الى كل اللى عاوز يقوم بمظاهرة ومش فاهم حاجة

[atef18]

الامتحانات كانت سهلة ودا المتوقع من التنسيق

هما مش بيرفعوا الكليات بمزاجهم انتوا اللى بترفعوا التنسيق بمجموعكم....!!!!

مش كل حاجة نقول عايزين نعمل مظاهرة...!!!!!!!!

كل سنة بيحصل نفس الموضوع طلبة بيقى مجاميعهم تحت الطب او الهندسة عطوووول وما بيدخلوها.....!!!

لازم نقول الحمد لله

[sosolover]

بس معلش تفرق ان الامتحان يبقى سهل بس . والامتحان سهل وفيه غششششششششششش كتييير كدا المجاميع رفعت اوى اوى كمان طب ماهى السنين اللى فاتت كانت امتحاناتهم سهلة هم كمان اصعب سنة فيهم كانت 2008 وماكانتش صعبة للدرجة يعنى بس اللى جاب 97 دخل طب انما انا جايبة 98.5 ومادخلش طب ليييييييييييه يعنى كدا

[! Smile]

كلامك صح يا عاطف


طب ما كل سنة فيه غش !!
وبرده فيه ناس مغشتش علي فكرة

[atef18]

المشاركة الأصلية كتبت بواسطة sosolover

بس معلش تفرق ان الامتحان يبقى سهل بس . والامتحان سهل وفيه غششششششششششش كتييير كدا المجاميع رفعت اوى اوى كمان طب ماهى السنين اللى فاتت كانت امتحاناتهم سهلة هم كمان اصعب سنة فيهم كانت 2008 وماكانتش صعبة للدرجة يعنى بس اللى جاب 97 دخل طب انما انا جايبة 98.5 ومادخلش طب ليييييييييييه يعنى كدا

حضرتك مش مل الى جايب مجاميع عالية مش غاشين وبعدين كل سنة وفى غش ومين قال انك مش هتخش انا جايب زيك بالضبط بس انا رياضة وبعدين فى ناس بدأت تعمل تدعو لعمل مظاهرات من غير ما التنسيق اساسا ينزل كل اللى بيتقال دلوقتى هجايص والجمهورية دى ماتخشش فى زمتى ب3 مليم محدش يصدق اى كلالالالالالالالالالالالالام عن التنسيق الا الاسبوع الجاى بعد ما المرحلة الاولى ما تخلص

[atef18]

ياجماعه الاعتصام مش هيجيب فايده .......... المشكله الحق معهم ومحدش ليه مبررات


ياترى لو طلعنا هنقول ايه ...... عايزين كل الطلاب يدخلوا طب وهندسه وصيدله ولا ايه

ياجماعه الكليات ليها اعداد معينه مش هتاخد اكتر منها لو عملنا ايه

[! Smile]

شكلهم هيزودوا الاعداد في كليات القمة و في الاخر نتخرج و نقعد في البيت من غير شغل !!
كده بقي كويس ؟؟؟ ولا ممكن يعملوا مظاهرات ساعتها عشان يشتغلوا !!

[atef18]

المشاركة الأصلية كتبت بواسطة ! Smile

شكلهم هيزودوا الاعداد في كليات القمة و في الاخر نتخرج و نقعد في البيت من غير شغل !!
كده بقي كويس ؟؟؟ ولا ممكن يعملوا مظاهرات ساعتها عشان يشتغلوا !!

