مشاهدة النسخة كاملة : حسن ومرقص ودعوة للطائفية
_GUIDE_ 04-07-2008, 09:17 AM بسم الله الرحمن الرحيم
حسن ومرقص
فيلم جديد يطل على الساحة وهو عمل من تقديم الفنان عادل امام والنجم العالمى عمر الشريف
وتدور أحداث فيلم حسن ومرقص في إطار كوميدي حول «القس» مرقص عادل الامام الذي يتعرض لمحاولة اغتيال
فيتنكر في هيئة شيخ أزهري في حين تحاول احدى الجماعات الإرهابية اغتيال الشيخ الأزهري الحقيقي( حسن( عمر الشريف
فيتم الاتفاق «أمنيا» على ان يتبادل الاثنان شخصياتهما مما ينشأ عنه مفارقات كوميدي
الفيلم تم بحبكه دراميا جديدة لكن المضمون ومشاهد الفيلم تتحدث على أن هناك فتنه طائفية فى مصر
ويغلب على الفيلم فى معظم مشاهده كلمة (مسيحى – مسلم ) مع العلم ان كلمة مصرى لم تزكر الا فى القليل واليسير من الفيلم
فنجد ان هذا الشيخ فى خطبة الجمعه يدعوه الى عدم التعامل مع المسيحى
ونجد القس فى خطبة الاحد يدعوه الى عدم التعامل مع المسلم
ايضا الحركة والعنف داخل الفيلم تمت بشكل مبالغ فيه وكان فى مصر فتنه طائفية او ربما معركة
ومرة اخرى تظهر الجماعات الاسلامية وتهدد وتتوعد المسيحى بالقتل وتهدد المسلم بالقتل فى حال
تعاونه مع المسيحى
الفيلم جيد درميا سىء بدرجة كبيرة وطنيا حيث صور حالة واحدة من الحب والاخاء بين حسن ومرقص وصور باقى افراد العمل بأن العداوة والبغضاء بينهم
فامسلم لا يسلم على المسيحى والمسيحى لايتكلم مع المسلم
وطبعا هذا العمل الغريب والعجيب سرعان ما سيتم عرضه فى الخارج
وسوف يتم استغلال المشاهد المتطرفة فى الفيلم ومشاهد المعارك والقتل من جانب أقباط المجهر
حيت يتم التصوير ان المسيحى مضطهد فى مصر وسوف يتم الاستشهاد بالاحداث الفردية التى تحدث بين الحين والاخر وعلى اعتبار ان السينما مرأت الواقع
ولكن كل هذه المشاهد المفبركة والتى تسىء الى المسلم والمسيحى نسيج الوطن الواحد ولكنى فى نفس الوقت
استغرب ذلك اللفظ العنصرى الذى ما كن نسمع عنه منذ فترة قصيرة فدائما وماتزال المحبة والاخوة هى السمة السائدة بين شرائح المجتمع سوء مسلم او مسيحى فكلنا مصريين نعيش نفس الكرب ونحيا فى نفس الهم
الفيلم فى النهاية تشويه للواقع ودعوة صريحة لفتنه طائفية وعنف لا مبرر بين اهم نسيجين فى المجتمع .
