بوابة الثانوية العامة المصرية - السؤال الازلى هندسة القاهرة ولا عين شمس؟؟؟

بوابة الثانوية العامة المصرية (https://www.thanwya.com/vb/index.php)

- كليات المجموعة الرياضية (https://www.thanwya.com/vb/forumdisplay.php?f=1688)

- - السؤال الازلى هندسة القاهرة ولا عين شمس؟؟؟ (https://www.thanwya.com/vb/showthread.php?t=139211)

Physics for Scientists and Engineers - Serway-Beichner
http://ec1.images-amazon.com/images/...CLZZZZZZZ_.jpg

هو ده شكله جامد بس انا عايزه اعرف انا هدخل كده مش عارفه اى حاجه فى اى حاجه ايا كانت الجامعه بقه بس اكيد لازم يكون عندى فكرة صح؟
وحاليا انا بدور بس ابدا بايه وايه اهم حاجه لازم اكون عارفاها....؟

اللي انتي جايباها دي نسخة قديمة منه
اللي اخنا بندرسها الطبعة السابعة

الفكرة بقي في موضوع العربي ان احنا بناخد محتوي الكتاب بالعربي و زي مقولتلك ده ما بيمثلش أي مشاكل

ياااااااااااه انا هيبقى ليا تعليق كبير اوى :d
بسم الله توكلت على الله :d

اقتباس:

المشاركة الأصلية كتبت بواسطة a.moniem (المشاركة 1474609)

و لا يهمك سؤالين تلاتة لو تحبي
أولا بالنسبة لموضوع الشغل مفيش حاجة اسمها الأولوية للمهندس خريج جامعة عين شمس لأن دي
مجرد اشاعة انتشرت في البلد الغريبة اللي احنا عايشين فيها دي
انت متأكد من الكلام ده ؟
اصل اللى اعرفه من مهندسين بنفسهم وبيشتغلوا فى شركات كبيره انه لو فى وظيفة معينة ومحتاجين فيها مهندس بياخدوا بتاع عين شمس
غريبه .... الدنيا بقى بتتغير من يوم للتانى :d
وفي سبب أهم وهو من الواقع اللي احنا عايشنه أنه ببساطة مفيش مهندس متخرج من القاهرة أو عين شمس أو اسكندرية ما بيشتغلش
بالظبط كله بيشتغل وده اللى احنا بنقوله وانا معاك فى النقطة دى
وبعدين في
حاجة مش ناس كتير تعرفها هي ان السمعة الدولية لهندسة القاهرة أحسن من أي هندسة تانية في مصر
و الدليل علي كدة ان اليابان و دول أوروبا و أمريكا بيفضلو مهندس القاهرة علي أي مهندس تاني من أي جامعة
تانية في مصر وده برضه بيرجع الي ان هندسة القاهرة أقدم هندسة من سنة 1816
طيب وبالنسبة للدول العربية ؟؟؟
وبالنسبة لو خريج عين شمس راح هناك واخد السنة المعادلة هناك دى ؟؟
كلها اسألة بتطرح نفسها :d
اكبر فرص عمل ليك فى مصر وبعد كده البلاد العربية بعد كده تبدء تفكر فى امريكا وغيره ;)

ثانيا : أنا قولت قبل كدة ان خالي دكتور في هندسة عين شمس فأكيد لو كانت هندسة عين شمس أحسن أنا كنت دخلتها علي الأقل كنت هتظبط ولا ايه وبعدين خالي مقاليش ان الأولوية لعين شمس وفي حجة تانية تدل
اسم خال حضرتك ايه ؟ (عشان يظبطنى انا بس ) :d
ان القاهرة أحسن هي ان عدد المقبولين في هندسة القاهرة أقل من عدد القبولين في هندسة عين شمس
لا ترجملى الحته دى :d

ثالثا : بالنسبة لموضوع الشخ زايد فهو سنة واحدة هي اعدادي بس وكمان في باصات للكلية بتودي لحد باب الكلية في زايد ده غير ان الحياة في زايد حامدة اخر حاجة وكمان هتبقي ليكو ذكريات جامدة جدا هناك وجميلة
أوي وأوعدك أنك هيبقي نفسك تعيطي في اخر يوم هناك

اول سنه ليك فى اول كلية كده :p
(لازم احبطه ) :d

اقتباس:

المشاركة الأصلية كتبت بواسطة a.moniem (المشاركة 1474640)

في حاجة تانية تبين ان القاهرة أحسن
في عين شمس
قسم كهربا بيبقي التخصص فيه باور أو اتصالات أو حاسبات من سنة تالتة
لكن في القاهرة من أول سنة أولي بيبقي اما 4 سنين باور أو 4 سنين حاسبات أو 4 سنين الكترونيات واتصالات
برضه في القاهرة بيبقي اتصالات والكترونيات لكن في عين شمس اتصالات بس ومن سنة تالتة

اشد حاجه اما تبقى مهندس
جينيرال
لان ماينفعش تبقى مهندس متخصص مثلا فى اتصالات وبس
وتيجى عشان تشتغل يقولك الحاجه دى بايظه وفى مجال كهربا يا بشمهندس تقوله لا معلش انا مش حاسبات :d

اقتباس:

المشاركة الأصلية كتبت بواسطة a.moniem (المشاركة 1474791)

ثواني بعدل رغباتي عشان القسم اللي أنا عوزه هغيره وأرجعلك

لا خد وقتك براحتك :d

اقتباس:

المشاركة الأصلية كتبت بواسطة a.moniem (المشاركة 1474890)

i am back again

welcome back :d

اقتباس:

المشاركة الأصلية كتبت بواسطة a.moniem (المشاركة 1474932)

1موضوع ان اعدادي عربي مش هيأثر علي أي حاجة بعد كدة لأن ببساطة ملهاش أي علاقة بالدراسات اللي بعد كدة غير في قسم ميكانيكا ومدني غير كدة أثناء الدراسة بتبقي عارفة كل حاجة بالعربي و بالأنجلش و الدكاترة بيحرصوا علي كدة وبعدين الموضوع ما بيمثلش أي مشاكل

2أنا قولت أن مفيش مهندس من القاهرة أو عين شمس أو اسكندرية ما بيشتغلش والتلاتة والله العظيم فرصهم متكافئة بس اللي عايز يسافر بعد كدة القاهرة أحسن بكتير

3 مين اللي قالك ان المناهج في القاهرة سهلة علي فكرة بقي مناهج الرياضة والميكانيكا والفيزياء الكهربية بتاعتنا أقوي من أي جامعة تانية و أنا بنفسي شوفت مناهج عين شمس و حلوان وعملت المقارنة دي
وبالذات منهج الرياضة بتاع القاهرة أقوي من أي هندسة تانية

4 أكيد هستناكي كزميلة أو ضيفة ان شاء الله بس باذن الله زميلة و لو معاد تقديمك في القاهرة فات
ممكن تروحي بكرة شؤون الطلبة هناك و هما هيخلصولك الموضوع و لو احتجتي أي حاجة في الكلية
ممكن تسأليني و هجاوبك

و برضه أي كم من الأسئلة ممكن أجاوبك عليه هههههههههه
و ربنا معاكي

انت متأكد من موضوع الرياضه والفيزيا؟؟
يعنى سيبك ماشى الميكانيكا عندنا هى المادة الوحيدة اللى سهلة فعلا عشان الدكاترة بيدونا الزتونة فيها
وسيبك من الرياضه كمان انا هعدهالك :d
انما تيجى لحد الفيزيا ؟؟؟؟
ياراااجل ياطيب :d
مش عارف ارد عليك اقولك ايه ولا بى ولا سى :d
ده السنه اللى فاتت عدد المدبلرين 700 تقريبا واحد بس فيهم اللى مادبلرش فيزيا :d
وعدد اللى شايلين فيزيا من اللى عدوا اعتقد كان 500 تقريبا
ده من مجموع 2500 تقريبا :d
يعنى انا مش عارف اقولك ايه :d
انا كده مش هرد عليك تانى انت عصبتنى بكلمة فيزيا دى :d

اقتباس:

المشاركة الأصلية كتبت بواسطة a.moniem (المشاركة 1475014)

كمان في حاجة نسيت أقولك عليها
احنا منهج الفيزياء بتاعنا بتاع اعدادي كان
physics for scientists and engineers
بتاع
serway/jwett

مش هرد تانى :d

بص يامنعم انت ليه بتقول ان القاهرة معتمدة؟؟؟
ماعشان هما بيستخدموا الكتب دى
وكمان فى عدد ساعات معتمدة
بس عشان كده هى معتمدة مش اكتر

