|
كيفية تقفيل الانجليزى ( نحن حزب طلاب المنتدى )
اناجاتلى الفكرة دى و انا بتفرج على مواضيع القسم ليه كلنا منعملش مناقشة لحزب طلاب المنتدى ^^ عشان نقفل ال 50 الطالب اكتر واحد بيحل مش المدرس يعنى هنفيد بعض و نخفف شوية على المدرسين عشان يبدعوا فى حاجات تانية و بما انى بيقولوا يعنى شاطر شوية فى الانجليزى فهبتدى انا مع ان شفت عبقرة ( طلاب ) احسن منى مليون مرة بس محدش بيعمل حاجة :(:( عمتاً :d انا هقول حبة كلمات و سؤالين
الكلمات ** تا تا تااا** بمناسبة الانفلونزا اللى بتاكل فى اهالينا : انفلونزا الخنازير Swine Flu وباء Epedemic معدى Infectious مصل Antivenom بدنى Physical مجلس Council مقاومة Resistance تعايش Co-existence مصير Destiney خسائر بشرية Causalities الجرامر **دن دن ددااا** اشكل المستقبل بطريقة سهلة : كلنا عارفين الدرس بيلخبط شوية بس انا هسهله خالص بصوا ...,,, التعبير ب Will يكون كده : لما مثلاً اختك هتولد السنة دى فتبقى حقيقة فى المستقبل فنقول My Sister Will Put Her Baby Next Month لما حضرتك تقول مصر هتكسب الجزائر ان شاء الله هنقول (و ده ممكن يحصل و ممكن لا ) Egypt Will Victor Algeria و دى بتسمى تنبؤات. لما تليفون بيتكم يرن هترد عليه اكيد و بكده هتكون اخدت رار مفاجئ انك هترد ( يبنى مهو التليفون رن فجأة ) هتقول The Phone is Ringing ,i will answer It لما حضرتك تطلب او تعمل عرض و دى مش محتاجة توضيح ^^ لما حضرتك تعمل كارثة ترمى اخوك لصغير من البلكونة مثلاً ابوك مش هيبوسك هياعقبك و هيقولك If u Throw ur younger Brother again I will Throw u ^^ صح ولا انا غلطان .... اما اشكال Going to : لما السادات نوى ان يحارب اسرائيل قال iam going to Fight Israel و دى تعبر عن الخطط و النوايا و الترتيبات اما الشكل التانى و الاخير و هو لما حضرتك تقول فيلم اندرينالين هينزل يوم 28 عشان القناة التانية قالت كده يعنى حاجة هتحصل و بدليل كمان يعنى بمعنى اصح Andrenallin Is Going to Be in Cenimas , i saw it in channel 2 ^^ و دى كانت اشكل Will,Going to الباقى فى مرة تانيىة بقى و ياريت ناس تانية تحط اللى هيا عارفاه وممكن توصلهولنا و دول يبقول طلاب بس ^^ و ادى ترجمة من عندى ترجموها : "" يجب علينا اتخاذ الاحتيطات الازمة لمواجهتة الاوبئة المعدية مثل انفلونزا الخنازير و جنون البقر و يسعى العلماء بكل جهد فى كل انحاء العالم ان يجدوا مصل مضاد لهذه الاوئة حتى لا تنتشر اسرع و يمكن السيطرة عليها "" يلا يا حبيبى الحلوين ^^ على فكرة انا طالب فى الصف الثانى الثانوى ^^ اعضاء الحزب الان : USERNAMO angle girl Mohammed Saber mero_mrmr ابو جاب الله karem20055002 ياريت نكتر يا مسهل و ده جرب الفيس بوك للمجموعة لمن يريد الانضمام اعضاء الحزب : هم من يضعون ما يفيد الطلاب و يسهلها عليهم ^^ سيتم عمل احزاب فى كل المواد اعزائى لما نكتر متنسوش بس اهم حاجة النشاط |
فكره حلوه اوى يا جميل بس انا حاولت اعملها قبل كده قالو ع الموضوع متكرر وحذفوه خاف على موضوعك
|
وانا هقول حاجه ممكن تكون معروفه بس هى كانت جديده عليا
it's hot here يعنى الجو عموما حر لكن it's hot in here الجو حر فى المكان اللى احنا موجوديب فيه وممكن يكون برد بره مثلا يارب اكون افدتكم |
نعم مكرر ! فين ده ^^ و ممكن تبقى شريكة معايا عادى حطى انتى كمان فى المشاركة دى ( اللى انت رديتى فيها ) اللى انتى تعرفيه و تقدرى توصليه لينا و ان شاء الله مش هيتحذف لان التعب مش بيروح على الفاضى ^^
|
انا عارفه علشان انا طالبه زيك فهمت انا كانت فكرتى زيك بالظبط يكون كل المشاركات طلبه المدرسين يتتدخلو فى حاله وجود غلط بس غير كده يسيبونا مع بعض لكن..............
