خليهم يشبعوا بيها!!!!!!!!! الجملة دى سمعتها وانا بتكلم مع شاب فى عيلتنا عن السفر كنا بنتكلم هل الشاب اللى بيسافر لو عمل شوية فلوس كويسين هيرضى يرجع؟؟!!!!!!!! لقيته بيقول بكل ثقة لا طبعا انا لو سافرت عمرى ما أفكر اجى غير فى الاجازات غير فى الاجازات هو هنا بقا فيه مستوى حياة يرضى اى شاب علشان يعيش ويتجوز ويكون نفسه؟ وراح قايل عايزامشى من هنا وخليهم يشبعوا بيها
انا صدقت فعلا كلامه لان برضو ابن خالتى مسافر وناوى انه يكون فلوس علشان يجى يعمل مشروع هنا لكن فى اول زيارة قالنا انه مستحيل يرجع لان الحياة بره مصر افضل بكتير وهو مالوش هنا اى مستقبل مع العلم انه مش بيتكلم فى نقطة الفلوس بس هو يقصد النظام والحياة

الجملة دى فضلت افكر فيها اوى وقولت طب ايه النظام يعنى هو كل مصر عايزة تمشى؟ طب مين اللى هيعد هنا الحرامية وتجار المخدرات بس ؟

عموما ماهو اى حد دلوقتى بيخلص تعليمه وهوب يسافر على طول وخلاص بقا البيت الترابط اللى فيه بيروح والوداع بيكتر ومعتش حاجة ليها طعم .
كلامى ده مش معناه خالص انى بعتب على اى شاب يسافر انا اخويا برضو سافر لكن متأكدة ان مفيش حل غير كدا علشان يقدر يتجوز اللى اختارها ويعيش سعيد معاها انا بس بسأل هو ايه نهاية الحوار ده ؟ البلد هتفضى يعنى ولا ايه؟ لحد امتى هنفضل مذلولين بره؟ لحد امتى هنفضل نقضى طفولتنا وحياتنا كلها مع اخواتنا وفى لحظة تلاقى نفسك بتودعه وهو ماشى بشنطة سفره ومش ناوى يرجع غير فى الاجازات؟
بحس فعلا ان الموضوع ده بيقتل الفرحة واللمة والذكريات الحلوة.

علشان كدا عايزة اشوف رايكم كلكم ناوين على ايه ان شاء الله؟ ولو فضلتوا هنا هتقدروا تعيشوا حياة مريحة ؟ وتكونوا اسرة وبيت زى اى شخص عادى؟ مع ان ده المفروض ميكنش حلم ده من حقنا كبشر !!!!!!!
طب لو سافرت وشوفت النظام والنضافة اللى احنا محرومين منها هنا هترضى ترجع تانى؟؟؟ياريت اشوف تفاعلكم معايا واللى عنده اى رأى او سمع اى حكاية عن قرايبه او اصحابه يقول علشان نستفيد.

وشكراااااااااا

هو فى حل تانى

دلوقتى نسبة ضعيفة جدا اللى لاقية شغل

لا تقولى بقى طب نافع ولا هندسة ولا اى حاجة من دول

مرتبهم كام يعنى 300

هكون نفسى فى كام سنة

لو جينا لنقطة النظام مصر بتتقدم بس ماشية تاتة تاتة

يعنى قدامنا كام سنة علشان نتقدم 100 سنة

طلبعا لو مشينا على النظام دة

انا صابر شوية على البلد لحد الدورة الانتخابية الجاية

معتقدتش ان الشعب مش هيكون لية موقف يعنى

بس انا لو سافرت هسافر اكون نفسى وهرجع تانى علشان فى ناس بحبهم ومش هقدر ابعد عنهم كتير

انا عن نفسى عاوزة اعيش بره مصر اروح اخد الدكتوراة من برة واعيش بره

هو فى حل تانى

دلوقتى نسبة ضعيفة جدا اللى لاقية شغل

لا تقولى بقى طب نافع ولا هندسة ولا اى حاجة من دول

مرتبهم كام يعنى 300

هكون نفسى فى كام سنة

لو جينا لنقطة النظام مصر بتتقدم بس ماشية تاتة تاتة

يعنى قدامنا كام سنة علشان نتقدم 100 سنة

طلبعا لو مشينا على النظام دة

انا صابر شوية على البلد لحد الدورة الانتخابية الجاية

معتقدتش ان الشعب مش هيكون لية موقف يعنى

بس انا لو سافرت هسافر اكون نفسى وهرجع تانى علشان فى ناس بحبهم ومش هقدر ابعد عنهم كتير


