هام لطلبه الصف الثالث الثانوى [الأرشيف] - بوابة الثانوية العامة المصرية

مشاهدة النسخة كاملة : هام لطلبه الصف الثالث الثانوى

mo2aa_2010

08-07-2011, 07:00 PM

محمد خالد ابراهيم

08-07-2011, 07:06 PM

اتفق معاكى تماما .... بس احنا بقى ( الادبى ) نعمل ايه ؟؟!!! انتى لو شفتى نموذج اجابة الجيولوجيا مش هتقدرى تمسكى نفسك من الضحك ... احنا عندنا بقى مش سؤال واحد اللى فيه شك .... لا ده فى كل سؤال من الــ 6 اسئلة سؤال فيه شك هههههههههههههههههه .... والمستشارة تطلع تقول التزموا بالنموذج !!! وبعدين انا سمعت ان مدرسين الاحياء هما اللى هيصححوا الجيولوجيا وهما اكيد مش متعمقين اوى فى المنهج يعنى هيحسبوا على النموذج بس ... حتى لو الطالب كاتب اجابة صح بس مش فى النموذج !! طب ده يرضى مين ... كل اللى بقوله فى الاخر ان شاء كل واحد ياخد حقه وربنا مش هيضيع تعب حد ابدا

وشكرا على الموضوع

ArabianPDA

08-07-2011, 07:20 PM

ArabianPDA

08-07-2011, 07:22 PM

dr/sherief

08-07-2011, 07:39 PM

انا مش عارف امتحانكوا الاحياء كان عامل ازاي

بس عامة ان الله لا يضيع اجر من احسن عملا

والامتحان بيبقي علي الكل

يعني الدرجات علي الكل والتنسيق بردو علي الكل

بالنسبة لحتة المشيمية غدد صماء...هي بتقوم وظيفة الغدد الصماء انما هي مش غدة صماء

والله اعلم...........

بالنسبة للشرايين

عندنا ان ضغط الدم في الرجل اعلي من الايدي ب 15

وضغط اليد اليمني اعلي من اليسري ب 5

والكلية بتاخد ربع ال بيطلعه القلب من الدم يعني تقريبا لتر وربع ددم بس مش معناه ان الضغط عالي فيها

فانا لو هختار هختار الرجل بصراحة

والله اعلم...........

وبالتوفيق ان شاء الله

Dr_Mohamed_LFC

08-07-2011, 07:53 PM

ازيكو ياجماعه اخباركو ايه ان شاء الله كلكو تكون فى احسن الاحوال ان شاء الله وكل واحد يحقق امله

المهم ندخل ى الموضوع بقه مش عاوزين رغى كتيير كنت عاوزه اعرف رايكو فى نماذج الاجابه الموضوع ده مدايقنى جدااا يعنى الاجابات اللى ليها اجابتين يعدوا يسكتونا ويقوللنا هتتحسب الاتنين طب بدل اساسا فيها شك بيحطوها ليه مش عارفين السنه دى اساسا بتعدى علينا ازاى من سهر ومزاكره ودروس وكفايه الضغط النفسى اللى بنكون فييه والمشكله بردوه ان بعض المصححين فعلا بيمشوها الاتنين فى بعض القطاعات وفى البعض الاخر لا والتنسيق فى الاخر علينا واحد طب فين بقه تكافؤ الفرص وازاى اساسا مستقبلنا كله يتوقف على اللى واضع النموذج انا بحس ان اللى واضع النموذج ده بيحطه على اساس وجهة نظره هو انا بصراحه فيه حاجات كتير اوى مجننانى فى النماذج زى مثلا نموذج العربى بتاعت التمكن ولا القوه المدرسين نفسهام اختلفوا فيها احنا ياطلبه بقه موقفنا فيها ايه والانجليزى بردوه اول سؤال فى القصه ده حاسه انه جه غامض وممكن اى حد يفهمه بطريقه غير التانى ولا both none والله كله بيقول الاتنين بينفعوا والاحياء بتاع سؤال الغدد الصماء ده لو جبت اى حد بتهيالى هيفهم من السؤال انه عاوز تعريف الغدد الصماء تيجى فى النموذج بشكل غريب نفسى حد يفهمنى ايه يعنى المشيميه غده صماء عشان بتفرز الريلاكسين والبروجسترون بس هو ده السبب اللى خلاها غده صماء ولا شرايين الذراع والكليتين ده حاجه تجنن والله ياريت كلنا ياجماعه نتناقش فى الموضوع ده

