السبب وراء كوارث ومشاكل مصر !!! [الأرشيف] - بوابة الثانوية العامة المصرية

مشاهدة النسخة كاملة : السبب وراء كوارث ومشاكل مصر !!!

الاستاذ محمود حميد

03-06-2011, 01:34 AM

عارفين سبب المشكلة بتاعت العمل والأجور في مصر سببها الاساسي ايه؟؟!!

سبب الي بيحصل ده كله( البنات) !! الي زاحمين البلد وواخدين مكان الشباب في كل حاجة ... الشباب الي عاوزين يجوزا ويفتحوا بيوت ومش عارفين ولا قادرين يعملوا كدة لانهم مش بيشتغلوا وبالتالي مفيش في ايديهم فلوس !!

البنت بتتجوز وجوزها شغال وبيصرف عليها ومش مكفيها وتروح تشتغل طيب لما انتي وجوزك بتاخدوا مرتبين اومال الشباب العاطل الي علي القهوة ده يشتغل فين ؟؟ خصوصاً ان الشغل في مصر قليل

يعني يا عالم الشاب من دول يروح يشتغل فاعل في المعمار ويرمي شهادتة والهانم الي متجوزه ومتستته بتشتغل وبتاخد مرتب في الاصل هو حق شاب من دول الي لو قامت حرب هو الي هيدافع عن بلده في الميدان والهانم هتكون في البيت بتتفرج علي الاخبار

الكلام ده مش تحامل علي البنات الي اكيد فيهم كتير مقتنعين بكلامي خصوصاً الي معاها اخ عاطل ومش بيشتغل ده غير ان اصحاب الاعمال بيحبوا يشغلوا البنات بس ( حتي في المدارس ) مع ان البنت او المدرسة مش بتشتغل ربع الي بيشتغلة المدرس لانها ما بين اجازة وضع 3 شهور وبعدين ساعتين الرضاعة يعني اليوم 4 ساعات شغل ( وفي ناس كتير بتشكك في المرتب الي بتاخدة المدرسة منهم انه حرام لانها لم تعمل بكامل الاجر الي بتقبضة ) !

حد هيقولي طيب ايه المطلوب ؟!!!!

هرد عليه واقولة لازم حال البلد دي ينصلح الاول ولازم المسئولين كل المسئولين ولو حتي مدير المدرسة يكون عندهم الاولوية في العمل للشباب ودة هيعود علي البنات نفسهم بالخير
( ازاي بقي )

هقولك ازاي ... لما الشاب من دول هيشتغل ويقبض فلوس طبعاً اول حاجه هيفكر فيها هي الخطوبة او الجواز يعني وقتها مشكلة العنوسة هتختفي او علي الاقل مش هتبقي ظاهرة الكل بيتكلم عنها
لكن البنت تشتغل والشاب علي القهوة يبقي البطالة موجودة والعنوسة موجودة والجريمة كمان موجودة لان شاب بلا عمل يعني مشروع منحرف سواء في السرقة او النصب
لكن البنت الي مش هتشتغل عمرها ما هتفكر تبقي حرامية او نصابة لانها مش هتقدر او هتعرف

شوية رحمة يا ناس ولو عاوزين تشغلوا البنات يبقي شغلوا البنت الي فعلاً محتاجة للشغل الي بتصرف علي بيت مش بنت ظروفها مرتاحة ونخليها تاخد فرصه شاب اولي منها بالشغل حتي لو تقديرة مقبول وتقديرها هي امتياز وزي ما قولت ان الشاب هو الي هيدافع عن بلدة في ميدان الحرب مش البنت .

أحمد جودة3

03-06-2011, 01:41 AM

كلامك مظبوط مليون في المية
البنت مكانها البيت وبس وتفضل معززة مكرمة لرعاية زوجها وابنائها الدين والشريعة قالولنا كدة
بس هتقول لمين منها لله سوزان هانم

nada1993

03-06-2011, 02:19 AM

معاك يا باشا فعلا البنات فى أسيوط أول ما قالونا على عقد بـ 110 جنية لقينا الأدارة مليانة بالبنات اية دة ؟ البنات هما السبب والله العظيم أنا اختى حاصلة على أداب يعنى هاتبقى مدرسه والله العظيم ما رضيت تشتغل

nada1993

03-06-2011, 02:22 AM

مال البنات بالشغل دة للشباب
بيجروا على الشغل ذى القطر قبل الشباب

meslmat

03-06-2011, 02:51 AM

أستغفر الله أستغفر الله أستغفر الله

كلامك مظبوط الى حد كبير

M.Ahmed Elsaid

03-06-2011, 03:39 AM

mohammed ahmed25

03-06-2011, 05:26 AM

بنات كتير بيروحوا المدرسه عشان الجواز وتفكيرهم انها خلصت دراسه ولسه مفيش نصيب و بتتخيل انها لازم تخرج عشان ربنا يكرمها

mohammed ahmed25

03-06-2011, 05:29 AM

الابلوات اخواتنا ولهم كل تقدير واحترام.احنا بنتكلم عن مشكله آلآف الشباب يعنى مش حكايه حريه و مساواه والمجلس القومى للمرأه, مش وقته خالص الكلام ده

المريسي

03-06-2011, 06:20 AM

هو المفروض يبقي فية مسواة ويبقي التقدير علي حسب الكفاءة ( بس في ظروف غير اللي احنا فيها دي) الله يخرب بيوتهم

nabhab

03-06-2011, 09:15 AM

محمدابوشهد

03-06-2011, 09:51 AM

على فكرة كل او معظم البنات اللى بيشتغلوا بيصرفوا المرتب على المظهر 000000!!!!!!!!!!!
الاستاذة جت الاستاذة راحت00000000000000!!!!!!!!!

انا ذات نفسى لما جييت اتجوز اخترتها ربة منزل 000000000000 !!!!!!

هو الواحد بيتجوز علشان يرتاح ولا يتعب نفسه 00000000000000000000000

خسران اللى يتجوز امرأة عاملة 00000000 !!!!!!!!

المريسي

03-06-2011, 09:54 AM

عاوزين اي رد من البنات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الاستاذ محمود حميد

03-06-2011, 10:09 AM

كلامك مظبوط مليون في المية
البنت مكانها البيت وبس وتفضل معززة مكرمة لرعاية زوجها وابنائها الدين والشريعة قالولنا كدة
بس هتقول لمين منها لله سوزان هانم

احنا بنقول ان البنت تفضل في بيتهم معززة مكرمة ومش مهانة طبعاً وده لانها لازم تحس باخوها وابن عمها وجارها ..........
وكل شاب بتشوفة عاطل ومش عارف يروح فين ويعمل ايه
اشكرك علي مرورك المميز

mohammed ahmed25

03-06-2011, 10:15 AM

بس للامانه فقط .. بنات كتير عندهم ظروف ولازم يشتغلوا .. وانا فعلا ملاحظ حكايه التساهل من الاداره والمدير والناظر والموجه مع الابلوات . انما احنا يبقى عايزين يضربونا بالنار