مش عارفة موضوع الدورة الانتخابية دى طب تفتكر لو الشعب عمل حاجة الصوت بتاعنا هيوصل؟ ولا الموضوع هيتطبخ برضو؟

ويارب فعلا يبقا زى ما بتقول تكون نفسك وترجع و المضوع ما يطولش زى ما بيحصل مع معظم الشباب دلوقتى وشكرا على مرورك الجميل

انا عن نفسى عاوزة اعيش بره مصر اروح اخد الدكتوراة من برة واعيش بره

طبعا محدش يقدر يقول انك غلطان لانى بجد مش حاسة ان مصر عملت فينا جميل اوى علشان نرده بس مش معنى كدا انى بكرهها :( انا بس اوضاعاها خنقانى اوى وربنا يوفقك وشكرا لمرورك

صوتنا هيوصل لمين

معدتش نافع الكلام دة

شكلنا هنعمل زى موريتانيا

انقلاب يعنى

مفيش اي بني آدم عاقل يسافر برا مصر ويفكر يرجع غير عشان يشوف أهله وبس .... (هناك من يهتم بانسانيتهم)

صوتنا هيوصل لمين

معدتش نافع الكلام دة

شكلنا هنعمل زى موريتانيا

انقلاب يعنى

والله بنتمنى كدا علشان الحال يطظبت شوية

مفيش اي بني آدم عاقل يسافر برا مصر ويفكر يرجع غير عشان يشوف أهله وبس .... (هناك من يهتم بانسانيتهم)

فعلا انت قولت نقطة مهمة اوى انهم فى اى مكان بره بيهتموا ويقدروا الانسان ده حتى الحيوان بيهتموا بيه كويس جدا :confused:

اكييييد طبعا اى حد يسافر برا مصر هيبأى صعب عليه يرجع
انا السنين اللى كبرت فيها كلها كانت برا مصر
و رجعت عشان الثانوية العامة
اكيد طبعا كنت فرحانة جدا ان انا هشوف بلدى و اهلى
بس بجد
صدمت
من كل حاجة
بلد بايظة و ناس يائسة و متحطمة نظام حكم غلط شوارع اقل ما يقال عنها ...ولا بلاش مش متعودة انا..و ناس تافهة و مفيش مبادئ ولا اخلاق و جهل و سلبية و غش ..و اللى يجتهد عمره ما يلاقى..و لو لقى حاجة هتبأى الهجوم
و اهم حاجة
الانسان مش ليه تمن
دا ممكن ال(بقرة) لو جرالها حاجة يهتمو بيها اكتر م الانسان
اما بأى ال(بقرة) اللى برا مصر ..فهى بتتعامل احسن من معظم المصريين اللى هنا
(مش شفتو اعلان لورباك:d)
لكن برا حاجة تانية خالص
تقريبا عكس كل اللى انا قلته
و دلوقتى انا فى اسوأ ايام حياتى
لانى خدت الثانوية العامة
و المفروض ان انا ارجع
يا ترى هرجع ولا هكمل هنا
لسة مش عارفة
بس الاحتمال الارجح ان انا هرجع
بس بردو هبأى حاسة ان انا ناقصة حاجة
ناقصة اهلى..ناقصة انتمائى
ثانكس ع الموضوع

شكرا يا جميل على ردك وفعلا انتى فى مقارنة صعبة اوى بس اكيد المدة اللى عيشتيها بره بقا ليكى صحاب كتير ربنا يوفقك فى قرار وتختارى الاحسن ليكى ولمستقبلك

البلد دي فيها حكومه هههههههههههههههههههههههههههههههههههههههههههههه

والله الناس كلها بقت عاوزه تسافر
محدش عارف يلاقى شغل كويس هنا
ولا حتى الدكتور ولا المهندس

