(( :: ما تبقـــاش " بـــجـــــح " :: )) .. " البجـــاحة " .... !!!!!!!!!!!!! [الأرشيف]

Mohamed.Helmy

06-04-2011, 11:13 AM

السلام عليكم ..

يارب تكونوا بخير .. ^^

بأختصـــار , هنتكلم عن " البجـــاحة " :slap1qk6:

يعنى بجد مش لاقي مفهوم ليها ..:D

و يا سلام على بجــاحة الاعــلام و لا الرياضة ولا اللى في الشارع ... الخ .!! :022yb4:

** يعنى كتيـــــر مننا بنشوف ناس بجحــة بطريقــة فظيعة .. و أكيد كل واحد حصل معاه
أكتر من موقــف مع النـــاس دي :006et4:

** و كتـــير بنشوف مذيــع أو مذيعــة " بجحـــة " تلاقيهــا بتسأل أسئلة ميصحش أنها تتسأل او هتضايق
الضيف اللى معاها .. و بيبقوا فاكرين دي شطارة أعلام :022yb4:

** ولا تلاقي لاعــب كورة يقع فى منطقة الجزاء و محدش جه عنده خالص ;)
و تلاقيــه يقوم يبجح فى الحكــم و بيطالب بضربة جزاء مع ان محدش لمســه :D

بنشوفهــا كتير دي صح ؟ ^^

و تلاقي برضه نفس اللاعب تقــريبـــا :p ممكن يرجع الكورة للجون بطريقة غلط و لما تدخل الكورة الجون
تلاقي أخينــا اللاعب ده بيبجــح فى الحارس اللى واقف .. :slap1qk6:

** و يا سلااااااام ع البجــاحة اللى شوفناها من النظـــام القديــم الله لا يعيده و ان شاء الله كل اللى عمل حاجة غلط هيتحاكم .. !

شوفناهم فى انتخابات مجلس الشعب .. رغم كل التزوير اللى حصل و الشعب كله عارف انها متزورة من الاول للاخر .. و طلع " عــز " قالك دي حالات نادرة فى بعض اللجان .. ;)

و لا اللى كانوا بيساندوا الريس و كانوا بيعيطوا علشانه ايام الثورة .. :p
اول ما أتنحى .. تلاقيهم في نفس الليل قالك " ثورتنـــا " نجحت .. و شبابنا و اوعى و لا و حاسب :p
مع ان في منهم اللى كان بيطالب بأنهم يبيدوا اللى فى التحرير .. ;)

** فى كمــان نوع جديــد من البجــاحة .. بجــاحة " الشحاتين " .. :040vk0:
تلاقيـــه بيتشرط عليك و بيشخــط فيك .. تحس انه بلطجي مش شحات ..

يعنى تلاقي اللى يقولك " الجنيــه ده أعمل بيه أيه ؟.. انا عايز 5 جنيه :028ja7: "

بجد و الله حصلت معايا .. كنت ماشي انا و واحد صحبي .. و لقيت راجل بجلابية جاي علينا كده و في ايده " سيجارة "
قام جاي نحيتى و قالي " هــات 5 جنيــه " :022yb4:

انا لقيت السيجارة فى ايديه .. قولتله ربنا معاك ..
و سبته و مشيت ..و بعدين ده بيحدد كمان " 5 جنيــه " :049gc0:
طبعا كلكم هتقولوا ده مش شحات .. ده " بلطجي "
بس لقيت صاحبي بيقولي ده بيشحت بالطريقة دي .. علشان يشتري سجاير .. ;)!!

معلش حاسس اني طولت عليكم صح :p

بس انا قولت أتناقش معاكم و أشوف معاكم حكاية " البجــاحة " !!

***

** انت أيــه رأيك فى البجاحة اليومين دول ؟ و شايف ان الناس البجحة دي بتزيد و لا بتنقص ولا هيودونا فين ؟؟

** يا تري أتعرضت لموقف من حد " بجــح " قبل كده ؟؟ .. أشجينا قصدي قولنا عليه :p ؟؟

معلش طولت عليكم كتير .. ^^

يارب الموضوع يعجبكم

فى رعاية الله ..

usernamo

06-04-2011, 11:57 AM

بص البجاحة .. سمة اساسية ... فى الشعب الصمرى .. كلما كثر اكله للفول .. زاد حبه للبجاحة ... يعنى مثلاً ... تبقى قاعد مثلاً فى المترو (( او واقف )) و تلاقى حد يقولك قوم ياعم عايز اقعد دانت قاعد من الصبح ! ... يعنى .. و انت فى طالع البيت .. و عايز تركب الاسانسير .. و ساكن فى الدور السادس .. و بعيد عنك الثانوية .. مخليه قلب الواحد فى الضيع مفيش حيل اطلع .. و تقوم جاية البنت اللى ساكنة فى الدور التانى .. و تركب الاسانسير و تطلع .. و تسيب الباب مفتوح :( ...
و فى حاللات تانية اسمها رزالة .. سبه البجاحة .. شفت الفول و الطعمية .. اهو ده الرزالة و البجاحة .. الرزالة بقى .. انك تبقى قاعد فى بيتكم و يجيلكوا ضيف .. يقعد معاكم 12 ساعه ... يرغى بس .. و تبلبع انت 6 حبايات كتافلام و سبع كوبايات قهوة .. و بردو مش عايز يمشى ... الرزالة يا حلمى .. انى اكتب رد كبير زى و اطلع عينك عقبال ما تخلصه ^^ :p