شكرا على التقرير ده
انا ماشوفتش الفيلم :rolleyes:
لكن على حسب كلامك
معاك حق ف انه هايتم استخدامه ضدنا
زيه زى حاجات تانية كتير :mad:
وسوف يتم استغلال المشاهد المتطرفة فى الفيلم ومشاهد المعارك والقتل من جانب أقباط المجهر
اقباط المجهر
معناها ايه ؟؟
Sharp Nails 04-07-2008, 01:56 PM اصلا الاعلام المصرى دة وباء ودمار للعقول
دية سياسة مقصودة
..حدوتة.. 04-07-2008, 02:07 PM الافضل فى الحالة دى ان احنا نتبنى دعوة بمقاطعة الفيلم ده كده هيفشل ومش هيتعرض تانى ف اى مكان
ีundertaker_2000 04-07-2008, 02:34 PM شكرا على التقرير دة
انا مشوفتش الفلم
ابن الوادى 04-07-2008, 02:45 PM انا ماشوفتش الفيلم لكن واضح جدا من الاعلان انه يدعو الى الطائفية وإذا دخلت فى هذا الصراع وفى هذا المجال فتلك هي
بداية النهاية
( والدليل ما حدث ولا يزال يحدث فى لبنان , السودان والعراق )
ابن الوادى 04-07-2008, 02:53 PM بداية النهاية لمصر
اوركيديا 04-07-2008, 03:05 PM اقباط المجهر
معناها ايه ؟؟
اقباط المجهر يا سيتى مجموعه من الاقباط اللى هاجروا لدول الغرب و بدأوا يهاجموا مصر من بره بدعوى ان فيه تمييز عنصرى ضدهم
و بدأوا يروجوا للكلام ده فى الغرب عشان يدوهم المساعدات ويصنفوا مصر (دوله الاخوان المسلمين)
اما الموضوع نفسه فجميييييل و انا كنت متوقعه ان اى حاجه يدخل فيها عادل امام يبقى اكيييييييييد وحشه
_GUIDE_ 04-07-2008, 06:56 PM شكرا لمروركم وتعليقاتكم
وفعلا الفيلم فيه اساءه كبيرة للمسلمين والمسيحين على حد سواء
واكبر دليل على ده
ان عادل الامام كان طالع فى الفيلم بدور راهب
ومع ذلك ارتده بدلة فى الفيلم
ومن المعروف ان الرهبان او القديس بشكل عام لا يغير ملابس القداسة ولا يرتدى غيرها
وهذا يدل على جهل منه بامور الدين
اقتباس:
اقباط المجهر
معناها ايه ؟؟
اقباط المجهر يا سيتى مجموعه من الاقباط اللى هاجروا لدول الغرب و بدأوا يهاجموا مصر من بره بدعوى ان فيه تمييز عنصرى ضدهم
و بدأوا يروجوا للكلام ده فى الغرب عشان يدوهم المساعدات ويصنفوا مصر (دوله الاخوان المسلمين)
اما الموضوع نفسه فجميييييل و انا كنت متوقعه ان اى حاجه يدخل فيها عادل امام يبقى اكيييييييييد وحش
SENDRILLA 04-07-2008, 07:17 PM عندك حق
والله اصلا السينما المصريه كلها بقت عايزه الحرق
ياما فيلم كوميدي فاشل ملوش قصه
ياما فيلم ليه معني بس بيدعونا لحاجه مش كويسه
انا عن نفسي مرفوضه فكرة السينما دي خاااااااالص
بس بنزل الافلام ع طول
ربنا يهديهم خاصة خاصة بدعيله بالهدايه من قلبي خالد يوسف
ربنا يهدينا ويهديهم
super hero 1991 05-07-2008, 12:45 AM ماهي معظم الافلام كدة يا ابني
..Just Stop 05-07-2008, 12:53 AM افلام بتروج كلام
كلها شهيصة مصرية
هندخل الفيلم وهنخرج منه وكان شيئا لم يكن
بالنسبة للمسلم والمسيحى
انا شايف ان المسلم هو اللى مضطهد فى مصر
بنشوف المسيحى واخد حقه تالت ومتلت ومحدش يقدر يقوله بم
اما المسلم فمبيحصلش ولا على نص حقوقه وبياخد فوق دماغه بالقديمة وميقدرش ينطق
كل ده ولسة بنقول خايفين من الفتنة الطائفية
ربنا يستر علينا ويعدينا منها على خير
شكرا يا اسلام على الموضوع
اقباط المجهر يا سيتى مجموعه من الاقباط اللى هاجروا لدول الغرب و بدأوا يهاجموا مصر من بره بدعوى ان فيه تمييز عنصرى ضدهم
