المشاركة الأصلية كتبت بواسطة براءة (المشاركة 1374798)

انا مليش فى الحوار ده خالص
وحاولت اقرا بس مفهمتش حقيقةً
بس واضح انك تعبتى فى الموضوع ده
سلمت يمنتاكِ :)

المشاركة الأصلية كتبت بواسطة براءة (المشاركة 1374822)

اه بصراحة مشفتوش شفتى عندى حق:p
واكيد ده السبب
انا يوم ما اتفرج ع فيلم كده لازم خفيف كده
مش حروب وبتاع:stickjo4:
اخر فيلم اتفرجت عليه كان اسمه اعترافات مدمنة تسوق مثلا :blush: كل واحد و اللى بيعجبه :)
عموما يا ستى بتوع المنتدى هنا اكيد شافوه بجد وممكن حتى يروحوا يشوفوه بسرعة قبل ما يردوا
علشان يثبتوا انهم عارفين كل حاجة ليه الضلمة دي هوه انتى حد ضايقك ولا ايه قوليلى وانا :abdoog8::bosyht9:

المشاركة الأصلية كتبت بواسطة حمبوزه (المشاركة 1374883)

المشاركة الأصلية كتبت بواسطة حمبوزه (المشاركة 1374883)

مش عارف اقول ايه بس يمكن انتى غفلتى حاجة مهمة جدا
الموسيقة التصويرية فى الفيلم على فكرة ماشاء الله عليك بجد فعلا حسستنى ان فى ناس بتشوف الفيلم بعمق مش بس تسلية و على فكرة انا قلت لسة هناك بقية و كان حيبقى مذكور فيها الجزء ده حرقتلى الحلقة ;)
ودى كانت تحفة بجد لدرجة ان بعد عرض الفيلم موصيقة الفيلم
انتشرت كنغمة فى العديد من الموبيلات بجد
واحد جوائز الفيلم كانت عن الموسيقة التصويرية ما تحرقش الحلقات الجاية بقى
هى نظرتك للفيلم جيدة الى حد ما لكنها فى النفس الوقت مش شاملة كل جوانب العمل
ومن هنا اخاطب السادة مسئولى المنتدى بعمل قسم
للنقد والروية الخاصة بالاعضاء :d ليه لا والله حيطور فكر الاعضاء جدا و حينمى عندهم العين الناقدة ^_^

شكرا من العفو

المشاركة الأصلية كتبت بواسطة صبرى البرنس (المشاركة 1374889)

المشاركة الأصلية كتبت بواسطة اوركيديا (المشاركة 1374982)

المشاركة الأصلية كتبت بواسطة mohamedonlinee9 (المشاركة 1375427)

القصة في الفيلم ليست محرفة لأبعد الحدود لكن أقل ما يقال عنها أنها مخيبة للآمال بشكل كبير, وقد وقع الكاتب في أخطاء كثيرة في الإقتباس والحوارات ورسم الشخصيات مما أفقد القصة التراجيدية المأساوية ألقها المميز.مش لازم على فكرة لان الكاتب او ما اطلق عليه انا المحرر للقصة الاصلية من الممكن ان يعدل و يحذف بغرض انه يكون هناك شىء من الحبكة الدرامية

أول خطأ في قصة الفيلم كان إغفال دور الآلهة في الفيلم, ومن المعروف أنه لا وجود ولا طعم للأدب أو التراث الإغريقي دون قصص ومغامرات الآلهة الإغريقية والتي هي أصل الأدب الإغريقي, فلا وجود في الفيلم لدور أفروديت, حيرا, أثينا, بوسيدون, مارس, آريس, أو أبوللو, فهؤلاء الآلهة اختلفوا ومنهم من يناصر الإغريق ومنهم من يناصر الطرواديين ولهم دور ومغامرات كثيرة في القصة, وقد تم إغفال هذا الدور في الفيلم مما أفقد القصة الكثير من الألق والجمال والمتعة. برده ارجع و اقول التحريف فى القصة لا يضر طالما ان الفيلم لابد ان يظهر بطريقة درامية تجذب المشاهد اما الالهه لو كانت طلعت فى الفيلم كان الفيلم حيتحول لفيلم الالهه مش الاشخاص لان الالهه دورها فى الكتابات الاغريقية القديمة كان اكبر من البشر بل و انهم كان ليهم مجتمع تانى فى تصور الكتاب الاغريق فى حياة معادلة لحياة البشر من غيرة و حب و كراهيه فماينفعش اتفرج على فيلم عبارة الهه حتى لما احب افكر فى الفيلم تانى مش ححس انى بفكر فى جوانب قريبة من الواقع مما يبقيه بعيدا عن خيال المشاهد العادى

