أنا واثق إن حتى لو تعبت.. ربنا كريم ..
. يا رب ساعدني

التيليفون بيضرب..ده جيمي

جيمي: نديم بيه

أنا : ازيك يا جيمي

جيمي: تمام الحمد لله ، سيرتك بقت على كل لسان يا باشا

أنا: ايه؟

جيمي: الكلية كلها تقريباً عمالين يتكلموا عاللي حصل في الرحلة

أنا: آآآآه .غير الموضوع ده يا جيمي الله يكرمك أماني خلاص شلتها من دماغي..

جيمي: طب بقولك ايه ، متنساش بكرة عندنا شغل في الكلية و محاضرة..

أنا: ااه ماشي تمام

جيمي: خلاص يلا سلام

أنا : سلام

أشوفكو في الحلقة الجاية .......:bosyht9:
حووور الجنة
03-04-2011, 05:45 PM
حاجة تاني يا أخواتي في الله كان نفسي اقولهالكو........ نديم هنا كان حاسس بخنقة و حاسس ان الدنيا أتقفلت في وشة و ما كنش عارف يعمل اية طبعا أنس ربنا يجزية كل خير و يكثر من امثالة طلعة من الحالة دي

بس و الله كان نفسي سواء نديم او اي حد و زي ما قولتلكو ان انا ممكن اكون نديم انتي ممكن تكوني نديم انت........ ايي حد بيمر بالظروف دي

و الله ياجماعة جربوها لو اي حد مخنوق من الدنيا و ضاقت علية جربو تفضفضو مع ربنا اقف كدة في البلاكونة باصة للسما و اتخيلي انك بتحكي مع ملك الملوك انتو عارفين ان ربنا بيفرح اوي من كدة و بالعكس بيستنانا ياااااااااااااااااااااااة احنا العباد الحقيييرة الي ما نسواااش ربنا يسمعنا و كمان يستجيبلنا مش عارفة بجد اقول اييييييييييييية ...... احكو معاة عالي في قلوبكو و لاونة عارف كل حاجة ما ظهر منك و ما بطن ...... اشتكولو من حال الدنياااااااا ..... قلة انا عارف يارب اني بعصيك و فتن الدنيا عليا كتير اوووي بس حضرتك بتجيب المضطر اذا دعاك و بتستحي لو عبد مد ايدة ليك و ما اديتلوش يااااااااا الله بحبك من اعماق قلبي و نفسي اعيشلك و نفسي الدنيا ما تخدنيش عنك اقبلني عندك يارب ألحقني بالصالحين يارب ارضي عني مش متنية غير رضاااااااااااااك يا الله .......... و الله ما هتلاقو الا دموووع بتنساب من حالنا الي احنا فية و رد حبيبنا الي بيسترنا بجد مش عارفة اقول اييييييييييييييية و الله العظيم مكسوووووفة منك يارب بس املي فيك كبير تاخدني معاالك و تلحقني بالصالحين و لحلاوة الايمان ياااااااااااااااااااااااااااارب لا تجعل الدنيا اكبر همناااااااااا


يا جماعة استحلفكو بحبيبكو جربو انكو تتكلمو معاة يااااااااااااااة عالراحة بجد و الله راحة ما بعدها راحة و احسنو الظن في الله حتي لو بتدعوة بحاجة مستحيل تتحقق _ و ما تنسوش انة علي ما يشاء قديرر_ قولو يارب عندي حسن ظن فيك و انا واثقة ان حضرتك مش هتخذلني و و الله ربنا هيستجيب ........ عارفين حتي لو انسان قعد يدعي في دنيتة كلها و ربنا ما استجابلوش ولاون مستحيل تقريبا تحصل لكن يجي يوم القيامة يلاقي جباااااااااال من الحسنات يسئل يارب جت منين الجبال دي يقولة عز و جل دة دعاك في الدنيا و في حديث علي كدة بس مش متذكراة سامحوني

مش عايزة اطول عليكو بس انا هحكيلكو علي حكاية حصلت مع واحدة صحبتي

البنت دي متفوقة جدااااااااااااا ما شاء الله و بتطلع كل سنة بتقديرات الله اكبر جت التيرم الي فات و جاتلها حالة نفسية و ما حضرتش امتحان العملي في مادة معينة و طبعا الي ما بيحضرش العملي بيسقط في النظر امر طبيعي و قانونيا المهم كل شوية كنا نقلها انتي خلاص طبعا شايلة المادة الفلانية شايلاها شايلاها و دة امر طبيعي اصلاااااااااا مفيهاش كلام ..... سبحان الله عاوزة اقولكو انها اكتر واحدة في حياتي عندها حسن ظن في الله كانت تقولي ماشي بس انااا عندي حسن ظن في الله و ربنا الي كان اعلم بحالي كل مرة كانت تقول كدة

و المفاجأة و الله يا جماعة نجحت فيها و بتقدير اعلي مننا ياااااااااااااااااااااااا الله بجد مش عارفة اقول اييييييييييييية

الحمد لله علي كل حال و ساحوووني سامحووووني في الاطالة

و ربنا يرزقنا الفردوس و نجتمع عند حوض حبيبة انة علي ما يشااااء قدير

أحبــــــــــــــــــــــــــــــــك يااااااااااااااااااااااااا ربــــــــــــــــــــــي
حووور الجنة
04-04-2011, 08:07 PM
سلاااااااااامو عليكم


الحــــــــــــــــــــــــلــــــــقة التــــــــــــــــــــاسعة



الفجر

صحيت على المنبه..

أنا: ياااااه، انهاردة أول يوم مواجهة.. محدش لسه عرف قراري، و مش عارف البنات و الشلة هيعملوا ايه..ده غير إن الكلية كلها عرفت إن أماني هزأتني.. هيقولولك بقى أنا عامل التوبة دي حركة عشان منظري قصاد الناس..

أنا بردو: بقولك ايه ملكش دعوة هما يقولوا ايه..انت خدت القرار ليه

أنا: عشان أرضي ربنا

أنا بردو: خلاص بقى خلي اللي يقول يقول..

أنا: طيب أنا هقوم أصلي..

أنا بردو: بقولك ايه متنزل تصلي في المسجد،، انت مش مخيل كم الراحة النفسية امبارح بعد مصليت هناك و بعدين المسجد مش بعيد..

أنا: ايوا يا نديم بس الدنيا برد

أنا بردو: يا عم عشان انت تحت البطانية قوم اتوضى و البس و روح.. و اهو تقابل أنس، تروح معاه الكلية يونسك في السكة

أنا: آه تصدق فكرة .. طب هقوم أهو..

**********************
في المسجد بعد الصلاة


قعد أنس و مصحفه في ايده، قلت أسلم عليه..

أنا: أنس، ازيك..

أنس: السلام عليكم، أهلاااا ازيك يا نديم.. انت كنت بتصلي معانا هنا؟

أنا: و عليكم السلام ، آه يبني..صوتك حلو أوي في القراية يا أنس
:)

أنس: أخجلتم تواضعنا..

أنا: عندك كلية انهاردة

أنس: آه، عندي. هتحرك على سبعة إن شاء الله

أنا: طب خلاص أبقى آجي معاك بقى تونسني في السكة

و فجأة جت واحدة منتقبه ندهت من بره: أنس

أنس: طب ثانية يا نديم و جاي، امسك المصحف معلش عالصقحة دي، أنا مش عارف الورقة اللي بعلم بيها راحت فين..

أنا: خلاص ماشي
و راح أنس لها و أختفوا من أدامي
..

\\ مقاليش يعني إنه خاطب
:S


و استنيت خمس دقايق مجاش، من باب الفضول فتحت المصحف عالصفحة اللي كان بيقرا فيها..و قعدت اقرا شوية

قرأت آية واحدة

أنس: أنا جيت، اوعى تكون قلبت

أنا: لا يا عم.. انت خاطب و لا ايه

أنس: لا لسه..دي رقية أختي، رايحة الكلية و كانت عايزاني في حاجة.. و جابتلي فطار.. يلا بسم الله معايا

أنا: مش هكسفك أنا جعان
:D
*****************
داخل الكلية

أنا:السلام عليكم، ازيك يا طارق

طارق: و عليكم السلام، أهلاً بحديث الكلية

أنا: هما لسه مزهقوش من سيرتي؟

طارق: لأ الحقيقة أنا اللي زهقت هما لسه
:D

أنا: امال الشباب فين

طارق: هناك واقفين مع أماني و شلتها من الصبح

أنا: ممممم، بقولك ايه يا طارق أنا عايز أقولك على حاجة و انت الوحيد اللي حاسس إنه ممكن يفهمني في الكلية دي

طارق: قول يا سيدي

أنا: أنا قررت أبعد عن البنات شوية

طارق: اشمعنى

أنا: انت اللي بتسأل ؟ :) عشان أرضي ربنا.. مانت عارف إنه اللي بعمله ده حرام.. انت الوحيد اللي فينا اللي مش بيقف مع بنات

طارق: آه قلتلي، طب و فين المشكلة؟

أنا: أنا حاسس إن الناس هتقعد تقولي بقى انت عاملها حركة عشان تحفظ كرامتك ، عشان اللي حصل..بس مش كده..بس هي جت كده

طارق: فاهمك ..لا متقلقش..ملكش دعوة بالناس، الناس بيدوروا على حاجة يقولوها و خلاص.. سيبك..المهم انت ماشي صح..