الاستاذ محمود حميد

03-06-2011, 10:50 AM

مال البنات بالشغل دة للشباب
بيجروا على الشغل ذى القطر قبل الشباب

بناتنا من البلد دي وعارفين ظروفها كويس يبقي لازم يشعروا بالمسئولية والمسئولية هنا
ان الاولوية للشاب في الشغل لانه هو الي بيفتح بيت
اشكرك علي حضورك المتميز

الاستاذ محمود حميد

03-06-2011, 10:51 AM

أستغفر الله أستغفر الله أستغفر الله

كلامك مظبوط الى حد كبير

نستغفر الله العظيم من كل ذنب
اشكرك علي مشاركتك المتميزة

الاستاذ محمود حميد

03-06-2011, 10:54 AM

كلام قولناه مليون مرة ..
وهات اى كشف للعاملين فى التربية والتعليم بالذات وشوف نسبة البنات هتكون اد ايه ..
من كل 100 اسم هتلاقى على الاقل 75 اسم بنت والباقى شباب .. ودا لو مكانش اكتر من كدا

بنات خريجين من سنة وسنتين شغالين على حساب شباب رجالة طول بعرض وعاطلين من اكتر من 10 سنين

واللى اسوأ من كدا .. موضوع ابناء العاملين .. اللى هما برضوا بنات
نفسى اعرف هو فيه قانون فى بلدنا ينص على ان احق الناس بالوظيفة هما ابناء العاميلن ؟؟

يا جماعة .. لازم يكون فيه عدل واولوية للتوظيف ..

شكرا لصاحب الموضوع .. جزاك الله كل خير

قانون ابناء العاملين بينسف اهداف الثورة المصرية الي قالت لا للتوريث وقانون ابناء العاملين ما هو الا اكبر مثال لعملية التوريث الغير مشروعة يعني علشان ابوه اشتغل في الشركة او المصنع الفولاني يبقي المحروس ياخد مكان ابوه
والعدل في التوظيف جزء كبير فيه البنات الي لازم يعرفوا ان الي بيمشي امور البلاد هما الشباب هما الي بيبنوا وهما الي بيعمروا ووظيفة البنت او المرأة الاساسية هي البيت
اشكرك علي حضورك الراقي وردك المتميز
وفقنا الله واياكم الي ما يحب ويرضي

المريسي

03-06-2011, 10:56 AM

بس للامانه فقط .. بنات كتير عندهم ظروف ولازم يشتغلوا .. وانا فعلا ملاحظ حكايه التساهل من الاداره والمدير والناظر والموجه مع الابلوات . انما احنا يبقى عايزين يضربونا بالنار
الاستاذة الاول والمدرين والوكلا والموجهين بيكونوا زهقوة من الغفر اللي معاهم في البيت ولسا ليهم نفس يحسوا انهم مرغوبينوالابلة من دول بتمشي حالها وخلاص حتعمل اية يعني ( بس للامانة مش كل الناس كدا في ناس محترمة جدا ) بس دا برضوا موجود ............... ولا اية ؟؟؟؟؟؟؟؟؟؟؟؟؟

الاستاذ محمود حميد

03-06-2011, 10:56 AM

بنات كتير بيروحوا المدرسه عشان الجواز وتفكيرهم انها خلصت دراسه ولسه مفيش نصيب و بتتخيل انها لازم تخرج عشان ربنا يكرمها

الاعتقاد ده صحيح مليون في المية بس لازم يعرفوا حاجة
هيجوزا ازاي وامتي وفين ؟!!!!!!!!!
طالما الشباب مش لاقي شغل ومش معاه فلوس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اشكرك علي مشاركتك المتميزة

الاستاذ محمود حميد

03-06-2011, 10:59 AM

الابلوات اخواتنا ولهم كل تقدير واحترام.احنا بنتكلم عن مشكله آلآف الشباب يعنى مش حكايه حريه و مساواه والمجلس القومى للمرأه, مش وقته خالص الكلام ده

فعلاً اخي الكريم أنا لا اهاجم اخواتنا المدرسات فقط ان بنبه لمشكلة وواقع ملموس
الراجل عواطلي والست بتشتغل وده وضع مقلوب لا يرضي الله ولا رسولة
وظيفة المرأة الي خلقت ليها اولادها وبيتها وخدمة زوجها ودي اسمي رسالة ممكن تقوم بيها اي بنت
انما العمل للرجال لانه مش ينفع بتاتاً يقعد في البيت
اشكرك علي حضورك الراقي ومشاركتك المتميزة

الاستاذ محمود حميد

03-06-2011, 11:01 AM

وطبعاً فيه بنات رايحة مش عشان تجيب فلوس لأ دى رايحة عشان قال إيه تثبت نفسها داحنا عندنا فى إدارة نائية بالبحيرة بنت بتجيب مامتها كل يوم سفر حةالى 60 كيلو عشان تشتغل بالحصة وطبعا مدير الإدارة لما بيدخل المدرسة بيفرح ويهزر مع المدرسات والمدرسين الرجالة فين تحضيرك والكراسة دى مش متصححة ليه إنما هى (بابا عامل ايه - اتخطبتى والا لسة؟ ) وكده يعنى ويجعله عامر وخلى الشباب قاعد على القهوة (احنا معانا مدرس كان بالعقد من 6 سنين ولما زهق مشى وحسبى الله ونعم الوكيل

خليهم كده يثبتوا نفسهم والشباب يثبت نفسه علي القهوة
اثبات النفس الي وراة ظلم مش يبقي اثبات نفس
يبقي انانية وخليني اسال كل بنت
ترضي انك انتي تشتغلي واخوكي يبقي عاطل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اشكرك علي تفاعلك وردك المتميز

الاستاذ محمود حميد

03-06-2011, 11:02 AM

الاستاذ محمود حميد

03-06-2011, 11:04 AM

عاوزين اي رد من البنات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تفتكر هيردوا يقولوا ايه
في اخت امبارح دخلت الموضوع بعد ما كتبتة بشويه بتقول في مشاركتها

ومع ذلك خلينا مستنين نشوف هيقولوا ايه
اشكرك علي تفاعلك المتميز

الأستاذ حمدي

03-06-2011, 11:05 AM

السلام عليكم .
بادئ ذي بدء العقل السليم لا يمكن أن يخالف النقل الصحيح .

لقد حكم القرآن الكريم بأن المرأة عليها أن تجلس في مملكتها وتقوم برعاية زوجها وأبنائها .
قال تعالى : " وَقَرْنَ فِي بُيُوتِكُنَّ " ( الأحزاب : 33 )

لو قامت المرأة بدورها الأساسي والذي خلقت من أجله لصلح المجتمع كله لكنهم خدعوها بالخروج وزين لهم الشيطان ذلك السبيل .

هل تعلم المرأة المسلمة_ كما في الحديث الصيحيح _ : أنها لو صلت خمسها وصامت شهرها وأحصنت فرجها وأطاعت زوجها دخلت الجنة من أي أبوابها الثمانية !!