و بدأوا يروجوا للكلام ده فى الغرب عشان يدوهم المساعدات ويصنفوا مصر (دوله الاخوان المسلمين)
شكرا على المعلومة :)
افلام بتروج كلام
كلها شهيصة مصرية
هندخل الفيلم وهنخرج منه وكان شيئا لم يكن
ممكن انت هاتخدخل ومش هايفرق معاك بس متهيألى ممكن يفرق كتير اوى مع ناس تانية
بالنسبة للمسلم والمسيحى
انا شايف ان المسلم هو اللى مضطهد فى مصر
بنشوف المسيحى واخد حقه تالت ومتلت ومحدش يقدر يقوله بم
اما المسلم فمبيحصلش ولا على نص حقوقه وبياخد فوق دماغه بالقديمة وميقدرش ينطق
كل ده ولسة بنقول خايفين من الفتنة الطائفية
مش متفقة معاك تماما ف دى تماما
لان الاتنين مسيحى ومسلم او مسلم ومسيحى
بيتعرضوا لنفس الضغوط اللى بيتعرض لها ( الانسان المصرى )
ومش شايفة ان حد فيهم فارق عن التانى
يعنى نفس الحقوق واخدينها ونفس المشاكل عندهم
وعلى فكرة انا باتكلم عموما ف الحياة اليومية
ولا انت قصدك ايه :confused:
..Just Stop 05-07-2008, 11:49 AM ممكن انت هاتخدخل ومش هايفرق معاك بس متهيألى ممكن يفرق كتير اوى مع ناس تانية
معظم اللى هيدخلو الفيلم هيحسوه ودا هيستمر لمدة يوم يومين اسبوع
وفى الاخر بردو كانشيءا لم يكن
مش متفقة معاك تماما ف دى تماما
دى وجهة نظرك
لان الاتنين مسيحى ومسلم او مسلم ومسيحى
بيتعرضوا لنفس الضغوط اللى بيتعرض لها ( الانسان المصرى )
انا معاكى ان الاتنين بيتعرضوا لضغوط وبيواجهو مشاكل بس المسلم اكتر
ومش شايفة ان حد فيهم فارق عن التانى
تفرق كتير جدا
المسيحى واخد معظم حقوقه
وهتشوفى دا فى المصالح الحكومية بالذات
بحجة ( خوفا من الفتنة الطائفية )
يعنى نفس الحقوق واخدينها ونفس المشاكل عندهم
وعلى فكرة انا باتكلم عموما ف الحياة اليومية
ولا انت قصدك ايه :confused:
هى فين الحقوق دى اساسا
ونا بتكلم بردو عن الحياة اليومية
وجربى وروحى اى مصلحة حكومية كدا
وساعتها هتعرفى انا اقصد ايه من كلامى
شكرا على وجهة نظرك
انا مقتنع برايى
thechampion 05-07-2008, 11:55 AM لا خذ العلم الفيلم لم يتم عرضه فى السينما حتى الان
ومن يدعو للمقاطعة
انا اتوقع ان عادل امام وعمر الشريف اسمان كبيران لانستطيع مقاطعتهما
يوم20-7 يوم عرض الفيلم
يوم تاريخى فى تاريخ السينما المصرية
الاسطورة 05-07-2008, 12:01 PM من كلامك يا اسلام يبقى الفيلم ده ....
بس عمومآ مش ها اقدر احكم قبل ما اتفرج
الفيلم موجود حاليآ وخلال اسبوع ها اكون اتفرجت عليه واقدر احكم
لا خذ العلم الفيلم لم يتم عرضه فى السينما حتى الان
ومن يدعو للمقاطعة
انا اتوقع ان عادل امام وعمر الشريف اسمان كبيران لانستطيع مقاطعتهما
يوم20-7 يوم عرض الفيلم
يوم تاريخى فى تاريخ السينما المصرية
لا يا اخى
اظن ان الفيلم يتم عرضه الان فى دور العرض
..Just Stop 05-07-2008, 12:02 PM يوم تاريخى فى تاريخ السينما المصرية
لا فعلا يوم تاريخى
واكتب يا كتاب التاريخ
حسن ومرقص على وحدة ونص
اهو كلالالالالالالالالالالالالالام
thechampion 05-07-2008, 12:05 PM ياسيدى الفاضل انا عندى جميع مواعيد الافلام
وحسن ومرقص عمل جيد ويهدف الى توحيد شعب مصر مسلمين زينا ومسيحيين زيهم
ونرجو عدم كتابة الفاظ مثل على واحدة ونصف
..Just Stop 05-07-2008, 12:07 PM خلاص على واحدة وربع
حضرتك بتقول يوم تاريخى ايه بس اللى خللاه تاريخى
انا مش بتكلم على مواعيد الافلام
انا بتكلم على شهيصة الافلام
ودمتم
