مشاهدة النسخة كاملة : المالية تفجر مفاجأة : تثبيت قيمة المكافآت والبدلات على كافة العاملين بالدولة
ابو انس1 03-07-2015, 10:26 AM أكدت وزارة المالية انه تم اتخاذ كافة الإجراءات للسيطرة على الأجور ،و تشمل تثبيت قيمة المكافآت والبدلات على كافة العاملين بالدولة بلا استثناء كإحدى الإصلاحات الهيكلية والمالية الضرورية لتحقيق الاستقرار المالي وتوجيه مزيد من موارد الدولة نحو الإنفاق على البرامج التنموية والحماية الاجتماعية.
فيما بلغت مخصصات الأجور والتعويضات للعاملين في مشروع الموازنة العامة للعام المالي الجديد 2015/ 2016 نحو 218 مليار جنيه بزيادة 3ر17 مليار جنيه عن العام المالي الماضي.
وأشار البيان المالي بحسب " ا. ش. أ " عن مشروع الموازنة الجديدة ، والذي أصدرته وزارة المالية ، إلى أن هذه الزيادة تعكس تنفيذ المرحلة الأخيرة من كادر الأطباء بأثر مالي 5 مليارات جنيه، فضلا عن التزامات تطبيق الحد الأدنى للأجور، وتكاليف رفع حافز جذب العمالة للعاملين بالمحافظات النائية والحدودية وأثر تقرير العلاوة الدورية والتشجيعية بالعاملين الخاضعين بالقانون رقم 18 لسنة 2015
ابو انس1 03-07-2015, 10:27 AM http://www.alsbbora.com/main_edu.asp?v_article_id=37904#.VZZGO2YVh3w
العشرى1020 03-07-2015, 10:39 AM شكرا جزيلا لك وبارك الله فيك
saad200979 03-07-2015, 10:47 AM يعنى ايه
حاولوا تفهمونا
badry534 03-07-2015, 11:25 AM انا عاوز اقوللك شكرا بس انا مش فاهم حاجة يعني ياجماعة مفيش علاوة السنة دي ولا اية حد يفهمنا؟
murad55 03-07-2015, 12:26 PM المرتب و المكافأة و الحوافز و البدلات هتفضل ثابته باستمرار ، الزيادة فقط تكون عبارة عن علاوة سنوية بنسبة معينة من الاجر الاساسى و دمتم ، و للعلم هذه الاشتغالات سيتم العمل بها على موظفى الجهاز الادارى للدولة فقط ، الجامعات و البنوك و الكهرباء و الاتصالات و وزارة العدل و شركات قطاع الاعمال لا يجرؤ احد انه يقترب منهم
عادل الطويلة 03-07-2015, 01:13 PM لا حول ولا قوة الا باللع العلي العظيم
ههههههههههه والله يا جماعة كان لازم يعمل كده علشان الاساسي هيعلي زي ما بيقولوا وبالتالي تزيد الحوافز والمكافات زيادة عالية جدا وبعدين يجيبوا منيين فيثبت الحوافز والمكافات وبارك الله فيما رزق يعني من الاخر مرتبك زي ماهو يوقلك الاساسي هيبقي الحوافز والحوافز تبقي الاساسي كله اشتغالات وكله محصل بعضه
عادل الطويلة 03-07-2015, 01:15 PM لتحقيق الاستقرار المالي وتوجيه مزيد من موارد الدولة نحو الإنفاق على البرامج التنموية والحماية الاجتماعية.
