السؤال الازلى هندسة القاهرة ولا عين شمس؟؟؟

[cutie.gogo]

السلام عليكم و رحمة الله و بركاته

ياجماعة ارجوكم انا عايزة دراسة تفصيلية فى معرفة الفروق الجوهرية و السطحية ما بين هندسة القاهرة و هندسة عين شمس

لأنى لفيت فى كل المنتدى وقريت كل حاجة بس احتارت اكتر وذلك لأسباب عديدة منها:
اولا: إن هندسة عين شمس اصعب بكتير و فى نفس الوقت بس بياخدو حاجات اكتر و افيد و هو ده الصح يعنى ولا ايه
ثانياَ: حكاية الشغل ده و انهم بياخدو بتوع عين شمس الاول
ثالثاً: الشيخ زايد ده اللى فى اخر الدنيا مش عارفة فى مصر ده ولا السعودية بس اكيد ليه مواصلات بردو
رابعاَ: حكاية ان الدراسة فى اول سنة فى القاهرة عربى و بعد كده تقلب ودى لغبطة جداً يعنى
خامسا بقى و دى الاهم : اللى اعرفه ان فى اقسام فى دى مش موجوده فى دى طيب هى ايه اصلاً الاقسام اللى موجودة وانا هعرف ازاى انا هختار ايه قبل ما ادخل اعدادى ولا ادخل عين شمس اعدادى و بعدين لو عجبنى قسم فى القاهرة احول ولا ايه النظام
سادساً : معاملة الدكاترة بتفرق يعنى سمعت ان دول بيحترموا الطلبة ودول لأ و الحكاية دى عملالى ازمة نفسية لانى مش هطيق واحد يبصلى بأرف كده من غير ماأعمله حاجة

اه وبالمناسبة انا جايبة 393 يعنى 95.8%
بس كده ياريت تفيدونى و عشان محدش يزعق ويقول فى موضوعات مخصصة للاستفسارات انا دوخت من اللف فى المنتدى ده انى الاقى موضوع واحد ابداً ولاقيتش غير واحد وبيكلم اللى فى هندسة اصلاً

[KeMoZzAzZ]

لفيتى بضمير يعنى؟
شوفتى ده ؟
http://www.thanwya.com/vb/showthread...=137900&page=2

(انا فى عين شمس عشان بس يتفهم كلام)
اولا هتلاقينى قايل فى الموضوع انها فعلا صعبه بس مش مستحيله يعنى ...مستحيله شويه
ثانيا فعلا انا بسمع كتييير ان بتوع عين شمس بيتخطفوا كده
بس عندهم حق لان دول اللى بيتمرمطوا وبيتبهدلوا فعشان كده بيبقى مهندس متبهدل
ثالثا الشيخ زايد اكيد ليها مواصلات ...انتى فى يوم انزلى الشيخ زايد وانزلى عين شمس وشوفى هتقدرى تروحى الشيخ زايد ولا لأ
رابعا الله اعلم
خامسا انتى شوفى انهى قسم اللى انتى عيزاه الاول
اللى انتى منمره عليه
لو بترول او طبية او طيران يبقى خشى القاهره بس ماتنسيش تعب المواصلات
غير كده شوفى بقى وحددى انهى افضلك وانهى هتشتغلى بيه احسن والحجات دى كلها (عين شمس يعنى ....لازم اشكر فى كليتى انتى فاهمه )
سادسا انا مش فاهم فين اللى معاملتهم وحشه؟؟
بس اكيد تقصدى عين شمس
بصى هو فعلا فيه ناس معاملتهم وحشه بس تلت تربع الكلية ناس محترمه جدا وصعب جدا تلاقى حد معاملته وحشه ولو لقتيه يبقى اكيد مش هيعاملك وحش الا لو انتى عملتى حاجه ضايقته
اه انا فى مره دكتور وقف هزقنى عشان كنت سرحان بغباء فى المحاضرة بس ده مايمنعش انه كان اه بيهزق بس بهزار
كان راجل زى العسل
انما مش فاكر حد كانت معاملته وحشه خالص بجد
انما كطرد من المحاضرة والسكاشن وبتاع فده هتلاقى منه كتيييييييييييييييييييييير جدا
بس طول مانتى ماشيه صح ماحدش هيكلمك ابدا ( عشان كده كانوا بيكلمونى كتير)