فهمو غلط وحذفوه وقالولى عندك موضوع (انت تسأل واساتذه المنتدى يجيبون ) عارفه ان مش فى علاقه لكن اعمل ايه سلمت امرى لله ويارب انت تعوض يا قمر والله بتمنى مش يتحذف لانى فعلا حابه الفكره وطبعا اكيد شور انا معاك طبعاااااااااااا |
ماشى يا قمر انا حاطيت اسمك و تبقى تحطى كل جديد تعرفين و تقدرى توصليه و يا مسهل بقينا 2 فى الحزب لم نبقى اكتر هيبقى النشاط اكبر و نتوسع فى باقى الالقسام و عندى اقتراحات جامدة لو الفكرة كملت ^^
|
اوووووووووك اول ما يكون عندى جديد هقوله علطول انا اصلا بحب الانجليزى جدا بس ياريت يكون فيه تفاعل من الاعضاء ومش يبقى فى كسل
|
اوكى اعتبرنى معاكم
و انا هعملكم كمان جروب عالفيس بوك و بأذن الله هنتابع مع بعض بصفه مستمره و ياريت يكون فى كل المواد اذا توافقنا و نسطيع ان ننقسم الى حزبين حزب علمى و حزب ادبى اوكى ؟ ارجو تقبل انضمامى لكم اخوكم محمد Mohammed Saber Mohammed Ahmed Saber طالب بالصف الثانى الثانوى مدرسه عين شمس الثانويه بنين عين شمس القاهره |
100 100 هنزيد ان شاء الله بس حوار ادبى و علمى لم نجمع 10 اعضاء هنا هنروح للعربى وبعديها الرياضة و نبقى نقسم المانى او فرنسى بعديها و فى الاخر المادة الاخيرة ^^
|
تم بحمد الله انشاء جروب
حزب طلاب الثانويه للأنضمام تحياتى للجميع |
انا الحزب على الفيس مش راضى يضمنى -.- بيقولى خطأ وبعديا اختفت ايقونة انضم -.-
|
اعمل ريفرش للصفحه و جرب تانى
|
حلوة الفكرة اوى و انا انضميت للجروب عالفيس بوك
|
اوكى بس لازم يون نشط منك يا جميل عشان تبقى معانا فى الموضوع و عايز رد و تعد انك تشاركينا العمل فى الموضوع د عشان هيكبر و هيبقى فى كل المواد
|
انا كمان معاكم على الفيس بوك
|
بس انا عايز حد مسؤل من الموقع عشان اكلمه فى الاقتراحات و كمان عشان الموضوع لما يكبر !