بصراحه يا كيمو احيييييك على ان ربنا يعينك على كل ده رغى
المهم دلوقتى واحده زى حالاتى تعمل ايه وكل واحد عمال يطلع بكليته السما ................؟

اقتباس:

المشاركة الأصلية كتبت بواسطة eng_dero (المشاركة 1475811)

بصى يا هدير ريحى دماغك وصلى صلاه استخاره وربنا يوفقك
وبعدين انتى لسه بتفكرى عين شمس ولا القاهره
الناس خلاص قدمت
واريحلك ادخلى الاقرب لبيتك
وانا شايفه ان عين شمس افضل
ده طبعا لانى داخله عين شمس وكل واحد لازم يتكلم عن كليته كويس

والله يا سومه انا المفروض ان ميعاد تقديمى كان النهارده بس مروحتش وده بسبب الحيرة اللى كنت فيها وانا كتبت القاهرة اول رغبه وجاتلى بس عشان قرايبى بره ومسافرلهم وفهمت ان القاهرة اول جامعه تطلب بره
ومكنتش اعرف اى حاجه عن عين شمسولا على مستوى التعليم فيهاولما دخلت المنتدى وعرفت هو ده اللى خلانى فى حيره وانا كده كده هستنى التحويل يوم السبت وهقدم ويا عالم لو قبل فانا عندك فعين شمس مش قبل خلاص انا فالقاهرة وده نصيب الحمد لله

اسمعى كلام ابلتك سوما يابنتى :d

وعادى انا رغاى بطبعى :d
على النت بس ...فى الحقيقة اساسا انا سايلنت خالص ....مش خالص للدرجادى ماتبصليش كده :slap1qk6:

اقتباس:

المشاركة الأصلية كتبت بواسطة KeMoZzAzZ (المشاركة 1475451)

ياااااااااااه انا هيبقى ليا تعليق كبير اوى :d
بسم الله توكلت على الله :d

حاسس ان انت قدام حمام سباحة
وبتقول يااه ده الحمام كبير اوي

وبعدين
بسم الله توكلت على الله
وتروح ناطط

ربنا يستر بقى تعرف تطلع تاني :d

دنتا عامل دعايا فل

مفيش حد هنا من الصعيد طيب نعمل معاه شغل :d

اقتباس:

المشاركة الأصلية كتبت بواسطة kemozzazz (المشاركة 1475944)

ابلتك ماشى مقبوله منك
واضح فعلا انك سايلنت خالص

اقتباس:

المشاركة الأصلية كتبت بواسطة banzer (المشاركة 1476356)

:d
لا ياعم ماتخفش عليا بعرف اغرق كويس :d
لا اصل انا مش هسيب حد كده يغلط فى عين شمس
لو كان اتكلم عن مراخير شمس اوكى انما عنيها لا :d
(ايه القلش الرخم ده )
:d

اقتباس:

المشاركة الأصلية كتبت بواسطة sooomaaa (المشاركة 1476461)

ابلتك ماشى مقبوله منك
واضح فعلا انك سايلنت خالص

بس سعات ببقى فيبريشن يعنى :022yb4:

وايه ياديرو حددتى ايه ؟اوعى يكون لعب فى دماغك :d

لا يا كيمو متخافش ( هسمع كلام ابلتى حاضر يا بابا )
و انا كده كده هقدم فالتحويل يوم السبت وجت عين شمس جت مجتش فانا عالقاهرة بقه والحمد لله

اقتباس:

المشاركة الأصلية كتبت بواسطة eng_dero (المشاركة 1477790)

ايوة يا ديرو ربنا يوفقك ان شاء الله وتحولى عين شمس
وعلى فكره اوعى تندمى على حاجه جاتلك سواء عين شمس او القاهره وحاولى تحبى الكليه والمواد علشان تقدرى تتفوقى فيها
وربنا يوفقك

لاااااااااااااااااا
انا الكليه والدراسه ومجال الهندسه حباااااااه جدا من زمان كمان بس مش فارقه معايا دى من دى مش هزعل اوى يعنى وان شاء الله اجيلك عين شمس ونعمل عصابه عالناس دى
ووربنا يوفقنى ويوفقك يا قمر