تصدقوا فعلا انا اكتشفت انى رغاى جدا!!
ومبروك على المجموع

[cutie.gogo]

على فكرة انا التوبيك ده فصصته قراية و بالذات المشاركة اللى هى 8 بتاعة حضرتك برغم الطول ده كله بس قريتها بتاع 5 مرات و كان نفسى حضرتك اللى ترد على الموضوع ده عشان انت اللى عملتلى المولد اللى فى دماغى ده و الدود اللى بياكلها ده كله
لان عين شمس دى ماكنتش فى دماغى اصلاً بس دلوقتى بفكر اكتر فى عين شمس و قولت اشوف فى تنسيق السنين اللى فاتت انهى اكتر الاقى الفرق بس نص درجة و اوقات عين شمس هى الاعلى بردو يعنى ما فيش فرق كبير بين الاتنين تقريباً
وانا كنت منمرة فعلاً على طيران بس ماعتقدش ان ليه شغل كتير و دلوقتى بفكر فى الكترونيات و حاسبات و اكيد القسم ده بيفقرق من جامعة لتانية فكده بردو مش عارفة انهى احسن !!!
وميرسى اوى على الرد
و سؤال معلش هو فعلاً لو عايزة احول من جامعة لتانية ما ينفعش احول غير فى الاقسام اللى مش موجودة فيها؟
و سؤال بردو لاى حد يعرف هى ايه حكاية حاجة كده بتتعمل بعد ما اخلص هندسة ابقى ظابط مهندس و حاجات كده

[cutie.gogo]

والله انا شكلى كده هدورلى على وسطة و اخش طب بيطرى و خلاص

[KeMoZzAzZ]

هههههههههههه
عشان تعرفوا بس ان الرغى لوه فوايده ...بقى قريتها 5 مرات ؟؟؟ حرام عليك ياراجل ده انا انتحر
ده انا نفسى ماقدرش اقرى كلامى اللى بكتبه اساسا لانى بتخنق منه
وبص لحوار التنسيق ده ماتحطهوش فى دماغك خالص فى مين ياخد اعلى ومين اقل فى التنسيق
ده عادى على فكره مالهوش دعوه بالموضوع
طب ما هندسة اسيوط بتاخد اعلى فى التنسيق على ما اعتقد يعنى
ليه ياترى ؟؟
كويس انك سألتنى ليه :D
لان فى المحافظه دى فيها ناس اكتر عايزه تخش هندسه وكاتبه فى الرغبات هندسة عشان كده بيزيد مجموعها فى التنسيق
فاهم الزتونه اللى اقصدها؟؟ لأ؟ طب كويس
واه لازم يبقى القسم مش موجوده فيها ولازم تبقى جايب تقدير معين مش فاكر جيد ولا جيد جدا حاجه كده (انا جايب جيد ..هع )
بص حوار ظابط مهندس ده انا سمعته قبل كده بس مش قادر افتكر هو كان ازاى
بس خلص الاول وبعدين تبقى تفكر فى ظابط ولا مظبطش ده مش حوارنا دلوقتى
وكمان اللى سمعته انه مابيسفرش

بص ياسيدى
هو فعلا طيران مالهاش شغل
اكتر شغل تلاقيه فى مدنى وميكا ودول السوق بتاعهم واسع
وده اللى مخلينى متردد اخش عماره السنه دى
عموما ربنا يوفقنى للى فيه الخير ( طبعا مش عايز تعرف قصة حياتى انا عارف )