جيمي و ياسر و سامح سابوا البنات و جم عندنا

جيمي: ايه عم نديم، حد يسيب موبايله مع سامح..

ياسر: ادي آخره اللي يسيب موبايله مع الناس، ههههههه

أنا: ايه اللي حصل
جيمي: خد يا سيدي الموبايل شوف كتيبة الرسايل اللي جتلك

أنا: سامح مش قلتلك تقفل الموبايل

سامح: أنا قلت أعمله سيلنت و خلاص

أنا: :*

و مسكت الموبايل، أول رسالة من أماني يوم الأربع بليل يعني بعد خناقة الشارع

" نديم أنا آسفة "

بعدها بربع ساعة

" بجد أنا عارفة إنك كنت خايف عليا متزعلشش مني.. افتح ايميلك أو رد عليا"

بعدها بساعة

" بجد يا نديم كفاية أنا اتأسفتلك بقى رد"

بعدها بساعة

" أنا آسفة إني بزعجك.. و عشان كده مش هتشوف نمرتي دي تاني"

و 50 ميسد يوميها من ساعة الخناقة لحد آخر رسالة


أنا : :|:|:|

جيمي: متنحش كده ، هي فهمت كل حاجة

ياسر: سامح حكالها الصبح

أنا: يعني هي..

جيمي: كانت عاملة حركة خالد عشان تحرق دمك.. حركات عيال يعني
\\ اوباااااا

جيمي: حبيب قلبي ربنا يتمم بخير..قشطة أنا رايح أفطر
:D

ياسر: خدني معاك، ظبط بقى يا عم نديم
;)

سامح: مش فاهم.. خدوني معاكو

طارق: من 10 دقايق كنت بتقولي إنك خدت القرار عشان ترضي ربنا مش عشان أماني سابتك.. دلوقتي انت محتاج تثبت ده..

أنا: :|

طارق: أنا طالع أسأل المعيد على حاجات في مشروعي و جاي تاني
******************

\\ يعني أماني بتحبني؟؟ يعني مبتحبش خالد؟؟ أماني!! بعتت لي 4 رسايل و 50ميسد!!
أعمل ايه أنا دلوقتي أنا مش عارف... أنا آه واخد القرار عشان ربنا، ولا أخدته عشان أنا كده كده كنت مضطر أسيب أماني..

و قطع تفكير صوت أماني من ورايا

أماني: أنا آسفة للمرة الألف

\\ :|

أنا: على ايه يا بشمهندسة

أماني: بشمهندسة!! انت لسه زعلان مني؟ أنا و الله آسفة و مش هعمل كده تاني.. أنا عارفة إنك بتحبني و بتخاف عليا و مش هعمل فيك كده تاني أبداً

\\ أبوس ايدك كفاية أنا مش ناقص

أنا: أنا بس عايز أقول لحضرتك...

أماني : حضرتك بردو؟ طب و لو قلتلك يا نديم أنا بحبك.. هتعمل ايه؟

\\ بتحبيني!!
*******************
يا ترى ايه هيكون رد فعل نديم؟؟؟؟

تابعوا...:049gc0:
حووور الجنة
04-04-2011, 08:13 PM
سلاااااااااامو عليكم


الحــــــــــــــــــــــــلــــــــقة التــــــــــــــــــــاسعة



الفجر

صحيت على المنبه..

أنا: ياااااه، انهاردة أول يوم مواجهة.. محدش لسه عرف قراري، و مش عارف البنات و الشلة هيعملوا ايه..ده غير إن الكلية كلها عرفت إن أماني هزأتني.. هيقولولك بقى أنا عامل التوبة دي حركة عشان منظري قصاد الناس..

أنا بردو: بقولك ايه ملكش دعوة هما يقولوا ايه..انت خدت القرار ليه

أنا: عشان أرضي ربنا

أنا بردو: خلاص بقى خلي اللي يقول يقول..

أنا: طيب أنا هقوم أصلي..

أنا بردو: بقولك ايه متنزل تصلي في المسجد،، انت مش مخيل كم الراحة النفسية امبارح بعد مصليت هناك و بعدين المسجد مش بعيد..

أنا: ايوا يا نديم بس الدنيا برد

أنا بردو: يا عم عشان انت تحت البطانية قوم اتوضى و البس و روح.. و اهو تقابل أنس، تروح معاه الكلية يونسك في السكة

أنا: آه تصدق فكرة .. طب هقوم أهو..

**********************
في المسجد بعد الصلاة


قعد أنس و مصحفه في ايده، قلت أسلم عليه..

أنا: أنس، ازيك..

أنس: السلام عليكم، أهلاااا ازيك يا نديم.. انت كنت بتصلي معانا هنا؟

أنا: و عليكم السلام ، آه يبني..صوتك حلو أوي في القراية يا أنس
:)

أنس: أخجلتم تواضعنا..

أنا: عندك كلية انهاردة

أنس: آه، عندي. هتحرك على سبعة إن شاء الله

أنا: طب خلاص أبقى آجي معاك بقى تونسني في السكة

و فجأة جت واحدة منتقبه ندهت من بره: أنس

أنس: طب ثانية يا نديم و جاي، امسك المصحف معلش عالصقحة دي، أنا مش عارف الورقة اللي بعلم بيها راحت فين..

أنا: خلاص ماشي
و راح أنس لها و أختفوا من أدامي
..

\\ مقاليش يعني إنه خاطب
:S


و استنيت خمس دقايق مجاش، من باب الفضول فتحت المصحف عالصفحة اللي كان بيقرا فيها..و قعدت اقرا شوية

قرأت آية واحدة

أنس: أنا جيت، اوعى تكون قلبت

أنا: لا يا عم.. انت خاطب و لا ايه

أنس: لا لسه..دي رقية أختي، رايحة الكلية و كانت عايزاني في حاجة.. و جابتلي فطار.. يلا بسم الله معايا

أنا: مش هكسفك أنا جعان
:D
*****************
داخل الكلية

أنا:السلام عليكم، ازيك يا طارق

طارق: و عليكم السلام، أهلاً بحديث الكلية

أنا: هما لسه مزهقوش من سيرتي؟

طارق: لأ الحقيقة أنا اللي زهقت هما لسه
:D

أنا: امال الشباب فين

طارق: هناك واقفين مع أماني و شلتها من الصبح

أنا: ممممم، بقولك ايه يا طارق أنا عايز أقولك على حاجة و انت الوحيد اللي حاسس إنه ممكن يفهمني في الكلية دي

طارق: قول يا سيدي

أنا: أنا قررت أبعد عن البنات شوية

طارق: اشمعنى

أنا: انت اللي بتسأل ؟ :) عشان أرضي ربنا.. مانت عارف إنه اللي بعمله ده حرام.. انت الوحيد اللي فينا اللي مش بيقف مع بنات

طارق: آه قلتلي، طب و فين المشكلة؟

أنا: أنا حاسس إن الناس هتقعد تقولي بقى انت عاملها حركة عشان تحفظ كرامتك ، عشان اللي حصل..بس مش كده..بس هي جت كده

طارق: فاهمك ..لا متقلقش..ملكش دعوة بالناس، الناس بيدوروا على حاجة يقولوها و خلاص.. سيبك..المهم انت ماشي صح..

جيمي و ياسر و سامح سابوا البنات و جم عندنا

جيمي: ايه عم نديم، حد يسيب موبايله مع سامح..

ياسر: ادي آخره اللي يسيب موبايله مع الناس، ههههههه

أنا: ايه اللي حصل
جيمي: خد يا سيدي الموبايل شوف كتيبة الرسايل اللي جتلك

أنا: سامح مش قلتلك تقفل الموبايل

سامح: أنا قلت أعمله سيلنت و خلاص

أنا: :*

و مسكت الموبايل، أول رسالة من أماني يوم الأربع بليل يعني بعد خناقة الشارع

" نديم أنا آسفة "

بعدها بربع ساعة

" بجد أنا عارفة إنك كنت خايف عليا متزعلشش مني.. افتح ايميلك أو رد عليا"

بعدها بساعة

" بجد يا نديم كفاية أنا اتأسفتلك بقى رد"

بعدها بساعة

" أنا آسفة إني بزعجك.. و عشان كده مش هتشوف نمرتي دي تاني"

و 50 ميسد يوميها من ساعة الخناقة لحد آخر رسالة


أنا : :|:|:|

جيمي: متنحش كده ، هي فهمت كل حاجة

ياسر: سامح حكالها الصبح

أنا: يعني هي..

