ميرسى ليكى يا هنا و ربنا يسهل ان شاء الله فى موضوع الاستقالة لأنى بجد اللى جوايا صعب يطلع كلام

اللى جوايا مات

كل حاجة حلوة فى حياتى و مش بس كدة ........ دى كل حياتى كانت هى

ربنا يسعدها و يكتب لها الخير طالما هيا قررت الفراق و ضحت بكل لحظة و كل ذكرى و كل تضحية كانت باخلاص ليها و ليها لوحدها و طول عمرى كنت بحبها و لسه بحبها و هفضل احبها طول عمرى و مش هشوف غيرها
حتى لو اتجوزت و خلفت مش هحب و لا هخلص و لا هضحى عشان حد زى ما عملت كل ده عشانها

أحب دى صعبة شوية و قريب دى أصعب و أصعب

عارف انى فى يوم من الايام هحب
بس عمرى ما هدى فى حبى للانسانة دى اد ما اديت
عمرى ما هعتبرها زى اللى خسرتها و لا هفكر فيها زيها و هضحى و هوفى ليها زى ما كنت

و عمرى برده ما هنسى ان بعد سنة و نص من الذكريات الحلوة و اللحظات اللى لا يمكن تتنسى
و بعد التضحيات و الاحاسيس و الوفاء و التفكير و شدة الاعصاب و بعد كل ده طلعت خاين !!!!!!!!!!!
و هى نهت العلاقة عشان شــــك ! مجرد شك !!!!!

ميرسى لمتابعتك و اهتمامك بالتوبيك يا هنا

هذان البيتان من اروع ما قرات في حياتي

ميرسى يا أستاذ زيزو على ذوقك و وقوفك جوارى و مساندتك لى

و للأمانة هذان البيتان من قصيدة " شكرا " للشاعر أسعد الغريرى و غناها كاظم الساهر

و انا كتبتهم لأنهم خير واصف لحالتى وقتها

أشكرك مرة أخرى

تصدق يا بندق .. أنا عمال اقلب في الصفحتين بتوعك دول أدور على مشاركتي مش مصدق إني مردتش عليها .. ازاي الكلام دا يحصل .. دا أنا ضيعت من نفسي كم هائل من الطاقة الشعرية الإبداعية ..

بندق أكيد انت دلوقتي سحبت استقالتك من عالم الشعر .. شوف يا بندق .. لولا الشعر اللي انت عاوز تستقيل منه دا .. مكناش اتعرفنا بيك ولا عرفتنا .. ومكنتش هتقدر تطلع اللي جواك ..

يا بندق يا أخويا فيه ناس بيحسدوا الشعرا أنهم بيقدروا يقولوا .. فيه ناس مبتقدرش تقول .. والنتيجة بعيد عنك وعن السامعين .. أكيد مستشفى المجانين ..

تقبل تحيتي .. ومروري .. وصداقتي ..

بجد والله يا جماعة .. الواحد بيعتبر المنتدى دا بيته الحقيقي .. شدني بشكل غريب .. أنا اشتركت في العديد من المنتديات .. محستش بجو الأسرة بجد زي ما حسيت بيه بين أحلى صحبة وأحلى عالم في بوابة الثانوية العامة .. ربنا يوفق الجميع .. أحبكم كلكم في الله .. وشكراً لكل من يحاول أن يترك ولو بصمة صادقة في قلوبنا وعقولنا ..