بص هندسة عين شمس انا شايفها افضل فى حجات كتير
انما القاهرة افضل فى حته واحده
مش هتتعب زى عين شمس
بس اعتبر ان دول 5 سنين من عمرك هتبنى عليهم مستقبلك وبعدين فكر تانى
(انا هدخل كل المنتدى ده عين شمس ان شاء الله)

[cutie.gogo]

:D اول حاجة كل اللى حضرتك بتقوله ده كويس بس نفسياً مش عارفة اقراه لانى بنت والكلام موجه لواحد تانى غيرى :D
تانى حاجة ان شاء الله ربنا يوفقك وتختار اللى يناسبك مع ان قصة حياتك والحيرة دى تقريباً وصلتلى من المنتدى و الردود و كده ( دى سلبيات العولمة ) و محتارة من دلوقتى فى الحيرة اللى انا كمان هبقى فيها
وانا ان شاء الله كده بنسبة كبيرة هدخل عين شمس ( من اول ضحاياك فى المنتدى اهوه ;D)

[KeMoZzAzZ]

اولا كلمة ظابط مهندس اكيييد مش هتطلع الا من ولد ده المتوقع يعنى
فانا من فطنتى توقعت انك ولد على طول (مش بحب افكر عشان التفكير بيتعبنى فكسلت ابص على الاسم )
والحمد لله كده فى ضحايا

عموما انا متابع برضه المنتدى ده لحد اما الناس ترسى كده ان شاء الله
وهو التنسيق هيخلص امتى بقى؟
عشان انا تعبت من الرغى بصراحه بتاعى ده

[BaNZeR]

المشاركة الأصلية كتبت بواسطة KeMoZzAzZ

هههههههههههه
عشان تعرفوا بس ان الرغى لوه فوايده ...بقى قريتها 5 مرات ؟؟؟ حرام عليك ياراجل ده انا انتحر
ده انا نفسى ماقدرش اقرى كلامى اللى بكتبه اساسا لانى بتخنق منه
وبص لحوار التنسيق ده ماتحطهوش فى دماغك خالص فى مين ياخد اعلى ومين اقل فى التنسيق
ده عادى على فكره مالهوش دعوه بالموضوع
طب ما هندسة اسيوط بتاخد اعلى فى التنسيق على ما اعتقد يعنى
ليه ياترى ؟؟
كويس انك سألتنى ليه :D
لان فى المحافظه دى فيها ناس اكتر عايزه تخش هندسه وكاتبه فى الرغبات هندسة عشان كده بيزيد مجموعها فى التنسيق
فاهم الزتونه اللى اقصدها؟؟ لأ؟ طب كويس
واه لازم يبقى القسم مش موجوده فيها ولازم تبقى جايب تقدير معين مش فاكر جيد ولا جيد جدا حاجه كده (انا جايب جيد ..هع )
بص حوار ظابط مهندس ده انا سمعته قبل كده بس مش قادر افتكر هو كان ازاى
بس خلص الاول وبعدين تبقى تفكر فى ظابط ولا مظبطش ده مش حوارنا دلوقتى
وكمان اللى سمعته انه مابيسفرش

بص ياسيدى
هو فعلا طيران مالهاش شغل
اكتر شغل تلاقيه فى مدنى وميكا ودول السوق بتاعهم واسع
وده اللى مخلينى متردد اخش عماره السنه دى
عموما ربنا يوفقنى للى فيه الخير ( طبعا مش عايز تعرف قصة حياتى انا عارف )

بص هندسة عين شمس انا شايفها افضل فى حجات كتير
انما القاهرة افضل فى حته واحده
مش هتتعب زى عين شمس
بس اعتبر ان دول 5 سنين من عمرك هتبنى عليهم مستقبلك وبعدين فكر تانى
(انا هدخل كل المنتدى ده عين شمس ان شاء الله)

بالمناسبة هندسة اسيوط هي اقل كلية في تنسيق السنة اللى فاتت ونزلت مرحلة تانية كمان
واعتقد حيبقى نفس الكلام السنادي

والتحويل من الكلية لازم ايوه القسم مش موجود ويكون الشخص جايب جيد جداً (الحمد لله محدش حيقدر يطلعني من كليتي جايب جيد هع )

