مشاهدة النسخة كاملة : رنتك باسم حضرتك.....موضوع مستفز
noor_20 11-09-2008, 12:27 PM سيداتى انساتى سادتى
السلام عليكم ورحمة الله وبركاته
اليكم هذا النبا الهام
لقد انتشر فى الاونه الاخيره فيروس اسمه العلمى
(رنتك hwr)
اما اسمه المتداول بين الشعب(رنتك باسم حضرتك)
و يتلخص هذا الفيروس فى الاتى
كل ماعليك هو ان تتصل برقم معين و تدخل اسمك و تختار الاغنيه التى تعجبك
و من ثم ينتشر الفيروس
كان هذا الموجز والان اليكم الانباء بالتفصيل
انا لاحظت فى الفتره الاخيره انتشار اعلان فى جميع وسائل الاعلام
عباره عن ان اى حد يتصل بنمرة التليفون اللى منشوره و يدخل اسمه و بعدين يسمع جميع الاغنيات اللى معموله باسمه
و بجميع اللغات مصرى او خليجى او صعيدى او حتى هندى
لحد هنا الموضوع ممكن يكون مقبول بالنسبه للولد على انه عادى انه حد يعرف اسمه حتى لو مايعرفوش
مافيهاش حاجه خالص
لكن المشكله ان معظم اللى بيستخد الخدمه دى بنات
يعنى لو بنت دخلت اغنيه باسمها
و عملتها نغمه لموبايلها
فجاه و هى فى وسط ناس او فى مواصلات الموبايل رن طب ماللى حواليها هايعرفوا اسمها
و يبدؤا فى التريئه و السخريه منها و بصراحه
( تستاهل كل اللى يجرالها )
بجد حاجه مستفزه جدا
يعنى الشباب وصل للدرجه دى من الهيافه و السطحيه
انا قريت مره انه الشباب بيصرف على الخدمه دى مللايين كل سنه
و ان اللى استخدمها فى الشهور اللى فاتت مش اقل من 3 مليون شخص منهم حوالى 2 مليون بنت
انا ليا راى ان اسم البنت مش المفروض ان حد يعرفه غير اهلها و اصحابها و الانسان اللى ارتبطبت بيه
( معلش انا متخلفه شويه )
متخلفة اقصد مش متحضرة محدش يفهم غلط
لا و الجديد بقى رنتك باسم اللى تحبه
يعنى البنت تدخل رنه باسم حبيبها
و الولد يدخل رنه باسم حبيبته( طب ده راجل والنبى )
قولولى انتو بقى رايكم ايه
الضوء الشارد 11-09-2008, 12:58 PM أن هالخص رأى فى جملة بسيطة جدا .... نحن أمة ضحكت من جهلها الأمم . اكيد كده المعنى وصل
lolla_arts 11-09-2008, 01:10 PM جزاكى الله خير
فعلا عندك حق فى كل اللى قولتيه
تقبلى تحياتى ثم مرورى
lolla
براءة 11-09-2008, 01:16 PM أمة ضحكت من جهلها الأمم
....................
محترف الأدسنس 11-09-2008, 01:22 PM Nothing is complete............
T H A N K S
الضوء الشارد 11-09-2008, 01:31 PM جزاكى الله خير
فعلا عندك حق فى كل اللى قولتيه
تقبلى تحياتى ثم مرورى
lolla
شكرا ليكى بس أنا ولد وأسمى محمد
mena1990 11-09-2008, 01:42 PM والله فعلا حاجه غريبه جدا
بس بجد انا لاحظت ان الناس
اما بتشوف بنت ماسكه موبايل
وماشيه فى الشارع بتبصلها
بطريقه غريبه اوووى فتقوم كمان عامله
الرنه باسمها ويسلام بقى لو عملتها بأسم
المحروس ووالدها قاعد جمبها والموبايل رن
كلنا عارفين طبعا رد الفعل المتوقع
ربنا يرحمنا من عنده
شكرا على الموضوع
king mo7amed 11-09-2008, 01:53 PM والله الضوء الشارد لخص الحكايه
احنا مين اصلا عشان نخاف علي شعور الناس
** MR.SmilE ** 11-09-2008, 02:17 PM شكرا علي موضوعك
فعلا الحكاية دي انتشرت اوي في مصر المحروسة
اصلنا محترفين في اننا نخلي الناس تضحك علينا
..Just Stop 11-09-2008, 02:19 PM هههههههههه
ايه الغريب فى كدا يعنى
رنتك بمقاس جزمتك عادى جدا
اصل الناس معدتش لاقية رنات تحطها
يعنى مثلا لو انا حبيت احط رنة هتبقا
يا محمود يامعلم لا بتسال ولا تتكلم:d
وحاجات كتيرة
وعلى راى المثل اللى يعيش ياما يشوف
وعلى راى المثل
بعتلى رنة بعتله
فتح عليا ردحتله:d
ولا عزاء للموبايلات
ودمتم فى رعاية الله
