ادارة الازهر ظلمتنا جميعا فى كل شئ

المعلمين لم يحصلوا على الحقوق التى حصل عليها معلمو التربية والتعليم

وكذلك الطلاب والمعاهد الأزهرية نفسها لا يوجد أدنى مقارنة بينها وبين المدارس

الأزهر كمؤسسة عريقة ورائعة لها الفضل على الجميع

أما الادارة الفاشلة فقد أضاعت كل شئ

فقط كل هدفها الانقضاض على المغانم والأموال دون الاهتمام بأى شئ آخر

اخى الغالى أ / مصطفى محمود كما ذكرت الموضوع قرأته فى جريدة المساء امس فى الصفحه الاولى
اخى الغالى أ/ عوض وفيلسوف المنتدى كوماندا
واضح من الكلام انه لايوجد حل ولايوجد امل تعالوا نجلس سويا فى اى مكان تختاروه نبكى ونندب حظنا
ونظل فى نفس الدائرة الفساد والمحسوبية والرشوة والذمم الفاسدة ........ الخ
بهذه الطريقة سوف يتم حل جميع المشاكل
وفقكم الله

عارف ايه سبب اختلاف وجهات النظر بيننا يا استاذ سعيد؟
ان حضرتك بتفعل ما يمليه عليه ضميرك فى معهدك وبتحاول دايما ترتقى بيه
وربنا كرمك بزملاء افاضل بيساعدوك على تنفيذ خطط فى الاتجاه ده
عشان كده بتشعر بالرضا وشايف الصورة ايجابية الى حد ما
ــــــــــــــــــــــــــــــــــــــــــــــــــ ــــــــــــــــــــــ
بينما الفريق الاخر اللى غير راضى وشايف انه مفيش فايدة
مشكلته انه بيبص على الصورة من منظار اوسع واشمل واعم
وعايز المؤسسة دى تكون فى افضل صورة لانها تستحق افضل مكانة
وفى نفس الوقت مش لاقى دليل واحد او اشارة تدى امل فى مستقبل افضل
عشان كده تلاقيه بيستحضر دايما مقولة الزعيم الخالد سعد زغلول فى كل وقت
ــــــــــــــــــــــــــــــــــــــــــــــــــ ــــــــــــــــــــــ
نظام حسنى مبارك نفسه كان فى ناس شايفه ان له مميزات
فى حين ان معظم الشعب مكانش شايف فيه غير الذل والقهر والفساد
ــــــــــــــــــــــــــــــــــــــــــــــــــ ــــــــــــــــــــــ
فى النهاية الفساد موجود فى كل مكان حتى فى اكثر الدول تقدما والدنيا بتمشى
لكن ساعات بيوصل لدرجة لا يمكن التعايش معاه
وساعتها لازم يكون فى وقفة قوية لاعادة تنظيم الامور
او حتى ثورة تجيب عاليها واطيها ونبدا من جديد على نضافة واسس صحيحة

فعلا انت قلت الحقيقة بدون أى رتوش
انا بطبعى بحاول ان اضع نقطه مياه فى الكوب الفارغ ولذلك دائما تجد الله يساعدنى
وامدنى بزملاء غايه فى الاتقان والجهد شباب تعاقد سابقا مثبتين حاليا وجدونى
اقل واحد فيهم لم يشعروا يوما ما اننى انا ناظر وهم مدرسين بل وجدونى اخ واب
وصديق لكل منهم اعرفهم واعرف عائلتهم واحل لهم مشاكلهم الخاصه والعامه
وبطبيعه الحال اخلصوا فى عملهم
طبعا لا أخفى عليك هناك نقطه اساسيه فى هذا الموضوع ان مدرس القاهرة له عمله الخاص
الذى يكفيه الى حد ما على متطلبات الحياه ومن هنا مرتب الازهر ليس الاساسى
حتى موضوع التثبيت كان بالنسبه لهم تحصيل حاصل وحتى الان لم يصل الى معهدى اى منشور
على التثبيت وهم لم يسألونى حتى ماذا حصل فى هذا الموضوع
عكس بعض المحافظات الاخرى الذى يكون المدرس ليس له عمل غير التدريس وطبعا يشعر بالاحباط
من متطلبات الحياه ومن هنا يصب غضبه على عمله الذى لايكفل له العيشه الكريمة
واذا كان سعد زغلول قال مفيش فايده مصطفى كامل قال لا ياس مع الحياه ولاحياه مع الياس

الاخ اللى بيقول مدرس الازهر بيشعر بالدونية وبيقارن بينه وبين التربية والتعليم......................زالخ ما قاله
يا ريت كل واحد يتكلم عن نفسه ، انا بحمد الله ازهرى وافتخر بهذا ، وليس معنى ان الازهر فيه عيوب اننا نكرهه ونشعر بالدونية والامراض النفسية ، بالعكس اصحابى فى التربية والتعليم هما اللى بيغيروا مننا وحاسين اننا احسن منهم واهم منهم واقوى منهم فى العلوم الشرعية والعربية ولما واحد منهم بيتزنق فى معضلة لغوية يجرى عليا على طول ولما باخطب يحب يسمعونى للغتى السليمة وارتفاع مستواى ، وكثير منهم فعلا يتمنى يشتغل فى الازهر وسالونى يعملوا ايه عشان يتنقلوا عندنا
بس الواحد مش هايصلح الكون لوحده لازم كل واحد يراعى ربنا فى شغله ، نقطة اخيرة وما حدش يزعل منى من اهم اسباب تخلف الازهر حاليا هى غير الازهريين اللى دخلوا الازهر من المعاهد المنضمة وغيرها وما عندهمش غيرة على الازهر ولا حب ولا انتماء للازهر
والتربية والتعليم فيها بلاوى والاوقاف والصحة والشرطة والجيش هى فيه حتة فى مصر سليمة ده الفساد فى كل مكان وربنا يستر

انا (الاخ) اللى حضرتك بتتكلم عنه، وكلامى لا ينطبق على الجميع بنسبة 100% وانما هذا شعور عام لدى معظم معلمى الازهر بانهم اقل من مدرسى التربية والتعليم، والقسم ملئ بدعوات المساواة بمعلمى التربية والتعليم فى كل شئ فقط عليك القاء نظرة سريعة وستفهم كل شئ،
الموضوع مش محتاج مزايدة