عاشق البلانكو الابيض

06-04-2011, 12:01 PM

Mohamed.Helmy

06-04-2011, 12:03 PM

Mohamed.Helmy

06-04-2011, 12:13 PM

اكيد البجااااحة بتزيد يوم عن التاااانى

ونسبة قليلة جداااا اللى بتخلى عندهاااااا
شوية دم واحترررام وذوق
البجاااحة ان الواحد يكون عااارف انه غلط
ويقعد يتكلم ويدااافع على اساس انه الصح
والله انا بكرره النااااس دى :mad:

شكرررا على الموضوع يااا محمد

تماااااااام يا محمـــــود ... ^^
تلاقي البني آدم من دول مقتنع تمام أنه غلطان و يبجح برضه و يدافع ..
متعرفش بيضحك على نفسه ولا بيضك علينا :slap1qk6:

شكرا يا محمــود ع المرور الجميل ^^

NeVeR CoMe BacK

06-04-2011, 02:24 PM

فى البجاحة (سورى قصدى فى البداية :p) احب اقول ان البجاحة والغلاسة دى من سمات الشعب المصرى :040vk0: بس مش مصرى اوى يعنى ;) قصدى يعنى مش كل المصريين بس فعلا الناس بقت حاجة فظيعة اوى اليومين دول تلاقيهم بياخدو الحاجة غصب واقتدار انا عن نفسى حصلت معايا مواقف بجحة كتيييييييييير ومن ناس مينفعش يكونو كده ;) بس هنقول ايه بجاحة بقا :mad: تلاقىهم يقتلو القتيل ويمشو فى جنازته :040vk0: بجد بتقبا حاجة تغيييظ جدااا وتفرقع يعنى انا واحدة من الناس عصبية اوى :mad: ومش بقدر استحمل المواقف دى طبعا بيحصلى مشاكل كتير بسبب الموضوع ده لانى مش بسكت ليهم وطبعا العلاقات اللى ما بينا بتتقطع بسبب بجاحتهم :slap1qk6: بس اهم حاجة انى مش ندمانة عليهم لانهم هما اللى بينرفزوا الواحد ويوصلوه للدرجة دى استغفر الله العظيم يلا معلش طولت عليك ييلا مع البجاحة (سورى قصدى مع السلامة:p)

Mohamed.Helmy

06-04-2011, 02:34 PM

NeVeR CoMe BacK

06-04-2011, 03:20 PM

أحم أحم :stickjo4::stickjo4:

بجد الواحد بيشوف ناس بجحة بطريقة غريبة و ده اللى خلاني أكتب الموضوع الــ .. ده :p

ميرسي يا جاست على المرور الجميل ^^

بجد نورتيني :)

[/CENTER]
انتى هتضربنى ولا ايه :stickjo4::stickjo4: عادى يعنى زلة لسان مش اكتر من كتر ما الكلمة موجودة فى الموضوع ماليااااه كتير يعنى فتلاقيها بس علقت معايا:p

Heartbeat

06-04-2011, 03:22 PM

موضوع جميل

"البجاحة"
مش عارفه ليه مش بحب اسمها بحس انه مش لذيذ
هى ملهاش اسم تانى:p؟؟
يعنى دى بقت حاجة منتشرة جدا بين الناس
بشوفها قدامى على طول
والبنت ترد عالمس رد مش كويس وصوتها اعلى من المس
هى بتهزر!!!!!
واحنا فى الدرس وتلاقى البنت والولد قاعدين يتكلموا وضحك ونظرات قدام المس
دى بجاحة وقلة حياء
وبالنسبة للشحاتين ده دلوقتى العادى انهم بيحددوا المبلغ اللى عايزينه
حاجة شلل;)
وحاسه انها زادت بعد الثورة
يعنى اى حد يعمل تصرف بجح
ولو علقت عليه
يقولك احنا بعد الثورة حتى العيال الصغيرة
انا حاسه اننا ظلمنا الثورة معانا:(

والله يا محمد هو ده اللى فى بالى دلوقتى
اكيد فى حاجات تانية كتير
بس الحقيقة انا مش فاكرة غير دول

تقبل مرورى
:)

