|
معا لتمر سنة اولى طب بشرى
احبائي في الله
طلبه الفرقه الاولي في كل كليات الطب المصريه هنيئا لكم بانضمامكم لأسره اطباء مصر؛ وانضمامكم لكادر الاطباء "متقلقوش ان شاء الله حيتكون" انا عارف انه اكيد في اسئله كتير اوي بتدور في دماغكم عن ماهيه الدراسه في كليه الطب؛ عن المواد ؛ وغيرها من الاسئله؟؟؟؟؟؟؟؟؟؟؟؟ وان شاء الله نحن معكم لنساعدكم علي ان تخطو اولي خطواتكم في دراسه الطب ونحن هنا الي جواركم لنصحح لكم خطأكم ونقف معكم لندعمكم إذا ما شعرتم بالضغف لتعبروا الي البر الآمن. وعايز ابدأ حديثي معاكواا اني اوضحلكوا نقطه مهمه اوي؛ في اول السنه حتحسوا اكيد بانكم مش فاهمين حاجه خالص؛ تايه؛ فاقد الاحساس بكل الي حواليك؛ حاسس انك الوحيد الي مش فاهم والناس كلها فاهمه. خالص؛ الاحساس ده طبيعي جدا؛ وتأكد ان كلكم في الهوا سوا ومفيش حد قاعد فاهم حتي الي كانوا بيدرسوا بالانجليزي برده عندهم مشكله؛ والموضوع ده ممكن ياخد الترم الاول كله بس اهم حاجه اوعوا تيأسوا؛ مسكت الكتاب ومش فاهم حاجه متسيبهوش برده لو مفهممتش من اول مره حتفهم من التانيه او التالته المهم متيأسش وتسيب الكتاب خالص لانك لو سيبته الوقت حيتسرق منك وحتلاقي نفسك في نص السنه وعندك امتحانات انت مش مستعد لها. حاجه تانيه؛ احنا مش في ثانويه عامه؛ يعني انك تدخل مخلص المنهج اربع مرات قبل الامتحان مش حيمشي؛ لان ببساطه انتوا وصلتوا لمرحله التعليم الجامعي المفتوح؛ يعني الانهايه من العلم؛ الموضوع مش صعب بس هو عايز تعود مش اكتر. وعن المواد الي حندرسها ان شاء الله في كليه الطبفي السنه الاولي والثانيه: حتدرسوا ان شاء الله اناتومي وبيو وفسيولوجي وهستولوجي في سنه تالته: حتدرسوا بكتيريا وبارا وبكتيريا وفارما في سنه رابعه: رمد وانف واذن وطب مجتمع وطب شرعي. في سنه خامسه: اطفال وباطنه. في سنه سادسه نسا وجراحه فقط. نيجي بقي لشرح مواد الفرقتين الاولي والتانيه لانكم حتحتاجوهم دلوقتيا لاناتومي: علم التشريح؛ حتهتموا في كليه الطب بدراسه التشريح الآدمي ومعرفه كل اجزاء الجسم واسماء العضلات واماكن الاعضاء بكل دقه. طب انتوا حتوجعوا دماغنا ليه بيه؟؟؟؟ التشريح هو اصلا اساس الجراحه ؛ لانه ببساطه حيوريك مكان كل حاجه وهي ماشيه ازاي وفين وكل الكلام ده الي هو اساس الجراحه. اصلا الجراحين قبل ما يدخلوا غرفه العمليات لازم يحدد بالقلم المكان الي هو حيفتح فيه علشان يتجنب الخطأ وكمان معرفته بالتغذيه الدمويه وطرق وصولها حيساعده انه يتجنب النزيف. طب الاناتومي ده يا دكتور عليه كام درجه ؟؟؟؟؟؟؟؟؟؟؟؟؟؟؟ الاناتومي عليه 250 درجه؟ لفسيولوجي: ده بقي احلي حاجه ممكن تدرسوها في اول سنتين؛ الفسيولوجي او علم وظائف الاعضاء؛ يتناول بالتفصيل شرح وظيفة كل عضو وكيف يقوم بتلك الوظيفه ودايما الي يفهم فسيولوجي صح بيكون طبيب ناجح لان فسيولوجي اليوم هو طب غدا. والفسيولوجي بدره عليه 250 درجه يبقي انتوا دلوقتي عرفتوا اكبر مادتين عندكوا في سنه اولي وتانيه نروح بقي للمواد الصغنونه شويه. البيو:او الكيمياء الحيويه؛ هي كيمياء صرف؛ حتدرسوا التفاعلات بتاعت جسمكوا وايه الي بيحصل للاكل وكل ده وكمان حتدرسوا احتياجات