انا اخواتى الاتنين مستنين يخلصوا الجيش بتاعهم
وناوين يهجوا بره
محدش فيهم طايق البلد
ومحدش عاوز يرجع تانى

بجد البلد هى اللى خلتنا منحبهاش
ونبقى عاوزين نتخلى عنها بسهوله كده

وبجد الشباب معليهمش لوم فى كده خالص
هم عاوزين يعيشوا كويس
وده حقهم

شكرا ليكى يا منى على طرحك لهذا الموضوع

يا جماعه بلاش تالبوا المواجع

ان كنت في بعثة لانجلترا من 5 سنين

ومن يومها وانا بضرب نفسي بالجزمه

انا ايه اللي خلاني ارجع

ومش انا لوحدي

كل اعضاء البعثة كدا

انا متهيالى اللى يسافر بره ميرضاش يرجع هنا ابدا ..وخصوصا القاهره مدينه التلوث والازدحام

البلد دي فيها حكومه هههههههههههههههههههههههههههههههههههههههههههههه


شكرا على مرورك

والله الناس كلها بقت عاوزه تسافر

محدش عارف يلاقى شغل كويس هنا
ولا حتى الدكتور ولا المهندس

انا اخواتى الاتنين مستنين يخلصوا الجيش بتاعهم
وناوين يهجوا بره
محدش فيهم طايق البلد
ومحدش عاوز يرجع تانى

بجد البلد هى اللى خلتنا منحبهاش
ونبقى عاوزين نتخلى عنها بسهوله كده

وبجد الشباب معليهمش لوم فى كده خالص
هم عاوزين يعيشوا كويس
وده حقهم


شكرا ليكى يا منى على طرحك لهذا الموضوع


اه طبعا مفيش شغل هنا يعيش دلوقتى وربنا معاكى لما اخواتك يسافروا لانى جربت الموقف ده زى ما قولتلك وشكرا على مرورك الجميل يا قمر:)

يا جماعه بلاش تالبوا المواجع

ان كنت في بعثة لانجلترا من 5 سنين

ومن يومها وانا بضرب نفسي بالجزمه

انا ايه اللي خلاني ارجع

ومش انا لوحدي

كل اعضاء البعثة كدا


معلش اننا قلبنا المواجع :d

بس المضوع طلع صعب اوى والله ده محدش فعلا عايز يعد هنا

شكرا على مرورك وربنا يوفقك

انا متهيالى اللى يسافر بره ميرضاش يرجع هنا ابدا ..وخصوصا القاهره مدينه التلوث والازدحام


اه انا كان ليا واحد قريبى مسافر بره يجى اسبوع كدا المانيا بيقول انه رجع من هناك الشوز بتاعته مش عليها ذرة تراب هناك مفيش اصلا تراب خالص

شكرا على مرورك :)

والله إحنا مزلولين بره وجوه بس بره بنزل بمقابل لكن هنه من غير مقابل
أنا عن نفسى هخلص دراسه وهسافر بره مصر لا راجع فى اجازات ولا غير أجازات

والله إحنا مزلولين بره وجوه بس بره بنزل بمقابل لكن هنه من غير مقابل

أنا عن نفسى هخلص دراسه وهسافر بره مصر لا راجع فى اجازات ولا غير أجازات


شكلك متعقد اوى من هنا

طب بس ازاى مش هتنزل اجازات حتى طب اهلك واصحابك؟؟؟!!!!!!!

على العموم ربنا يوفقك وفعلا الذل بره بمقابل عجبتنى اوى الجملة دى

شكرا على مرورك

انا عن نفسى عاوزة اعيش بره مصر اروح اخد الدكتوراة من برة واعيش بره

ما هو ده سبب تخلفنا وتاخرنا
بنودي شبابنا ومجهودنا لناس عشان يضرونا بعد كده
انا عارف انك حتقولي ان البلد ما بتدكيش الفرصه
اقولك البلد ادت الفرصه لناس كتير
وحتي لوما ادهلكيش حاولي عشان الجيال الجايه تستفيد
لان لو كل واحد حقق حلمه بره مصر حتنيها متخلفه