مس رانيا حسن 05-07-2008, 12:20 PM ليس جديدا على الاعلام ان يشوه الواقع
فى المجتمع المصرى
لو نظرنا الى معظم القنوات ستجدونها تشوه بعمق
المجتمع المصرى
كل الافلام والمسلسلات تدعو بشكل غير مباشر الى الاسفاف والانحراف
قله من المسلسلات تجدها تهدف الى معنى قويم او غايه حسنه
للاسف الاعلام سلاح ذو حدين للاسف
يستغل الان بالسلب
جزاك الله خيرا على طرحك لهذا الموضوع
thechampion 05-07-2008, 12:26 PM والله فيه مسلسلات جديدة ذات قضايا
وكثيرة جدا والاعلام سلا ذو حدين فعلا
dr.saeed 05-07-2008, 03:47 PM انا عن نفسى
الافلام كلها افكارها فاسدة اصلا
ومش محتاج اعرف افكارها
وشكرا ليك اخى
mohamed mohsen 05-07-2008, 05:27 PM الموضوع ده الطف من كدة الفتنة الطائفية موجودة سواء الفيلم نزل او منزلش المشكلة هنا ازاى نحل
pureheart 05-07-2008, 06:35 PM شكراً على الموضوع
هو انت يا Guide_ شفت الفيلم طب لو شفته هو فى الاخر بيقولوا ان احنا بلد واحدة و اخوات و كدة ولا لا
أصل لو مش بيقول يبقى بيستطعبطوا عشان مصر مفهاش فتنة طائفية و يبقى الفليم هو اللى بيدعوا للفتنة
على فكرة انا ما شفتش الفيلم
_GUIDE_ 05-07-2008, 08:02 PM شكرا ليكم على ردودكم
الفيلم ياجماعة بيقول فعلا اننا شعب واحد
ومفيش بنا غير كل حب ومودة
ولو انى لمست غير كده امبارح
بعد ما اصيب احد اصدقائى بكسر فى ذراعه وتشوه وجهه نتيجة الضرب المبرح
بعد ضرب بعد الشباب المسيحى له بسبب سو تفاهم
والامر تطور جدا
لدرجة انى اول مرة امبارح امسك زجاجة ولولا
ستر ربنا وتدخل اهل الخير كان فعلا هتحصل مجزرة
ولولا اللى عمله والد الشاب المسيحى المسئول عن الحادث وضربه لابنه فى الشارع وقدمنا
واعتذاره لصدقنا لكان الموضع هيتطور الى ما تحمد عقباه
وكمان تقبل صديقى لاعتذاره والد الشاب
وبجد انا لمست الاخاة بعد عناق كل واحد فيهم امبارح
وكان مفيش حاجة حصلت
El-kady2311 06-07-2008, 05:07 AM انا معاك في الرأي و اضم صوتي لصوتك
mR . mOstafa Fathi 06-07-2008, 05:16 AM والله
بجد قصته غبيه
مش فاهم يعنى ايه هدفه اثارة الشغب والفتنه
والتطرف الدينى وحورات كتير
حسن ومرقص
بدايه تانيه للفتن فى مصر
بلاش اتكلم لحسن فى قلبى كتير اوى من الحوار دا
شكرا يا اسلام
_GUIDE_ 06-07-2008, 10:38 AM كبر الخط عشان خاطر ربنا يا اسلام
عنيا وجعتنى
منورة المنتدى يامحبة :D
انتى اللى تغيرى النظارة
والله
بجد قصته غبيه
مش فاهم يعنى ايه هدفه اثارة الشغب والفتنه
والتطرف الدينى وحورات كتير
حسن ومرقص
بدايه تانيه للفتن فى مصر
بلاش اتكلم لحسن فى قلبى كتير اوى من الحوار دا
شكرا يا اسلام
قصته مش غبية يادرش
المشاهد اللى فيه مشاهد العنف
مبالغ فيها لدرجة كبيرة جدااا
nothing 11-07-2008, 01:52 AM احنا الافلام فى بلدنا كده
يا اما افلام هابطه ويقولوه عليها ده فيها مغزى يا اما الافلام اللى بتصور الفتن الطائفيه والعلاقه اللى بين المسلم والمسيحى
والمفروض ان احنا بنعيش فى وطن واحد يعنى مفيش فرق
لكن هانقول ايه
عظيمه يا مصر
واحـد من النــاس 11-07-2008, 03:17 AM اقباط المجهر
معناها ايه ؟؟
غلطة مطبعية .. قصده أقباط المهجر و دول زي ما asdat قال كده
اما الفيلم بأه فهدفه واضح واستنوا أمريكا عشان هتيجي تحل أزمة الطائفية في مصر قريب :rolleyes:
محترف الأدسنس 11-07-2008, 08:58 AM وحدة وطنية؟؟؟
فعلا.......
