ضباط الشرطة عايزين دكتور نفسي !!! [الأرشيف] - بوابة الثانوية العامة المصرية

مشاهدة النسخة كاملة : ضباط الشرطة عايزين دكتور نفسي !!!

Taleba Me7tasa

02-12-2007, 10:22 PM

السلام عليكم
من غير مقدمات انا هحكيلكم مشهدين وانتو تحكمو

المشهد الاول :
صديقة ليا هي واختها كانو بيتغدو ف مطعم المهم كانت صاحبتي دي واخدة بالها من واحدة كانت بتحوم كدة حوالين ترابيزتهم المفروض انها زبونة قاعدة على الترابيزة اللي جمبهم محطتش ف بالها وابعد يا شيطان ابعد يا شيطان

المهم قامو يجيبو حاجة رجعو ملقوش شنطة اخت صاحبتي دي زي ماحنا عارفين فيها البطاقة والاوراق والفلوس وكل حاجة

راحو يبلغو ف القسم الضابط وراها شوية صور لستات مسجلين خطر لغاية ما لقتها وقالت للضابط هي دي

قالها "ميييييييين ؟ لالالالالالالا" وفيما معناه ان دي دول عصابة كبيرة وخطيرة وانا مقدرش اخاطر وعوضك على الله يا ستي ولو عايزة شنطتك روحيلهم انتي

(ملحوظة العصابة الكبيرة دي عبارة عن مجرد شوية حرامية مش قتالين قتلة يعني)

المشهد التاني :
في قسم المنتزه عندنا لو حد يعرف دة القسم اللي لو اي حد كانت بياناته ف استمارة البطاقة مش مطابقة للبيانات اللي عند الدولة

المهم رحت مع ماما عشان كان عندها مشكلة ف بياناتها
وهييييييييه رايحة اتفسح ف القسم كنت عيلة بقى

والمشهد مايتوصفش
عز الضهر والحو حر نار (كنا ف الصيف)
والظابط "المبجل" واقف تحت التندة بتاعت القسم والناس الغلبانة واقفين على رجليهم ف الجو دة منهم ستات كبيرة ف السن ورجالة كبار برضه كل دة وماعلينا

ندخل ف المهم وهو معاملة الظابط طبعا الناس دي مش مجرمين ولا قتالين قتلة دول ناس محترمة واقف عمال يزعق ف دول وانتو تعالو كده واصلا شكله تقول عليه حرامي واترقى بقى ظابط

ولا اما حد يساله (وهو الطبيعي) عن اي اجراء لازم يعملوه ويتعمل فين تحس انه هينده ع العسكري بتاعه ويلبسهم الاساور والحمد لله انا وماما كنا واقفين بعيييييييد وانا فرحانة رايحة اتفسح بقى :D وامي خدتها من قصيرها وروحنا وقلنا بلاها نادية بلاها سوسو :D

واللي يغيظك يا مؤمن ان دة مش بيحصل الا ف مصر
صحيح مصر ام الدنيا

طب مش بزمتكو عايزين دكتور نفسي
ولا ليه مانغيرهم اسهل ، ولا نستورد شعب من برة على راي محمد صبحي :D

fares elnet

02-12-2007, 11:33 PM

The Happy Angel

03-12-2007, 09:00 AM

لو شفت المشهد الاول والتاني يبقي انت اكيد اكيد في مصر هههههههههههههههههههههه

مصر ام الدنيا يا رجاله ههههههههههههههههه
تريقه طبعا

MohammeD el_SadaT

03-12-2007, 10:57 AM

postan algana

03-12-2007, 11:04 AM

عمار يامصر
ربنا يخلي بقا الرئيس كتر خيره الراجل تعبان معنا اوي

أحمد محمد كمال الدين

03-12-2007, 11:24 PM

mR . mOstafa Fathi

03-12-2007, 11:32 PM

الاسطورة

04-12-2007, 07:15 AM

عادى!!عادى
ايه المشكلة هو الموقف الاول اللى يمكن غريب شوية
انما التانى لأ
طيب الظابط يحس انه ظابط ازاى من غير ما يزعق ويشتم ويضرب!!

