|
السؤال الازلى هندسة القاهرة ولا عين شمس؟؟؟
السلام عليكم و رحمة الله و بركاته
ياجماعة ارجوكم انا عايزة دراسة تفصيلية فى معرفة الفروق الجوهرية و السطحية ما بين هندسة القاهرة و هندسة عين شمس :d لأنى لفيت فى كل المنتدى وقريت كل حاجة بس احتارت اكتر وذلك لأسباب عديدة منها: اولا: إن هندسة عين شمس اصعب بكتير و فى نفس الوقت بس بياخدو حاجات اكتر و افيد و هو ده الصح يعنى ولا ايه ثانياَ: حكاية الشغل ده و انهم بياخدو بتوع عين شمس الاول ثالثاً: الشيخ زايد ده اللى فى اخر الدنيا مش عارفة فى مصر ده ولا السعودية بس اكيد ليه مواصلات بردو رابعاَ: حكاية ان الدراسة فى اول سنة فى القاهرة عربى و بعد كده تقلب ودى لغبطة جداً يعنى خامسا بقى و دى الاهم : اللى اعرفه ان فى اقسام فى دى مش موجوده فى دى طيب هى ايه اصلاً الاقسام اللى موجودة وانا هعرف ازاى انا هختار ايه قبل ما ادخل اعدادى ولا ادخل عين شمس اعدادى و بعدين لو عجبنى قسم فى القاهرة احول ولا ايه النظام سادساً : معاملة الدكاترة بتفرق يعنى سمعت ان دول بيحترموا الطلبة ودول لأ و الحكاية دى عملالى ازمة نفسية لانى مش هطيق واحد يبصلى بأرف كده من غير ماأعمله حاجة:040vk0: اه وبالمناسبة انا جايبة 393 يعنى 95.8% بس كده ياريت تفيدونى و عشان محدش يزعق ويقول فى موضوعات مخصصة للاستفسارات انا دوخت من اللف فى المنتدى ده انى الاقى موضوع واحد ابداً ولاقيتش غير واحد وبيكلم اللى فى هندسة اصلاً:bosyht9: |
لفيتى بضمير يعنى؟ :d
شوفتى ده ؟ http://www.thanwya.com/vb/showthread...=137900&page=2 :d (انا فى عين شمس عشان بس يتفهم كلام) اولا هتلاقينى قايل فى الموضوع انها فعلا صعبه بس مش مستحيله يعنى ...مستحيله شويه :p ثانيا فعلا انا بسمع كتييير ان بتوع عين شمس بيتخطفوا كده بس عندهم حق لان دول اللى بيتمرمطوا وبيتبهدلوا فعشان كده بيبقى مهندس متبهدل :d ثالثا الشيخ زايد اكيد ليها مواصلات ...انتى فى يوم انزلى الشيخ زايد وانزلى عين شمس وشوفى هتقدرى تروحى الشيخ زايد ولا لأ رابعا الله اعلم :d خامسا انتى شوفى انهى قسم اللى انتى عيزاه الاول اللى انتى منمره عليه لو بترول او طبية او طيران يبقى خشى القاهره بس ماتنسيش تعب المواصلات غير كده شوفى بقى وحددى انهى افضلك وانهى هتشتغلى بيه احسن والحجات دى كلها (عين شمس يعنى ....لازم اشكر فى كليتى انتى فاهمه :d) سادسا انا مش فاهم فين اللى معاملتهم وحشه؟؟ بس اكيد تقصدى عين شمس :d بصى هو فعلا فيه ناس معاملتهم وحشه بس تلت تربع الكلية ناس محترمه جدا وصعب جدا تلاقى حد معاملته وحشه ولو لقتيه يبقى اكيد مش هيعاملك وحش الا لو انتى عملتى حاجه ضايقته اه انا فى مره دكتور وقف هزقنى عشان كنت سرحان بغباء فى المحاضرة :d بس ده مايمنعش انه كان اه بيهزق بس بهزار كان راجل زى العسل انما مش فاكر حد كانت معاملته وحشه خالص بجد انما كطرد من المحاضرة والسكاشن وبتاع فده هتلاقى منه كتيييييييييييييييييييييير جدا بس طول مانتى ماشيه صح ماحدش هيكلمك ابدا ( عشان كده كانوا بيكلمونى كتير) :d تصدقوا فعلا انا اكتشفت انى رغاى جدا!! :d ومبروك على المجموع ;) |