عندك حق ةاللة وفى ناس مش عارفة كدة خوصا انا البلد تسير نحو المجهول ومحدش عارف البلد دى رايحة على فين واللى بيعملو مظاهرات دول مش فاهمين حاجةةةةةةة خالص

[atef18]

انتوا بتصدقوا الجمهورية اللي قال ان الطب هايبقا من 95 ايام الامتحانات ههههههههه
صعب جدا جدا ان اعداد المقبولين ف الكلية تزيد لانهم و اخدين حكم محكمه انهم كل سنة يقللوا الاعداد لحد ما يوصلوا ل 3500 طالب
و انا اخويا ف كلية طب جامعة قناة السويس و بيقولي كل سنة بيقلوا و هيفضلوا يقللوا و ملهمش دعوة بالسنة الفراغ هما ليهم انهم يقللوا العدد و كل سنة بياخد 5000 و هو زودها عشان الثورة و سنة الفراغ و الكلام ده ل 6700 ماتجيش تقولي بقا انك هتبقا 14.000 كل الكليات انا مش بتكلم علي التعليم انا بتكلم علي المبدأ عمرها حتي ما هتوصل للرقم ده ياعني هتزيد اكتر من الضعف اه ممكن يزود ممكن توصل ل 7600 اه ممكن اصدق بس واضح ان الي مفبرك الخبر مفركش و هو بيفبركه و علي فكره انا علمي علوم و جايب 96 و عاااادي مش منفسن و بقول الكلام ده لان ده الواقع اللي مش قدرين نقبله انا عارف ان السنة دي ناس كتير اتظلمت و حرام واحد جايب 97 ميخشش طب بس انا عايزكم تبوصوا علي تنسيق 2007 ياتري اللي كانوا ف تنسيق 2007 اتظلموا اكيد برضوا فيهم ناس اتظلمت لان تنسيق 2007 اعلي من تنسيق 2009 و ممكن ف 2009 تكون ناس اتظلمت كل سنة ناس بتتظلم و اكيد الناس ديه ربنا مش بيضيع تعابها طالما اجتهدت ربنا مش هيضيع تعبك انا مثلا جايب المجموع ده و مقدم علي كلية خاصة اي نعم و انا بقدم و الله كنت بتألم بس خلاص ده نصيبي هاعمل ايه انا اجتهدت و ربنا مش هيضيع مجهودي و كان فيه ناس قدامي بتغش و انا مرضتش اغش و اخد حاجة مش من حقي و الاختلاف ف الراي لا يفسد ف الود قضية ديه و جهة نظري لو مش موافقني او موافقني لازم تحترمها و انا لازم احترم وجهة نظرك و ياريت مانجريش ورا كلام الجرايد و خلاص لان الناس ديه مش بتهمها غير نفسها مش بيهمها اعصاب الناس بيهمها انها تبيع و خلاص و علي فكرة الخبر ده ف الجمهورية بس و ياريت ماتصدقهوش لانه اتفضح جدا السنة دي من اول المراجعات الي كان منزلها ف الجرايد .




دا راى واحد من المنتدى

[ArabianPDA]

والله يا اخ عاطف
اي حد عايز يعمل مظاهره دا ولا ف دماغه نقطه فهم

فاكر ان الحد الادني بيتحط بالبركه

ده حسب مجاميع الطلاب واختيارات الطلاب
مجاميعنا عليت لاننا امتحانات سهله و عباقره
"لان تانيه مكانش فيه غش"
خلااااااااااص حظك انك جيت ف الدفعه دي

[atef18]

صح وفى ناس فاكرة ان التنسيق بيتحط على مزاج الناس الى فى المجلس الاعلى للجامعات

[MS Nada]

انت بتقول كده عشان معدي وواثق من كليتك حرااااااااااااااااااااااااام عليكو حط نفسك مكانه احنا مش ذنبنا ان الامتحانات جت سهله وانا في ناس غشت من الكتب .,
انا متاكده انك لو حطيت نفسك مكانه ماكنتش هتقول ربع كده
انا جايبه فوق 93% رياضه ادخل بقى اداب ولا تجاره مع التمنينات

[ArabianPDA]

المشاركة الأصلية كتبت بواسطة ms nada

انت بتقول كده عشان معدي وواثق من كليتك حرااااااااااااااااااااااااام عليكو حط نفسك مكانه احنا مش ذنبنا ان الامتحانات جت سهله وانا في ناس غشت من الكتب .,

طيب السنادي سهله
السنه الي فاتت كانت نار
دي بتعادل دي

[MS Nada]

