|
لكل من له طفل اتم الخامسه والنصف سيمتحن فى السفاره المصريه
يا جماعه الخير سيتم امتحان ابناء العاملين فى الخارج بدايه من الصف الاول الابتدائى وحتى الاول الثانوى
والبيان نزل على موقع وزاره التربيه والتعليم وهذا هو الموقع http://knowledge.moe.gov.eg/arabic/ |
طيب يا ترى ممكن حد يفيدنا
بالنسبة لاولى ابتدائى الامتحان بيكون شفوى ولا تحريرى لان فى مصر تقريبا بيمتحنوا التربية الدينية والانجليزى شفوى ياريت اللى عنده فكره يعرفنا وجزاكم الله كل الخير |
ماهو مصير ابناؤنا فى الخارج العام القادم ؟؟؟
ما هو مصير ابناؤنا فى الخارج العام القادم ياترى هل صحيح ما وصل الينا من ان السيد وزير التعليم قد قرر عدم السماح لطلاب ابناؤنا فى الخارج العام القادم دون الالتحاق بمدارس مصريه نظاميه فى خارج مصر؟؟؟ بمعنى ان شرط الالتحاق بالامتحان ابناؤنا فى الخارج ان ينتظم الطالب فى مدارس مصريه ولن يقبل اى طالب غير ملتحق بالمدرسه او ملتحق بمدارس اخرى فى البلد التى يعيش بها رجاء اللى عنده معلومات يفيدنى!!!!!!!!! |
ولا رد ولا حد عارف
|
مفيش مشكله يعملوا لنا مدارس مصرية فى البلد اللى احنا فيها واحنا ندخل اولادنا
وبعدين هو قاعدتهم ومذاكرتهم فى البيت سهله علينا او عليهم مش كفاية انهم بيمتحنوا الترمين وكفاية اننا بنحشى الكتب ده كلها فى دماغهم مرة واحدة ربنا يرحمنا برحمته |
هم عايزين مننا ايه بالظبط احنا في الخارج وافدين وفي مصر نسمي ايضا وافدين يعني احنا بدون جنسيه حتي يعاملوننا بهذه الطريقة السيئة يا اخي الجالية الهندية شايلينها من الارض شيل مش ناقص السفير غير انه يبوس فوق راسهم وعامليلهم مدارستدرس الهندية وليهم منح واحنا العرب نضرب بالجزمه اذا رحنا السفارة او بلدنا للدراسة الرسوم مضاعفه علينا وكاننا احنا خلاص وزرة متعينين برة كفايا ولياء امورنا متعذبين برة عشان يدبرو لينا العيشة الكريمة ونحن متفوقين بس مشكل الي برة يقدر يدخل خاص (( حسبنا الله ونم الوكيل )) اقولها في السؤلين الي ثبطوا امالنا ودمروا امالنا علما انا احنا مصريين مئة في المئة ونحن اكثر ناس وطنية واكثر حبا وانتماء لها وهم عارفين انو ا نحن لا نستطيع الفريط في حبة رمل من مصر لكي الله يا امنا مصر ..
|
لا يوجد ما يؤكد هذا الكلام
ولا ما ينفيه وأعتقد أنه مستحيل يكون حقيقى إن شاء الله الأمور عادية وكما تعودتم وإلا كان تم إلغاء امتحانات السفارة بالتوفيق للجميع |
التعليم وفرصة استكمالها بالخارج هل تريد استكمال دراستك بخارج مصر؟
United World Corporation for Educational Services UWCES
We strive to offer the most innovative and time-saving solutions for students to achieve their education and career goals. We offer students in Egypt a wide range of services that includes free counseling, student’s documents preparation, student on-campus accommodation arrangements and assistance with the VISA. We also offer you banking solutions that can cover your study fees during your stay abroad. 36 Ismaillia Str. Kafr Abdo Alexandria, Egypt, Phone: 002 03 5462245/46 Mobile: 002 010 801 3 801 begin_of_the_skype_highlighting 002 010 801 3 801 end_of_the_skype_highlighting |
تعلن جامعة ويلز بالمملكة المتحدة عن زيارة السيدة / سيوبهان روبينسون - المسئول الأول للجامعة بأفريقيا والشرق الأوسط - بمصر يومي الأربعاء 11 يناير بالقاهرة و الخميس الموافق 12 يناير بالإسكندرية و ذلك للرد علي استفسارات الطلبة الراغبين في الالتحاق ببرامج البكالوريوس و الماجستير بالخارج.