ما هو ده سبب تخلفنا وتاخرنا
بنودي شبابنا ومجهودنا لناس عشان يضرونا بعد كده
انا عارف انك حتقولي ان البلد ما بتدكيش الفرصه
اقولك البلد ادت الفرصه لناس كتير
وحتي لوما ادهلكيش حاولي عشان الجيال الجايه تستفيد
لان لو كل واحد حقق حلمه بره مصر حتنيها متخلفه

ماهوا مش معقول هستنى فرصة من الدولة ممكن متجيش اصلا
كلامك صح بس كلام شعارات مينفعش فى دنيتنا ما انا ممكن اخد العلم من بره وافيد بلدى لو اتيحت لى الفرصة دى

اخواتى كلهم مسافرين ولما بيجوافى الاجازات بيكرهوا انهم جم اصلا


عايشين هناك فى نظاااااااااااااااااااااااااااااااااااااااااااااااا ااام وبيئة تانية خالص بيقولوا ارقى حتة فى مصر متتقارنش بادنى منطقة هناك

والله كويس جدا الموضوع ...
اولا بقلك متقلقيش البلد مش هتفضى
اصلا فى تضخم سكانى خلقه
احنا نريح البلد ونطلع بره
وانا بردو بالرغم انى بنت وهتكون صعبه
بس من طموحاتى السريه انى اخلص واطير ع اى بلد
واثبت نفسي هناك
لانى لو عملت ايه هنا مش هعرف اثبتها هنا
وبالنسبه لموضوع الذل
فاحنا كده كده بنتذل هنا وهناك
بس هناك ممكن تلاقى نتيجه اما هنا
فالمحصله =00000

اخواتى كلهم مسافرين ولما بيجوافى الاجازات بيكرهوا انهم جم اصلا


عايشين هناك فى نظاااااااااااااااااااااااااااااااااااااااااااااااا ااام وبيئة تانية خالص بيقولوا ارقى حتة فى مصر متتقارنش بادنى منطقة هناك

اه فعلا ده اللى بيحصل مع كل قرايبى لما يرجعوا بيكونوا خدوا على نظام معين ويرجعوا بقا مقروفين

شكرا لمرورك

والله كويس جدا الموضوع ...
اولا بقلك متقلقيش البلد مش هتفضى
اصلا فى تضخم سكانى خلقه
احنا نريح البلد ونطلع بره
وانا بردو بالرغم انى بنت وهتكون صعبه
بس من طموحاتى السريه انى اخلص واطير ع اى بلد
واثبت نفسي هناك
لانى لو عملت ايه هنا مش هعرف اثبتها هنا
وبالنسبه لموضوع الذل
فاحنا كده كده بنتذل هنا وهناك
بس هناك ممكن تلاقى نتيجه اما هنا
فالمحصله =00000


بجد مش هتفضى :d؟ بس على الاقل نسبة المتعلمين واصحاب الشهادات هتكون قليلة جدا وانا معاكى فى موضوع الذل ده ;) وشكرا على مرورك

بجد انا جالى احباط واكتئاب لو كل انسان اتمسك ببلده هيبقى الحال احسن واللى هيعملخهبرا يعمله جوا لان لما هيسافر مش هيشتغل رئيس وزرا لا ده برده لازم يتمرمت ويتعب لحد ما يوصل طب ما يتعب ويتمرمت فى بلده على الاهل هو فى وسط اهله مش متغرب دى وجهت نظرى وشكرا على الموضوع الحلو

فعلا العيشة فى مصر بقت لا تطــــــــــــــــــــــــاق بجد .......انا كنت عايشة فى السعودية من وانا صغيرة وكان نفسى ارجع مصر كنت فاكرة انها احسن بلد في الدنيا زى ما بيقولو ((مصر ام الدنيا)):huh:.........بس لقيت مفيش اى وجه مقارنة بينها وبين السعودية ومن اول سنة رجعنا فيها مصر وانا بحلم باليوم اللى ارجع فيه السعودية وبصراحة انا بعتبرها بلدى الاول ومصر التانية