Dr.Nobel 11-09-2008, 02:24 PM اصلا السذاجة باينة في الرنات العبيطة اللي معمولة باسامي الناس
تحسي ان الرنة معمولة لطفل صغير مش شاب كبير
بجد هي فكرة متخلفة وملهاش لازمة بس احنا اللي بنحب التخلف فلازم تنجح عندنا
سـهيـلـة 11-09-2008, 04:53 PM والله احنا فى دنيا العجائب
دلوقتى بقت فى تقاليع متخلفة وملهاش اى لزمة
صحيح والله يعنى ايه البنت تحط رنة باسم خطيبها
والله حاجة مستفزة جااااااااااامد
شكرا على الموضوع
mido125 11-09-2008, 04:56 PM اه فعلا
الموضوع ده متسفز جدااااااااااااا
الشفق الباكي 11-09-2008, 05:03 PM بصراحه الاعلان دا اول مابسمعه بحس ان فى فيرس غباء منتشر ومتشعب فى عقل اللى بيتكلم
ربنا يشفى والغباء دا مايكنش بينتشر من الشاشه احنا ناقصين
Hamset_Etab 11-09-2008, 05:09 PM بصراحه انا علطول بسمع الرنات دى فى التليفزيون بس عمرى مجه فى بالى الكلام الى قولتيه ده
بس انتى طبعا كلامك صح جدا ومنك نستفيد يا ستى:d
شكرا على التوبيك العظيم ده
Empty Heart 11-09-2008, 05:12 PM أكيد الموضوع في منتهي الاستفزاز
وأنا اصلا بعتبره متخلف جدااااااااا
فجر الإسلام 11-09-2008, 05:22 PM عندك حق الموضوع مستفز جدا
بس احنا شعب تافه وبيدور على التفاهه دايما
فرحه الربيع 11-09-2008, 05:40 PM فعلا دى حاجه وحشه اوى
اولا بيخلصوا فلوسهم على الفاضى
و ثانيا بيثبتوا ان الشباب تفكيره سطحى فعلا و عايز يعمل اى حاجه تلفت الانتباه
حسبى الله و نعم الوكيل
شكرا على الموضوع
Mohamed_AmeesH 11-09-2008, 05:43 PM فعلا عندك حق ف كلامك
وانا عمرى ما حبيت الخدمه دى
ولا هصرف عليها دقيقه
على فكرة انا لما بشوف الاعلانات دى بقفل التليفزيون بجد بتقرف
وبتنرفز جدا انا قولت لنفسى ازاى نوصل للهبل والتخلف دا
يعنى اية يكون جنبى واحد والرنة بتعتة (ابراهيم ياحلوتك ياهيمة )
ونبى دا اسمة كلام ...حاجة مستفزة على رايك جداااااااااااااااااااااا
وبجد فعلا دى حاجه بتستفز
وغيرها من اعلانات متخلفه
واعلانات ميلودى ولا موبينيل والتخلف بتاعها
كلوا ملل الا ماسمعنا عن اعلان يقيدنا بحاجه
ربنا يرحمنا من دى يام وعندك حق مى مش انتى اللى متخلفه دول هما متخلفين
تسلمى ع التوبيك ولسفه ع الاطاله
rose 2010 11-09-2008, 05:46 PM *عتقد ان كل دى تفاهات وكلام فاضى*
earth 11-09-2008, 07:42 PM انا بقعد اضحك
اصل الحاجات دى فى غاية الفكاهه ههههههههههههههههههه
زى مابيقولوا (ابراهيم ياحلوتك ياهيمة )
ههههههههههههههههههههههههههههههههه
لا والله دى مسخرة و نوعا من التخلف
على فكرةانا برده كنت بشوف الاعلانات دى بس مجاش فى بالى البنت تضع الرنة باسم الولد
للدرجة دى الانحدار فى المجتمع
ربنا يهدى
شكره ع التوبيك
Prof.Dr/A.T.M 11-09-2008, 07:48 PM انا عمرى ما انزل رنة باسمى خالص ده انا يبقى شكلى زبالة
بوعدين الفلوس اللى هنزل بيها النغمة دى اللى ملهاش لزمة اتبرع بيهم احسن
الحاجة المستفزة اكتر ان السنة اللى فاتت كان فى نغمات باسم الحلويات وطريقة عملها يا حلاوى يا ولاد هيجوعوا الواحد كل ما موبايلوا يرن
noor_20 11-09-2008, 08:29 PM دودى يا دودى ردى على الرنة تتا تاااا دودى يا دودى مش قادر استنى تتا تاااااااااااا ههههههههههه
تخيلوا واحدة قاعدة مثلا فى المواصلات ورن الموبايل على النغمة دى هتعملوا ايه والنبى وشكرا على المرور
بنت ازهريه 11-09-2008, 08:48 PM هيافه وتفاهه اخر زمن
ربنا يشفى ويصبر كل واحد على مابلاه
تقبل مرورى
السلام عليكم
noor_20 11-09-2008, 09:15 PM شكرا على المرور ويا رب يكون الموضوع عجبكم
|