تم اختصار الحصار من فترة عشر سنوات في القصة الأصلية إلى بضعة أسابيع وهذا خطأ فادح لأن الزمن كان له تأثير كبير في ذلك الحصار المرهق. يمكن برده انا برده كنت احب فترة الحصار تتطول اكتر عشان يبان الوقت و الصراع المرهق بس واضح ان يا الميزانية يا الوقت ما ساعدش المخرج
قصة الحب التي بين أخيل وبريسيس الطروادية التي يأسرها الإغريق في المعبد هي إضافة فاشلة إلى القصة ولا تزيد القصة تشويقاً ولا متعة, وهي غير موجودة في النص الأصلي, وفي الفيلم ظهرت في غير محلها ولا مبرر لها, غير انها ساذجة وغير مقنعة إلى حد كبير.بالعكس ده شخصية برسايوس هيه اللى اظهرت الجانب الانسانى من اخيل لان اخيل فى الفيلم كان محتاج محرك خارجى يحرك شعوره اللى هوه مش عايز حتى جواه فى اعماقه يعترف بيه و هوه انه انسان بيحب و بيكره و بيتالم مش بس مقاتل


في القصة الأصلية يموت أخيل بسهم باريس قبل دخول الإغريق إلى طروادة في حصانهم الخشبي, وبعد انتصار الإغريق يقتلون الملك بريام وعائلته بأكملها, بينما في الفيلم يُقتل أخيل في المعركة الأخيرة بعد دخول طروادة في الحصان الخشبي ويموت في سبيل عشق حبيبته بريسيس ويقول لها جملة بدت مصطنعة وساذجة "لقد منحتني السلم في زمن الحرب"!! , ويهرب بريام وعائلته, وهذه نهاية غير موفقة. انا و الله ماعنديش فكرة كويسة عن الحكاية الاصلية عشان انا بتكلم على الفيلم بس بس اللى انا شايفاه ان الفيلم فى نهايته كان محتاج اكتر من كده شغل وانا متفقة معاك ان النهاية كان ممكن تكون احسن

المشاركة الأصلية كتبت بواسطة mohamedonlinee9 (المشاركة 1375447)

المشاركة الأصلية كتبت بواسطة ymymym (المشاركة 1375459)

ايه ته ؟
مش فاهمه حاجه كوفايه خلاص
بس اكيد اكيد ميرسي علي الموضوع الرائع الخطير ده:d

المشاركة الأصلية كتبت بواسطة sooomaaa (المشاركة 1375556)

الفيلم رائع من كل الجوانب وبراعه المؤلف فى انه بالرغم الظلم والعنف الى كان عايش فيه براد بيت الى هو اخيل الا انه خلانا فى الاخر نشفق عليه لانه كان من جواه انسان بالرغم من كل ده
بجد موضوع جميل شكرا ليك ومختار اجمل الافلام الى اتعملت

المشاركة الأصلية كتبت بواسطة سيف عبد العظيم (المشاركة 1376228)

شوف يا صحبى فى الاول والاخر ده فلم وانا طبعا مشفتوش

بس اوصيك بان ننتظر منك ما هو مفيد للناس

قبل مرورى

المشاركة الأصلية كتبت بواسطة earth (المشاركة 1376595)

اولا انا بنت :blush:

