هذه هي صورة العقد الجديد بالحصة اتمنى من حضراتكم قراءة بنود العقد جيدا وقولو رايكم الواحد يطمئن ولا اية





http://i48.servimg.com/u/f48/14/78/83/68/20120310.jpg

باقي بنود العقد

http://i48.servimg.com/u/f48/14/78/83/68/20120311.jpg

والله من حيث الفلوس معدوم
ولكن بنسبة 100%بداية للتعيين الدائم
لو تم وضع مرتب محدد افضل من موضوع الحصة ده

هو كويس بداية
بس في حالتك زي مانت قلت في صفحة اخري انك هتشتغل ست حصص بس يبقي يجوز للادارة تعمل لك ندب
في معهد اخر لسد العجز ولاكمال نصابك القانوني وهذا في البند الرابع
وكمان عشان راتبك يترفع شوية يعني لو 25 حصة اسبوعيا يبقي كويس طالما في نيه للتثبيت

وه كويس جدا
بس حيضيع حق الناس الخريجين الجداد لأن بكده مش حيبقى فيه عجز وبالتالى مش حيبقى فيه مسابقات
يبقى انتم اخذتم حق الخريجين الجداد لأنه مش حيعلن عن مسابقات وانتم سادين العجز وفى الغالب فى وقت قليل سوف يتم تثبيتكم

العقد قانونياً ممتاز حيث أنه يمنحك كافة ميزات المعلم المثبت ، من حيث الاجازات العارضة والاعتيادية، ومكافأة امتحانات النقل
إلا أن أجر الحصة زهيد نوعاً ما ، كما أنه قد يتم تعيينك في معهد يبعد كثيرا عن محل اقامتك مما يكلفك ماديا في المواصلات.

لكن توكل على الله واقبل ان لم يكن لك مصدر دخل عيره.

كما أنه سيتم التثبيت بعد استيفاء الشروط وموافقة الجهاز المركزي للتنظيم والادارة.

حسبي الله ونعم الوكيل
اللى بيحصل ده تهريج
احنا لسة بنعاني من نظام التعاقد القديم ويفوق فى مزاياه هذا العقد بكثير وبدل ما يلغو التعاقد اصلا ويكون تعيين اخترعوا هذه العقد الغبي

اومال احنا لسه مستلمنا ش يامستر سيد فى الشرقيه حطوالنا شروط تعجيزيه هل انت باشرت فعلا طمنا وقولنا بالظبط لوتكرمت وما هى الاوراق اللى طلبوها عندكم

ادونا افاده للمعهدتانى نختمت من المعهد وطالبن افاده من التامينات اننا ماناش رقم تامينى وهذا غير معقول لان كل شخص يولد له رقم تامين وهو يقصد افاده ان هذا الشخص غير مؤمن عليه ارجو الايضاح من حضرتك

احنا روحنا يا استاذ احمد بالامس للمعهد بس مكنش هناك ولا موظف فقط شيخ المعهد واخذ الورق وقال تبقو تيجوا يوم الاحد القادم تستلمو الجدول بتاعكو وعلى فكرة المعهد فيه ست مدرسين على 36 حصة يعني كل مدرس هياخد ست حصص فقط اما بالنسبة للاوراق اخذوا اصل الشهادة واصل شهادة الميلاد واصل الخدمة العسكرية وصورة البطاقة والعقد بس واعطونا الجواب الموجه للمعهد وخلاص على كدة والعقد زي ما انت شايف بيبدا من يوم 1-3 ومش عارفين اي حاجة غير كدة

أرجو الافاده عن موضوع الحصه ياجماعه وهل كل المنا طق استلمت

شكرا مستر سيد

انا مش شايفة حد استلم الا الاستاذ سيد سعد
يعني لحد دلوقتي مفيش الا منطقة واحدة؟
اصلا ديوان المظالم بيقول ان اخر موعد لارسال الاوراق التي تم حصرها من المشيخة
الي المناطق تمهيدا لاستلام العمل اخر فبراير !

ياجوجو مناطق كثيره استلمت لكن منطقه الشرقيه لسه

بيضعوا شروط تعجيزيه بعد ورود الاسماء من القاهره وبعدالتاكد من ممارستهم العمل هناك الا انهم يضعون العراقيل

يرفع لاهمية اخذ الاراء

العقد قانونياً ممتاز حيث أنه يمنحك كافة ميزات المعلم المثبت ، من حيث الاجازات العارضة والاعتيادية، ومكافأة امتحانات النقل

يا رب يكون بشرة خير احنا استلمنا يوم الخميس ولكن عملنا مباشرة العمل اليوم واخذنا صورة من المباشرة بس المعهد مكدس جدا بالمدرسين بعد ما كان المعهد فيه 6 مدرسين على 36 حصة بقو النهاردة 8 مدرسين وزعوها انتو بقى وقولولي هاخد كام حصة وبكام في الشهر حسبنا الله ونعم الوكيل

حضرتك محافظة اية وهل فعلا يوجد امتحان لمحفظى القران ام لا

بالتوفيق للجميع

انا سمعت انه فى حد ادنى 150جنيه حد سمع عن الموضوع ده؟؟؟؟؟؟؟؟؟؟؟؟؟؟

محدش سمع محافظة سوهاج هتبان امتى

بيقولوا 15/3 هل الكلام دة صحيح

يا ريت حد يفدنى

احسن شيء تتصلي بديوان المظالم وهم يفيدوكي

انا من محافظة الغربية ويوجد فعلا اختبار لمعلمي القران

لو سمحتم يا جماعة كل الاعضاء اللي استلمو يتفضلو بذكر اسم مناطقهم وجزاكم الله خيرا

ارجو من حضراتكم التعليق على ماياتي:
الموجه العام للغة الانجليزية بلغ جميع الموجهين وهم بدورهم بلغونا بما يلي:
1- المدرس المتعاقد بالحصة لا يزيد نصابه باي حال من الاحوال عن 12 حصة
2- المدرس المتعاقد بالحصة لن يشارك في اعمال التصحيح
3- المدرس المتعاقد بالحصة ليس له حصص انتظار يعني ميخشش حصص احتياطي ولا يحق له ان يكون مشرف في احد الايام
4- بالنسبة للصفوف الي بها امتحان شفوي لا يجوز للمدرس المتعاقد بالحصة ان يقوم بامتحان الاولاد بمفرده يعني لابد ان يتواجد معه مدرس اساسي
يعني بيعاملونا كاننا مدرسين من الدرجة العشرة كاننا لا نفقه شيء وربنا يستر

لا تعليق يا استاذ سيد
ربنا ييسر الامر يعني حد كان مصدق ان المتعاقدين يتثبتو وياخدو معظم مستحقاتهم المالية؟
ربنا يسهل والعقد يتعدل بعد كده

ربنا يسمع منك لان الواحد مش مرتاح خالص وربنا يستر

ربنا يستر بس مفيش حاجة بتفضل علي حالها في بلدنا كل شوية في تغيير ويارب للافضل يااااااااارب

هى خطوة فى الاتجاة الصحيح لسد العجز ونامل فى تثبيت هؤلاء فى اقرب فرصة

الشرقية استلمت العقود اعرف ناس صحابى استلموا بالفعل فرنساوى وانجليزى وشرعى
وهى خطوة ايجابية وهى دية القشاية اللى لازم الجميع يتعلق بيها والبلد رايحة اتجاه الاحسن ان شاء الله العملية عايزه صبر