على فكرة انا التوبيك ده فصصته قراية و بالذات المشاركة اللى هى 8 بتاعة حضرتك برغم الطول ده كله بس قريتها بتاع 5 مرات و كان نفسى حضرتك اللى ترد على الموضوع ده عشان انت اللى عملتلى المولد اللى فى دماغى ده و الدود اللى بياكلها ده كله :d
لان عين شمس دى ماكنتش فى دماغى اصلاً بس دلوقتى بفكر اكتر فى عين شمس و قولت اشوف فى تنسيق السنين اللى فاتت انهى اكتر الاقى الفرق بس نص درجة و اوقات عين شمس هى الاعلى بردو يعنى ما فيش فرق كبير بين الاتنين تقريباً وانا كنت منمرة فعلاً على طيران بس ماعتقدش ان ليه شغل كتير و دلوقتى بفكر فى الكترونيات و حاسبات و اكيد القسم ده بيفقرق من جامعة لتانية فكده بردو مش عارفة انهى احسن !!! وميرسى اوى على الرد و سؤال معلش هو فعلاً لو عايزة احول من جامعة لتانية ما ينفعش احول غير فى الاقسام اللى مش موجودة فيها؟ و سؤال بردو لاى حد يعرف هى ايه حكاية حاجة كده بتتعمل بعد ما اخلص هندسة ابقى ظابط مهندس و حاجات كده |
والله انا شكلى كده هدورلى على وسطة و اخش طب بيطرى و خلاص :d
|
هههههههههههه :d
عشان تعرفوا بس ان الرغى لوه فوايده ...بقى قريتها 5 مرات ؟؟؟ حرام عليك ياراجل ده انا انتحر :d ده انا نفسى ماقدرش اقرى كلامى اللى بكتبه اساسا لانى بتخنق منه :d وبص لحوار التنسيق ده ماتحطهوش فى دماغك خالص فى مين ياخد اعلى ومين اقل فى التنسيق ده عادى على فكره مالهوش دعوه بالموضوع طب ما هندسة اسيوط بتاخد اعلى فى التنسيق على ما اعتقد يعنى ليه ياترى ؟؟ كويس انك سألتنى ليه :D لان فى المحافظه دى فيها ناس اكتر عايزه تخش هندسه وكاتبه فى الرغبات هندسة عشان كده بيزيد مجموعها فى التنسيق فاهم الزتونه اللى اقصدها؟؟ لأ؟ طب كويس :d واه لازم يبقى القسم مش موجوده فيها ولازم تبقى جايب تقدير معين مش فاكر جيد ولا جيد جدا حاجه كده (انا جايب جيد ..هع ) :d بص حوار ظابط مهندس ده انا سمعته قبل كده بس مش قادر افتكر هو كان ازاى بس خلص الاول وبعدين تبقى تفكر فى ظابط ولا مظبطش ده مش حوارنا دلوقتى :d وكمان اللى سمعته انه مابيسفرش بص ياسيدى هو فعلا طيران مالهاش شغل اكتر شغل تلاقيه فى مدنى وميكا ودول السوق بتاعهم واسع وده اللى مخلينى متردد اخش عماره السنه دى :( عموما ربنا يوفقنى للى فيه الخير ( طبعا مش عايز تعرف قصة حياتى انا عارف ) :d بص هندسة عين شمس انا شايفها افضل فى حجات كتير انما القاهرة افضل فى حته واحده مش هتتعب زى عين شمس بس اعتبر ان دول 5 سنين من عمرك هتبنى عليهم مستقبلك وبعدين فكر تانى (انا هدخل كل المنتدى ده عين شمس ان شاء الله) :d |
:D اول حاجة كل اللى حضرتك بتقوله ده كويس بس نفسياً مش عارفة اقراه لانى بنت والكلام موجه لواحد تانى غيرى :D
تانى حاجة ان شاء الله ربنا يوفقك وتختار اللى يناسبك مع ان قصة حياتك والحيرة دى تقريباً وصلتلى من المنتدى و الردود و كده ( دى سلبيات العولمة :d ) و محتارة من دلوقتى فى الحيرة اللى انا كمان هبقى فيها وانا ان شاء الله كده بنسبة كبيرة هدخل عين شمس ( من اول ضحاياك فى المنتدى اهوه ;D) |