ثانيا انا شايفة ان تنمية الفكر تكون باتخاذ ابعاد مختلفة جديدة و اكثر عمقا للانشطة اليومية زى مشاهدة التلفزيون مافيش مشكلة لو خدت فيلم على محمل الجد و حللته فنيا و نقدته بالعكس ده بيحرك الفكر و بيؤسس لدى الناس بعض الافكار الجديدة اثناء مشاهدة الافلام و بكده يبقوا اكثر ملاحظة فى الفيلم و ينمو فكرهم و تنمو عندهم العين الناقدة و مش بعيد حد منهم يوضح وحهه نظره فى فيلم تانى عربى او اجنبى و بكده الناس حتعبر عن نفسها و حتنمو مخيلتها و مش بعيد يكتبوا هما روايتهم الخاصة

وشكرا

المشاركة الأصلية كتبت بواسطة سيف عبد العظيم (المشاركة 1377141)

:078111rg3:








هو انا قلت حاجه زعلتك اصل واضح من ردك انك زعلانه لا والله
هو مش كل واحد حر فى تعبيرة عن رائيه ولا ايه انا مش قلت حاجة تعارض رايك انا بس بوضح وجهه نظرى انا كمان
وبعدين انتىبنت اسف جدا ما اخدتش بالى معلش اقبلى اعتزارى لا عادى ولا يهمك :d
وبعدين انا كنت اقصد بلاش ناخد الافلام جزء فى حياتنا دى على فكرة وجهة نظرى
وكل واحد حر
تقبلى رائي فى رعاية الله:078111rg3::078111rg3::078111rg3::078111rg3:

المشاركة الأصلية كتبت بواسطة not lost (المشاركة 1379140)

شكرا على الموضوع

المشاركة الأصلية كتبت بواسطة حمبوزه (المشاركة 1374883)

المشاركة الأصلية كتبت بواسطة Souhaits (المشاركة 1379397)

المشاركة الأصلية كتبت بواسطة احمد نوفل (المشاركة 1380060)

فعلا الفيلم ده جامد جدا ومشهور بدرجة فظيعة

ولحد الان واخد مكانته
واحلى ما فيه قوة اخليس والموسيقى التصويرية

المشاركة الأصلية كتبت بواسطة أريد الجنة (المشاركة 1381083)

الحقيقة انا سمعت عن الفيلم ده كتير اوي
والكل بيشكر فيه
وبجد نفسي اشوفه

المشاركة الأصلية كتبت بواسطة M0StA (المشاركة 1402824)

الفيلم من احسن الأفلام اللى اتعملت دلوقتى و انا معاكى ان النفس البشرية متقدمتش و صعب انها تتقدم لأن كل شئ بيبقى ف ايد الحكام مش ف ايد الشعب ف لو الحاكم عايز حرب حتى لو لكان اسباب شخصية اكيد حيعلنها =) موضوع جميل

المشاركة الأصلية كتبت بواسطة رصاصة الرحمة (المشاركة 1404818)

بالنسبة للشخصيات
سأبدأ بشخصية أخيل, أخيل معروف في الميثولوجيا الإغريقية وربما يعد من أشهر شخصيات هوميروس, وهو مخالف تماماً لما ظهر في الفيلم, في الملحمة أخيل هو أقوى محاربي الإغريق, رجل ضخم الجثة, مفتول العضلات, حاد الملامح خشنها, ملتح "كان الإغريق يطلقون اللحى وقد عرفوا بها في العالم القديم" كما يظهر في تماثيله كلها, وكان رجل حرب ونصف اله, همه الأول والأخير المجد والقوة.



أما في الفيلم فقد ظهر كشخص عبثي يحارب بلا قضية ولا هدف, يحارب الجميع ويقاطع الجميع ويتحداهم, شخص نكد المزاج, مقطع الأوصال, فاقد العطف, عبد للجسد ومهزوز النفس.