جيمي: كانت عاملة حركة خالد عشان تحرق دمك.. حركات عيال يعني
\\ اوباااااا

جيمي: حبيب قلبي ربنا يتمم بخير..قشطة أنا رايح أفطر
:D

ياسر: خدني معاك، ظبط بقى يا عم نديم
;)

سامح: مش فاهم.. خدوني معاكو

طارق: من 10 دقايق كنت بتقولي إنك خدت القرار عشان ترضي ربنا مش عشان أماني سابتك.. دلوقتي انت محتاج تثبت ده..

أنا: :|

طارق: أنا طالع أسأل المعيد على حاجات في مشروعي و جاي تاني
******************

\\ يعني أماني بتحبني؟؟ يعني مبتحبش خالد؟؟ أماني!! بعتت لي 4 رسايل و 50ميسد!!
أعمل ايه أنا دلوقتي أنا مش عارف... أنا آه واخد القرار عشان ربنا، ولا أخدته عشان أنا كده كده كنت مضطر أسيب أماني..

و قطع تفكير صوت أماني من ورايا

أماني: أنا آسفة للمرة الألف

\\ :|

أنا: على ايه يا بشمهندسة

أماني: بشمهندسة!! انت لسه زعلان مني؟ أنا و الله آسفة و مش هعمل كده تاني.. أنا عارفة إنك بتحبني و بتخاف عليا و مش هعمل فيك كده تاني أبداً

\\ أبوس ايدك كفاية أنا مش ناقص

أنا: أنا بس عايز أقول لحضرتك...

أماني : حضرتك بردو؟ طب و لو قلتلك يا نديم أنا بحبك.. هتعمل ايه؟

\\ بتحبيني!!
*******************
يا ترى ايه هيكون رد فعل نديم؟؟؟؟

تابعوا...:049gc0:
smsma81
06-04-2011, 09:19 AM
http://t0.gstatic.com/images?q=tbn:ANd9GcSTYJHy-uPpdGKk4NFvQV7ApUXUKfS1sSrqfB3SpS-ZYDxuxkKOkQ



اجمل ما في المسلسل ان دي فعلا حياه الكليه الجميله
حووور الجنة
07-04-2011, 08:51 AM
السلام عليكم و رحمة الله و بركاااااااااااااااااتة


الحــــــــــــــــلقة دي يا جماعة تحفة :friendsxs3:

الحـــــــــــــــــــــلـــــــــــــقة العــــــــــــــــــاشـــــــــــــــرة



أَحَسِبَ النَّاسُ أَنْ يُتْرَكُوا أَنْ يَقُولُوا آَمَنَّا وَهُمْ لَا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ ]
افتكرت الآية اللي كنت قرأتها الصبح من مصحف نديم... حاولت أفكر فيها .. بس هربت بكل قوتي ، مش عارف ، أنا مصدقت أماني بتحبني.. ده كان حلم حياتي.. بقى أول معرف إنها بتحبني أسيبها...
أماني: نديم ، سرحان في ايه؟
أنا:يعني انتي كنتي حاسة بيا كل ده، و كمان بتحبيني.. أنا أكيد بحلم
أماني: ولا بتحلم ولا حاجة، أنا بجد آسفة بس أنا لما اتعصبت يوم الاربع بعد مانت مردتش عليا مفكرتش أنا بعمل ايه..
أنا: بس كفاية اللي أنا سمعته دلوقتي،، أنت اتعصبي براحتك.. مش مهم أنا..
:D
أماني: يعني مش زعلان خلاص..
أنا: حتى لو حاولت أمثل إني زعلان مش هعرف.. أنا انهاردة حاسس إني اتولدت من جديد... أماني انتي أماني بجد؟
أماني: هرجع في كلامي على فكرة :) أيوا أنا ، اهو قدامك :)
\\ ساعتها حاولت أنسى قراري بصعوبة آه أنا مش عايز أزعلك مني يا رب بس مش عارف.. حاسس إني ضعيف ... حسيت بفرحة، بس فرحة بتوجع.. فرحان إن أماني خلاص بتحبني، بس قلبي مقبوض.. مكنتش أحب أني أقع في الإختبار ده.. مكنتش أحب أغضبك يا رب..
أنا: متيجي نخرج .. يا ترى تسمحيلي بشرف إني اتغدى مع سموك
أماني: مممممم، ماشي
:)

******************************


حاولت أنسى نفسي طول اليوم و أنا معاها.. بس إحساس رهيب بالذنب كان مخليني معاها زي الغائب الحاضر... معاها و مش معاها.. المفترض إني فرحان.. بس حاسس إني بمثل على نفسي.. حسيت إن رجوعي لها مكانش سهل زي مانا كنت متخيل.. معقولة أنا بحب ربنا أوي لدرجة إني مش عارف أفرح و هو غضبان عليا.. يا رب سامحني


*******************************
في البيت

جميلة: ممكن يا ماما تعملي سمك ، أشرف بيحب السمك..
أنا: طب ما يحبه هو ماله احنا ناكل ايه
جميلة: لأ يا نديم ده جاي يتغدى معانا انهاردة
نديم: ليه؟
جميلة: عادي
نديم: عادي ده اللي هو ايه، دانتو لسه حتى مقريتوش فاتحة.. يجي يتغدى هنا بصفته ايه؟؟
جميلة: بصفته إنه هيبقى خطيبي
أنا: ده لما يبقى..
ماما: نديم متكلمش أختك كده
أنا: يا ماما.. انتى موافقة إنها تعزم أشرف في البيت؟
ماما: ايه المشكلة يا حبيبي مفيهاش حاجة .. قلي بقى تاخد سمك مشوي ولا مقلي
أنا : :| أنا اتغديت بره، و نازل اتمشى
جميلة : متتأخرش عشان تسلم على أشرف طيب
أنا: لما أشرف يمشي ابقو كلموني عشان أجي


********************************


نزلت اتمشى و قعدت أفكر..
أنا:معقولة كل حاجة بترجع تبوظ تاني.. أشرف ده هعمل معاه ايه.. و الله ما مستريحله.. نفسي جميلة تفهمني.. أنا خايف عليها بجد.. أنا لازم أفكر ازاي أخلص منه..

أنا بردو: كما تدين تدان يا عم نديم
..

أنا: تقصد ايه

أنا بردو: شوف انت اتغديت انهاردة و قضيت اليوم مع مين، و عملت ايه

أنا: أنا ... أنا.. بحب أماني و ماصدقت
أنابردو: لا يا راجل.. المفروض إني اقتنع يعني؟ طب حيث كده أحب أقولك إن أشرف بيحب جميلة و ما صدق
:D
أنا: انت هتهزر
أنا بردو: طب متقول كلام معقول يعني..
أنا: أنا اقصد ، إن أشرف أنا متأكد إنه مبيحبهاش.. و إلا...
..
أنا بردو: متكمل، قول .. قول و إلا كان حافظ عليها و احترمها و قدرها من بدري..
أنا: أنا أقصد
أنا بردو : أنا عارف قصدك.. متحاولش تهرب مني بقى، متحاولش تهرب من نفسك
أنا: أنا مش هسيب أماني أنا بحبها
أنا بردو : لو بتحبها ترميها في النار؟؟
أنا: نار! لأ طبعاً مين قال كده
أنا بردو: انت مش كده بتعصى ربنا و بتساعدها على معصية ربنا.. يا عم لو بتحبها اتمنالها الجنة
أنا:أكيد نفسي تدخل الجنة
أنا بردو : كلام، فكر شوية.. شوف لو انت بتحبها فعلاً هترضالها الوضع اللي مرضيتلهوش لأختك
أنا: أنا
...
أنا بردو: انت كده تبقى أناني أوي، و بتحب نفسك، و عايز ترضي نفسك ، تفضل مع أماني، و تطمن على جميلة.. بس خد بالك انت كده بتأذي نفسك و انت مش حاسس.. ربنا غفور رحيم، بس عذابه أليم ..
أنا: أنا هتوب
أنا بردو: و ده المسكن اللي انت بتستخدمه مع ضميرك؟؟ كفاية إني أقولك إنك متعرفش امتى هتموت.. ممكن ملك الموت دلوقتي يكون هيقبض روحك.. مستعد؟؟

~الآذان~

أنا بردو: يلا عم نديم نصلي ربنا يهديك
أنا: لا يا عم أنا لو شفت أنس مش عارف هقوله ايه
أنابردو : مكسوف من أنس و مش مكسوف من ربنا؟ يلا نصلي يا عم..