المقابلات مفتوحة لجميع الطلاب. لتحديد مواعيد المقابلات يرجى الاتصال على: تليفون: 45 22 546 03 002 46 22 546 03 002 موبيل: 801 3 801 010 002 العنوان: 36 شارع الإسماعيلية، كفر عبده - الإسكندرية بريد الكتروني: info*uwces.com اقتباس:
|
أعتقد هذا الأمر خاص بطلاب الصف الثالث الإبتدائى 000كانوا يمتحنوا فى السفارة من غير شهادة مدرسية لأولى و تانية بس من السنة الجاية إن شاء الله سيطالبون بشهادة لذلك لابد من أن يكونوا مسجلين بالمدرسة 000و لكم تحياتى
|
(طيب يا ترى ممكن حد يفيدنا
بالنسبة لاولى ابتدائى الامتحان بيكون شفوى ولا تحريرى لان فى مصر تقريبا بيمتحنوا التربية الدينية والانجليزى شفوى ياريت اللى عنده فكره يعرفنا وجزاكم الله كل الخير) (سوال مهم جدا ارجوا الرد عليه) |
طيب مش الي يطلع قرار دة يعلنو ؟؟ ويبلغ الناس ولا يسيبنا كدة ؟؟
|
عاوز اعرف هل تأجيل الدراسه فى مصر هيأثر على موعد امتحانات ابناؤنا فى الخارج
|
وكمان سمعت انو الترم التاني احتمال يتلغى , ولو متلغاش هيقللو منو , هل دة هيشملنا احنا كمان ولا احنا مع نفسنا ؟؟
|
اقتباس:
بدليل العام الماضى ما تم إلغاؤه أثناء موسم انفلونزا الخنازير ظل مفرر عليكم اقتباس:
لا أعتقد لأن مؤكد إن شاء الله تعود الدراسة وينتظم الحال قبل موعد اختباراتكم بالتوفيق للجميع |
ابناؤنا في الخارج الشهادة الاعدادية .. يارييييييييت تدخلوا أرجوكم
السلام عليكم ورحمة الله وبركاته انا في ابناؤنا في الخارج في سفارة ابو ظبي سنة 3 اعدادي انا كان نفسي الاقي حد معايا في 3 اعدادي في ابناؤنا في الخارج عشان احس اني في حد معايا واعرف انا متأخرة ولا ماشية كويس بجد انا تعبت اووي في السنة دي في النظام المقرف ده الترمين سوا والامتحان بدري اوي وفي البيت بشرح لنفسي وبذاكر بنفسي وكل حاجة لوحدي وبس ومش عارفة انا كده ماشية صح ولا متأخرة في المنهج ولا ايه نفسي اوي الاقي حد هنا على المنتدى معايا في سفارة ابوظبي 3 اعدادي السنة دي وده احتمال قليل جداااا لاني عارفة ان السنة دي مفيش ف سفارة ابوظبي غيري انا وبنت كمان في 3 اعدادي بس قلت بردو اكتب الموضوع يمكن الاقي حد معايا او حتى الاقي حد ابناؤنا في الخارج سنة 3 اعدادي واي دولة تانية مش مشكلة على الاقل اشوف انا متأخرة ولا كويسة ياااااارب الاقي حد |
ان شاء الله سنتابع معاكي المناهج في الاسابيع القليلة القادمة
واهلا بك وباستفساراتك |