أما الممثل براد بيت الذي أدى دور أخيل فهو لا يشبه أخيل لا من قريب ولا من بعيد, وصحيح أنه مفتول العضلات لكنه لا يبدو إغريقياً ابداً, بل كان أقرب بشعره الأشقر الطويل الذي صففه للتو لدى أفخم الحلاقين, ونظرته الهوليودية المتعالية وقد صبغ نفسه تحت شمس الشواطيء, كأنه يتمشى بخيلاء على السجادة الحمراء لالتقاط الصور.


أما لهجته فتترواح بين لهجته الأمريكية العادية ولهجة انجليزية شيكسبيرية مما يعلمونه لطلاب التمثيل في السنة الأولى, لذلك كان تمثيله مخيب للآمال وبدا في الفيلم لا يمت إلى الإغريق بصلة.

شخصية باريس الذي احتل دوره الممثل اورلاندو بلوم فهو في القصة الأصلية فارس مغوار لا يشق له غبار أما في الفيلم فقد ظهر كشاب حدث السن مدلل, ساذج يريد هيلين بعناد كما يريد طفل لعبته المفضلة.




شخصية الملك بريام أيضاً احتوت الكثير من الأخطاء فهو في القصة الأصلية ملك عظيم ذو هيبة ووقار بينما بدا في الفيلم رجل عجوز خرف, لا يدري من الدنيا شيئاً, ولكن الحق يقال أن الدور قد تم إنقاذه إلى حد من الممثل البارع بيتر أوتول, ولو رسمت الشخصية بشكل أفضل لأبدع هذا الممثل إبداعاً متميزاً.


شخصية هيكتور الذي احتلها الممثل إريك بانا هي الشخصية الوحيدة التي لم يتم تشويهها وإتلافها, لا من النص ولا من الممثل فقد ظهرت واقعية ومقنعة إلى حد كبير.



كفاية لحد كدة :d

المشاركة الأصلية كتبت بواسطة commando (المشاركة 1404895)

الفيلم بالرغم من انه تصوير فى التسعينات دى معلومة انا اول مرة اعرفها بس هل حضرتك متاكد
يعنى غلب الجرافيك وغلب كل حاجه
لان فيه تصوير ملوش حل واخراج جميل جدا ده كلام مضبوط تصوير الفيلم كان رائعععع
وشكرا على عرضك الموضوع دا

المشاركة الأصلية كتبت بواسطة earth (المشاركة 1405072)

و ياريت لو حضرتك عايز تكمل اى وجهه نظر تانية فى الموضوع اكتبها وانا سوف ارد بكره الصبح عشان دلوقتى مش فايقة خالص

المشاركة الأصلية كتبت بواسطة رصاصة الرحمة (المشاركة 1404818)

بالنسبة للشخصيات
سأبدأ بشخصية أخيل, أخيل معروف في الميثولوجيا الإغريقية وربما يعد من أشهر شخصيات هوميروس, وهو مخالف تماماً لما ظهر في الفيلم, في الملحمة أخيل هو أقوى محاربي الإغريق, رجل ضخم الجثة, مفتول العضلات, حاد الملامح خشنها, ملتح "كان الإغريق يطلقون اللحى وقد عرفوا بها في العالم القديم" كما يظهر في تماثيله كلها, وكان رجل حرب ونصف اله, همه الأول والأخير المجد والقوة.عندك حق "اخيل" مختلف كتير فى الفيلم بس برده ارجع و اقول المحرر او كاتب السيناريو ليه الحق يغير و ذكرت السبب فى السابق



أما في الفيلم فقد ظهر كشخص عبثي يحارب بلا قضية ولا هدف, يحارب الجميع ويقاطع الجميع ويتحداهم, شخص نكد المزاج, مقطع الأوصال, فاقد العطف,مهزوز النفس. لالا ليه ده ظهر بيحارب عشان هدف وهوه المجد و ان اسمه يظل مذكور عبر التاريخ و فى نفس الوقت جمع شوية بين غضب اخيل ووحشيته