أماني بتتصل
أنا : أنا هرد بقى
أنا بردو: تصدق انت معندكش دم ، شوف أنا بقولك ايه من الصبح
أنا: عشان خاطري بقى بص أنا هرد بقى
~الإقامة~
أنا بردو: يا عم اقفل الموبايل عايزين نصلي بقى هقوم اضربك
أنا: طب حاضر
*********************************
في الصلاة، أنس قرأ الآية اللي قرأتها من مصحفه الصبح

[ أَحَسِبَ النَّاسُ أَنْ يُتْرَكُوا أَنْ يَقُولُوا آَمَنَّا وَهُمْ لَا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ ]

أول مسمعت الآية دموعي غلبتني.. أنا، كنت كداب؟؟ أنا بحب ربنا فعلاً و مش عايز أغضبه؟ أنا قررت أسيب أماني الصبح عشان ربنا بجد ولا كنت كداب؟؟

و خلصت الصلاة و فكرت أمشي بسرعة عشان أنس ميشوفنيش، بس بعد ما سمعت الآية للمرة التانية انهاردة، حاسس إني عايز أكلمه ..
أنا: أنس
أنس: السلام عليكم أهلااااا ، نديم باشا
أنا: و عليكم السلام .ازيك يا أنس
أنس: تمام، مالك يا عم شكلك مضايق
أنا: قلي يا أنس، هو ربنا بيختبر الناس ؟
أنس: طبعاً، انت سمعت الآية اللي قرأتها في الركعة الأولى؟ ربنا سبحانه و تعالى بيعمل للناس اختبارات.. مواقف بيعدوا فيها.. المواقف دي بتبقى عاملة زي الغربال، يقع منه الحاجات الوحشة، و يفضل الحلو
أنا:أنس أنا الآية دي قرأتها الصبح من مصحفك و لسه سامعها منك دلوقتي.. و بصراحة أنا حاسس إنها ممكن تكون ،، مش عارف أقول ايه
أنس: تقصد رسالة من ربنا ليك؟؟
أنا: آه تقريباً كده
أنس: و ليه لأ.. ربنا بيرسلنا حاجات تساعدنا في طريقنا، و تنبهنا.. و ده من كرمه و رحمته بينا.بس قلي انت ليه حاسس بكده
أنا: أصل..أنا كنت قررت أتوب و رجعت في قراري، و حاسس إني خلاص سقطت في الاختبار
أنس: بس في إعادة
أنا: يعني ايه
أنس: يعني مش هي دي النهاية، إن الله لا يمل من استغفارنا حتى نمل.. يعني لسه ممكن ترجع تاني.. متستناش يا نديم.. محدش يعرف امتى هيموت..
***********************************
خلاص أنا قررت.. من بكرة مفيش أماني إن شاء الله، يا رب ثبتني.. انت عارف يا رب ضعفي.. و عارف اللي جوايا و اللي قلبي حاسس بيه.. يا رب مليش غيرك يا رب.. يا رب اجعلني من الذين صدقوا..
****************************
الصبح في الكلية

دخلت الكلية بقدم رجل و بأخر رجل.. نفسي مشوفش أماني.. بس لأ أنا لازم أبقى قوي.. مش قلت إني بحب ربنا، انهاردة إن شاء الله أثبتها بالفعل... أماني اهي جاية من بعيد،، هعمل ايه معاكي يا أماني و هقولك ايه؟؟

اشوفكو في الحلقة الجاية.........;);)
marium ali
08-04-2011, 01:57 AM
مش تتاخرى علينا اوى كدا يا حوووووووووووور
h_hmmam
08-04-2011, 10:51 AM
هاااااااااااااااااااايل والف شكر .
emey esa
08-04-2011, 02:47 PM
ياريت ما تتاخريش علينا عشان انا متشوقة جدا للى هيحصل:bosyht9:
حووور الجنة
08-04-2011, 08:21 PM
السلاااااااااااااااااااااااااااااااامو عليكم


الحــــــــــــــــــــــــلــــــــــــــــــــــ ــقـــــــــــــــة ال11


أماني:نديم، صباح النور
أنا:
.
.
أماني: سرحان في ايه؟

\\ الموبايل بيضرب
،
أنا: ثواني أرد

طارق: السلام عليكم، نديم بقولك ..

أنا: طارق بقولك ايه انت، أنا في موقف صعب أوي..

طارق: في ايه خير؟

أنا: بص يا طارق، أولاً عايزك تحط نفسك مكاني قبل متقول حاجة..أنا دلوقتي كنت واقف مع أماني.. و بص بقى أنا مش عارف حاسس إني هعك الدنيا...

طارق: انت لو بتحب ربنا بجد، لو عايز تطيعه بجد، لو عايز رضاه بجد.. هتثبت بالفعل .. مش بالكلام و بس.و مش هتعك ولا حاجة إن شاء الله. شوف يا نديم انت هتعمل ايه.. و أي حاجة هتعملها اعرف كويس أوي إن ربنا شايفك و سامعك.. قبل ماتعمل حاجة غلط، لو بتحبه بتهيألي هتتكسف منه ..

أنا: طيب أنا مش عارف يعني

طارق: معلش يا نديم أنا هقفل معاك عشان الدنيا دوشة هنا أوي، أنا قربت عالكلية أهو السلام عليكم

أنا: و عليكم السلام

و قبل ماحاول أفكر قاطعني صوت أماني

أماني: مسهم كده ليه يا نديم؟

أنا: بشمهندسة أماني، من فضلك ممكن تسمعيني للآخر.
أماني: بشمهندسة
!!
أنا: أنا أخدت قرار إني هبعد عن حضرتك و عن البنات عشان أرضي ربنا.. انتم غاليين و متستاهلوش مني أكون سبب في إنكم تعصوا ربنا.. انتم غاليين عشان كده مش أي حد يطولكم.. أنا زي مبخاف على أختي و بغير عليها ..لازم أخاف عليكم.. عشان كده أنا مش هرضالك بحاجة أنا مرضاهاش لأختي.. أنا آسف لو كنت اتسببت لحضرتك في أي ألم ، أنا آسف لو اتسببت في إنك تعصي ربنا.. من انهاردة إن شاء الله مش هكون كده تاني...

لحظات من الصمت و بعد كده مشيت
...
\\ آآه.. أنا آسف بس بحب ربنا أكتر..

و وصل طارق

طارق: ايه اللي حصل؟
أنا: متخافش على صاحبك :)
طارق: عرفت إنك تبت؟
أنا: و زمان الكلية كلها دلوقتي عرفت
:D
*****************************

جيمي و ياسر و سامح جايين

جيمي: ايه يا عم اللي أماني بتقوله ده
ياسر: معقوله توصل بيك الغل للدرجة دي
جيمي: ايه يا عم الغرام و الانتقام
ياسر: ماكنتش خناقة يعني
طارق:
:D
سامح: أنا مش فاهم..

أنا: انتقام ايه و غل ايه هو أنا ضربتها، أنا كلمتها بكل ذوق و قلتلها لأ أنا تبت.

سامح: مش فاهم

أنا: هبقى زي طارق يا سامح .. مش هقف معاهم تاني، إلا للضرورة

جيمي: فجأة كده

ياسر: أماني ف**** بتردلها القلم

طارق: على فكرة نديم واخد قراره من قبل ما يعرف أصلاً موضوع الرسايل

جيمي: طب ليه رجعلها امبارح و قضوا طول اليوم بره سوا لما هو كده

أنا: غلطت للأسف.. أنا بشر و بغلط.. بس إن شاء الله غلط مش هيتكرر

جيمي: و افرض يا نديم بس الكلية دلوقتي ملهاش سيرة غيرك انت و أماني.و أماني ف**** عاملها حركة عشان تردلها القلم و تفرج الكلية عليها زي ما هي عملت معاك.