يا أمة الله ليس مطلوب منكِ أكثر من ذلك .

nada1993

03-06-2011, 01:22 PM

هاها.. طبعا متغاظه من الخبر بتاع عدم تطبيق الحد الأدنى على المعلمين طيب دا انتى بنت امال شاب عايز يخطب ويكون نفسه؟؟

روضه العلوم

03-06-2011, 02:18 PM

زكى أحمد

03-06-2011, 02:35 PM

على فكرة أنا أحب أن أضيف صوتى لكم ........
هذا رأيى من زمان ..............................
وكمان يا ريت البنت تساعد زوجها بجزء من مرتبها
عارفين بتعمل إيه ؟؟؟؟؟؟؟؟؟؟؟ بتحوشه فى البريد
مش كفاية حرمان الزوج من حقوقه الشرعية وحرمان بيتها وأولادها كمان بتحرمه من المرتب

marwa1985

03-06-2011, 02:36 PM

وفيه شباب كتير مش بيلجوا اصلا لشغل الحكومه لان مرتبتو ضايله ولا تكفلى فهو
فين الشغل..كله عايز الحكومه
ولا ليبيا ولا سياحه ولا شاب معاه الاف عشان يسافر الخليج

المريسي

03-06-2011, 02:50 PM

موضوع مهم جدا لكن انا عايزه اقول للحضرات ان صوابعك مش زى بعضيها مش كل البنات والمدامات المرتحين ماديا هم اللى شاغلين فى ناس كتير جدا ظروفها وحشه وبتلقى ان مهنه التدريس خاصه مناسبه جدا لظروفها فبلاش التحامل ده وفيه شباب كتير مش بيلجوا اصلا لشغل الحكومه لان مرتبتو ضايله ولا تكفلى فهو عايز شغلانه حتى لو سورى ف اللفظ زبال بس الاهم يكون عائددها اكبر وبلاش بقا تخلونا شماعه لبطاله الشباب المشكله فى البنات المشكله فى الحكوه اللى عاجزه اصلا عن توفير فرص عمل ششسباب تحياتى للجميع
اسمحيلي انا ارد علي حضرتك بشكل موضوعي جدا في نقاط محددة ,,,,,,,,,,,,,,
اولا : فين الشباب دا اللي مش راضي بشغل الحكومة وبدور علي شغل تاني افضل هو حضرتك معانا من مصر ::: يعني هي خيارات الشغل متاحة لدرجة ان الشباب بينقي :::: وبعدين من غير مؤخذة في اللفظ هي شغلانة الزبال بتجيب فلوس حلوة لو حضرتك شايفة كدا قوليلي وانا اسيب التدريس واشتغلها,,,,,,,,,,,,,,,,,,,,,,,,,
ثانيا : احنا دولة نامية او عالم تالت فطبيعي ان الفرص فيها تبقي محدودة والبطالة دي ازمة عالمية يعني البلد حتعملنا اية لو حضرتك عندك حل ممكن تقولية,,,,,,,,,,,,,,,,,,,,,,,,,,,,,,
ثالثا : حضرتك تقدري تقوليلي البنت بتصرف كام في العادي ( حتي لو ظروفها مش كويسة ) علي الهدوم والمايكب وتقدري تقوليلي حيبقي كام من المرتب اللي بتاخدوا,,,,,,,,,,,,,,,,,,,,,,,,,
رابعا : ما فيش شاب بعتمد علي شغل الحكومة بس ودايما بيبقي في شغل اضافي بسحضرتك لو معانا في البلد كنت عرفتي ظروف الاعمال الحرة والقطاع الخاص وانها مش مضمونة بالمرة فشغل الحكومة بيبقي مضمون شوية خصوصا في حالة فتح بيت واستقرار ,,,,,,,,,,,,,,,,,,,,,,,,,,,,,,
واقدر اقولك خامسا وسادسا لغاية مائة ,,,,,,,,,,,,,,,,,,,,,,,,,,,,,,,,,,,,,,,,,,, وتقدري حضرتك او غيرك من اخواتنا تردي (بس بموضوعية من غير الفاظ ما لهاش لازمة زي زبال كدا )

nada1993

03-06-2011, 03:00 PM

أحسن رد ممكن يتقال

تمام يا مان

المريسي

03-06-2011, 10:25 PM

أحسن رد ممكن يتقال

تمام يا مان
تعبونا الله يخرب بيوتهم ورانا ورانا

mohammed ahmed25

03-06-2011, 10:59 PM

الله ينور عليك يا استاذ محمد عثمان, ثم الزبال ده بنى آدم و ربنا كرمه وليه احترام ولو الناس متحضره اساسا , يبقى اكيد الزبال مش هيلاقى شغل,

marwasamy

04-06-2011, 02:09 AM

المريسي

04-06-2011, 10:58 AM

صراحة موضوع هايف من انسان .................
حضرتك انت وهو يتكلموا بالدين صح تعالوا نشوف ايام الرسول وخصوصا فى الحروب كانت المراة تساعد الرجل ومعروف ان الشغلة الوحيدة للبنت هى التدريس مثلا الطفل من فى البيت بيذاكر لية الاب ولا الام
الحاجة التنية مدرسة بنات ثانوية حضرتك قريب من سن البنت
تعال نخليها مسخرة مش تعليم انت فهمنى

الحجة مش احنا البطالة دى ممكن تكون انت السبب فيها او الظروف وبعدين تعال
هنا
فرض البنات قعدت وحضرتك قبضت 1000 جنية حضرتك هتشرى عمارة من بابها يا استاذ انت عامل زى اللى ما اقدرش على الحمار وقدر على .............
وبعدين انهاردة ظروف المعيشة سيئة البنت بتعمل على الاقل تشيل مصاريفها يعنى تشيل عبئ من على زوجها
وبعدين الفئة المبسوطةدى كام فى المية ؟

وكتير منكم معلش بيتزق علشان ينزل يشتغل فميكونش حجة البليد مسح التختة

المشكلة ان العملية دخل فيها واسطة يعنى معلش خريج تجارة واداب ومعاهد مشعارفة اية دول يشتغلوا مدرسين وخرجى التربية يقعدوا فى البيت يا استاذى دى طرف المشكلة ناس معهاش تربوى ولازم ياخدوا سنة طب لية خدوا الجاهز على طول انما اية اللى حاصل
حضرتك لو كانوا عينوا تربية بس فى المهنة دى كان النعليم هيطوروا وقسما باللة هيتحيلوا على الناس تتعين مدرسين . ولكن اماكنا مين خدها قريب الاستاذ زفت وقريب الاستاذ هباب