|
رائع جدا ربنا يوفقكم لان احتياجات الطالب من السهل جدا ان يعرفها اخيه الطالب اخدم نفسك بنفسك
البحث عن المعلومه والتعب فى الحصول عليها يعطى فرحه جميله Easy come easy go. |
I don't agree with you dear students as this way will waste your precious time In my opinion if you want to know the answer to any question just ask and you will get the answer May Allah Bless You All |
شكرا لك استاذى الفاضل : ابو بيشو
لتعاوزنك معنا ولكن نحن نريد متابعه من المدرسين اول بأول و الله الموفق |
أنا كما بتمنى تقبلونى معاكم اخوتى الطلا ب
ودى ملحوطتى الأولى لقد اعتدنا استخدام die of بمعنى يموت بسبب لكن تعالو نشوف الجملة الأتية من نص القراءة فى RA people die..........common diseases H;d] hg;g idr,g خب لكنها طبعاً هتبقى froة وكذلك die from (a wound - an injury) . |
فكرة ممتازة جد والله ربنا يوفقكم
|
اقتباس:
استاذى الفاضل كل ما نريد فعله هو ان نخفف من ع المدرسين نظرا لأنشغالهم و لكثره الطلبه و لكن كل ما سوف نفعله سوف يكون بمتابعه من حضراتكم للتأكد من صحته و الله الموفق |
اشكر زميلي العزيز علي الفكرة التي كانت تحتاج بطلا لتنفيذها
واظن انك هو .. فأرجوا ان تقبلني عضوا جديدا في حزب ال50 درجة وجاري الانضمام للجروب كريم محمود |
اقتباس:
and this is ur Opnion! و تم ضم الاعضاء الجدد ^^ |
معاكم يا جماعه
|
اقتباس:
منوره و بأنتظار مجهوداتك و اهم حاجه فى الموضوع ده كله النيه انوى انتى بس انك تتفوقى و اعملى اللى عليكى و الله الموفق |
تمت اضافة سها
|
النهارده جايبلكم حبة Proverbs عشان عيون هالحلوين ^^ :
Birds Of feather Flick Together الطيور على اشكالها تقع Protection Is better than Cure الوقاية خير من العلاج Cleanliness is Godliness النظافة من الايمان A difference Of Opinions Don't Invalidate an affection اختلاف الراى لا يفسد للود قضية اليكم سورة الفاتحة بالانجليزية ... In the Name of God, the Merciful, the Compassionate (2) Praise belongs to God, the Lord of all Being, (3) the All-merciful, the All-compassionate, (4) the Master of the Day of Doom. (5) Thee only we serve; to Thee alone we pray for succour. (6) Guide us in the straight path, (7) the path of those whom Thou hast blessed, not of those against whom Thou art wrathful, nor of those who are astray |
اقتباس:
Birds of a feather flock together. الطيور على اشكالها تقع شكرا |
شكراً يا استاذنا الجليل على التصحيح معلش و الله انا اتلخبط بينها و بين كلمة Flick الى بمعنى نقرة او ينقطع ^^
|
فين النشاط يا رجالة ؟
|
|
فكره جميله .. بس كده الموضوع هيكبر مننا وهيبقى مش مترتب
انا بأقترح انه يبقى موضوعين ( واحد للنصائح الا فى المنهج بس عشان تبقى سهله للوصول اليه - والتانى للدردشه واى حاجة تانيه) ... اما بقى بالنسبه للمشاركه بمعلومه مفيده فأنا اعندى حل جميل جدا جدا جدا لقاعدة After , Before اولا بدايتاً يعنى كده الا تنين بيجى معهم زمنين يا اما ماضى تام , ماضى بسيط .. او ماضى بسيط ماضى تام (بس ياترى بقى هنحطهم مين مع مييين ؟؟) بص ياسيدى خلينا نبدأ مع After : هتلاحط ان After فيها حرف ال T , والماضى التام "ت" !! يبقى على طول مع After -- ماضى تام ..... والزمن التانى ماضى بسيط ( ايه رايك ) وطبعا Before على النقيض before -- ماضى بسيط ..... ماضى تام مع العلم ان القاعده دى ليها حالات شاذه بس دى بصفه عامة .. انتظروا القادم بإذن الله... |