اولا كلمة ظابط مهندس اكيييد مش هتطلع الا من ولد ده المتوقع يعنى
فانا من فطنتى توقعت انك ولد على طول (مش بحب افكر عشان التفكير بيتعبنى فكسلت ابص على الاسم ) :d والحمد لله كده فى ضحايا عموما انا متابع برضه المنتدى ده لحد اما الناس ترسى كده ان شاء الله وهو التنسيق هيخلص امتى بقى؟ عشان انا تعبت من الرغى بصراحه بتاعى ده :d |
اقتباس:
بالمناسبة هندسة اسيوط هي اقل كلية في تنسيق السنة اللى فاتت ونزلت مرحلة تانية كمان واعتقد حيبقى نفس الكلام السنادي :d والتحويل من الكلية لازم ايوه القسم مش موجود ويكون الشخص جايب جيد جداً (الحمد لله محدش حيقدر يطلعني من كليتي جايب جيد هع :d ) بيتهيألي يا cutie.gogo انتي جبتي كذا وظيفة في النص ومش عارف انتي ناوية تدخلي ايه اصلاً:d هندستين وطيران وحاسبات ولاكترونيات وعايزة كمان ظابط طيران :redface: انتي ناوية على ايه بالظبط:confused: |
انا اقصد يعنى انها هندسة اقاليم مش فاكر كانت ايه ...مايبقاش قلبك اسود كده :d
وهو حتى لو انا فى عين شمس وحبيت احول القاهره برضه لازم اكون جايب جيد جدا ؟؟؟ اه انا مش هحول بس سؤال بيطرح نفسه يعنى :d وهو واضح ان هى اساسا شكلها مش هتخش هندسه فى الاخر :d |
والله فكرة انا ممكن مادخلش هندسة :d بس ايه رأيكو طيب فى سياسة و اقتصاد لو مجموعى جابها مع انى مش بحب التاريخ اوى و بحب الرياضة ده غير انى اصلاً من زمان وانا عايزة اشتغل فى NASA :D فعلاً عشان كده عجبنى قسم طيران ده عشان فيه كلمة فضاء بس دلوقتى قريت كمان عن كوكتيل كده الكتروميكانيك او حاجة كده ميكانيك مع الكترونيات اتنين فى واحد دى بردو رأيكو ايه فيها وموجودة فى جامعات ايه
وسؤال تانى بقى بردو معلش ايه حكاية فنية عسكرية او هندسة حربية نظامهم ايه يعنى وبجد شكرا على الاهتمام والرد انا لو مكانكو ماستحملنيش :d |
لا ماتخفيش من غير ماتقولى يعنى :d
اعتقد اللى تقصديه الكترونيكس :d وده عباره عن كوكتيل زى ماقولتى وبتجبيه من اشرف فرغلى :d لا بجد معرفش حوار الالكترونيكس لانه مش عندى فى الجامعه بس هو فنية عسكرية دى لو دخلتيها مش هينفع تسافرى بره البلد ها وانا اعرف انها بتاخد اقل من الهندسه العاديه بس دى بيبقى ليها اختبارات لياقه وبتاع (ده بالنسبه للولاد) معرفش هو فيها بنات اساسا!! اول مره اعرف بس وفنيه عسكريه تتخرجى تاخدى مرتب وش وتشتغلى تبع الجيش عن اللى اعرفه (أنا زهقت من ال نوليدج بتاعتى الكبيره دى ) :d |
اقتباس:
يعني انتي من الآخر بتفكري تدخلي الجيش :d او حتى لو رحنا تجارة انتساب بس انا عشان بحب القانون ممكن ادخل حقوق برده مش هي حلوة ولا ايه بس بيقولو في حاجة اسمها تخطيط عمراني او فنون جميلة اصل انا بحبها اوي في وظايف تانية عايزاها :d بالمناسبة انتي عايزة هندسة ماشي احنا اه في هندسة الميكاترونكس ده تبعنا اه هي قسم خاص وبفلوس وهي اتنين في واحد اه ميكا = ميكانيكا لكترونكس = الكترونيات يعني ما بين كهربا وميكانيكا بتدرسي حاجة بين الاتنين اما سياسة واقتصاد وعلم نفس ده مش تبعنا هنا :d |
