|
انا معاك يا asdat اننا لازم نحترم بعض لازم نتاكد من مصادر معلوماتنا لازم نحل مشاكلنا مع بعض انا مش هكلمكم بمنطق انى اكبر منكم او كده لا انا بكلمكم انى واحدة منكم بحب المنتدى جدا بعتبره بيتى بجد انا لما اكون خارج البيت وارجع افتح الجهاز علشان اطمن على المنتدى لو لقيت النت فاصل اضايق جدا نفسى ننسى خلافاتنا نفسى نكون اخوة بجد نخاف على بعض نتأثر علشان بعض تعالوا نتفق مع بعض على حاجة : اننا نواجه لا نستسلم نحل المشاكل بينا ونساعد فى حلها مع غيرنا انا فى يوم لما تعبت من القسم الفرنسى وانتم اكيد قراتو الموضوع ده واعلنت استسلامى وكنت اريد ان اغادر بعدها قعدت مع نفسى لقيت لو كل واحد فينا استسلم واعلن فشله مين هيكون هنا مين هيتحمل المسئولية مين هيرتفع بالمنتدى الادارة كتير عليها جدا والله مش دفاعا عن الادارة لكن بجد انتم متعرفوش الادارة متحملة قد ايه كفاية ان استاذ عصام واستاذ حسام بيعتبرو كل بنت هنا بنتهم بيخافو عليها بيحاولو يحموها متظلموش الادارة وتقولوا ان فيه الفاظ الادارة بتعديها شوفوا انا عايزة ارفع معاكم شعار : لا للاستسلام لا لترك المنتدى ليتدمر او يسقط عن مستواه نعم لوقوفنا بجانب بعض نعم لمواجهة اى حد هدفه انه يفرق الاعضاء او يشتتهم من اى تيار بيمر علينا فى المنتدى كلنا مشرف من مكانه نصحح كل ما نجد من اخطاء ونساعد الادارة حتى نرتقى معا هل توافقووووووووووووووووووون |
بصي يا ولاء متهيألي انتي شفتي اعتذاري في الموضوع اللي حصلت فيه مشكله مع اخ ليا هنا وانا ماكتفتش بكده خدت الاعتذار وبعتته في رساله خاصه ليه عشان لو مش بيدخل الموضوع معنديش مانع اني اعتذر تاني وتالت والف مره مع اني اعتذرت لكل الناس بدل المره الف انا اسفه انا اسفه انا اسفه وانا مش همشي انا قاعده معاكم لان لو انا حصلتلي مشكله ومشيت وغيري حصلتله مشكله ومشي يبقي عمر منتدي الثانويه ما هيتقدم وساعتها محدش ليه الحق انه ينتقد لانه ن غير قصد شارك في وصوله للحاله دي ع العموم يا ولاء انا اسفه ليكي اذا كنت زعلتك واسفه لدكتور سعيد ( عدوا انتو المره الكام اللي اقول اسفه ) اذا كنت زعلته واسفه لكل واحد في المنتدي زعلته بقصد او من غير قصد متهيألي كده انا عملت اللي عليا يعني لو حصل حاجه بعد كده يبقي انا زي ما بيقولوا عداني العيب وموضوع القصر انا هكمله هو صحيح اتلغي تثبيته لانعدام التفاعل بعد مانا سبته بس ان شاء الله هيرجع شكرا ليكي يا قلبي ع الموضوع ربنا يخليكي لينا بمواضيعك التحفه دي واتمنالكم حياه سعيده في منتدي الثانويه |
اولا احب اقولك شكرا جزيلا على الرد الجميل
المهم اغلب الناس خلاص قررت احنا اللى عايزينه حاجه تجمعنا تانى موضوع يلمنا و انا ان شاء الله ححط حاجه فى قسم الاقتراحات بس مستنيه موافقه الاداره الاول و كمان نفسى اعمل موضوع فى الركن العام يضم المبادئ الاساسيه اللى ان شاء الله حنحاول ننفذها بس خايفه ميكنش فيه تفاعل قوى المهم حرتب الامور و اللى فيه الخير يقدمه ربنا فى رعايه الله |
كلامك جميل جدا يا مس جنة
قليل جدا اللى يقدر يحس الكلام ده لاننا كل يوم فى مشاكل وخلافات طول الوقت ولا الخلافات بتتحل ولا المشاكل بتخلص اقتباس:
ونا موافق على الشعار بس ياريت متبقاش مجرد شعارات عايزين تطبيق عملى وفى الاول وفى الاخر كلنا اخوة فى الله ربنا يهدينا جميعا |
اقتباس:
ولا اسف ولا حاجة كل واحد خلاص عمل الى عليه وربنا يوفق المنتدى لانه مش هايسقط ابدا لانه فى الاول وفى الاخر منتدى تعليمى والمدرسين كلهم متواجدين وكل السنة هايتواجد عدد كبير من الطلاب |
طب ايه رايك يا محمود
اجعله تطبيق حالا وليس شعارات هعمل موضوع فى القسم العام ينادى بهذا ونكون كلنا ايد واحده ايه رايك |
اقتباس:
بأذن الله الموضوع الى هاعمله هاحط فيه الحل كاملا بأذن الله وهاسكون عملى كاملا ربنا ييسر |
اقتباس:
يسعدنى ان تتدخل برايك وان نتدخل جميعا باراءنا فى الرد على بعض مش هو ده هدفنا المناقشة الهادفة ولا ايه ؟ |
اقتباس:
وياريت نوصل مع بعضنا لحل يرضى جميع الاطراف ونا حالا هدخل على الموضوع ربنا يهدينا ودمتم |
اقتباس:
كل يوم بيزيد احترامي الشديد ليك تحياتي وانا معاك |
ياه ه ه ه
قد ايه انا سعيده و انا بكتب الرد ده اخيرا الحمد لله شموخ و سندريلا و دكتور سعيد قاعدين ماعنا وعلى قلبنا المهم انا نفسى بجد لحركه اللى فى المنتدى دى تستمر و متهداش و تزهق بعد فتره يعنى موضوع دكتور عيد مفتوح و كل الناس اللى قالت عايزه اعمل حاجه تقول ونحاول كلنا ننفذها ماشى فى رعايه الله |
| جميع الأوقات بتوقيت GMT +2. الساعة الآن 08:28 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.