تشكر جامعة ويلز بالمملكة المتحدة عن حضور الطلاب للندوه السابقة وتعلن عن فتح باب التسجيل للفصل الدراسى الجديد. Undergraduate and Postgraduate Studies1. Architectural Studies 2. Arts and Design 3. Biomedical Science 4. Business and Management 5. Dance 6. Education and Teacher Training 7. Environmental health and Trading standards 8. Food, Nutrition and Dietetics 9. Healthcare and Complementary therapies 10. Hospitality, Tourism and Events 11. Humanities 12. I.T. and Computer studies 13. Psychology 14. Social science 15. Sport للأستعلام والأستفسار برجاء الأتصال على Mobile: 002 010 801 3 801Tel: 002 03 546 22 45 - 002 03 546 22 46 Email: info*uwces.com |
شكراً أستاذة أم شاهندة
|
اهلاااااااااااااااااا ,, انتي فين من زماااااااااان ؟؟
أنا في 3 اعدادي, السفارةالمصرية في السعودية /الخبر أهلاً بيكي ,,, |
لحن الفرح
انا كمان 3 اعدادي \السفارة المصرية في السعودية المدينة المنورة اتطمني يا لحن الفرح المهم تلحقي تخلصي الترم الاول قبل ما الترم التاني يجي وتلحقي تراجعيه وتحلي عليه وتزاكري الترم التاني وتشدي حيلك فيه على اساس انك تخلصيه اول ما شهر 3 يدخل واول ما شهر مارس يدخل ابتدي راجعي على الترمين وزاكري المواد الفرعية الحاسب الآلي والدين والرسم وان شاء الله ربنا هيوفقك يا بنتي اتطمني محسوبتك من سنة تالتة ابتدائي لتالتة اعدادي مقضياها منزلي وبزاكر لوحدي من سنة تانية ابتدائي الحمدلله شدي حيلك هانت وهنخلص وناخد الاجازة المهم الثقة في النفس وان شاء الله ربنا معانا ومع كل الي في السفارة والي بيمتحن بنفس النظام المستفز ده |
بارك الله فيكم ونحن معكم بخدماتنا وارشادتنا والاجابة علي تساؤلاتكم
شكرا لكم |
ريم ,,, ترم تاني ايه الي نخلصو على أول مارس ؟؟
دة الكتب لسة جاية من 10 ايام بس , وكمان لسة الماث والساينس مجوليش ,, ربنا يستر بقا السنة دي تعدي على خير يارب |
انا بجد مبسوطة اوي والله انكوا رديتوا عليا
صحيح يا ريم صعب اووي شهر 3 يدخل واحنا مخلصين لان الكتب لسة مجتش انا العربي ترم تاني خلصته لاني للاسف ذاكرته من كتاب الوزارة وطبعته من ع النت والرياضة قربت اخلصها وانهارة هخلص الجغرافيا ان شاء الله لكن الانجليزي لسة هييجي الجمعة الجاية والتاريخ مش عارفة اذاكر خاااالص من كتاب الوزارة ولا من المذكرة :( بس ريم انتي طمنتيني انك بقالك كتير منازل انا من السنة الي فاتت بس وتعبت اوووي منه مستفز فعلا بس ليه انتوا الاتنين في السعودية وسايبني لوحدي انا السنة دي هكون في اللجنة لوحدي انا وبنت كمان استغفر الله العظين يعني مش بتذاكر خااااااااالص ومكبرة دماغها ومعتمدة عليا وانا هتجنن منها وكان نفسي يكون معايا حد منكوا بس الحمد لله انكوا رديتوا عليا على الاقل نتابع بعض شوية بنات انتوا عاملين ايه في الكمبيوتر ؟؟ شفتوا المنهج عامل ازاي !! وكمان انتوا عندكوا في السعودية الرسم مضاف للمجموع ولا لا لاني سألت السفارة هنا قالولي مضاف رغم ان اصحابي في مصر امتحنوا بس مش مضاف !! |
ماشاء الله...........