:D:D ايه اللى انا بقوله ده صح ده انا جبت كل الوظايف اللى فى الدنيا بس كنت ناسية الحقوق و التجارة خالص اه ده غير بفى الالسن و ممكن بردو اداب انجلش او المانى :d :d
خلاص كفاية كده عشان شكلى هلغبط الناس :d انا ان شاء الله ادخل هندسة و حسب المواد اللى الواحد هيشوفها و هيمشى فيها صح ولا ايه معلش بقى انا برغى من الصبح بس اصله اصلاً نظام فاشل بعيد عنكو |
والله يا cutie انا زيك كنت محتاره جداااااااا
بس صليت صلاه استخاره وبعدها قلت هادخل عين شمس والى يحصل يحصل طيب هى ايه مميزات عين شمس اولا ان اعدادى انجلش فده هيساعدنا اكتر السنين الى بعد كده لو تفتكرى فيزياء اولى ثانوى لما كانت انجلش (اكيد مش فاكره حاجه) المهم يعنى ان ده ساعدنا فى فيزياء 3 ثانيا عين شمس اقرب وده هيوفر الوقت(ده على اعتبار اننا هنذاكر) ثالثا بقى انك ركزى وشوفى القسم الى انتى عاوزة وانا شايفه ان اقسام حلوه كتيره موجود فى عين شمس زى اتصالات (يارب ادخلها) وحاسبات وعماره رابعا ان الصعوبه ديه اكيد مش عيب اكيد هتفهمنا اكتر والمفروض ان مفيش حاجه صعبه لما نذاكر متفائله اوى انا صح |
awlan mabrouk 3ala elnaga7
ana talb fe handeset elkahera we lessa me5als e3dady besara7a ana ma3a elkahera we dah besabab 1- elmawdou3 mesh bese3oubet elemte7anat elmawdou3 bl dema3' lazem elwa7ed yekoun tal3 men elkesm beta3ouh beyefham we e7na 3andena fe elkolia nas gaeba emteyaz we hia dema3'ha baloooza bema3na elkelma l2naha bete7faz 2-mawdou3 elshie5 zaid dah lazez gedan (awlan ente sakna fen?) elshie5 zaid leha buses men kol 7eta we hateshterky we kolh tamam we hat2ade fe elbus dah a7la zakrayat e3dady 3- elmeza ele fe 3ien shams en feha kesm mechatronics we dah kesm el3sr dah l2nouh beyegma3 ben mechanics we electronics we dah mofeed gedan l2n eletegah delwa2ti le t2lel el3emala we ele3temad 3ala el2alat 4- elkahera kaesm 3ali gedan a3la kolia fe masr doun mounafes we zay mou2lt elmawdou3 mesh belexams msh 3alsahn atl3 mouhandes lazem ashel mawd we at3ak sana wala sanaten l2 dema3'y hia ele tefre2 ma3aya ba3d keda fe elsho3'l we ba3den mafesh 7ad beshta3'l now ela belcourses we elsoft skills (y3ni ezay at3amel ma3a software programmes zay eloffice we elautocad we matlab we many other things) hewar en awel sana bel3arabe fe elkahera 3adi (ana 3ala fekra kont lo3'at fe elmadrasa) we 3ade elsa3b hwa elmoustal7at fe elawel we dah fe awel month belkter awyyyy ba3d keda 3adi laken elequations we elarkam belenglish we ele 3ayez yeketb belenglish 3ade men 7a2ouh eldr. bardh haysal7 elwar2a i hope u get my point and good luck sorry for writing in franco but i am slow at arabic |