بيتهيألي يا cutie.gogo انتي جبتي كذا وظيفة في النص ومش عارف انتي ناوية تدخلي ايه اصلاً
هندستين وطيران وحاسبات ولاكترونيات وعايزة كمان ظابط طيران

انتي ناوية على ايه بالظبط

[KeMoZzAzZ]

انا اقصد يعنى انها هندسة اقاليم مش فاكر كانت ايه ...مايبقاش قلبك اسود كده
وهو حتى لو انا فى عين شمس وحبيت احول القاهره برضه لازم اكون جايب جيد جدا ؟؟؟
اه انا مش هحول بس سؤال بيطرح نفسه يعنى

وهو واضح ان هى اساسا شكلها مش هتخش هندسه فى الاخر

[cutie.gogo]

والله فكرة انا ممكن مادخلش هندسة بس ايه رأيكو طيب فى سياسة و اقتصاد لو مجموعى جابها مع انى مش بحب التاريخ اوى و بحب الرياضة ده غير انى اصلاً من زمان وانا عايزة اشتغل فى NASA :D فعلاً عشان كده عجبنى قسم طيران ده عشان فيه كلمة فضاء بس دلوقتى قريت كمان عن كوكتيل كده الكتروميكانيك او حاجة كده ميكانيك مع الكترونيات اتنين فى واحد دى بردو رأيكو ايه فيها وموجودة فى جامعات ايه
وسؤال تانى بقى بردو معلش ايه حكاية فنية عسكرية او هندسة حربية نظامهم ايه يعنى
وبجد شكرا على الاهتمام والرد انا لو مكانكو ماستحملنيش

[KeMoZzAzZ]

لا ماتخفيش من غير ماتقولى يعنى
اعتقد اللى تقصديه الكترونيكس
وده عباره عن كوكتيل زى ماقولتى وبتجبيه من اشرف فرغلى
لا بجد معرفش حوار الالكترونيكس لانه مش عندى فى الجامعه
بس هو فنية عسكرية دى لو دخلتيها مش هينفع تسافرى بره البلد ها
وانا اعرف انها بتاخد اقل من الهندسه العاديه بس دى بيبقى ليها اختبارات لياقه وبتاع (ده بالنسبه للولاد)
معرفش هو فيها بنات اساسا!! اول مره اعرف
بس وفنيه عسكريه تتخرجى تاخدى مرتب وش وتشتغلى تبع الجيش عن اللى اعرفه (أنا زهقت من ال نوليدج بتاعتى الكبيره دى )

[BaNZeR]

المشاركة الأصلية كتبت بواسطة cutie.gogo

والله فكرة انا ممكن مادخلش هندسة بس ايه رأيكو طيب فى سياسة و اقتصاد لو مجموعى جابها مع انى مش بحب التاريخ اوى و بحب الرياضة ده غير انى اصلاً من زمان وانا عايزة اشتغل فى NASA :D فعلاً عشان كده عجبنى قسم طيران ده عشان فيه كلمة فضاء بس دلوقتى قريت كمان عن كوكتيل كده الكتروميكانيك او حاجة كده ميكانيك مع الكترونيات اتنين فى واحد دى بردو رأيكو ايه فيها وموجودة فى جامعات ايه
وسؤال تانى بقى بردو معلش ايه حكاية فنية عسكرية او هندسة حربية نظامهم ايه يعنى
وبجد شكرا على الاهتمام والرد انا لو مكانكو ماستحملنيش

يعني انتي من الآخر بتفكري تدخلي الجيش

او حتى لو رحنا تجارة انتساب بس انا عشان بحب القانون ممكن ادخل حقوق برده مش هي حلوة ولا ايه بس بيقولو في حاجة اسمها تخطيط عمراني او فنون جميلة اصل انا بحبها اوي