مرسى يا قمر على المعلومات الحلوه دى بس فعلا اقتراحك كويس وياريت باقى الاعضاء يفكرو فيه
|
اوكى انا موافق
و انا عليا الجرامر بتاع الوحدات و لو حد عنده سؤال فى القصه انا تحت امره و الله الموفق |
أنا عايز أشترك معاكوا |
بس أزاى و أعمل أيه |
بجد شغل حلو جدااااا
وياريت انضم معاكم وهشارك عالفيس بوك برضه |
انا عايزة انضم ليكو بس مش عارفة ازاى وبجد فكرة حلوة اوى
|
لقد ذاد كلا منا ومدحنا وتركن المشركلت والملحوظات الهامة
لقد لاحظت فى الوحدة الأولى فى نص الإستماع جملة : it is very comfortable working in a house with an Air ........ لقد لاحظنا استخدام working ولكن القاعدة تتطلب استخدام to work أرجو التعليق الهادف وليس مجرد الإصراء والثناء الذى لا فائدة منه |
انا كان عندى حاجه عاوزه نتناقش فيها
كلنا عارفين ان فى فرق بين set fire و make a fire بس انا لاحظت ان الدرس اللى موجود فى كتاب المدرسه مش ملتزم بالفرق ده ومعتبر الاتنين حاجه واحده طيب معنى كده اننا مش نلتزم بيها ؟ طيب ولو جيت الاتنين فى اختيار واحد نعمل ايه؟؟؟؟؟؟؟؟؟ |
ودى جمله find the mistake حلوه يلا نحلها
if ahmed had visited aswan ,he would have seen there |
معلش طولت عليكم بس عندى طلب صغنون
لو حد عنده شرح بس يكون مبسط للافعال للى بتحل محل if ياريت يقولى عليها لانها بتلخبطنى جااااااااااامد |
اما بالنسبه للسؤال بتاع (ابو جاب الله) اعتقد ينفع الاتنين لان comfortable بتصف working والجمله ماشيه ومش فيها حاجه والتانيه برده تنفع ده رأيى
وياريت برده نسمع رأيكم |
اقتباس:
اقتباس:
اقتباس:
|
ياجماعه انا طالب منكم خدمة والى يعملها لى يارب يطلعه الاول .. عاوز المحادثات الصوتيه الا فى الكتاب مش عارف اجبها منين ومن رابع المستحيلات ان القيها فى المرسه .. لو حد يرفعها لى على النت اكون شاكر له جدا جدا جدا
|
هدورلك عليها حاضر ياباشا بس انت ممكن متحتجهاش انا ان شء الله قريب هنزلك بتاع 50 محادثة ان شاء الله
|
على فكره انا مش كنت بسأل set fire ولا make a fire هى اللى غلط
بس الفرق بينهم make a fire ده بغرض سلمى زى الطهى او التدفئه لكن set fire بغرض زى يولع فى بيت او مكان او شخص دى انا عارفاها لكن فى كتاب المدرسه فى قصه lord of flies مش ملتزم بالفرق ده خاااالص واحيانا بتيجى فى جمل اختيارى الاتنين موجودين ومش عارفه اختار انهى بالظبط وده كان سؤالى ساعتها اختار ايه حاجه تلخبط اما الجمله اللى انا عملتها اجابتها if ahmed had visited aswan ,he would have been seen there الغلط مش فى there ولا حاجه لان الجمله هتكون مبنيه للمجهول |
اقتباس:
اما حوار ال Fire ده غريب شوية بس متهتميش اوى بال Reading اللى فى ال وحدات عشان مش هتعوزى منه غير ال Vocab. بجد يا انجيل او اى كان اسمك انت مستقبلك باهر فى اللغات وربنا يوفقك ^^ |
مرسى يا جميل انا اصلا بحب الانجليزى جدا بس اكيد مش احسن منك
|
| جميع الأوقات بتوقيت GMT +2. الساعة الآن 07:50 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.