عرفت المشكلة فين مش تقولى بنت وولد
من فضلك لو سمحت ياريت تكون انسان محترم وتتكلم عن زميلاتك بشكل افضل من كدة وممكن انت كمعلم مساعد اتعلمت من استاذة منهم فعيب كدة بعد اذن حضرتك خلبينى احس انى بتاعمل مع معلم
برضو حرد علي حضرتك وبكل موضوعية وبدون استخدام سياسة ( الصوت العالي والنرفزة) اللي هي طريقة اغلب البنات في المناقشة:::::::::::: اولا : الموضوع مش هايف لان احنا بنتكلم عن مستقبل شباب يعني مستقبل بلد بالكامل::::::: ثانيا : حضرتك لو حتتكلمي عن ايام الرسول ( ص ) ايام الرسول الرجال هم من كانوا يقوموا بالتجارة نيابة عن النساء حتي لو الاموال كانت للنساء وخروج النساء في الغزوات كان لقلة عدد الرجال المسلمين وكانت تخرج لمهام العلاج والدواء للمصابين::::::::::: ثالثا : المثل اللي حضرتك ضربتيه هو اللي احنا بنقولوا ان الام شغلتها الاهم هي التدريس والرعاية بس لاولدها في البيت زي ما حضرتك بتقولي كدا يعني التدريس مش لازم يكون في المدرسة :::::::::::::: رابعا : حضرتك معترضة علي شغل الشاب في مدرسة بنات والاولي الاعتراض علي شغل بنت في مدرسة ولاد حتي لو اعدادي مش ثانوي لان العيال مش بيحترموها ولا بيعملولها هيبة ,,, دا في الابتدائي العيال دلوقتي مش بيعملوا هيبة للمدرسة وبيستخفوا بيها وبعدين بعيدا عن مهنة التدريس اقسم بالله العظيم ان كنت في المرور من مدة بطلع رخصة ووجد ان لا يقل عن 80 % من العاملين بنات وفي سن صغير كمان ومع احترامي الكامل لطبقة السواقين حضرتك شايفة ان بنت تقدر تتعامل مع سواقين الميكرباص والتوتك اللي هما فيهم ناس كتير مؤهلات عليا ومش لاقين شغل وحتلقيهم اكثر حقدا علي البنات اللي قاعدة علي المكاتب وهما مرمين في الشوارع ::::::::::::: خامسا : جملة ان يكون الشباب هما السبب في البطالة دي ( لا تعليق )::::::::: سادسا : حضرتك انا مش عاوز عمارة من بابها ولا حاجة انا يدوب عاوز اعيش مستور في اوضة وصالة واجوز واحدة تعرف ربنا وتقدر ظروفي وخلاص ::::::::::::سابعا : اللي بتزق علشان يشتغل دا اكيد حضرتك عندوا بابا وماما مش مخلينوا محتاج حاجة والا كان اشتغل غصب عنوا من غير زق ولا حاجة ::::::::::::: ثامنا : هو اللي مدخلش جنة الخلد ( كلية التربية ) ودخل كليه تاني يبقي كافر ونسيبوا يموت يعني بلاش يشتغل وهو لو كان لاقي شغل في مكان تاني كان اية اللي حيرمية عليها الشغلة دي يعني من الاملة والعز اللي فيها , دا حضرتك غير ان احنا بتكلم بوجة عام عن كل الشغل مش التدريس بس ::::::::::: تاسعا : الواسطة!!!!!!!!!!!! ودي مشكلة عالمية ومرفوضة بس حتي مع وجود الواسطة العملية بتبقي نسبة وتناسب بمعني ان لما يكون في 500 بنت مقدما في شغل بيرضوا باي مقابل , الواسطة في الحالة دي بترجح عدد اكبر للبنات يشتغلوا لان عدد المقدمين من البنات بكون اضعاف الاولاد :::::::::::::عاشرا : احنا مش بنقول البنت متشتغلش احان بنقول حرام ان اي مؤسسة يكون عدد البنات اللي فيها اكتر من 70 او 80 في المية من عدد الذكور بمعني ان انا عندي في المدرسة المتعاقدين 16 فرد منهم 12 بنت هل دا يرضي ربنا بالرغم من وجود مؤهلات تربوية اولاد ومعروفين للجميع في نفس البلدة :::::::::::::حادي عشر : احترامي للستاذة , او للبنت دا حاجة اكيدة لان الست دي غير انها استاذتي هيامي واختي وزوجتي وبنتي ودول كلهم فوق دماغي من فوق بس الحجات اللي حضرتك بتقولي عليها عدم احترام دي وقائع موجودة احنا مش بنالفها ولو حضرتك ركزتي اكيد حتشوفها :::::::::::: ثاني عشر :في حالة الرد اجوا الموضوعية في الحوار بدون شخصنة الامور لان احنا بناقش قضية عامة وارجوا مرعاة السلوك المتحضر في الحوار

mohammed ahmed25

04-06-2011, 11:16 AM

خلينا فى المشكلة بتاعت الاجور دلوقتى.
شغل البنات اصبح امر واقع.
ربنا يكرمهم.
هيبقى احنا والزمن عليهم.

الاستاذ محمود حميد

04-06-2011, 11:35 AM

صراحة موضوع هايف من انسان .................
حضرتك انت وهو يتكلموا بالدين صح تعالوا نشوف ايام الرسول وخصوصا فى الحروب كانت المراة تساعد الرجل ومعروف ان الشغلة الوحيدة للبنت هى التدريس مثلا الطفل من فى البيت بيذاكر لية الاب ولا الام
الحاجة التنية مدرسة بنات ثانوية حضرتك قريب من سن البنت
تعال نخليها مسخرة مش تعليم انت فهمنى

الحجة مش احنا البطالة دى ممكن تكون انت السبب فيها او الظروف وبعدين تعال
هنا
فرض البنات قعدت وحضرتك قبضت 1000 جنية حضرتك هتشرى عمارة من بابها يا استاذ انت عامل زى اللى ما اقدرش على الحمار وقدر على .............
وبعدين انهاردة ظروف المعيشة سيئة البنت بتعمل على الاقل تشيل مصاريفها يعنى تشيل عبئ من على زوجها
وبعدين الفئة المبسوطةدى كام فى المية ؟

وكتير منكم معلش بيتزق علشان ينزل يشتغل فميكونش حجة البليد مسح التختة

المشكلة ان العملية دخل فيها واسطة يعنى معلش خريج تجارة واداب ومعاهد مشعارفة اية دول يشتغلوا مدرسين وخرجى التربية يقعدوا فى البيت يا استاذى دى طرف المشكلة ناس معهاش تربوى ولازم ياخدوا سنة طب لية خدوا الجاهز على طول انما اية اللى حاصل
حضرتك لو كانوا عينوا تربية بس فى المهنة دى كان النعليم هيطوروا وقسما باللة هيتحيلوا على الناس تتعين مدرسين . ولكن اماكنا مين خدها قريب الاستاذ زفت وقريب الاستاذ هباب

عرفت المشكلة فين مش تقولى بنت وولد
من فضلك لو سمحت ياريت تكون انسان محترم وتتكلم عن زميلاتك بشكل افضل من كدة وممكن انت كمعلم مساعد اتعلمت من استاذة منهم فعيب كدة بعد اذن حضرتك خلبينى احس انى بتاعمل مع معلم

جزاكِ الله خيراً علي ردك واسلوبك في الحوار مشاء الله ونعم الاخلاق

وخليني اضع مليون علامة استفهام ومليون علامة تعجب انك بتشتغلي معلمة اجيال

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!! !!!!!!!!!!!!!!!!!!!!!!!!!!!!!!!!!!!

ياتري الاجيال الي هتطلع من تحت ايد حضرتك هيكون اسلوب نقاشها ازاي في اي حوار يصادفهم

الموضوع الي حضرتك بتقولي عليه هايف من انسان ................ الي هو انا طبعاً ومعرفش ايه بقي الي كان هيتكتب في النقط !!!!!

