كتب- أحمد عمر: فيما يعد حركة تصحيح لإنقاذ طلاب الثانوية العامة شكل د.محمود أبوالنصر وزير التربية والتعليم لجنة لتعديل القرار الوزاري 88 لسنة 2013 الخاص بتنظيم الدراسة والامتحان لطلاب الثانوية العامة حيث فوجئ العاملون بالإدارة المركزية للتعليم الثانوية بأن د.إبراهيم غنيم الوزير السابق قام بتعديل القرار الوزاري 238 لسنة 2013 بتاريخ 3/7/2013 أي بعد تقديم استقالته وألغي قرار طلاب المنازل والمواد الخاصة بهم ودمج مادتي الأحياء والجيولوجيا في مادة واحدة ودمج الفلسفة والمنطق وعلم النفس والاجتماع في مادة واحدة تحت مسمي علوم نفسية وفلسفية وجعل مادة الرياضيات من 100 درجة مما يؤثر علي مستقبل الطلاب.
شكل د.أبوالنصر لجنة لتعديل القرار تضم رئيس قطاع التعليم العام ومستشاري المواد ورئيس الإدارة المركزية للتعليم الثانوي وانتهت إلي ضرورة إلغاء القرار 238 لصالح طلاب المنازل وسائر الطلاب وتعديل درجات المواد في جميع المواد وتم عرض تعديلات القرار الوزاري 88 علي اتحاد طلاب مصر بمقر الاتحاد بالعجوزة حيث تضمنت التعديلات ان تكون اللغة العربية من 70 درجة ويحتمل ان تقل إلي 60 درجة بدلاً من 100 درجة واللغة الانجليزية إلي 50 درجة بدلاً من 75 درجة واللغة الثانية 40 درجة بدلاً من 50 درجة والمواد الاختيارية والتخصصية 60 درجة بدلاً من 75 درجة ليكون المجموع الكلي لطالب الثانوية العامة 400 درجة وستكون مادة الجيولوجيا لطلاب الشعبة العلمية علوم مادة أساسية وسيتم تقسيم مادة الرياضيات لطلاب الشعبة العلمية علمي رياضة إلي قسمين رياضة تطبيقية ورياضة بحتة وقد انتهت اللجنة من تقسيم المواد حيث يدرس طلاب العلمي علوم اللغة العربية والانجليزية واللغة الثانية والكيمياء والفيزياء والأحياء والجيولوجيا أما العلمي رياضة فيدرس اللغة العربية واللغة الانجليزية واللغة الثانية والكيمياء والفيزياء والرياضة التطبيقية والرياضة البحتة أما طلاب الشعبة الأدبية فيدرسون اللغة العربية واللغة الانجليزية واللغة الثانية والتاريخ والجغرافيا والفلسفة والمنطق وعلم النفس والاجتماع وفي حالة موافقة الجميع سوف يتم إقرار القانون بقرار وزاري بالتعديل.
لينك الخبر http://www.almessa.net.eg/main_messa.asp?v_article_id=98896#.Ugkn7n_ewcc

يعنى كده القرار نزل من الوزير ؟
ولا ده مجرد خبر

يعنى كده القرار نزل من الوزير ؟
ولا ده مجرد خبر
لم يصدر قرار رسمي حتي الان وحسب الخبر لسه المشاورات مستمرة يعني لغايت دلوقتي مفيش شي رسمي لكنها مشاورات واقتراحات حتي الان

وهما كده بينقذونا؟ منهم لله

جاتهم ضربة فى مخاشيشهم

يا جماعه المدارس كمان شهر و الدروس بدأنها، مستحيل ينزلو مواد جديده كده فى المجموع مره واحده قبل الدراسه بالوقت الصغير ده

ربنا يعينكو على ما بالاكو :) ..

قلبي معاكو يا شباااب

ده تهريج اذا كان ايام الوزير السابق القرار هو دراسة 6 مواد فقط والناس مش عاجبها؟؟
الوزير الحالي يخليهم 7 مواد ليه؟؟؟؟؟؟؟؟؟؟؟؟
تعالوا نحسبها بالعقل
اولا : مادة الجيولوجيا الطالب كان سيدرسها ولا تضاف للمجموع ( في القرار 88 ) والان عاوزين يضيفوها للمجموع طبعا الفرق الوحيد هو اجهاد ولي الامر ماديا في الدروس الخصوصية
ثانيا : الجيولوجيا تضاف لشعبة العلوم ليه؟؟؟؟ ايه علاقة الطب والصيدلة بالصخور
المفروض يدرسهالطلاب هندسة البترول فقط ( بدون ما تدخل المجموع )
وطبعا لما احتج 40 او50 مدرس جيولوجيا امام الوزارة علشان الجيولوجيا تدخل في المجموع - اخذوا وعد انها ستدخل المجموع ( من الاهم 50 مدرس ام نصف مليوووون طالب؟؟؟؟؟؟)
ثالثا : عاوزين تخلوا الفلسفة والمنطق اجباري ليه ؟؟ دي مواد عقيمة والدنيا تطورت يعني الكلام الدش النظري عفا عليه الدهر خلونا في التطور التكنولوجي
رابعا : الاقتصاد والاحصاء تكون مادة اجبارية ليه ؟؟؟؟؟ وللعلم كل المدارس الثانوية لا يوجد لها مدرس اقتصاد
فالحل هو تقليل عدد المواد رحمة بجيوب اولياء الامور او ترك الامر ( القرار 88) كما هو بدون تعديل