هانى الشرقاوى

06-04-2011, 04:17 PM

البجاحة تعنى الوقاحة
والبجح فى العامية المصرية هو الإنسان الخالى من الذوق .. والحياء .. الاحترام
الإنسان البجح دا تلاقيه معندوش اى كسوف من أى شئ وعلى استعداد لفعل كل ما يحلو له فى الطرقات وفى كل الاماكن العامة دون أدنى مراعاة لشعور الاخرين
والبجح دائما ما يتعمد إثارة الناس وإستفزازهم .. ودلوقتى البجاحة بقت على كل شكل وكل لون
بجاحة فى قلب الجامعة .. بجاحة فى الحدائق العامة .. فى المترو .. فى الشواع .. على الكورنيش .. فى المواصلات
لما شاب يشرب سيجارة فى المدرج .. يبقى بج
لما شاب يعاكس بنت فى الجامعة .. يبقى بجح
لما واحدة تحب فى واحد فى الجامعة .. تبقى بجحه
لما تلاقى واحد بيرمى الزبالة فى الحديقة او فى الشارع .. يبقى بجح
لما تلاقى شاب عنده 20 سنة قاعد .. وراجل كبير ومش قادر يقف على حيله .. واقق .. تبقى دى بجاحة
لما تيجى تكلم الشاب دا ويقولك وانت مالك ياعم .. تبقى دى بجاحة
لما تبقى ماشى فى الشارع وتمر ( أقل حاجة ) 20 شحات .. وكل واحد عايز فلوس .. ولو اديته جنيه ولا نصف .. يبصلك من فوق لا تحت وكأنك عامل عملة .. تبقى دى بجاحة
لما تركب مواصلة وتلاقى السواق مشغل اغانى معفنة ومعلى الصوات على الاخر تبقى دى بجاحة
ولما تطلب منه وتقوله الصوت شوية لو سمحت .. يقولك اللى مش عاجبه ينزل ... تبقى دى بجاحة
لما يركب واحد جنب منك ويشرب سيجارة تخنقك .. تبقى دى بجاحة

لما يبقى نصف الجيل شاذ جنسيا ( حقيقة )
تبقى دى بجاحة و60 بجاحة

الموضوع حلو جدا يا حلمى ... ولو طولت اكتر من كده .. ههههههههه تبقى دى بجاحة
تسلم يا الغالى

THE CodeR

06-04-2011, 04:42 PM

موضوع جميل
انا هقولك موقف و حط نفسك مكاني و شوف هتقول ايه
كنت في المترو و تذكرتي بايظة
دخلت التذكرة في مكنة التذاكر معدتنيش و كان في واحد معشم نفسه يدخل ورايا
الراجل بتاع الامن مسك التذكرة و شافها و قالي عدي من اخر مكنة
رحت اعدي لقيت الراجل برضه معدي ورايا
و لما عدي ورايا جاي يقولي
مينفعش كده يا كابتن تمشي بتذكرة بايظة!!!!!!!!!!!!
تخيل ده اعمل معاه ايه؟؟؟
كان هاين عليا اجرجره من هدومة و اوديه للامن
او السعه شتيمتين حلوين او امسك في خناقه في المترو
ابجح انسان شفته في حياتي لكن مع ذلك حفظت لساني و مشيت بغلي من جوايا
لو كنت مكاني هتعمل ايه؟؟
ربنا ما يوعدك بناس من النوع ده ابداً
و موقف تاني
تخيل لما اروح 7 مرات مدينة نصر
يعني سفر من عندنا
عشان اعمل استغناء من النادي اللي انا فيه و انقل نادي تاني
و ييجي في الاخر يقولي
100 جنيه يا كابتن !!!
و انا عارف من رئيس الاتحاد نفسه انها من غير فلوس و اقوله
مصر علي موقفه
قلتله شكراً
و بطلت رياضة خالص
هاين عليا اولع فيه و في المبني كله ساعتها
لكن هنعمل ايه
ربنا يهدي الجميع
موضوع جميل تقبل مروري عليه يا حلمي

MiSty AnGel

06-04-2011, 04:48 PM

اهاا فعلا البجاحه انتشرت جامد..وبقينا في عصر البجاحه
بس اكتر حاجه بقي بتستفزني ..اننا نبقي في رمضان وتلاقي سواق الميكروباص
بيشرب سجاير ومشغل قراّن او تلاقي واحد او واحده ومحجبه ومشغلة اغاني

او تلاقي حد بيعمل حاجه غلط وتروح نقوله بينك وبينه عيب كده ..يقولك :انت مالك!!

او لما ابقي في لجنة امتحان والمراقب ياخد الورقه بتاعت الامتحان..ويقعد يتمشي بيها في اللجنه
بيتفرج علي جمالها!!..واما اقوله:ممكن الورقه يا مستر..يقولي :استني شويه!!

