|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
21-07-2009, 08:47 AM
|
||||
|
||||
معا لتمر سنة اولى طب بشرى
احبائي في الله
طلبه الفرقه الاولي في كل كليات الطب المصريه هنيئا لكم بانضمامكم لأسره اطباء مصر؛ وانضمامكم لكادر الاطباء "متقلقوش ان شاء الله حيتكون" انا عارف انه اكيد في اسئله كتير اوي بتدور في دماغكم عن ماهيه الدراسه في كليه الطب؛ عن المواد ؛ وغيرها من الاسئله؟؟؟؟؟؟؟؟؟؟؟؟ وان شاء الله نحن معكم لنساعدكم علي ان تخطو اولي خطواتكم في دراسه الطب ونحن هنا الي جواركم لنصحح لكم خطأكم ونقف معكم لندعمكم إذا ما شعرتم بالضغف لتعبروا الي البر الآمن. وعايز ابدأ حديثي معاكواا اني اوضحلكوا نقطه مهمه اوي؛ في اول السنه حتحسوا اكيد بانكم مش فاهمين حاجه خالص؛ تايه؛ فاقد الاحساس بكل الي حواليك؛ حاسس انك الوحيد الي مش فاهم والناس كلها فاهمه. خالص؛ الاحساس ده طبيعي جدا؛ وتأكد ان كلكم في الهوا سوا ومفيش حد قاعد فاهم حتي الي كانوا بيدرسوا بالانجليزي برده عندهم مشكله؛ والموضوع ده ممكن ياخد الترم الاول كله بس اهم حاجه اوعوا تيأسوا؛ مسكت الكتاب ومش فاهم حاجه متسيبهوش برده لو مفهممتش من اول مره حتفهم من التانيه او التالته المهم متيأسش وتسيب الكتاب خالص لانك لو سيبته الوقت حيتسرق منك وحتلاقي نفسك في نص السنه وعندك امتحانات انت مش مستعد لها. حاجه تانيه؛ احنا مش في ثانويه عامه؛ يعني انك تدخل مخلص المنهج اربع مرات قبل الامتحان مش حيمشي؛ لان ببساطه انتوا وصلتوا لمرحله التعليم الجامعي المفتوح؛ يعني الانهايه من العلم؛ الموضوع مش صعب بس هو عايز تعود مش اكتر. وعن المواد الي حندرسها ان شاء الله في كليه الطبفي السنه الاولي والثانيه: حتدرسوا ان شاء الله اناتومي وبيو وفسيولوجي وهستولوجي في سنه تالته: حتدرسوا بكتيريا وبارا وبكتيريا وفارما في سنه رابعه: رمد وانف واذن وطب مجتمع وطب شرعي. في سنه خامسه: اطفال وباطنه. في سنه سادسه نسا وجراحه فقط. نيجي بقي لشرح مواد الفرقتين الاولي والتانيه لانكم حتحتاجوهم دلوقتيا لاناتومي: علم التشريح؛ حتهتموا في كليه الطب بدراسه التشريح الآدمي ومعرفه كل اجزاء الجسم واسماء العضلات واماكن الاعضاء بكل دقه. طب انتوا حتوجعوا دماغنا ليه بيه؟؟؟؟ التشريح هو اصلا اساس الجراحه ؛ لانه ببساطه حيوريك مكان كل حاجه وهي ماشيه ازاي وفين وكل الكلام ده الي هو اساس الجراحه. اصلا الجراحين قبل ما يدخلوا غرفه العمليات لازم يحدد بالقلم المكان الي هو حيفتح فيه علشان يتجنب الخطأ وكمان معرفته بالتغذيه الدمويه وطرق وصولها حيساعده انه يتجنب النزيف. طب الاناتومي ده يا دكتور عليه كام درجه ؟؟؟؟؟؟؟؟؟؟؟؟؟؟؟ الاناتومي عليه 250 درجه؟ لفسيولوجي: ده بقي احلي حاجه ممكن تدرسوها في اول سنتين؛ الفسيولوجي او علم وظائف الاعضاء؛ يتناول بالتفصيل شرح وظيفة كل عضو وكيف يقوم بتلك الوظيفه ودايما الي يفهم فسيولوجي صح بيكون طبيب ناجح لان فسيولوجي اليوم هو طب غدا. والفسيولوجي بدره عليه 250 درجه يبقي انتوا دلوقتي عرفتوا اكبر مادتين عندكوا في سنه اولي وتانيه نروح بقي للمواد الصغنونه شويه. البيو:او الكيمياء الحيويه؛ هي كيمياء صرف؛ حتدرسوا التفاعلات بتاعت جسمكوا وايه الي بيحصل للاكل وكل ده وكمان حتدرسوا احتياجات الجسم من العناصر الغذائيه والاعراض المرضيه الي بتظهر عند نقص احد هذه العناصر. البيو بقي عليه 150 درجه بس متستهونوش بيه؛ لان خساره الدرجات فيه سهله وبتأثر في التقدير. الهستولوجي: "علم وظائف الانسجه" بتدرسوا فيه التركيب النسيجي لكل اعضاء الجسم وكيف يتغير هذا التركيب ليتلائم مع وظيفه العضو. حتلاقوا ناس بتقول ديه ماده حفظ وصم؛ اوعوا حد فيكم يصدق؛ لانك لو مفهمتش الهستولوجي صح حتعمل خطأ صعب اوي في حق نفسك لان بجد الهستولوجي من المواد المظلومه جدا رغم ان الواحد لو ركز فيها حيحبها جدا. والهستولوجي برده عليه 150 درجه. ولنا عوده ان شاء الله لتوضيح افضل طرق المذاكره ومميزات وعيوب الكتب. </i>