اقتباس:
and iam so slow in reading this arabian english so plz dont right with it again :) بجد انا بتعب من القراية ده كفاية اتكلم بيها عالميل واتابع جملة جملة :d |
اقتباس:
اصلى ياكيمو والله :d لو فى بعد الشر يعنى بعد الشر حاجه حصلت انا ماعرفكوش :d اقتباس:
معلش انا ماقرتش اللى انت كاتبه اصل بضايق اوى من الكلام باللغه دى ده احنا عندنا فى المنتدى اللى كان يكتب بيها كنا بنعمل عليه حملة :d يلا احنا هنعفوا عنك بس عشان انت من القاهرة وزميل لينا امرنا لله :040vk0: بس takecare بعد كده :p استنى ايه ده انت داخل تقنعهم بالقاهرة ولا ايه اوباااا المنافسة هتشتد :d |
انا اسف ياجماعة بس انا بطئ جدا في العربي
بس انا ممكن اوضح الفكرة بالأنجليزي لو تحبوا؟؟ |
اقتباس:
ياريت لاني بصراحه زي بقيت الاخوه بحول وانا بقرا الكلام ده وبالمناسبه انا كتبت هندسه القاهره وامرنا لله وعايز اعرف مين الزمايل اللي في القاهره طبعا عشان ابقي اظبطه وافهمه اي حاجه هو مش فاهمها في سنته :d |
اقتباس:
بس على فكره يعنى حاول تتعود على العربى هتلاقيه لذيذ والله وكمان هتلاقى نفسك اسرع من الفرانكو ده بس انت اتعود عليه انا اما اتعودت عليه لقيت انى بكتب بيه احسن من الفرانكوا وكمان بيتقرى اسرع اقتباس:
|
انا الحمد لله جاتلى هندسة القاهرة
|
الحمد لله مبروك ;)
حلوه هندسة القاهرة اوى شد حيلك فيها ;) |
وانا جاتلى هندسه القاهرة بس شكلى كده عحوووووووووووووووووول على عين شمس خلاص
|
ليه ؟
سؤال بيطرح نفسه معلش :d |
يا استاذة cutie انتي افضل حاجة بالنسبالك ادخلي طب وريحي بالك بدل الحيرة دي اة والله ولا اقولك صيدلة او بيطري زي ما قلتي
بدل وجع القلب |
لا انا قررت التحويل خلاص لانى مش عايزه اجيب امتياز وخلاص عايزة اطلع مهندسه بجد عشان اشتغل بسهوله وكمان هندسه القاهرة اعدادى عربى وبعدين انجلش يعنى لخبطه وكمان اعدادى فالشيخ زايد يعنى بعيد وانا اتحديت البيت وهدخل عين شمس رغم صعوبتها وهذاكر زى ثانوى واكتر ان شاء الله ادعووووووووووووووووووووووووولى
|
ربنا معاااكى ان شااااء الله (اشطه انا كده سبت بصمتى ) :d
نشتغل فى الاحباط بقى بعد اما تحول ويبقى مفيش مفرق :d |
انا جالي الحمد لله هندسة القاهرة
بس اللي اعرفه ان هندسة عين شمس اصعب شوية من القاهرة و ان اغلب الناس بتفضل تخش القاهرة عن عين شمس !!!!! |
تصدقوا بالله انا تعبت من موضوع القاهرة ولا عين شمس ده وشكلى على السن واخلص ايه ده المقارنه والاختيار اصعب من بعض كل حاجه ليها ميزه واحده واكتر من عيب
|
اقدر اقولك ان عين شمس عيبها فى انها صعبه ياهدير
وماعتقدش ان ده عيب بعد اما تتخرجى ;) ده هيبقى ميزة وميزة كبيرة كمان ;) ومين اللى قال ان الناس بتفضل القاهرة يا حج ديكو ؟ :d ده انا سمعت ان القاهرة بتقبل تقريبا 1000 وحاجه وعين شمس بتقبل 2000 وحاجه وان القاهرة اكبر من عين شمس بنص درجه بس :stickjo4: |
طيب معلش ممكن يابشمهندس تقولنا الموقع بتاع منتدى عين شمس يعنى ناخد فكرة بردو احنا لسة ادامنا وقت
|
بشمهندس !!
