|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
11-09-2008, 12:27 PM
|
||||
|
||||
رنتك باسم حضرتك.....موضوع مستفز
سيداتى انساتى سادتى السلام عليكم ورحمة الله وبركاته اليكم هذا النبا الهام
لقد انتشر فى الاونه الاخيره فيروس اسمه العلمى (رنتك hwr) اما اسمه المتداول بين الشعب(رنتك باسم حضرتك) و يتلخص هذا الفيروس فى الاتى كل ماعليك هو ان تتصل برقم معين و تدخل اسمك و تختار الاغنيه التى تعجبك و من ثم ينتشر الفيروس كان هذا الموجز والان اليكم الانباء بالتفصيل انا لاحظت فى الفتره الاخيره انتشار اعلان فى جميع وسائل الاعلام عباره عن ان اى حد يتصل بنمرة التليفون اللى منشوره و يدخل اسمه و بعدين يسمع جميع الاغنيات اللى معموله باسمه و بجميع اللغات مصرى او خليجى او صعيدى او حتى هندى لحد هنا الموضوع ممكن يكون مقبول بالنسبه للولد على انه عادى انه حد يعرف اسمه حتى لو مايعرفوش مافيهاش حاجه خالص لكن المشكله ان معظم اللى بيستخد الخدمه دى بنات يعنى لو بنت دخلت اغنيه باسمها و عملتها نغمه لموبايلها فجاه و هى فى وسط ناس او فى مواصلات الموبايل رن طب ماللى حواليها هايعرفوا اسمها و يبدؤا فى التريئه و السخريه منها و بصراحه ( تستاهل كل اللى يجرالها ) بجد حاجه مستفزه جدا يعنى الشباب وصل للدرجه دى من الهيافه و السطحيه انا قريت مره انه الشباب بيصرف على الخدمه دى مللايين كل سنه و ان اللى استخدمها فى الشهور اللى فاتت مش اقل من 3 مليون شخص منهم حوالى 2 مليون بنت انا ليا راى ان اسم البنت مش المفروض ان حد يعرفه غير اهلها و اصحابها و الانسان اللى ارتبطبت بيه ( معلش انا متخلفه شويه ) متخلفة اقصد مش متحضرة محدش يفهم غلط لا و الجديد بقى رنتك باسم اللى تحبه يعنى البنت تدخل رنه باسم حبيبها و الولد يدخل رنه باسم حبيبته( طب ده راجل والنبى ) قولولى انتو بقى رايكم ايه |
|
#2
11-09-2008, 12:58 PM
|
||||
|
||||
أن هالخص رأى فى جملة بسيطة جدا .... نحن أمة ضحكت من جهلها الأمم . اكيد كده المعنى وصل
|
|
#3
11-09-2008, 01:10 PM
|
|||
|
|||
|
جزاكى الله خير
فعلا عندك حق فى كل اللى قولتيه تقبلى تحياتى ثم مرورى lolla |
|
#5
11-09-2008, 01:22 PM
|
||||
|
||||
|
Nothing is complete............
T H A N K S
__________________
من أقوالي:::(أجمل ما في الأحلام...أنها مستحيلة)(لنبدأ حين بدا القدرنقطة تخرج منها غيبوبة ميته إلى الحياة) (كلنا نحلم......ولكن ليس كلنا يعرف كيف يحلم)
|
|
#6
11-09-2008, 01:31 PM
|
||||
|
||||
|
اقتباس:
|
|
#7
11-09-2008, 01:42 PM
|
||||
|
||||
|
والله فعلا حاجه غريبه جدا
بس بجد انا لاحظت ان الناس اما بتشوف بنت ماسكه موبايل وماشيه فى الشارع بتبصلها بطريقه غريبه اوووى فتقوم كمان عامله الرنه باسمها ويسلام بقى لو عملتها بأسم المحروس ووالدها قاعد جمبها والموبايل رن كلنا عارفين طبعا رد الفعل المتوقع ربنا يرحمنا من عنده شكرا على الموضوع
__________________
بدايه جديدة
|
|
#8
11-09-2008, 01:53 PM
|
||||
|
||||
|
والله الضوء الشارد لخص الحكايه
احنا مين اصلا عشان نخاف علي شعور الناس |
|
#9
11-09-2008, 02:17 PM
|
|||
|
|||
|
شكرا علي موضوعك
فعلا الحكاية دي انتشرت اوي في مصر المحروسة اصلنا محترفين في اننا نخلي الناس تضحك علينا
__________________
|
|
#10
11-09-2008, 02:19 PM
|
||||
|
||||
|
هههههههههه
ايه الغريب فى كدا يعنى رنتك بمقاس جزمتك عادى جدا اصل الناس معدتش لاقية رنات تحطها يعنى مثلا لو انا حبيت احط رنة هتبقا يا محمود يامعلم لا بتسال ولا تتكلم  وحاجات كتيرة وعلى راى المثل اللى يعيش ياما يشوف وعلى راى المثل بعتلى رنة بعتله فتح عليا ردحتله ولا عزاء للموبايلات ودمتم فى رعاية الله
__________________
 ......استودعكم الله الذى لاتضيع ودائعه.... ....closed 4 ever
|
|
#11
11-09-2008, 02:24 PM
|
||||
|
||||
|
اصلا السذاجة باينة في الرنات العبيطة اللي معمولة باسامي الناس
تحسي ان الرنة معمولة لطفل صغير مش شاب كبير بجد هي فكرة متخلفة وملهاش لازمة بس احنا اللي بنحب التخلف فلازم تنجح عندنا
__________________
|
|
#12
11-09-2008, 04:53 PM
|
||||
|
||||
|
والله احنا فى دنيا العجائب
دلوقتى بقت فى تقاليع متخلفة وملهاش اى لزمة صحيح والله يعنى ايه البنت تحط رنة باسم خطيبها والله حاجة مستفزة جااااااااااامد شكرا على الموضوع
__________________
 قل موتوا بغيظكم
|
|
#14
11-09-2008, 05:03 PM
|
||||
|
||||
|
بصراحه الاعلان دا اول مابسمعه بحس ان فى فيرس غباء منتشر ومتشعب فى عقل اللى بيتكلم
ربنا يشفى والغباء دا مايكنش بينتشر من الشاشه احنا ناقصين
__________________
|
|
#15
11-09-2008, 05:09 PM
|
||||
|
||||
|
بصراحه انا علطول بسمع الرنات دى فى التليفزيون بس عمرى مجه فى بالى الكلام الى قولتيه ده
بس انتى طبعا كلامك صح جدا ومنك نستفيد يا ستى شكرا على التوبيك العظيم ده |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:51 PM.