أما الممثل براد بيت الذي أدى دور أخيل فهو لا يشبه أخيل لا من قريب ولا من بعيد, وصحيح أنه مفتول العضلات لكنه لا يبدو إغريقياً ابداً, بل كان أقرب بشعره الأشقر الطويل الذي صففه للتو لدى أفخم الحلاقين, ونظرته الهوليودية المتعالية وقد صبغ نفسه تحت شمس الشواطيء, كأنه يتمشى بخيلاء على السجادة الحمراء لالتقاط الصور.ممكن بس حيجيبوا واحد كده منين يعنى اقرب الشبه و برده الممثل كان لازم يلائم الجوانب الانسانية المكتوبة فى السيناريو يعنى مش ينفع يجيبوا واحد زى بتوع المصارعة


أما لهجته فتترواح بين لهجته الأمريكية العادية ولهجة انجليزية شيكسبيرية مما يعلمونه لطلاب التمثيل في السنة الأولى, لذلك كان تمثيله مخيب للآمال وبدا في الفيلم لا يمت إلى الإغريق بصلة.الفيلم اصلا بالانجليزى فمش حتفرق كتير اتكلم بلهجه انجليزية ولا اغريقية ولا ايه ;)

شخصية باريس الذي احتل دوره الممثل اورلاندو بلوم فهو في القصة الأصلية فارس مغوار لا يشق له غبار أما في الفيلم فقد ظهر كشاب حدث السن مدلل, ساذج يريد هيلين بعناد كما يريد طفل لعبته المفضلة.دى بقى انا مش كنت اعرفها خالص عشان بتكلم على الفيلم كتصوير و جوانب انسانية مش بطابق قصة هوميروس مع الفيلم بس ان كان فعلا زى ما انت بتقول يبقى الفيلم اخل خلل كبير بيها




شخصية الملك بريام أيضاً احتوت الكثير من الأخطاء فهو في القصة الأصلية ملك عظيم ذو هيبة ووقار بينما بدا في الفيلم رجل عجوز خرف, لا يدري من الدنيا شيئاً, ولكن الحق يقال أن الدور قد تم إنقاذه إلى حد من الممثل البارع بيتر أوتول, ولو رسمت الشخصية بشكل أفضل لأبدع هذا الممثل إبداعاً متميزاً. وهوه "بريام" طلع فى الفيلم مش عارف حاجة انا شايفة انه كان الى حد ما زى ما انت بتقول فى القصة الاصلية بس انفق معاك ان الممثل اللى قام بدور "بريام" فعلا ادى الدور بشكل كويس جدا


شخصية هيكتور الذي احتلها الممثل إريك بانا هي الشخصية الوحيدة التي لم يتم تشويهها وإتلافها, لا من النص ولا من الممثل فقد ظهرت واقعية ومقنعة إلى حد كبير. لا اختلف تماما عندك حق تادية الدور كانت رائعة بالنسبة لتأدية الدور اما بالنسبة للشخصية الاصلية فى كتابات هوميروس فانا مش اعرف الحقيقة بس انا سوف اقرأها قريبا و اشوف



كفاية لحد كدة :d

المشاركة الأصلية كتبت بواسطة رصاصة الرحمة (المشاركة 1405113)

المشاركة الأصلية كتبت بواسطة nothing (المشاركة 1405127)

اولا انتى فعلا اخترتى فيلم حلو اوى شكرا جدا
والنقد بتاعك الى حد كبير جميل شكرا
بس اللى حبيته بقا ف الفيلم الموسيقى بتاعته خرافه بجد وكمان معركته مع هيكتور ولى عهد مملكه طرواده وكمان خدعه الحصان دى وف الاخر لما تضيحته تظهر ويضحى علشان حبيبته
اقولك كل الفيلم عاجبنى :d باختصار بقى
ميرسى ع النقد الجميل ده

المشاركة الأصلية كتبت بواسطة ahmedhamada (المشاركة 1405816)

بص انا راى ان الفيلم درامى اكتر منه اكشن والجوانب الانسانية دى مهمة جدا لان من غيرها مش تبقى انسان وشكرا