ياسر: و أصلاً الكلام على ما بيوصل من حد لحد بيتغير

طارق: ممكن على ميوصل في الآخر، تلاقي نفسك بقيت إرهابي ولا حاجة
:D
أنا: أنا مش هفرج حد على حد.. أنا كلامي كان واضح معاها يا جماعة و بعدين مش مشكلة، من يتقِّ الله يجعل له مخرجاً...
:)
سامح: مش فاهم
!!!
********************
و من ساعتها انهالت عليا نظرات الناس في الكلية عشان تكتشف الكائن الجديد اللي شايفينه... مع توقعات و احتياطات أمنية لأي قنبلة أو رشاش يطلعوا مني
:D
اللي يقولك اتدروش و اللي يقولك عملوله غسيل المخ و اللي يقول ده بيمثل
بالرغم من كل ده، الكلام ده مبيضايقنيش.. طول عمري عارف إن اللي ماشي صح، الناس بتحدفه بالطوب
:D
و قلت لازم أبدأ أشوف حياتي الجديدة و أخليها أجمل بكتير... أشوف صحاب كويسين، أشوف شغلي شوية في الكلية بعد منسيت نفسي... أي نعم ذكريات أماني ، بين فترة و التانية بتيجي على بالي.. بس معلش هتعب شوية.. بس امشي صح.. و بما يرضي الله :)
*****************
\\ موبايلي بيضرب..ماما
أنا: ايوا يا حبيبتي
ماما: ألو يا نودي،، مشوفتكش انهاردة الصبح يا حبيبي
أنا: كنت بصلي الفجر في المسجد و قعدت مع صاحبي و رح معاه الكلية
ماما: تقصد أنس
أنا: أيوا يا ماما
ماما: باباك بيقولي إنكوا عزمتوه هو و أخته عندنا بكرة
أنا: آه أصل هو والده مات من أسبوع و والدته ماتت من زمان انتي عارفة، بابا عايز يتكلم مع أنس و يشوف محتاجين حاجة ولا لأ
ماما: طيب يا حبيبي، و انت جاي ابقى عدي على أي مطعم اعمل اوردر عشان أنا بكرة مش فاضية اطبخ
أنا: حاضر ، يلا سلام
ماما: باي
***************************
في البيت

جميلة بتتكلم في التيليفون

جميلة: أشرف بتتكلم جد

أنا: :* ، أنا عايز التيليفون يا جميلة..

جميلة: ثواني يا نديم

خدت التيليفون و دخلت الاوضة :*:*

ماما: عملت الاوردر يا نديم؟؟

أنا: ايوا يا ماما

ماما: كان عايزك في ايه أنس

أنا: مكناش عايزني ولا حاجة احنا كنا بنحكي

ماما: أنا مش مستريحة يا نديم انت بقالك يومين بتصلي في المسجد

أنا: طب و فين المشكلة

ماما: انت ابتديت تتغير يا حبيبي

أنا: للأحسن

ماما: يا حبيبي أنا خايفة عليك، انت متعرفش أنس بيفكر ازاي، ولا بينتمي لجماعات ولا لأ
\\ شئ سخيف إن الواحد يتلكك للناس أول ميشوفهم بيعملوا حاجة حلوة.. بس بردو اللي بيمشي عدل بيتحدف بالطوب

أنا: ماما حبيبتي متخافيش عليا.. مش هعمل إلا الصح إن شاء الله.. أنا داخل اوضتي..
******************
في اوضتي

موبايلي بيرن... أماني
!!

أنا: يا ترى عايزة ايه؟

أنا بردو: مش عارف.. انت مش فهمتها الحكاية

أنا: آه

أنا بردو: أنا رأيي متردش .. انت عايز تكمل ولا بتدور على حاجة تضعفك

أنا: لا تكون عايزاني في حاجة مهمة؟

أنا بردو: اه تصدق..تكونش رجل المهام الصعبة حضرتك؟؟ حاجة ايه يعني؟؟ لا ليك شغل معاها و لا أي حاجة.. كل اللي كان بينكم كلام فاضي

أنا: معاك حق

أنا بردو: بطل استعباط

أنا: حاضر
:$

أنا بردو: يحضرلك الخير ، أقولك غير النمره

أنا: ايه!!

أنا بردو: ولا ايه ولا بي اسمع الكلام بقى يا عم المسهوك انت خلينا نستريح من الموضوع ده..

أنا: حاضر يا عم متزقش :) طب ممكن أدخل أنام حضرتك

أنا بردو: صليت العشا؟

أنا: تمام يا فندم
:)

اشوفكو الحلقة الجاية
:049gc0::049gc0::049gc0::049gc0::049gc0:
حووور الجنة
08-04-2011, 08:34 PM
معلش يا جماعة انا قلت احط حلقتين مرة واحدة عشان ظروف الكلية بتاعتي و خايفة اتاخر عليكو



الحـــــــــــــــــــــــلـــــــــــــــــــــقـ ـــــــــــــة ال12




أنا:هفطر مع أنس في السكة..

ماما: نديم، ايه حكاية أنس كل يوم دي؟ انت مش صليت الفجر خلاص في المسجد؟

أنا: عادي يا ماما اهو حد يونسني في السكة...آه بالمناسبة، أخت أنس منتقبة .. اعملي حسابك تروقوا السفرة اللي جوه تاكلوا انتي و جميلة معاها..

ماما: يالهوي.. منتقبة كمان.. مش بقولك مش مستريحة..دي أكيد مخطوبة على كده..

أنا: معرفش يا ماما..

ماما: امال قاعد مع أنس طول النهار متعرفش حاجة عنه
..

أنا: مجاش في بالي أسأله عن أخته الحقيقة، يا خبر هتأخر على الكلية أنا نازل بقى..

ماما: ربنا يهديك يا بني

أنا : يا رب
:d
*******************
في الكلية

ياسر: مشوفتش انت لما خالد عرف اللي عملته مع أماني

جيمي: كان هيزغرط و يفرق شربات

أنا: ايه ده ؟؟ أنا مقلتش مش هتجوزها.. نعم يعني.. أنا بس لما أبقى جاهز هدخل البيت من بابه..

جيمي: انت خايف ليه يا عم مش هي بتحبك

أنا: أنا خايف تكون فهمتني غلط... أنا لسه متمسك بيها

طارق: انت وضحتلها وجهة نظرك، و بعدين انت دلوقتي اعمل اللي عليك، و كون نفسك عشان تثبت إن انت جد..

ياسر: بس الصراحة يعني واضح إنها فاكراه بينتقم منها أو بيخلع بشياكة

أنا: يعني ايه

طارق: انت قلبك خفيف كده ليه.. انت مش عارف إن من ترك شيئاً لله

أنا: عوضه الله خيراً منه

طارق: خلاص يا عم فكها

جيمي: قشطة، فكها بقى و اعزمنا على حاجة
:)
**************************

طول المحاضرات كان عقلي مش معايا..
ده كده مش بعيد خالد يتقدملها في أي وقت... يا خبر أبيض.. و هي فاكراني، مش بحبها أو بردلها القلم.. و مش بعيد توافق.. أنا ممكن أروح فيها.. معقول تروح مني... أنا بقالي كتير بحلم إني بس أعرف هي بتحبني ولا لأ... أنا هقدر أعيش من غيرها؟؟ يا رب استر يا رب... يا رب أنت عالم بحالي يا رب..

*************************
في البيت

جميلة: نديم، هو صحيح انت عازم حد انهاردة

أنا: آه دول أنس و رقية ولاد واحد صاحب بابا اللي مات الأسبوع اللي فات

جميلة: يااااه
:(

أنا: حتى كمان مامتهم ماتت و هما صغيرين، بقولك ايه يا جميلة، شوفي رقية كده لو محتاجة حاجة ، بابا أصلاً عايز يساعدهم يعني.. متتأخريش عنها

جميلة: آه طبعاً، طب هتأكلهم ايه.. ده ماما مطبختش، اعملكوا رز بشوربة الزعتر و

أنا: لأ، اوعي تعملي حاجة.. أنا عامل اوردر زمانه جاي

جميلة: طب اعملكو حاجة حلوة

أنا: أبداً و الله مانتي تاعبة نفسك
:)
~جرس الباب~
بابا: تلقاه أنس أنا رايح أفتح

أنا: طب أنا رايح أغير

جميلة: و أنا هظبط الميك أب بتاعي
************************
بعد الأكل

أنس: تسلم الأيادي يا عم نديم، مكنش له لزوم تتعبوا نفسكوا
\\ ده بيقولك تتعبوا نفسكوا .. احمد ربنا إن جميلة متعبتش نفسها

بابا: بالهنا و الشفا يابني

أنا: تعب ايه يا عم

بابا: و انت بقى يا بني في كلية ايه؟

أنس: هندسة اتصالات

بابا: عامل ايه في الدراسة بقى؟

أنس: الحمد لله .. تمام
..
بابا: قولي بقى يا بطل، بتشتغل و لا بتصرف منين ؟

أنس: اه بشتغل مع الدراسة و الحمد لله مرتبي مع معاش بابا، كله تمام

بابا: انت بتقبض كام من شغلك؟

أنس: يعني 800 جنية

بابا: طب بص يابني.. ايه رأيك تيجي تشتغل عندي في شركتي، أشوفلك شغلانة مناسبة

أنس: طب و ليه يا عمي مانا بشتغل

بابا: لا يا بطل ماهو مرتبك عندي هيبقى الضعف إن شاء الله

أنس: بس

أنا: بس ايه؟ هي دي فيها بسبسة.. موافق طبعاً يا بابا

أنس: موافق ايه يا نديم، أصل

بابا: يابني انت لسه هتقول أصل و فصل..