الجسم من العناصر الغذائيه والاعراض المرضيه الي بتظهر عند نقص احد هذه العناصر. البيو بقي عليه 150 درجه بس متستهونوش بيه؛ لان خساره الدرجات فيه سهله وبتأثر في التقدير. الهستولوجي: "علم وظائف الانسجه" بتدرسوا فيه التركيب النسيجي لكل اعضاء الجسم وكيف يتغير هذا التركيب ليتلائم مع وظيفه العضو. حتلاقوا ناس بتقول ديه ماده حفظ وصم؛ اوعوا حد فيكم يصدق؛ لانك لو مفهمتش الهستولوجي صح حتعمل خطأ صعب اوي في حق نفسك لان بجد الهستولوجي من المواد المظلومه جدا رغم ان الواحد لو ركز فيها حيحبها جدا. والهستولوجي برده عليه 150 درجه. ولنا عوده ان شاء الله لتوضيح افضل طرق المذاكره ومميزات وعيوب الكتب. </i> |
موضوع ممتاز ومجهود مشكور بس هل فى مشكلة لو حضرتك اجلته لغايةما نتيجة التنسيق تطلع عشان نبقى متاكدين اننا داخلين الكلية ومعلش عندى استفسار بسييط لاحظته
انت قولت طب الاناتومى ده يا دكتورة عليه كام درجة ؟؟؟؟؟ هو حضرتك بنت ولا ولد:blush: |
اقتباس:
|
هههههههههههه سورى
|
جزاك الله خير وياريت تستمر بس عندى سؤال هى كل كليات الطب فى مصر نفس النظام؟؟؟؟؟ يعنى نوع الجامعة مش بيختلف فيه النظام
|
اقتباس:
نعم كل كليات الطب تكوننفس النظام ولكن تختلف فى الكم وتوزيع المواد من حيث الترم الاول والثانى وخاصة فى اولى وتانية وتختلف الكليات فى الكم مش زى الثانوية منهج موحد وشكراااااااااااا |
جزاك الله خيرا ومنتظرين البقية
|
اقتباس:
ان شاء الله اى استفسار انا تحت امركوا |
ممكن اسالك سؤال احنا دلوقتى فى الاجازة وداخلين طب ان شاء الله تعالى نعمل ايه بقى فى الاجازة علشان نكون مؤهلين اننا ندرس طب ومنتفاجئش بالكلية ونتعب زى ما بنسمع عن اول سنة انها صعبة قوى والطلبة بتتعقد؟؟؟؟
|
اقتباس:
ان شاء الله سنة اولى هتكون صعبة صعوب مؤقت لحوالى شهر او شهرين بالكتيير علشان اللغة الجديدة ومحدش هيفهم حاجة من المحاضرات ولكن للتغلب على هذه المشكلة من الممكن ان تتعرفوا على العديد من المصلطحات الطبية وخاصة فى مادة التشريح(anatomy) لان فيه مصلحات كتيير لازم تعرفوها فلو تعرفوا حد فى طب قولوا له عاوزين كتاب intoroduction of anatomy الكتاب ده كل اللى فيه انتوا اخذتوه فى الاحياء بالضبط فيه مثلاskeleton\muscles\nervous system\endocrine\heart يعنى مبدئيات للتشريح وان شاء الله اقرئوه بس واعرفوا المصطلحات اللى فيه وممكن تشتروا كتب بالانجليزى عن الاسعافات الاولية والامراض من المكتبات الطبية بكلية الطب والموضوع اسهل مما تتوقعوا بكتيير بعد كده هتكونوا ان شاء الله متمكنين من اللغة وحاجة سهلة مادة زى حقوق الانسان بعض الكليات تشرحها فى اولى وبتكون باللغة العربية وفى اخر السنة بتتشرح هتتمنوا ان تكون بالانجلش وبالتوفيق للجميع |
يلا يا سنة اولى طب
استعدوا للبحث عن هيكل عظمى هتتحتاجوووووووووه عشان التشريح |
انت بتهزر مش كده؟ ههههههه نجيب منين هيكل عظمى؟
|
اقتباس:
|
انا سالت وفعلا احنا محتاجينه شكرا على المعلومة شكلى بايخ اوى ههههههههه جزاكم الله خيرا
|
ربنا معاكو يا جماعة ان شاء الله
ويوفقكوا وينفع بيكو دينكم وبلدكم بس قبل ما تبدأوا يريت تخلصوا النية لله وتاخدوه المذاكرة والدراسة من باب العبادة |