اكيد مش انا :d عموما ماعتقدش انى ينفع اكتبه معلش عشان اكيد مش هينفع اكتب اسم منتدى تانى هنا ولا ايه انا لو عليا عادى بس عشان ماضيقش حد ;) |
أهلا انا في هندسة القاهرة ولسة مخلص اعدادي السنة دي
أحب الأول أهني علي المجموع بالنسبة لموضوع ان أول سنة بالعربي فدة مش مشكلة لأن ببساطة مش هتحسي بالموضوع دة لأن الأرقام و المعادلات(equations)كل دة بالأنجليزي ده غير انه من حقك انك تجاوبي بالأنجليزي وده لأن الدكاترة بيسمحوا بكدة لأن ببساطة الدكتو اللي بيصحح ما بيهموش اللغة بس بيهمه الكلام المكتوب بالنسبة لصعوبة الدراسة و الأمتحانات بتعتمد علي الدماغ وطبيعي ان في أول شهر هتحسي بصعوبة بسبب التغيير الجذري ما بين مناخ و نظام المدرسة ونظام الكلية بالنسبة لهندسة القاهرة و لا عين شمس أنا أولا خالي دكتور في هندسة عين شمس و هو قاللي ان عين شمس أحسن في أقسام و القاهرة أحسن في أقسام دة غير ان في أقسام هناك مش في القاهرة وفي أقسام في القاهرة مش هناك بالنسبة لمعاملة الدكاترة فبنسبة 90% الدكاترة بتحترم الطلبة المحترمين اللي ماشيين صح أتمني أكون أفدتك و أسف علي التطويل |
طب سورى يا a.moniem ممكن سؤال صغير
حاليا ايه اخبار الشغل فى هندسه القاهرة فعلا عين شمس ليها الاولويه ولا وكمان هى فعلا اعدادى فالشيخ زايد سورى طولت عليك بس مش لاقيت حد هندسه القاهرة يقول رايه كل الناس عين شمس |
انا بقول سمعت كدة مش متاكد يعني
عموما انا عن نفسي بافضل القاهرة :) |
اقتباس:
أولا بالنسبة لموضوع الشغل مفيش حاجة اسمها الأولوية للمهندس خريج جامعة عين شمس لأن دي مجرد اشاعة انتشرت في البلد الغريبة اللي احنا عايشين فيها دي وفي سبب أهم وهو من الواقع اللي احنا عايشنه أنه ببساطة مفيش مهندس متخرج من القاهرة أو عين شمس أو اسكندرية ما بيشتغلش وبعدين في حاجة مش ناس كتير تعرفها هي ان السمعة الدولية لهندسة القاهرة أحسن من أي هندسة تانية في مصر و الدليل علي كدة ان اليابان و دول أوروبا و أمريكا بيفضلو مهندس القاهرة علي أي مهندس تاني من أي جامعة تانية في مصر وده برضه بيرجع الي ان هندسة القاهرة أقدم هندسة من سنة 1816 ثانيا : أنا قولت قبل كدة ان خالي دكتور في هندسة عين شمس فأكيد لو كانت هندسة عين شمس أحسن أنا كنت دخلتها علي الأقل كنت هتظبط ولا ايه وبعدين خالي مقاليش ان الأولوية لعين شمس وفي حجة تانية تدل ان القاهرة أحسن هي ان عدد المقبولين في هندسة القاهرة أقل من عدد القبولين في هندسة عين شمس ثالثا : بالنسبة لموضوع الشخ زايد فهو سنة واحدة هي اعدادي بس وكمان في باصات للكلية بتودي لحد باب الكلية في زايد ده غير ان الحياة في زايد حامدة اخر حاجة وكمان هتبقي ليكو ذكريات جامدة جدا هناك وجميلة أوي وأوعدك أنك هيبقي نفسك تعيطي في اخر يوم هناك |
في حاجة تانية تبين ان القاهرة أحسن
في عين شمس قسم كهربا بيبقي التخصص فيه باور أو اتصالات أو حاسبات من سنة تالتة لكن في القاهرة من أول سنة أولي بيبقي اما 4 سنين باور أو 4 سنين حاسبات أو 4 سنين الكترونيات واتصالات برضه في القاهرة بيبقي اتصالات والكترونيات لكن في عين شمس اتصالات بس ومن سنة تالتة |