أنا: اسمع كلامي يا بابا.. هي خلصت كده..

أنس: أنا مش عارف أقول ايه....

أنا: قول لبابا يشغلني معاكو أنا كمان اشمعنى أنا
:d

بابا: تشتغل؟! طب ليه يابني؟

أنا: عشان ... عشان... عشان أكون نفسي بقى

بابا: و انت تعرف تشتغل و لا تشيل مسئولية شغل

أنا: جربني بس.. متقوله يا أنس ده انت لسه متوظف مفيش خمس دقايق

أنس: :) لا يا عم أنا مضمنكش

بابا: هههههه، خلاص ماشي أشغلكوا انتو الاتنين
...
أنس: طب أنا يادوب أمشي بقى، عشان المغرب، ممكن تستأذن آنسة جميلة تنده رقية عشان نمشي
:)
*********************************
smsma81
08-04-2011, 09:23 PM
http://202.172.234.170/patrainer/blogs/gallery/2463/congratulation.jpg

عمو أبو نديم ده شكله حنين اوي.

ونديم شكله بيصطعبط . طيب ما يشتغل ما ابوه من زمان !
حووور الجنة
09-04-2011, 03:57 PM
سلااااااااااااااامو عليكم


الحـــــــــــــــــــــــلـــــــــــــــــــــــ قة ال13



صليت الفجر و رجعت البيت أجيب اللاب... و دخلت البيت ، و عديت على
المطبخ.. ايه ده مين دي؟؟ واحدة غريبة في المطبخ مدياني ضهرها...غريبة ..ضيوف الصبح كده!

رحت لبابا

أنا: بابا، هو احنا عندنا ضيوف

بابا: لا ليه

أنا: مين اللي في المطبخ دي

بابا: دي جميلة أختك

أنا: هي اتحجبت؟ :0

بابا: آه ، شفت..
:)

أنا: و ربنا بتتكلم جد؟

بابا: آه و الله ده حتى مامتك دبت معاها خناقة الصبح، بس خناقة حقيقي مش من بتوعك
;)
أنا: جميلة اتحجبت
:D

بابا: انت هنجت ولا ايه


و أول حاجة جت على بالي أسجد سجدة شكر... يا الله... ياما انت كريم يا رب... ربنا يبعد عنك أشرف و تكمل فرحتي
...

و قمت من السجود و مقدرتش أمنع دموع الفرحة لا أنا و لا بابا

بابا: يلا روح باركلها لحسن مامتك أحبططها

أنا: ده أنا هعملها كرنفال
و جريت عالمطبخ

أنا: يا ترى سمو الأميرة جميلة تسمح للرعايا إنهم يهنوها
:)

جميلة : :) مفيش مانع

و مسكت ايدها و بوستها

أنا: أنا الفرحة مش سايعاني سيادتك و مش عارف أقولك ايه.. انت انهاردة أميرة بجد.. و جميلة بحق و حقيقي

جميلة: الملافظ سعد ، أنا كنت وحشة قبل كده يعني ولا ايه

أنا: مش اوي يعني
:P

جميلة: يعني كده أحسن؟ ماما عمالة تقولي أنا لسه صغيره

أنا: انت بتهرجي يا بنتي طبعاً أحسن أنا فرحان بيكي أوييييي... أنا عايز أعيط.. ازغرط بابا يقول الواد لسع.. و بعدين
صغيرة ايه..دانتي أكبر مني

جميلة: الحمد لله.. أنا كمان فرحانة، أول مرة أحس بالفرحة دي.. تعرف يا نديم ليها طعم تاني.. إنك تعمل حاجة مخصوص عشان ترضي ربنا..

أنا: انت هتقوليلي، بقولك ايه احتفالاً بيكي، أنا قررت

\\ و أمري لله

أنا: قررت أفطر من ايديكي

جميلة: بجد يا نديم ماشي أنا قايمة أشوفلك أكلة جديدة كنت كتبتها امبارح
أنا : :((

بابا: لا، الفطار عليا أنا يلا اجهزوا أنا عازمكم بره نحتفل كلنا، بس محدش يقول لماما
:)
\\ ألف حمد و شكر ليك يا رب


***************************


بعد الفطار بره رحت الكلية على نص اليوم و لاحظت إن صحابي كان شكلهم مش مظبوط.. شكله في حاجة...

أنا: مالكم بتبصوا لبعضكم كده ليه في ايه؟؟

ياسر: ايه؟

جيمي: عادي..عادي

سامح: أقول؟؟

أنا: في ايه؟

طارق: أصل
....
أنا: أصل ايه؟

سامح: هما عايزين يقولولك إن خالد و أماني خطويتهم كمان اسبوع

أنا: ايه؟

سامح: لأ و كمان خالد بيوزع شيكولاتة

\\ خلاص كده؟ أماني بتروح؟

جيمي: و أماني وصتنا نعزمكو باعتالك الشيكولاتة دي

حسيت للحظة إني مش في الدنيا..

خلاص؟؟

و مشيت و سبتهم و قعدت أفكر.. أماني ضاعت مني مع إني سبتها عشان ربنا.. أنا هتجنن، في حاجة أنا مش فاهمها... أنا كنت فاكر إن ربنا هيعوضني إني اتجوزها...


طارق كان ورايا و شاف دموعي

طارق: من ترك شيئاً لله
..

أنا –من بين دموعي- : عوضه الله خيراً منه

طارق: طب لزمتها ايه الدموع؟

أنا: خلاص.. راحت

طارق: مانت لسه قايل عوضه الله خيراً منه، يعني اللي أحسن هيكون ليك إن شاء الله.. سواء هي أو غيرها.. ربنا حكيم و كريم يا حبيبي.. عارف فين الخير ليك.. و من رحمته بينا بيصرف عنا حاجات يمكن احنا بنتمناها أوي .. بس هو يعرف إنها شر لينا.. و احنا نتسخط و نقعد نقول ربنا مبيحبناش؟

أنا: لا طبعاً..

طارق: انت لازم تكون أقوى من كده يا نديم.. فين نديم اللي أعرفه؟

أنا: معاك حق..
و مسحت دموعي


أنا: مش أختي اتحجبت

طارق: لا يا راجل

أنا: آه
:)
طارق: الحمد لله .. بس فجأة كده؟

أنا: بص هو احنا امبارح كنا عازمين عندنا أنس و رقية

طارق: مين دول

أنا: ولاد صاحب بابا بس ناس متدينة

طارق: قلتلي ... و بعدين يا سيدي

أنا: ولا قبلين .. بخمن يعني إن ممكن تكون رقية كلمتها عن الحجاب أو حاجة

طارق: طب جميل أوي.. بنت حلال رقية دي ربنا يباركلها

أنا: ممكن أكلملك أنس على فكرة
:P:D

طارق: ده اعتبره تدبيس
:D

لقينا الشباب جايين

ياسر: يا عم كبر بقى الموضوع مش مستاهل

جيمي: و بعدين انت عايز تشمت فينا اللي بالي بالك ولا ايه

سامح: مش فاهم


**********************
في البيت


ماما: انتو عايزين تجننوني.. اسيبلكم البيت يعني

بابا: كل ده عشان البنت اتحجبت

ماما: انت عايز العيال يتقبض عليهم..

بابا: هي البنت جابتلك ذخيرة في البيت


و لقيت جميلة واقفة مذهولة


ماما: أنا داخلة اوضتي و معدتش اكلم تاني مدام رأيي مش مهم عندكو كده

و دخلت اوضتها و رزعت الباب

أنا: هو في ايه؟

جميلة: ماما كانت هترمي الحجاب بتاعي و بابا مرضيش

أنا: للدرجة دي؟

جميلة: مش عارفة أعمل ايه بجد

أنا: معلش يا حبيبتي هي شوية و هتروق

بابا: اصبروا شوية كده و ندخل نصالحها كلنا

تيليفون جميلة بيرن


جميلة : ده أشرف، ايوا يا أشرف
و دخلت اوضتها
و سابتني أنا و بابا بنفكر هنعمل ايه مع ماما
!!
***********************
:bosyht9::bosyht9::bosyht9::bosyht9::bosyht9::bosy ht9::bosyht9:
emey esa
10-04-2011, 12:44 PM
مبروك لجميلة على الحجاب
وعقبال ماتسيب شوشو:stickjo4:
emey esa
10-04-2011, 12:45 PM
:confused:بس هى مامة جميلة محجبة
somaya2010
10-04-2011, 07:39 PM
فين بقيت الحلقات يا حوور ياريت تجيبيهم بسرعة
somaya2010
10-04-2011, 07:44 PM
دى جميلة اوى
نقاء الروح
11-04-2011, 04:44 PM
الف مبروووك ياجميلة
فرحتلك اوي والله :022yb4:
انتي كدا عقلتي ههههههه
بانتظارك ياقمر
حووور الجنة
12-04-2011, 07:49 PM
السلام عليكم و رحمة الله و بركاااااااتة

انا اسفة يا جماعة اتأخرت عليكم.........سامحوني:romarioxp6:


أنا: شكلنا مش هنتغدى، صح؟

بابا: أو ناكل من ايد جميلة

أنا: لأأأ .. مين قال لازم نتغدى.. أنا داخل أريح
..
و أنا داخل سمعت صوت جميلة بتزعأ.. دخلت عندها لقيتها بتتخانق في التيليفون و منهارة من العياط

جميلة: انت بتخيرني بينك و بين الحجاب... ليه يعني.... اتكلم باسلوب حلو لو سمحت يا أشرف
\\جيتلي أهلاً

أنا: هاتي التيليفون، نعم يا أستاذ .. نعم يا عم المحترم

أشرف: نديم، اديني جميلة و متدخلش لو سمحت..