في وظايف تانية عايزاها

بالمناسبة انتي عايزة هندسة ماشي احنا اه في هندسة

الميكاترونكس ده تبعنا اه
هي قسم خاص وبفلوس وهي اتنين في واحد اه
ميكا = ميكانيكا
لكترونكس = الكترونيات

يعني ما بين كهربا وميكانيكا
بتدرسي حاجة بين الاتنين


اما سياسة واقتصاد وعلم نفس ده مش تبعنا هنا

[cutie.gogo]

:D:D ايه اللى انا بقوله ده صح ده انا جبت كل الوظايف اللى فى الدنيا بس كنت ناسية الحقوق و التجارة خالص اه ده غير بفى الالسن و ممكن بردو اداب انجلش او المانى
خلاص كفاية كده عشان شكلى هلغبط الناس
انا ان شاء الله ادخل هندسة و حسب المواد اللى الواحد هيشوفها و هيمشى فيها صح ولا ايه
معلش بقى انا برغى من الصبح بس اصله اصلاً نظام فاشل بعيد عنكو

[sooomaaa]

والله يا cutie انا زيك كنت محتاره جداااااااا
بس صليت صلاه استخاره
وبعدها قلت هادخل عين شمس والى يحصل يحصل
طيب هى ايه مميزات عين شمس
اولا ان اعدادى انجلش فده هيساعدنا اكتر السنين الى بعد كده
لو تفتكرى فيزياء اولى ثانوى لما كانت انجلش (اكيد مش فاكره حاجه) المهم يعنى ان ده ساعدنا فى فيزياء 3
ثانيا عين شمس اقرب وده هيوفر الوقت(ده على اعتبار اننا هنذاكر)
ثالثا بقى انك ركزى وشوفى القسم الى انتى عاوزة
وانا شايفه ان اقسام حلوه كتيره موجود فى عين شمس زى اتصالات (يارب ادخلها) وحاسبات وعماره
رابعا ان الصعوبه ديه اكيد مش عيب اكيد هتفهمنا اكتر والمفروض ان مفيش حاجه صعبه لما نذاكر
متفائله اوى انا صح

[masterpeace]

awlan mabrouk 3ala elnaga7
ana talb fe handeset elkahera we lessa me5als e3dady
besara7a ana ma3a elkahera we dah besabab
1- elmawdou3 mesh bese3oubet elemte7anat elmawdou3 bl dema3' lazem elwa7ed yekoun tal3 men elkesm beta3ouh beyefham we e7na 3andena fe elkolia nas gaeba emteyaz we hia dema3'ha baloooza bema3na elkelma l2naha bete7faz
2-mawdou3 elshie5 zaid dah lazez gedan (awlan ente sakna fen?) elshie5 zaid leha buses men kol 7eta we hateshterky we kolh tamam we hat2ade fe elbus dah a7la zakrayat e3dady
3- elmeza ele fe 3ien shams en feha kesm mechatronics we dah kesm el3sr dah l2nouh beyegma3 ben mechanics we electronics we dah mofeed gedan l2n eletegah delwa2ti le t2lel el3emala we ele3temad 3ala el2alat
4- elkahera kaesm 3ali gedan
a3la kolia fe masr doun mounafes
we zay mou2lt elmawdou3 mesh belexams msh 3alsahn atl3 mouhandes lazem ashel mawd we at3ak sana wala sanaten l2 dema3'y hia ele tefre2 ma3aya ba3d keda fe elsho3'l we ba3den mafesh 7ad beshta3'l now ela belcourses we elsoft skills (y3ni ezay at3amel ma3a software programmes zay eloffice we elautocad we matlab we many other things)
hewar en awel sana bel3arabe fe elkahera 3adi (ana 3ala fekra kont lo3'at fe elmadrasa) we 3ade elsa3b hwa elmoustal7at fe elawel we dah fe awel month belkter awyyyy ba3d keda 3adi laken elequations we elarkam belenglish we ele 3ayez yeketb belenglish 3ade men 7a2ouh
eldr. bardh haysal7 elwar2a
i hope u get my point and good luck
sorry for writing in franco but i am slow at arabic