أنا متفق مع بعض الكلام ان تقريبا بقوا مش قادرين يغلطوا الطلبة فى المنهج فبدأوا يعتمدوا على الاخطاء لان معظم اخطاء الطلبة فى الاسئلة الى زى كده والحظ بيلعب دور

ونماذج الاجابة مختصرة لا توضح شىء

نموذج العربى كمثال التمكن والقوة
النموذج كاتبها القوة على راى ووجه نظر الى كتبه

انا عملتها التمكن لان فى نفس القطعة قال قلبه مفطور تبقى قوة ازاى مش عارف انما التمكن لانه مش بكى وصبر نفسه بعكس المره الاولى الطفلة

وفى نفس امتحان العربى والوحدة العضوية سواء احمد شوقى او غيره ده سؤال بلاغه بيعتمد على الذوق دى مجموعة ابيات من قصيدة ممكن يكون فيها وحدة عضوية يلا منه لله يقول هناخد بنموذج اجابة 1995

سؤال القصة بعتبره عادى مع انه غامض بس مفهوم و both دى مفيهاش شك ومتنفعيش none لان كان فى are
لكنا الغباء كان فى سؤال should و will و will be

والاحياء سهلة بتاع الغدد الصماء ومشهورة
والكليتين والشرايين ناس بتقول حلتها فى ملخصات ومتعوده عليها

اتفق معاكى تماما .... بس احنا بقى ( الادبى ) نعمل ايه ؟؟!!! انتى لو شفتى نموذج اجابة الجيولوجيا مش هتقدرى تمسكى نفسك من الضحك ... احنا عندنا بقى مش سؤال واحد اللى فيه شك .... لا ده فى كل سؤال من الــ 6 اسئلة سؤال فيه شك هههههههههههههههههه .... والمستشارة تطلع تقول التزموا بالنموذج !!! وبعدين انا سمعت ان مدرسين الاحياء هما اللى هيصححوا الجيولوجيا وهما اكيد مش متعمقين اوى فى المنهج يعنى هيحسبوا على النموذج بس ... حتى لو الطالب كاتب اجابة صح بس مش فى النموذج !! طب ده يرضى مين ... كل اللى بقوله فى الاخر ان شاء كل واحد ياخد حقه وربنا مش هيضيع تعب حد ابدا

وشكرا على الموضوع

ربنا يكون فى عونكم بجد لان سمعت كلام وشكاوى كتير على الامتحان ده

usernamo

08-07-2011, 08:27 PM

سؤال Will - Should ده .. مفروغ منه لانه Should

بيقولك لو انت مش قادر تتكيف مع اوضاعك لازم تتفاوض مع نفسك .. و بالتالى جاى بصورة إلازم او نصح و هى Should !!

ningooooo

08-07-2011, 08:37 PM

سؤال will - should ده .. مفروغ منه لانه should

بيقولك لو انت مش قادر تتكيف مع اوضاعك لازم تتفاوض مع نفسك .. و بالتالى جاى بصورة إلازم او نصح و هى should !!
الكلمات كانت صعبة و يصعب علي امثالي فهمها

Dr_Mohamed_LFC

08-07-2011, 11:10 PM

سؤال Will - Should ده .. مفروغ منه لانه Should

بيقولك لو انت مش قادر تتكيف مع اوضاعك لازم تتفاوض مع نفسك .. و بالتالى جاى بصورة إلازم او نصح و هى Should !!

لا مش مفروغ منه ولا حاجه فى ناس كتير مكنتش عارف معنى الكلمة وبعدين will نحويا مش غلط بتطبيق الحالة الاولى

الكلمات كانت صعبة و يصعب علي امثالي فهمها

mo2aa_2010

09-07-2011, 12:46 AM

شكرا ياجماعه على الرد وتفاعلكم معايا بس انا بس صعبان عليا التعب اللى بنتعبه ده ويروح فى حاجات تافهه وبعكمان بنكون دين عاملينها صح بس للاسف فى وجهه نظر اللى حاطط النموذج مش صح يبقى ذنبنا ايه يعنى واقصد بردوه ان فيه ناس بتحسبها صح وناس متحسبهاش يبقى كده فى ظلم كبييييييييييييييييير والله وحكايه انهم يجيبوا مدرسين غير مدرسين الماده يصححوا ده اكبر ظلم عشان خاصه فى الاسئله المقاليه ممكن نكون كاتبين المضمون صح بس مش زى النموذج احنا بقه اللى بنروح فيها يلا ربنا معانا كلنا ويحقق لكل واحد امله