او لما مستر يطرد طالب عنده في الدرس عشان لابس تيشرت الزمالك وهو اهلاوي..ههههه طبعا مش مصدقين
بس هي دي الحقيقه

او يقعد يهزر مع البنات هزار سخيييف..قالك بقي مدرس!!

كفايه كده عليكواا ..وشكراا ليك علي الموضوع الجميل

Mohamed.Helmy

06-04-2011, 05:41 PM

انتى هتضربنى ولا ايه :stickjo4::stickjo4: عادى يعنى زلة لسان مش اكتر من كتر ما الكلمة موجودة فى الموضوع ماليااااه كتير يعنى فتلاقيها بس علقت معايا:p

:D

لا طبعا مقدرش ..انا بهزر بس :p

نورتي أكيد :022yb4:

Mohamed.Helmy

06-04-2011, 05:45 PM

موضوع جميل

"البجاحة"
مش عارفه ليه مش بحب اسمها بحس انه مش لذيذ
هى ملهاش اسم تانى:p؟؟

ههههه.. و الله كنت عايز أغير الاسم .. يلا بقى زي ماجت !!
يعنى دى بقت حاجة منتشرة جدا بين الناس
بشوفها قدامى على طول
والبنت ترد عالمس رد مش كويس وصوتها اعلى من المس
هى بتهزر!!!!!
واحنا فى الدرس وتلاقى البنت والولد قاعدين يتكلموا وضحك ونظرات قدام المس
دى بجاحة وقلة حياء
وبالنسبة للشحاتين ده دلوقتى العادى انهم بيحددوا المبلغ اللى عايزينه
حاجة شلل;)
وحاسه انها زادت بعد الثورة
يعنى اى حد يعمل تصرف بجح
ولو علقت عليه
يقولك احنا بعد الثورة حتى العيال الصغيرة
انا حاسه اننا ظلمنا الثورة معانا:(

والله يا محمد هو ده اللى فى بالى دلوقتى
اكيد فى حاجات تانية كتير
بس الحقيقة انا مش فاكرة غير دول

تقبل مرورى
:)

بصي يا حبيبة هو مش " حاسة " احنا بالفعل ظلمنا الثورة فى حاجات كتير لأسف ..

و بالنسبة للموضوع
فعلا اللي بيعملوه ده بجاحة و أكتر من بجاحة كمان ...
ربنا يستر علينا بجد ..

نورتي يا حبيبة طبعا .. ولو أفتكرتي حاجة تاني مفيش مشاكل..
البيت بيتك :p

نورتي ^^

Mohamed.Helmy

06-04-2011, 05:48 PM

Mohamed.Helmy

06-04-2011, 05:51 PM

موضوع جميل

انا هقولك موقف و حط نفسك مكاني و شوف هتقول ايه
كنت في المترو و تذكرتي بايظة
دخلت التذكرة في مكنة التذاكر معدتنيش و كان في واحد معشم نفسه يدخل ورايا
الراجل بتاع الامن مسك التذكرة و شافها و قالي عدي من اخر مكنة
رحت اعدي لقيت الراجل برضه معدي ورايا
و لما عدي ورايا جاي يقولي
مينفعش كده يا كابتن تمشي بتذكرة بايظة!!!!!!!!!!!!
تخيل ده اعمل معاه ايه؟؟؟
كان هاين عليا اجرجره من هدومة و اوديه للامن
او السعه شتيمتين حلوين او امسك في خناقه في المترو
ابجح انسان شفته في حياتي لكن مع ذلك حفظت لساني و مشيت بغلي من جوايا
لو كنت مكاني هتعمل ايه؟؟

ههههههههه.. بجد نو كومنت ... ايه الراجل ده ؟؟ .. عارف ده اللى يقولوا عليه " أقرع و نزهي " :d

ربنا ما يوعدك بناس من النوع ده ابداً
و موقف تاني
تخيل لما اروح 7 مرات مدينة نصر
يعني سفر من عندنا
عشان اعمل استغناء من النادي اللي انا فيه و انقل نادي تاني
و ييجي في الاخر يقولي
100 جنيه يا كابتن !!!
و انا عارف من رئيس الاتحاد نفسه انها من غير فلوس و اقوله
مصر علي موقفه
قلتله شكراً
و بطلت رياضة خالص

يعنى بيحدد كمان تمن الرشوة !! :excl:
هاين عليا اولع فيه و في المبني كله ساعتها
لكن هنعمل ايه
ربنا يهدي الجميع
موضوع جميل تقبل مروري عليه يا حلمي

شكرا يا أحمـــد نورتني بجد ..