اقتباس:
|
شكرااااااااااااااااااااااااااااااااا على الرد وان شاء الله هسال على الكتاب واجيبه وميرسى كمان مرة على الموضوع الجامد ده
|
أنا يا جماعة جالى شوية عظم بس أساسا مش عارفه أميزهم ومش عارفه أجيب الهيكل كله منين
|
اقتباس:
|
طيب ممكن تقول بالضبط ايه اللى مطلوب نجهزه قبل ما ندخل
وعندى سؤال انا باخد كورس انجليش هيستمر 6 شهور لازم اخدهم كاملين علشان اخد شهادة وطبعا كدة هيستمر معايا فى الدراسة عادى ممكن اتواصل مع الاتنين؟؟؟؟؟؟؟؟ اسفة على ازعاج حضرتك |
اقتباس:
بالنسبة ان شاء الله للكورس لو انتى جامعتك قريبة منك ممكن تاخذيه وتكملى اما لو بعيد عن مقر سكنك انا شايف انه هيضيع وقت وانا شايف ان مش لازم منه كتيير جدا دخلوا طب من غيره وانا منهم ولكن مثلما قلت لو تحبى تكملى اتوكلى على الله بس لو قريب منك عشان متضيعيش وقت كتيير مبرووووووووووووووووووك يا دكتورة على الكلية الجميلة عليكى |
اقتباس:
انا كليتي فى نفس محافظتى وكمان انا بانزل قبل الميعاد بربع ساعة وباخد تاكسي يعني راي حضرتك انى اكمل ؟؟ اصل بجد خايفة طيب وبالنسبة لموضوع الدروس ايه الاخبار؟؟ بجد مش عايزة اضيع وقت وهوا لازم اكتب ورا الدكتور المحاضرة اصلي باتعب ومش باعرف اركز؟؟ |
الف الف الف الف الف الف
شكر لحضرتك بجد ربنا يكرمك وتفيدي دايما بس كنت عوزة أسأل حضرتك سؤال يعني لو ده لو الواحد زهق في الاجازة وحب يستعد للكلية يعمل ايه ؟؟؟؟intoroduction of anatomy يجيب الكتاب ده بس ولا يعمل حاجة تانية |
شكراااااااااااا جزيلاااااااااا على الموضوع الرائع
جزاكم الله خيراااااااااااا كثيرااااااااااااا |
اقتباس:
|
اقتباس:
ان شاء الله كملى وان شاء الله خير اولا مش شرط تكتبى ورا الدكتور واكتبى الللى الدكتور يقول عليه انه مهم وهو هيبقى يحدد لان كتب القسم كفاية كمان الدكاترة بيشتركوا فى وضعها بالنسبة للدروس مش لازم لو بتحضروا المحاضرات والسكاشن هتجمعوا قدر كبير من المعلومات وفيه كتيير بياخد دروس ومش بيجيب امتياز ولكن كتيير مش بياخذ دروس وبيذاكر ويحضر المحاضرات وبيجيب امتياز |
انا اسف على الغياب ولكن والله لظروف سوء النت عندى
|
اقتباس:
|
ان شاء الله نتكلم اليوم عن موضوع الدروس
بالنسبة للدروس مش لازم حد يفكر فيها من الوقتى لان انتوا لسه فى بداية السنة مش هتبقوا لسه عارفين النظام كويس ولكن التفكير فى الموضوع ده بيكون بعد بدء العام الدراسى وحضور المحاضرات انا عارف كتيير هيدخل المحاضرة فى اول السنة هيكون مش عارف شىء ولا فاهم حاجة كما يكون فى فيلم اجنبى غير مترجم ولكن شىء عادى اسال ناس اكبر منك فى خامسة او سادسة هيقولوا لك نفس الكلام لان اللغة جديدة ومصلحات جديدة نظام غير نظام الثانوى انت فى الثانوى كان ممكن الاستاذ يجى لك البت لواحدك اما الان انت وسط مئات من الطلاب هتشعر برهبة ولكن مؤقتة وان شاء الله اللى مش تفهمه فى المحاضرة ممكن تسال فيه المعيد فى السيكشن او رئيس القسم وان شاء الله لا يحتاج للدروس الا النذر القليل |
| جميع الأوقات بتوقيت GMT +2. الساعة الآن 01:24 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.