دعوة لمناقشة عقد الازهر الجديد بالحصة

[Mr sayed Saad]

هذه هي صورة العقد الجديد بالحصة اتمنى من حضراتكم قراءة بنود العقد جيدا وقولو رايكم الواحد يطمئن ولا اية

[Mr sayed Saad]

باقي بنود العقد

[aliammar]

والله من حيث الفلوس معدوم
ولكن بنسبة 100%بداية للتعيين الدائم
لو تم وضع مرتب محدد افضل من موضوع الحصة ده

[جوجو***]

هو كويس بداية
بس في حالتك زي مانت قلت في صفحة اخري انك هتشتغل ست حصص بس يبقي يجوز للادارة تعمل لك ندب
في معهد اخر لسد العجز ولاكمال نصابك القانوني وهذا في البند الرابع
وكمان عشان راتبك يترفع شوية يعني لو 25 حصة اسبوعيا يبقي كويس طالما في نيه للتثبيت

[مصطفى1234]

وه كويس جدا
بس حيضيع حق الناس الخريجين الجداد لأن بكده مش حيبقى فيه عجز وبالتالى مش حيبقى فيه مسابقات
يبقى انتم اخذتم حق الخريجين الجداد لأنه مش حيعلن عن مسابقات وانتم سادين العجز وفى الغالب فى وقت قليل سوف يتم تثبيتكم

[mab4math]

العقد قانونياً ممتاز حيث أنه يمنحك كافة ميزات المعلم المثبت ، من حيث الاجازات العارضة والاعتيادية، ومكافأة امتحانات النقل
إلا أن أجر الحصة زهيد نوعاً ما ، كما أنه قد يتم تعيينك في معهد يبعد كثيرا عن محل اقامتك مما يكلفك ماديا في المواصلات.

لكن توكل على الله واقبل ان لم يكن لك مصدر دخل عيره.

كما أنه سيتم التثبيت بعد استيفاء الشروط وموافقة الجهاز المركزي للتنظيم والادارة.

[era2006]

حسبي الله ونعم الوكيل
اللى بيحصل ده تهريج
احنا لسة بنعاني من نظام التعاقد القديم ويفوق فى مزاياه هذا العقد بكثير وبدل ما يلغو التعاقد اصلا ويكون تعيين اخترعوا هذه العقد الغبي

[مسترأبوأحمد]

اومال احنا لسه مستلمنا ش يامستر سيد فى الشرقيه حطوالنا شروط تعجيزيه هل انت باشرت فعلا طمنا وقولنا بالظبط لوتكرمت وما هى الاوراق اللى طلبوها عندكم

[مسترأبوأحمد]

ادونا افاده للمعهدتانى نختمت من المعهد وطالبن افاده من التامينات اننا ماناش رقم تامينى وهذا غير معقول لان كل شخص يولد له رقم تامين وهو يقصد افاده ان هذا الشخص غير مؤمن عليه ارجو الايضاح من حضرتك

[Mr sayed Saad]

احنا روحنا يا استاذ احمد بالامس للمعهد بس مكنش هناك ولا موظف فقط شيخ المعهد واخذ الورق وقال تبقو تيجوا يوم الاحد القادم تستلمو الجدول بتاعكو وعلى فكرة المعهد فيه ست مدرسين على 36 حصة يعني كل مدرس هياخد ست حصص فقط اما بالنسبة للاوراق اخذوا اصل الشهادة واصل شهادة الميلاد واصل الخدمة العسكرية وصورة البطاقة والعقد بس واعطونا الجواب الموجه للمعهد وخلاص على كدة والعقد زي ما انت شايف بيبدا من يوم 1-3 ومش عارفين اي حاجة غير كدة

[مسترأبوأحمد]

أرجو الافاده عن موضوع الحصه ياجماعه وهل كل المنا طق استلمت

[مسترأبوأحمد]

شكرا مستر سيد

[جوجو***]

انا مش شايفة حد استلم الا الاستاذ سيد سعد
يعني لحد دلوقتي مفيش الا منطقة واحدة؟
اصلا ديوان المظالم بيقول ان اخر موعد لارسال الاوراق التي تم حصرها من المشيخة
الي المناطق تمهيدا لاستلام العمل اخر فبراير !

[مسترأبوأحمد]

ياجوجو مناطق كثيره استلمت لكن منطقه الشرقيه لسه

[مسترأبوأحمد]

بيضعوا شروط تعجيزيه بعد ورود الاسماء من القاهره وبعدالتاكد من ممارستهم العمل هناك الا انهم يضعون العراقيل