أنا: يظهر إن انت نسيت نفسك.. انت مين أصلاً عشان تكلم أختي كده.. و تخيرها بينك و بين الحجاب بأمارة ايه.. هي دي الأمانة اللي كنا هنديهالك.. واضح إن انت ناوي تحافظ عليها.. ولا انت عايز تمشي تقول للناس مراتي حلوة.. انت راجل انت؟؟ مش كفاية إنها مجتش منك و نصحتها تلبسه
..
\\ أنا آسف يا جميلة عارف إن كلامي بيوجع و يبكي بس لازم تسمعي و تعرفي حقيقته

أشرف: أنا حر أنا مش عايزها تتحجب دلوقتي لما تخلف مثلاً ولا حاجة..و بعدين هي اللي ترد عليا

أنا: اسمع بقى المرة دي جميلة هي اللي هتقولك لأ بنفسها.. بتهيألي هي دلوقتي شافت حبيبها اللي بيخاف عليها.. خدي يا جميلة ، قوليهاله
\\ قليها عشان خاطري.. لأ قوليها عشان خاطر ربنا.. يا رب قويها

و مرت لحظات بطييئة ، جميلة بتعيط و أنا ماددلها ايدي بالتيليفون

أنا: التيليفون اهو أنا ماشي...قرري براحتك

و قمت عشان امشي بس
...
جميلة: انت لسه عالتيليفون ليه.. بتهيألي نديم رد عليك.. ملكش دعوة بيا تاني

و رجعت خدتها في حضني
\\ و الله حاسس بيكي

أنا: أنا آسف لو ضايقتك، بس انت متعرفيش أنا من زمان مش مستريح لموضوع أشرف ده.. جميلة أنا لو عملت كده فعشان أنا بخاف عليكي.. و عشان انتي أنا و مستحملش أشوفك مع حد ميستاهلكيش... بالله عليكي.. دموعك دي غالية أوي،، أوي.. متخليهاش تنزل عشان حاجة متستاهلش... و يا ستي هو لو بيحبك هيرجع إن شاء الله

جميلة: أنا بعيط عشان زهقت.. نفسي ألاقي حد بيحب جميلة مش عشان أزيائي و لبسي و شكلي و بس... بمجرد ما قلتله إني اتحجبت ألاقيه بيخلع بالبساطة دي.. كان بيحبني ازاي؟

أنا: يبقى تنسي و اوعي زعلي على حد مزعلش عليكي و ميستاهلش تزعلي عليه..انسيه..انسيييييييييه

جميلة: حاضر
:)
التيليفون بييضرب

أنا: أشرف يا ستي بيتصل

جميلة: أشرف مين
:)
********************************
في البلكونة

أنا: هتبات في البلكونة ولا ايه

بابا: مامتك قافلة عليها الاوضة لسه غضبانه

أنا: لسه؟

بابا: اه يا سيدي آخرتها هتنيمني في الصالة

أنا: ممكن تيجي تنام عندي على فكرة بس مش هتاخد مخدتي

بابا: معملتش حسابي و أنا بفرش الشقة على حاجة زي كده

أنا: خلاص يا بابا خد نص المخدة

بابا: أخرتها معرفش أنام في اوضتي

أنا: خلاص يا بابا هنام أنا في الصالة
:D
بابا: و اتحوج لحد زيك

أنا: شكلك عايز تنام في البلكونة
:D

بابا: زي القمر زيك
:)

أنا: أه بحسب :) ايه ده الحق ماما طلعت الحق ادخل الأوضة و احجز مكانك قبل مترجع تقفلها تاني

بابا: غريبة طب أنا داخل أنام بقى

أنا: جميلة، يا جميلة.. تعالي

جميلة: في ايه ؟

أنا: ماما رايحة فين؟

جميلة : مش عارفة

أنا: يالهوي لتكون هتسيب البيت بجد
:D

جميلة: تفتكر؟

أنا: متيجي نصالحها

جميلة : يلا
\\ ربنا يهديكي يا أمي
*********************************
أنا: على فين يا ست الكل

ماما: اوعي كده من وشي

حاسبت من وشها
:D
لقت جميلة ورايا

جميلة: علي فين يا ست الكل

ماما: بقولكو ايه ابعدوا عني

أنا و جميلة: و احنا نقدر؟

ماما: هو أنا بقيت أفرق معاكو في حاجة

أنا: الا تفرقي، هو احنا بالنا يستريح إلا و انتي راضية

ماما: و أنا بقى مش راضية

جميلة: نرضيكي

ماما: تقلعي الحجاب

أنا: طب ليه بس يا قمر

ماما: يا بني ده أنا لسه متحجبتش، و جميلة لسه صغيرة

جميلة: يا أمي يا حبيبتي أنا مش صغيرة دانا على وش جواز

أنا: و بعدين يا أمي هو مين اللي يحدد هي تتحجب امتى؟ مين اللي فرض الحجاب؟ مين اللي احنا بنعبده و المفروض نقوله سمعنا و أطعنا؟ و لو انتي متحجبتيش، تقومي تقلعيها الحجاب و لا تلبسيه زيها؟

ماما: يا بني ربنا غفور رحيم، خلي أختك تعيش شبابها

أنا: يا ماما ربنا بيقول { نبىء عبادي أني أنا الغفور الرحيم وأن عذابي هو العذاب الأليم } ، و بعدين معنى إن ربنا غفور رحيم إننا نتعمد نعصاه و نتمادى في ده؟؟

جميلة: و بعدين يا ست الكل يا قمر انتي مين قال مش هعيش حياتي.. أنا محسيتش بسعادة زي اللي أنا فيها دي دلوقتي حاسة بقيمتي و بغلاوتي.. أنا قيمتي في طاعتي لربي..

ماما: طب و أشرف رأيه ايه؟

أنا و جميلة: أشرف مين
:D

ماما: يعني ايه أشرف مين؟

أنا: دي تقصد اللي كاااااان هيبقى خطيبك

جميلة: بعد الشر عليا يا نديم متقولش كده

ماما: نعم أنا مش فاهمة

جميلة: أصلي مش عايزة أتجوز أشرف

ماما: نعم!!

أنا: عادي يعني يا ماما و أنا كمان

ماما: و انت كمان ايه؟

أنا: مش عاوز اتجوز أشرف.. قصدي مش عايزها تتجوزه
:D
ماما: انتو بتهرجو أنا آخر من يعلم

جميلة: بالعكس يا قمر داحنا لسه مفركشين مفيش خمس دقايق

أنا: يلا يا ماما مش تباركيلها

جميلة: الله يبارك فيكي يا حبيبتي
:D
أنا: خلاص بقى يا ماما

جميلة: خلاص بقى يا ماما

بابا جه
بابا: ما قالولك خلاص بقى يا ماما :)
marium ali
13-04-2011, 08:58 PM
مستنيين الحلقة الجاااااااااااااااية
بس ما تتاخريش
somaya2010
13-04-2011, 09:27 PM
فين الحلقة ؟ انا متشوقة اوى
حووور الجنة
13-04-2011, 11:03 PM
السلااااااااااااااااااااااام عليكم و رحمة الله و بركااااااااااااااااتة


الـــــــحلـــــــــــــــقة الاخــــــــــــــــــــــــيرة يا جمااااااااااااااااااااااعة:049gc0:

الحلقة الأخيرة
--------------------------------------------------------------


&&بعد مرور سنتين&&

بابا: السلام عليكم و رحمة الله.. السلام عليكم و رحمة الله

أنا: يلا يا والدي هنتأخر

بابا: أنا جاهز أهو يا نديم مامتك جهزت؟

أنا: يا ماماااا

ماما: أنا بلبس الطرحة اهو و هجهز يا حبيبي..