__________________
وعساك ترضى ربى عن عبد جفا فوق التراب ضاقت به الدنيا فجائك تائبا مما اصاب 
آخر تعديل بواسطة طبيب عالمى قادم ، 21-07-2009 الساعة 05:55 PM |
|
#2
21-07-2009, 04:56 PM
|
|||
|
|||
موضوع ممتاز ومجهود مشكور بس هل فى مشكلة لو حضرتك اجلته لغايةما نتيجة التنسيق تطلع عشان نبقى متاكدين اننا داخلين الكلية ومعلش عندى استفسار بسييط لاحظته
انت قولت طب الاناتومى ده يا دكتورة عليه كام درجة ؟؟؟؟؟ هو حضرتك بنت ولا ولد 
|
|
#3
21-07-2009, 05:51 PM
|
||||
|
||||
|
اقتباس:
__________________
وعساك ترضى ربى عن عبد جفا فوق التراب ضاقت به الدنيا فجائك تائبا مما اصاب
|
|
#6
22-07-2009, 09:18 PM
|
||||
|
||||
|
اقتباس:
نعم كل كليات الطب تكوننفس النظام ولكن تختلف فى الكم وتوزيع المواد من حيث الترم الاول والثانى وخاصة فى اولى وتانية وتختلف الكليات فى الكم مش زى الثانوية منهج موحد وشكراااااااااااا
__________________
وعساك ترضى ربى عن عبد جفا فوق التراب ضاقت به الدنيا فجائك تائبا مما اصاب
|
|
#8
23-07-2009, 06:11 PM
|
||||
|
||||
|
اقتباس:
ان شاء الله اى استفسار انا تحت امركوا
__________________
وعساك ترضى ربى عن عبد جفا فوق التراب ضاقت به الدنيا فجائك تائبا مما اصاب
|
|
#9
24-07-2009, 06:51 PM
|
||||
|
||||
|
ممكن اسالك سؤال احنا دلوقتى فى الاجازة وداخلين طب ان شاء الله تعالى نعمل ايه بقى فى الاجازة علشان نكون مؤهلين اننا ندرس طب ومنتفاجئش بالكلية ونتعب زى ما بنسمع عن اول سنة انها صعبة قوى والطلبة بتتعقد؟؟؟؟
|
|
#10
24-07-2009, 07:46 PM
|
||||
|
||||
|
اقتباس:
ان شاء الله سنة اولى هتكون صعبة صعوب مؤقت لحوالى شهر او شهرين بالكتيير علشان اللغة الجديدة ومحدش هيفهم حاجة من المحاضرات ولكن للتغلب على هذه المشكلة من الممكن ان تتعرفوا على العديد من المصلطحات الطبية وخاصة فى مادة التشريح(anatomy) لان فيه مصلحات كتيير لازم تعرفوها فلو تعرفوا حد فى طب قولوا له عاوزين كتاب intoroduction of anatomy الكتاب ده كل اللى فيه انتوا اخذتوه فى الاحياء بالضبط فيه مثلاskeleton\muscles\nervous system\endocrine\heart يعنى مبدئيات للتشريح وان شاء الله اقرئوه بس واعرفوا المصطلحات اللى فيه وممكن تشتروا كتب بالانجليزى عن الاسعافات الاولية والامراض من المكتبات الطبية بكلية الطب والموضوع اسهل مما تتوقعوا بكتيير بعد كده هتكونوا ان شاء الله متمكنين من اللغة وحاجة سهلة مادة زى حقوق الانسان بعض الكليات تشرحها فى اولى وبتكون باللغة العربية وفى اخر السنة بتتشرح هتتمنوا ان تكون بالانجلش وبالتوفيق للجميع
__________________
وعساك ترضى ربى عن عبد جفا فوق التراب ضاقت به الدنيا فجائك تائبا مما اصاب
|
|
#11
25-07-2009, 04:30 AM
|
||||
|
||||
|
يلا يا سنة اولى طب
استعدوا للبحث عن هيكل عظمى هتتحتاجوووووووووه عشان التشريح
__________________
وعساك ترضى ربى عن عبد جفا فوق التراب ضاقت به الدنيا فجائك تائبا مما اصاب
|
|
#12
25-07-2009, 08:55 AM
|
|||
|
|||
|
انت بتهزر مش كده؟ ههههههه نجيب منين هيكل عظمى؟
|
|
#13
25-07-2009, 04:04 PM
|
||||
|
||||
|
اقتباس:
__________________
وعساك ترضى ربى عن عبد جفا فوق التراب ضاقت به الدنيا فجائك تائبا مما اصاب
|
|
#14
25-07-2009, 06:48 PM
|
|||
|
|||
|
انا سالت وفعلا احنا محتاجينه شكرا على المعلومة شكلى بايخ اوى ههههههههه جزاكم الله خيرا
|
|
#15
25-07-2009, 08:50 PM
|
||||
|
||||
|
ربنا معاكو يا جماعة ان شاء الله
ويوفقكوا وينفع بيكو دينكم وبلدكم بس قبل ما تبدأوا يريت تخلصوا النية لله وتاخدوه المذاكرة والدراسة من باب العبادة |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:08 PM.