|
لحن الفرح
أنا تقريباً كل المواد وصلتلي بس باقي الماث بيقولو نزل النهاردة وهيبتعتوه بالبريد معرفش هيوصل امتى باقي المواد أنا خلصت الجغرافيا ودخلت في التاريخ من امبارح , واتلعربي باقيلي وحدة تقريبا الانجلش مش بذاكرو أساساً لأنو بالنسبالي سهل , عشان أنا لغات مش عربي الساينس مخدتش غير الدرس الاول , وأصلا مخلصتش لسة الترم الأول , باقيلي وحدة الاحياء الي في الاخر مش عارفة اخدها ازاي الكمبيوتر قريت الترم الأول قراءة ومفهمتش منو حاجة خالص الحمد لله , والترم التاني مفتحتوش لسة الرسم والكمبيوتر متضافين في المجموع يا لحن الفرح عى فكرة , والدين برة المجموع طبعا أنا بتكلم ع الكتب الخارجية كل دة , كتب الوزارة مش بجيبها أصلاً على فكرة أنا ع النظام دة من سنة رابعة ابتدائي , يعني دي سادس سنة لية في السفارة , حاولنا كتير مع السفارة يأجلو الامتحانات شوية أو يقسمو السنة ترمين أو كدة , مفيش فايدة. بصراحة ظلم , أنا اصحابي السنة الي فاتت عشان انفلونزا الخنازير نص المناهج اتلغت , دة امتحنو العربي في القراءة بس , اتحذفلهم النصوص كلها , دة غير باقي المواد , واحنا الترمين في ورقة واحدة , وامتحاناتنا قبلهم يلا ربنا يعديها على خير السنة دي بس |
ارجو احد من السادة المسئولين فى وزارة التربية والتعليم يفيدنا عن ميعاد امتحانات ابناؤنا فى الخارج لعام 2011 ارجو الاهتمام والمتابعة لنه جد خطير بالنسبة لنا خارج البلاد
|
هو انتي محدش بيذاكرلك يا مها ؟؟
انا بابا كا بيشرحلي الرياضة والكمبيوتر عشان مش بفهمهم والكمبيوتر فعلا فظيع بس لازم حد يشرحهولك لانه مضاف للمجموع زيه زي اي مادة زي ما بتقولي بس ازاي الرسم مضاف للمجموع في السفارة وفي مصر اتشال من المجموع ؟؟ كده يبقى ظلم لنا لاني انا اصلا بكررررررره الرسم ودايما بجيب فيه درجات وحشة اوي ولو داخلي في المجموع السنة دي ابقى انا كده ضعت تقريبا حرام يكون في مصر مش مضاف ويكون هنا مضاف مش كفاية الظلم الي احنا فيه اصلا زي ما بتقولي فعلا السنة الي فاتت شالوا حاجات من المنهج واحنا متشالتش من عندنا والسنة دي كمان ممكن يلغوا حاجات ربنا يستر السنة دي اعديها بس وادخل ثانوية ان شاء الله وبعدها عمرري ما هكمل في السفارة دي ابدااااااااااااااااا :(( |
لا أنا بذاكر لوحدي , بس بابي بيذاكرلي الساينس , و الماث
ومؤخرا جابلي مدرس للماث عشان مش بيفضى يذاكرهولي , بس أساسا كتاب الترم التاني موصلنيش لسة .. وباقي المواد أنا بذاكرها لوحدي , مامي بتذاكرلي الفرنش , بس دة مش بمتحنوا الا في مصر لما بنزل دور تاني .. وبعدين الرسم متضاف من اول ما دخلت اولى اعدادي للمجموع ,, وهو فعلا الرسم والكمبيوتر الي بينقص مجموعي كتير كل سنة , والعربي كمان بنقص فيه كتير أوي :d هو انتي كنتي أصلا في مدرسة في الامارات وحولتي , ولا كنتي في مصر ولسة جاية ؟؟ |
انا كنت في مدارس في مصر لحد سنة 6 ابتدائي دخلها هنا في الامارات وبعدين المناهج هنا غبية اوي وبابا عايزيني اذاكر المنهج المصري فدخلت المدرسة في مصر 1 اعدادي لكن تانية وتالتة في السفارة :(
صحيح انا معرفش انا هعمل ايه في الفرنساوي لما انزل مصر انا بقالي سنتين كده ممتحنتوش ولا ذاكرته ؟؟ لما انزل مصر همتحنه لسنة 2 و 3 ؟؟؟؟؟ |