يا جماعة كفاية بقى انتوا ناسيين حاجة مهمه
انتوا عايشين فى مـــــــــــــــــــــــــــــصر
يعنى ممكن بعد ما تمتحنوا تكتشفوا ان الاقتصاد والاحصاء مضافة للمجموع والقرار نازل من 8 شهور

لااااااااا تعليق

( فيما يعد حركة تصحيح لإنقاذ طلاب الثانوية العامة ) لا لا لا لا الواحد مش قادر يصدق سبحان الله ده طلع ان فيه ناس فالوزارة دى بيحبوا الطالب و بينقذه كمان .. فينقذه ازاى!! بانه يخلى عدد المواد الللى داخلة فالمجموع 7 بدل ستة و ياريتهم عاملين الكلام ده بالعدل مع كل الشعب ادبى كلهم واخدين نصف المناهج رياضة واخد نصف الميكانيكا و اصلا كل اللى اتغير عندهم اسماء المواد فقققط اما بقى علوم فدول لازم يتوصوا بيهم فقاموا حطولهم الجيولوجيا كلهااااااا اللى اصلا الطلبه ولا عمرهم درسوها ولا سمعوا عنها حاجة اشكو الييييييييك يا رب :(

اتمني ان يتحقق ذالك سوف يكون في مصلحة التعليم

اتمني ان يتحقق ذالك سوف يكون في مصلحة التعليم
مصلحة تعليييييييييييم فيييييييييييين ياريت توضحلى وجهت نظرك بالتفصيل مش كلمتين على الماشى

ممممممممممممممم
انا بجد مش عارفه اقول ايه يعني هما جم يكحلوها عموها :cool:
مش هقول غير لعله خير

يعنى كده الفلسفة والمنطق وعلم النفس مقررين علينا الاتنين

ممممممممممممممم

انا بجد مش عارفه اقول ايه يعني هما جم يكحلوها عموها :cool:
مش هقول غير لعله خير

ربنا يستر ان شاء الله

هو الكلام دا معناه ان التنسيق هينزل ولا ايه يا جماعة ؟

آخر قرار نزل هو 234 غير اللى موجود خالص

حرام عليكو الطلبة يعملو ا ايه فى 8

بصوا علشان نخلص من ام اللخبطة دى
الكلام التالى نهائى
عربى 80 انجلش 50 فرنساوى 40 كيمياء 60 فيزياء 60
احياء 60 وجيولوجيا 60
رياضة 2 120 تطبيقية وبحتة
المجموع الكلى410
قصة الايام وسجين زندا مقررين
لاتغيير فى اى منهج الا اضافة منهج المستوى الرفيع رياضة لشعبة رياضة
وحذف جزء لم يتحدد بعد من منهج الجيولوجيا

واللى يقول غير كده يبقى بيفتى

يطيب لى وأتشرف ان أقدم لكم القرار (234 ) فى 3/7/2013 وهو تعديل للقرار 88 سنة 2012 والخاص بالصف الثالث الثانوى العام
حمل القرار من هنا
http://www.mediafire.com/?zwz7i3cv7o3usfk (http://www.mediafire.com/?zwz7i3cv7o3usfk)

روابط للتعلم أخرى مقدمة من السيد المعداوى
المدونه
www.almadawy.wordpress.com (http://www.almadawy.wordpress.com/)
صفحىة الفيس بوك والرجا الانضمام
جروب ICT For You
والخاص بتكنولوجيا المعومات والأتصالات " السيد المعداوى

https://www.facebook.com/#!/groups/360127897420759 (https://www.facebook.com/#!/groups/360127897420759)
صفحتى على الفيس بوك

https://www.facebook.com/#!/alsayed.almadawy (https://www.facebook.com/#!/alsayed.almadawy)


مع تحياتى /السيد المعداوى
معلم خبير لغة انجليزية ثانوى
مدرسة ههيا ث بنين
ادارة ههيا
محافظة الشرقية

جزاكم الله خيراً
وجعله الله فى ميزان حسناتكم

قرار234 لسنه 3/7/2013 للصف الثالث الثانوى العام والمعدل للقرار88 لسنه 2013

http://www.thanwya.com/vb/showthread.php?p=5465440#post5465440

شكرااااااااااااااا