الموضوع ده قضية كتير بيتكلموا فيها ولو حضرتك عايشه في البلد دي كنتي هتعرفي ان ده موضوع عام مش جايبه من بيتنا , والبنات فعلا اخدوا اماكن الرجال في كل مكان في شغل وده لان اصحاب العمل بيفضلوا البنت حتي لو اقل مهارة من الشاب ( لاسباب معروفه لا داعي لذكرها ) وكمان في العمل الحكومي في المدارس مثلا البنت ليها الافضلية علي الشاب الي المدير والناظر مش بيبقو طايقينة علي عكس البنت الي بيبتسموا في وشها هما ورايحين وهما وجايين

اما قضية عمل المرأة الي حضرتك اتكلمتي فيها واستشهدتي بايام الرسول صلي الله عليه وسلم واشتغلوا ممرضات ومعرفش ايه دي مش قضيتنا !!!!!!!!!!!!
انا هنا بتكلم عن اولوية العمل مش قضية العمل يا معلمة الاجيال !!!!!!!!!!!!!!!
يعني مش بناقش عمل المرأة حرام ولا حلال , انا بناقش اولوية العمل تكون للشاب مش البنت يعني لو في شركة مثلا في وظيفة فاضية واتقدم ليها ولد وبنت المفروض يشغلوا الولد مش البنت علشان الولد محتاج للشغل اكتر ( ليه بقي ؟ ) علشان هو الي مطلوب منه بيفتح بيت ويدفع مهر ويجيب عفش ويجهز شقة مش البنت ,,,, البنت بتقعد في بيت ابوها معززة مكرمة بيصرف عليها ابوها ولا اخوها أو زوجها ,,انما الشاب مش هينفع يقعد في البيت جنب امه وابوه يصرفوا عليه ولا اخواته يصرفوا عليه حتي لو هو هيقبل ده هما مش هيقبلوا
والبطالة الي بتقولي ان ممكن انا اكون السبب فيها !!!!!!!!!!!!!!!!
مليون علامة استفهام ازاي انا ولا غيري السبب في البطالة؟؟؟؟؟؟؟؟؟؟؟؟؟؟؟؟؟؟
السبب فيها الدولة الحكومة مش انا والحكومة كمان هي الي مسئولة عن الشباب الي قاعد في القهوة والبنت الي قاعدة في الشغل الهانم الي بتقبض مرتب وجوزها مرتب والشاب الي مفيش في جيبة جنية
لو عند أي حد هنا رد مقنع ومهذب ياريت يتفضل ويناقش غير كده لا
ده مكان محترم يبقي كل حرف يتكتب لازم يكون محترم علي الاقل نحترم المهنة الي احنا شغالين فيها

marwasamy

04-06-2011, 01:47 PM

جزاكِ الله خيراً علي ردك واسلوبك في الحوار مشاء الله ونعم الاخلاق

وخليني اضع مليون علامة استفهام ومليون علامة تعجب انك بتشتغلي معلمة اجيال

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!! !!!!!!!!!!!!!!!!!!!!!!!!!!!!!!!!!!!

ياتري الاجيال الي هتطلع من تحت ايد حضرتك هيكون اسلوب نقاشها ازاي في اي حوار يصادفهم

الموضوع الي حضرتك بتقولي عليه هايف من انسان ................ الي هو انا طبعاً ومعرفش ايه بقي الي كان هيتكتب في النقط !!!!!

الموضوع ده قضية كتير بيتكلموا فيها ولو حضرتك عايشه في البلد دي كنتي هتعرفي ان ده موضوع عام مش جايبه من بيتنا , والبنات فعلا اخدوا اماكن الرجال في كل مكان في شغل وده لان اصحاب العمل بيفضلوا البنت حتي لو اقل مهارة من الشاب ( لاسباب معروفه لا داعي لذكرها ) وكمان في العمل الحكومي في المدارس مثلا البنت ليها الافضلية علي الشاب الي المدير والناظر مش بيبقو طايقينة علي عكس البنت الي بيبتسموا في وشها هما ورايحين وهما وجايين

اما قضية عمل المرأة الي حضرتك اتكلمتي فيها واستشهدتي بايام الرسول صلي الله عليه وسلم واشتغلوا ممرضات ومعرفش ايه دي مش قضيتنا !!!!!!!!!!!!
انا هنا بتكلم عن اولوية العمل مش قضية العمل يا معلمة الاجيال !!!!!!!!!!!!!!!
يعني مش بناقش عمل المرأة حرام ولا حلال , انا بناقش اولوية العمل تكون للشاب مش البنت يعني لو في شركة مثلا في وظيفة فاضية واتقدم ليها ولد وبنت المفروض يشغلوا الولد مش البنت علشان الولد محتاج للشغل اكتر ( ليه بقي ؟ ) علشان هو الي مطلوب منه بيفتح بيت ويدفع مهر ويجيب عفش ويجهز شقة مش البنت ,,,, البنت بتقعد في بيت ابوها معززة مكرمة بيصرف عليها ابوها ولا اخوها أو زوجها ,,انما الشاب مش هينفع يقعد في البيت جنب امه وابوه يصرفوا عليه ولا اخواته يصرفوا عليه حتي لو هو هيقبل ده هما مش هيقبلوا
والبطالة الي بتقولي ان ممكن انا اكون السبب فيها !!!!!!!!!!!!!!!!
مليون علامة استفهام ازاي انا ولا غيري السبب في البطالة؟؟؟؟؟؟؟؟؟؟؟؟؟؟؟؟؟؟
السبب فيها الدولة الحكومة مش انا والحكومة كمان هي الي مسئولة عن الشباب الي قاعد في القهوة والبنت الي قاعدة في الشغل الهانم الي بتقبض مرتب وجوزها مرتب والشاب الي مفيش في جيبة جنية
لو عند أي حد هنا رد مقنع ومهذب ياريت يتفضل ويناقش غير كده لا

ده مكان محترم يبقي كل حرف يتكتب لازم يكون محترم علي الاقل نحترم المهنة الي احنا شغالين فيها

يا ااستاذ انت داخل تهينا وتغلط فينا ومن كلامك بتقوال اننا ولا حاجة وبدور على الاحترام وبعدين هنتكلم على الاولية من الانسب ان البنت تعمل فى التدريس وحضرتك تروح الجيش تدافع عن بلدك وتقف وقفة رجالة مش بتاخد سنة وبتبقى متضايق من السنة دى وممكن تفرح لو جة تاجيل حضرتك المفروض الشباب دول يزرعوا و يعمروا الصحراء والمهام الصعبة انما عاوز تاخد حق بنت وبعدين حضرتك لازم تفهم ان المعيشة انهاردة لازم فيها مساعدة البنت للولد وغير كدة وكدة انهاردة البنت اكتر كفاءة للمهنة دى زى ما اقولتلك لسبب عندنا فى المدرسة المدرس بيدخل عاوز يقول كلمتين او يوزع حصصة على حد علشان الورشة المفتوحة وغيرة وغيرة تعليم اية اللى بيكون كدة هتقولى انا غير كدة هقولك الغالبية العظمى كدة وبعدين والله البنت مشعاوزها تشتغل خلاص ماتبعتوش البنات تتعلم