و مواقفك يعنى .. ربنا معاك بصراحة ^^

نورت يابو حميــد بجد

:friendsxs3:

Mohamed.Helmy

06-04-2011, 05:55 PM

اهاا فعلا البجاحه انتشرت جامد..وبقينا في عصر البجاحه
بس اكتر حاجه بقي بتستفزني ..اننا نبقي في رمضان وتلاقي سواق الميكروباص
بيشرب سجاير ومشغل قراّن او تلاقي واحد او واحده ومحجبه ومشغلة اغاني

يا ساتر يارب .. :(

او تلاقي حد بيعمل حاجه غلط وتروح نقوله بينك وبينه عيب كده ..يقولك :انت مالك!!

اها .. " انت مالك " دي رمز كده او ماركة مسجلة .. ^^

او لما ابقي في لجنة امتحان والمراقب ياخد الورقه بتاعت الامتحان..ويقعد يتمشي بيها في اللجنه
بيتفرج علي جمالها!!..واما اقوله:ممكن الورقه يا مستر..يقولي :استني شويه!!

او لما مستر يطرد طالب عنده في الدرس عشان لابس تيشرت الزمالك وهو اهلاوي..ههههه طبعا مش مصدقين
بس هي دي الحقيقه

ههههههه..انا مصدقها و الله ^^ .. حصل معانا موقف مشابه كده ..

او يقعد يهزر مع البنات هزار سخيييف..قالك بقي مدرس!!

no comment !

كفايه كده عليكواا ..وشكراا ليك علي الموضوع الجميل

ميرسي ليكي بجد ع الكومنت الجميل ده ..

نورتي أكيد ^^

THE CodeR

06-04-2011, 07:02 PM

شكرا يا أحمـــد نورتيني بجد ..

و مواقفك يعنى .. ربنا معاك بصراحة ^^

نورت يابو حميــد بجد

:friendsxs3:

نو كومنت علي كلمتك دي

H . M

06-04-2011, 07:26 PM

البجاحه
موضوع جميل يا محمد

وطبعا انا اكييييييييييد اتعرضت لمواقف كتيره فيها بجاحه قبل كده

لان دلوقتي كل من هب ودب بقي بجح

حتي العيل الصغير لما يعمل حاجه غلط تلاقيه بيبجح كده وعينه فوسط وشه

بجد بقت حاجه تخنق

يللا ربنا يصلح احوالنا ويهدينا جميعا

موضوع جميل اوى يا فناااااااااان
ما شاء الله عليك كل مواضبعك مميزه

ربنا يوفقك يااااارب

CAn u see me

06-04-2011, 08:08 PM

البجاحة كنز لايفنى

شيماء20

06-04-2011, 08:39 PM

البجاحه!!!!!
منتشره جدا جدا جدا
وخصوصا مع حبايبك الشحاتين
تبقى ماشى فى امان الله تلاقى اللى يشدك وراسه والف سيف انك مش هاتمشى غير لما تديله ع الاقل خمسايه
والسجاير والسواقين و و و وووووووووووو
ها اقول ايه ولا ايه
بس البجاحه دى حاجه وحشه جدا
كفايه كده بقى عشان ماتبقاش بجاحه

Mohamed.Helmy

06-04-2011, 10:04 PM

نو كومنت علي كلمتك دي

:d

بتحصل يا عم الحاج ..

ماتزعلش يابو حميــد ..

غطلة مطبعية و كنت بكتب كذا كومنت فى وقت واحد

ماتزعلش يا واد :friendsxs3:

Mohamed.Helmy

06-04-2011, 10:06 PM

Mohamed.Helmy

06-04-2011, 10:10 PM

البجاحة كنز لايفنى

:d

عجبتني .. !

نورت ^^

Mohamed.Helmy

06-04-2011, 10:12 PM

البجاحه!!!!!
منتشره جدا جدا جدا
وخصوصا مع حبايبك الشحاتين
تبقى ماشى فى امان الله تلاقى اللى يشدك وراسه والف سيف انك مش هاتمشى غير لما تديله ع الاقل خمسايه

اه و الله بشوف كتير من الناس دي ;)

والسجاير والسواقين و و و وووووووووووو
ها اقول ايه ولا ايه
بس البجاحه دى حاجه وحشه جدا
كفايه كده بقى عشان ماتبقاش بجاحه

ههههه.. لا أزاي ماتقوليش كده و الله ..
ده انتوا تنوروا بجد ^^ ..

بجد نورتي يا شيمــاء ^_^

yara attia

07-04-2011, 02:08 PM

ههههههههههههههههههههههههههههههههههههههههههه

آلبجآحة دي آسمهآ بيضحكني مش عآرفة ليه شوفت آسم آلموضوع قعدت آضحك ههههههههههههههههههههههههههههههههههه

وفعلآ آلبجآحة كترت آوي آوي آليومين دول

يآآآآلهوي حآجة بجد تنرفز جدآ

وفي موآقف كتيرة جدآآآآآآآآآآآآآآآآآآآآآآآآآ مع آلبجحة

وموضوع بجد جميل جدآ

تقبل مروري

يــــــــــــآرآ عطية :)

:*

zozza love

07-04-2011, 02:17 PM

بصفه عامه
البجاحه مش حلوه
بس لو فيه صراحه مينفعش نقول عليها بجاحه ولا ايه؟
بس البجاحه دى حاجه اكيد مش كويسه
بس القدر بيوقعك فى ناس بجحه
قدرك بقى
وبشكرك على الموضوع
وياريت تتقبل مرورى

Heartbeat

07-04-2011, 06:24 PM

بصي يا حبيبة هو مش " حاسة " احنا بالفعل ظلمنا الثورة فى حاجات كتير لأسف ..