انتي في الصف الثالث الاعدادي الان كما ذكرتي سابقا
عندما تنزلين الي مصر ستكونين في الصف الاول الثانوي وسطبق عليك اللغه الفرنسية مثل بعض محافظات مصر لان اللغه الفرنسيه نظام تجريبي في بعض المحافظات فقط ولن يطبق عليك هذا العام انما العام القادم في الصف الاول الثانوي 2011/2012 |
اسفة على التأخير في الرد انا مش بتابع السايت هنا دايما
|
اسفة على التأخير في الرد انا مش بتابع السايت هنا دايما
انا فاضلي 4 نصوص ودرس جغرافيا واكون خلصت الترم التاني وابتدي مراجعة معلش ما عملتش حساب ان الكتب ممكن تكون جاتلك متأخرة انا جاتلي يوم 10 فبراير كاملة وعملت مخطط اننا اخلصها اول مارس وحاولت في الفترة لحد ما كتب الترم التاني جات زاكرت القصة الترم التاني وخلصتها كان عندي القصة ترمين كتاب وزارة بس شهر فبراير خانني وطلع 28 يوم :d الكمبيوتر والرسم مجهزالهم عشر ايام قبل الامتحان اخلصهم فيه واراجعهم الكمبيوتر والرسم بيتضافوا للمجموع السنة الي فاتت ما زاكرتهمش غير ليلة الامتحان وقعوا مني جداااااا دايما المواد السهلة دي المفروض ما نآمنلهاش ياريت والله اكون معاكوا انتوا الاتنين انا بقالي يجي 6 سنين بمتحن بنفسس النظام ومن كتر ما اخدت الموضوع بجدية ما بصاحبش حد في الامتحانات لحن الفرح اعتمدي على ربنا وعلى نفسك الامتحانات بتيجي كويسة علفكرة مش صعبة مها انا من تالتة ابتدائي وتانية ابتدائي ما كنش ينفع امتحن في السفارة فروحت دور تاني وزاكرته لنفسي برضو مش عارفة ليها حاسة اننا مظلومين اوي اننا نزاكر ترمين مع بعض نفسي اخلص الترم الاول وانساااااه وما اشغلش نفسي بيه نهائي خلاص هانت شهر وشوية ونخلص يا ممسهل ربنا يوفقكوا في الفرنساوي هانت |
لحن الفرح , هو انتي منين ؟؟
أنا باخد فرنش من اولى اعدادي عشان أنا لغات تجريبية ,انتي لو عربي يبقى مش هتاخديه الا من اولى ثانوي بس على فكرة الكمبيور أنا مش فاهماه خالص . مش عارفة دة همتحن فيه ازاي ؟؟ :( |
احفظي او اقري يا مها
المهم تقريه وهتلاقي الاجابات بتجر بعضها في الامتحان :d اقريه او افهميه بس واعرفي البتاع بتاع التدفق ده او زاكري ترم واحد هو مش مفهوم ومافيش تجارب قدامنا عشان نعرف هم بيتكلموا عن ايه زي المدارس يقعدك قدام كمبيوتر ويوريك هم بيتكلموا عن ايه هنا مافيييييش حد يورينا اصلا فافهميه او اقريه بس |
بحاول أفهمو أهو ,
أنا عايزة أتظاهر عشان يلغو البيولوجي السنة دي |
السلام عليكم يا بنات ربنا معاكو انا ام لطفلين تالته واولى ابتدائى اول سنه لينا فى السعوديه وخايفه اكون ظلمتهم علشان خدتهم من مدارسهم واصحابهم لكن ظروف عمل باباهم كده وانا اللى بذاكر لهم وبحاول اعوضهم عن المدرسه علشان مستواهم ميقلش بس عاوزه اسألكو انتو مستواكو ايه مع اللى فى مصر وكمان حالتكو النفسيه عامله ازاى بعد السنين دى لما بتنزلو مصر ليكو اصحاب ولا لوحدكو انا خايفه علهم ميعرفوش يعملو اصحاب لو طولنا هنا خصوصا بعد اللى حصل فى مصر مش بنفكر نرجع دلوقتى ردوا عليا لو سمحتو
|
انا من زمان وبمتحن بنفس النظام ده