‏Dr.KaR!MaN

09-07-2011, 09:25 AM

ربنا يستر بجد أحسن كل مدرس بيقول كلام في المرجعات غير التاني خالص !

mo2aa_2010

09-07-2011, 11:24 PM

ربنـــــــــــــــــــــــــــا يستــــــــــــــــــــــــــــــــــــــــر

bent aboha

10-07-2011, 09:45 AM

كلامك كله صح طبعا
بس ياترى مين يسمع هما بيعملوا الى بمزاجهم
ربنا يستر ان شاء الله

bloody man50

10-07-2011, 12:33 PM

peaaaaaaaaaace

انا بنت مصرية

10-07-2011, 07:45 PM

الكلام دة كله صح
اول مادة العربى ودى اكتر مادة هنزل فيها
معظم الاختيارات مش واضحة وكمان الوحدة العضوية
لكن اللى سمعته ان فى لجان تصحيح التزموا بنموذج الاجابة وقالوا لم تتحقق
ولجان تانية مشوها الاتنين ............وكدة مش يبقى فيه تكافؤ فرص
الانجليزى سؤال القصة مش واضح لكن بصراحة باقى الامتحان سهل ومعظمه من ال workbook
الاحياء سؤال الغدة الصماء تقريبا سهل ومتدربين عليه قبل كدة

انا بنت مصرية

10-07-2011, 07:51 PM

محدش جاب سيرة الفيزياء يعنى
انا بس عايزة اتناقش معاكو فى حاجة
مسالة الحرارة انا عايزة اعرف ليه مش حول فى نموذج الاجابة من pa الى pascal او نيوتن/ متر مربع

Dr msh-tlba

10-07-2011, 07:53 PM

هو الامتحانات اصلا كانت هايفة موووز ,, فبالتالي ,, الغباء جه في الاجابات و التصحيح ,,, و ربنا يستر ع التنسيق اللي هيجي هاي ان ذا سكاي !!!

سارة عطالله

10-07-2011, 10:09 PM

الامتحانات كانت سهلة
لكن الاحياء كانت اصعبها
بس يا ريت التنسيق يكون فى مصلحتنا

انا بنت مصرية

10-07-2011, 10:22 PM

محدش رد عليا يعنى !!!!!!!
انتو فيييييييييييييييييييييييييييييييييين

سارة عطالله

10-07-2011, 10:28 PM

لان pa تعنى بسكال
وهى وحدة دولية
ومفيش تحويل هنا!

انا بنت مصرية

10-07-2011, 10:38 PM

ازاى pa تساوى باسكال
1 pa تساوى 1.013× 100000باسكال

سارة عطالله

10-07-2011, 10:44 PM

لأ يعنى زى ما كل حاجة ليها اختصار
وفى النموذج اجابة المسألة2.33

انا بنت مصرية

10-07-2011, 10:50 PM

pa يعنى ضغط جوى (atom يعنى) بس مش اختصار
وعلى فكرة انا شفت نموذج الاجابة وهيه فعلا مكتوبة 2.33

ghada93

11-07-2011, 11:11 AM

ياجماعة هو في الاحياء في السؤال بتاع الزراع و الكليتين مشوها اية
اصل انا شوفتها في نموزج الاجابة الزراع بس واحدة زميلتي قالتلي ان المدرس بتاعها بيقول مشوها الكليتين
الرجاء حد يرد عليا

ArabianPDA

11-07-2011, 11:25 AM

pa يعنى ضغط جوى (atom يعنى) بس مش اختصار
وعلى فكرة انا شفت نموذج الاجابة وهيه فعلا مكتوبة 2.33

يا راجل

pa = atm
طيب atm دي وحده زي المتر وكده
لكن pa ده رمز للatomic pressure
يعني كأنك بتقولي مثلاً

