تجمع طلابة علوم اسيوط
 

السلام عليكم انا اولى علوم اسيوط ان شاء الله و كنت قلقان عشان دى اول سنة ليا هناك و انا اصلا من القاهرة
ياريت اى حد علوم اسيوط يقول و يعرفنا على نفسه عشان الواحد ما يحسش انه لوحده

ربنا معاك يا علاء و معانا كلنا

انا كمان علوم رياضة بس لسه محتار ادخل قسم ايه

الاقسام كتير واكيد انتا قريت عنها كتير في القسم ده

عموماً انا عن نفسي ان شاء الله هدخل قسم حاسب ورياضة ده
ولو موجود في علوم اسيوط قسم حاسب منفرد هدخله
المهم قسم فيه حاسب وخلاص .. إن شاء الله .. لأنه مطلوب في سوق العمل .. وعشان كمان انا بحب الحاجات اللي فيها حاسب
ولسة لما الدراسة تبدأ وندرس في الكلية الأمور هتبان اكتر

ومش تحتار من دلوقتي لسة التخصص في سنة تالتة إن شاء الله

وربنا يكرمنا جميعاً ويوفقنا يارب

يااااااااااااااارب
انا بقى بفكر فى قسم جيولوجيا بس مش عارف هو موجود فى اسيوط ولا لا

السلام ليكم
أنا خريج علوم فيزياء لسنه الفاتت وأظن ممكن أفيدكم فى اختياراتكم ،
بالنسبه لقسم حاسب منفرد فهو قسم موجود فعلا فى مبنى قسم الرياضيات ، وطبعا قسم جيولجيا موجود وكبير أوى ، لوانتو لسا ما شفتوش الكليه فأحب اقول لكم أن كلية علوم اسويط من أفضل الكليات الحكومية فى مصر ، وفيها حزم فظيع ، ودى شكلتها لان تقديراتها بتكون اقل من جامعات تانيا زى المنوفيه مثلا ،
لكن فيها شغل بزمه إلى حد كبير
عموما شدو حيلكم و التزمو ولو احتجتو اى سؤال ما تترددوش ، حتى عن الحياه خارج الكليه فأا خبره الى حد ما ،
وشكرا

السلام عليكم ياريت اتعرف عليكم وانضم معاكوا فى المنتدى هنا انا قريت كلامكوا وحابب بجد اتعرف عليكوا واسمى اسامة ومستنى ردودكوا

اهلا بيك يا اسامة و ان شاء الله تنبسط فى علوم اسيوط

انا كمان اول سنة فى علوم اسيوط و انا علمى رياضة

منور يا ميكو والله انا علمى علوم بس محتار ادخل قسم ايه انا قريت عن الاقسام كتير فى كل حته بس لغايه دلوقتى محتار

خلاص يا جماعه انا مستنى رددوكوا وياريت تفدزنى واى حد عنده معلومه يقولها عشان انا لازم اعرف كل حاجه بقى وبجد مسبوط اوى انى عرفتكوا النهادره وربنا يوفقكوا

assiut
 

انا اولى علوم اسيوط يا علاء ومن اسيوط وتحت امرك وحس يا عم ان ليك اهل في اسيوط وانا معاك

انا كمان خريجة حاسب الفين وخمسة
بس الكلية مش زى زمان اصبحت كوسة وانا من ال اتظلموا فيها جدا بس اكيد انتوا بعدالثورة مش هتسكتوا ع الظلم زيى ما انا ضيعت حقى‎
‎

المقصود بعلوم \ رياضه : هو انك تكون واخد رياضه 2 فى المرحله التانيه من الثانويه بدل الاحياء ولا ايه ؟
اصلى انا بشوف فى التنسيق علوم و علوم/رياضه .. فياريت حد يقولى الفرق بينهم

ثانيا هى الاقسام فى كليه العلوم بالمجموع ولا ايه النظام فيها ؟

وأنا كمان علوم أسيوط لو عزت حاجه أنا تحت أمرك ...........

ان عايز اعرف اكتر عن كلية العلوم فى اسيوط وعن المدينه الجامعيه او السكن بره لان انا من المحله ومش عارف اعمل ايه يا ريت حد يدلنى اعمل ايه

علوم اسيوط جميلة وبها اقسام كتيرة

بس دراستها صعبة حبتين بس الل المتفوق بش بيهمه شئ

اما بالنسبة للمدينة الجامعية اكيد الل هيفيدك اكثر ولد يكون سكنها لان مدينة البنات تختلف عن الاولاد
بس كل الل اعرفة انها بتكون بسن معين يعنى مش اى حد يدخلها دا بالنسبة للاولاد كمان بتشترط بعد السنة الاولى تقدير وهما بيريحوكوا من الاكل بس معظم الاولاد يفضل سكن خارجى

والله الموفق

وانا كمان عايزة اعرف لما تعرف حاجات ياريت تقول عليها

اانا معاااااااك
 

انا علوم رياضة اسيووط وانا برضو من القاهرة

انا من القاهرة ودخلت علوم رياضة اسيوط وفرحان انى لقيت حد من الكلية

السلام عليكم ممكن انضم لصحبتكوا انا رايحه اولي علوم اسيوط بس الحمد لله انا من اسيوط بس انا خايفه من الكليه لان كل الناس بتقول عليها صعبه بس انا عندي سؤال انا في وحده قالتلي ان في قسم معين لو اتخرجتي منه واخدتي قرص شهرين في القاهره تقدري تفتحي صيدليه ! ده صح ولا غلط ؟ ولو صح فايه هو القسم ده؟ ارجو حد يرد عليا بسرعه اختكم الاء

لا مش هينفع لكن فى قسم بعديه بتشتغلى فى الادوية وشركات الادوية

انا علوم اسيوط علوم وانا من المنصوره ياريت حد يفيدنى ويقلى التقديم امتى وايه المطلوب وهل ممكن ادخل المديته من اول سنه وايه ال بيطلبوه ياريت حد يقلى عشان انا مش عارف حاجه والتخصص من اول سنه ولا ايه ياريت الرد بسرعه انا محمد عونى

وانا كمان يا عبد الرحمن واتشرف بيك