يا استاذى انت زعلت لما اتنرفزت على حضرتك انا متاسفة بس فعلا اسلوب حضرتك فى انك تقلل من شانى انا وكتير من البنات مش حلو

ومعلش كتير من البنات متفوقين عن الولاد كمادة علمية
وابسط الامور كان فى دمياط عندنا دورة المعلم المساعد اقسم بالله الشباب مش عاوز يقعد وكانوا بيحاولوا يضايقوا المحاضرين عاوزينهم يخلصوا علشان يشوفوا اشغالهم مش هم دول اللى بتتكلم عنهم تخيل بقى 1000 شاب مثلا عاوز يسمع منهم المحاضرات 5 او 6 اقسم بالله انا مش ببالغ
وبعدين بتتكلم عن حالات فردية اية اللى عندها بابا وماما ومش محتاجة كام واحدة كدة

يااستاذى انا اعرف واحدة اهلها مش بيصرفوا عليها وهى اللى بتصرف على نفسها ب 300 جنية واحيانا بياخدوا منها

وواحدة تانية هى وامها بس فى البيت وهى اللى بتصرف على امها من الشغلانة دى انهاردة البنات والشباب ليهم مطالب

وزى ما اقولتلك دى شغل البنات عاوز تشتغل قدامك كنت تكون طبيب او محارب او حاجة فى البترول يعنى الشغلانة اللى ما تنفعش البنات

اطلب من السادة المشرفين غلق الموضوع دة لان دة منتدى محترم

وحاسة اننا بنتكلم عن الاهلى والزمالك مش مشاكل معلمين وبالنسبة للزميل لو مصر على الموضوع دة ياريت يتنقل فى المنتدى العام علشان المنتدى دة خاص بمشاكل المعلمين المساعدين

وانصحك نصيحة اخرى لو خلفت بنت بدل ما تتعب نفسك وتربيها ابقى ادفنها فى التراب علشان بصراحة اللى شيفاها اننا بنتكلم عن مواضيع مهمة وحضرتك لسة عايش فى البنت والولد فحرام تظلمها بالعقلية دى وحرام تدرس لانك لو فى مدرسة مشتركة هتفرق بين البنت والولد

وبعدين بالنسبة لاختلاف معاملة البنت والولد من المديرين فدى اهانة تانية من حضرتك للمدرسات زميلاك

متاسفة فى اللفظ عاوز قول انا المعاملة بتفرق علشان البنت بتنزل تحلى فى عين مديريها يا اخى عيب الكلام دة انا واحدة من الناس اقسم بالله بنزل محتشمة بس المدرسة كلها بتتحترمنى علشان شغلى انهاردة انا معاى الحكومة الاليكترونية للمدرسة وشغلى فى الفصل 100 فى المية طبيعى واحدة مجتهدة عاوزهم يعاملوها ازاى من فضلك لو سمحت كفاية اهانات بقى

الأمير محمد السيد حمودة

04-06-2011, 02:03 PM

والله انت عندك حق فى كل اللى بتقوله وياريت حد يسمعنا ويستجيب

الاستاذ محمود حميد

04-06-2011, 08:36 PM

يا ااستاذ انت داخل تهينا وتغلط فينا ومن كلامك بتقوال اننا ولا حاجة وبدور على الاحترام وبعدين هنتكلم على الاولية من الانسب ان البنت تعمل فى التدريس وحضرتك تروح الجيش تدافع عن بلدك وتقف وقفة رجالة مش بتاخد سنة وبتبقى متضايق من السنة دى وممكن تفرح لو جة تاجيل حضرتك المفروض الشباب دول يزرعوا و يعمروا الصحراء والمهام الصعبة انما عاوز تاخد حق بنت وبعدين حضرتك لازم تفهم ان المعيشة انهاردة لازم فيها مساعدة البنت للولد وغير كدة وكدة انهاردة البنت اكتر كفاءة للمهنة دى زى ما اقولتلك لسبب عندنا فى المدرسة المدرس بيدخل عاوز يقول كلمتين او يوزع حصصة على حد علشان الورشة المفتوحة وغيرة وغيرة تعليم اية اللى بيكون كدة هتقولى انا غير كدة هقولك الغالبية العظمى كدة وبعدين والله البنت مشعاوزها تشتغل خلاص ماتبعتوش البنات تتعلم

يا استاذى انت زعلت لما اتنرفزت على حضرتك انا متاسفة بس فعلا اسلوب حضرتك فى انك تقلل من شانى انا وكتير من البنات مش حلو

ومعلش كتير من البنات متفوقين عن الولاد كمادة علمية
وابسط الامور كان فى دمياط عندنا دورة المعلم المساعد اقسم بالله الشباب مش عاوز يقعد وكانوا بيحاولوا يضايقوا المحاضرين عاوزينهم يخلصوا علشان يشوفوا اشغالهم مش هم دول اللى بتتكلم عنهم تخيل بقى 1000 شاب مثلا عاوز يسمع منهم المحاضرات 5 او 6 اقسم بالله انا مش ببالغ
وبعدين بتتكلم عن حالات فردية اية اللى عندها بابا وماما ومش محتاجة كام واحدة كدة

يااستاذى انا اعرف واحدة اهلها مش بيصرفوا عليها وهى اللى بتصرف على نفسها ب 300 جنية واحيانا بياخدوا منها

وواحدة تانية هى وامها بس فى البيت وهى اللى بتصرف على امها من الشغلانة دى انهاردة البنات والشباب ليهم مطالب

وزى ما اقولتلك دى شغل البنات عاوز تشتغل قدامك كنت تكون طبيب او محارب او حاجة فى البترول يعنى الشغلانة اللى ما تنفعش البنات

اطلب من السادة المشرفين غلق الموضوع دة لان دة منتدى محترم

وحاسة اننا بنتكلم عن الاهلى والزمالك مش مشاكل معلمين وبالنسبة للزميل لو مصر على الموضوع دة ياريت يتنقل فى المنتدى العام علشان المنتدى دة خاص بمشاكل المعلمين المساعدين

وانصحك نصيحة اخرى لو خلفت بنت بدل ما تتعب نفسك وتربيها ابقى ادفنها فى التراب علشان بصراحة اللى شيفاها اننا بنتكلم عن مواضيع مهمة وحضرتك لسة عايش فى البنت والولد فحرام تظلمها بالعقلية دى وحرام تدرس لانك لو فى مدرسة مشتركة هتفرق بين البنت والولد

وبعدين بالنسبة لاختلاف معاملة البنت والولد من المديرين فدى اهانة تانية من حضرتك للمدرسات زميلاك

متاسفة فى اللفظ عاوز قول انا المعاملة بتفرق علشان البنت بتنزل تحلى فى عين مديريها يا اخى عيب الكلام دة انا واحدة من الناس اقسم بالله بنزل محتشمة بس المدرسة كلها بتتحترمنى علشان شغلى انهاردة انا معاى الحكومة الاليكترونية للمدرسة وشغلى فى الفصل 100 فى المية طبيعى واحدة مجتهدة عاوزهم يعاملوها ازاى من فضلك لو سمحت كفاية اهانات بقى