ميرسى ليك بجد بس مش كنت جيت بدرى شويه
|
ثواني بعدل رغباتي عشان القسم اللي أنا عوزه هغيره وأرجعلك
|
ok
take your time |
i am back again
|
اقتباس:
2أنا قولت أن مفيش مهندس من القاهرة أو عين شمس أو اسكندرية ما بيشتغلش والتلاتة والله العظيم فرصهم متكافئة بس اللي عايز يسافر بعد كدة القاهرة أحسن بكتير 3 مين اللي قالك ان المناهج في القاهرة سهلة علي فكرة بقي مناهج الرياضة والميكانيكا والفيزياء الكهربية بتاعتنا أقوي من أي جامعة تانية و أنا بنفسي شوفت مناهج عين شمس و حلوان وعملت المقارنة دي وبالذات منهج الرياضة بتاع القاهرة أقوي من أي هندسة تانية 4 أكيد هستناكي كزميلة أو ضيفة ان شاء الله بس باذن الله زميلة و لو معاد تقديمك في القاهرة فات ممكن تروحي بكرة شؤون الطلبة هناك و هما هيخلصولك الموضوع و لو احتجتي أي حاجة في الكلية ممكن تسأليني و هجاوبك و برضه أي كم من الأسئلة ممكن أجاوبك عليه هههههههههه و ربنا معاكي |
ميرسى يا جميل ربنا يخليك
ومعلش عارفه انى رغايه شويه وان شاء الله لما يجيلى القرار النهائى عالقاهرة هتلاقينى زميله معاك واجى ارغى واصدعلك دماغك برده وميرسى كمان مره |
بس انتي تيجي بس
|
كمان في حاجة نسيت أقولك عليها
احنا منهج الفيزياء بتاعنا بتاع اعدادي كان physics for scientists and engineers بتاع serway/jwett |
Physics for Scientists and Engineers - Serway-Beichner
http://ec1.images-amazon.com/images/...CLZZZZZZZ_.jpg هو ده شكله جامد بس انا عايزه اعرف انا هدخل كده مش عارفه اى حاجه فى اى حاجه ايا كانت الجامعه بقه بس اكيد لازم يكون عندى فكرة صح؟ وحاليا انا بدور بس ابدا بايه وايه اهم حاجه لازم اكون عارفاها....؟ |
اللي انتي جايباها دي نسخة قديمة منه
اللي اخنا بندرسها الطبعة السابعة |
الفكرة بقي في موضوع العربي ان احنا بناخد محتوي الكتاب بالعربي و زي مقولتلك ده ما بيمثلش أي مشاكل
|
ياااااااااااه انا هيبقى ليا تعليق كبير اوى :d
بسم الله توكلت على الله :d |
اقتباس:
(لازم احبطه ) :d اقتباس:
جينيرال لان ماينفعش تبقى مهندس متخصص مثلا فى اتصالات وبس وتيجى عشان تشتغل يقولك الحاجه دى بايظه وفى مجال كهربا يا بشمهندس تقوله لا معلش انا مش حاسبات :d اقتباس:
اقتباس:
اقتباس:
يعنى سيبك ماشى الميكانيكا عندنا هى المادة الوحيدة اللى سهلة فعلا عشان الدكاترة بيدونا الزتونة فيها وسيبك من الرياضه كمان انا هعدهالك :d انما تيجى لحد الفيزيا ؟؟؟؟ ياراااجل ياطيب :d مش عارف ارد عليك اقولك ايه ولا بى ولا سى :d ده السنه اللى فاتت عدد المدبلرين 700 تقريبا واحد بس فيهم اللى مادبلرش فيزيا :d وعدد اللى شايلين فيزيا من اللى عدوا اعتقد كان 500 تقريبا ده من مجموع 2500 تقريبا :d يعنى انا مش عارف اقولك ايه :d انا كده مش هرد عليك تانى انت عصبتنى بكلمة فيزيا دى :d اقتباس:
بص يامنعم انت ليه بتقول ان القاهرة معتمدة؟؟؟ ماعشان هما بيستخدموا الكتب دى وكمان فى عدد ساعات معتمدة بس عشان كده هى معتمدة مش اكتر |
| جميع الأوقات بتوقيت GMT +2. الساعة الآن 01:53 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.