بوابة الثانوية العامة المصرية - الى كل اللى عاوز يقوم بمظاهرة ومش فاهم حاجة

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - الى كل اللى عاوز يقوم بمظاهرة ومش فاهم حاجة (https://www.thanwya.com/vb/showthread.php?t=344488)

مش احنا اللى قلنا الامتحان يجى سهل ولا احنا اللى خلينا الطلبه تغش
يعنى هما يا اما يجيبوا امتحان ميتحلش يا اما امتحان لو جبنا واحد من الشارع يحله
هما اللى عملوا كدا يبقى هما اللى يحلوها
وكمان سنة الفراغ
يعنى هندسه زى ما هما بيقولوا بتاخد 20 الف
هل خدت السنه اللى فاتت 20الف
اكيد لا
يبقى العدد اللى فاضل دا يزيد السنه دى
احنا مش عايزين اكتر من كدا
يعنى كفايه اتغير علينا اكتر وزير
وكمان انفلونزا الخنازير والثورة اللى اجلوا المدارس فترة كبيرة
حرام بعد دا كله منحلقش هندسه

دا الحكاية دي بقت لعب عيال انت كدا تخربوا البلد وافرضوا يا عمي نزلوا المجموع مش الكلية هتبقى بوظة وهيبقى التعليم فى الكلية زبالة والطبيب اللي هيطلع منها هيبقى ..... دى وجهة نظرى لهذا الامر

نظام مكتب التنسيق يسمونه "نظام القاضى الأعمى العادل"، ولا يمكن إلغاؤه أو استبداله بأى نظام آخر- على الأقل فى التوقيت الحالى- لأنه يضمن عدالة توزيع الطلاب على الكليات، فلا تتجاهل هذه القاعدة الحقيقة، ولا تستجب للدعوات التى انطلقت تطالب بالتظاهر فى حالة ارتفاع نسبة القبول بكليات القمة "الطب والصيدلة وطب الأسنان والهندسة".

ويتوقع الجميع ارتفاع نسب القبول فى كليات القمة، فمثلا إمكانات كليات الطب فى مصر لا تستوعب أكثر من 7 آلاف طالب، فى حين أن الحاصلين على مجاميع أعلى من 98% يبلغ عددهم 9750 طالبا وطالبة، وهو ما يعنى منطقيا أن طب لن تقل عن هذا المجموع، وتظاهرك فى هذه الحالة تنطبق عليها قاعدة "استخدام حق مشروع فى التظاهر السلمى يراد به باطل"، ونفس الأمر يتكرر فى علمى رياضى التى تستوعب نحو 18 ألفا فقط، وعدد الطلاب الحاصلين على مجموع أكثر من 94% يبلغ 20 ألفا و949 طالبا وطالبة

على فكره يعني الكلام اللي مكتوب في الجمهورية ده ممكن يكون صح بس مش بالنسب اللي قالوها يعني ممكن طب تاخد 7500 بدل 6900 وصيدله 8500 بدل 8068 واسنان 2000 بدل 1600 مش فروق كبيره للدرجه يعني بس كده على الاقل هيبقى العدد الكلي 18000 مش 16000 وبكده اللي جايب من 96 وفوق هيكون ليه مكان في الكليات دي واكيد يعني مش هتنزل الطب ال95% يعني اخرها 97.9 كحد ادنى المهم كده هيبقى التنسيق اتعدل شويه مش دلوقتي اللي جايب 98 مش هيدخل طب واللي جايب 97 مش هيدخل صيدله ولا اسنان واللي جايب 96 خلاص بقى يروح اداب ...........وكده كده اللي عايز يشتغل ويثبت نفسه هيثبت نفسه في اي مكان ومش هيهمه الاعداد يعني ياما دكاتره كتير طلعت ومش لاقيه تاكل دلوقتي علشان هم اخرهم كده خدوا شهاده ومستنيين الوظيفه لكن غيرهم سافر بره مصر وخد الماجستير والدكتوراه من هناك واشتغل علشان تعب مش راضي انه يبقى اسمه دكتور وبس وكل واحد عايز حاجه لو اجتهد وتعب هيوصلها ده اكيد ( ان الله لا يضيع اجر من احسن عملا )