الناس بتتكلم عن مواضيع هامة والموضوع ده تافه في رأي حضرتك
يعني حضرتك مثلا معتقدة ان زيادة 300 جنية علي مرتبك موضوع في غاية الاهمية والعالم كلو يجب ان يتوقف عنده اما شاب عاطل علي قهوة شيء عادي في راي حضرتك
شاب مش لاقي غير شغل الفاعل ومش قادر يفتح بيت شيء بسيط وهايف اما بنت متزوجة وزوجها بيصرف عليها ومع ذلك بتروح تشتغل ده شيء مهم وطبيعي في وجهة نظر حضرتك
طيب ما انتي بلسانك بتقولي المعيشة بقت صعبة ولازم تساعد جوزها
( اومال الشاب الي مش لاقي شغل ميبقاش معيشة صعبة )
صدقيني مش هتلاقي رد مقنع تقولية وعلي فكرة روحي شوفي الشيخ محمد حسان والشيخ ابو اسحاق الحويني قالوا ايه في الموضوع ده ( شاب لا يجد عملاً يناسب شهادتة ولا يوفر له دخل مناسب كي يتزوج ويصبح مسئول عن اسرة في نفس الوقت بعض البنات المتزوجات وغير المتزوجات يفضلهم اصحاب الاعمال لكفاءتهم )
وانا مش متخلف ولا برجع لعصور ظلامية انا مشفق علي اخواني من الشباب الي مش لاقيين عمل بشهادتهم والبنات لاقيين بدل الشغل عشرة
كمان حضرتك بتنكري ان المديريين بيفضلوا البنات علي الشباب ؟
طيب اسالي المنتدي كلو في النقطة دي بالذات وشوفيهم هيقولولك ايه!!!!!!!!!!!!!!!!
وانا قولتها قبل كده شاب معاه مقبول افضل يروح يشتغل من بنت معاها امتياز وبرضو اسالي اي رجل دين في النقطة دي
يا اختي الفاضلة بلاش تجادلي في الحق وفي امور واضحة بلاش تبقي متحاملة في ردك وانتي مش قادرة تقنعي اي حد هنا برأيك لانه مخالف
وانا مصر علي رأيي ان سبب مشكلة البطالة في مصر وانخفاض الاجور وعدم ملائمة العمل للشهادات
هو مزاحمة البنات للشباب في ارزاقهم
نقطة اخيرة
ازاي البنت افضل لوظيفة التدريس من الشاب الذي يعمل باستمرار بدون اجازات خاصة بالبنت مثل الوضع وبدون ساعتين الرضاعة فهو يعمل 6 ساعات والبنت 4 ساعات
وعلي فكرة النقطة دي كمان مثار خلاف لان البنت تأخذ راتب ليس من حقها فكيف هي في البيت في اجازة وضع وتأخذ مرتب بدون ان تعمل به؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل يجوز لها ان تأخذ امولاً مقابل جلوسها في بيتهم
هتساليني ايه الحل هقولك المفروض مش تاخد المرتب ده لانها مش اشتغلت بيه

المريسي

04-06-2011, 08:52 PM

اخي (مدرس علي ما تفرج ) واختي (marwasamy (http://www.thanwya.com/vb/member.php?u=74311) ) الرجاء الهدوء الشغل دا رزق ومكتوب للانسان من قبل ما يتولد وكل واحد في الدنيا بياخد نصيبوا فلا داعي لهذا السجال لان دي كلها حاجات بتاعة ربنا

مريم اليكس2011

04-06-2011, 09:14 PM

يا اساتذه يا محترمين اذا كنتم ضد عمل المراة متشغلوش زوجاتكم ولا بناتكم وعلي ايه تعليم البنات بقه ما نعلمهم القراءة والكتابه في الكتاب والا في البيت والا بلاش احسن اهدو كده شويه واخذو الشيطان ومتفسدوش فرحتنا بالحد الادني محدش بياخد غير رزقه

المريسي

04-06-2011, 09:32 PM

كلام جميل كلام معقول ماقدرش اقول حاجة عنو

أبراار

04-06-2011, 09:53 PM

ياإخوانا مش كدة ياجماعة صلوا ع النبي لاحول ولا قوة إلا بالله

ده في الأول وفي الآخر أقدار وأرزاق

وانا متفقة معاكو والله بس عاوزة أوضح حاجة الدين ماحرمش عمل المرأة بس بشروط وضوابط

طبعا أكيد كلنا عارفينها فيما يختص بإنه يكون عمل محترم يناسبها زي مهنتنا دي وكمان فيما يتعلق بمظهرها ومعاملتها

والأهم مايأثرش على بيتها وأولادها

طالما توفرت هذه الشروط مافيش مشاكل من شغلها

ده حبيت أذكركم بيه مش أكتر

ومعلش حضراتكو أنا شايفة إن الموضوع خد منحنى تاني خالص غير الهدف منه فالأفضل الكف عنه إذا كنتوا بتتناقشوا بالطريقة دي

الرفق واللين ياجماعة

ماكان الرفق في شئ إلا زانه وما نُزع من شئ إلا شانه

وفي الأول وفي الآخر زي ماقلت لحضراتكو دي أرزاق وأقدار

تقبلوا مروري وفائق إحترامي للجميع

القائد11

05-06-2011, 01:40 AM

الله ينور علي الرجاله

لوجين20

07-07-2011, 03:27 PM

مرور بدون تعليق
تحياتى عالموضوع اللى عرض الكثير من وجهات النظر
واساء البعض فى التعليق والردود
اكتفيت فقط بالمشاهدة

mena gerges123456

07-07-2011, 03:37 PM

ياجماعه المفروض ده الي يحصل من زمان ولمن البلد حالها مش هينصلح طالما بيشغلوا البنات

بطوط55

07-07-2011, 04:09 PM

السلام عليكم الموضوع ده مهم جدا جدا وانا لي وجهة نظر ان الاولوية في العمل تكون للذكور لما على الذكور من اعباء مالية ضخمة لان الشاب اول مايروح يتجنز قصدي يتجوز مهر وشبكة ودهب وشقه وعفش ولكن في نفس الوقت لا يتم حرمان البنات من العمل ولكن يتم منح البنات اعمال مثل الحضانة ورياض الاطفال واعمال التريكو اما بالنسبة للاخت اللي بتقول طالما انتو رجالة روحوا الجيش دافعوا عن البلد هو الجيش العمر كله ولا ايه؟ مش كفايه ان بندافع عنكم اما بنتجوزكم وتجروا تولولوا وتقولوا الحقونا اول ما تقعوا في مشكله وعند القبض تقولوا لازواجكن انا هجيب جيبة وفستان وبلوزة ومونكيروباديكير والباقي هديه لماما اصلها محتاجة فلوس علشان تجهز اختي الراجل اما يكلمكم عن حقه تقولوا له انا شقيانه زيي زيك وفي الشغل بقى عاوزين تروحوا بدري علشان تلحقوا تصبنوا المواعين وتطبخوا وساعة رضاعة علشان النونو طيب ريحوا نفسكم وريحونا والراجل يشتغل ويلاقي وظيفة وتزيد المرتبات وتتحسن الدخول لانكم واخدين اماكن في العمل اكتر من الرجالة واقسم بالله قسم اتحاسب عليه ان الشباب في المجمل افضل من البنات في القيام بواجبات اعمالهم وانا بتكلم عن الشباب لان الموظفين القدامى لا خير في رجال او سيدات