و بالنسبة للموضوع
فعلا اللي بيعملوه ده بجاحة و أكتر من بجاحة كمان ...
ربنا يستر علينا بجد ..

نورتي يا حبيبة طبعا .. ولو أفتكرتي حاجة تاني مفيش مشاكل..
البيت بيتك :p

نورتي ^^[/center]
البيت بيتى
ماشى:p
افتكرت حتة موقف لغاية دلوقتى مش قادره انساه
مش عارفه ده يندرج تحت اى مسمى بجاحة ولا قلة ادب ولا وقاحة
كنا فى الدرس وبعدين المجموعة كان اغلبها اولاد لانها مش مجموعتنا
كان فى بنات لكن مش كتير
المهم دخلنا القاعة وبعدين مكنش ينفع نقعد انا وصحبتى جنب بعض علشان المكان
وقعدت هى فى الصف اللى قدامى وكان فى جانبها كرسيين فاضيين وبعدين الاولاد
دخلت بنت عارفاها انا كويسة وحلوة
الطبيعى ان البنت دى تقعد جنب مين^_^؟؟ صحبتى وتسيب كرسى فاضى بينها وبين الولد
راحت البنت وبكل بجاحة قعدت جنب الولد:o وحطت مذاكرتها على الكرسى اللى جنب
انا وصحبتى بصينا لبعض وتنحنا:o
اصلنا سوس شوية:friendsxs3:
وقاعده بقى تقريبا اتصاحبت عليه وبتبص معاه فى المذكرة ورغى بقى وموبايلات وكده
انا كنت قاعده مراقباها:unsure:
تقريبا المستر مش اخد باله لانهم كانوا اول صف
سكرتيرة المستر جت وزعقت للولد
اصلها كانت فاكرة ان الولد هو اللى قعد جنب البنت
ياترى الموقف ده يندرج تحت اى مسمى؟؟
صراحة بجاحة دى كلمة صغيرة
لو عندك حاجة قولها
معلش طولت ;)

Mohamed.Helmy

07-04-2011, 06:39 PM

Mohamed.Helmy

07-04-2011, 06:41 PM

بصفه عامه
البجاحه مش حلوه
بس لو فيه صراحه مينفعش نقول عليها بجاحه ولا ايه؟
بس البجاحه دى حاجه اكيد مش كويسه
بس القدر بيوقعك فى ناس بجحه
قدرك بقى
وبشكرك على الموضوع
وياريت تتقبل مرورى

قدري .. :(

ربنا يستر علينا كلنا ان شاء الله ...

نورتي بجد ^^

Mohamed.Helmy

07-04-2011, 06:50 PM

البيت بيتى

ماشى:p
افتكرت حتة موقف لغاية دلوقتى مش قادره انساه
مش عارفه ده يندرج تحت اى مسمى بجاحة ولا قلة ادب ولا وقاحة
كنا فى الدرس وبعدين المجموعة كان اغلبها اولاد لانها مش مجموعتنا
كان فى بنات لكن مش كتير
المهم دخلنا القاعة وبعدين مكنش ينفع نقعد انا وصحبتى جنب بعض علشان المكان
وقعدت هى فى الصف اللى قدامى وكان فى جانبها كرسيين فاضيين وبعدين الاولاد
دخلت بنت عارفاها انا كويسة وحلوة
الطبيعى ان البنت دى تقعد جنب مين^_^؟؟ صحبتى وتسيب كرسى فاضى بينها وبين الولد
راحت البنت وبكل بجاحة قعدت جنب الولد:o وحطت مذاكرتها على الكرسى اللى جنب
انا وصحبتى بصينا لبعض وتنحنا:o
اصلنا سوس شوية:friendsxs3:
وقاعده بقى تقريبا اتصاحبت عليه وبتبص معاه فى المذكرة ورغى بقى وموبايلات وكده
انا كنت قاعده مراقباها:unsure:
تقريبا المستر مش اخد باله لانهم كانوا اول صف
سكرتيرة المستر جت وزعقت للولد
اصلها كانت فاكرة ان الولد هو اللى قعد جنب البنت
ياترى الموقف ده يندرج تحت اى مسمى؟؟
صراحة بجاحة دى كلمة صغيرة
لو عندك حاجة قولها
معلش طولت ;)

يا نهار أبيض :o

للدرجة دي ؟!!!