اول يوم دخلت كنت متحمسة ومبسوطة وكونت صداقات لحد اخر يوم امتحان وكانوا بيسلوني وبيشجعوني انا الحمدلله كويسة احنا سابقين الي في مصر توزيع المنهج في مصر المفروض يخلصوا في اخر ابريل انا خلصته في اول مارس وابتديت اراجع اهو الحمدلله ماشية كويس بالنسبة لحالتي النفسية ما اكدبش على حضرتك انا ضايعة تقدري تقولي حضرتك ما عنديش شخصية بكتب على النت وبرغي بس ما بعرفش اكلم حد طبيعي وطول الوقت وشي يحمر وايديا تعرق وبتلعثم في الكلام وبتكسف جدا جدا جدا ما تعزليهمش عن الناس وخليهم يكونوا صداقات في الامتحانات والجيران هنا وفي مصر سهل جدا بين الاطفال تكوين صداقات بس المهم يكون عنده الجراة انه يتعرف ويتكلم ودي حاولي حضرتك ما تخليهوش يخسرها انا للاسف خسرتها وضاعت مني وكان عندي صحاب طفولتي كبرت ما بقتش حتى اعرف اهزر واضحك معاهم زي زمان وبقيت مملة تقريبا معاهم وما بقيناش نشوف بعض نهائي حاولي حضرتك تقوي شخصيتهم وتخليهم يتكلموا ويتصرفوا من دلوقتي وده هيسهل عليهم مهمة التعارف وتكوين صداقات هم لسة صغيرين فوجود اصدقاء في حياتهم مش هيفرق معاهم لكن لما يكبروا هيلوموا حضرتك فانقذي الموقف وحاولي تعوديهم ولو في عندكوا جيران في البلد الي حضرتك فيها تقدري تخليهم يلعبوا مع ولادهم المهم ما يتحرموش من فترة الطفولة لان اخويا الصغير فيه مشكلة كبيرة وغريبة من كتر ما هو مش بيقابل حد غيري انا واخويا الكبير دماغه كبرت اكتر من اللازم وهزاره بقى هزار جد مش هزار اطفال وهو لسة 10 سنين بقى يتكلم كلام واحد في ثانوي ولما بيقابل صحابه في مصر بيبقى في فرق في مستوى التفكير كبير فبيبقى ممل بالنسبالهم وهزاره ما بيتفهمش ده حتى الكرتون بقى يتكسف يشوفه فلو ولاد حضرتك ما قابلوش ناس من مستوى تفكيرهم مش مهم تكون صداقات دائمة على الاقل عشان تسليهم وتشجعهم على المزاكرة في البلد الي حضرتك فيها لو ما قابلوش اطفال من مستوى تفكيرهم هيتحولوا لرجالة في ابتدائي زي اخويا عامل زي واحد في جامعة عنده 10 سنين وياريت تكونوا بتنزلوا في اجازاة اخر السنة عشان هتعوض كتير وهينزلوا مصر يزهقوا من اللعب ويرجعوا يزاكروا تاني ربنا معاهم يارب |
اسفة يا بنات اني مدخلتش واتأخرت في الرد
انا من اولى اعدادي وانا مقرر عليا الفرنساوي وامتحنته سنة اولى لكن تانية وتالتة لا ولسة معرفش ايه الي هيحصل انا مش قلقانة منه لاني شاطرة فيه وبحبه كمان انا من اسكندرية يا مها ياريم بالنسبة للكمبيوتر انا مختلفة معاكي ده محتاج فهم وحفظ كتييييير جدا وممل وفظيع ده بقى اصعب من المواد الصعبة بس انامتهيألي ان الامتحان هيبقى متركز على الترم الاول بس لان الترم التاني زي ما بتقولي نظري بس لكن الترم التاني عامل زي الرياضة انا كتاب الانجليزي الترم التاني لسة واصلي انبارح الحمد لله وبدأت فيه اهو بحاول على اد ماقدر انجز وسايبة المراجعة لقبل الامتحا باسبوعين لاني لسة مقفلتش حاجات كتير اقتباس:
بس ربنا يستر احنا شهادة دلوقتي ( على فكرة انا اسمي رنا عشان صعب عليكوا كل شوية تقولوا لحن الفرح :) ) اقتباس:
