لكل من له طفل اتم الخامسه والنصف سيمتحن فى السفاره المصريه

[الجامد قوى99]

يا جماعه الخير سيتم امتحان ابناء العاملين فى الخارج بدايه من الصف الاول الابتدائى وحتى الاول الثانوى
والبيان نزل على موقع وزاره التربيه والتعليم وهذا هو الموقع
http://knowledge.moe.gov.eg/arabic/

[ام مريم ومحمد]

طيب يا ترى ممكن حد يفيدنا


بالنسبة لاولى ابتدائى الامتحان بيكون شفوى ولا تحريرى لان فى مصر تقريبا بيمتحنوا التربية الدينية والانجليزى شفوى

ياريت اللى عنده فكره يعرفنا

وجزاكم الله كل الخير

[المبتسمه]

ما هو مصير ابناؤنا فى الخارج العام القادم

ياترى هل صحيح ما وصل الينا من ان السيد وزير التعليم قد قرر عدم السماح لطلاب ابناؤنا فى الخارج العام القادم دون الالتحاق بمدارس مصريه نظاميه فى خارج مصر؟؟؟

بمعنى ان شرط الالتحاق بالامتحان ابناؤنا فى الخارج ان ينتظم الطالب فى مدارس مصريه ولن يقبل اى طالب غير ملتحق بالمدرسه او ملتحق بمدارس اخرى فى البلد التى يعيش بها رجاء اللى عنده معلومات يفيدنى!!!!!!!!!

[المبتسمه]

ولا رد ولا حد عارف

[ام مريم ومحمد]

مفيش مشكله يعملوا لنا مدارس مصرية فى البلد اللى احنا فيها واحنا ندخل اولادنا


وبعدين هو قاعدتهم ومذاكرتهم فى البيت سهله علينا او عليهم


مش كفاية انهم بيمتحنوا الترمين وكفاية اننا بنحشى الكتب ده كلها فى دماغهم مرة واحدة


ربنا يرحمنا برحمته

[عربي انا]

هم عايزين مننا ايه بالظبط احنا في الخارج وافدين وفي مصر نسمي ايضا وافدين يعني احنا بدون جنسيه حتي يعاملوننا بهذه الطريقة السيئة يا اخي الجالية الهندية شايلينها من الارض شيل مش ناقص السفير غير انه يبوس فوق راسهم وعامليلهم مدارستدرس الهندية وليهم منح واحنا العرب نضرب بالجزمه اذا رحنا السفارة او بلدنا للدراسة الرسوم مضاعفه علينا وكاننا احنا خلاص وزرة متعينين برة كفايا ولياء امورنا متعذبين برة عشان يدبرو لينا العيشة الكريمة ونحن متفوقين بس مشكل الي برة يقدر يدخل خاص (( حسبنا الله ونم الوكيل )) اقولها في السؤلين الي ثبطوا امالنا ودمروا امالنا علما انا احنا مصريين مئة في المئة ونحن اكثر ناس وطنية واكثر حبا وانتماء لها وهم عارفين انو ا نحن لا نستطيع الفريط في حبة رمل من مصر لكي الله يا امنا مصر ..

[الأستاذة أم شاهندة]

لا يوجد ما يؤكد هذا الكلام
ولا ما ينفيه

وأعتقد أنه مستحيل يكون حقيقى


إن شاء الله الأمور عادية وكما تعودتم
وإلا كان تم إلغاء امتحانات السفارة

بالتوفيق للجميع

[omanas]

أعتقد هذا الأمر خاص بطلاب الصف الثالث الإبتدائى 000كانوا يمتحنوا فى السفارة من غير شهادة مدرسية لأولى و تانية بس من السنة الجاية إن شاء الله سيطالبون بشهادة لذلك لابد من أن يكونوا مسجلين بالمدرسة 000و لكم تحياتى

[.Maha.]

طيب مش الي يطلع قرار دة يعلنو ؟؟ ويبلغ الناس ولا يسيبنا كدة ؟؟

[essam hassan mohammad]

عاوز اعرف هل تأجيل الدراسه فى مصر هيأثر على موعد امتحانات ابناؤنا فى الخارج

[.Maha.]

وكمان سمعت انو الترم التاني احتمال يتلغى , ولو متلغاش هيقللو منو , هل دة هيشملنا احنا كمان ولا احنا مع نفسنا ؟؟

[الأستاذة أم شاهندة]

المشاركة الأصلية كتبت بواسطة .maha.

وكمان سمعت انو الترم التاني احتمال يتلغى , ولو متلغاش هيقللو منو , هل دة هيشملنا احنا كمان ولا احنا مع نفسنا ؟؟

لا أعتقد أن الغاء شئ قد يطبق عليكم لأن الظروف هنا مختلفة
بدليل العام الماضى ما تم إلغاؤه أثناء موسم انفلونزا الخنازير ظل مفرر عليكم

المشاركة الأصلية كتبت بواسطة essam hassan mohammad

عاوز اعرف هل تأجيل الدراسه فى مصر هيأثر على موعد امتحانات ابناؤنا فى الخارج

لا أعتقد لأن مؤكد إن شاء الله تعود الدراسة وينتظم الحال قبل موعد اختباراتكم


بالتوفيق للجميع

[.Maha.]

شكراً أستاذة أم شاهندة

[tamerdarwish2007]

ارجو احد من السادة المسئولين فى وزارة التربية والتعليم يفيدنا عن ميعاد امتحانات ابناؤنا فى الخارج لعام 2011 ارجو الاهتمام والمتابعة لنه جد خطير بالنسبة لنا خارج البلاد

[Alyokasha]

امتحان ابناؤنا فى الخارج يوم 9 ابريل ولغايه النهارده لا فى ارقام جلوس ولا جدول امتحان افيدونا يرحمكم الله