خـــــــــلاص عــــــرفـــــــت

[3yOn Gare2a]

خلاص عرفت انه دايما كان شاريكي

وان حبه وقلبه كان ما بين ايديكي

وان فرحه وحزنه كان منك وبيكي

وانه طول الوقت كان بيحن ليكي

وانه خدعني لما قالي انه ناسيكي

كان بيهرب لما تيجي عيني في عينيه

واما يسمع حاجة عنك قلبه يدق وانا احس بيه

كنت فاكرة الحب مات وراحت عليه

اتاري حبك جوه قلبه وملامحك محفورة فيه

مقدرش الومه انه حبك ولا الومك لو حبيتيه

هالومه بس عشان وهمني ان الماضي دفنه ونسيه

لكن بحبه واتمنى فرحه حتى لو معاكي يلاقيه

هاسيبه وادعي ان الزمن يجمع ما بينكوا وتسعديه