أنا مش عاوز أكون كذاب
كلها كلمات وشعارات نرددها
لكن لسان الواقع يقول
إن شيئا من ذلك لم يتحقق ويبدو أنه لن يتحقق
طالما سيظل كلاما بلا فعل
أين هي الوحدة تلك
إذا كان المسلم يوصي ولده بالابتعاد عن المسيحين
والمسيحين يوصون أولادهم بالابتعاد أيضا
أين هي الوحدة حينما لا يراعي كل طرف حرمةالآخر
أين هي الوحدة حينما تكون كلمات ترددها كل الأحزاب
على أنها تقية لها ولها أهداف خفية......
حينما نقول كلاما على المسرح ونقول ضده خلف الستار......
حقا إننا منافقون.....
_GUIDE_ 11-07-2008, 09:06 AM احنا الافلام فى بلدنا كده
يا اما افلام هابطه ويقولوه عليها ده فيها مغزى يا اما الافلام اللى بتصور الفتن الطائفيه والعلاقه اللى بين المسلم والمسيحى
والمفروض ان احنا بنعيش فى وطن واحد يعنى مفيش فرق
لكن هانقول ايه
عظيمه يا مصر
شكرا ليكى على ردك ومرورك
لكن المشكلة فى الفيلم انه استخدم الالفاظ العنصرية
بطريقة فاضحة وزى ما قولت مشاهد الصراعات والخناقات فى الفيلم
اكننا عايشين فى حرب بجد
غلطة مطبعية .. قصده أقباط المهجر و دول زي ما asdat قال كده
اما الفيلم بأه فهدفه واضح واستنوا أمريكا عشان هتيجي تحل أزمة الطائفية في مصر قريب
ده على أساس ان اقباط المهجر دول بيتحركه من نفسيهم
طيب دى جماعات تفتكر بتاخد دعمها من مين ؟
وحدة وطنية؟؟؟
فعلا.......
أنا مش عاوز أكون كذاب
كلها كلمات وشعارات نرددها
لكن لسان الواقع يقول
إن شيئا من ذلك لم يتحقق ويبدو أنه لن يتحقق
طالما سيظل كلاما بلا فعل
أين هي الوحدة تلك
إذا كان المسلم يوصي ولده بالابتعاد عن المسيحين
والمسيحين يوصون أولادهم بالابتعاد أيضا
أين هي الوحدة حينما لا يراعي كل طرف حرمةالآخر
أين هي الوحدة حينما تكون كلمات ترددها كل الأحزاب
على أنها تقية لها ولها أهداف خفية......
حينما نقول كلاما على المسرح ونقول ضده خلف الستار......
حقا إننا منافقون.....
لا مش منوافقون ولا حاجة بس هقول زى بتوع السياسة قلة مندسة
وهى فعلا كده لان احنا طول عمرنا نسيج واحد وشعب واحد
وموضوع مسلم ومسيحى والكلام ده كله مكنش موجود
والفيلم ده اكيد هيتعرض بره وهيوضح ومشاهد الضرب والحرق وغيره
هيخلى الكل يقولك اها فعلا دى فى حرب طائفية غير معلنة
والمسيحين متهضدين فى مصر القس اتنكر علشان يهرب من اللى عايزين يقتلوه
كلام فاضى واعمال الهدف من وراءها الربح المادى
|