كيفية تقفيل الانجليزى ( نحن حزب طلاب المنتدى )

[usernamo]

اناجاتلى الفكرة دى و انا بتفرج على مواضيع القسم ليه كلنا منعملش مناقشة لحزب طلاب المنتدى ^^ عشان نقفل ال 50 الطالب اكتر واحد بيحل مش المدرس يعنى هنفيد بعض و نخفف شوية على المدرسين عشان يبدعوا فى حاجات تانية و بما انى بيقولوا يعنى شاطر شوية فى الانجليزى فهبتدى انا مع ان شفت عبقرة ( طلاب ) احسن منى مليون مرة بس محدش بيعمل حاجة عمتاً انا هقول حبة كلمات و سؤالين

الكلمات ** تا تا تااا**
بمناسبة الانفلونزا اللى بتاكل فى اهالينا :

انفلونزا الخنازير Swine Flu
وباء Epedemic
معدى Infectious
مصل Antivenom
بدنى Physical
مجلس Council
مقاومة Resistance
تعايش Co-existence
مصير Destiney
خسائر بشرية Causalities

الجرامر **دن دن ددااا**
اشكل المستقبل بطريقة سهلة : كلنا عارفين الدرس بيلخبط شوية بس انا هسهله خالص بصوا ...,,,

التعبير ب Will يكون كده :

لما مثلاً اختك هتولد السنة دى فتبقى حقيقة فى المستقبل فنقول My Sister Will Put Her Baby Next Month
لما حضرتك تقول مصر هتكسب الجزائر ان شاء الله هنقول (و ده ممكن يحصل و ممكن لا ) Egypt Will Victor Algeria و دى بتسمى تنبؤات.
لما تليفون بيتكم يرن هترد عليه اكيد و بكده هتكون اخدت رار مفاجئ انك هترد ( يبنى مهو التليفون رن فجأة ) هتقول The Phone is Ringing ,i will answer It
لما حضرتك تطلب او تعمل عرض و دى مش محتاجة توضيح ^^
لما حضرتك تعمل كارثة ترمى اخوك لصغير من البلكونة مثلاً ابوك مش هيبوسك هياعقبك و هيقولك If u Throw ur younger Brother again I will Throw u ^^
صح ولا انا غلطان ....

اما اشكال Going to :

لما السادات نوى ان يحارب اسرائيل قال iam going to Fight Israel و دى تعبر عن الخطط و النوايا و الترتيبات

اما الشكل التانى و الاخير و هو لما حضرتك تقول فيلم اندرينالين هينزل يوم 28 عشان القناة التانية قالت كده يعنى حاجة هتحصل و بدليل كمان يعنى بمعنى اصح
Andrenallin Is Going to Be in Cenimas , i saw it in channel 2 ^^

و دى كانت اشكل Will,Going to

الباقى فى مرة تانيىة بقى و ياريت ناس تانية تحط اللى هيا عارفاه وممكن توصلهولنا و دول يبقول طلاب بس ^^

و ادى ترجمة من عندى ترجموها :

"" يجب علينا اتخاذ الاحتيطات الازمة لمواجهتة الاوبئة المعدية مثل انفلونزا الخنازير و جنون البقر و يسعى العلماء بكل جهد فى كل انحاء العالم ان يجدوا مصل مضاد لهذه الاوئة حتى لا تنتشر اسرع و يمكن السيطرة عليها ""

يلا يا حبيبى الحلوين ^^ على فكرة انا طالب فى الصف الثانى الثانوى ^^

اعضاء الحزب الان :

USERNAMO

angle girl

Mohammed Saber


mero_mrmr

ابو جاب الله

karem20055002

ياريت نكتر يا مسهل و ده جرب الفيس بوك للمجموعة لمن يريد الانضمام




اعضاء الحزب : هم من يضعون ما يفيد الطلاب و يسهلها عليهم ^^

سيتم عمل احزاب فى كل المواد اعزائى لما نكتر متنسوش بس اهم حاجة النشاط

[angle girl]

فكره حلوه اوى يا جميل بس انا حاولت اعملها قبل كده قالو ع الموضوع متكرر وحذفوه خاف على موضوعك

[angle girl]

وانا هقول حاجه ممكن تكون معروفه بس هى كانت جديده عليا
it's hot here يعنى الجو عموما حر
لكن it's hot in here الجو حر فى المكان اللى احنا موجوديب فيه وممكن يكون برد بره مثلا
يارب اكون افدتكم

[usernamo]

نعم مكرر ! فين ده ^^ و ممكن تبقى شريكة معايا عادى حطى انتى كمان فى المشاركة دى ( اللى انت رديتى فيها ) اللى انتى تعرفيه و تقدرى توصليه لينا و ان شاء الله مش هيتحذف لان التعب مش بيروح على الفاضى ^^

[angle girl]

انا عارفه علشان انا طالبه زيك فهمت انا كانت فكرتى زيك بالظبط يكون كل المشاركات طلبه المدرسين يتتدخلو فى حاله وجود غلط بس غير كده يسيبونا مع بعض لكن..............
فهمو غلط وحذفوه وقالولى عندك موضوع (انت تسأل واساتذه المنتدى يجيبون ) عارفه ان مش فى علاقه لكن اعمل ايه سلمت امرى لله ويارب انت تعوض يا قمر والله بتمنى مش يتحذف لانى فعلا حابه الفكره وطبعا اكيد شور انا معاك طبعاااااااااااا

[usernamo]

ماشى يا قمر انا حاطيت اسمك و تبقى تحطى كل جديد تعرفين و تقدرى توصليه و يا مسهل بقينا 2 فى الحزب لم نبقى اكتر هيبقى النشاط اكبر و نتوسع فى باقى الالقسام و عندى اقتراحات جامدة لو الفكرة كملت ^^

[angle girl]

اوووووووووك اول ما يكون عندى جديد هقوله علطول انا اصلا بحب الانجليزى جدا بس ياريت يكون فيه تفاعل من الاعضاء ومش يبقى فى كسل

[Mohammed Saber]

اوكى اعتبرنى معاكم
و انا هعملكم كمان جروب عالفيس بوك
و بأذن الله هنتابع مع بعض بصفه مستمره
و ياريت يكون فى كل المواد اذا توافقنا
و نسطيع ان ننقسم الى حزبين
حزب علمى
و حزب ادبى
اوكى ؟
ارجو تقبل انضمامى لكم
اخوكم محمد
Mohammed Saber
Mohammed Ahmed Saber
طالب بالصف الثانى الثانوى
مدرسه عين شمس الثانويه بنين
عين شمس
القاهره

[usernamo]

100 100 هنزيد ان شاء الله بس حوار ادبى و علمى لم نجمع 10 اعضاء هنا هنروح للعربى وبعديها الرياضة و نبقى نقسم المانى او فرنسى بعديها و فى الاخر المادة الاخيرة ^^

[Mohammed Saber]

تم بحمد الله انشاء جروب
حزب طلاب الثانويه
للأنضمام

تحياتى للجميع

[usernamo]

انا الحزب على الفيس مش راضى يضمنى -.- بيقولى خطأ وبعديا اختفت ايقونة انضم -.-

[Mohammed Saber]

اعمل ريفرش للصفحه و جرب تانى

[mero_mrmr]

حلوة الفكرة اوى و انا انضميت للجروب عالفيس بوك

[usernamo]

اوكى بس لازم يون نشط منك يا جميل عشان تبقى معانا فى الموضوع و عايز رد و تعد انك تشاركينا العمل فى الموضوع د عشان هيكبر و هيبقى فى كل المواد

[angle girl]

انا كمان معاكم على الفيس بوك