خلاص عرفت انه دايما كان شاريكي

وان حبه وقلبه كان ما بين ايديكي

وان فرحه وحزنه كان منك وبيكي

وانه طول الوقت كان بيحن ليكي

وانه خدعني لما قالي انه ناسيكي
http://www.peterpanbabies.co.uk/babytears.jpg
كان بيهرب لما تيجي عيني في عينيه

واما يسمع حاجة عنك قلبه يدق وانا احس بيه

كنت فاكرة الحب مات وراحت عليه

اتاري حبك جوه قلبه وملامحك محفورة فيه

مقدرش الومه انه حبك ولا الومك لو حبيتيه

هالومه بس عشان وهمني ان الماضي دفنه ونسيه

لكن بحبه واتمنى فرحه حتى لو معاكي يلاقيه

هاسيبه وادعي ان الزمن يجمع ما بينكوا وتسعديه

الله بجد جميلة جدا جدا جدا جدا
تعتبر بجد من أحلى الافكار اللى اتكتب عليها شعر فى الركن دة من وجهة نظرى
تصويرك للموقف كان رائع و قدرتى فعلا تعبرى عن التلات شخصيات بشكل تحسدى عليه
كملى فى الكتابة و الى الامام

شكرا لك على المتابعة ومرورك الى الموضوع وعلى تشجيعك

ميرسى اوى

بجد إسلوب حضرتك جميل
جدااااً

دمتى لنا مبدعه وإستمرى فى الكتابه أكيد هنشوف معاكى إبداع جميل

ميرسى اوى يا محمد على تشجيعك

وعلى مرورك وبأذن الله هيكون فى احسن من كدا

اية الجمال دة بجد جميلة جدا وفكرتها كمان حلوة

بجد أكثر من رائعة تسلم إيديكى
وننتظر المزيد

شكرا لك استاذ جمال على مرورك

شكرا لك يا تيمون وبومبا

يسلمو يسلمو يسلمو