المساحه = 100 متر مربع

المساحه هنا = pa يعني قيمه الضغط الجو في حد ذاتها

متر مربع دي وحده القياس الي هيا بمثابه atm
اتفهمت ؟

بجد معرفش ازاي فكرتوا فيها كضغط جوي !

ghada93

11-07-2011, 12:33 PM

ايه يا جماعه ما حدش بيرد عليا ليه
وحقه بتاعة باسكال و الضغط الجوي اتحسبت الاثنين صح
ياريت حد يرد بقى

Dr msh-tlba

11-07-2011, 01:39 PM

ايه يا جماعه ما حدش بيرد عليا ليه
وحقه بتاعة باسكال و الضغط الجوي اتحسبت الاثنين صح
ياريت حد يرد بقى
ايوا اتحسبت الاتنين حتي من قبل ما يبدأوا تصحيح العينات العشوائية عشان المدرسين رفضوا التصحيح قبل ما المستشار يبعت لهم رسميا باحقية احتساب الاتنين:friendsxs3:

Dr msh-tlba

11-07-2011, 01:43 PM

http://www.youm7.com/News.asp?NewsID=438022

بدء تصحيح الفيزياء.. والمصححون يعترضون على جزئية من نموذج الإجابة

بدأت لجان تصحيح امتحانات الثانوية العامة، صباح اليوم، الأحد، فى تقدير درجات طلاب المرحلة الثانية فى مادة الفيزياء، التى خاض اختبارها أمس 158 ألف طالب وطالبة.

وعلم "اليوم السابع" أن مصححى مادة الفيزياء اعترضوا على جزئية واحد بنموذج الإجابة المطروح من جانب الوزارة، حيث اعتبروا أن واضع الامتحان وقع فى خطأ بالجزئية "ج" من السؤال الرابع، حينما ذكر لفظ "pa" قاصدًا بها وحدة الباسكال، رغم أن الطلاب اعتادوا عليها باعتبارها وحدة ضغط جوى، فيما ورد هذا اللفظ فى نموذج الإجابة باعتباره وحدة باسكال، الأمر الذى دفع المصححين للاعتراض على هذه الجزئية ومطالبة مشرفى التصحيح باعتماد الإجابتين صحيحتين دون التقيد بما ورد فى النموذج، وهو ما تمت الموافقة عليه من قبل لجان التصحيح، وباستثناء هذه الجزئية أجمع المصححون على عدم وجود أى أخطاء فى نموذج الإجابة.

فى السياق نفسه ينتهى مصححو اللغة الإنجليزية من تقدير درجات طلاب المرحلة الثانية فى المادة اليوم، الأحد، علمًا بأنهم بدأوا التصحيح يوم الأربعاء الماضى، ومن المقرر أن يبدأ غدًا تصحيح أوراق إجابات نفس المادة بالمرحلة الأولى من الثانوية، فيما يتوقع مصدر بوزارة التعليم أن تعلن الوزارة اليوم نتيجة العينة العشوائية لمادة اللغة الأجنبية الثانية للمرحلة الأولى.

انا بنت مصرية

11-07-2011, 09:51 PM

يا راجل

pa = atm
طيب atm دي وحده زي المتر وكده
لكن pa ده رمز للatomic pressure
يعني كأنك بتقولي مثلاً

المساحه = 100 متر مربع

المساحه هنا = pa يعني قيمه الضغط الجو في حد ذاتها

متر مربع دي وحده القياس الي هيا بمثابه atm
اتفهمت ؟

بجد معرفش ازاي فكرتوا فيها كضغط جوي !

يا سلام
مين قال ان الpa زى المتر
انتة ممكن تقول انه زى السنتيمتر بس طبعا مش زى المتر
وحدة قياس الضغط اللى زى المتر هيه النيوتن/متر مربع والوحدة دى تساوى الباسكال
وعلى فكرة فى كل المسائل اللى فى اى كتاب بيكون محولها دايما
انا اللى مش عارفة انتو مش حولتوها ليه!!!!!!!!!!!!!!!!!!!!

ArabianPDA

11-07-2011, 10:00 PM

يا سلام
مين قال ان الpa زى المتر
انتة ممكن تقول انه زى السنتيمتر بس طبعا مش زى المتر
وحدة قياس الضغط اللى زى المتر هيه النيوتن/متر مربع والوحدة دى تساوى الباسكال
وعلى فكرة فى كل المسائل اللى فى اى كتاب بيكون محولها دايما
انا اللى مش عارفة انتو مش حولتوها ليه!!!!!!!!!!!!!!!!!!!!