والله موضوع جميل اوى انا عن نفسى

نفسى اسافر برة بس تكون بلد عربية بس لو سا فرت اكيد مش هرجع الا ولو كونت مستقبل لاولادى ان شاء الله بعد عمر طويل بس بجد برة المعاملة سيئة للغاية ودايما بيكرهوا اى واحد مصرى بس لازم نستحمل بس علشان خاطر اولادة بس اهم حاجة اول لما يكبروا لازم يتربوا فى بلدهم علشان يتعلموا فيها لان بصراحة تعليم مصر يعنى حلو شوية ولازم بردة يتخرجوا من مصر لان بصراحة محدش بيعترف بشهادات برة وعلشان بردة يتعلموا على العادات والتقاليد فى مصر وبصراحة ان اغلب البنات بتعقد فى بلدها اصلها مش هتكون نفسها يعنى

بجد انا جالى احباط واكتئاب لو كل انسان اتمسك ببلده هيبقى الحال احسن واللى هيعملخهبرا يعمله جوا لان لما هيسافر مش هيشتغل رئيس وزرا لا ده برده لازم يتمرمت ويتعب لحد ما يوصل طب ما يتعب ويتمرمت فى بلده على الاهل هو فى وسط اهله مش متغرب دى وجهت نظرى وشكرا على الموضوع الحلو


انا معاكى يا نور بس المشكلة بقا هيتمسكوا بأيه؟ :rolleyes: يعنى يقدروا يعيشوا اواى ويكونوا اسرة ومفيش دخل كويس وانتى عارفة طبعا ارتفاع الاسعار اللى بقينا فيه انا عارفة ان فى مرمتة بره :( ولدرجة انهم بيقولوا على المصريين انهم بيروحوا يشحتوا منهم بس جوه برضو فى مرمتة بس بقا من غير فلوس;) وشكرا على مرورك الجميل

فعلا العيشة فى مصر بقت لا تطــــــــــــــــــــــــاق بجد .......انا كنت عايشة فى السعودية من وانا صغيرة وكان نفسى ارجع مصر كنت فاكرة انها احسن بلد في الدنيا زى ما بيقولو ((مصر ام الدنيا)):huh:.........بس لقيت مفيش اى وجه مقارنة بينها وبين السعودية ومن اول سنة رجعنا فيها مصر وانا بحلم باليوم اللى ارجع فيه السعودية وبصراحة انا بعتبرها بلدى الاول ومصر التانية


ربنا يوفقك سواء هنا او فى السعودية :) بس الفرق بينى وبينك انى مش عايزة امشى من هنا بس المشكلة فى الاحوال اللى مش متظبطة هنا جايز انتى اخدتى على السعودية واعتبرتيها هى بلدك فعلا
يارب تحصل معجزة ومصر تبقا احلى بلد :rolleyes:

:)والله موضوع جميل اوى انا عن نفسى

نفسى اسافر برة بس تكون بلد عربية بس لو سا فرت اكيد مش هرجع الا ولو كونت مستقبل لاولادى ان شاء الله بعد عمر طويل بس بجد برة المعاملة سيئة للغاية ودايما بيكرهوا اى واحد مصرى بس لازم نستحمل بس علشان خاطر اولادة بس اهم حاجة اول لما يكبروا لازم يتربوا فى بلدهم علشان يتعلموا فيها لان بصراحة تعليم مصر يعنى حلو شوية ولازم بردة يتخرجوا من مصر لان بصراحة محدش بيعترف بشهادات برة وعلشان بردة يتعلموا على العادات والتقاليد فى مصر وبصراحة ان اغلب البنات بتعقد فى بلدها اصلها مش هتكون نفسها يعنى

طب ياريت كل الشباب يعملوا كدا مش يروحوا ويفضلوا هناك وانا سمعت برضو ان بره مفيش اعتراف بالشهادات بس انت تقصد الدروس هنا حلوة مش التعليم بقا لان مبقاش فى تعليم خالص :dعلشان نقول وحش ولا حلو
وبعدين طبعا مفيش بنات كدا هتسافر علشان تكون نفسها لكن البنات دى هتسافر مع جوزها فى المستقبل ان شاء الله :) والسؤال برضو موجه ليهم علشان نشوف بيرفضوا السفر ولا لا وممكن فى بنات تسافر تتعلم او تاخد شهادة معينة
وشكرا على المرور المفيد