Taleba Me7tasa

04-12-2007, 11:52 AM

ههههههههههههههه

والله مش عارف اقولك ايه

بس لو محصلش كده فعلا يبقه انتى مش فى مصر

والله ده قليل من الكتير اللى بيحصل فى الاقسام

دى بلاوى بتحصل والله ربنا يعدينا منها على خير

النهرده اللى ليه مصلحه فى اى قسم يفضل انه

ما يقضيهاش احسن يمكن يروح يعملها مايرجعش تانى

هههههههههه

وشكرا لعرضك الموضوع وكويس انك لسه موجوده معانا

لاحسن كانت تبقه حوسه ههههههههه

انا بهزر معاكى

اه والله دة انا كنت هتخانق مع الراجل بتاع القسم وهو بيصحح بيانات البطاقة بتاعتي
قام بابا شاددني واتفاهم معاه هو :D

ههههههه مين عارف يا استاذ حسام دلوقتي انا معاكم كمان ثانيتين هروح فين :D
وشكرا لمرور حضرتك

Taleba Me7tasa

04-12-2007, 11:53 AM

لو شفت المشهد الاول والتاني يبقي انت اكيد اكيد في مصر هههههههههههههههههههههه

مصر ام الدنيا يا رجاله ههههههههههههههههه
تريقه طبعا

فعلا وعلى راي الحكمة اللي بتقول
مصر هي امي
دايما حرقة دمي :D
شكرا لمرورك يا محمد

Taleba Me7tasa

04-12-2007, 11:59 AM

إرفعى راسك يا بنتى إنتى فى مصر

ويكفيكى فخراً إنك لسه لحد دلوقتى عايشه
إحنا اللى بيحصلنا ده يساوى الجبل بالأرض ويبخر مياه البحار والمحيطات
ومع ذلك كسرنا كل المقايس والموازين ولسه بنعافر
عمار يا مصر

صح انا المفروض اني ارفع راسي وانا (كمصرية) بتهزا م اللي يسوي واللي ميسواش
قال هاشمي قال

بس الله يخليك يا سادات بلاش جغرافيا بكرها عمى :mad: وشكرا للمرور

Taleba Me7tasa

04-12-2007, 12:03 PM

عمار يامصر
ربنا يخلي بقا الرئيس كتر خيره الراجل تعبان معنا اوي

هههههه عندك حق دة خلاها خراب يا مصر :D
قادر ربنا يرحمنا ويصبرنا
شكرا لمرورك اللي زي العسل :)

Taleba Me7tasa

04-12-2007, 12:10 PM

قرأت الموضوع والردود عليه صراحة حزنى شديد ليس على الموقفين ولكن لردود الاخوة المبجلين على الموضوع وكل منهم يرد كما لو أن ما حدث أمر طبيعى فى مصر
ولكن ليتق كل منا الله فيما يكتب ويقول فمصر بخير وضباطها بخير ومن يحتاج طبيب نفسانى هم نحن وليسوا هم فلقد أعمانا الحقد عليهم على التفكير فى دورهم المهم فى حياتنا
تقديرى واحترامى

اولا شكرا لرد حضرتك بس بزمتك هو مبقاش امر طبيعي فعلا
ويعني انا اتكلمت عن اتفه اتفه حاجة م اللي بتحصل ف الاقسام
واظن احنا مش هنضحك على بعض جرائم التعذيب مالية الدنيا ودي حقيقة محدش يقدر ينكرها

طب تقدر حضرتك تقولي ايه الدافع اللي يخليهم يعذبو ناس اينعم هما قد يكونو مجرمين بس القانون قال عقابهم ايه

مش دة يبقى استغلال للسلطة مش دول جعانين حكم بس يا حول الله جوعهم للحكم دة بيطلعوه على خلق الله الغلابة مش الناس اللي بتسرق وتنهب وتخلع

كفاية كدة عشان الموضوع هيفتح بس لسة مصصم ان احنا اللي محتاجين طبيب نفسي
احنا مش محتاجين الا ربنا يرحمنا م اللي احنا فيه

Taleba Me7tasa

04-12-2007, 12:14 PM

ازاى يعنى
هه
يمكن مشى عزت
هه
بس انا الحمد لله عمرى ماحصل موقف من مواقف سابق ولاحق
دول
هه

عمار يا مصر
على رائ السادات

سابق ولاحق هو لسة بييجي :D

ماهو اللي ربنا راضي عنه وامه وابوه داعيينله بينجو من شرهم
شكرا لرد حضرتك

Taleba Me7tasa

04-12-2007, 12:20 PM

عادى!!عادى
ايه المشكلة هو الموقف الاول اللى يمكن غريب شوية
انما التانى لأ
طيب الظابط يحس انه ظابط ازاى من غير ما يزعق ويشتم ويضرب!!

ماهو لو كانو كل الظباط عندهم الهواية دي مش بس بعضهم كان اخينا الاولاني جاب شنطة البنت وبالمرة يحبس العصابة دي ويبقى كسبله نجمة ولا حاجة

لكن من الواضح انك لازم تبقى مجرم خطير ترهب البوليس عشان تقدر تعيش فالبلد دي وماتكلش على .... مش تبقى غلبان وطيب يا قلبي وماشي جنب الحيط

شكرا لردك يا اسطورة