تجمع طلابة علوم اسيوط

[علاء عادل]

السلام عليكم انا اولى علوم اسيوط ان شاء الله و كنت قلقان عشان دى اول سنة ليا هناك و انا اصلا من القاهرة
ياريت اى حد علوم اسيوط يقول و يعرفنا على نفسه عشان الواحد ما يحسش انه لوحده

[أميرة الحب]

انا كمان علوم اسيوط

بس انتا علوم علوم ولا علوم رياضة

انا علوم رياضة

[aya gamel]

ربنا معاك يا علاء و معانا كلنا

[علاء عادل]

انا كمان علوم رياضة بس لسه محتار ادخل قسم ايه

[أميرة الحب]

الاقسام كتير واكيد انتا قريت عنها كتير في القسم ده

عموماً انا عن نفسي ان شاء الله هدخل قسم حاسب ورياضة ده
ولو موجود في علوم اسيوط قسم حاسب منفرد هدخله
المهم قسم فيه حاسب وخلاص .. إن شاء الله .. لأنه مطلوب في سوق العمل .. وعشان كمان انا بحب الحاجات اللي فيها حاسب
ولسة لما الدراسة تبدأ وندرس في الكلية الأمور هتبان اكتر

ومش تحتار من دلوقتي لسة التخصص في سنة تالتة إن شاء الله

وربنا يكرمنا جميعاً ويوفقنا يارب

[علاء عادل]

يااااااااااااااارب
انا بقى بفكر فى قسم جيولوجيا بس مش عارف هو موجود فى اسيوط ولا لا

[mkaa2008]

السلام ليكم
أنا خريج علوم فيزياء لسنه الفاتت وأظن ممكن أفيدكم فى اختياراتكم ،
بالنسبه لقسم حاسب منفرد فهو قسم موجود فعلا فى مبنى قسم الرياضيات ، وطبعا قسم جيولجيا موجود وكبير أوى ، لوانتو لسا ما شفتوش الكليه فأحب اقول لكم أن كلية علوم اسويط من أفضل الكليات الحكومية فى مصر ، وفيها حزم فظيع ، ودى شكلتها لان تقديراتها بتكون اقل من جامعات تانيا زى المنوفيه مثلا ،
لكن فيها شغل بزمه إلى حد كبير
عموما شدو حيلكم و التزمو ولو احتجتو اى سؤال ما تترددوش ، حتى عن الحياه خارج الكليه فأا خبره الى حد ما ،
وشكرا

[kggfkgjk]

السلام عليكم ياريت اتعرف عليكم وانضم معاكوا فى المنتدى هنا انا قريت كلامكوا وحابب بجد اتعرف عليكوا واسمى اسامة ومستنى ردودكوا

[mekoo_5000]

اهلا بيك يا اسامة و ان شاء الله تنبسط فى علوم اسيوط

انا كمان اول سنة فى علوم اسيوط و انا علمى رياضة

[kggfkgjk]

منور يا ميكو والله انا علمى علوم بس محتار ادخل قسم ايه انا قريت عن الاقسام كتير فى كل حته بس لغايه دلوقتى محتار

[kggfkgjk]

خلاص يا جماعه انا مستنى رددوكوا وياريت تفدزنى واى حد عنده معلومه يقولها عشان انا لازم اعرف كل حاجه بقى وبجد مسبوط اوى انى عرفتكوا النهادره وربنا يوفقكوا

انا اولى علوم اسيوط يا علاء ومن اسيوط وتحت امرك وحس يا عم ان ليك اهل في اسيوط وانا معاك

[نيرمينا]

السلام عليكم ورحمة الله وبركاكاته انا كمان فى كلية العلوم جامعة اسيوط الفرقة الثانية قسم كيمياء فيزياء هى بصراحة كلية حلوة بس نفسى الدكاترة اللى فيها يكونوا اصدقاء للطلبة ويتعاونوا معاهم وكفينا فخرا ان الدكتورة منى بكر احمد اللى يتدرس فى جامعات امريكا خخريجة هذه الكلية والكلية بها اكثر من 20 قسم منها طبعا الجيولوجيا مرحبا بكم فى كلية العلوم نيرمينا

[نيرمينا]

احلى جامعة جامعة اسيوط وخاصة كلية العلوم نيرمينا

[graph2005]

المشاركة الأصلية كتبت بواسطة mkaa2008

السلام لي
أنا خريج علوم فيزياء لسنه الفاتت وأظن ممكن أفيدكم فى اختياراتكم ،
بالنسبه لقسم حاسب منفرد فهو قسم موجود فعلا فى مبنى قسم الرياضيات ، وطبعا قسم جيولجيا موجود وكبير أوى ، لوانتو لسا ما شفتوش الكليه فأحب اقول لكم أن كلية علوم اسويط من أفضل الكليات الحكومية فى مصر ، وفيها حزم فظيع ، ودى شكلتها لان تقديراتها بتكون اقل من جامعات تانيا زى المنوفيه مثلا ،
لكن فيها شغل بزمه إلى حد كبير
عموما شدو حيلكم و التزمو ولو احتجتو اى سؤال ما تترددوش ، حتى عن الحياه خارج الكليه فأا خبره الى حد ما ،
وشكرا

انا كمان خريجة حاسب الفين وخمسة
بس الكلية مش زى زمان اصبحت كوسة وانا من ال اتظلموا فيها جدا بس اكيد انتوا بعدالثورة مش هتسكتوا ع الظلم زيى ما انا ضيعت حقى‎
‎