مازلت اتنفس ومازلت على قيد الحياه
ارى ابنائى يقتلوننى امام الطغاه
الا تعرفوننى انا مصر المكرمه من الله
انا ام الدنيا انا روح الحياه
انا ارض الامان التى ذكرت فى القران
انا من استولدت ابطالا احرار
انا التى لن يدمرنى اقوى اعصار
انا التى لم اخضع للحصار
فلماذا انتم اليوم تحيطوننى بالاسوار
تريدون ان تقتلوننى وتمحوا لى كافه الادوار
فلا يا ابنائى لن استسلم لكم
فاسمعونى واضيئوا كافه الانوار
لا تخضعون للكسل والنوم
وتبقون امواتا تحت الغبار
والا سيكون مستقبلكم موحلا
يتحكم فيه الصغار قبل الكبار
وستبكون من كثره الظلم والانحدار
ولن تجدوا من يعينكم على هذا الانهيار
اما انا فساكون قد فارقت الحياه
وانتم الذين اشعلتم فى جسدى النار
بالامبالاه والاستهتارٍ

يارب الموضوع يعجبكم
ومصر باقيه لن تموت بل تحيا ونحن الذاهبون

ومصر باقيه لن تموت بل تحيا ونحن الذاهبون

اكيد طبعا وبأذن الله وحده
مرسى على الموضوع الجميل ده
بس ياريت لو توضحى شويه عن جو الخاطره دى
مستنيه توضيحك
فى رعاية الله

الله على هذه المشاعر الوطنيه والأحاسيس الجياشة

مرسى ياهند على مرورك
والخاطره كلها على لسان مصر
وبتحذرنا من المستقبل ومن اللى احنا
بنعملوا فيها بصراحه احنا مش مدينها
حقها خالص .يارب اكون عرفت اوضح
ولوعيزه توضيح على حته معينه قوليها
وانا اقولك قصدى ايه
وشكرا ليكى ياقمر

شكرا جدا جدا يااستاذ محمد على
على تعليقك وتشجيعك لينا
وشكرا على مرور حضرتك
وجزاك الله خيرا

خاطرة جميلة يا اخت علا

بجد مصر أكبر من البشر اللى بيسيئوا لها فى كل طلعة شمس

و موقف الحكومة شئ و موقف الناس شئ تانى

احنا قلبا و قالبا مع غزة و مع لبنان و ضد أمريكا و ضد إسرائيل

و عشان الحكومات دى مش منتخبة ميصحش انها تعبر عن رأينا و اتجاهنا

و ادى اللى جالنا من سكوتنا و عجبى !!!

والله عند حضرتك حق بس لو العرب يتجمعوا
اكيد لاهيهمنا امريكا ولا اسرائيل ولا اى حد
وربنا يكون فى عون اخونا الفلسطينين
وربنا ينتقم من اليهود الكفره.
وشكرا جدا لتعليق حضرتك ومرورك على الموضوع

مرسى على توضيحك يا لولا
وانا فى انتظار المزيد من اعمالك المميزه
فى رعاية الله

مرسى ليكى يابوبه ياقمر على اهتمامك

ما زلت أتنفس وما زلت على قيد الحياة
أرى أبنائى يقتلوننى أمام الطغاة
ألا تعرفوننى أنا مصر المكرمة من الله
أنا أم الدنيا أنا روح الحياة
أنا أرض الأمان التى ذكرت فى القرآن
أنا من استولدت أبطالاً أحرار
أنا التى لن يدمرنى أقوى إعصار
أنا التى لم أخضع للحصار
فلماذا أنتم اليوم تحيطوننى بالأسوار
تريدون أن تقتلونى وتمحوا لى كافة الأدوار
فلا يا أبنائى لن أستسلم لكم
فاسمعونى واضيئوا كافه الأنوار
لا تخضعوا للكسل والنوم
وتبقوا أمواتا تحت الغبار
وإلا سيكون مستقبلكم موحلاًَ
يتحكم فيه الصغار قبل الكبار
وستبكون من كثرة الظلم والانحدار
ولن تجدوا من يعينكم على هذا الانهيار
أما أنا فسأكون قد فارقت الحياة
وأنتم الذين أشعلتم فى جسدى النار
باللامبالاة والاستهتارٍ
أجدت التحدث بلسان مصر .. تلك الأم العظيمة التي تشكوا حالها وحال من تقلهم أرضها وتظلهم سماؤها .. مصر التي ظلمناها مع أنها .. أرض مباركة .. فيها الخير العميم .. والأمن المستديم .. شكراً أختي الفاضلة على تلك المشاركة الجميلة الصادقة ..

لي تعليق استوقفني في كلمة (استولدت) .. فالأجمل (أنجبت) .. لأن الاستولاد يكون للمرأة العاقر التي لا تلد .. تستولد أخرى وتنسب الابن لنفسها .. أو كما يقولون مثلاً (أطفال الأنابيب) .. فاستخدام الفعل (استولدت) ينفي نسب أبناء مصر إليها .. والأجمل والأدق أن نستخدم (أنجبت) .. تقبلي مروري وتحيتي .. أختي الكريمة ..

شكرا جدا لحضرتك وانا كنت فاكره ان كلمت استولدت زيها زى انجبت
وعلى فكره استاذى مدرس اللغه العربيه قرائها ولم يعلق على كلمه استولدت
ولكن طبعا شكرا لحضرتك لتوضيح الفرق. فنحن سنظل دائما نتعلم ونستفاد من
حضرتك . ونورت الموضوع والله يااستاذ.شكرا لمرورك الكريم

أنا ما زلت أتنفس
شكرا على كل هذه الكلمات والمشاعر الوطنيه

شكرا جدا جدا لحضرتك يااستاذ محمد
وشكرا على اهتمامك بالموضوع
وجزاك الله كل خير

موضوعك جميل اوووى واحساسك رائع وفعلا مصر تحيا واحنا نموت

مرسى ليكى ياهدير ياقمر
وشكرا على مرورك ياجميل

مرسى على توضيح أ\احمد الفرق بين استولدت وانجبت
وعلى رأى لولا احنا دائما بنتعلم من حضرتك
جزاك الله كل خير
وانا فى انتظار المزيد من اعمالك المميزه

اه والله ياهند احنا دايما بنستفيد
من الاستاذ احمد ربنا يخليه لينا وللمنتدى
وشكرا لمرورك ياقمر