مشاهدة النسخة كاملة : فكرة هااااااااااااااامة للغاية


annoccc
18-08-2011, 02:24 AM
ايه رأيكم انى كل واحد مابنا احنا وبس ويكون بأمانة شاطر فى مادة معينة يعمل زى مايكون كدة جروب للمادة الى هو أو هى شاطر فيها , على قسم (اجتماعيات طالب ) مهمة الجروب دة هو مايلى :-

1- يتابع أعضاء الجروب هما وصلوا لحد فين فى المذاكرة وينبهم لو هما متأخرين تقريباً عن الطبيعى الى مفروض يكون فى الوقت دة , وكمان لو فى حد من الأعضاء عاوز ينظمله مواعيد زمنية لوحدة معينة أو فصل معنة فى المادة .
2- أى حد من الأعضاء عنده مشكلة فى المنهج أو نقطة مش فاهمها ,يحاول يفهمهالو دا مش معناه انو هيشرحها لا دا ممكن يبسطله المعلومة أو يدله عل طريقة اقضل دا من واقع الزمالة والصداقة مش انو هو أو هى أحسن منه فى حاجة لا سمح الله .
3- لما القائم على المادة ينبه على كل عضو ويتابع معاه أول بأول كدة ممكن يوصل لمرحلة فى السنة نبدأ كلنا مراجعات مع بعض ,بدون ما واحد يتاخر على التانى ودا بيدينا شعور بالمنافسة الشريفة , وانى احنا نكون فى سباق مع الزمن انى نخلص والى مخلصش مذاكرته يحاول يلحق باقى الأعضاء عشان يكون معاهم دايماً عل نفس الخط .
4- القائم عل المادة ممكن يحط من عنده أسئلة مهمة عشان باقى الأعضاء يفكروا فيها وتكون اسئلة وارد انها تكون جاية فى الامتحان دا من واقع تكرارها وانى المدرسيين أوصوا بيها وكمان منتشرة فى الكتب والدليل والملخصات .
5- لازم القائم على المادة يكون فاكر المنهج كويس أوى عشان أنا لاحظت انى لما بتكون السنة طويلة ومش مقسمة لترمين أول وتانى لما تيجى الطلبة فى فترة المراحعات فى نهاية السنة بكونو نسيو الأجزاء الى فى الأول , ودى مهمة القائم على المادة أنو يفكر الطلبة بالأجزاء الى فى الأول بالأسئلة المهمة أو المراجعات السريعة يعنى من الاخر ينكشهم بسؤال عشان مينسوش الفات .

يعنى من الاخر دور القائم على المادة هو منظم لباقى الأعضاء ودا خير هيجازيه ربنا عليه بالخير برضه وأوعو تفتكرو ا انى الى هيعمل أى جروب فى مادة معينة أنو بكدة هيضيع وقته لا بالعكس ده هيخليه مجتهد أكتر عشان ميفرطش فى حق باقى الأعضاء .
وعلى فكرة أنا قررت بعد اذنكم انى آخد مادتى اللغة العربية(1) والكيمياء وهيكون اسم كل واحد فيهم {جروب مادة ......}

karimadel7
18-08-2011, 03:22 AM
فكرة جميلة جدا

bent aboha
18-08-2011, 03:25 AM
الفكرة فى حد ذاتها جميلة اوى
وياريت تتم لان الكل هيستفيد
وربنا يوفق الجميع للى فيه الخير باذن الله

$ Hager $
18-08-2011, 05:01 AM
الفكرة حلوووة اوى
ويارب تتنفذ فعلا

annoccc
18-08-2011, 06:03 AM
يا شباب السلام عليكم ويسعد صباحكم ويحلى أيامكم :-

أمــــــــــــــــــــــــــــــــــا بعد :

لو فيه حد منكم حابب يشاركنا الفكرة ياريت يقولنا هو عاوز يشارك فى أى مادة عشان يستفيد ويفيد غيره من الأخوة والأخوات .



وربنا يوفق الجميع لما يحبه ويرضاه سبحانه وتعالى

قلبي ملك لربي
18-08-2011, 08:12 AM
انا عجباني الفكره وهشارك معاكم وهختار الانجلش

annoccc
18-08-2011, 11:08 AM
خلاص يا بوبتى ممكن تبدأى تعملى صفحة مادة الانجلش وتثبيتيها على قسم (اجتماعيات طالب) بس ياريت بعد اذنك نوحد العنوان عشان كل الأعضاء يقدروا يتعرفوا على صفحات متابعة المواد الى هنعمله يعنى انتى مثلاً تكتبى عنوان الصفحة كما يلى :-


(جروب مادة اللغة الانجليزية (1) )

ahmed doula
18-08-2011, 12:20 PM
يا خسارة كان نفسى اخد الانجليش دى الحاجه الوحيده اللى انا فالح فيها بس ماليش حظ
طيب ينفع اشترك فى الانجليش معاكو :)

قلبي ملك لربي
18-08-2011, 01:47 PM
اكيد طبعا اتفضل

قلبي ملك لربي
18-08-2011, 01:49 PM
ولو حد دارس ايطالي زي انا ممكن امسك مع الانجليزي ايطالي كمان

monakobra
18-08-2011, 02:50 PM
فكرة جميله جدا انا حابها جدا بس انا فى تالته

هواحنا ممكن نعمل زيكو؟

ahmed doula
18-08-2011, 02:55 PM
اكيد طبعا اتفضل

ميرسى يا بوبتى بس ياريت تقولنا احنا نبتدى منين بالضبط يا annoccc

annoccc
19-08-2011, 11:25 AM
السلام عليكم ياشباب احنا الحمد لله ماشين كويس , وعاوزين اعضاء أكتر عشان نكمل باقى المواد .

لسة فاضل جروبات المواد ( الرياضيات (1) , اللغات الأجنبية (فرنساوى , ألمانى , ايطالى ,...) , الأحياء ,........الخ )


يلا ياشباب اتحركو ورونا ابداعتكم واصراركم على فعل الخير .

قلبي ملك لربي
19-08-2011, 01:43 PM
انا ممكن امسك الايطالي