المشاركة الأصلية كتبت بواسطة ArabianPDA

طيب السنادي سهله

السنه الي فاتت كانت نار
دي بتعادل دي

طيب والغش ايه اللي يعادله ؟؟؟؟؟؟؟؟؟؟؟؟؟؟؟؟؟؟؟؟؟؟

اقرا ده على لسان مدرس

ابنتى / ابنى أولا مبروك النجاح
انا وللأسف كنت مراقب دور فى عمر أبيك وهذا ما حدث معنا والحكم لكم جميعا
انا رافض للغش ولا ابرره ولكن من اول يوم فى الامتحان وجدتا كم سفالة وقلة ادب من الطلبة لايوصف وفى قلب القاهرة وتعمد استفزاز وتحرش بالمعلمين بدعوى ان البلد سايبة ومفيش امن واللى عايز يعمل حاجة يعملها والتهديد صريح للملاحظين وأقسم بالله اننى اخرجت من طالب( كتر )بمنتهى الذوق ووافق على ان يعطيه له بعد ان وعدته اننى سأعطيه له فى نهاية اللجنة فهل تقبلى يابنتى او ابنى ان يضربنى طالب فاشل وانا فى هذه السن ؟ هل سيتحرك احد لو ضربت بمطواة وربما لااملك مصاريف علاجى ؟ ألن يتهمنا هذا الطالب الفاشل بأننا اثرنا اعصابه ؟ للأسف كان الغش بالاكراه كمن يختطف فتاة ويغتصبها بالقوة ومن يومها وانا يائس جدا لحال الطلبة وحال البلد ربنا يصلح الأحوال من عنده لأننى فقدت الثقة.... لاثورة ......ولابلطجة !!!!!!!!!!

الموضوع اهو

http://www.thanwya.com/vb/showthread.php?t=343582

[mohamed yhia]

قرر الآلاف من أوائل الثانوية العامة تنظيم مظاهرة حاشدة غداً أمام مقر وزارة التعليم العالى احتجاجاً على ارتفاع درجات القبول بكليات القمة وذلك بعد أن كشفت المؤشرات الأولية للتنسيق عن أن الحد الأدنى للقبول بالجامعات سيرتفع بشكل غير مسبوق .


التوقعات تصل لدرجة أن كليات الطب ستقبل حد أدني 98,5% ، و 97,5% للصيدلة والأسنان، و 96,7% للعلاج الطبيعى، و94% لكليات الهندسة، و93,5% للحاسبات والمعلومات، و95% للاقتصاد والعلوم السياسية، و 94% للإعلام .


كانت هذه المؤشرات صادمة لطلاب الثانوية العامة المتفوقين خاصة الحاصلين على مجموع 98% حيث لن يتحقق حلمهم بدخول كلية الطب لهذا قرروا الاعتصام والتظاهر غدا أمام مبنى الوزارة كما صمموا صفحة على الفيس بوك تحت عنوان "ثورة طلاب الثانوية العامة" وسرعان ما ضمت هذه الصفحة أكثر من 4000طالب وهو رقم كبير بالقياس إلى حجم الدرجات الحاصلين عليها..

(احلامنا مش هضيع قدمنا)

احنا نازلين وانتا كمان لازم تنزل


يا طالب فوق التنسيق هيدخلنا كلنا حقوق
ع الوزارة معتصمين طلاب مظلومين
واحد أتنين طلبة ثانوي فين
و علي و علي وعلي الصوت أخرنا مع التنسيق الموت
...
معادنا امام جامعة القاهرة الساعة 9 غدا

[tweetaya]

فعلا انهم ينزلوا التنسيق دة غلط اصلا ..وكل دة عشان ناس غشت؟!
يعنى نعالج غلط بغلط تانى؟

لو عاوزين تعملوا اعتصام ..اعملوا اعتصام عشان التظلم يتعمل صح وكل واحد شايف نفسه مظلوم يروح يصحح المادة المظلوم فيها ..ولو مظلوم هياخد حقه ويدخل الكلية اللى عاوزها من غير ما التنسيق ينزل ..