بابا: أصحابك مجوش لسه

أنا: زمانهم على وصول
~جرس الباب~


ياسرو طارق و سامح: و جوزناه و خلصنا منه،جوزناه و خلصنا منه و جوزناه و ارتحنا منه، جوزناه و ارتحنا منه

بابا: ههههههه، ازيكو يا ولاد

ياسر: ازيك يا عمي.. هو فين العريس

أنا: أنا مش مالي عينك ولا ايه

طارق: ايه ده مش باين عليك يعني.. ايه التبويزة دي، احنا هنحبسك ولا ايه

أنا: اتأخرنا يا جماعة

ياسر: اتأخرنا ايه لسه ساعتين

سامح: بتوقيت العريس يبقى متأخر
:D

بابا: هنتحرك ازاي بقى

أنا: انت و ماما اسبقونا عشان تكونوا في استقبال الناس صحابي هيودوني أخد يارا من عند الكوافيرة

بابا: آه صحيح فين مراتك يا طارق.

طارق: رقية ،، جميلة هتاخدها في عربيتها..

بابا: أمال فين أنس..

ياسر: بيجيب حاجات حلوة لآية

أنس: جيت اهو

أنا: حبيبة خالو

بابا: شفت انت آية فكيت.. ايه يا أنس جميلة هتتأخر ولا ايه..

أنس: أكيد يا عمي دي لمت بنات العيلة و حلفت ما حد مظبطهم إلا هي

بابا: مش بنت مصممة أزياء

أنا: سابقاً يا بابا
:)
بابا: طب يلا انزلوا عشان متتأخروش
**********************************

\\ طبعاً زمانكوا بتقولوا ايه ده هو ايه اللي حصل.. أنا أقولكوا ايه اللي حصل.. أصل أنا بقيت خال، أنس بعد متعب و بقى مدير في شركة بابا خد مني جميلة بعد ذل :) و خلفوا آية... هي نقطة ضعفي... طارق، اشتغل و اتجوز رقية :) زي ماكون كان قلبي حاسس. و ربنا يبارك فيه بقى داعية مشهور. ياسر بقى ربنا يهديه تاب من ساعة ما جيمي – الله يرحمه- مات،، اتظبط و هو دلوقتي خاطب، عارفين مين.. هنا :)... سامح بقى طلع طول السنين دي فاهم و عامل نفسه مش فاهم.. بقى مدير في احدى الشركات العالمية للكمبيوتر..

**********************************
في العربية

سامح: إلا قولي يا نديم، فرح إسلامي ازاي يعني؟ مش فاهم
طارق: يابني منا فرحي كان إسلامي..آه صح انت محضرتش
أنس: إسلامي يا سيدي، بنراعي فيه ضوابط الشرع
سامح: مش فاهم؟ زي ايه يعني؟
أنا: مثلاً بنخلي قاعة للبنات و قاعة للشباب
طارق: و كل قاعة تهيص على راحتها
أنا: و اهو عشان البنات يا سيدي يلبسوا زي ما يحبوا من غير ما يغضبوا ربنا بردو
سامح: مش فاهم!!
أنا: تاني يا سامح
:D


**********************************
عند الكوافيرة


ياااه الانتظار صعب أوي.. هو ليه لازم كل عريس يلطعوه بره كده.. يا ترى الستات عندهم نظرية في كده
..
بتهيألي الواحدة بتبقى واخدة توصية من اللي هم بتوع مدوباهم اتنين
:D

... و أخيراً جت..

جت و نورت بعد كده نص حياتي التاني... يااه كل ما بسمع حتى اسمها افتكر... من ترك شيئاً لله ،، عوضه الله خيراً منه.. زمانكو بتسألوا عن أماني.. أماني فسخت خطوبتها مع خالد و اتخطبت مرتين تانيين، و فسخت خطوبتها و بعد كده سافرت
!!

***********************************


و أكيد برده انتو مستنيين النهاية، بس يا جماعة أنا مش عايز أصدمكوا بس أنا حكايتي ملهاش نهاية...
أصل أنا نويت إن أخلي حكايتي تكمل في الدنيا إن شاء الله حتى بعد ما اموت.. نويت أسيب أثر في الدنيا.. قررت إني مبقاش عادي.. قررت بعد جوازي.. أعمل شيء مش عادي.. فكرة جديدة، أثر اسيبه في الدنيا.. مش عايز امشي و أسيب الدنيا و أنا مضفتش جديد..


قررت أطور بلدي، زي ما هربي و أكبر.. أنا بردو لازم أبني و أعمر.. ماهو عشان البلد دي تبقى أحلى، لازم نتوكل على الله و نعتمد عليه و بعدها ناخد بالأسباب.. نصلح نفسنا.. و نستغل بقى الموهبة أو الطاقة اللي ربنا اداهالنا، ايوا كل واحد جواه موهبة أو عنده حاجة بارع فيها، ممكن يخدم بيها الإسلام.. و يخدم بلده.. ازاي هعيش حياتي و أموت من غير ما استغلها..


قررت إني مبقاش تاني واحد ملوش هدف.. ولا كل هدفه يشتغل و يجيب فلوس.. قررت إن زي ما غيري كتير ساب بصمته ، أنا لازم أسيب بصمة في بلدي..


قررت إني أعمل بالحديث (إذا مات الإنسان انقطع عنه عمله إلا من ثلاثة : إلا من صدقة جارية . أو علم ينتفع به . أو ولد صالح يدعو له).. أنا عايز التلاتة، و فيها ايه لما اطمع في كرم ربنا..


و عشان كده أنا قلت إن حكايتي مبتخلصش بس من هنا، أسيبكم انتوا تكملوها، و تلونوها بلون حياتكوا..
كل واحد بعد نهاية الحكاية لازم يبدأ حكايته..


مع تحيات
شاب مش عادي ;)
حووور الجنة
13-04-2011, 11:13 PM
ياااااااااااااااة يا ندييييييييم علي قد ما كان نفسي تتجوز اماني علي قد ما انا فرحانة باختيار ربنا ليييييك و عسي ان تكرهو شيئا و هو خيرا لكم و عسي ان تحبو شيئا و هو شر لكم و الله يعلم و انتم لا تعلمون


بصو يا جماعة ممكن تكون نهاية غريبة شوية بس بجد لازم نكون واقعيين شوية و دي الحياة و دة الي بيحصل فيها و اهم حاجة نتعلم منهاااااااااا و ربنا يوفقنا اتمني من كــــل قلبي انها تكون عجبتكو و تكونو استمتعتو و استفدو منها


أرجـــــــــــوكم ...بالله علـــــيكم.... أســــــــــألكم الدعــــــــــــــــــــاء بظهر الغيب


هتوحشوني اووووووووي

أستودعكم الله الذي لا تضيع ودااائعة و السلام عليكم و رحمة الله و بركاتة :)
somaya2010
14-04-2011, 12:21 AM
بجد قصة تحفة يارب تجيبلنا قصص كده ع طول جميلة زيك
somaya2010
14-04-2011, 12:22 AM
بجد استفدت منها كتيير الواحد المفروض يعمل الصح حتى لو كان اهله هيزعلوا منه المهم رضا ربنا زى ما جميلة عملت كده
emey esa
14-04-2011, 08:17 PM
:022yb4:بجد يوميات تحفة وكل ابطالها هيوحشونا:friendsxs3:
حووور الجنة
15-04-2011, 04:22 PM
و انا مبسوطة جداااااااا انها عجبتكم و بجد يااااااااااااااارب يكون حد استفاد منها
تغريد الطيور
21-05-2011, 06:39 PM
يوميات تحفففففففففففففة و قصتها رووووووووووعة و خصوصا حلقة انس

و اجمل ما فيها الكوميديا بتاعة شوشو و جميلة هههههههههههههه

بس الغريب انك انتى و نديم سبحان الله فى نفس الكلية صدفة عجيبة

اوعى تكونى سامح و بتستهبلى ههههههههههه
ام خلود-2000
25-05-2011, 10:58 AM
بجد يوميات تحفة وكل ابطالها هيوحشونا حاولي تكتبيها قصة قصيرة و تنشريها
manosaaa2011
27-05-2011, 07:33 PM
بجد قصه جمييله اوى اندمجت معاها واتاثرت بيها

فعلا ومن ترك شيئا لله عوضه الله خيرا منه

جزاكى الله خيرالجزاء وجعله الله فى ميزان حسناتكم
شيماء2000
02-07-2011, 10:52 AM
بجد قصه جميله تسلم ايدك وجزاك الله كل خير
امل طلال
02-07-2011, 01:18 PM
http://www.arabsys.net/pic/wrod/2.gif (http://www.arabsys.net/pic/index.php)مسلسل جميل فعلا بس هى نهايته ايه؟