لكن الحالة النفسية دي (( تحت الصفر )) بجد والله مش سهلة ابدا اني ماروحش مدرسة وافضل محبوسة في البيت اذاكر لوحدي ومفيش اصحاب ومش عارفة انا ماشية صح ولا غلط وفعلا زي ما قالت ريم والله العظيم انا كنت في مصر شخصية قوية وجريئة اقدر اتكلم مع اي حد واتكلم مع الكبار وتعرف على ناس جديدة لكن هنا مبقيتش عارفة اكون صداقات ولا اكلم اصحاب ماما وبابا وارد عليهم حتى وخجولة جدا ولا عارفة اتكلم ولا اضحك مع حد ومعنديش ثقة في نفسي خالص الكلام ده كله كان السنة الي فاتت لكن الحمد لله لما خلصت امتحانات وجبت مجموع كويس وطلعت الاولى على البنات الي كانوا معايا في الامتحان ثقتي رجعتلي تاني وبقيت اتجرأ اني اكلم حد واتعرف على بنات جدد واكون صداقات تانية واتصاحبت على مجموعة بنات فعلا لكن نزلوا يكملوا في مصر ودلوقتي انا معرفش اي حد ورجعت تاني بدون اصحاب لكن الحمد لله كونت شخصيتي تاني من جديد ولسة على اتصال باصحابي الي في مصر وبكلمهم على النت وفي التيلفون زي ماقالت ريم لحضرتك متعزلهمش ابدا على ناس وحضرتك ابدأي تشوفيلهم اصحاب وتروحي تعرفيهم على بعض ماما عملت كده مع اخواتي توأم 10 سنين كلمت صحباتها وزمايلها وخلت اولادهم يصاحبوا اخواتي ويخرجوا سوا كل اسبوع عشان ميحسوش انهم محبوسين ويتجرأوا يتكلموا ويتعرفوا على ناس وكمان عشان هما صغيرين يا طنط حاولي على اد ما تقدري تخليهم ينزلوا مصر كتير على فترات كده عشان لما يكبروا وينزلوا مصر ان شاء الله ميحسوش انهم في غربة وميعرفوش ولا اهل ولا اصحاب |
اقتباس:
أنا كنت في الأول في مدرسة سعودي بجانب المدرسة المصرية , يعني بدرس المنهجين وبمتحن فيهم , مع ان دة ممنوع , ولما اكتشفو الحكاية دي جالي قرار استبعاد من الوزارة مع المنع من التحاق بأي مدرسة سعودية في وقت لاحق .. :slap1qk6: مش هكدب عليكي هو فرق كبير جدا , انا اه كنت بتعب أوي في المذاكرة خصوصا انو جت عليا سنة كنت بمتحن الصبح في المدرسة السعودي امتحانات نص الترم التاني , وأنا عندي بعد العصر لجنة في السفارة ,طبعا مكنتش بنام .. دلوقتي بقالي سنتين قاعدة في البيت , من غير صحاب , وكنت في عمارة كلها هنود , احنا بس الي عرب , نقلنا عمارة جديدة بقالنا 3 شهور , كلهم مصريين وسعوديين , بس محدش بيكلم حد ومبيردوش السلام علينا أصلاً ,, :confused: القعدة في البيت تخنق بجد , ولما بنزل مصر في الصيف مليش أصحاب غير وحدة بس دي الي بخرج معاها , وأغلب الصيف أصلا بتقضيه عند أهل مامتها في كايرو , دي كانت سفارة زيي , وفي نفس مدرستي في مصر , بس أكبر مني بسنة وقاعدة في الرياض , والسنة دي حولت منهج سعودي , لما بتسافر كايرو مش بلاقي حد أخرج معاه أو اكلمو , وكمان ملناش جيران , يعني مليش علاقة بأي حد تقريبا :( وأصحاب اللجنة على أد الامتحانات بس , مش بشوفهم ولا بكلمهم , كلهم في مدارس تبع السفارة , أكيد سمعتي عنها , أي واحدة تأجر فيلا وتعملها مدرسة , وكل شوية الهيئة تنط تقفلها عشان ميكس وعشان من غير تصريح , أكيد حضرتك عارفة انو مينفعش يطلعو تصريح عشان جامعة الدول العربية تمنع وجود مدرسة عربية داخل دولة عربية أخرى ,:bosyht9: وأدينا بنتعايش أهو , هنعمل ايه ؟؟ :blush: هو حضرتك فين في السعودية ؟؟ |
رنا أهلاً بيكي ,,
على فكرة أنا كل لجنتي من اسكندرية :d |
امتحان ابناؤنا فى الخارج يوم 9 ابريل ولغايه النهارده لا فى ارقام جلوس ولا جدول امتحان افيدونا يرحمكم الله
|
السلام عليكو يابنات اسفه على التأخير وشكرا على ردكو انا من اسكندريه وعايشين هنا فى جازان وللاسف احنا منعرفش حد من الجيران وجوزى ملوش اصحاب لانه المدير للشركهومش فاضى يتعرف على الجيران بس اولادى بيلعبو مع بعض كويس وكمان كرتون ونت وبيكلمو اهلنا كتير على النت وانا علشان عندى ثقه فى نفسى بزرعها فيهم انتو كمان اهم حاجه الثقه فى النفس