يعني كفايه قوي علي المرتبات
خادم المسلمين1 03-07-2015, 01:30 PM حد فهم حاجة؟
يفهمنا قبل ما نموت واحنا ما فهمناش
ما ينفعشى كدة
essameldeen 03-07-2015, 01:33 PM هل العاملين خاضعين لهذا القانون
alaa128 03-07-2015, 03:14 PM يعني حضرتك لتاخد مكافأة الامتحانات علي الاساسي الجديد والكادر والحوافز علي الاساسي شهر 7 من كل عام الان خلاص بح ال بتاخده علي كده ثبت يعني ال بتاخده الان راح تخدهم كل سنة بنفس القيمة وسلم لي علي الترماي
عادل الطويلة 03-07-2015, 04:08 PM يعني حضرتك لتاخد مكافأة الامتحانات علي الاساسي الجديد والكادر والحوافز علي الاساسي شهر 7 من كل عام الان خلاص بح ال بتاخده علي كده ثبت يعني ال بتاخده الان راح تخدهم كل سنة بنفس القيمة وسلم لي علي الترماي
الله يسلمك
احسن حاجة علشان محدش ينتظر شهر 7 تاني
وسلملمي علي الترماي
لبيد لبيد 03-07-2015, 04:30 PM شكرا جزيلا لك وبارك الله فيك
ostaznemr 03-07-2015, 05:09 PM البنزين غلي الكهربا غليت اللحمة غليت تذاكر القطارات غليت وكل حاجة في البلد غليت والمرتب زي ماهو حسبي الله ونعم الوكيل
ابواحمدومحمد 03-07-2015, 06:11 PM ياجماعه وهو ايه الجديد ..القانون الجديد من اول ماظهر وهو بينص علي كده .........جميع البدلات والحوافز والمكافات من اساسي 30/6 وتظل نسبه ثااابته لا تتغير ..........وعلشان كده كنا بنقول ماطلبوش اننا نكون ضمن القانون ده .الكادر مع مسااوئه افضل من هذا القانون ...والمعلمون خارج القانون لن يطبق عليهم ذلك .........مرتبااتهم مثل كل عاام ...
امير احمد جمال 03-07-2015, 11:40 PM الناس ال بتقول يعنى اه مش مهم تعرف يعنى اه كفاية بس تقرأ المقطع ده "لتحقيق الاستقرار المالي وتوجيه مزيد من موارد الدولة نحو الإنفاق على البرامج التنموية والحماية الاجتماعية." اظن كده فهمت
أ/ سعيد موسى 03-07-2015, 11:59 PM سوف تطبق علينا الامور الماليه فى القانون الجديد
وسوف احاول ان اشرح مافهمته حتى الان
1- بدايه من هذا الشهر لايوجد شىء اسمه حافز اداء او حافز اثابه ..... الخ بل تحويل جميع هذه المسميات الى ارقام
وتظل هذه الارقام ثابته بدون تغير
2- كل عام هناك علاوة دوريه مقدارها 5% سوف تضاف على الاساسى الجديد فقط
3- هذا العام فقط سوف تضاف علاوة اضافيه مقدارها 5% لانه على القانون الجديد والخصومات الى تكون على الاساسى
سوف تجد ان راتبك قل ولذلك سوف تضاف هذه العلاوة
4- الميزة الوحيده من هذا القانون هو المعاش واتمنى ان لايوضع حد اقصى له والا يبقى معملناش حاجه
5- الغريب فى الموضوع مقاله فى الجمهوريه منذ حوالى 3او 4 ايام لوزيرة التضامن قالت فيه بالحرف
لايوجد قانون حاليا للمعاشات والناس فاهمه غلط ان هناك زياده فى المعاشات !!!!!
ماعلينا تقريبا هذا مافهمته ولو هناك اضافه اخرى ياريت حتى نحاول واكرر نحاول نفهم مايحدث حولنا
سارة عبودة 04-07-2015, 12:15 AM انكم تستحقون اكثر
murad55 04-07-2015, 04:11 AM هذا القانون سيطبق على موظفى الجهاز الادارى للدولة فقط يعنى الغلابة و صغار الموظفين و اصحاب الدخول الضئيلة اصلا
murad55 04-07-2015, 04:17 AM و بعدين القانون من الاخر عبارة عن سم فى العسل ، يقصوا ريش الموظف حتى اخر ريشة اثناء الخدمة علشان قال ياخد معاش عالى شوية بعد ما يطلع من الخدمة ، يا سيدى عيشنى النهاردة و موتنى بكرة ، يا عالم مين هيعيش لغاية سن المعاش و يستمتع بمعاشه
murad55 04-07-2015, 04:20 AM البنوك تصرف رواتب قياداتها بأثر رجعى بعد إلغاء «الأقصى للأجور» ... مؤكدة أنه سيتم صرف ما تم خصمه من رواتب الموظفين خلال الفترة الماضية ...
المصدر جريدة الوطن
happy mino 04-07-2015, 10:04 AM يعنى الاسعار هاتزيد ومرتبك ثابت
محمد على عبد النعيم 04-07-2015, 02:12 PM تمام تمام....
Hamdy20062008 04-07-2015, 02:47 PM اللهم نجنا مما نراه
حسبي الله ونعم الوكيل
|