M.Ahmed Elsaid

07-07-2011, 04:22 PM

امجد7007

07-07-2011, 04:23 PM

اولا تحية خاصة للاستاذ مدرس على ماتفرج
موضوع شيق ومختلف وعمل عصف ذهنى للأعضاء الكرام لهم منى جميعا كل التقدير والاحترام
بس انا بختلف معاكم ومن وجهة نظرى ان البنت زى الولد تمام من حقها تتعلم وتشتغل وتسافر وتبقى محافظ او وزيرة او رئيسة جامعة او حتى رئيسة دولة
ده حقها الاصيل ومش معنى ان ربنا خلقها بنت انها تقعد فى البيت رغم ارادتها ولكن لو اتجوزت ولقيت ان شغلها بيأثر على بيتها ورعايتها لزوجها واولادها فياريت تفضل زوجها واطفالها على الشغل
على فكرة انا عن نفسى افضل ان البنت تراعى زوجها واطفالها طالما مش محتاجة للشغل
ولما بنقدم لشغل بتكون الفرص متساويه هى لها فرصة وانا ليا فرصة ومش من حقى اقعدها فى البيت عشان يبقى انا ليا فرصتين وهى امسحها بأستيكة
لكن هى حـــــــــــرة وياريت لو نفكر ان البنت دى بنتى الامور هتختلف تماما
سؤال اخير ممكن اعرف ليه معظم الموظفين بيفضل يتزوج موظفة؟؟
اقولك انا عشان يستفاد من راتبها وتتعب هى فى الشغل وكمان فى البيت
يعنى من الاخر بتتظلم مرتين
اسف على الاطالة وتحياتى لك ولجميع الاعضاء الكرام

مريم عبد العال

07-07-2011, 04:28 PM

اخى الفاضل هداك الله ان كنت من تدافع عنهم هم من يجلسون على المقاهى ويحلون ماحرم الله فاعلم ان الله لايغير مابقوم حتى يغيروا ما بانفسهم ان اى شخص يستحل جلوسه على المقهى بعدم وجود شغل اووجود وظيفة فللاسف هذا الانسان الذى ياخذ مصروفه من امه اللتى هى تشتغل سواء كانت ممرضه اومدرسه اوحتى خدامة لتعطيه الفلوس اللى بيشرب بها السجاير والهباب على عينه وبعدين يقعد على القهوة ويقول اصل مش لاقى شغل اصل البلد مافهاش اصل البنات واخدين الاماكن هذا انسان لايستحق ان يعيش كل من يصرف فلوسه على السجاير والقرف اللى بيتشرب على الاماكن المقرفة اللى بيعدوا عليها عشان يمسحوا خبيتهم فيها يارت ياخد المراة القدوةلانها ساعتها افضل منه ميييييييت مرة لانها تكافح مع ازواجها وتعمل عمل يرضى ربها ورسوله ويفتخر ابناؤها بها وعلى الاقل تربى رجالة مابيشرببوش القرف ده ولا بيعدوا على الاماكن المقززة ديه وهما قاعدين حاطين ايديهم على خدهم ويقولوا البنات السبب هداك الله اخى الى الرفق فى الامور واعلم ان امهاتنا جميعا كانوا يعملوا مع ازواجهم ليسطيعوا ان يعيشوا اما اخى الفاضل الانسانة اللتى تعمل لتثبت نفسها وتحوش مصروفها بعيدا عن زوجها هذا يدل على ان الانسان لم يحسن الاختيار للزوجة الصالحة واخذ بالمظهر الذى ينتقده الان اما عن الموجه والمدير وانهم يكلمون النساء افضل فمعظم الناس دى مريضة والانسانة التى تقبل على نفسها الكلام ده تبقي اساسا ماعندهاش اب رباها عشان كان قاعد على القهوه واما عن ان المراة اللتى لاتقدر ان تسيطر على الاطفال فهذا مغلوط تماما ما اراه ان الاستاذ الفاضل هو اللى ما بيقدرش يفرض سيطرته عارف ليه عشان خايف على الدرووس وخايف لما يربي صح مايلقيش حد ياخد عنده طبعا مش الكل انا بتكلم على اللى عارفين نفسهم وهناك اساتذة افاضل كثيرين اعتقد كل من في المنتدى هكذا اى من الافاضل واخيراااا استغفر ربك عسي ان يهديك الله لما يحب ويرضى

ومن الحب ما قتل

07-07-2011, 04:46 PM

لا تعلق فشلك على عمل المرأة وأقرأ هذا جيدا
يستطيع الناس تغيير حياتهم بمجرد تغيير وجهات نظرهم
أعطني انسان بأهداف راسخة سوف أعطيك انسان ناجح، اعطني انسان بلا أهداف، لن أعطيك سوى إنسان فاشل
الانسان الناجح هو الانسان الذي يستغل الفرص
اعمل من نفسك أقصى ما يمكن أن تكونه
ان من لا يواجه التحديات، لا يعمل شيئا

Mr/Ali Aswan

07-07-2011, 04:49 PM

كلامك مظبوط وصح بس الكلام ده ايه متقلهوش قدام البنات علشن بيزعلو وبيفتكرو مشاكل العنوسه وبيتعقدوووووووووووو

اسداسنا

07-07-2011, 05:03 PM

الأم مدرسة ان أعددتها أعددت جيلا طيب الأخلاق
فالزميلات الفضليات مدرستهم التى يجب أن يعملن فيها وبكل جد هى البيت
حتى تخرج لنا الأجيال الطيبة المبارك فيها بإذن الله

ومن الحب ما قتل

07-07-2011, 05:05 PM

خلقنا احرارا وقيدونا الرجال
الحرية لا يمكن أن تعطى على جرعات، فالمرء إما أن يكون حرّاً أو لا يكون حرّاً.
والمرأة ليست عبدا للرجل ولها نفس الحقوق خاصة فى فرص العمل وغيرها واذا كان الرجل يخرج ليدافع عن الوطن فلا تنسى ان التى جعلت منك رجلا هى والدتك واعلم ان المرأة اكثر تضحيه من اى شخص على الارض !

ومن الحب ما قتل

07-07-2011, 05:18 PM

اسوأ من الفاشل من لا يحاول النجاح
ياسيدى بدال ما تقعد على القهوة وتستنى الوظيفة وترمى خيبتك وفشلك على ان المرأة تزاحمك فى العمل وان الظروف صعبة وانا بأيدى اية
احب اقولك بأيدك كتير
عليك أن تفعل الأشياء التي تعتقد أنه ليس باستطاعتك أن تفعلها .
إذا لم تحاول أن تفعل شيء أبعد مما قد أتقنته .. فإنك لا تتقدم أبدا
عندما تقوم ببناء فريق فإنك تبحث دائما عن أناس يحبون الفوز ، وإذا لم تعثر على أي منهم فإنك تبحث عن أناس يكرهون الهزيمة

math.sherif

07-07-2011, 06:24 PM