وبالنسبه لنظام الترمين هو متعب لكن بيعود الطالب يجمع النهج كله فى دماغه وبالتالى ثانويه عامه تبقى عاديه بالنسبه له وده انا لاحظته فى طلبه كتير من هنا وكلهم متفوقين عقبالكم انا سمعت هيلغو 20 فى اليه من المناهج احنا معاهم ولا لا باى دلوقتى |
فعلا يا طنط لغوا حاجات كتييييييييييير اوي من كل موادنا كل الصفوف لكن مش عارفة هيتطبق علينا ولا لا
اناهتصل بالسفارة اسألهم |
ايه موقف ابنائنا في الخارج من الالغاءات في المناهج !!! حد يرد عليا بسررررعة
انهاردة صدرت منشورات على موقع وزارة التربية والتعليم بالغاءات كتيرة جدا في كل المواد لكل الصفوف الدراسية الحاجات الملغية دي ملغية عندنا بردو في ابنائنا في الخارج ده ؟؟؟؟؟؟؟؟؟؟؟؟ اتصلت بالسفارة قالولي مفيش الغاءات وصلت لهم واحنا ملناش دعوة بالي في مصر !!!! وهو اصلا بيقولي انا معرفش طيب انا اعرف منين او اسأل مين ؟؟؟؟؟ مش المفروض على موقع وزارة التربية والتعليم يقولوا ان ابنائنا في الخارج زيهم زي الي في مصر هما لغو الحاجات دي ف مصر عشان مش لاحقين امتحانتهم اخر شهر خمسة والمنهج كبير امال احنا نعمل ايه امتحاناتنا اول شهر 4 وترمييييييين كمان يعني احنا الاولى انهم يلغوا عندنا بالله عليكم حد يرد عليا بسرعة او يسأل مسئولين كبار احنا وضعنا ايه والدروس الي اتلغت دي نذاكرها ولانكنسلها ؟؟؟؟؟؟؟؟ |
للأسف البلد اتغير جوة لكن اللي برة زي ماهمه نفس المعاملة نفس الأداء . 39 اتصال عشان اعرف الجداول والرد تعال القنصلية أو استنى النت . وزي باقي الناس من حقنا نستفيد من تخفيف المناهج وكفاية المناهج الجديدة لسة واصلة عن طريق المعارف . يعني يجرى إيه لو يجيبوا نسخ من الكتب بدري ولو مصورة ويبيعوها زي ما بيبيعوا أي شيء في القنصلية .واأنا زي كل الناس في انتظار الرد
|
طيب و اشمعنا احنا ميحذفولناش اي جزء المفروض يبقى زينا زيهم و بالعكس احنا اولى منهم
|
لا اطمني يا لحن الفرح انا عارفه ناس كتييييييييييييييييييييييييييييييييييييييييييييييير في 3ع محتاسيين بردو في الطائف متخافيش ان شاء الله تنجحي و تخلصي
( انا بنت في 2ع بس مسجله باسم اخويا ) |
فعلا والله المعاملة مش بتتغير خالص والراجل بيرد بوقاحة واستهزاء
والمفروض طبعا ان احنا اولى منهم مليون مرة على الاقل احنا بنمتحن الترمين قبلهم بشهر ومنازل وكمان كتب الترم التاني بتيجي متأخرة جدااااااااا والرد المعتاد في السفارة منعرفش منعرفش اسألهم نشتري الكتب منين .. منعرفش اشتروها من مصر طيب الجداول امتى .. منعرفش ربنا ييسر طيب والرسم مضاف للمجموع ولا لا .. منعرفش بردو امال مين الي يعرف مش فاهمة يعني كل حاجة ميعرفوش طب يعرفوا ايه واقترحنا عليهم مليووووووووووون مرة فعلا يبعولنا الكتب زي مصر عادي واقترحنا الف مرة يعملولنا دروس نحضرها وشرح ولما اخيرا وافقوا قالوا لو العدد كله هيحضر الدروس هنعملها لو واحد بس مش هيحضر يبقى لا ومطلوب مني اتصل بكل الي معايا اتحايل عليهم يدخلوا معايا يعني ولا ايه !! ربنا يتوب علينا من النظام ده |
ياااااارب نخلص بقى بجد تعبنا اووووووي
|
| جميع الأوقات بتوقيت GMT +2. الساعة الآن 11:48 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.