ملهوفة عليه ليه يعنى ؟!

بجد دي تبقى بجاحة و وقاحة و كل حاجة و الله ..

بجد بستفزني اوي المواقف دي ..

حصل معايا موقف قبل كده .. كنا بناخد حصة جيولوحيا و أحنا 3 بس

انا و اتنين اصحابي محترمين و كويسين ..

و هي المجموعة بتاعتنا 3 بس ..

كان فى حصة أجلناها ساعتها و روحنا ناخدها فالمس أديتنا ميعاد و طلع فيه مجموعة بنات ..

و كانوا هياخدوا نفس الحصة بتاعتنا فالمس عارفة اننا كويسين يعنى و قالت ايه رأيكم تكملوا مع بعض و تبقوا مجموعة واحدة ..

سمعت و الله بجد حوالي 4 في نفس النفس ايوة يا ميس ايوة يا ميس ..

يا نهار أبيض ..

الواحد كان فى نص هدومه .. بجد انا اتكسفتلهم ^^

بس طبعا انا قولت للمس معلش انا همش و هنبقى ناخد الصحة دي فى وقت تاني و طبعا أخدنا انا و اصحابي الاتنين لاخر السنة لوحدنا .. هي ناقصة :d

الميس بجد كانت مكسوفة مننا من اللى حصل ..

ربنا يستر بجد الايام الجاية دي ..

شكرا يا حبيبة نورتيني و الله ^^

mony_love2211

07-04-2011, 07:13 PM

السلام عليكم الاول عليكم
انا لسه مترعضه للبجاحه والاستغلال فى نفس الوقت

صحبتى طلبت مينى احولها رصيد حولت وهى خلصته وطلبت تانى وحولتلها وبعد كدا يعنى كدا 2
جت الثالثه وقالتلى ممكن ونبى تحولى رصيد هى عجبها الموضوع بقى منا سنترال متنقل :d وبعد كدا قولتلها لا مش هينفع عماله تقولى ونبى ونبى ونبى وبجد بتتحايل عليا بطريقه فظيعه جداااااااااااااااااا اقولها لا تقولى ونبى وحيات اغلى حاجه عندك واقولها طيب راح فين الرصيد اللى حولتلهولك تقولى خلص اصلى كلمه بنت عمى طيب يا ستى وانا مالى طيب معلش حوليلى قولتلها لااااااااااااااااااااااااااااااااااااااااااااااااا ااااااااااااااااااااااااااااااااااااااااا مش هحول وساعات لما كونت بحوللها تقولى يلا يعنى هو المال مال ابويا وانا مالى عمركوا شوفتوا حد كدا ؟!!!!!!!!!!!!!!!! انا بقى بعد ما قولتلها لا جت اليوم التانى وتقولى اانا روحت حولت مش عايزه منك اى حاجه ومكونتش اعرف انك بخيله كدا ؟ هل انا بخيله ؟! ولا هى اللى استغلاليه ولا ايه بالظبط لاحسن انا مبقتش فاهمه حاجه خااااااااااااااااااالص مستنيه ردكم

وردة امل

07-04-2011, 09:46 PM

Mohamed.Helmy

07-04-2011, 09:47 PM

Mohamed.Helmy

07-04-2011, 09:49 PM

من التعليقات والردود اللى انا شفتها دى انا

بصراحة اندهشت
ايه ده كله:blush:

احنا نعتبر دلوقتى فى زمن
اسمه زمن البجاحة:(

ومن الحاجات اللى انا بلاحظها كتير

انك تشوف شحص بيكون غلطان
وعارف انه غلطان:romarioxp6:

وبردو بيتمادى فى غلطه:stickjo4:

بجد شئ فى المنتهى البجاحة
والوقاحة:angry2:

اه فعلا يا فــرح ..

يعنى زمان كنتي تشوفى الغلطان دايما مكسوف من غلطة و عينه مكسورة ..

دلوقتى تلاقيه عيني عينك كده و بيجح كمان ..

نورتي التوبيك يا فــرح ^_^

AMIRA_ALAA

07-04-2011, 10:28 PM

البجاحة دى اصلاها مشكلة ملهاش حل
المفروض الانسان يخلى عنده شوية دم
و يتصرف عادى مش بززالة

Mohamed.Helmy

07-04-2011, 10:37 PM

البجاحة دى اصلاها مشكلة ملهاش حل
المفروض الانسان يخلى عنده شوية دم
و يتصرف عادى مش بززالة

تمااااام .... :078111rg3:

نورتي التوبيك يا أميـــرة ^_^

نقاء الروح

07-04-2011, 11:00 PM

ما اكتر البجاحة فوقتنا ده
فكل حتة وفكل مكان !
قبل يومين كنت راجعة من الكلية
المهم المكان ال انا ساكنة فيه طريق وفيه طريق تاني
يودي لحتة تانية
فالعربية ال راكبها هتروح للحتة التانية دي
فقلت هنزل عند مفترق الطريقين واخد عربية تانية
وعمالة اقول للسواق عالجنب عالجنب والعربية كلها تقولو لاحسن مايكونش سمع
الا الراجل راسو والف سيف اني هروح الحتة التانية دي !!!!
وفعلا ماوقفش الا فالمكان التاني نزلت وانا بدعي عليه
مشيت لحد مارجلي وجعتني منه لله
بجاحة اخر حاجة ! حتى مكان نزولي هيتحكم فيه !
ولسة حاصلي نفس الموقف بردو النهاردة عاوزة انزل عند الباب الخلفي للكلية
الا السواق عاوزني انزل قدام !! حاجة تنرفز بجد :angry2:

شكرا عالموضوع الجميل :)

Mohamed.Helmy

08-04-2011, 12:33 AM

ما اكتر البجاحة فوقتنا ده

فكل حتة وفكل مكان !
قبل يومين كنت راجعة من الكلية
المهم المكان ال انا ساكنة فيه طريق وفيه طريق تاني
يودي لحتة تانية
فالعربية ال راكبها هتروح للحتة التانية دي
فقلت هنزل عند مفترق الطريقين واخد عربية تانية
وعمالة اقول للسواق عالجنب عالجنب والعربية كلها تقولو لاحسن مايكونش سمع
الا الراجل راسو والف سيف اني هروح الحتة التانية دي !!!!
وفعلا ماوقفش الا فالمكان التاني نزلت وانا بدعي عليه
مشيت لحد مارجلي وجعتني منه لله
بجاحة اخر حاجة ! حتى مكان نزولي هيتحكم فيه !
ولسة حاصلي نفس الموقف بردو النهاردة عاوزة انزل عند الباب الخلفي للكلية
الا السواق عاوزني انزل قدام !! حاجة تنرفز بجد :angry2:

شكرا عالموضوع الجميل :)

اه و الله يا نقــاء ..

دي بجاحة منهم و كسل كمان ..

يعنى مش هيخسر حاجة لو نزلك المكان اللى انتي عايزاه .. طالما كده كده فى نفس الطريق. .

مكسل يوقف العربية ^^

..

بجد ربنا معاكي و ربنا يحفظنا من الناس دي ..

نورتي بجد يا نقــاء ..

سيف العدل البتار

08-04-2011, 01:52 AM

البجاحة
ظاهرة قديمة و لكن الان انتشرت بشكل ملحوظ والغريب ان ليها اشكال كتير
جدا فى المجتمع و فى كل مكان مع اختلف الاسم.
موضوع فى غاية الجمال
شكرا لك اخى محمد

Eng..LiNa

08-04-2011, 04:59 PM

يااااااااه دي حاجة سيئة اوووووووووووووي
بس اسوا حاجة
المتسولين...
قبل كده انا وصحيتي ماشييين فالشارع ووحدة عايزة نديها فلوس
كل واجدة طلعت جنيه...
بصتلنا بقرف ...وقالتلنا يارب متجوزوش......:blush::blush::blush:
والي يغيظ انها اخدت الفلوس بردو:wub:
بس
دي كلمة بجاحة شوية عالموقف ده:078111rg3:

Mohamed.Helmy

08-04-2011, 05:13 PM

البجاحة
ظاهرة قديمة و لكن الان انتشرت بشكل ملحوظ والغريب ان ليها اشكال كتير
جدا فى المجتمع و فى كل مكان مع اختلف الاسم.
موضوع فى غاية الجمال
شكرا لك اخى محمد

صحيح .. كلامك تمام جدا .. ليها أشكال كتير و أسماء كتير ... ربنا يرحمنا ^^
نورت يا أحمد بجد ..

بارك الله فيك ^_^

يااااااااه دي حاجة سيئة اوووووووووووووي
بس اسوا حاجة
المتسولين...
قبل كده انا وصحيتي ماشييين فالشارع ووحدة عايزة نديها فلوس
كل واجدة طلعت جنيه...
بصتلنا بقرف ...وقالتلنا يارب متجوزوش......:blush::blush::blush:
والي يغيظ انها اخدت الفلوس بردو:wub:
بس
دي كلمة بجاحة شوية عالموقف ده:078111rg3:

أولا أزيك يا لولو .. حمدا لله على السلامة .. نورتي من جديد ^^
ثانيا بالنسبة للموقف .
فهو فعلا موقف باااااااااايخ جدا .. و الكلمة اللى قالتها بصراحة بايخة و مستفزة اوي ..
لا و ايه كمان .. أخدت الفلوس برضه .. ^^

مشفتش كده أبدا ;)

نورتي يا لولو و الله ^^