وهيا مشكلتك انه زي السنتي
انا بضرب مثال عملي

وانتي شقلبتي علي فكره

انا اقصد ان رمز pa يناظر ما يقاس وليس وحده

يعني كأني بقول المساحه= 100 متر مربع

المساحه هيا الي بتتقاس "pa"
والوحده متر مربع"بسكال-atm-نيوتن/متر2"

مفيش حاجه اسمها ان pa وحده دي منيييييييين دي
دا رمز للضغط الجوي

وافكرك لو ناسيه
pgas=pa+h
ليه مقلناس + cm.Hg
مستني اجابتك

انا بنت مصرية

11-07-2011, 10:33 PM

وهيا مشكلتك انه زي السنتي

انا بضرب مثال عملي

وانتي شقلبتي علي فكره

انا اقصد ان رمز pa يناظر ما يقاس وليس وحده

يعني كأني بقول المساحه= 100 متر مربع

المساحه هيا الي بتتقاس "pa"
والوحده متر مربع"بسكال-atm-نيوتن/متر2"

مفيش حاجه اسمها ان pa وحده دي منيييييييين دي
دا رمز للضغط الجوي

وافكرك لو ناسيه
pgas=pa+h
ليه مقلناس + cm.Hg
مستني اجابتك

انا مش قصدى طبعا
انا قصدى ان المتر مش بيتحول فى المسالة اما السنتيمتر لازم يتحول
وبعدين مين قال ان atom تساوى pascal
1 atom يساوى1.013×100000 باسكال ودى موجودة فى كتاب المدرسة
وفى اى كتاب خارجى برضه
وبعدين المعادلة pgas=pa+h
pa هنا يعنى الضغط الجوى
وممكن تفتح كتاب الامتحان فى الفيزياء وتراجع المسائل اللى من النوع دة
هتلاقى محول من pa ل pascal

ArabianPDA

11-07-2011, 11:00 PM

انا مش قصدى طبعا
انا قصدى ان المتر مش بيتحول فى المسالة اما السنتيمتر لازم يتحول
وبعدين مين قال ان atom تساوى pascal
1 atom يساوى1.013×100000 باسكال ودى موجودة فى كتاب المدرسة
وفى اى كتاب خارجى برضه
وبعدين المعادلة pgas=pa+h
pa هنا يعنى الضغط الجوى
وممكن تفتح كتاب الامتحان فى الفيزياء وتراجع المسائل اللى من النوع دة
هتلاقى محول من pa ل pascal
انتي مش فاهماني ليه

انا بتكلم هو لو كان قالك 10 اس 5 atm كنتي تحولي

هو "حسب ما انتي حلتيها" كانه بيقول المساحه=10 اس خمسه مساحه

هيا مساحه وحده عشان تتحول ؟!

Pa مش وحده عشان تتحول هتحولي ما يقاس لوحده؟!

طيب افرضي انه قصده 10 اس 5 *pa
"بما انه لازقهم في بعض"

فييييييييييييييين الوحده بتاعت القياس بقي
بخ؟!

temo2006

11-07-2011, 11:30 PM

السوال كان واضح الراجل قال ضغطه يساوي pa لو كان قال بقي يعادل pa كنا هنحول وبعدين مش هنخشر حاجه
لو عملنا دي ودي انت ليك تعمل الحل اكتر من 5 مرات بس متهيقلي الراجل غبي برضك وممكن يراعوا الطالب

انا بنت مصرية

12-07-2011, 12:23 AM

انتي مش فاهماني ليه

انا بتكلم هو لو كان قالك 10 اس 5 atm كنتي تحولي

هو "حسب ما انتي حلتيها" كانه بيقول المساحه=10 اس خمسه مساحه

هيا مساحه وحده عشان تتحول ؟!

pa مش وحده عشان تتحول هتحولي ما يقاس لوحده؟!

طيب افرضي انه قصده 10 اس 5 *pa
"بما انه لازقهم في بعض"

فييييييييييييييين الوحده بتاعت القياس بقي
بخ؟!

بص علشان اريحك
شوف كتاب المدرسة صفحة 90
هتلاقى كل اللى انا بقوله مكتوب فى النص التانى من الصفحة